|
|
 خُمرة و حِنّة و دلكة و حفرة دُخان ...( توجد فِركة قرمصيص) !
|
عرفة بت الطاهر لو تعلمون .. كانت مـرَة مشهورة بالجيهة للدرجة الجابت
ليها النجيهة والحسادة من باقي نسوان حلة ورا !
النسوة اللائي ينطبق عليهن لفظ البشتنة والجوباك !
لم تمنعني حداثة سِنِّي من إبداء إعجابي الشديد بها , وهي تقطع المسافة
من بيتهم الواقع علي بعدِ جدعة حجر من رامي لا يجيد التصويب، إلي دكان الجّزُر
بتاع عمك فضل المولي !
كل عشرة خطوات كانت بمشية مختلفة ، وهي تقدِل زي وزينة تريانة( وتريانة) لمن
لم يسمعوا بها تعني سمينة أوشبعانة والله تعلم !
أو تتصنّع الخِفّة تارةً أخري و تترك مؤخرتها التي كانت تدرك قوة مغنطيسا
تفعل ما تفعل بقدامي الصعاليك المساخيت الذين يلاحقونها وهم يرددون
شل أجِب موبيل توتال
شل أجِب موبيل توتال
ما كدة وخلاس ،، كان مرور عرفة الساكنة طرف و رأيها ما أنعرف بذلك الشارع
البائس كافياً لتحويل المكان والزمان إلي كأس العالم للخُمرة والصندلية !
فلو أسعدك الحظ وقمت بمصافحتها ، فتأكد بأن الريحة الشهية المستفذة
ستسكر كفّك المتواضع وتبطل وضوءك لخمس أوقات متتالية !
فأنالا أذكر أحداً سلم علي عرفة ما شمّ إيدوا بعد المصافحة مباشرةً !
حتي شيخ حسن الذي كان يعرف بالصلاح والتقوة عندما صافحها بكل خشوع و إيمان
وهو يتحوقل و يستعيذ بالله العظيم من شيطانِ الخُمرة الرجيم !
أنا أعتقد جازماً أنه سيردّد في أوراده هذه الليلة
فاح لِي كبّريتة كبدي بالبنزين قادحة كبريتة !!!
أما عن صديقتي التي كانت طابقة البوخة فيما مضي من سالفِ العرس و الدخان !
تطلب من النسوان البولّعن حفرة الدخان في عصراً قريب الغيبة مراعاة حقوق
الإنسان و الجيران وحسن أولئك رفيقا من العزّابة الغلابة التعابةوالذين هم
عن نسائهم ساهون و أبن السبيل !
وبتطالب ذوات الثدي اللائي يلقين بأجسادهن إلي تهلكة الحفرة تجنّب كل أنواع
الطلح والشاف و بخور الكّبّريت والصندلية الأصلية !
أما رش غرف النوم بالمحلب وموية الورد فذلك رجسٌ من عملِ العرسانِ فأجتنبوه!
أما ود الرضي خليناهُ علي اللانام ولا أكل الطعام وهو يقول
طابق البوخة
قام ندا يهتِّف نام من الدوخة
إيدوا عاقباهُ جدلة مملوخة
في معالق الجوف موسو مجلوخة !
أما صديقتي ( قادر الله) إنتي يا الكبرتوك والبنات فاتوك الله يصبرك يختي
وخليك من راي ماما دومة وتنظيراتا التقدمية في النسوان أمات حفرة دخان
وقولي ليها الكديسة لمن ما تقدر تحصل اللبن في المشلعيب بتقول
بِس عفِن !!!
وسيبك من ماما دومة و أرخِي أضانك لي ود الرضي دة كلاموا بنفعك
فاح لِي كبّريتة
كبدي كالبنزين قادحة كِبريتة
أصلوا هالكاني عنِّي ما نجيتة
يا جرح غوِّر إنشاء الله ما بِريتةويا بت أمي أنشاء الله تصبحي عروس بي بيتك وبي خُمرة زيتك
ولكن أرجوكي أن لا تلقي بنا إلي التهلكة !!
|
|
 
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: على احمد النعيم)
|
هي ذاتا عواطف بت الأمين ماعندها شغلة !
