بعد العذابات والعنا، اشتياقاتك..غُنا، والحكايات الكبيرة..برغم بعد الأمكنة، الكنت تحكيها وتعيدا..عن احتمالات اللقا، عن ارتحالاتك..هناك..واشتهاءاتك..هنا ، عن احتمالي، وكيف بتسأل عنّو..تاني؟؟ بعدما أدمنت ريدك.. القُدرة..جد..غِلبت..تشيل..جوّاها..ليك..الاحتمال، ماكان عذاب الليل بشيلك، وليّ بجيبك، كان بسوقك من حنينك، في حنينك كنت بخدر، كان بفوق قدام عيونك، وفي عيونك..تاااني أغمر،
كان تصحيني وتنادي، كان تصحيني وبتقدر.. وكان حروف اسمي البتنده بيها انت، كان بتكتل احتمالي. وجاي بتسأل عنّو تاني؟؟ لو كنت ببقالك ودادك، زي كلامك أو سهادك، ماكان بتديني الليالي.. الفيها برهن..إنشغالي، ماكان بتديني الطيوف..وانت شخصك..حي..وباقي، ماكان بتعكس ليّ خيال..وانت صورتك شاغلة بالي، ماكانت تقرّب ليّ..حزن..سامعو ضحكك في قُبالي، ماكان بتحكي ليّ حكايتك،من كتاب بشكيلو حالي، انت بخلان وماني بسأل عنّو..جودك، لاني بسأل عن مواعين الحنان..الكان بتملاها بوجودك، وكنّا نغرف، أيوة..نغرف، وكنّا ننهل، احنا..ننهل،وانت تروى، ماكان بنستغرب حروفك لمّا تطلع في كلامنا، لابنستغرب ايديك لمّا تحضن طيف سلامنا، أو حتّى نستغرب مشيك.. لمّا تمشي السكّة..انت، واحنا نتعب زي كأنّو مشينا إحنا وما....مشيك، ولو جذور الطيبة مادّة زي تقول جوّانا إحنا، يبقى ريدك هو السقاية..ويبقى بحرك ليّ وشيك، أصلو طافح ريدي ليك وفيك..غريق ولو صحيح ينبوع صفاك طالّي من جوّانا برضو، يبقى نور الكون ده كلّو..طالّي من فجّة ..وشيك، أصلو لو داير الحقيقة، انت منبع شوقنا انت، وشوقنا صابب في مشيك موجو كاسر و مشتهيك، وماسواك ، الكنّا نهديو كل غُنانا، ومابراك ، الكنت مشدوه بالحنين، وجيت لقيت الدهشة زول، اسمو مختوت في هواك، لو قلت ليك بسقيك أنا أبقى بديك الرهاب، ولو قلت ليك زمزم شرابك،أبقى ماكفيت وصِف، ولو كمان زدت الوصِف،أبقى ماوفيت كلام، ولو كمان وفيت كلام،ببقى ضيّعت الوصِف!
واجعني، شان بهواك غُنا.. وهواك، بحوش الليل هناك، هواك، بشيل كل النجوم، مفروش علي دنياك سما ، لما يغلبني السهر بجر حنين الليل غُتا، أبقى متغتغت وحاااسس.. اني عريان من وجودك، مابفيد الكون ده كلّو، انت عارف، سر غتاي طبعاً حضورك، لمّا تبقى الدنيا..مافي وأيّ زول معدوم وخاافي تبقى انت براكَ في، وزي تقول الكون عدم، انت سر كل الوجود، كل الوجود مقصور..عليّ، حتّة من هذا المكان ..كافية تدّي الريد لقا ، وجاي بتسأل عن غُتا؟؟
انت ياكل الدفا، سر حكايات الغُنا، وكل أسباب الأمان، أنا مااشتهيتك شان أكون، مرهونة لي زمن إنصراف، توعدني بي جواك لقا، والأماني صحيح رهاف، أو حتّى ترنيمة صبا، في وتر كاتلو الحنان، عالية مقام، بالله لو الريد عذاب، أو كلمة بنقولا وفراق، مدفوقة بينات التحكّم وفقدانو حين يلحق رهاب، حينها بتخلخل حشا، أنا ريدي كل الاشتها، للتلاحم والتمازج،مابين كلامك وبين كلامي، خطوة الحرف المشى، أنا شفت عينيك في عيوني،واصلة حد الانتشا، أنا كنت ماشة على الخدر،لمّا صوتك ليّ غِشا، كل شئ منك بدا.. وبرضو..انتهى، ومنّي باقيلك بعض، أصلو خيطين الصباح وكتين يبينن،ببقى الوداع طبعا فرض.
