سيناريوهات : دكاترة وكده !!

مرحبا Guest
اخر زيارك لك: 03-28-2024, 07:32 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الفاتح يوسف جبرا(الفاتح يوسف جبرا)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-15-2007, 08:11 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
سيناريوهات : دكاترة وكده !!

    صحيفة الرأى العام
    الجمعة الموافق 15 يونيو 2007
    موقع الكاتب : www.alfatihgabra.com

    المكان : غرفة قسم الحوادث بأحدى المستشفيات (الحكومية) بجمهورية (الأمازون) وتحديدا فى العاصمة (أمازونيا)
    الزمان : الساعة 12 منتصف ليل الخميس ( أى خميس)
    الكادر : 4 أطباء حديثى التخرج يعملون فى (نبطشية) الليل ( هيثم ، تامر ، رندا ، هاله)

    على الرغم من أن (الدنيا آخر ليل) إلا أن المستشفى وخاصة قسم (الحوادث) يعج بالمرضى والمرافقين والذين إصيبو فى حوادث مختلفة ، يدخل مجموعة من (الناس) يبدو أنهم من عائلة واحدة وهم يضعون شاباً على (نقاله) قالت إحدى السيدات وهى تمسح الدمع من عينها تخاطب (دكتور هيثم) :
    - والله (عماد) أخوى ده عندو (نفسيات) ليهو مده عشان إتخرج ليهو (عشرة سنين) وما لاقى ليهو شغل .. والليلة دخلنا أوضتو لقيناهو حاول ينتحر !!
    - حاول ينتحر بى شنو؟
    - والله ما عارفنو بس لقيناهو كاضم جنس (الكضمة) دى !!
    - طيب بس لو سمحتو تطلعوهو معانا فى (الكنبة) بتاعت الكشف دى عشان نكشف عليهو ؟
    - (بعد أن تم وضع المريض) : خلاص بالله لوسمحتو بس زحوا لينا شويه من هنا
    ثم بعد أن زح أهل المريض وقفت (مجموعة الأطباء) حوله :
    - هسع (الشاب) ده نفوقو كيف؟ مفروض نعمل ليهو طبعا أول حاجه resuscitation (يعنى إعادتو لوضعو الطبيعى) !!
    - يعنى كيف نرشو بى موية بارده ولا نشممو بصلة؟
    - دقيقة النتذكر .. فى حاجه كده بسووها فى الحالات دى أدونا ليها فى سميستر 8 ... و
    - أنا ذاتى كنت متذكراها والله !!
    - أنا بفتكر إنو نكسب الزمن ونتصل بى دكتور (كمال) الإستشارى
    يمسك (هيثم) بالموبايل ويتصل :
    - آلو دكتور كمال ... إن شاء الله كويس يا دكتور
    - الحمد لله ..(منزعجاً) معاى منو؟ فى شنو؟
    - لا مافى حاجه يا دكتور .. معاك دكتور هيثم (الطبيب المناوب) فى قسم الحوادث
    - إن شاء خير فى شنو عندكم؟
    - والله يا دكتور عندنا حاله كده ما قدرنا نتعامل معاها
    - حالت شنو يعنى؟
    - والله يا دكتور عندنا مريض جابوهو لينا (كاضم) .. قالو كان عاوز ينتحر !!
    - عاوز ينتحر بى شنو؟ صبغة؟ حبوب؟ شنو؟
    - والله أهلو قالو بس كان عندو (نفسيات)
    - ما طبعا عاوز ينتحر أكيد عندو (مشاكل ونفسيات) أنا بسأل عن طريقه محاولت الإنتحار كانت شنو؟
    - والله يا دكتور مافى زول عارف!
    - طيب ما تعملو ليهو (ريسسيتإيشن) resuscitation
    - يا دكتور نحنا (الريسسيتإيشن) ده عارفنو لاكين بسووهو كيف؟
    - معقولة إنتو ما عارفين تعملو للمريض (resuscitation) ؟ إنتو درستو فى الكلية شنو؟
    - لكن يا دكتورالكلام ده درسناهو قبل 4 سنين عاوزنا نتذكرو هسع ؟
    - طيب خلاص اعملو ليهو CPR ولا كمان ما عارفنها برضو؟
    - هو أنخنا عرفنا ديك يا دكتور عشان نعرف دى ؟ كدى دقيقه يا دكتور
    يلتفت إلى (هاله) هامسا :
    - إنتى يا دكتورة (هالة) بتعرفى تعملى CPR
    - دى مش بتاعت الزول (يضغطو) ليهو (صدرو) ويعملو ليهو (تنفس) ديك !!؟
    - هو يعنى أنا عارف ؟؟ كدى نسأل ونتأكد من دكتور (كمال)
    يمسك بالموبايل مجددا :
    - يا دكتور والله ذى الإتذكرتها ، الـ CPR دى مش بتاعت الزول (يضغطو) ليهو (صدرو) ويعملو ليهو (تنفس) ديك !!؟
    - أيوااا عليك نور
    - طيب يا دكتور خلاص شكرن ليك كتير !!
    (هيثم) يلتفت نحو البقية :
    - يلا خلاص نعمل للشاب ده الـ CPR القالا دكتور (كمال) دى !!
    - إنتى يا دكتورة (رندا) أمسكى (الضغط) وإنتى يا دكتورة (هاله) أضغطى على (الصدر) وإنت يا دكتور (تامر) دخل ليهو الأنبوبة
    - وإنت سعادتك ح تقعد متفرج مش كده ؟
    - لا أنا ح أمشى أجيب ليا ليهو مهدئ !!
    (تامر) يحاول إدخال الانبوب فى فم المريض وينفخ وفى كل مرة يكتشف أنه ينفخ فى (المعده) وليس (القصبة الهوائية) فيخاطب (رندا) :
    - كدى بالله أمسكى ليا حنك الزول ده كلما أمسكو (يتزلق) منى - ثم فى ضجر- هو بالله ما لقى يحاول ينتحر إلا فى (نبطشيتنا) دى !!
    - أها كده يا (رندا) الأنبوبة دخلت .. كدى يا (هاله) أمسكى ليهو (النبض) شوفيهو ح يطلع كم؟
    - لكن يا (تامر) أنا ما بتذكر الطريقه البيقيسو بيها (النبض) .. غايتو بتذكر إنو فى طريقه كده الزول بيعرف بيها إنو (الدقيقه) أنتهت .. حاجه كده ذى.. ون.. تو .. ون .. تو .. ون .. تو
    -(فى تبرم) : إنتى قايله نفسك فى إختبار ما تعملى أى حاجه وتخلصينا !!
    - عليكى الله يا (رندا) بتتذكرى زمان قالو لينا لمن نجى ناخد (النبض) بنقول شنو؟ - أفتكر إنو مفروض (تدقى) التربيزه كده (وهى تشرح لها عملياً) : .. ون ..طق .. إتنين ... طق ... تلاته .. طق لحدتما تحصلى (60 طق) تكون الدقيقه كملت !!
    - (فى تبرم شديد) : طق .. بق ... بس خلصونا !!! - ثم فى زهج- هو بالله الزول ده ما لقى يحاول ينتحر إلا فى (نبطشيتنا) دى !!
    فى هذه الأثناء يدخل (هيثم) يحمل فى يده (حقنه) :
    - زحو زحو يا شباب .. أنا ح (اصحيهو ليكم) أنا جبت ليهو حقنت بيثيديين pethedine ..
    -(الممرضه تلحق به) : لا.. لا .. يا دكتور
    - مالك فى شنو؟
    - (البيثيديين) ده يا دكتور )مسكن للألم( وهو يا دكتور ما عندو ألم هو عندو (كوما) دلوقتى
    - يعنى شنو؟
    - يعنى الزول ده كده ما محتاج هسع لى (البيثيديين) ده وإحتمال يعمل ليهو (مضاعفات) عشان هو فاقد الوعى !
    - والله الممرضه دى شكلها كده فاهمة ِأكتر مننا حقو نخلى ليها الكيس case ده يا (هيثم)
    ونخارج روحنا من الموضوع
    - على كيفكم خلوهو ليها
    - (يلتفت للممرضه) : خلاص أنا ما ح أديهو حقنت (البيثيديين) إنتى شوفى تديهو شنو؟
    - خلاص يا دكتور أكتب ليهو أدميشن (تنويم) عشان نوديهو نرقدو فى العنبر بعدين
    (فى هذه الأثناء يدخل شرطى وهو يمسك فى يده ببعض الأوراق) :
    - الزول العاوز ينتحر ده جاكم هنا !!
    - يجينا كيف يعنى وهو كان عاوز ينتحر؟
    - لا أنا بقصد جابوهو ليكم هنا
    - أيوه
    - طيب ليه ما حولتوهو لينا عشان نعمل ليهو أورنيك 8
    - نحول ليهو شنو ؟ هو كاضم وفى غيبوبة !!
    - خلاص لمن يصحى نحنا عاوزنو عشان نفتح ليهو (بلاغ إنتحار) !!