كل يوم مصاقرة حسين بتاع (قدّر ظروفك) لما أتعبت ظروفه وزهج منها !
المحلبية ماغالية في سعد قشرة بس هو وينو الزمن لعواطف وهي فاضية من جلبطة الكريمات وشيل حس البنيات ؟!
بري والله ماجدة مازيها لكن ماجدة كمان ماسكها جن ( أم الحفر) !
دخاخين وعجاجة ماتديك الدرب من تغيب الشمس تلقاها ولّعت في الحلة حريقة !!
البلد دي مافيها مراعاة لحقوق الحبان ولا شنو ؟!
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: نادية عثمان)
|
Quote: أو تتصنّع الخِفّة تارةً أخري و تترك مؤخرتها التي كانت تدرك قوة مغنطيسا
تفعل ما تفعل بقدامي الصعاليك المساخيت الذين يلاحقونها وهم يرددون
شل أجِب موبيل توتال
شل أجِب موبيل توتال
|
ههههههههههههههههههههههههههههه
يازول خدشتنا
أنت ما عارف الأيام قانون خدش الحياء العام مدور
أزيك يا أستاذ / يس
دائماً روحك جميلة وقلمك جميل
بس والله يا حبيب جنبي واحد علق تعليق دا ما بقولو ليك إلا في التلفون بلاهي رسل تلفونك
| |
|
|
|
|
|
|
|
|
 Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: نادية عثمان)
|
Quote: بري والله ماجدة مازيها لكن ماجدة كمان ماسكها جن ( أم الحفر) !
دخاخين وعجاجة ماتديك الدرب من تغيب الشمس تلقاها ولّعت في الحلة حريقة !!
البلد دي مافيها مراعاة لحقوق الحبان ولا شنو ؟! |
الكلام ليك يا المنططة عينيك
وفي رواية أخري أكثر خباثةً
الحريق ليك يا المدخنة كرعيك
كااااااااااك لكن
عارفة يا نادية
البلد دي فيها جنس حركات
أبداً ما كويسة ياخ
هسة زي دي يقولوا عليها شنو يا حبيبة القسا
لكن أم الحفر أريتا لعبة السرور
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: ودقاسم)
|
Quote: كبريتك يكبرت كبيرات البلد وصغار
يردده مئة 99 مرة ويختمها ب
دخان المدخنات بعد دخانك نيم , ,,,
|
جابو الحجاب من شيخ فلان
فوق بابو راسمين الزهور
دخانو زي قطر البخار
والريحة زي صندل بخور
سواقو ما ولداً حريف
عشقلو بالترس الخفيف
خلاهو يتخطا الطيور
عفص الابنص خلا الغبار عامل جسور
تحياتي لك حبيب النورة البنورة
| |
|
|
|
|
|
|
|
|
 Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: ودقاسم)
|
Quote: رسمة حنتك لوحة وطن
نيلينو منسابين حرير
مغزول بنول عز الزمن
والخضرة بقّت واحتوت
ضجّة تسابيح الشّجن
جات البسيمة مرفرفة
وضّاحة زي صفحة لبن
ممزوجة بي عطر الربيع
معسولة زي عنب اليمن
ورسمة حنتك خارطة قلب
دفّاق يكابد في الوجيف
ينزف وريدو جمال وحب
والريشة تخطف كل لون
حاكت رميلات الدّرب
دسّت أناملك في حشاي
فاضت عيوني بلا سبب
ضوّت بسيمتك في الفريق
بان الطريق ، بطل العجب
ورسمة حنتك لوعة عذاب
ترميني بي سهمًا عنيد
تهزم وعود كلّ السراب
تحبسني في حضن الأسى
تحجر علي لقيا الصحاب
تلسعني لوعات الهجير
تهجم علي من كل باب
تسقيني كاسات الهموم
يومًا أسى ويومًا يباب
الرياض ، 13 أغسطس 2002 |
ود قاسم الجميل
أول حاجة أنا والله مشتاق ليك كتير الشوق
ياخي وين
حليلك وحليل أيامك
بقيتوا تظهروا في السنة مرة
أخبارك أيه يا جميل
ورسمت حنتها
من أجمل ما قرأت عن الحنة
تسلم يا شفيف
شكرن كتيرن!
