|
|
 الشربوت ما بين التحليل والتحريم
|
واحد مولانا خليجي أفتأ بتحريم الشربوت
ووضعه ضمن قائمة طويلة من المسكرات
المذهبات للعقول.... بعد ما أتناقشت
معه في عدة امور دينية مع أني ما بحبّذ
الأحاديث في مثل هذه الامور...........
أول حاجة أتكلمنا عن أحتفال العرب
بي الكريسماس ورأس السنة الميلادية
الراجل اداني محاضرة عريضة وأستشهد
بي كمية من الآيات كأنو عايز يثبت لي
انو شاطر وحافظ صورة البقرة صم....
وبعدين جينا للعيد و أتضايق شديد
لمن قلت ليه العيد عندكم بايخ وزي
الواطة... ولمن كلمتو عن طريقة
أحتفالنا بي عيد الضحية او العيد
الكبير وجينا لي الشربوت الراجل
ما قرّب يجيب لي ناس الهيئة في البيت
وقال لي حرام شرعاً وتطبيقاً.....
غايتو انا بلحي بلّيتو من هسة
وبسد دي بي طينة ودي زاتة بي طينة
|
|
 
|
|
|
|
|
|
|
 Re: الشربوت ما بين التحليل والتحريم (Re: alfatih)
|
حبيبو الشباب الطاشمين الحلوين 00
قايتو نحن بى جاين طبيعى هاطمين لكن بى بيبسى قايتو انا الشربوت ده مابريدو وفى حياتى ما ضقتوا فى خشمى00
استفغرتك يامالك روحى 00  
اسمعوا صحى العيد بتين؟؟
| |
|
|
|
|
|
|
|
|
 Re: الشربوت ما بين التحليل والتحريم (Re: حبيب نورة)
|
حبيب نورة ياحبيب
البوديك تناقش الناس ديل فى تراثنا الشعبى شنو؟
انت كلمته عن الشربوت داير يعوقك يعنى لو كلمته عن ود العيش يسوى ليك شنو؟ انتظر
انتظر شوية امكن السلام دا يجيب( الباردة) والا حيكون سلام اغيبش ساكت؟
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
الملك سلامات
يا ابن العم ..لكن ما جننتنا
بصحنك المصلح ده.. وكمان
عامل زيتو الكثير ده
يعنى الليلة ما ننوم ولا كيف
نحن ننكرش من الشربوت
انت كمان تقوم تعمل لينا أم هلهلا
مالكم الليلة يا ملك ..وحبيب نورة معانا
عماد
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
حبيب نورة
زمان عندي واحد عما لينا ، جانا من حلة بعيدة ، وجماعتنا ساقوهو الإنداية وهو ما بيشرب ، بس لما سخّن من أم فتفت والشية والشطة بالليمون ، قام شرب ،، بعدين رجع البيت العصرية ،، وقام ( عزف ) فالوالد سألو ، يا أخي إنت ما بتشرب الودّاك الليلة تشرب شنو ؟
قال ليهو : والله يا حاج عجبتني طيبة الجماعة ،،
أنا ما بشرب الشربوت عشان مرض القولون ( عافانا الله جميعا ) لكن أخونا عمر محمد عبد القادر ( ود الباوقة ) جاب لي تمر كتير خلاص ، وهسة التمر مبلول ، والأمور ماشية ، وما عارف حا تعجبني طيبة الجماعة وللا لا ..
كل سنة وإنت طيب
| |
|
|
|
|
|
|
|
|
|
Re: الشربوت ما بين التحليل والتحريم (Re: ودقاسم)
|
ود قاسم
ههههههههههههههههههه
الله لا غزّا فيك بركة
وحاة الله مت من الضحك
يا زول انا جماعتي طيبين و حنينين
وغير كدة انا زاتي ما داير لي عيزومة
بشرب و بقش خشمي
ولو سعلوني بقول يسمّني
Quote: أخونا عمر محمد عبد القادر ( ود الباوقة ) جاب لي تمر كتير خلاص ، وهسة التمر مبلول ، والأمور ماشية ، وما عارف حا تعجبني طيبة الجماعة وللا لا ..