Quote: لمّا تبقى الدنيا..مافي وأيّ زول معدوم وخاافي
أنا بسألك ... من وين أجُوب الأمكنه ما أصلو غطاني الفتر أنا لسـّــه متّهـول معاك والهول جحيم تعب السفر قدامي ألوان تشبهــك يا سمين ، وبرعم سوسنه الدنيا لسـه محمّداك لا سبّحت ، لا ربّحــت ولا البيجــافي بينســـتر أصل الحديث الشوق جبل في رشرش العين إرتباك للبيك وفيك واللســه فى رحم القوافي بيســـألك ... ما تجيبي لي سيرة البحر
التعديل لزوم النعاس قمت النوم لقيت الطشاش واقف قصاد العين
(عدل بواسطة عبدالله داش on 10-04-2008, 07:41 AM) (عدل بواسطة عبدالله داش on 10-04-2008, 07:44 AM) (عدل بواسطة عبدالله داش on 10-04-2008, 07:46 AM) (عدل بواسطة عبدالله داش on 10-04-2008, 10:11 AM)
10-04-2008, 08:27 AM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
أنا ريدي كل الاشتها، للتلاحم والتمازج،مابين كلامك وبين كلامي، خطوة الحرف المشى، أنا شفت عينيك في عيوني،واصلة حد الانتشا، أنا كنت ماشة على الخدر،لمّا صوتك ليّ غِشا، كل شئ منك بدا.. وبرضو..انتهى،
تماضر
رائعة عيديتك كما انت
وتتفتح كل الدروب قدام هواك
وكل سنة ونحن منتشين بي غناك
10-04-2008, 11:16 AM
rosemen osman rosemen osman
تاريخ التسجيل: 06-06-2008
مجموع المشاركات: 2916
يوم جيتينا آخر الليل وتاني يوم الضهر كان الندوة وفي ناس جاتنا من الصباح كدي بس قولي ليّ بي وين الطلعة؟؟ هو انتي زاتك البلم فيك بس يقالدك ويقعد بيك يطلع بيك عشان سماحتك تتوزع بين الاماكن معقولة بس؟؟
10-04-2008, 05:33 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: غايتو يا إشراقة أمانة ما دقستي يعني كنت عاوزة جعفر ( المسكين ) دا يضحك ويلقي قفشات و ردود طريفة في بيتهم وخنساء كانت قاعدة ليهو زي ( الألفة ) ؟؟؟
عاطف عمر صباحاتك كلها اعياد، الله يديك العافية ويخلى ليك اسرتك الجميلة ويخليهم ليك يارب
بينى وبينك نحنا ما ادينا جعفر فرصه قعدنا شوية معاه ومشينا غرفة تانية نق نق نق وجنس مطر كلام وضحك جارهم الخواجة قال نحنا اللى بنتساهل يدونا المحكمة الجنائية
يومها قلت فى نفسى جعفر ده مالو مكرضمها كدى ؟
اها لمن اتلاقينا تانى وبالصدفة وقرب يدفق جردل الآبرى اللى مستيناهو الخلوق رمى اول قشفاته
أولاً بالتبادي فاتحة القرآن العظيم ثم المعوذات ثم صلاة النبي كاملة كما يحب ويرضى حصوة في عين المايصلي على النبي ربنا يحفظوا
ثم بعد ذلك يا إشراقتنا وحات خوتك القلتيهو دا كلو كنت متخيلو الذوق لا يتجزأ خنساء المليئة جمالاً وذوقاً ، حتماً ولا بد أن يكون ( زولها ) جعفر أو جعفر وأن يكون بنفس المزايا القلتيها عنو وما خفى كان أجمل
لكين هل سمعتي قبل كدا بـ ( الريدة أم فاولات ) ؟؟ دي نوع من الريدة ( أخبئه ) لناس عزااااااااز وما بنديها للناس من طرف ناس يكونوا بس من طينة غاليتنا طمطم دي . أها ( الريدة أم فاولات ) الزول يعبر عنها كيف ؟؟ الزول يقوم يباري ليك زولو البريدو لحدي ما يلقاهو ( منصوب ) أو ( مقنطر ) - حسب رواية حبيبنا أبوساندرا - زى النصبة أو القنطرة الإنتي بحسن نية عملتيها ليها وختيتيها فوقها ويقوم تاااااااح يعمل الفاول ( الأمو بت عم أبوهو ) فاول زى الأنا العملتو في مداخلتي الفوق ديك وخلى غاليتنا طمطم تشوت يمين وشمال ويمين الله أنا من ساعة مداخلة طمطم أضحك براى زي المجنون وجيتي إنت إشراقتنا وتميتي الناقصة