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: محمد عبد الماجد الصايم)
|
Quote: أما صديقتي ( قادر الله) إنتي يا الكبرتوك والبنات فاتوك الله يصبرك يختي
وخليك من راي ماما دومة وتنظيراتا التقدمية في النسوان أمات حفرة دخان
وقولي ليها الكديسة لمن ما تقدر تحصل اللبن في المشلعيب بتقول
بِس عفِن !!!
وسيبك من ماما دومة و أرخِي أضانك لي ود الرضي دة كلاموا بنفعك |
لووووول قادر الله امك دومه مالها ومال الفراغ وقله الشغله
النبي عليك اسه الحنه دي مش جلبطه وفراغ وقت؟؟
والصبغه البرسمن بيها دي لها اثار جانبيه غير حميده علي المدي الطويل
الدخان دا ليشنو ؟؟؟!!
ربنا خلقني سمممممحه من غير دخان مسك فواح يا مطرطش .
في الحاجات دي كلها بريد خمره الضفره بس .
والعطور الباريسيه الراقيه دا حبي من انا يافعه وللان لا اغتني غير العطور .
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: doma)
|
دي كلها يا حبيب نوره بتمثل ثقافه الشمال السوداني والوسط فمثلا تشتهر نساء قبيله البطاحين بالدخان وقد توجد عادات اخري في الثقافات السودانيه المختلفه
في احد المرات عدت من الخرطوم منتصف الليل واستقبلني زوجي في المطار وما ان استغلينا العربه فاذا به يعلق مشمئزا Es riecht nach geraeuchertem
Schinken hier. لوووووووووووول
بمجرد وصولنا الي المنزل قلت اترمي انوم قال لي انت ح تنومي بريحتك دي في ياتو سرير ؟؟؟
فما كان مني الا ان دخلت الحمام الساعه واحده صباحا وانا اقول في نفسي
الله يجازي محنك يا الشول اختي انا ما قلت ليك خليني في حالي .
الحمام بالصابون عقب الدخان من المحظورات طبعا .
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: doma)
|
Quote: في احد المرات عدت من الخرطوم منتصف الليل واستقبلني زوجي في المطار وما ان استغلينا العربه فاذا به يعلق مشمئزا Es riecht nach geraeuchertem
Schinken hier. لوووووووووووول |
ماما دومة كدي ترجمي
وما تستغلي جهلنا باللغة الأظنها ألمانية
وتقومي تخمينا ساهي
ترجمي سريع
راجلك قال ليك شنو؟؟؟
Quote: الحمام بالصابون عقب الدخان من المحظورات طبعا .
|
طبعاً !
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
لوووووول حجبيب نوره لو قلت ليك قال لي شنو
بطنك تقلب من الدخان ليوم الدين
قال لي في ريحه منل لحم الخنزير المبخر المسمي( شنكن )وهو لحم الفخذ الذي يتم طهيه عن طريق التبخير بالخشب
هل تذوقت سمك السالمون المبخر ؟؟ او شممت رائحته ؟؟
تبخر اللحوم والاسماك بنوع معين من الخشب لحفظها و هي تعطي اللحم رائحه شبيهه برائحه المراه المدخنه . بالله مش انتهي من دخانكم دا ؟؟!!!