    الساعه الواحدة والنصف :

    يدخل شاب فى العشرين من العمر وهو يتكئ على رفيقه وما أن يصل إلى حيث يجلس دكتور (هيثم) حتى يبادره :

    - لو سمحت يا دكتور أنا عندى جرح فى رجلى وجيت أمبارح هنا لقيت الدكتور الكان (مناوب) أمبارح وقام طهر لي الجرح وأدانى حقنة ولف ليا الجرح بى قطن وشاش وقال ليا تعال لينا بكرة عشان نغير ليك ونديك حقنة تانى
    - طيب أنادخلني شنو؟ انا قلت ليك تعال يعني
    - لا ما هو أصلو الـ
    - عارف عارف عاوز تقول ليا الدكتور الأمبارح وشنو وشنو مش كده ؟ بس أنا بفتكر بدل التلتلة دى والتعب ده كان تمشى أى مستوصف من المستوصفات الكتيرة المالية الدنيا دى يغيرو ليك ويدوك الحقنه !!
    - لا أنا جيت هنا عشان عندكم قسم للسكرى!!
    - والسكرى دخلو شنو؟
    - ما لأنو أنا عندى سكرى !!
    (هيثم ينادى البقية .. يقفون حوله فى شكل دائرة يتهامسون ثم يتجه هيثم للشاب مرة أخرى ) :
    - كدى ورينا الجرح ده (يفك الشاب الأربضة والشاش ويريه الجرح)
    - عندك (سكرى) ومجروح قدر ده ؟ ما بالغت عاد لكن؟
    - هسع يعنى نعمل ليك شنو؟
    - حقو نتصل فى دكتور (كمال) الإستشارى
    - ح يكون نائم يا (هيثم) ح تزعجو ساكت !!
    - طيب نسوى شنو؟ ما لازم نتصرف ؟
    - قول ليهو تعال لينا باكر !!
    - (يلتفت إلى المريض آخذاً بنصيحة رندا) : لو ممكن بس تجينا بكرة ؟
    - أجيكم بكرة دى شنو أنا عاوز (أفصل بنطلون)؟ ما تغيرو ليا وتدونى (الحقنة) هسع وتخلونى أمشى
    - لكن ..
    - لكن شنو هى عمليت (قلب مفتوح) ما نضافة وحقنة !
    - طيب بس ممكن دقيقه ؟ - ثم يلتفت نحو البقية - :
    - شوفو يا شباب أنا أول مره أشوف ليا مريض سكرى عندو جرح وما إتعاملت مع case ذى ده قبل كده و
    - والله أنا ذاتى !! لكن بفتكر مفروض نعمل ليهو CPR
    - أنا بفتكر قبلما نعمل ليهو CPR حقو نتصل بى دكتور (كمال) الأستشارى
    ( يمسك بالموبايل ويتصل ) : معاك دكتور هيثم يا دكتور
    -أهلا
    - والله يادكتور اولا اسفين على الازعاج
    - لا مافى ازعاج دى الساعة لسه (بدرى) بعد (نص الليل)
    - يادكتور والله الحقيقة جانا مريض بيقول انجرح امبارح وجا هنا وعملو ليهو نضافة وأدوهو حقنه مع ملاحظة إنو عندو سكرى !
    - وإنتو عملتو ليهو شنو؟
    - والله يا دكتور لسه ما عملنا ليهو حاجه لكن قلنا نشوف رائك عشان عاوزين نعمل ليهو CPR ؟؟
    -(يهتاج) : معقوله بس ؟؟ الراجل جاييكم بى كرعينو لحدت عندكم تعملو ليهو CPR ؟؟
    - يعنى ما نعملا ؟
    - أكيد !!
    - (هيثم يضع الموبايل فى جيبه ويخاطب تامر) :
    - هسع يا (تمورى) -إسم الدلع- نعمل للزول ده شنو؟
    - (تامر يلتفت للمريض) :
    - إنت يا أبو الشباب امس كنت (واعى) لمن جيت للحوادث هنا؟
    - أيوه (واعى) يعنى جيت (سكران) ؟
    - لا ما اقصد كده؟ يعني شفتهم وسمعتهم وهم بيعالجو فيك ؟؟
    - أيوه طبعاً
    - حلو .. حلو جداً
    - (فى إستغراب): هو شنو الحلو؟
    - حلو لأنو أكيد تكون سمعت الدكتور قال ليك عندك شنو؟
    - كيف يعنى ؟
    - لا.. لا خلاص إتذكرت (مخاطباً هيثم):
    - إنت يا (هيثومى) شنو إسم المرض البجى مع الجروح لمن تكون (وسخانه) وما نضيفة وكده ؟ - مواصلا- تتذكر أدانا ليهو (بروفيسور سعيد) فى سميستر 6 !!
    - أيوه بتذكر إسمو إسمو ... أيواا لقيتو !! إسمو (الكزاز) !!
    - نو .. نو.. نو.. أنا عاوزو (إن إنجلش) - يعنى بالإنجليزى- !!
    - دقيقه إتذكرو ليك ... حاجه كده ذى (تايتانيك) !! أيواا إفتكر حاجه كده آخراها (أوس) أتيااتيتوس تيانييييكوس ... تيتانيسيس ... أيواا ... عرفتو ... إسمو (تيتانوس)
    - طيب بتتذكر علاجو شنو ؟
    - شنو البعرفنى؟؟ يعنى عاوزنى أعلرف إسمو وكمان أعرف ليك علاجو ؟
    - أكيد غايتو يكون مضاد حيوى .. بس ما متأكد
    - أها يعنى هسع نعمل شنو؟
    (هيثم وهويلتفت للمريض) :
    - شوف يا أبو الشباب إنت امس شفتهم وهم بيدو فيك الحقنه ... صاح؟؟
    - صاح
    - جميل .. طيب تعال معايا (ياخذه لدولاب الادويه) : مابتتذكر أدوك ياتو نوع من الحقن دى؟؟ كدى حاول تتذكر على مهلك نحنا ما ورانا حاجه
    - (فى زهج) : لكن انا الوراى حاجه .. هو ده طب ولا (شختك بختك) .. خلونا بالله دكاترة آخر زمن .. مع السلامه !!


    الساعه 2 وربع :

    الممرضة تجرى داخلة يا دكتور حصل دكتورة (منال) بتاعت (النساء والولاده) على التلفون .. يذهب (هيثم) ليكلمها على (التلفون الثابت) ثم يعود بعد دقائق :
    - يا شباب دكتورة (منال) بتقول عندها حاله مريضة انخفض ضغطها الى 50/120 وعاوزة واحد مننا يمشى ليها فى العنبر الراقده فيهو عشان يكشف عليها لأنها هى مشت البيت الليلة بدرى عشان عندها ظرف - متسائلاً - أها منو اليمشى يشوف المريضة دى؟
    -(كلهم بصوت واحد) : أمشى إنت!!
    -أنا شنو ؟ والله أنا ما بكره ألا قسم (الجاينا) - يعنى النساء والولاده- !! - مواصلا- أمشى إنت يا (تامر) !!
    - والله أنا (الجاينا) دى نجحت فيها يا الله يا الله !! بعد ما روحى طلعت !! شوفو ليكم زول تانى !! -مواصلاً - أنا بفتكر طالما القصة قصة (جاينا ونسوان) وكده حقو تمشى ليها (هاله أو رندا)!!
    - انا امشى وكمان عند (دكتورة منال) ؟؟ إنتو ناسين إنها سقطتنى تلاته مرات فى إمتحان (الجاينا) والله أنا (مكجناها) ولا بمش لا حاجه !! شوفو (رندا) !!
    - والله يا جماعة أنا ما ناقشة أى حاجه فى (الجاينا) لو بس كنت أعرف أى حاجه ما بتفرق معاى كان مشيت ليكم عادى كده والله!!
    - شوفو يا جماعة (دكتورة منال) عاوزة زول يساعدا ... صاح؟
    - (الجميع) : صاح
    - والزول المفروض يساعدا مفروض يكون أكتر زول فاهم فينا ...صاح؟
    - (الجميع) : صاح
    - خلاص أنا بفتكر نرسل ليها (عشة الممرضه) !!
    - (كلهم بصوت واحد) : عشة الممرضة ؟؟؟؟؟؟؟!


    الساعه 3 صباحاً :

    يدخل إلى غرفة الحوادث أشخاص يحملون شخص يسيل الدم من رأسه بغزارة وهو يتأوه بصوت عال يبدو أنه مصاب فى حادث ، تشير إليهم (الممرضة) ليضعونه على (كنبة) الكشف ، ينظر (هيثم) للبقية كيما ينهضوا لمباشرة الحاله :
    - يلا يا جماعة نشوف الزول ده الحاصل ليهو شنو باين عليهو (حالتو صعبة) !! - مواصلاً - لازم نسوي لينا خطة عمل نوزع فيهاالادوار علشان ننقذو باسرع مايمكن ....
    - خلاص انا مهمتي اسجل البيانات بتاعتو وانتو عليكم الباقى
    - لا بالله يا شيخ ... شلت أسهل حاجه !!
    - خلاص واحد يسجل البيانات وواحد يعمل ليهو CPRوواحد يوصل له IV line(درب تغذية) وواحد يجهز ليهوالادويه وواحد يسوي ليهو فحص سريري!
    - خلاص بس أنا بعمل ليهو الفحص السريرى !!
    - لا .. (أنا ورندا) النعمل ليهو (الفحص السريرى)
    - شوفو يا شباب وكت كلنا عاوزين (الفحص السريرى) ده أيه رايكم نعملا بالقرعة ؟ - يبدأ بتقطيع الورقه التى فى يده إلى قطهع صغيرة يكتب عليها ثم يرمى بها على الطاوله ثم يأخذ كل فرد ورقه)
    - (رنده وهى تنطط) : وووى ...ووووى أنا ال ح أعمل الفحص السريرى) ثم تتجه نحو المريض الذى يئن بصوت عال
    - (الممرضة):المريض ده لازم تدوهو (محلول) حالا لأنو نزف دم كتير
    - محلول شنو ؟ محلول الجفاف ؟
    - والله ما عارف ؟ حقو نتصل على دكتور( كمال ) نسألو !!
    - يا جماعه دكتور (كمال) ده ما جنناهو جن حقو نشوف لينا دكتور تانى نتصل عليهو؟
    - هو مش رئيس الوحده بتاعتنا ؟ خلاص يستحملنا !! وبعدين هو زول كويس وما بزعل مننا
    - خلاص كان كده إتصل أسألو
    - (هيثم يمسك بالموبايل ثم بعد عدة دقائق يرد) :
    - عندكم شنو كمان تانى ؟ كرهتونا الطب ذاتو!!
    - معليش يا دكتور
    - معليش شنو؟ أنا هسع ما ذى الشغال سادى خدمه معاكم !!
    - معليش .. يا دكتور بس آخر مرة !!
    - طيب فى شنو؟
    - والله يا دكتور (كمال) جابو لينا مريض عامل ليهو حادث حركة ومدشدش كلو ونازف دم كتير .. عملنا ليهو اللازم لكن بس ما عارفين نديهو ياتو محلول؟
    - كمية الدم النزفها قدر شنو؟ ليتر ولا ليترين ولا كم يعنى؟
    - بتبالغ يا دكتور لكن يعنى ؟؟ نعرفو كيف بس ؟ - بعد تفكير- قول كده 4 لترات !!
    - إنتو يا إبنى إتخرجتو كيف؟ كان نزف 4 لترات كان مات زماان !!
    - والله يا دكتور لى هسع بيكون فات الأربعه لتر
    - ليه ؟ ما وقفتو ليهو النزيف؟
    - (وهو يبتعد عن صراخ النساء الذين يبكون على المريض الذى أخرج الروح) : لا ما قلنا قبلما نتصرف برانا أول حاجه نسألك يا دكتورنديهو ياتو محلول ؟ .

