|
|
 تماضر الخنسـاء شكلك كدة كتّرتي المحلبية !!!
|
البوست أهداء للحبايب الشينين سماحة... السمحين شناة
الدنيا من غيرهم
خالد المحرب و ام أحمد
هاشم خلف الله والجماعة
تاج السر الملك
حبيتنا كلنا دكتورة بيان
أخونا عادل فلسفة
رجوية و راوية عب حميييييد
والجماعة ناس فلان وفلانة
وكتيرين جواي متحكرين
بس دقيقة بس بجيكم صاد
|
|
 
|
|
|
|
|
|
|
 Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
ساسق ما بين نزيفك و الخرير ... خاطر عشم غالطني فيك !!
قال يا أنتي يا صوتك بنفسـج ... في الحفلة يا لونك قصيد !!
انا قلت ليك شكلك حزين ... طعم الفرح في الدنيا دي ...
أو عاملة نفسك قوس قزح .... والريشة بتاخد شبال في لوحة
شاعر مجنون ........ هبّش و فتّش ..... شان حالاً أغبش يتلوّن !
صارع في شارع بوصل ليك ..... ساكك في سِكـكـاً تغشاكي !
حارب وضارب ..... كاتل وناضل .... ميِّت كان تحيي .. بضحك
كيف تبكي ؟؟؟؟؟ بي دموا بيكتب غنوات شان تمسح معني المأساة!
لقطت ليك صفق الحِنــــَّة ... و أنتي كترتي المحلبيــــــة !!!!
قصدك تشيل فينا المحَنـــــة ؟؟ والحال كرعينوا مشققة ... محتاجة
لي شوال نشـــادر !!
مرة و باقي النخلات ورا .... يا الباقية ليك القمرة ضرّة !! لو ماضي
رايح جانا بكرة .... كان قيّلت في ضراها ( مريم ) غير شك وتمت أربعين
تغرف تســـتِّف في الحنين !
تنفح قصايدك صندلية ........ تمنح حروفك سـُرتيـــــــــة !!
محلب و دلكـــــــــــة و زعفران ... نعناع وقرفة و هبهان
في الصحرة قولك زمزمــية .... يا غنية مارقة مكبرتة ... كتبوها
في حفرة دخان !!!
يا مقدرة و يا سيطرة .... بي السيرة شخبتي القصيد ... و
المحلِّي داخل عطبرة ......... أحساس بيقدل في طرب ..
الليلة زي راجل المرة .... وعروسنا قمرة و مقدرة... يا بلال
لي انا .... الليل ليلنا يا بلال لي انا !!
يا طابقة البوخــــة الفكرة ...... يا رافضة قبول المعني الأغبش !
يا الأملس قولك لمن يجرح خاطر الغُبُش الأغنياء عِفة كلاماً ني
يا حس فنجان القهوة...... في صمت الخـرمـة الشوق !!
تتقريف ليكي الدنيا ....شان أنتي تمامـة الكيف ... يا الغيمة المرقت صيف
يا المحل الجاهو خريف !!!
المرة دي شكلي انا الكترت المحلبية !!!
الحتة مزاجا حرير ......... والنيل الأزرق مستنِّي بي حِسوا الأبيض ويغني
الأمسية شـَعَرِك ..... في شِعرِك كوكب بتدلّي ... ما تكشفي حال
الليل و القمرة ..... شان رقصوا و قبّلوا عينيك .... في غنية نغيما سماوي
في ذاتنا بتشرحي غاياتك .... الفرح الطازج آياتك .... والله أكبر
ولله الحمد ....
عشان ما تقوموا تكتروا المحلبية و هكذا !!!
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
من كلمات حسين حمزة و ألحان أبو عركي
جسمي أنتحل
جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاسبب الألم
اعطف علي وارحم عيني..
