مثقــّف سوداني= فكـر أستبدادي غير مفـيد

مرحبا Guest
اخر زيارك لك: 03-29-2024, 11:22 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة ياسين سليمان حبيب نورة(حبيب نورة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-04-2004, 05:06 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مثقــّف سوداني= فكـر أستبدادي غير مفـيد

    Quote: بغض النظر عن الشعارات والمسميات التي نطلقها علي العملية الفكرية التي تدعي الثقافة

    وبتجاهل القوالب المعدّة مسبقاً والتي تحدد هوية الحركة الثقافية في العالم أجمع , نجــــد

    أننا في أشد الحوجة لمراجعة الذات الوطنية حكومـــــــةً ومعارضة ,,, حتي تظهر حقيقة

    دواخل أقلامنا وقبل ذلك ينبغي علينا أن نسألها عمّا أذا كانت تؤمن حقــّاً بالحريات وحقوق

    الانسان والديمقراطية و أستبعاد الاّلة العسكرية من طاولات الحوار المكشوف....؟؟؟؟؟؟؟؟



    أم ترها ماذالت تكبٌّ وجوهها في مجامر الكتب ودهاليز المكتبات لتتحدث فقط ؟؟؟؟؟؟؟؟؟؟؟؟

    لو بحثنا عن أجابة لهذا السؤال ستكون الاجابة نعم و لا !!!! بالأجمـــاع في الوقت نفسهُ!!!!



    كلنا نتعب و نجري و نشقي و نغني للحرية والديمقراطية ,,, ولكن هذا الشعور والايمان تلقائي

    وغير مجدي و غير عملي ,, لأنهُ أيمان فطري ,, و حالما تتحقق الديمقراطية نضيق زرعاً بها

    و سرعان ما يتحرك فصيل او حركة سياسية كانت تنادي بنبذ العنف !!! فيحرّض كوادره

    وقواه العسكرية لأستلام زمام الامور فتخرس مرة أخري الافواه مجبرة و يتحدث الرصاص.



    وهذا الشئ ينطبق علي الجميع من أقصي اليسار الي أقصي اليمين ,,, كلنا حملنا السلاح و كوّنا

    جيوشاً موازية للجيش السوداني سواءاً كنا أسلاميين او شيوعيين أو ختمية او أنصار وما ألي

    ذلك من الحركات السياسية و الحزبية .



    فهل ترانا نؤمن كمثقفين بالأستبداد ؟؟ وهل قامت نفسيتنا علي حب التسلّط وصوت البندقية ؟؟؟؟؟

    هل المدنية والسلمية تحولت الي ثورية و ( جيـفــــــارية ) بالرغم من اننا لم نتبنــّي حركات

    جهادية و أصولية مثل ما حدث في الافغان و الصومال ومصر والجزائر ,, ومع ذلك لم تسلم

    حركة الاسلام السياسي من أفكار ونزعات عسكرية و تكفي تجارب 1969/ 1989



    هل تناسينا سلاح المثقـــّف ضد الظلم والاستبداد المتمثــّل في الاضرابات و العصيان المدني

    والذي أثبت نجاحــــــه في أكتوبر 1964 و أبريل 1985 وهذا يعني أننا توّاقين للسلم و

    رافضين للنزعــــــــة العسكرية ,, و لكننا ننسي كل هذا عندما تتشـــابك المشاكل و تستعصي

    الحلول ,, فنحمل السلاح وهذا هو السبب الرئيس في عجزنا عن أجتزاب المثــقــّف الجنوبي

    لأننا نكســــل عقليــــاً و ذهنيــــاً ,,, و ننشط عضليــــاً و عسكـــرياً ,,,,,, فيحدث التناغض بين

    تركيبة شعبنا المسالمة المتسامحة ,,, وبين تركيبة ساستنا و مثقفينا الميـــّالة للعنف عند الازمات

    والخطوب ,,,, وعليه نحن أصحاب ثقافة أستبداديــــــــــــــــة ......