اها كما ما قلت ليك الدخان تستلطفه فقط الانف السودانيه وربما ليست كل الانوف بل حسب الثقافه الاقليميه .
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: doma)
|
Quote: ربنا خلقني سمممممحه من غير دخان مسك فواح يا مطرطش .
في الحاجات دي كلها بريد خمره الضفره بس .
والعطور الباريسيه الراقيه دا حبي من انا يافعه وللان لا اغتني غير العطور .
|
ماما دومة
يعني شكلِ واثقة من نفسك كدة
قادر الله يا أمي
عاد شيخة وما فريخة
لكن أقول ليك حاجة
برضو لازم تكون في مهارات فردية وكدة
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: haroon diyab)
|
Quote: شوف يالمسنوح الخالف كراعك وقاعد لينا....
الليلة الخميس وفي ناس مادايرة مشاكل
امش اتخمد خلي يومك ده يمر علي خير |
يازول الناس ديل لو جهجهناهم ما بريحونا
عليك الله ما أخير ليهم من نار الإنتخابات
أهديك بالمناسبة دي
لحن الخميس
بالطلح بالطلح إنشاء الله تاجر قمح
دة السمح دة السمح دة السمح
جاب الطلح سوّا السمح
هنا شامة و هنا انت وهنا طلحة وهنا إنت
أتدخن لي وانا دُخت
آآآي سمح انت وعسل انت
وش مكبرت عديل كدة
برجع ليك بعد ما أمشي آخد لي نفسين تلاتة
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: haroon diyab)
|
حبيب نورة العيدييل ، سلام عليك ،
النبى نوح ! خليتك فى الأسكندرية عدييل وسمح ، مالك هسع نضمك بقى كوتور ؟
نعلك مورود ، ولا ادوك عين ؟
وأنا إن سألت عنى ، من المساسقا بين دبي والشارقة وأبوظبى نفد صبرى وانهد حيلى ،وانقطعن نعلى ، وبس غايتو نقول يا لطيف.على الأقل الجو اتحسن والشمس القلعت عيوننا ديك غارت وحلت بشاير الشتاء .
تحياتى للعقاب .
ست البنات.
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: ست البنات)
|
الاخ الحبيب
اخوك ناوى الشم اقصد العرس
حكت لي
صديقه انو لو ناوى العرس اهم حاجه عندكم حطب في النرويج?
قلت ليها ايوة طبعا للدفايات في البيوت الفيها مدخنه
قالت لي دفايه شنو يا اطرش دايرين حطب لي حفره الدخان
قلت هيي حفره وين هنا اول حاجه دي شقق ولو البيوت الارضيه دابره تسربح من المطافي وووو
قالت لي ما تخاف بنرسل ليك حفره صناعيه ولا
مش عندكم علب الفورموست?
=========
ونسه ل زيييييييزه
حكت لي
هنا الراجل لو قالو ليهو ياراجل امشي السوق جيب اكل يمثل فيها عيان وتعبان ومشغول لكن بس ما يسمع كلمه الزريبه يقوم زي الحصان ويتم الكلام بسؤال
- شنو يا وليه انتي حطبك كملتيه? انقوم نحصل بتاع الزريبه قبل مايقفل.
-ياخ ما تقوم طاير تقوم تصدم كمان , بتاع الحطب ده ساكن في زريبته ; يعني خدمات 24 ساعه
- ليه ? صيدليه?