كل سنة وإنت طيب |
ههههههههههههههههه
لكن لقيتك يا ود قاسم دهري من الطراز الأول
أنعل ابو كدة ياخ
كل سنة وانت طيب ياخي
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
أخي حبيب نورة
مدخل:
الحمد لله الذي جعل عيد الأضحي مرة في السنة وبأوضاعنا الإقتصادية هذه سوف يأتي اليوم الذي يكون فيه العيد زي مسابقة كأس العالم مرة كل أربعة سنوات.
فتوي:
ما أسكر كثيره فقليله حرام.
إستشارة طبية:
يعني نحن ليه نكبسه لمن نفتش للنفس ونتعذر ونتحايل على القانون ونشرب الشربوت والواحد بالله تقول هزبر الخروف يتلحس من أول يوم وفي ناس الشربوت ما بعمل ليهم أى حاجة بل يعتبر لبعضهم Diet وهذه العينة من البشر إلا يشربو Balck % Decker - عفواً قالوا دي ماركة معدات صناعية يبقى Black Lables
سينما:
تعرض سينما حلفايا بحري فيلم الموسم ثاني وثالث أيام العيد "أكلة لحوم الغنم" وعشان ما تدخل السينما عليك بإرتداء قناع واقي من الغاز الذي ينبعث من السور المحيط بالسينما إضافة إلى ود عماري المجاور لزوم الكيف والعشا فول لناس الدور الأول فقط أما رواد الحفلة الثانية فيأكلو في بيوتهم أو فيأكلوا نيم.
حنكشة:
يااااااي إنتو بتاكلو لحمة نيه ياااااي
لغة:
الشربوت هو شر مبيت. جاءت الراء متأخرة شوية عفواً مشددة بعد الشين فحكمها إدغام بغنة فأبدلت الهدوم القديمة بطقم بايركس –عفواً يبدو أنني أوف بوينت – أبدلت الميم واواً وحذفت الياء وبالهنا والشفا.
خاتمة:
كل عام والجميع بخير بشربوت أو بسواه أو بدون أى شئ.
| |
|
|
|
|
|
|
|
|
|
Re: الشربوت ما بين التحليل والتحريم (Re: almulaomar)
|
حبيب نورة
تحياتي
طبعا نحنا حنفية
وابو حنيفة قال
في فرق بين الخمر والمسكر
والخمر هي الشرب من ماء العنب إذا غلي وأشتد وسكن عن الغليان
والحاجات التانية دي مسكرات
والخمر هي التي توجب الحد
والمسكر يوجب التعزير
وفي تعريفه للسكران (أبو حنيفة) قال:
هو الذي لا يفرق بين السماء والأرض والرجل والمرأة
بل بلحك وبل لينا معاك
وانسى شيخك ده وسدهم الاتنين بطينة
ولك ودي
| |
|
|
|
|
|
|
|
|
|
Re: الشربوت ما بين التحليل والتحريم (Re: almulaomar)
|
الملا عمر
لا حولااااااااااااااا
Quote: إستشارة طبية:
يعني نحن ليه نكبسه لمن نفتش للنفس ونتعذر ونتحايل على القانون ونشرب الشربوت والواحد بالله تقول هزبر الخروف يتلحس من أول يوم وفي ناس الشربوت ما بعمل ليهم أى حاجة بل يعتبر لبعضهم Diet وهذه العينة من البشر إلا يشربو Balck % Decker - عفواً قالوا دي ماركة معدات صناعية يبقى Black Lables
|
اولاً بي التبادي أستشارتك مرفوضة
ما دايرين منك أيي كلام دكاترة
خلينا في شربوتنا يا زول
Quote: حنكشة:
يااااااي إنتو بتاكلو لحمة نيه ياااااي
|
ياي يا ملا
انت طلعت فظيع خالص
أصلو ما بسألك
Quote: لغة:
الشربوت هو شر مبيت. جاءت الراء متأخرة شوية عفواً مشددة بعد الشين فحكمها إدغام بغنة فأبدلت الهدوم القديمة بطقم بايركس –عفواً يبدو أنني أوف بوينت – أبدلت الميم واواً وحذفت الياء وبالهنا والشفا |
لا دي بالغت فيها يا زول
وحاة نظري هسة انا محتار أرد عليك بي شنو؟؟
وكل سنة وانت طيب
جيتك براها بي الدنيا
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
أخي حبيب نورة
تقول أخي وبصريح العبارة: ياي يا ملا
هل كلمة ياي التي سبقت إسمي في عبارتكم أعلاه هي حنكشة من جنابكم الكريم أى Exclamation In Wonder كما يقول الفرنجة أو شوف الصدفة كما يقول بعض أبناء المسالمة أو كده يا كبير كما جاء في لغة الرندوق التي يتحدثها الشماسة بطلاقة في السوق العربي وفي رواية أخرى كده يا أب رده في فصل الصيف فقط ، أم أنها من باب الترديد الإستهجاني لحالة الحكنشة التي أبديتها أنا في وصفي أياكم بأكلة اللحمة النية مرارة أو خلافه.