    الساعه 4 وربع صباحا :

    يدخل رجل يحمل بين يديه طفل صغير يمدده على التربيزة التى يجلس عليها (الدكاترة) :
    - لا بأس عليه يا حاج عندو شنو؟ مالو؟
    - كان نائم قام وقع من (العنقريب)
    - (رندا وهى تلتفت نحو هاله) : (العنجريب) ده مش الحاجه البتشبه السرير دى ؟
    - أيوه بس ما عندو راسين بالجنبات
    - (هيثم يرفع الطفل ويلاحظ أن أحدى رجليه بها إنثناء) : طيب يا شباب لما نشتبه إنو فى زول رجلو مكسورة شنو الخطوات البنعملا ؟
    - والله غايتو بتذكر إنو أول حاجه لازم نعمل ليهو صورة بالاشعه
    - أها وبعدين؟
    - نقوم نديهو مسكن للألم
    - وبعدين؟
    - نشوف تاريخو المرضى يعنى الـ History بتاعو
    - (هيثم وهو يخاطب والد الطفل) طيب على كده خلاص يا حاج شيل الورقه دى وأمشى أعمل لينا صورة بالأشعه لى كراع الود ده !!
    - (يخرج والد الطفل لعمل الأشعه بينما يخاطب هيثم البقية) : كدى قبل الراجل ده ما يجيب أشعت ولدو منو البعرف يعمل (جبيره) فيكم ؟
    - والله النصيحة أنا قبل كده ما عملتها والكسور دى فى الرياضيات ما بدورا ولا بحبها !!
    - والله أنا لمن الدكتور شرحا لينا أنا كنت (داكه) المحاضرة العملى ديك لأنى كنت فى (عرس) ناس (نانسى) صاحبتى
    - وإنت يا (تامر) ما بتعرف تعملا ؟
    - والله أنا الجبس ده ما بدورو لأنو بيعمل ليا حساسية فى الجيوب الأنفية وغير كده أنا ذاتى ما بعرف أعمل (الجزيرة) ولا الإسمها شنو دى !!
    - طيب هسع وكت نحنا كلنا ما عارفين نعمل شنو؟ الراجل ده هسع بجينا !!
    - دى عاوزة ليها نعمل شنو؟ ما تتصل بى دكتور (كمال) هو فى غيرو ؟
    -(هيثم يمسك بالموبايل ويتصل) : معليش يا دكتور والله بس آخر مرة
    - (فى تبرم وزهج) : يا إبنى إنتو طلعتو (عين أهلى) معقول بس كده ؟؟
    - معليش يا دكتور والله ما عندنا غيرك !!
    - أها مالكم ؟
    - والله يا دكتور عندنا طفل شاكين إنو كراعو فيها كسر وحولناهو الأشعة عشان يعملو ليهو صورة وقلنا قبل أهلو ما يجيبو النتيجه نتصل بيك عشان نعرف كان طلع كسر نعمل ليهو (الجبيرة) بتاعت الجبس كيف؟ وبعدين نحنا ذاتو ما عارفين نعملا ليهو immediately ولا نصبر شويه؟
    - إنت يا إبنى منو القال ليك أنا دكتور (عظام)؟ إنت ما عارف إنى (باطنية)؟ إتصل فى دكتور (عبود) بتاع العظام الله لا عظم أجرك !! الواحد ما قادر يرتاح معاكم !!


    الساعة 5 صباحا :

    تدخل إلى غرفة الحوادث إمرأة تحمل في يديها طفلة لا تتجاوز التسعة أعوام يبدو عليها علامات الأعياء .
    - والله يا دكتور البت ما خلتنا ننوم من (الحمى) .. جسمها ده ذى (الصاج)-
    - طيب يا حاجه هسع نكشف عليها ونوريك الحاصل
    يضعها الجميع على (طاولة الكشف) .. قام (هيثم) بقياس (الحرارة) طلب منها (تامر) أن تفتح (فمها) .. قامت (رندا) بالكشف على بطنها وصدرها بالسماعة .. قامت (هالة) بقياس (النبض) .. ثم بدأوا يتحدثون تارة بالعربية وأخرى بالإنجليزيه وهم يشخصون الحالة ثم يتفقون على نتيجه يبلغها لها دكتور (هيثم) :
    والله يا حاجه بتك دى (اللوز) بتاعتا (ملتهبه) ولازم نشيلا ليها
    - لكن يا أولادى (اللوز) دى ما شيلناها ليها زمان .. نشيلا ليها تااااانى

    كسرة :
    حكايت (اللوز) دى حقيقية !!
                  

06-15-2007, 08:24 AM

Dr.Elsadig Abdalla
<aDr.Elsadig Abdalla
تاريخ التسجيل: 12-10-2005
مجموع المشاركات: 2198

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Fantastic...I like it....I think this is what exactly happening now in (Al-Amazon Republic).going to work now..will follow later...well done..
                  

06-15-2007, 08:41 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    رهيييييييييييييييييييييب يا ود جبرا ...

    قلتو ليّ انت والجنرال أجي هناك وكده .....


    أفرض جرحتني قزازة ... أمشي لناس هيثم ورندا ديل !!؟؟؟
                  

06-15-2007, 08:53 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: فاروق حامد محمد)


    بعدين يا ود جبرا انت حوّلت للرأي العام متين ؟

    يكونوا (أظرف) وكده ؟؟؟؟؟؟؟؟
                  

06-15-2007, 09:33 AM

essam&amal
<aessam&amal
تاريخ التسجيل: 11-15-2003
مجموع المشاركات: 2579

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    عذرا وبعد ان استأذنت الخالة ام وضاح
    اسنأذنك استاذى بكرى ابو بكر لكى ارد على هذا المقال .


    انا واحد من خريجى جامعة الرباط الوطنى كلية الطب ,
    وما توقعت ابدا ان اقرأ مثل هذا الكلام عن الدكاترة الخريجين { اطباء امتياز ]
    نحن ندخل معاك فى تحدى ونتقابل فى اى مستشفى تحتاره انت لترى مقدرتنا على التعامل مع المرضى .
    هذا استفزاز غير محتمل لاطباء الامتياز وانا ارفضه جملة وتفصيلا نيابة عن كل زملائى الخريجين .
    وهذا الاسلوب لم اكن اتوقعه من كاتب فى مقام الفاتح يوسف جبرا الذى كنت اقرأ له دائما ولكن ؟؟؟؟؟؟؟؟

    الله يسامحك ,,,,,,,,,

    دكتور هيثم هاشم محمود
    من خريجى جامعة الرباط الوطنى

    مع شكرى وتقديرى ,,,
                  

06-15-2007, 10:23 AM

نهال الطيب
<aنهال الطيب
تاريخ التسجيل: 03-14-2007
مجموع المشاركات: 1606

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: essam&amal)

    تحياتي

    أستاذ الفاتح جبرا
    الحق يقال في مصادفتي لزملاء لي يعملون كطلبة إمتياز بانهم يعانون من ناس دكتور كمال ديل
    حكت لي صديقتي عن حالة إمراة في نزيف متأخر وعند إدخالها للمستشفى كان الطبيب الاستشاري خارج لمنزله فرفض معالجة المريضة وتكلها على طلبة الامتياز بالرغم من خطورة الحالة ولمن الجماعة غلبتهم اتصلوا ليه قفل السماعة في وشهم
                  

06-15-2007, 10:31 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: essam&amal)

    أكيد ابننا هيثم ما دمت خريج جامعة الرباط الوطني

    فأنت بالتأكيد مؤهل جيدا ,, فجامعة الرباط مستواها متميز

    ولها سمعة طيبة ... وهي وفقا لتقديرات أصدقائي من الأطباء

    الكبار تعد الآن الجامعة الأكثر تأهيلا و the most well equipped university

    في السودان إذا لم تكن الجامعة السودانية الأولى في الحقل الطبي ..

    ولكن هناك من يتخرج من "كناتين" وليس جامعات مثل جامعتكم التي شمخ اسمها ولهذا

    تتفاوت المستويات .. وأكيد صديقي دكتور الفاتح لم يقصد التعميم مطلقا ...

    لك محبتي ....
                  