- الدخان ما علاج للرطوبه برضو انت ما عارف
=====
قالو
الامام سرح مع الربحه في اثناء الصلاه قال
يارب توعدنا بالحور في حفره النار
المصلين برضو شمو الريحه قالو
آآآمين
====
تحباتي
حبيب نوره يامبدع
واصل تشحتفك لينا
الصيدليه بنزورها قريب
آآآمين
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: محمد زكريا)
|
Quote: قلت هيي حفره وين هنا اول حاجه دي شقق ولو البيوت الارضيه دابره تسربح من المطافي وووو
قالت لي ما تخاف بنرسل ليك حفره صناعيه ولا
مش عندكم علب الفورموست? |
قررررررررررر
فروموست مبالغة يا عمك
Quote: هنا الراجل لو قالو ليهو ياراجل امشي السوق جيب اكل يمثل فيها عيان وتعبان ومشغول لكن بس ما يسمع كلمه الزريبه يقوم زي الحصان ويتم الكلام بسؤال
- شنو يا وليه انتي حطبك كملتيه? انقوم نحصل بتاع الزريبه قبل مايقفل.
-ياخ ما تقوم طاير تقوم تصدم كمان , بتاع الحطب ده ساكن في زريبته ; يعني خدمات 24 ساعه
- ليه ? صيدليه?
- الدخان ما علاج للرطوبه برضو انت ما عارف
===== |
يا مان والله ضحكتني جنس ضحك
لدرجة إنوا كاروشة الضحك قامت علي تاني
يا ود زكريا تتجازي وتاخد الإجازة
عندي شوية نضم بجي أقولوا مرة تانية
بس سيد الزريبة يفتح
| |
|
|
|
|
|
|
|
|
 Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
سلام ياحبيب نورة وحبيبنا كلنا
شايفك حايم في الحروف ( خ , ح, د, ح, د ) وكمان ( ف , ق )
حاول جمعها بتطلع ليك جملة مدخنة
عندنا واحد فى حلتنا (حي العرب) مرة كان بيبع ليهو فى شاف وطلح في سوق امدرمان
جاتوه واحدة قالت ليهو ياولدي طلحك دهـ سمح؟؟؟
قال ليها كدي أمشي اتدخني بيهو ... (باقى الكلام فى الايميل ... الحقنى بيهو)
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: الطيب شيقوق)
|
Quote: هبيب نورة المسنووووووووووووووووووووووووووووووووووح شكيت محنك
يوم القيامة بودوك النار يا سجم الرماد
خليك حكيم وعقلاني و موزون زى عمك شيقا دا بدخلوك الجنة حفيان |
شيقا الجميل
أول الهبايب جات من آل البيت
ما فاضل لي غير بسمك اللهم
يازول علي اليمين الجنة دي خاشنها خاشنها
المهم انت كيفنك!
خمرة و حنة ودلكة وحفرة دخان
بين قوسين توجد فركة قرمصيص
| |
|
|
|
|
|
|
|
|
 Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: الطيب شيقوق)
|
حبيب نورة
دخول للقراءة والتحية
والتأمل في ما حرمنا منه الزمان وإن أبقي لنا الحناء في رسم بديع
دون امل في الحفر أو خمرة أو دلكة .............
وما تعطي كلها إن إجتمعن من عبق محبب , أصبحت النفس تحس منه بغربة
إن ما صافح مع النسمات الانف في مناسبةأو سوق أو مطار يعلن أن هناك سودانية ما
بمجال قريب تمر , فتمر ببالك مجالات أخري أنفلت أن تدور فيها
ولم يعد منها في البال شي ....
لاختلاف الثقافات مع زوجة ما يجعل حبي لها وقناعتي بها عظيمة
أنها لا تكون إلا هي باعتزاز وفخر غير عادي ببلادها وثقافتها
ولم تحاول يوم ان تفعل ...