                  

11-04-2004, 05:13 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    المشكـل الثقـافي السوداني حسب وجهة نظري

    تصطرع فيني بعض الانفعالات , أحاول أسقــاط بعضها من أجندتي , يحـاصرني
    طوفــان الرؤي, بعضها محـال , وبعضــها يبحث عن طريـق يوصله الي الواقع

    ,أسفـاف كل هذا , لا بدّ أن أبصق كل الاحـرف السقـيمة , هذا الترقّـب يشلني

    يقيدني , لماذا نقترح الانتظــار ؟؟ لماذا ننتظر الهطول في موسم جدب الاشياء؟؟؟

    ..الثقـافة ؟؟ يقولون عنهـا انها عدم الشعور بالغرابـة حيـال أي موضوع

    يطـرح ! , والمنتمـي الي طبقة المثقفين , او مـا يعرف بي (الأنتلجنتسيـا)

    انتمـاءا حقيقيـا ,يشعر انه مكلـف , الثقافة ليست مظهـر أجتمـاعي , بقدر

    مـا هي كلفـة تقع علي عـاتق المثقف , بحيث لا يمكنه الانعتـاق أبدا , وبنفس

    هذا الحـس الذي دفعني للكتـابة , ويدفع الكثيريـن غيري , وبنفس الحس الـذي

    دفع (جون بول سارتر) للقـول بأن المثقف مسؤول عن اي جريـمة تقع علي الارض , وبالتأكيد

    هذا ليس أتهـام بقدر ما هو رفع لدور المثقف , ها أنذا ألملم أوراقي ,و

    أنفـخ الروح في قلـمي , لاكتـب من جديد أحرف أسـاي ,و أجترّ المراة مرة أخري.

    المشـكل الثقافي السوداني ,سؤال يطرح نفسـه عليـنا , وشقّت الاجـابة , أنا

    لسـت أختصاصيـا , ولكنّي أجتهد , وفي النهـاية أنها بضعـة اّراء شخصية تعبر

    عني , ولكنها غير ملزمـة لاي طرف اّخر .

    الهويـة السودانيـة تتداخل في تكوينـاتها عدة معطـيات , تعطيـها شكلها و

    طعمـها المميز , فبطـاقتنا الشخصيـة تتقاذفها عدة منعطفات أسـاسية , و

    تنطلـق هذه الانبعـاثات لتشكّل بعدا جديدا في ملامحـها , و الافريقية فينا

    تمثل الأيقـاع الذي تتواري خلفه السمـات والسحنـات , وتسد عليـنا الباب

    الذي يأخذنا الي البوابـة العربيـة , ولكن عندمـا حمل ألينا (عبد الله بن

    أبي السـرح ) مصحف المصطفـي (عليه الصلاة والسلام ) أدخل في السيمفونيـة

    السـودانية , اللسـان العربـي ,في قلب الايـقاع الاسـود ,ليكتمـل اللحن,

    وبين الدوزنة والنشـاز , ضـاعت ملامح الرقصـة خلـف الظلال الرمـادية

    المتداخـلة .

    لا أدري لماذا يحضـرني المدهـش (أسماعيل حسن ) وهو يأرخ لنـا ويقول( عرب

    ممزوجـة بي دم الزنـوج الحـارة ديل أهلي ..ديلا قبيلتي لمّن أدور أفصّل

    للبدور فصلي ) ولكن الرجـل كان قمـة في الدقّة وهو يتنـاول الاشكـالية

    شعرا , ويقـطع كل الألسـنة التي قتلت الموضوع بحثـا.

    كل هذه المقدمة , سقتها لكي أتناول محمد احمد السوداني , خارج ارض النيلين

    ,فأنا واحد من اولئك التعيسيـن الذي أبعدتهم قسوة الاقدار من ديار عزة و

    مهيرة , ومن المعروف ان الهجـرة , تؤثر تاثيرا كبيرا ,علي الطـرح وشكل

    الهويـة , ومن هذا التلاقـح ينشأ موسـم تزاوج خصـب جدا بين الحضـارات ,

    ليكـون المخـاض ,مولودا جديدا , يأخذ من هذا وذاك , وفي المنتـهي يتولّد

    في أذهـاننا , مفهوم اّخر للتـعاطي مع الاّخـر , والانسـكاب في القـالب

    المتــشكل مـن هذا الاشـعـاع.

