|
Re: كل مــا تباعد بينا عوارض (Re: ابو جهينة)
|
عمران كل سنة و إنتا طيب
مالك مقلب علينا المواجع
واريت غنواتى فى ناس شغالة .. تكون سندالة وعود طورية .. ضراع رجالة .. كتاب أطفاله.. وجملة فالها الما مكرية سدة مالها وبقة فالها .. فى ليلة الدخلة على إسمى قضية حبيبة قلبى يا سودانية .. يا أسمى معانى فى زول بيعانى يا ود ضكران يا بت دغرية .. وانا إن سامعانى فضلت أغانى غبش فقرية وروح غانياني ..
| |
|
|
|
|
|
|
Re: كل مــا تباعد بينا عوارض (Re: حاتم علي)
|
سعيد بزيارتكـ يا حاتم ..
Quote: مالك مقلب علينا المواجع |
المواجع حقت مصطفى بتكون راقده على صفحته .. بنقلبه يا حاتم على صفحته التانية .. هي ما راحت .. قاااااااعده ..
| |
|
|
|
|
|
|
Re: كل مــا تباعد بينا عوارض (Re: ابو جهينة)
|
Quote: مالك علينا يا أبو محمد ياخي |
يا ريس سلام : مصطفى فرح وحزن نتقاسمو نتقاسم الحنين ليهو .. مصطفى حلم وراح .. ما كمَل .. ... حزنو كان حيكون غير .. حزن يخلي الشعراء ينحتون اللغة عشان يلاقو شي يخص مصطفى براهو ...
| |
|
|
|
|
|
|
Re: كل مــا تباعد بينا عوارض (Re: عمران حسن صالح)
|
عمران صياح النقاء000
ما احمل مفاجأة العودة للزمن الجميل000
هاك الكاس دا وقف بيهو نزف الحنين00
فى صحـة الوطن محمد مدنى *************** فى صحة الوطن المداوم ان يقاوم كاس وكاس نخب عشق تلتقى فيه الحبيبة بالخريطة ساكتب الآن كلى وبعضك حتى تذوب الحدود وتنمو المساحات سعفاً وحباً لتجدل عينيك سجادة كرى نبقى طليـقين رغم القيود *************** اسفى نسيت الآن طعم القبلة الاولى وكيف تطاولت عيناى كالضوء انتشرت على المسافة بيننا والناس .. الآن لكن لا يهم .. يبننا والناس ما عادت مسافة والمسافة بيننا والارض تختزل الطريق بكت تودعنى تدافعت العناصر نحونا اهواك كن يقظاً تمهل فى مسيرك واتجـه فالارض تنضح بالمقادير الدفينة اهواك لا امشى على راس الاصابع لا أتـاتئ حرف اسمك فارفعى رأسى ورأسك ينتهى عهد المناحات الحزينة لن اشتريك باغنية فالاغنيات تكاثرت .. وتناثرت كالدمع او كالخمر ثم تبوات سيل الطريق هل من مقايض للحبيبة بالخريطة هل من مساوم للغريق ؟ لا غير قبضته وصدر الموج يغرزها فيلتحفان تقترب المسافات البعيدة ثم يشتعل الحريق والارض تحضن بذرة الانسان يا ربـاه .. ما ابهاكى يا ارض انتخبتك مغزلاً للحب والاشعار والحقب الجديدة اهواك يا فرح التقائى بالسهول بالحقول وبالقطيع يا رجعة صرخة اهل وادينا الوجيع ما دام فى الغابات والوديان ينتشر الربيع لا العشق لا الانسان فى بلدى يدجن او يضيع
| |
|
|
|
|
|
|
Re: كل مــا تباعد بينا عوارض (Re: عفاف علي ميرغني)
|
عمرانكو
صباح الخير يا أبا محمد يغشاك الغمام
مصطفى يا صديقي عين إبداع لن ولم تنضب ، طال ما خاطب في غناها الحواس
وإصطفى من الكلامات ما ادهش ناظميها عندما سمعوها تغنى وتردد
لك الود كلها ولمصطفى الرحمة والمغفرة وللجميع السلام
Quote: ويا جابدانى برفق على وما بتحير بين الفوق .. وبين الناس التحتانية إلا مغير ولا عقوق .. ولا كفيف الإنسانية |
شفت جنس الغنا الفوق دا لا حولاااا
سلام
| |
|
|
|
|
|
|
Re: كل مــا تباعد بينا عوارض (Re: ismeil abbas)
|
طــــق خااااص
الوريف عمران حسن صالح
تحية وود
" طيبة"
ولما افوتك من دون خاطر ..او دون خاطر مني تفوتي ...
لو تعلم ماذا يفعل في هذا اللحن ..
اسمعه يوميا علي " الريق" فتبتل الروح ..
اسمعه بشكل مختلف شتاءا ...