06-15-2007, 11:50 AM

saif basheer
<asaif basheer
تاريخ التسجيل: 11-29-2004
مجموع المشاركات: 1426

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: essam&amal)

    اسلوبك سلس جدا يا ساتاذ الفاتحً في هذه السيناريوهات خفيفة الظل (هذا البوست الثاني اقرأه بهذا العنوان)

    ذكرتني هذه السيناريوهات قصة رواها لي أحد الاصدقاْء..

    القصة:

    زار استاذ جامعي زميله الاستاذ الجامعي في احد الجامعات في الاقاليم (او الولايات او المحافظات .الخ).. عند وصوله لزميله وجده منهمكاً في نقل قائمة تتضمن حوالي 30 اسماً إلى ورقة سميكة بخط يده.. فانتظره حتى فرغ من نقل الاسماء، وسأله عن الموضوع.
    أجابه زميله (المُزار):
    "ديل يا سيدي طلبة كلية الطب بجامعة "كذا" ورأيت أنه من المناسب ان انسخ اسماءهم واوزعها على بقية افراد العائلة حتى لا نتعالج لا أنا ولا أي احد من اقربائي عندهم لما يتخرجو بعدين!!



    * لا اذّكر إذا كنت سألت صديقي راوي القصة إن كانت حقيقية أم خيال أقرب للحقيقةّ!!
                  

06-15-2007, 10:58 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: أفرض جرحتني قزازة


    قزاز مافى يا (فاروق) يا خوى !! غايتو إلا يجرحك (كيس) !!

    كسرة:
    فى (الرأى العام) لينا مده !!
                  

06-15-2007, 11:48 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الأبن الدكتور هيثم :
    تحية طيبة :


    Quote: وما توقعت ابدا ان اقرأ مثل هذا الكلام عن الدكاترة الخريجين { اطباء امتياز ]

    1- ليه؟ هل أنت راض عن مستوى وأداء خريجى الطب الآن ؟ هل كل المعينات التى ترتكز عليها المسألة موجوده بداية بالطالب النابغ المميز مرور بالمبانى والمدرجات والمكتبات الورقية والرقمية والمعامل الحديثه إنتهاء بالأستاذ المستقر المواظب المتمكن؟
    إن كنت تتحدث عن الجامعة التى تخرجت منها والتى تجد (الدعم) بصفتها تتبع لإحدى الوزارات السيادية فهذا لا ينطبق على معظم الجامعات الأخرى التى تعانى نقصا فى كل شئ !!

    Quote: نحن ندخل معاك فى تحدى ونتقابل فى اى مستشفى تختاره انت لترى مقدرتنا


    2- على الرغم من أننى لا أعمم فأقول إن كل الخريجين هم كذلك إلا أنك تعمم بأن كل الخريجين هم غير ذلك ! ولا أدرى ما المقصود بـ(نحن)؟؟ هل تعنى كل الأطباء الخريجين فى كل السودان من مختلف الجامعات أم (جامعتك) فقط ؟ عموما فى كل الأحوال فإنك لا تستطيع أن تجزم بنتيجه هذا التحدى للأسباب التى سبق وذكرتها!!

    Quote: هذا استفزاز غير محتمل لاطباء الامتياز وانا ارفضه جملة وتفصيلا نيابة عن كل زملائى الخريجين


    3- يا إبنى هيثم أنتم أبناءنا ولا نقصد بالطبع إستفزازكم بقدر ما نقصد إصلاحكم وإصلاح حالكم الذى فيه إصلاح البلد .. التعليم عموما (بما فيه التعليم الطبى) يعانى من تدهور مريع فى كل معيناته - وأنا ليس بعيداً عنه- ومن واجبنا أن ننبه لذلك عسى ولعل أن يلتفت أولى الأمر لذلك .

    Quote: وهذا الاسلوب لم اكن اتوقعه من كاتب فى مقام الفاتح يوسف جبرا الذى كنت اقرأ له دائما ولكن ؟؟؟؟؟؟؟؟


    4- يمكنك الإطلاع على تعليقات بعض زملائك الأطباء (الجدد) و(الكبار أيضاً) على موقعى الأليكترونى www.alfatihgabra.com والذين أكدو تدهور (التعليم الطبى) لترى إنك تنظر للأمر نظرة ذاتية بحته !!

    (عدل بواسطة الفاتح يوسف جبرا on 06-16-2007, 00:38 AM)

                  

06-15-2007, 11:51 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: حكت لي صديقتي عن حالة إمراة في نزيف متأخر وعند إدخالها للمستشفى كان الطبيب الاستشاري خارج لمنزله فرفض معالجة المريضة وتكلها على طلبة الامتياز بالرغم من خطورة الحالة ولمن الجماعة غلبتهم اتصلوا ليه قفل السماعة في وشهم


    يكون محصل (النقاطه) !!
                  

06-15-2007, 11:55 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: وأكيد صديقي دكتور الفاتح لم يقصد التعميم مطلقا ...


    أكيد يا فاروق .. نحن نتحدث عن (تدهور التعليم الطبى) عموما ً .. بعدين جامعة (الرباط) دى عندها (إمكانات) وقروشا (كتيرة) شوف بس (العمارات الوقعت) دى بى كم !!!
                  

06-15-2007, 11:59 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: واوزعها على بقية افراد العائلة حتى لا نتعالج لا أنا ولا أي احد من اقربائي عندهم لما يتخرجو بعدين!!


    بعدين نتعالج وين تطير عيشتنا ؟ قروش نسافر نتعالج بيها بره ذى ما بعملو (المسئولين) مافى؟
                  

06-16-2007, 00:05 AM

وجدي الكردي

تاريخ التسجيل: 07-28-2005
مجموع المشاركات: 581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    أسلوبك (ثلث) يا جبرا..!
    (ثلث) القول، بالقاف يا أبو ناجي..
                  

06-16-2007, 00:42 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: أسلوبك (ثلث) يا جبرا..!


    (ثلث)يون !!
                  

06-16-2007, 00:52 AM

وجدي الكردي

تاريخ التسجيل: 07-28-2005
مجموع المشاركات: 581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: (ثلث)يون !!


    والله يا جبرا كان يقع منك حرف ميم طاير كدا ، كان طيّر عيشتك..!
                  

06-16-2007, 06:32 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: والله يا جبرا كان يقع منك حرف ميم طاير كدا ، كان طيّر عيشتك..!


    يا وجدى بس معقول (يقع حرف ميم) ويتبخر (حرف ث) فى نفس الوكت !!
                  

06-16-2007, 06:49 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: (ثلث)يون !!



    يالفاتح أخوي ..

    بعد عودة الجنيه القديم "وكده" ... (التعريفة) بقت بكم ؟
                  

06-16-2007, 04:22 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: بعد عودة الجنيه القديم "وكده" ... (التعريفة) بقت بكم ؟


    دقيقة يا فاروق النجيب الـ Calculator!!
                  

06-16-2007, 05:34 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: دقيقة يا فاروق النجيب الـ Calculator!!


    ما محتاجة calculator يا الفاتح طيب القرش بكم ؟؟؟

    Quote: قزاز مافى يا (فاروق) يا خوى !! غايتو إلا يجرحك (كيس) !!




    كيس شنو يا الفاتح كيس دقيق ؟ كيس تمباك ؟ كيس فحم ؟


    هم بقوا يستعملوا أكياس عندكم ؟؟؟؟!
                  

06-16-2007, 06:16 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: كيس شنو يا الفاتح كيس دقيق ؟ كيس تمباك ؟ كيس فحم ؟



    تبالغ لكن يا فاروق تتذكرهم كلهم وتنسى الكان ماشى معاهم ؟
                  

06-16-2007, 06:25 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: تبالغ لكن يا فاروق تتذكرهم كلهم وتنسى الكان ماشى معاهم ؟



    تصدق يا الفاتح دي الحاجة الوحيدة

    الما خطرت ببالي ؟؟



    كسرة :

    الجنرال عارف الحكاية دي ؟؟؟؟ !!

    لأنه كل ما أتصل بيه بحلفني إنه أجي !!!!!
                  

06-16-2007, 08:08 PM

Waly Eldin Elfakey
<aWaly Eldin Elfakey
تاريخ التسجيل: 07-27-2005
مجموع المشاركات: 2142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: فاروق حامد محمد)

    الاخ فاروق حامد
    لك الود كتبت
    Quote: فجامعة الرباط مستواها متميز

    ولها سمعة طيبة

    ما ذكرت من مقاييس ليست صحيحة لتقييم كليات
    الطب... فاكيد اي اساتذة من اي كلية حتي تلك التي تسميها
    كناتين لو سالتهم سيقولون ان كلياتهم افضل وجيدة
    عموما كلية طب الرباط حسب منهجها(curriculum ) كلية
    جيدة بلا شك لكن الوقت مبكر لتقييمها ومقارنتها
    بالكليات القديمة والجامعات القديمة... فالجزء الاخر
    للتقييم يعتمد علي قدرات الخريجين وجامعة الرباط
    حديثة ربما خرجت دفعة واحدة فقط...
    الاخ الفاتح ما قاله الابن هيثم صحيح

    لكن الموضوع طبعا سيناريو غير واقعي وقد اعجبني
                  

06-17-2007, 05:18 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: الجنرال عارف الحكاية دي ؟؟؟؟ !!