    أمّا عن الأستـلاب الفكـري الذي يهـدد الموروث الحضـاري, فحدث و لا حـرج ,

    فأنا ضدّ فكـرة النـأي عن السـودانيـة, وبالتـالي تهديد القـومـية , التي

    أحبّذ العـض عليـها , بنواجـز وطنيـتنـا التي أعشـق . هذا جانب , أما الجانب

    الاّخـر , هو الاحتـكـاك السـالب , بالفـاقد التربوي ,من المغتربـين , وهذه

    مصـيـبة أكبر من سـابقتها , هذا الفـاقد التربـوي وأنصـاف المتعلميـن,

    الذيـن تجبـرك الظـروف السـيئةعلي التـعايش معهم , والانـصهـار في قالب

    لـم يصنع لك , وأرتداء ثوب قد يضـيق عليك , وقد يتّسع .

    قد يتهمـني البعض يالسلبـية , ان تقـمّصت الدور , ولبست عباءة الثـقافة ,

    فيقولوا ما هو دورك في كل ما يـحصل ؟ أدافع عن نفـسي بطبيـعة الحـال ,

    فأنـا برغم كل المحـاولات التي بزلتها لكي أصنع منهم شيئـا , الا أنهم

    يصرّون علي أن يكونوا مجرّد مواد خـام , لا تصـلح الا لصـناعة روبوتات اّدمية

    أصابـها الكسـاد في الـسوق الفكـري , فماذا تراني فاعـل ؟ هل اتـعامل

    معهم بالريمـوت كونترول لأحرّك فيـهم الوطنـية ؟

    هنالك الكثيرون الذين يجمعون الكلمات الانيقة من كل صوب وحدب , وتراها

    مجتمـعة مثل الكلمـات المتـقاطعة , لا يربطها الا حرف البداية , وهذا

    ما أسميه أنا بالثقافة الكولاجية ! و ( الكولاج ) هو كأن تأتي بصحيفة ,

    وتمزّقها وتضع كل كلمة علي حده , وفي نهاية الأمـر , تقوم برص هذه الكلمات

    دون ترتيب , لتخرج في المنتهي بموضوع مكتـمل تماما من النـاحية الاملائية,

    ولكني أتحّدي من يفهم منه شيئا .

    أذن انا مع الاتجـاه الي أبراز الهايكو اليابانية كفهم راقي , و (الهايكو)

    هو نوع من الشعر علي الطريقة اليابانية , غير مقفي غير موزون , وبعيد

    تماما عن البحـور الشعرية , ولكنه غير متـصحّر ,فقط المقياس ان يكون الكلام

    له قيمة فنية ويعبر عن صاحبه ,وكنموزج ازكرواحد يقول ( النهر والارض هنالك

    ... ومع ذلك ومع ذلك..) انظر الي هذه الكلمـات , وانظر الي ما بين

    السطور , واظنك لتلمح خطّا رفيعا , يقوودك الي أرتكـاب الدهشة مرة أخري.

    أحس انني قد أرهقتكم ونأيت عن موضوع النقـاش قليلا , ولكني فقط أردت تأكيدا

    للفكرة .

    نعم الثقـافة هم كبير , والكلام يطول , وتبقي القومية والوطنية ,جرح اّخر

    وشرخ في جدار الانتمـاء , وانا لست ضد الاستلاب الثقافي , ولكنني ايضا لست

    معه , والي اشعار اّخر تبقي الفكـرة مطروحة للنقـاش وحتما سنلتقي.