ياخ القلوب شواهد
__________________
* شن قولك يا دكتورة في الريدة أم فاولات ؟؟ * تاااااني لو لقيت فرصة برضو ما بفوتها
up مدخل تكتيكي بسم الله خشيت بي شوقي اليمين علبة شوكولا وباقي حلو مر رمضان يعني جيتك بي هدوم العيد مخمخم معاي فرح شفع وشوية تفاصيل جيت أبارك ليك الحنين كل نورة و أنتي طيبة
شكرن كتيرن!
10-05-2008, 01:37 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
وانت زايد في السماحة وكل كلمة تقولا نورا تبقى في جوّاك واحة وكل نورا تقولا كلمة بيها تخدر كل ساحة كل طفلة تعيش في نورا في كل بسمة تشيل مساحة تبقى في جوانا نورا طيبة شاغلة البال سياحة
حبيبها الشوق مردودو مضاعف،
10-05-2008, 02:36 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
ملحمة الأشواق دي يا تماضر كان تدينا ليها حبة حبة قطرة قطرة لأنها ملانة إنسانية مترعة بالصدق العاطفي كل سطر وكل فقرة فيها نبض شاعر أو ذكري موقف أو طيف إحساس عبر تاريخ الأشواق الإنساني
حتما - إن شاء الله - لي عودة بي مهلة
10-05-2008, 02:07 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
أبقي كيف ..؟ قبل التبادي ووشّـــة الصوت البنادي حياااا .. حيا على المحال ما جبت سيرة الموج عجيب لو قت ليك ... الريل نفر من الخلا أو .. فُــتّ للناس الحوادي غرقت مشروق بالجمال وريني كيف المسأله لوجنبا طاريهو الرهيب
قاصد البحر
10-06-2008, 07:25 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
تبقى زي كل النجوم مرّات تبين..مرّات..تفوت ممتدّة في شارع السما موعودة بي ضد الخفوت زي خرز مدفوق هواهو وشوقك انت بقى الخيوت الروح بتفرش لون سماك زرقة للليل البموت لو مرّة غطاها الصباح احنا بغلبنا السكوت
10-06-2008, 08:57 AM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
Quote: بعدما أدمنت ريدك.. القُدرة..جد..غِلبت..تشيل..جوّاها..ليك..الاحتمال، ماكان عذاب الليل بشيلك، وليّ بجيبك، كان بسوقك من حنينك، في حنينك كنت بخدر، كان بفوق قدام عيونك، وفي عيونك..تاااني أغمر،
جليلة رضا - من ملحمة شوقية ضارية
Quote: أعطيته ظهري وكم ملك الذي في الصدر من قلب توهج بالدم وخشيت أن أرنو إليه وطالما أغرقت عيني في سناه المظلم
بس المشكلة تماضر بي رضاها وجليلة غصباً عنها
موفقة دوما يا تماضر في إختياراتك كان جاك الغلب خليهو بي رضاك عشان تكسب
صدق مجذوب أونسة لما قال أصلو المحبة عذاب
10-06-2008, 01:22 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
ووقفت صامتة أحرك في يدي،مفتاح بيتي أو أساور معصمي، وخشيت أن أرنو إليه وطالما،أغرت عيني في سماه المظلم، ورجعت حتى لو تلمس إصبعي، لهويت فوق الأرض كالمتحطم، كم أمنيات عربدت في خاطري، لو أنني حققتها لم أسلم، فلو استطعت علي الخدود صفعته،ثم انثنيت بقبلتين على الفم، ولو استطعت سخرت منه, شتمته،وركعت فوق خطاه كالمتندم، يا أنت لا تغتر لست ملومة، أهواك حب الأم لابن مجرم.