وربنا يخلي ليك نوره وكل حبايبك الحلوين وعيدك بإحساس كل الأشواق والتمنيات الطيبة للمغتربين وهم يعيشون العيد بعيداً عن الوطن والأهل والأحبة والحجاج يمتنعون.
| |
|
|
|
|
|
|
|
|
|
Re: الشربوت ما بين التحليل والتحريم (Re: almulaomar)
|
الملا عمر
والله دي بالغت فيها شديد
صفقة صفقة صفقة شديد
الحنكشة دي علم واسع
بتبدأ من مرحلة ياي و بتمتد جزورها حتي مرحلة
سلب حرف الجيم مزاقه الحقيقي وتعطيشه حين حنكشة
وأيييييك من بنات الولايات لمن يخشو في المجتمع
الجامعي الخرطومي وتلاقيهم بعد سنة و سيميستر
ديل بعملوها ظاهرة جدا!
تحايا
| |
|
|
|
|
|
|
|
|
 Re: الشربوت ما بين التحليل والتحريم (Re: almulaomar)
|
الاخ حبيب نوره
تحياتي
ما ذكره الشيخ الواعظ حدث ايضا في السودان العام قبل الماضي عندما افتي الشيخ محمد احمد حسن بحرمة الشربوت وجهجهني انا بالذات جهجهة شديده خالص تعرف ليييه؟؟؟ لانو انا انتظر العيد بفارغ الصبر عشان الشربوت ومنذ ذلك التاريخ افتقدت اي طعم للعيد بسبب الفتوى اياها لان الست الوالده امتنعت عن صنعه استجابة لاوامر الشيخ ، ولاول مره احس أن فتاوي الشيوخ يمكن أن تؤثر علي بشكل مباشر .
وبسبب هذا الفتوى مازلت اخوض معارك كثيره(كأنهامعارك الاسكندر) داخل العائله لاثنائهم عن تنفيذ هذه الفتوى وكسب مؤيدين الى صف الشربوت ولكن ما زالت المحصلة ضعيفة جدا .
رغم انني استعرت بعديد من الفتاوي الاخرى ولجأت ايضا الى قراءة كتب الدين وبعض التفاسير المعاصرة منها والقديمة .
ما يهم هنا ايضا حتى لايفسد العيد عليكم مثلما حدث معي استئصال فتاوي الجنجويد هذه مبكرا ولا مانع ان اكون مبعوثكم للسلام والمفوض المقيم من اجل راحتكم .
لقد وجدت ان الخمر نفسها حرمتها محل شك لان القران قال عنها انها فيها فوائد للناس ولذلك راي الامام ابو حنيفه ان العقوبة ليست على شرب الخمر وانما على (السكر)كما ان الرسول (ص) لم يضع لها عقوبه معينه وحتى في عهد ابوبكر الصديق كذلك لم تكن هناك عقوبه بل كان الامر تعذيريا .