لحن دافيء وحميم
لحن ينتمي الي زمن " مصطفي "
ونحن الان في زمن الغياب
زمن اوجعتنا فيه الزوايا
حقيقة ..شكرا عمران
| |
|
|
|
|
|
|
Re: كل مــا تباعد بينا عوارض (Re: فتحي الصديق)
|
ياااا عمران(نا)
Quote: كل ما تباعد بيننا عوارض .. كل ما هواك يا طيبة مكني تلد الغربة القرب الواحد .. وبيكي أسمي الشوق وأكنّي لما أفوتك من دون خاطر .. أو دون خاطر مني تفوتي |
عندما تكمن الدنيا في كلمات
و يكون الزمن حاضر رغم بعده
في تلك الايام
اعلم انني ساعتها كنت سعيدا جدا
و لا زلت
-------------------------------- ذي سعادتي في تلك الايام اتمناها لك في العام الجديد
و ماك خسران
--------
نصرالدين
| |
|
|
|
|
|
|
Re: كل مــا تباعد بينا عوارض (Re: عمران حسن صالح)
|
الاخ العزيز عمران حسن صالح
كل سنة انت والاسره الكريمة بخير امنياتي لكم بعام جديد ملئ بالسعادة والتوفيق والاستقرار
كنت بالحج هذا العام وكنت اتمنا ان التقيك والاخ الكريم اسماعيل لكن الظروف حالت دون ذالك (كل مــا تباعد بينا عوارض )
فيض من الود والاحترام
فيصل
| |
|
|
|
|
|
|
Re: كل مــا تباعد بينا عوارض (Re: طارق جبريل)
|
ياعمران
ياصديقي الذي اتمني لقاءه
اشواق بالكوم
وبعدين ياخوي اللحن ده يجنن المابجن
والكلام طبعا ماليهو مثيل
ذكرياتي معه لن تنتهي
وفي حضرة ود الامير بدر الدين
جلسنا نستمع للبروفة الاخيرة
لهذا الحفل وانا عريس جديييييييييييييد
والحنة لسه في الايد
وتذاكري انا والعروسة علي حساب بدر الدين
ولم تباعد بينا العوارض
ولكن باعد بيننا وبين عشقنا الجميل ( الموت )
انتقل ...بل ارتحل
لكنه بقي وسيبقي دائما في دواخلنا
شكرا لك وانت تذكرنا بمن لم ولن ننساه
وعبرك.....
شكرا بدر الدين الامير
فقد كانت دعوتك لي لذلك اللقاء
بداية علاقة مودة لن تنتهي مادام في العمر بقية .
مودات كتيرات
| |
|
|
|
|
|
|
Re: كل مــا تباعد بينا عوارض (Re: haroon diyab)
|
Quote: وبعدين ياخوي اللحن ده يجنن المابجن والكلام طبعا ماليهو مثيل ذكرياتي معه لن تنتهي وفي حضرة ود الامير بدر الدين جلسنا نستمع للبروفة الاخيرة لهذا الحفل وانا عريس جديييييييييييييد والحنة لسه في الايد وتذاكري انا والعروسة علي حساب بدر الدين ولم تباعد بينا العوارض ولكن باعد بيننا وبين عشقنا الجميل ( الموت ) انتقل ...بل ارتحل لكنه بقي وسيبقي دائما في دواخلنا شكرا لك وانت تذكرنا بمن لم ولن ننساه
|
المريخي ( المنداح ) هارون .. ومنداح دي يا هارون ضحكته فيها يوم لامن قاله واحد من المطموسين بتاعين الهيلاهوب : داير اندااااااااااااااااح ... وتحس بالراحة لامن يقوله .. والاندياح يا هارون في تأثير موسيقى وكلام مصطفى علينا ما عندو حد .. غالب الذي عشق مصطفى واستمع له ربط الكثير من " سي في " حياتو بأغنياته ... تركـ أثراً على مدونة تاريخ الكثيرين ..
| |
|
|
|
|
|
|
Re: كل مــا تباعد بينا عوارض (Re: طارق جبريل)
|
يا ود جبريل قبل وشيه لقيت الحبيب ود كرم الله يغني في قناة زول .. رمية يا يمه .. وقالوا شويه قطار الأحد .. دقيت لي أبوي يا طارق كلمتو يخلي الأولاد يفتحوا ليهو قناة زول .. وقفلت الخط .. رجع اتصل علي وصوته حزين وقال لي : مالكـ مطيِر نومي ؟؟؟
| |
|
|
|
|
|
|
Re: كل مــا تباعد بينا عوارض (Re: عمران حسن صالح)
|
أوآآآآآآآآآآآآآآآه يا عمران
**** لا غيرت وراك الجتة ولا بدلت ملامح صوتي ****
غني انهزامنا ... انكسارنا فهذا الغنا الذي يتخم ارواحنا المهزولة
___________________________ شكيت محنك يا أخي قشين من عيني النوم بعد ما كنت قاب قوسين او ادنى.
كل سنة وانت محقق زاتك..
كن بخير
| |
|
|
|
|
|
|
Re: كل مــا تباعد بينا عوارض (Re: طلال الطيب الجيلاني)
|
Quote: كل سنة وانت محقق زاتك.. |
يا سلام ليكـ يا طلال .. وعلى دعوتكـ السمحه .. وبرضو يجيكـ (متأسلم) ويقول ليكـ لا يصلح الدعاء إلا من الكتاب والسنه !! وكل سنه وان شاء الله حاجاتنا محققه .. شكراً يا صديق الفكره ..
| |
|
|
|
|
|
|
Re: كل مــا تباعد بينا عوارض (Re: عمران حسن صالح)
|
عندما استمع إلى الأديب حسين خوجلي (بعيداً عن السياسة ) وهو يحكي عن الأشياء وكأنه كان حضوراً أستغرب لتبجح بعض أهل الثقافة والأدب وطريقة حديثهم التي تريد أن توصلنا رساله تقول أنا مثقف ... .. مصطفى سيداحمد بساطتته كانت سبب حب الكل .. غنائه للكلمة التي تمس الكل كان سبب حبه .. تواضعه الجميل رغم غذارة الموسيقى التي في دواخله .. بعضهم تعطيهم غذارة الأشياء في دواخلهم تكبراً لا يجلب حب الغلابه في بلدي ..
| |
|
|
|
|
|
|
|