                  

11-05-2004, 04:30 AM

Abdel Aati
<aAbdel Aati
تاريخ التسجيل: 06-13-2002
مجموع المشاركات: 33072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    محرض علي الفكير
                  

11-05-2004, 05:51 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: Abdel Aati)

    معك حق

    خيبة الامب تحيط بنا من كل الاتجاهات

    ولا يتراءى مجرد بصيص للتغيير المرتجى فى نفق طويل ومعتم

    لكن الاشياء لا تملك الا ان تجرى مجراها "الطبيعى"

    الفيلسوف هو الذى .يقلب الفكرة..ويستخدم العلم والمعرفة كسلاح اوحد لكشف معالم الطريق

    المثقف.الفنان او الثائر هو الذين يحولون الفكرة المجردة الى صنعة الصانع وسياسة السياسى او تحريك الشعوب الى الوعى بامكاناتها واحتياجاتها ومصائرها

    قد تلعب قوى الشر دورا فى تاخير الرسالة العابرة من سكة الاكتشاف والوعى بها الى مجرى التحول وتيار التغيير الكاسح

    وقد تلعب قوى الظلام دورا كبيرا فى تعتيم الفكرة وعمى الوان "الخيار"

    ولكن من ديناميكية الثقافة والفكر والمعرفة انها قادرة على اكتساح كل ما يهدد وجودها ونفيه..والارتقاء به

    طريق طويل

    قد تساهم البشرية الموجودة حاليا فى دفعه بوصة واحدة الى الامام...وقد لا ياتى اكل جهدها الا لاجيال قادمة..تنعم به..

    فقط يجب الا يكف المثقف عن اداء دوره التاريخى..

    والا يصاب بلاحباط ..والحزن ...فصوته غير مسموع فى هذا الخضم من الضجيج..

    لكنه قدر..الثقافة ..تتناقض مع رغبة الجموع فى الاستثمار والغنى السريع وتمضية الحياة القصيرة التى تفرضها علينا الاقدار فى سعادة مزيفة ..وسريعة وسهلة...وبعدها الطوفان

    انظر للفلاسفة والمثقفين والفنانين والعلماء الذين اشارت لهم الابنة منذ بداية الدهور وحتى يومنا هذا ...برغم تاكل اجسادهم الفانية وراء التراب ...الا ان افكارهم وصداواتهم ما زالت حية تمشى معنا وتملح رغيفة الخبز التى ناكلها وتركب معنا البصات والسيارات فى مشوار العمل وتزين اكسيتنا التى نلبسها وتتموج فى الاغنية التى نسمعها...والفكرة التى نقلبها ..لا تخلو من ارثهم الطويل ..

    صبرا يا حبيب نورة ..(التى شوكشها بمجرد ان لعبت "بنات الافكار" بعواطفه البضة)

    ولا تقلص دور المثقف...فهو ابن كل الموروثات الفكرية منذ صرخة ميلاد العالم..وحلم لابد منه
                  

11-06-2004, 06:32 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: Tumadir)

    حبيب نورة الصديق 00
    بجى يوم نمشى نثقف فيهو 00
    كما كنت اقول لك 00
    اتمنى فقط ان اصبح مثقف00
    لكن يبدو ماحجى اليوم 00
    الا قريب ونرجع 00
    انا وانت ونورة بتاعتنا00
    ونمشى مدنى00 ونلف فى الابيض00 ونرجع امدرمان 00
    ونشوف بعداك حنمشى وين00
    قربت يانوره00
    دعهم فى سكرتهم يعمهون00
    وياهو ده السودان000
                  

11-06-2004, 03:43 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: معتز تروتسكى)

    تفتكر ح نقدر يا عزو؟؟
    سؤال مطروح لي صاحب
    !!!
                  