اما العقوبة المعروفة اليوم (الجلد) فقد كانت في عهد عمر بن الخطاب وكانت بأيعاز من علي كرم الله وجهه عندما رأى ان شوارع المدينة قد امتلات بالسكارى ووافق عمر رغم اعتراضه لانو كان يرى ان الناس حديثي عهد بالاسلام .
والملاحظ ان القرأن لم يقل بحرمتها بل قال فأجتنبوه رغم وجود لفظ الحرمه في ايات اخريات مثل حرمت عليكم الميته والدم ولحم الخنزير .
ان الشربوت ليس مسكرا بل يعتبر افضل هاضم للحمة الاضحى .
انا مقتنع بس من يقنع الديك
| |
|
|
|
|
|
|
|
|
|
Re: الشربوت ما بين التحليل والتحريم (Re: Napta king)
|
ملك نبتة
اول حاجة انا في غاية الفرح
الليلة اليوم دة ما أعتيادي
معقولة ياخ
اول مرة أتشرف بي طلعتك الملوكية دي
Quote: تحياتي
ما ذكره الشيخ الواعظ حدث ايضا في السودان العام قبل الماضي عندما افتي الشيخ محمد احمد حسن بحرمة الشربوت وجهجهني انا بالذات جهجهة شديده خالص تعرف ليييه؟؟؟ لانو انا انتظر العيد بفارغ الصبر عشان الشربوت ومنذ ذلك التاريخ افتقدت اي طعم للعيد بسبب الفتوى اياها لان الست الوالده امتنعت عن صنعه استجابة لاوامر الشيخ ، ولاول مره احس أن فتاوي الشيوخ يمكن أن تؤثر علي بشكل مباشر .
وبسبب هذا الفتوى مازلت اخوض معارك كثيره(كأنهامعارك الاسكندر) داخل العائله لاثنائهم عن تنفيذ هذه الفتوى وكسب مؤيدين الى صف الشربوت ولكن ما زالت المحصلة ضعيفة جدا .
|
لووووووووووول
الخلا عليكم
انا أمي علمانية وعرباتها ألمانية
ما سمعت بي شيخك دة من اصلو
يا حليلها والله هسة تلقي زيرها فاير
وفاكي الزراير
| |
|
|
|
|
|
|
|
|
|
Re: الشربوت التحايل السودانى على الخمرة (Re: حبيب نورة)
|
حبيب نورة سلامات
كل ما يجى عيد الضحية واشوف الناس تشرب الشربوت .... وانا برضو بشرب معاهم ... وبعد ما تشيلنى نومة كاربة بعد الشربة.... اصحو واقول:- الشربوت هو التحايل السودانى على الًًَسنة (بكسر السين).
وناس التحريم الذين ذكرتهم سابقا قد تجاوزوا تحريم الشربوت الى تحريم الابرى (الحلو مر) بحجة النخمير. والابرى من المشروبات التى احبها جدا.
بعدين وزى ما انت عارف فان غالب السودان به انواعا او اخرى من المشروبات الروحية، فى الشمال بتلقى الذى يعصر من البلح وفى الغرب والجنوب والوسط تجد الذى يخمر من الذرة واحيانا يسمى عرقى العيش ... سواها فينا ... سكرانين خلانا طينا.....
بالمناسبة انت ناس الشرق ديل بشربو شنو؟ ما تقول لى القهوة بس؟
المهم انا كل ما اشوف الناس دى تضرب فى الشربوت، اقول لا شك ان لهم جدودا ضليعون فى شرب ال.....