قالوا الشفادونك عدم
شوف الدموع ماليات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاش حياتو مع الحزن
ضمد جراحو ومره سيبو
ينساها ويــــلات الشجن
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
Quote: تنفح قصايدك صندلية ........ تمنح حروفك سـُرتيـــــــــة !!
محلب و دلكـــــــــــة و زعفران ... نعناع وقرفة و هبهان
في الصحرة قولك زمزمــية .... يا غنية مارقة مكبرتة ... كتبوها
في حفرة دخان !!! |
عزيزي الحبيب نورة
صدقني تعرس تاني الحاجات دي تجري منها جري
اسال مجرب..
كلنا كنا عذابة زيكم وشفقانين..فلا تغرنكم هذه المشهيات انما هو كمين..
كمين كبير..
تحياتي عبرك لي الفراشة تماضر الواقعة من باقة ياسمين
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: DKEEN)
|
Quote: يا مقدرة و يا سيطرة .... بي السيرة شخبتي القصيد ... و
المحلِّي داخل عطبرة ......... أحساس بيقدل في طرب ..
الليلة زي راجل المرة .... وعروسنا قمرة و مقدرة... يا بلال
لي انا .... الليل ليلنا يا بلال لي انا !!
|
يازول ماتسمع كلام دكين بودرك ساي ,,,
وأنت لا ضقة حنة ولا ضرير وهوراجل المره غنو ليهو حلوه حلالا،،،
والتحية عبرك ياحبيب نورة لكل المزكورين والفي بال خواطرم هائمة،،،
واصل سكة سفرك عبر البخور والصندلية وما تكترة المحلبية،،،
شهيتني العرس تااااااااااااني والله عالم بحالي ،،،أبوقصي،،،
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
يـــــا الــــــمـــــســـــــــخـــــــــــــــوت
انا دخلت اسلـــــــــــــــــــم وافوت
لقيت عندك حلو الكلام لـــــــــــي نا س كبير ه
وتستاهل تعظيم سلام
Quote: تنفح قصايدك صندلية ........ تمنح حروفك سـُرتيـــــــــة !!
محلب و دلكـــــــــــة و زعفران ... نعناع وقرفة و هبهان
في الصحرة قولك زمزمــية .... يا غنية مارقة مكبرتة ... كتبوها
في حفرة دخان !!! |
والله ياحبيب نوره انت روعه جات في زمن غلط
تعرف ياحبيب تماضر دي انا بقيت ادخل اقراء
كلامه واطلع من غير اعلق علي ولاحرف
لانها بتكتب كلام بتحس انه بخترق دواخلك
ويجبرك انك تعيشه كلمه كلمه وتحس
شحتفت روح لما تقرب روحك تتطلع
وانا كلمتها انها يوم ح تموت ليها زول بي
كلامه الزي العسل وبرضو زي السهام
انشاء الله ما تكون انت
ياروعه تمشي علي الارض
ام احمد
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
وعارفني بشتاقك أكيد..
وأشتاق أسابق وِجهتك
تلقاني في أوّل طريقك..
والشوق بيرسم سكتك
ماني بمتهن الملام..
لو أخّرك ظنّك شوية..
ولاهو محزون الكلام..
لو بي قساك مُرسَل إليَّ
لكني بشتاقك دوام
وبخبرك حالي العليّ
يوم فارق الليل المنام
والغمضة بتخاصم عينيّ
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
عوووووووووك
الله يأزاهو التمحرك
فاتني قطار النضم
سابني واقف تحت الشمس
والمحطة هولت
جبت الحبال
يارب بقر
وأخدر عزاز
وشدرا ضل
حرقتني الشمس
وما رضيان أمش
وكون قطاركم مر فات
بعيدة تب وما بتنبلع
والغصة تطعن في القلب
ونضميني الكتر
ياحبيبناالليلة ذاد
ومابنفهم
داير ترجمان
ومرة مرة بفط سطر
واحلب لبن طير البقر
وأجابد أكان ألفى السراب
ديمة يتعارض لي غراب
هسي مافي أي إحتمال
يرجع قطاركم
لو كات خرب؟
أو تكوب صبت مطر
سجمت الدرب
أخليني وافق؟
واللا أفوت
قطر عجيب
يمكن يجيب!!