مع كثير الحمد والرضا بقسمتي ونصيبي
لك التحية فتلك الاشياء أصبحت لى شهر بلا نفقة ... لتعد أيامه أو لا تعد
شكرن كتيرا
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: عبد الناصر الخطيب)
|
Quote: حبيب نورة
دخول للقراءة والتحية
والتأمل في ما حرمنا منه الزمان وإن أبقي لنا الحناء في رسم بديع
دون امل في الحفر أو خمرة أو دلكة ............. |
عبد الناصر الخطيب
كيفك يا جميل
تسلم كتير علي المرور الأنيق
و أظنك قد أستفدت من قناة الدعاية المجانية
أحب أشكر كل الشركات الراعية للبرنامج
و أشكر كمان اخواننا في جريدة الوسيط
تخيّل لقيتها جمب عتبة الباب
المهم
كن بخير
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
يا أخي جهجهتنا
وساسقت بي مشاعرنا
سمعنا ان هناك فركة وقرمصيص
لاوجدنا هذا ولا ذاك
والجهجهة والمساسقة لغوياً وجهان لعملة واحدة
كأن يقال في حق الرجل
جهجهتو وساسقت بيهو
والمساسقة هي الهرولة بين ثابتين
مثل المساسقة بين كلية التجارة وكافتيريا آداب
بإعتبار بنات آداب دائما حلوين
أو المساسقة بين العمودين الاخضرين
للحجاج والمعتمرين
والثالوث المكمل لعملية الجهجهة والمساسقة هي المكابسة
والمكابسة شرعاً تجوز في جميع الاوقات
صباحاً وضحيً ومغرباً وعشاءً ومابين ذلك
كما الاغنية القديمة
احب في كل اوقاتي
الاقي حبيبي يوماتي
ولكن بعض المتحزقلين والمتفزلقين من
المتدينين العلماء تحفظوا على مكافسة الضحوية
بحجة انها تحرك سلكاً معيناً في العصب البصري
يضرب في البطين الايسر للعين
مما يصيبها ببعض الغشاوة والعماش
كأن يقال فلان معمش
غير ذلك ليس هناك ضرر من مسألة مكابسة الضحوية
امسكوني اخير ليكم
قبل ما اجيب ليكم النجيهة وبكري يقفل ليكم الموضوع ده ويشمعوا
كيفن اصبر قليبي كيفن اعمل حسابي
مادام عشمي في نظرة والعندو النظرة مابي
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: أحمد الشايقي)
|
حبيب نوره.....السلام عليكم.....
شكرآ لهذا البوست المواتى لدخاخين الشيات....وحاجة إبداع...ومجيه ..
Quote: بري والله ماجدة مازيها لكن ماجدة كمان ماسكها جن ( أم الحفر) !
دخاخين وعجاجة ماتديك الدرب من تغيب الشمس تلقاها ولّعت في الحلة حريقة !!
|
ناديه..تحياتى..ذكرتينى نكتة..
الراجل قالو عازم صاحبو فى البيت وصاحبو لسانو طويل...دخل لقى ليك كم حفرة دخان فى الحوش..قال لصاحبو..إنت معرس ليك ارنب...
تقديرى وأحترامى....للجميع..
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: مطر قادم)
|
| Quote: اها كما ما قلت ليك الدخان تستلطفه فقط الانف السودانيه وربما ليست كل الانوف بل حسب الثقافه الاقليميه |
صدقاً لي كلامك دا يا دومة
مرة اتهفيت في عقلي وعملتها في نص الاسبوع ومشيت المكتب
ما كرهوني : فين شم الجبنة التعزية* دا ؟
جيت جري على الصابونة الما بتندار
الله يقطع خفة العقل
لووووووووووووول
حبيب نور سلام
حب الناس مذاهب يا ولدي
ـــــــــ
* يشتهر اهل تعز في اليمن بجبنتهم المدخنة وعلى فكرة مدخنة بطلح الله والرسول دا
وعندهم ما الذ واشهى الاكلات
يعني الريحة حقتنا اكل عندهم
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: الجندرية)
|
Quote: Quote: اها كما ما قلت ليك الدخان تستلطفه فقط الانف السودانيه وربما ليست كل الانوف بل حسب الثقافه الاقليميه
صدقاً لي كلامك دا يا دومة
مرة اتهفيت في عقلي وعملتها في نص الاسبوع ومشيت المكتب
ما كرهوني : فين شم الجبنة التعزية* دا ؟
جيت جري على الصابونة الما بتندار
الله يقطع خفة العقل
|
والله يا جندرية
طبعاً بعد السلام والمطايبة
ماما دومة دي فِرِد شغلة تقضاها ما عندها
خليني منها هسة
لكن ناس اليمن بالغوا
| Quote: يحقتنا أكل عندهمعني الريحة |
صحي اليمن ضياع زمن!