11-06-2004, 03:39 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: Tumadir)

    الأخت تماضر
    والله فرحان بالجد بي جيّتك هنا و ربنا يديك العافية
    انتي زي القدرتي لخّصتي تلات أرباع الموضوع بي تعليقك
    وكلنا سوي أفتكر ح نقدر نتناول باقي المشكل العويص

    Quote: ولكن من ديناميكية الثقافة والفكر والمعرفة انها قادرة على اكتساح كل ما يهدد وجودها ونفيه..والارتقاء به

    طريق طويل
    فقط يجب الا يكف المثقف عن اداء دوره التاريخى..
    صبرا يا حبيب نورة ..(التى شوكشها بمجرد ان لعبت "بنات الافكار" بعواطفه البضة)

    ولا تقلص دور المثقف...فهو ابن كل الموروثات الفكرية منذ صرخة ميلاد العالم..وحلم لابد منه







    سلمتي أختاه والله من وراء القصد....
                  

11-06-2004, 04:22 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: Tumadir)

    ما زلنا ننتظر المطر
    متين أيد الغبش تتمد.. تتش عين الضلام بالضو؟
                  

11-06-2004, 03:33 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: Abdel Aati)

    أستاذ عبد العاطي
    سلمت والله
    وزي ما نوّهت القضية متشعّبة و محتاجة للكثير من الحديث
    ولعلّنا سنكاد نقتلها بحثاً شأننا حين التنظير
    وحقّو كلنا نقيف مع أنفسنا ونشوف مواطن الخلل ممكن نقدر
    نعمل حاجة......... والله من وراء القصد وتسلم من جديد
                  

11-10-2004, 03:43 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    فوق شوية
                  

11-11-2004, 03:18 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    فوق شوية عشان انت مثقف ..لوووووووووووووول..
    كل سنه وانت بخير ياصديق ...
    ونورة بتاعتى كمان ونوره بتاعتك...
    ونتلاقى فى الرمله الدقاقه...
                  

11-11-2004, 04:01 AM

عوض الله الفولانى
<aعوض الله الفولانى
تاريخ التسجيل: 09-04-2003
مجموع المشاركات: 850

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: معتز تروتسكى)

    الغالى / حبيب نورة

    Quote: بأن المثقف مسؤول عن اي جريـمة تقع علي الارض


    مع احترامى للمثقفين السودانين ... اذا حاولنا ان نحصر ما انجزه

    المثقف السودانى خلال مسيرته الطويلة فى السودان كوطن سنجد ان

    النتيجة سلبية مقارنة مع اخوانهم فى البلدان ألأخرى ... و هذه جريمه

    الموضوع كبير ويحتاج منا تضافر الجهود حتى نخرج بالسودان من قاع الذجاجة



    الفولانى
                  

11-11-2004, 03:19 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: معتز تروتسكى)

    معتز يا قبيح
    القال ليك منو انا مثقف هسة؟
    عشان شوية الفلهمة دي !!
    والله حليلك يا صاحب ما عرفتني
    تسلم وشكراً علي رفع البوست
                  

11-12-2004, 02:12 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    وشايف كيف استبدادى000
    تشتمى وتشعرنى بالدونيه 00
    يادين حجر 00
    كل يوم يبرهن لى انك مثقف00
    وحتى فلهمتك مالفهمه0
    فقدنها طنقعتك00
    فقدحنيتك00
    ولسه مابعرفك؟00
    يامثقف00
                  

11-12-2004, 03:34 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: معتز تروتسكى)

    دونية شنو يا معتز
    انت فوقيك بتهطل في كل سكة
    و تسمو علي كل قامة
    ياخي خلينا نعاين ليك في البعيد
    شان يبقي يومنا الليلة عيد!!
                  

11-12-2004, 05:30 AM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: حبيب نورة)

    الحبيب حبيب نورة...
    كل عام وانت حبيبها ...
    عنوان جميل يدعو للانتقام...بمعنى ان تضع صورة ما لشخصية مثقفة وتبدا فى الكتابة عنه بكل سخط...
    ثمة عادة سودانية عجيبة فى التعميم, كأن يقول لك أحدهم:
    والله السودانيين ديل عمرهم ما يتقدمّوا
    أو يسأل مستنكراً
    بالله دي أمّة يرفعوا ليها علم؟!؟
    أو
    ,,,,, الأمثلة كثيرة...
    وحتى لا نطعن الضل...كما كل مرة... أرجوك ان تحدد شخصية مثقفة وتبدا الكلام...
    بدوري سأقوم بعد أذن الذين سأنقل منهم بعض مساهماتهم التى لا يكتمل النقاش الا بها ولتكميلها لما بدأت به...