    الجنرال هو فاضى من (الوقيع) و(كسير) الإيدين !!؟
                  

06-17-2007, 05:36 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: الاخ الفاتح ما قاله الابن هيثم صحيح


    الأخ والى الدين :
    تحية طيبه :

    1- نحن نقول بأن التعليم عمومايشهد تدهوراً مريعاً
    2- وأن التعليم (الطبى) لأنه جزء من التعليم (عموما) فهو يشهد تدهورا مريعا
    3- ولأن (التعليم الطبى) ليس كبقية أنواع التعليم فقد قرعنا ناقوس الخطر
    4- فهل هنالك من يقول أن الأمور كلها تمام وإنو (مافيش أى مشكلة) !!؟

    كسرة :
    (المجلس الطبى)إعترف بهذا التدهور وكون عدة لجان لتقصى أمر هذا التدهور وقام بدراسة الأمر وأوصى عده توصيات منها تقليل عدد الكليات ودمج بعضها حتى لا يكون (الكم) على حساب (الكيف)!!

    كسرة تانية :
    ماقاله الإبن (هيثم) ربما ينطبق على شخصة فقط (أقول ربما) أو ربما ينطبق على جامعته فقط (أقول ربما) ولكن نحن نتحدث عن أكثر من 23 كلية طب !!!

    كسرة تالته :
    نعم .. السيناريو خيالى ولكن ما ليس (خياليا) هو مسألة شيل (اللوز) والتى أوردتها أحدى (الصحف) كخبر على لسان (أم المريضه)وهذه الحادثة تبين إلى أى حد وصل ذلك التدهور !!
                  

06-17-2007, 08:09 AM

د.محمد حسن
<aد.محمد حسن
تاريخ التسجيل: 09-06-2006
مجموع المشاركات: 15194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    كتب موسى يعقوب على ما اذكر في صحيفة الانقاذ الوطني او السودان الحديث ابن ما سمي بثورة التعليم العالي مقالا يدافع فيه عن ثورة التعليم العالي ، ومما ذكره بالحرف قال:

    (ان نخرج انصاف اطباء خير من نخرج اطباء اكفاء يقوموا يهاجروا او يغتربوا )

    هذه يا اخ الفاتح عقلية صفوة النظام واعلاميه

    ما ذا تتوقع

    وبالمناسبة

    ده كلوا من وائل
    وائل قفل الموبايل
                  

06-17-2007, 08:24 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: د.محمد حسن)

    Quote: الجنرال هو فاضى من (الوقيع) و(كسير) الإيدين !!؟



    هو الجنرال لسع ما برا "برئ"


    ان شاء الله يبرا و.....
                  

06-17-2007, 01:05 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: فاروق حامد محمد)

    د. جبرا السلام
    كدى خلى عدم العرفه كمان فيها عدم اخلاق!!!

    خالتى الحوايه مره لذيذه وعفويه جات من السفر مشينا نزورها و نسألها من صحة و الدتناو كيف بعد العمليه الجراحيه العملتها فى الامارات اردنا الاطمئنان على صحة الوالده من شاهد عيان قعد حضر و لزم المستشفى لغاية ما طلعت بالسلامه.. المهم و هى بتحكى لينا بالتفصيل عن كل ما حدث (وده على حسب طلبنا) اها فى عز الوصف بالنص قالت الاتى " والله يا بناتى حتى الدكتور التحلفو تقولو ما دكتور من اخلافه العاليه و ظرافته و الله جا بنفسه طمنا بعد العمليه و اهتم بيها لغاية ما طلعت"!!!!!!!!!!

    اخ د.هيثم الموضوع ما شخصى ابدا ولا تحديات ده و اقع معاش.. كدى اخد ليك يوم كدى اقلع البالطو و اتنكر مريض... ياما تشوف
    الاعتراف بانه فى مشكله حقيقيه هو بداية المشوار نحو حلهاو افتكر حجه الحوايه لخصت و عكست و عبرت تماما عن الرؤيه السائده عن الطبيب و اخلاقه الحلف عليها قسم..

    والله و ما طالبنى حليفه نحن عندنا قصص بالكيلو حقيقيه 100% عن التدهور المهنى للاطباء على كل المستويات من الامتياز لغاية المسترات و الله لو انفتحنا فيها لاغرقنا المنبر و خلينا الباشمهندس بكرى فى حالة تجديف لا ينقطع..
                  

06-17-2007, 10:14 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: هو الجنرال لسع ما برا "برئ"


    الجنرال (برا) لكن (الشلاقه) ما بخليها !!
                  

06-17-2007, 10:17 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: (ان نخرج انصاف اطباء خير من نخرج اطباء اكفاء يقوموا يهاجروا او يغتربوا )


    عليك الله يا دكتور ده كلام (ود صغير) يقولو !!
                  

06-17-2007, 10:39 AM

Nesta
<aNesta
تاريخ التسجيل: 02-27-2002
مجموع المشاركات: 993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    استاذنا القدير جبرا

    لك التحية والتقدير ..
    اقسم بالله العظيم انني قد شاهدت معظم هذا السيناريو اكثر من مرة عيانا بيانا وان اختلفت الاسماء وتحديدا في حوادث مستشفى الخرطوم ..
    وقبل شهر تقريباً ذهبت بزوجتي الى حوادث الخرطوم وكانت اصيبت بشق في اسفل ساقها واجتمع حولها نفر ممن ذكرت وهاك يا تنظير وبعد الاشعة بدأو ينظروا بالانجليزي طبعا .. المهم انا متابع النقة عربي وانجليزي ولما وصل النقاش لنقطة الـ full cast قلت ليهم دقيقة يا اخوانا فل كاست لشنو ؟؟ والله اتخلعوا خلعة لاني لما جيت المستشفى كنت مستعجل وجيت بجلابية البيت وشكلي ما بيوحي انو بعرف اتكلم ذاتو .. وتجدد النقاش وانقسم الشباب الى فريقين فريق مع الفل كاست وفريق مع البوستريال سلاب .. وبيني وبينك المدام نططت عيونا وقالت لي قوم نمشي لاخصائي وطبعا انا حق الاخصائي ما عندي وقلت اصبر نشوف الناس ديل اخرهم وين .. وبعد نقاش مستقيض ( وتلفونين تلاتة ) قرروا الفل كاست .. ولموا ليك في المدام لفوا كراعا كلها وليسوا الجبس ..وانا طبعا اطمأنيت بعد اتصالاتهم التي قاموا بها .. ويا مؤمن يا مصدق رجعنا البيت .. يومين ثلاثة المدام قالت لي كراعي منملة .. خميتا جبتها ليهم تاني ولحظي التعيس أو الجيد لا ادري وجدت ذات الوردية الا انه اضيف اليهم نائب اخصائي .. وما ان راى نائب الاخصائي الصورة والتقرير قال ليه عملتو ليها فل كاست وتاني دورت نقة .... وقال ليهم فكوا الجبس ده سريع .. وانا طبعا قاعد اتلفت .. وبمجرد فك الجبس طوالي المدام دورت عجلات الكرسي المتحرك ( حق المستشفى وبأجروه ) الذي كانت تجلس عليه وانا جاري بوراها يا ولية دقيقة قالت والله لحقتني اهلا وسهلا ما لحقتني بوقف لي تكسي وبمشي البيت .. وانا ما قنعانة من كراعي .. المهم وصلت الباب قلت ارجع اشيل باقي ورقنا والصور واحصلا .. الجماعة لموا فيني يا زول اقنع المره دي خليها تجي راجعة .. ويا زول والله لو كراعا باظت نحنا ما مسؤولين .والشق ده على الاقل عايز ليهو 6 شهور وبعد.. المهم خليتهم يتكلموا وشلت صوري والوريقات ولحقت الولية .. وطبعا الاخوان والاخوات لما جوا يكفروا لينا وكعادة جمهورية الامازون ما قصروا في النصائح .. البصير فلان .. والبصيرة فلانة .. وحبوبتك .. وعمتك .. دورت عربيتي وطوالي على اقرب بصيرة .. وطلعت شاااطرة .. اول شي قالت لي عملتوا صور .. قلت ليها ايوه قالت لي جيبن .. وعمتك رفعت الصور وطوالي قالت لي بسيطة .. وطبعا فرحت شديد .. اولا من كلمة بسيطة التي ستعفيني من الاخصائي وثانياً لطلبها الصور مما يدل على علمية عملها .. ولتؤكد العلمية قالت لي امشي الصيدلية الجنبنا دي قول ليهو يديك (لصقة جونسون ) بالاسم .. ويديك ( انكل ) .. والله اول مرة اعرف انو الصيدليات فيها انكل بعرف الفاول بس .. المهم جري جبت الحاجات .. وعمتك دورت ليك في الولية .. وبعد كواريك وعاك وعيك .. قالت لي بعد بكرة جيبا تاني .. ورجعنا بعد بكرة وفكت لصقة جونسون وخلتا على الانكل بس وقالت ليها بعد 15 يوم اجدعيه .. وجدعناه وليوم اللية لا شق لا طق ..
    شكرا الرائع جبرا ..
                  

06-17-2007, 02:26 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)


    عزيزى Nesta
    تعرف لو المدام تابعت ليا ناس الـ full cast ديل كان هسع تكون فى (الصلات الطيبه) .. المشكلة إنو ده نحنا واقع عايشنو لكن بعض الناس يقول ليك إنت (بتبالغ) إنت خليك من (الطب) أنا على بالحرام أمبارح قاعد أدرس فى طلبة بتاعين رابعة بكالريوس يعنى خريجين سالتهم 3 مرفوعة للقوه 3 (يعنى 3 أس 3) ما عرفو الإجابه !! أها تانى فى شنو؟؟ .. باقى ليكا المسألة ما وصلت (الميس) ؟على بالحرام الطلاب القاعدين يقرو هسع فى الجامعات ديل 90% منهم ما مفروض يجو ماشين بى شارع الجامعة .... التعليم فى خطر .. التعليم فى خطر .. الأجيال الجايه دى أجيال مخها فاضى .. فاضى .. لكنو مليان مسكولات وأرقام موبايلات وأغانى والمشكله كمان تلاقى واحدين منهم عاملين (سياسيين) طيب يا أبنائى إنتو (العلم) عملتو فيهو شنو؟ والسياسة دى ذاتا ما عاوزة ليها قراية ؟ يعنى معقول تكون إنت (شيوعى) وما قريت (The Capital) أو بعثى وما قريت كتب (ميشيل عفلق) وفهمت الجماعة ديل عاوزين يقولو شنو؟ حليل القراية يا Nesta وحليل (السودان) ...