تسلمي علي الطلة الحلوة
وشكرن كتيرن!
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
صديقي الشاعر والباحث في مجال الأغنية
شاذلي الفنوب
الله يطراهُ بالخير
أمبارح أول ما شاف صديقتنا الطابقة البوخة
قام عليه حق المربعات
وكتب مربع سريع كدة
بقول فيه
فايحة بالكبَريت والقليب أنّة
الضمير محزوز والعقل جنّة
البخلي الروح لاجـّة تتـأنّي
الكفل مردوم وفي القِديم حِنة
أنا رديت عليه
صندل قوامك فاح والخصر غنّي
ليلاً معاه صباح حورية تتنّي
سدرك قنابلوا سلاح لي لمسو تتمني
باقي العِمير الراح نقضاهُ في الجنة
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
من روائع ابو صلاح
جافي المنام
جافي المنام لاسعني حي ام زاد غرام ضاوي المحي
قالب الدرع يقدل ضحي طال جيدو فاق ظبي السحي
قالي تطوف بي كل حي كيف تبقي عاشق وانت حي
لو يانسيم مريت عشي قبل فويطرات الرشي
قوليه قط مابي شي الا الغرام شاويني شي
خليك خفيف رايق بني لاتتني قامة الدابو ني
املد خصر خاتي التني حق نهدو يلعبو التني
ياللردف خصر تكي انا من هواك دايماً شكي
فاطرك وقد بالبسمة كي يشويني لايكويني كي
عينيك متل عين الظبي السارحة بي شويدن الربي
كم بالدعج هلكن صبي جاهلابو زي ماجاهلة بي
نورتي يالخد الجلي تخفي الجواهر والحلي
خبرني يابصدراً عُلي البرتكان ليك والا لي
قالي دا لااتباع لاشُري احسبلو فوق نجم التري
لسع رخيص ناعم طري خمر الدلال باقيلو ري
سائل حميمات الودي بالزمة يغشن للجدي
يردن ذلال فاهو الندي عن نيلو قصرن ساعدي
ياقلبي كون بالحب رُضي انا لي رضاك ماشافلي ضي
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: 7abib_alkul)
|
Quote: وحفرة بدخان الطلح فاغمـــة
تندي الروادف تلوينـاً وتعطــيرا
لمحت فيه - وما أمعنت – عارية
تخفي وتظهر مثل النجـم مذعورا
مدّت بنانــاً به الحنــاء يانعة
ترد ثوبـا إلي النهديـن محسورا
قد لفها العطر لف الغيم منتشراً
بدر الدُجي وروي عن نورها نورا
يزيد صفرتهـا لمعاً وجدتهــا
صقلاً وناهدهـا المشدود تدويـرا
أرخي الدخان لها ستراً فبعدهـا
كدرة في ضمير البحـر مسجورا
حتي إذا ضــاق كَنٌ أنفذه هين
الصعـود خصاص الباب مكسـورا
وشملة غمرت ساقين وابتدرت
كالمـوج تلمس جيداً رفّ مشهورا
يرق تحت دخان الطلـح ساوره
كالدمع في الخـد تلماحـا وتغويرا
ما شملة كسواد الليل حلكتهـا
وللهواجس تغشي الفكـر مخمورا
كالوحوش جاثمة ثقلا فهل حضنت
إلا الجمـال رقيق العطف منضورا
تكتم العطف حتي يرتوي عرقـا
منها الجمال كروض بات ممطورا
تري الدخـان علي أثنائـها زبد
كالريش في نسمات الصبح مبهورا
حتي إذا ما إكتفت قامت وزايلهـا
نجد تساقط مثــل الدُر منشـورا
تخيلت وأمانيهــا منضرة خلال
الدخان حبيبــــا بات مهجورا
ونفضت حلما غنّي بوحدتها لحن
الصبابـة غض الصوت مسحورا |
حبيب الكل
ياخي دة توارد خواطر غريب!