    أظنك أول المشتكين من أنفسهم يا حبيب نورة...(كمثقف).
    ورئيسنا البشير أيضاً أول المشتكين من نفسه فى قولته المشهورة فى الذين (ضربوا) طريق (الإنقاذ) شكيناهم لي الله.
    سأعود

    أنور
                  

11-12-2004, 08:23 AM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: AnwarKing)

    ياشين ما جتيك انت 00
    جيت عشان انور كنج 00
    وحاتك يا انور كلامك ماقدر ازيد عليهو اكتر من اعجابى بيهو واؤوكد عليهو جدا وكمان اكتر شى الحته دى عشان يتادب الولد المثقف ده000

    *أظنك أول المشتكين من أنفسهم يا حبيب نورة...(كمثقف).

    لووووووووووووووول00اها اقدر قول ليهو قبيح عشان يهكر ليك جهازك زاتو 00
    انا وابن عمى على الغريب 00
    لووووووووووووول00
    كل سنه وانت طيب يايسن00

    زاد الشوق علينا ياريت ياغالى تسمع 00ارحم حال قلوبنا00
    عشان خاطرنا ترجع00
    وحلفناك ترجعك00
    عشان الجيره ترجع00
    عشان البنك ترجع00
    عشان ناس بيتانا ترجع00
    وكمبيالاتناترجع00
    عشان الريده ترجع00
    عشان خطرناترجع00
                  

11-12-2004, 09:38 AM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حبيب نورة مثقــّف سوداني= مفكّـر أستبدادي غير مفـيد (Re: معتز تروتسكى)

    حبيبي معتز...
    والله ضحكتني فى حبيب نورة...
    الزول دا والله جد مثقف...لكن ما داير يعترف بيها عشان ما يكون بيسئ لنفسو...ولا شنو؟
    غيتو فى شوية مداخلات كده عن المثقفين والمثغفين والمثقفاتية والمتثاقفين...تقول يا ليل!
    بجيبا وبجيك راجع...

    أنور
                  

11-12-2004, 03:53 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: معتز تروتسكى)

    يا معتز يا قبيح
    ياخي الفتنة أشد من القتل انت عايز تعمل لي مشكلة مع ود الناس!
    انور دة زول ود حلال وانت لحدي هسة اسمك ما مكتوب في الكشف دة
    والله انا من قبيل اقول دي ما خلقة ربنا
    ايوة الكلام التحت سمح وتشكر عليه.. لكن ما تسوي لي سمعة في الفاضي


    وبدون مناسبة
    كل سنة وانت صاحبي

    سلامو عليكو
                  

11-12-2004, 03:46 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مثقــّف سوداني= فكـر أستبدادي غير مفـيد (Re: AnwarKing)

    الحبيب أنو كنغ
    كيفك يا الغالي
    كل سنة وانت طيب يا سيدي




    كتير من المرات بتكون الذات موضع أنتقاد لدأبنا علي وضع المساحيق
    في وجوه اللغة بصدد مداراة الحجم الحقيقي للفعل
    او لأبراز أشياء علي حساب اشياء مع تعزّر وجود منطقية ممكنة او متمكنة من الأمساك بتلابيب النص الحقيقي ... او محاولة تمويه
    دور الشخوص الحقيقة بغرض جس النبض ومن ثم الطعن في قلب الفيل
    الثقافي....
    انا كتير بلولب من الموضوع ولكن سلاحي هنا يكمن في ميكافيلية
    مبررة أحتاجها من الحين الي الآخر...



    Quote:
    أظنك أول المشتكين من أنفسهم يا حبيب نورة...(كمثقف).
    ورئيسنا البشير أيضاً أول المشتكين من نفسه فى قولته المشهورة فى الذين (ضربوا) طريق (الإنقاذ) شكيناهم لي الله.