    كسرة :
    ولدنا (هيثم) بيقول ليا (إتحداك) تجينا ؟ أهو Nesta جاكم وجاب ليكم مرتو !!!

    كسرة تانية :
    إبناؤنا هؤلاء هم ضحية لأعمامهم الذين تكالبوا على (قصعة) السلطه والثروة والمناصب وفكوهم (عكس الهواء) .. كان الله فى عون السودان
                  

06-17-2007, 09:49 PM

Waly Eldin Elfakey
<aWaly Eldin Elfakey
تاريخ التسجيل: 07-27-2005
مجموع المشاركات: 2142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: الحادثة تبين إلى أى حد نعم .. السيناريو خيالى ولكن ما ليس (خياليا) هو مسألة شيل (اللوز) والتى أوردتها أحدى (الصحف) كخبر على لسان (أم المريضه)وهذه وصل ذلك التدهور !!

    الاخ الفاتح جبرة سلامات
    والله جكاية اللوز دي فعلا حقيقة
    لكن القصة الانا بعرفها حصلت مش مع طبيب
    امتياز والله العظيم مع واحد اخصائي
    وبعرفوا بالاسم لكن مافيه داعي.....
    كدي يوم اجيك اديك سيناريوهات كتيرة
    قريبة من الموضوع ده...
    لو كل الاعلام يا الفاتح بتكلم عن مشاكل الطب
    بي فهم زيك كده وزي الطاهر ساتي مثلا ما مشكلة
    لكن المشكلة انه معظمهم بيمتب عن الطب بدون معرفة وفهم
    بيشوفو في الفيل ويطعنوا في ضلوا...
    في السيناريو ده بالرغم من كل ما قلت الا انك
    انصفت الاطباء الصغار ديل... لان ما معاهم سنير
    ولانهم ما درسوهم كويس... بخصوص التعليم والله بقينا نخاف
    علي اطفالنا لمن يبقوا في سن المدرسة
    تسلم يا استاذ
                  

06-17-2007, 09:23 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الغالية سهام

    هذه (السيناريوهات) ليست (خيالا) بل الواقع (أغرب) وأقرب من الخيال وكما ذكرتى فإن المسألة لم تقف على (أولادنا الصغار) ديل بل تعدتهم لبعض (الكبار) من إستشاريين وخلافه حتى أصبح الإتفاق على (تشخيص واحد) ضرباً من ضروب المستحيل !!
                  

06-17-2007, 11:02 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: أنا على بالحرام أمبارح قاعد أدرس فى طلبة بتاعين رابعة بكالريوس يعنى خريجين سالتهم 3 مرفوعة للقوه 3 (يعنى 3 أس 3) ما عرفو الإجابه !! أها تانى فى شنو؟؟ .. باقى ليكا المسألة ما وصلت (الميس) ؟على بالحرام الطلاب القاعدين يقرو هسع فى الجامعات ديل 90% منهم ما مفروض يجو ماشين بى شارع الجامعة .... التعليم فى خطر .. التعليم فى خطر .. الأجيال الجايه دى أجيال مخها فاضى .. فاضى .. لكنو مليان مسكولات وأرقام موبايلات وأغانى



    انت غلطان يا دكتور إنت مالك قايل ليهم "أس"

    بكونوا افتكروها هس !!! عشان كده ما جاوبوك !!!

    بجد هذا بعض مما زرعته مايو والانقاذ على حدسواء

    كدي شوف ما يسمي نفسه رئيس السودان كان بشير كان

    نميري .. هل سيخطر ببالك إن هؤلاء مروا حتى بمرحلة

    الخلوة .. والله البشير لما يقيف يخطب في محفل دولي

    أتمنى أن تبتلعني الأرض .. ياخي ده بعمل في اللغة

    العربية عمايل ... وحالتو بكتبوها ليهو مشكلة ...

    وبعدين شوف مستوي الذين يكتبون في المنابر الاسفيرية

    ... شوف الإملاء بس خليك من النحو والصرف يعني الجيل

    من 40 سنة وانت نازل قادين عربي وانجليزي وأي حاجة !

    ومنذ مجئ الانقاذ زاد الطين بلة ... ليس التعليم وحده

    في خطر وإنما انسان السودان كله وبخاصة أجياله المايوية

    والانقاذية وبذلك يمسي السودان كله في خطر عظيم ...


                  

06-17-2007, 11:26 PM

Sobajo
<aSobajo
تاريخ التسجيل: 05-29-2003
مجموع المشاركات: 1978

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)





    استاذي الفاتح جبرة ..

    شكرا على الامتاع ...

    تحياتي و احتراماتي ....


    بيلو
                  

06-18-2007, 06:25 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: السودان كله في خطر عظيم


    ونعمل شنو يا فاروق يا خوى تطير عيشتنا ؟ نقعد نتفرج؟
                  

06-18-2007, 06:34 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: بخصوص التعليم والله بقينا نخاف
    علي اطفالنا لمن يبقوا في سن المدرسة


    يا عزيزى والى الدين هسع الما (مشكلة) شنو؟ فى ظل (الصراع) الدائر بين الجهات (العديده) معارضة - حكومة - حركات - بركات - شنو ما بعرف داك (البلاد) تتدهور كل يوم .. كل يوم... فى كافة المناحى .. كافة المناحى ..غايتو ربنا يجيب العواقب سليمة و(يغطى) عليها ويسلمها من كل بلاء .... آمين
                  

06-18-2007, 06:36 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    عزيزى سوباجو (بيلو)

    شكرا ليك كتير .. ياخى إنت وين ؟ إفتقدت مداخلاتك ... تحياتى !!
                  

06-18-2007, 08:00 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    استاذي الفاتح

    بعد التحية ووافر التقدير

    أحلنا سيناريوهاتك عن الدكاترة الي المدام بصفتها...وحنبكت كما حنبك دكتور الرباط
    وطلبنا منها ابداء ملاحظاتها علي السيناريوهات كتابة لكي لا نطلق لك هنا قولا علي عواهنه
    نخلط فيه البنسلين بالكلوروكوين...فانا جاهل حتي في وصف المرض...ولا اكاد اميز بين
    البنكرياس والامعاء الغليظة...وكل ما امرض....يوصف لي ذات الدواءا مرات عديدة...من
    قبل اطباء اخصائيين كبار ومختلفين...ولما سألتهم عن السر...اجابني احدهم بأنني اكرر
    ذات الشكوي لامراض مختلفة..(انتهي كلامي)

    اما ملاحظات المدام شفويا وقبل ان تكمل قراءة السيناريو...قالت لك...ومن ظاهر الاوراق
    وكحكم مستعجل...انك تتحدث عن اطباء امتياز في طوارىء في مستشفي ما...وهم عادة لا يستقبلون
    كل الحالات...لذلك عليك ان تحذف بعض الحالات الغير طارئة...(وتحتفظ لنفسها بالرجوع عن هذا
    التعليق حال اكمالها للسيناريو وابداء ملاحظتها كتابة)

    استغربت كذلك...ان يكون هنالك طبيب يجهل ابجديات العمل الطبي. مع العلم انها ليست خريجة رباط
                  

06-18-2007, 08:33 AM

Nesta
<aNesta
تاريخ التسجيل: 02-27-2002
مجموع المشاركات: 993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: nazar hussien)

    Quote: الواقع (أغرب) وأقرب
                  

06-18-2007, 08:57 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: وكل ما امرض....يوصف لي ذات الدواءا مرات عديدة...من
    قبل اطباء اخصائيين كبار ومختلفين...ولما سألتهم عن السر...اجابني احدهم بأنني اكرر
    ذات الشكوي لامراض مختلفة..(انتهي كلامي)


    الشكية يا نزار لأب (إيدن قوية) .. وبعدين إنت ذاتك بتبالغ ما لازم يدوك نفس (الدوا) وكت إنت شكيتك Constant إنت ما عارف الشكية بتتناسب (عكسياً) مع (الدوا) و(طرديا) مع (الأعراض) ؟؟
                  

06-18-2007, 09:03 AM

Nesta
<aNesta
تاريخ التسجيل: 02-27-2002
مجموع المشاركات: 993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    استاذنا جبرا ..
    حوادث الخرطوم ليست بعيدة .. وكل متشكك في ( السيناريو الواقعي ) يمكنه الذهاب (في اي وقت )



    شفت الثقة دي كيف ؟؟
                  

06-18-2007, 04:33 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: استاذنا جبرا ..
    حوادث الخرطوم ليست بعيدة .. وكل متشكك في ( السيناريو الواقعي ) يمكنه الذهاب (في اي وقت )


    شفت الثقة دي كيف ؟؟


    والله يا Nesta ياخو أنا كمان ذاتى كنت عاوز أقول كده لكن والله خجلت ساكت .. مرات الزول بيكون ما عاوز يعرف أو يتأكد أو يشوف الحقيقه (عارية) !!

    (عدل بواسطة الفاتح يوسف جبرا on 06-18-2007, 08:44 PM)

                  

06-18-2007, 05:51 PM

Khalid Merghani
<aKhalid Merghani
تاريخ التسجيل: 07-30-2005
مجموع المشاركات: 39

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الأستاذ الفاتح الإخوة المتداخلين....