كنا في سيرة المجزوب
انا والصديق الحبيب شاذلي الفنوب
الباحث الغنائي المعروف
وجبنا سيرتوا
ولطايفوا
وهسة لمن جيت لقيتك جايب الكلام الجميل دة
لمن أنخلعت
ياخي تسلم
وكل سنة وانت طيب
شكرن كتيرن!
| |
|
|
|
|
|
|
|
|
|
Re: خُمرة و حِنّة و دلكة و حفرة دُخان ...( توجد فِركة قرمصيص) ! (Re: حبيب نورة)
|
Quote: : وحفرة بدخان الطلح فاغمـــة
تندي الروادف تلوينـاً وتعطــيرا
لمحت فيه - وما أمعنت – عارية
تخفي وتظهر مثل النجـم مذعورا
مدّت بنانــاً به الحنــاء يانعة
ترد ثوبـا إلي النهديـن محسورا
قد لفها العطر لف الغيم منتشراً
بدر الدُجي وروي عن نورها نورا
يزيد صفرتهـا لمعاً وجدتهــا
صقلاً وناهدهـا المشدود تدويـرا
أرخي الدخان لها ستراً فبعدهـا
كدرة في ضمير البحـر مسجورا
حتي إذا ضــاق كَنٌ أنفذه هين
الصعـود خصاص الباب مكسـورا
وشملة غمرت ساقين وابتدرت
كالمـوج تلمس جيداً رفّ مشهورا
يرق تحت دخان الطلـح ساوره
كالدمع في الخـد تلماحـا وتغويرا
ما شملة كسواد الليل حلكتهـا
وللهواجس تغشي الفكـر مخمورا
كالوحوش جاثمة ثقلا فهل حضنت
إلا الجمـال رقيق العطف منضورا
تكتم العطف حتي يرتوي عرقـا
منها الجمال كروض بات ممطورا
تري الدخـان علي أثنائـها زبد
كالريش في نسمات الصبح مبهورا
حتي إذا ما إكتفت قامت وزايلهـا
نجد تساقط مثــل الدُر منشـورا
تخيلت وأمانيهــا منضرة خلال
الدخان حبيبــــا بات مهجورا
ونفضت حلما غنّي بوحدتها لحن
الصبابـة غض الصوت مسحورا |
دي معلقة على حفر الدخان
على الطلاق لم يدخل في راسي شعرا اندى منها
ولم يكلب شعرة عانتي شعرا الذ واطيب منها
واصلوا جنوننكم لمجانين الجن الكلي يا مجننين ومنقنقين
حبيب نورة نحبكم حبا جنا
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
فيصل أحمد سحنون
الشفيع وراق عبد الرحمن
عمار عبدالله عبدالرحمن
طارق جبريل
haroon diyab
عبدالعزيز الفاضلابى
على احمد النعيم
ياسر بيناوي
ودقاسم
Sayed Bekab
محمد عبد الماجد الصايم
doma
ست البنات
حامد محمد حامد
محمد زكريا
علوبه
سيف الدولة كامل
ذواليد سليمان مصطفى
الطيب شيقوق
سيف اليزل برعي البدوي
Sidgi mattar
أحمد الصديق
كمال الشادي
أحمد الشايقي
ismeil abbas
مطر قادم
الجندرية
تولوس
7abib_alkul
عبدالله ود البوش
فيس بوك
تويتر
انستقرام
يوتيوب
بنتيريست