    انا لا أشكُّ أبداً !!!

    انا أتسائل فيماذا تكمن أنتلجنسيتي!!
    عفواً انا لست مثقف ولا أحبِّذ!!!!


    و سنعود سوياً وفي جعبتنا أنموزج تشريحي و نتحدث أكثر
    سلام وكل سنة وانت طيب
                  

11-12-2004, 03:53 PM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: حبيب نورة)

    حبيب نورة...
    يا أخوي بظنك مثقف جد جد....
    دا شنو النضمي الكلو أفرنجي دا؟
    غايتو الحاجة الوحيدة الفهمتها من كلامك دا: مكافيلية..أدونا ليهو فى تاريخ النهضة الأوربية, حفظتها عن ظهر قلب.... ونسيتها عن قلب ظهر.
    لكن الزول دا ما كان مبرر!

    علا تكون انت براك مبرر غايتو...
    كدي تعال النسمع كلامك هنا:
    ظاهرة إنترنتية:و ما المشكلة فى ذلك يا أستاذ إسامة الخواض؟

    أنور
                  

11-12-2004, 03:59 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: AnwarKing)

    اوكي يا انور الملك ود الملوك
    جاييك سريع
    بس قبل دة النقطة التي تتطرقت أليها
    يجب ان نداهمها سوياً حين تساب
    بس يكون تحت شعار لا تثاقف ولا تكاتف ولا تعارف


    والفكرة انك تلغي زاكرة المحال طالما ظل الخوف رصاص يرتد في صدر
    العبارة الما بتبدأ بي أبداً .... ولا...
                  

11-12-2004, 04:01 PM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: حبيب نورة)

    موافق يا حبيب نورة...
    مع أنو لا أنا لا أخوي الكاشف سجيمان فاهمينك بتقول فى شنو !

    Quote: والفكرة انك تلغي زاكرة المحال طالما ظل الخوف رصاص يرتد في صدر
    العبارة الما بتبدأ بي أبداً .... ولا...


    والله علم الله واسع خلاس...

    لك الحب أطنان وأطنان .
    أنور
                  

11-12-2004, 04:18 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: AnwarKing)

    لوووووووووووووووولز

    Quote: موافق يا حبيب نورة...
    مع أنو لا أنا لا أخوي الكاشف سجيمان فاهمينك بتقول فى شنو !
    والله علم الله واسع خلاس...




    والله كضاب جنس كضب
    علم الله فعلاً واسع ... لكن بضيق بي مساحة فكرتك!!!
                  

11-12-2004, 04:25 PM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: حبيب نورة)

    حبيب نورة...
    صراحة كدا...
    انت المذيع داك قريبك؟!؟ هو دكتور فى الأصل علا بيحب الإعلام شديد

    ياخي أنت عسل عدييييييييييييل كد دي...
    لك الودّ كيمان وكيمان...

    أنور وسجيمان
                  

11-12-2004, 04:33 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا... (Re: AnwarKing)

    انور الليلة فاضي لي شديد!!
    سمح يا صاحب
    اولاً انا المزيع دة انا ما بوصلو
    عشان هو فصيح وجزوروا عميقة و غصونو رفضت الأعتراف حتي بي ( نيوتن)
    ناهيك عن حصة الفيزياء و جازبية أخونا دة.. وحتي التفاحة رفضت
    ان تنبت في بلدي بالرغم من المحاولات البترودولارية في رفع كفائة
    مثانة الواطة.... والتطاول في الخضرة و شكل الانسان في دنيا جديدة
    سيبك من الكلام دة وخلّيك في الكيمياء الجواك مالياني.... أديني
    أشعار بي تفتيت المعادلة دي لمّن ارجع وخت في بالك انو برضو أتنين
    من فريق هايدروجين و أوكسيجنة لو خلطو في حدائق جكس أبريل..
    ممكن الخرتوم تصب فيها مطرة الجمعة وتبقي بشتنة ورقاد واطة
    غير كدة مالك ما جيت باركت لي عيد ميلادي يعني ما عاجبك يا قبيح
    تشبه لي معتز تروتسكي اب صلعة والله....
    اها والله لسة ما خبزنا...... وبعدين لوزمها شنو الشقاوة!!
    ما السوق مليان حلاوة.............. وااااو و بي الألوان كمان
                  

11-12-2004, 07:08 PM

AnwarKing
<aAnwarKing
تاريخ التسجيل: 02-05-2003
مجموع المشاركات: 11481

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا...هجمنا لكن ما شديد... (Re: حبيب نورة)

    Quote: انور الليلة فاضي لي شديد!!