والتحية لباخوس
محمد عبدالله
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
حبيبنا .. حبيب نورة
كيف حالك .. والله يا اخوى
عندى ليك ولاخوانك وصية
انا عادة قبل اى عيد اضحى
ما بفتح اى برناج بتاع فتاوى
لا فى التلفزيون ولا الصحف ولا الراديو
وده عادة تعلمناها من الديوم
وبالناسبة فى الديوم يختلف الشربوت من ديم لآخر
فمثلا شربوت حى القنا ممكن تشربو بعد صلاة العيد مباشرة
واحسن شربوت كان بتاع ناس عبد الفتاح الفولى
وناس عمر حسن ومحجوب البشير وبعدها الجماعة يركلسو
فى دكان جون فى سوق القنا
اما شربوت ديم برتى ده لازم تكون ماكل مرارة
بشطة تقيلة وليمونها كثير بالدكوة وده كان مشهورة بيه
خالتك نفيسة ام حيدر على سعيد وعبالله الحاج وجعفر دجانقو
ناس فريق الوادى الرياضى وبعدى كده طبعا جلسة
تحت شجرة النيم الكبيرة وديك يا كتشينة
اما ديم سعد ده لازم تكون ماكل شية جمر من نارها
وده عند عبدالسلام تاج السر وعوض الخير
جنب عادل فلانة والنوع ده لازم تاخذ ليك نومة
اما بقية الديوم درجة شربوتها عالية جدا فشرابة
لا يصلح إلا ليلاً
اخوك/ عماد كرنديس
| |
|
|
|
|
|
|
|
|
|
Re: الشربوت ما بين التحليل والتحريم (Re: عماد عثمان)
|
الشباب النضير ..
صباح الخير ..
Quote:
أما الإمام أبو حنيفة ففسر الخمر في الآية بعصير العنب مستنداً إلى المعنى اللغوي لكلمة الخمر
وأحاديث أخرى ،وأدى به اجتهاده إلى تحليل بعض أنواع من الأنبذة كنبيذ التمر والزبيب (...) |
وكل سنه وإنتو طيبين ..
...
طلال
| |
|
|
|
|
|
|
|
|
|
Re: الشربوت ما بين التحليل والتحريم (Re: عماد عثمان)
|
عماد عثمان
لوووووووووووول
وحاة الله لقيتك ديامي أكتر من سليمان باشدار زاتو
يازول دي حقايق مدمغة ما بعرفها الا ديامي من الطراز
الأول... يعني ناس الصحافات يمتنعون
زكرتني ايام حلوة في الديم
رغم أني ديامي صغنوني بحكم الرحيل المر
وكمان انا معاك في حتة تطنيش اي برنامج فتوي
عشان دايماً بتكون وراهُ بلوة
وبعد العيد الله كريم
سلمت يا كرنديس
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
سلام يا شاب
اولهام يا سيدي
البت ال في الصورة دي محجوزة لو بتقبل بي واحد مقرش وعندو مية دولار اخضر بي صلعتو عدا ونقدا
والشي التاني وقبل ما اجيك خليني ارجع فوق لي واحد اخينا قال قاعد يشرب بيبسي بس
في ذمتك ده بكون بشرب بيبسي بعد الشربوت ولا قبلو ؟
انا غايتو من هذا المنبر بطالبو بي ابراز اي دليل مادي ويخت لينا صورة قزازة بيبسي مصحوبة بي الترجمة لانو تقريبا حرفين الباء والياء في بيبسي وحاجات تانية كدة متشابهات , وبما انو اللغة الصينية طويلة ح يجيب لينا طرف القزازة ويقول دي بيبسي مكتوبة بالصيني ويدس الراء والياء وتشيل فينا المكنة
ونجيك انت يا مسخوط زي ما قال المثل
الشيخ ده في ذمتك لاقيتو في ياتو انترنيت كافيه ؟
اخر تصريح ليك عرفت انك قلت جبهتك دي ما تلحق الواطة الا الواطة تقوم وتضرب فيها
قمت قلبت وبقيت تلعب لي مع شباب غواتنامو شمال ؟
بس تعرف شيخك ده لو جا هنا ح يحرم علينا موية الماسورة خليك من الشربوت ..