زح لي أتفن معاك
ما الرض بتشيل كتير
نورالهادي
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: abubakr)
|
الاخ الغالي حبيب
ام احمد دى حاجة تانية على الطلاق فيها الكرة والدرة وكفى
ام احمد بتذكرنى عمتى فاطنة بت شيقوق تدقني وتجضمنى وتلحقنى ندمانة باللقيمات والشعيرية في بيتنا
وفاتن ودكتور احمد ولينا بذكرونى الفاتح وشادية وقت امهم تزعل منى بيكونى في صفي ضد امهم
لكم عميق مودتي
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
لو تعرف الساعة كم ؟؟ كنت عذرتني
يبن لي البدر الذي لا أريده ويخفين بدر ما إليه وصول
عليكم الله البدر بطلع الساعة كم؟؟؟
الساعة إتنين وتلت صباحاً بتوقيت المكان الأنا فيهو
لكني منتظر
طلوع البدر
ح يطلع ؟؟؟ ما بطلع ؟؟؟؟
وأنا فى إنتظاري دا لقيتكم
كايسين لي أقمار تانية
تعالو نفتح أكاديمية البحث القمري للاشواق والأحاسيس النبيلة
وفرحان بيكم
لأن ذو القديم وإن تعزي مشوق حين يلقي العاشقين
بس يا ريت ما ألاقيكم كتير يمكن جرحي يبرأ
وزي ما نساني قلبو يمكن قلبي ينسي
ح ينسي؟؟؟؟
مااااااااااااااااااا أظن
| |
|
|
|
|
|
|
|
|
|
Re: تماضر الخنسـاء شكلك كدة كتّرتي المحلبية !!! (Re: حبيب نورة)
|
حبيبها..
دروب الشوق..إليكَ مشيتا
وندهتا على الألحان كان تقدر تاخد من جوّايَّ غنايَّ
وتديك الكلمة البدري الهديتا..الشوق..معناي
وبين عينيك تعبت أسفاري
كيفن أوصلّك ..وإنتا معاي
مابين روحاتي وبين الجيّة
شفتك شايل شوقك وجاي
حنيني مشلهت ولسّه بنادي
بتعرف ريدي إليك شاشاي
أنا ساسقتا دروبك فرحة
عشتك غنوة ريد لي زولاً مافي
نجمو بعيد حواليهو أماني
شايفو حنين ومرة بجافي
إنتا بتعرف إنك دون الليل بتغطّي همومي
إنك صحوي...وشاغل كل مساحة نومي!
أنا بشتاقك
كل ماينادي القلب دماهو
تسرع تجري وتحضن فيو شريانو
تدخل كل مسام النبض معاهو
وإنتا براك بتدوزّن كل سريانو
أنا بشتاقك
تشهق روحي يوم بتشوفك
وزي بتموت أعصابي الفيها
لحظة..وتحيا..لمّا سلامك يوصل
أنا بتستنهض كل القدرة الفيني
وأقول للشوق الفيني إتمهّل..
غطاني الشوق..أنا بيهو مبلّل
أنا حالي مودّر وقلبي معلّل
لي لقياك أنا صبري إتقلّل
أنا بي بساطة
زول بيريدك
وكتير بشتاقك.
| |
|
|
|
|
|
|
| |
حبيب نورة
مجدي عبدالرحيم فضل
عفاف أبو حريرة
هاشم أحمد خلف الله
نهال الطيب
abubakr
الطيب شيقوق
Tagelsir Elmelik
ست البنات
Fadl Karrar
إسحاق بله الأمين
فيس بوك
تويتر
انستقرام
يوتيوب
بنتيريست