    كاذب من يقول فاضي فى البلد دي يا حبيب نورة...ولكن داير أحس نفسي وأتمرمغ فى البوست بي مزااااج كدا... موش أحنا ناس على كيفي...أتمرمغ فى بوستك أو لا أتمرمق!

    عادة لما أكون داكّي النوم... ومواصل اليوم حتى أحضر لقاء السبت ومناقشة التقرير الأسبوعي عن ماذا فعلت الأسبوع الماضي وماذا ستفعل الأسبوع المقبل...

    ليس هذا فحسب...بل أيضاً سمنار من 3 مقاطع...فى يوم يقال فيما يقال انه السبت...اجازة...الا هنا!

    على العموم يا سيدي ان شاء الله بس المذيع ما راح ليك...انا قاصد حمزة...أو حماميزو...الزول دا فى البداية كنت مكجنو...لكن بعد داك بقا مقسّم معاي 100%...أهو بقينا برّة البلد كلها...ماذا يضيرينا ان حمزة أو حبيب نورة أو ساحات الفداء تملاء التلفزيون يعني؟!؟

    جيتك فى بوست العيد ميلاد بتاعك...لكن يا حبيب نورة... انا لو وريتك صورتي بتاعة العيد ميلاد وعمري 6 سنوات...تتحير يا راجل...صحي الحكومات العسكرية دي بتطير أى شي...خصوصاً شعر الراس...

    واسأل صحبك عزو....

    ونستك طاعمة والله يا حبيب نورة...
    أنور
                  

11-13-2004, 12:53 PM

معتز تروتسكى
<aمعتز تروتسكى
تاريخ التسجيل: 01-14-2004
مجموع المشاركات: 9839

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا...هجمنا لكن ما شديد... (Re: AnwarKing)

    انور ازيك000
    حبيب نوره0(ياشين ودشن)0
    انا خاتى عدتى هنا وجايكم بى مهله ماشى اجيب باقى الحاجات واجيكم اوكى00
    يازفت ماتهبش حاجه00
    الليله انور كنج الايقوم جارى00لووووووووووووول00
    عيد لى الصباح00
    ونشوف كلام سخافه يخفه ده حدو وين يا فهمنا يا اتثقفنا00
    عشان نبقى زى الولد ده00
    يلا انمشى ونجيكم00

    (عدل بواسطة معتز تروتسكى on 11-13-2004, 01:01 PM)

                  

11-15-2004, 11:07 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا...هجمنا لكن ما شديد... (Re: معتز تروتسكى)

    معتز
    كل سنة وانت طيب
    خش في الموضوع سريع
    سيبك من الونسة الكتيرة دي
                  

11-15-2004, 11:01 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سجمنا وحبيب نورنا هجمنا...هجمنا لكن ما شديد... (Re: AnwarKing)

    عارف
    انا لسة ما فضيت ليك يا أنور
    والله لو ما الزول القبيح دة هسة كنت في سابع حلم
    لكن نعمل شنو يا عب
    غير كدة أتمرمغ بي راحتك وسيبك من حماميزو
    اصلو والله انا زيك كدة ... كنت ما بحبو لكن شوية شوية
    لقيتوا عندو موضوع لوما شوية الحركات البعملها دي
    وشكرا للونسة الطاعمة اللذيذة و أبقي تعال تاني
                  


[رد على الموضوع] صفحة 1 „‰ 1:   <<  1  >>

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de