    للأسف أصبح الأطباء كالحيطة القصيرة تغرى كل من يود أن يفتى فى أمر الصحة بالقفز من فوقها, لا جدال حول التدهور المريع فى الخدمات الصحية لكن بدل أن يوجه الناس سهامهم للفيل (النظام) يرمون بها (ليس ظل الفيل) بل تصيب ضحية هذا الفيل نفسه(الأطباء).
    أطباء السودان أستاذ الفاتح وصغارهم تحديدأ يعملون فى ظل ظروف أقل ما توصف بأنها مأساوية,تجدهم فى أصقاع بلدى وهم يدخلون العمليات أحيانأ مستعينين بالفانوس والبطارية تجدهم يلهثون فى الخرطوم من مكان لآخر سعيأ وراء دواء أو فحص مجانى لمريض معدم, وصدق أو لا تصدق أنا كنت أعمل فى وظيفة طبيب عمومى ( وليس إمتياز أو خدمة وطنية فى قرية بريفى بربر أسكن فى منزل متهدم من منازل محطة القطار ترتع فيه العقارب وأستيقظ من النوم رأسأ نحو البئر الوحيدة بالقرية لأنشل منها ماء الإستحمامـ والسواك كل هذا مقابل مرتب يبلغ خمسمئة ألف جنيه(الجنيه القديم),بالله عليك أستاذ الفاتح أي ظروف هذه وأى بيئة عمل هذه تغرى بتجويد العمل وتقديم ما ينفع الناس?.
    نفس هؤلاء الأطباء الذين لم يسلموا من نقد الغالبية نفسهم لا يجدوا إلا الإشادة وتنفتح أمامهم الفرص لحظة خروجهم من السودان وتجدهم الآن فى أركان الدنيا من الخليج وأيرلندا وأمريكا وبريطانيا وغيرها, فإذا كانوا هم السبب فى كل هذه المآسي لماذا ينجحون في الخارج ويفشلون فى بلادهم?.
    د معز حجاز
                  

06-18-2007, 09:10 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    عزيزى د. معز حجاز
    تحياتى :
    Quote: لكن بدل أن يوجه الناس سهامهم للفيل (النظام) يرمون بها (ليس ظل الفيل) بل تصيب ضحية هذا الفيل نفسه(الأطباء).


    نحن لسنا بذلك البعد عن حقل التعليم العالى إذ ظللنا نعمل به لأكثر من ربع قرن .. ثم نحن لم نرم باللائمة على الأطباء (كما زعمت) بل إننا رمينا بكل اللائمة على (الفيل) الذى لم ولن نستهدف ظله بل نستهدفه (عديل وعيانا بيانا) من منطلق أن الساكت عن الحق شيطان أخرس .
    لم نتحدث عزيزى عن ما يجده الأطباء من رهق وظروف سيئة يعيشونها ومرتبات لا تكفى لسد الرمق بل تحدثنا عن (ثورة التعليم العالى) وما تفرزه من أطباء لم ينالو أى قدر من الدراسة المستقرة ذات التجويد والمعينات اللازمة من أجل تخريج طبيب ملم بكل ما يلم به صنوه الطبيب المتخرج من أى جامعة من جامعات العالم المحترمة .. تحدثنا عن (القبول الدولارى) لذوى النسب المئوية التى لا يمكن أن تخرج (أطباء) .. عن الجامعات التى لا توجد بها (مشرحة) .. عن الأساتذه الذين يقومون بالتدريس فى أربع وخمس جامعات تقع فى (ولايات مختلفة) هذا قليل مما قلناه وهذا ما أشرنا إليه وهذا ما لا يستطيع شخص أن ينكره .. أرجو أن أسمع منك دام فضلك .. هذا مع تحياتى !!

    (عدل بواسطة الفاتح يوسف جبرا on 06-18-2007, 09:12 PM)
    (عدل بواسطة الفاتح يوسف جبرا on 06-18-2007, 09:15 PM)

                  

06-19-2007, 04:51 AM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الاستاذ الفاتح لك الشكر: اولا ماذكرته هنا تنبانا به عند بداية تنفيذ هذه السياسة قبل اكثر من عشر سنوات كنا حينها طلابا وتمت مضاعفة عدد الطلاب بدون اضافة حتي انبوب للمعامل وعانينا الامرين وقتها ونبهنا لخطورة ذلك ولكن لم يسمعنا احد بل طالت المضايقات زملاءنا ولم نجد غير التجاهل والان قد حدث ماكنا نخاف منه لانملك غير الدعاء ونسال الله اللطف... شكرا مرة تانية ورغما عن اني لااميل الي الحديث مهنيا هنا لكنك اجبرتني ... لك التحية

    د ياسر
                  

06-19-2007, 03:00 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    Quote: ورغما عن اني لااميل الي الحديث مهنيا هنا لكنك اجبرتني ...


    عزيزى د. ياسر

    شكرا لك وأنت تتحدث بهذا التجرد من أجل المصلحة العامة ومحاولة إصلاح الأمر وعفوا أن أجبرناك على ما لا تحب مع فائق التقدير
                  

06-19-2007, 06:18 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    قلت لي كيس ؟؟؟؟؟؟؟؟؟
                  

06-19-2007, 07:18 PM

سيف النصر محي الدين محمد أحمد

تاريخ التسجيل: 04-12-2011
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: فاروق حامد محمد)

    الشباب ديل رغم معاناتهم و النقص الشديد في الأساتذة و كافة متطلبات التعليم الطبي ..فيهم كتار قادرين يطوروا نفسهم و يكملوا النقص الذي لازم تعليمهم الجامعي و تدريبهم السريري....مؤخرا تعاقد المستشفي العسكري هنا في جدة مع أكثر من ثلاثين طبيبا شابا من السودان للرعاية الصحية الأولية و الطواريء مع العلم أن المستشفيات العسكرية هنا تتبع معايير دولية معتمدة لضبط الجودة .
                  

06-19-2007, 09:17 PM

Waly Eldin Elfakey
<aWaly Eldin Elfakey
تاريخ التسجيل: 07-27-2005
مجموع المشاركات: 2142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: سيف النصر محي الدين محمد أحمد)

    Quote: الشباب ديل رغم معاناتهم و النقص الشديد في الأساتذة و كافة متطلبات التعليم الطبي ..فيهم كتار قادرين يطوروا نفسهم و يكملوا النقص الذي لازم تعليمهم الجامعي و تدريبهم السريري....مؤخرا تعاقد المستشفي العسكري هنا في جدة مع أكثر من ثلاثين طبيبا شابا من السودان للرعاية الصحية الأولية و الطواريء مع العلم أن المستشفيات العسكرية هنا تتبع معايير دولية معتمدة لضبط الجودة .

    سيف شكرا... لهذه المداخلة
    الغريب انه بالرغم من معاناة الطلاب
    وليس طلاب الطب وحدهم بعد ما يسمي بثورة التعليم العالي
    الا اننا لم نسمع بمهني واحد طبيبا كان او غير ذلك
    فشل في عمله خارج السودان بل تفوقوا و تميزوا
    مما يدلل علي ان المشكلة ليست في الاشخاص او الاطباء
    انفسهم وانما في النظام...
    الاخ الاستاذ الفاتح نعلم تماما ما تقصده وما تعلمه
    بحكم قربك من التعليم العالي وقربك من المجتمع
    ولكن من الذي يفهم بقية من يطلق عليهم اعلاميين؟؟؟؟
                  

06-20-2007, 06:39 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الإعزاء سيف النصر - والى الدين

    بالطبع يمكن للطالب أن يبذل جهوداً خرافية لتطوير نفسه (ذاتياً) ولكن بالطبع ليس هذا هو الأصل .. وهذا (التطوير الذاتى) نفسه خاضع لعوامل كثيرة تدخل فيها (الماده) أحيانا بل (لزاما).. لذلك لا يكون متاحا لمعظم الطلاب فى أغلب الحالات !! كما أوضحت سابقا فإن (التعليم عموما) والتعليم (العالى) بكافة تخصصاته يعانى تتدهورا مريعا يجب الإلتفات إليه قبل فوات الأوان ... شكرا لكما
                  

06-20-2007, 06:58 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    دكتور الفاتح !!!

    ودة السبب الرئيسي اللي خلى الناس تمشي للفقرا أو الطب الشعبي بعدما أصابهم اليأس من دكاترة الطب

    الحديث ,, تكون ميت من الألم ويقول ليك النتيجة طلعت وما فيها أي حاجة عال العال بعد يومين تلقى

    روحك يا في غرفة العمليات أو أحمد شرفي ,,, عموما أنا أشجع العلاج عن شيخة الظار على الأقل ما بتديك

    دوا غلط ولا بتنسى ليك قطن وشاش في بطنك ,,, سيناريو لذيذ ,,,
                  

06-20-2007, 10:21 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    أنظرو معى هذا التحقيق عن إحدى كليات التعليم العالى والذى نشر بصحيفة السودانى عدد الأربعاء الموافق 20 يونيو :

    العدد رقم: 571 2007-06-20

    ضوابط التعليم حبر علي ورق !! حصاد الهشيم .. تزروه الرياح !!

    فوضى عارمه ..كم من الجامعات والكليات الخاصة هنا وهناك ..ضوابط يكتنفها الغموض ..لامبالاة في التعامل معها من قبل الجهات المسؤولة عن التعليم بالبلاد ضحية واحدة هي الطالب المغلوب علي أمره والتلاعب بمستقبله الذي يتأرجح بين مطرقة البحث عن وضع أكاديمي مستقر وسندان ملاك الكليات حيث تبدا رحلة البحث عن الربح والخسارة ..كيف يكلل الطالب جهوده بالنجاح في ظل كم العقبات المتمثلة في الأوضاع الأكاديمية المتردية داخل الكليات ناهيك عن إيقافها عن الإستمرارفي الدراسة أصلا..كليات مدرجة ضمن دليل قبول الطلاب بالجامعات.. واقع مختلف جامعات وكليات خاصة تنام علي منازل في أزقة الاحياء السكنية يفقد معظمها مقومات ومؤهلات البيئة الأكاديمية ..تضارب في الحقائق لاغلاق الكليات والإعتصامات المتكررة بين مصالح

    الجهات المالكة لتلك الكليات ..