10-06-2008, 05:56 PM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
Quote: وكان حروف اسمي البتنده بيها انت، كان بتكتل احتمالي.
Quote: ورجعت حتى لو تلمس إصبعي، لهويت فوق الأرض كالمتحطم
بس جميل إنك عارفة القصيدة دي أنا حفظتها سنة 91 من مرة واحدة بس وما فارقت ذاكرتي نهائي وكم (أي المشاعر ) تدفقت مذ ذاك وحتي عندئذ ورغم كدا ما أبينا السلام من أي زول / زولة ،،، ما نحن مساكين ساي
10-07-2008, 07:18 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
أي المشاعر في الدماء تدفقت، حين التقينا بعد هجر مؤلم وأبى السلام أبيته، من قبل أن يدنو يمر عليّّ غير مُسلم وكذا تشابه في الخصام شعورنا، كأمس في وصل وحب مفعم أعطيته ظهري وكم ملك الذي ،في الصدر من قلب توهج بالدم
يبدو إنك غيمه ماطره نسمة الريح والعطر عاينت ليك .. مستني فجر الضو معاك داهمني أداني الخبر قابل أجيك عجلُت وأصلي على سفر لو ألقي حجه أطوف مداك عالجت أشلاء الحروف رغم الظروف الباديه والجو الخطر ... برقـــنْ نجوم من غناك ربك ســـتر .. غرقانه دلتا الشوق هناك قلتي السكوت ...! ككيف ...؟ أضاريك وأفوت يا موجه هاديه إذا الضفاف مشروقه بيك وبرضو البحر
10-06-2008, 03:15 PM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
Quote: ماكان بتديني الطيوف..وانت شخصك..حي..وباقي، ماكان بتعكس ليّ خيال..وانت صورتك شاغلة بالي، ماكانت تقرّب ليّ..حزن..سامعو ضحكك في قُبالي، ماكان بتحكي ليّ حكايتك،من كتاب بشكيلو حالي، انت بخلان وماني بسأل عنّو..جودك، لاني بسأل عن مواعين الحنان..الكان بتملاها بوجودك، وكنّا نغرف، أيوة..نغرف، وكنّا ننهل، احنا..ننهل،وانت تروى، ماكان بنستغرب حروفك لمّا تطلع في كلامنا، لابنستغرب ايديك لمّا تحضن طيف سلامنا، أو حتّى نستغرب مشيك.. لمّا تمشي السكّة..انت، واحنا نتعب زي كأنّو مشينا إحنا وما....مشيك، ولو جذور الطيبة مادّة زي تقول جوّانا إحنا، يبقى ريدك هو السقاية..ويبقى بحرك ليّ وشيك، أصلو طافح ريدي ليك وفيك..غريق ولو صحيح ينبوع صفاك طالّي من جوّانا برضو، يبقى نور الكون ده كلّو..طالّي من فجّة ..وشيك، أصلو لو داير الحقيقة، انت منبع شوقنا انت،
يا الله ؟؟؟ انها الدهشة التي تصيبنا بالاندهاش .. انها الكلمات الاحلي من الشهد .. نقف امامها مصلوبين علي الواح الطرب الاصيل .. شكرا ايتها الجميلة جدا .. ..
11-29-2008, 11:42 AM
تماضر الخنساء حمزه تماضر الخنساء حمزه
تاريخ التسجيل: 10-13-2006
مجموع المشاركات: 5215
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
mohmed khalail
أبوذر بابكر
rosemen osman
ابو جهينة
Ishraga Mustafa
انعام حيمورة
محمد صباحى
Alsa7afa_30
عاطف عمر
طارق جبريل
حبيب نورة
Fadl Karrar
baha eassa
فيس بوك
تويتر
انستقرام
يوتيوب
بنتيريست