عيدكم سعيد بي شربوت او من دونو زي ما ورد فوق
بالمناسبة رجعت الماسنجر
عقبال النور
ابنوسي
| |
|
|
|
|
|
|
|
|
|
Re: الشربوت ما بين التحليل والتحريم (Re: tabaldy)
|
أمير التبلدي
مشتاقين يا ممسوخ
اول هام البنت دي
لا بدوها للعدمان ولا السجمان
دايرنها لي زول سيد شئ وكل شئ
النوبيرا عرباتو
صباح الخير سلامو والمنتخب حمامو
انت ومية دولارك ديل تم عليهم و أشتري ليك مرجع من مكتبة الجامع
الكبير فرع نيقوسيا
تاني هام مالك قطعت الخبر
والعيد الجاب الناس لينا ماجابك
يعني نسيتنا خلاس!!!
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
لعابي سال للشربوووووووووووووووووووووت
منو يتكرم علينابعزومة شربووووووووووووت وشية
الدمام السعودية
شحده على عينك يا تاجر
زول الأمارات ده ، أبو عزومة مفتوحة على النت الله يزيدك وهذا هو السوداني الذي نعرفه
بعدين جماعة الحلال والحرام ديل إن شاء الله ما يتفقوا بركة العيد السعيد
مشكورين يا شباب عطرتوا البوست بروائح عيد أهل السودان
وكل عام وانتم بخير
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
| Quote: ،وأدى به اجتهاده إلى تحليل بعض أنواع من الأنبذة |
لا اعرف لماذا اعجبني جمع نبيذ على انبذة في هذا المقام الذي هو مقام شعشعة لا سكر ,,بل هي شعشعة عيد لا يجوز القياس عليها ,, ولمولانا الخليجي ان يبدأ بتحريم شرابيتهم وآبرايِيهم اولا قبل ان يرمي بفتواه عابرة القارات ,,, ولكم جميعا تهنئة حارة بالعيد ,,,, وخسمتكم بالله العندو شربوت يطراني ,,, ورب شربة من غير شارب ,, يقول العارفون ,, الشارب هو شنب كشنب النعام آدم(الله يطراه بالخير) لا شوفتن تبل الشوق ولا ردن يطمن ,,, اريتك تبقى طيب وانا البي كلو هين ,,, صحيح البينا هين في هذا العيد ونحن نحمل عدة حلاقتنا كاملة الى الحلاق لزوم الوقاية لا لزوم النظافة ,,,شن فايدة الشنب عاد ؟ او الشارب ,, او كما قال
| |
|
|
|
|
|
|
|
|
|
Re: الشربوت ما بين التحليل والتحريم (Re: الملك)
|
الملك؟؟!!!!!!!!!!!!!!
معقولة بس يا زول قول كلام تاني ....
انت عارف زولك دة ألا كان متبني
ثقافة البلاك ليبل او ما يعرف
بجيل الشمبانيا في الطبقات
الراقية ما نس كمبو القش!!!
وغير كدة توقيعك الأكثر اناقة
في المنبر الحر..... تسلم
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
حبيب نورة
كل عام وانت بخير وربنا يحقق الامانى
يا أخوى عندى ليك سعال
انت الشربوت ده إلا فى عيد الأضحى ..
يعنى الواحد ما ممكن يدور فيه طوالى
يا أخى الموضوع ده لذيذ جداً
بعدين ممكن تتحكم فى الدرجة المطلوبة
عماد عثمان
| |
|
|
|
|
|
|
|
|
|
Re: الشربوت ما بين التحليل والتحريم (Re: حبيب نورة)
|
حبيب نورة ..
تعرف زولك دا عشان ما جرب الشربوت ..
قول ليه تعال اخد ليك جغمة وجرب ..
وأسالوا قول ليه الشربوت حرام ..
كان ما حللوا ليك ويقول ليك دا مصنوع من ثمر طيب
وهو التمر والرطب .. ويثبتها ليك
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
وليد محمد المبارك
alfatih
معتز تروتسكى
حسن النور محمد
الملك
صلاح الدين عبدالله محمد
ودقاسم
طلال عفيفي
Napta king
بلدى يا حبوب
abookyassarra
waleedi399
فيس بوك
تويتر
انستقرام
يوتيوب
بنتيريست