|
|
|
 Re: تعالوا هنا يا أولاد (بيت المال الوسطى) (Re: الفاتح يوسف جبرا)
|
الاخ الفاتح
طلعنا من مدرسة واحدة.
انا كنت دفعة خالد تاج الدين.
لم استمر في مدرسة بيت المال طويلا و سرعان ما تحولت الي مدرسة اخري.
من اساتذة المدرسة اللذين اذكرهم و لم تذكرهم انت:-
الاستاذ ايوب عابدون
الاستاذ عوض عمر الامام
الاستاذ زبادة (غير من متأكد من الاسم الحقيقي)
تم قبولنا في الاول في مدرسة الاهلية الوسطي بالقرب من منزل الزعيم اسماعيل الازهري.
و قد تم تكسير بعض الفصول بسبب مرور شارع كبري شمبات.
تم تحويل كل المدرسة الي مدرسة ام درمان الصناعية علي النيل بالقرب من محطة تكرير المياه و كبري شمبات.
حتي اكتمل بناء مدرسة بيت المال الوسطي الحالي.
يعني كده انا من مؤسسي مدرسة بيت مال الوسطي.
| |
 
|
|
|
|
|
|
|
|
Re: تعالوا هنا يا أولاد (بيت المال الوسطى) (Re: الفاتح يوسف جبرا)
|
عزيزى عمر
التحية والودوقد سعدت أيما سعاده بمداخلتك وفعلا إنتو قدامنا بى سنتين والمداخلة بتاعتك عملت ليا تنشيط للذاكرة الخربة ، أستاذ (أيوب) كان قصير ونحيف وشعرو (سبيبى) وبتذكر كمان إنو كان (أشولانى) بيكتب بأيدو (اليسرى) وأظنو كان أستاذ إنجليزى ، على فكرة هو ما درسنا لكن درس الناس القدامنا (اللى هم إنتو) !!
أحنا يا عمر كنا فى (شمال) وناس خالد تاج الدين فى (جنوب) طبعا أنا دفعة أخوهو (عمار تاج الدين) وكان معانا فى (شمال) وهسع هو (صيدلى) ومستقر فى (كندا) لو بتتذكر كمان (الفاتح عبدالحى) يكون برضو دفعتك برضو كان أخوهو(أحمد عبدالحى) دفعتنا (الفاتح) هسع مصور تلفزيونى كما أعتقد و(أحمد) فى أحد البنوك !!
أنا عاوز أضيف للأساتذه برضو الدرسونا وما كتبتهم الأستاذ (على عبدالكريم) وكان مسؤول عن جمعية المسرح وبعد دالك هو ذاتو أصبح ممثل وشارك فى العديد من المسرحيات والأعمال التلفزيونية والدرامية ولمن مشينا مدرسة (المؤتمر الثانوية) لقيناهو برضو هناك !!
بالمناسبة يا عمر أنا البوست ده عملتو دون تأنى وشحذ للذاكرة عشان كده عندى ليهو إضافات مهمة حيث لدى كمية من الصور الفوتوغرافية (للفصول) والأساتذة (بالأسماء) بس كدى خلى المداخلات تزيد وتكتر شوية !!
وشكرا ليك على هذه المداخلة
| |
|
|
|
|
|
|
| |
الفاتح يوسف جبرا
فيس بوك
تويتر
انستقرام
يوتيوب
بنتيريست