    *الطلاب بين الاوضاع الاكاديمية السيئة بالكليات والمصير المجهول..

    تحقيق: سلمى معروف

    تضحية بالطالب في كل الأحوال الذى (كمل فهمه) للخروج من منعطف الأزمة ..تهديد لمستقبل الطلاب نفسياً ومعنوياً وضرراً مادياً جسيماً ..حقائق غائبة لاأحد يعلم أين الحقيقة ؟؟ونحاول من خلال هذا التحقيق أن نضع ترياقاً لهذا الداء وتوجي سؤال واضح للجهات القائمة علي أمر التعليم بالبلاد هل تلتزم تلك الجهات بمتابعة كل الجامعات والكليات الخاصة التي تمنحها تصديقاً بانشاء مؤسسة جامعية وإن كان الأمر كذلك فما هذا التوتر والشدَ والجذب الذي تشهده بعض الجامعات والكليات الخاصة من إغلاق لأبوابها وإعتصامات متكررة للطلاب أم أن مؤسسات التعليم العالي في طريقها لتفقد قدسيتها في نظر الناس مثلما فُقدت أشياء أَُخرى!؟

    فرحة منقوصة !!
    (120) من الطلاب الجامعيين وعقب التحاقهم بركب إحدى الكليات الخاصة وهي كلية الشمال للعلوم والتكنولوجيا بمدينة دنقلا أصبحوا يواجهون مصيرا مجهولاً بعد أن أمضوا مايزيد عن العام ونصف العام في الدراسة بالكلية ولكن( يافرحة ماتمت) .

    (سماح) الطالبة بكلية الهندسة بكلية الشمال للعلوم والتكنولوجيا بدنقلا كان أملها كبيراً في أن يتحقق حلمها في الحياة بعد التخرج ولكن حطمت كل آمالها بعد أن عجزت الكلية التي أمضت فيها مايقارب العام ونصف العام عن توفير المنهج المتكامل والدراسة المثمرة حيث ذكرت أنها إلتحقت بكلية تفتقر لكل مقومات البيئة الاكاديميه المستقرة فالكلية عبارة عن منزل مستأجر تنقصة الكثير من المؤهلات .وليس من مقرر محدد يدرسه الطلاب حتي االدراسة لم تكن مستمرة بالصورة الموضوعة من قبل أصحاب الكلية باعوا وعودهم الفارغة للطلاب بعد أن تحصلوا من كل طالب ما يتراوح بين(600 ألف جنيه كحد أدني للقبول بقسم المحاسبة ومايربو عن المليون جنيه كحد للقبول بكلية الهندسة)..الكلية التي تشوبها وحسب إجماع الطلاب -الكثير من المساوئ أكثر من الميزات التي تتمتع بها منذ التحاقهم بها .حتي تناول الوجبات الاساسية داخل الكلية يواجه الطلاب صعوبات في الحصول عليها في ظل عدم وجود كافتريا داخل الحرم الجامعي .أما السكن فهو الآخر يمثل قضية لبعض الطالبات والطلاب الذين يقيمون بالداخليات التي تفتقر لابسط مقومات الحياة بها إذ تعاني من عدم وجود مياه متوفرة ولا كهرباء تنير الطريق للحصول علي العلم الذي شاكت سبل الوصول إليه مع العراقيل المتكررة .لسان حال سماح الذي يقول يارب ماذا نفعل ؟؟ والي من نشتكي ليس هو مشتكاها وحدها بل هو حال المئات من زملاء دربها الذين يكابدون المشاق للحصول علي التعليم فى ظل ظروف قاهرة بين أصحاب وملاك الكليات الخاص والجهات المسؤولة عنها والتشريد الذي يطال مستقبل هؤلاء الطلاب والاوضاع النفسية السيئة التي يعايشونها دونما بصيص أمل تلوح بارقته داخل هذا النفق المظلم.

    الحلو المر !!

    المهندس إيهاب محمد عثمان النور نائب عميد كلية الشمال للعلوم والتكنولوجيا بعد أن تلقى توكيلات شرعية من قبل اخوته الثلاثة بإنشاء كلية جديدة توجه صوب وزارة التعليم العالي لتمنحه إدارة التعليم الأهلي والاجنبي بالوزارة وفي 9 يناير2004 ترخيصا لانشاء الكلية وادرجت بذلك ضمن دليل القبول في العام 2005-2006 بتخصصات ثلاثة هي هندسة الحاسوب وتقنية المعلومات والمحاسبة في نظام الدبلوم لثلاث سنوات وتم القبول في الكلية لمايزد عن 120 طالباً وطالبة في التخصصات الثلاثة وأستمرت الدراسة لما يزيد عن العام الدراسى الي ان جاءت ساعة الصفر.

    بيع الوهم ودفع الثمن ..
    الطلاب الذين يدرسون بكلية الشمال بعد أن دفعوا (دم قلبهم) للدراسة بالكلية الي أن بدأت ملامح السيناريو المؤلم واضحة من خلال التقرير الذي لعبت فيه إدارة التعليم العالي متمثلة في لجنة تنظيم مؤسسات التعليم العالي الأهلي والأجنبي دور (القاضى والجلاد) فبعد أن أعطت الضوء الأخضر والموافقة النهائية لقيام الكلية حسب المستندات التي توفرت للصحيفة عادت لتسحب الترخيص لتجعل مصير ومستقبل هؤلاء الطلاب في مهب الريح بعد التوقف الذي أسهمت فيه إدارة الكلية مع وزارة التعليم العالي حتي إستمر توقف الطلاب عن الدراسة حتي الان لمايقارب السبعة أشهر بعد أن شكلت لجنة من قبل التعليم الاهلي والاجنبي لدراسة الاوضاع الاكاديمية والادارية والمالية بالكلية بموجب القرار الإدارى رقم (23) وبعضوية بروفسير قسم السيد إبراهيم محمد وبروفسير أبوبكر علي أبجوخ والدكتور عبد العظيم سليمان المهل وجمال محمد عبد الله الحاج الذى أدلي بإفادته للصحيفة قائلا ًوجدت اللجنة أن البرامج الدراسية المنفذة بالكلية مختلفة عن المصدق به أما إدارة الكلية فهي غير مؤهلة إذ لايوجد عميد كفء ومتفرغ لتصريف الاعباء الأكاديمية والادارية والمالية بالكلية كما أنه لايوجد أمين للشؤون العلمية ولايوجد رؤساء أقسام أومنسقو برامج مع عدم وجود مجلس وأمناء فاعلين الي أن قالت اللجنة كلمتها الفصل في تقريرها الممهور بتوقيع نائب المدير العام المقرر للجنة تنظيم مؤسسات التعليم العالي الاهلي والاجنبى أبوبكر علي أبوجوخ الذي قضى بسحب الترخيص الممنوح للكلية لعدم توفر مقومات الكلية من بنيات أساسية وأساتذة وإدارة مؤهلة ووصلت القضية زروتها حينما تضمن التقرير قراراً بتجميد الدراسة بالكلية وتوفيق أوضاع الطلاب المسجلين فيها حالياً بل تعدى الأمر الي أبعد من ذلك بإيقاف القبول بالكلية للعام الدراسي الحالى 2006- 2007 ورغم أن وكيل المؤسسين ونائب العميد بكلية الشمال إيهاب عثمان قدم دفوعاته المستميتة عن شرعية الكلية وإكتمالها من حيث المبني والمعدات والأجهزة والاثاثات والجو الاكاديمى المناسب للطلاب جاءت إتهامات لجنة تنظيم مؤسسات التعليم الأهلي والأجنبى على لسان عضو اللجنة المكلفة بزيارة الكلية والتي أعدت التقرير جمال عبدالله بإتهام إدارة الكلية بإستعارة الأجهزة والمعدات وأضاف أن اللجنة الفنية الثانية التى ذهبت لمعاينة الكلية لم تجد الأشياء التي منحت بموجبها الموافقة النهائية لقيام الكلية.

    تواصل مسلسل الإتهامات ..
    جمال عثمان عضو اللجنة المكلفة بإعداد تقرير عن كلية الشمال للعلوم والتكنولوجيا واصل مسلسل الاتهامات علي القائمين على أمر الكلية قائلاً(ربما تكون هناك مشكلة جعلت الكلية تتصرف في الأجهزة أو هي مستعارة أصلاً.وشن هجوماً عنيفاً علي عدم تعاونهم مع إدارة التعليم العالي في إعطاء ملفات الطلاب الموجودين بالكلية والبالغ عددهم 102 طالباً وطالبة لتوفيق أوضاعهم وإلحاقهم بالكليات الأخري بمدينة دنقلا .بل أنه صب الزيت علي النار حينما قال (أن 22 طالباً فقط هم من لديهم ارقام جامعية لذلك تصبح مهمة تحويل البقية صعبة) ثم مضي جمال ليقول :حتي المعامل التي تتحدث عنها إدارة كلية الشمال هي عبارة عن 9 أجهزة حاسوب قديمة موضوعه في مقر عبارة عن( دكان) يفتح علي الشارع بينما ورد في تقرير اللجنة الفنية السابقة 18 جهازp3) )كما أنه لايوجد مكان يستغل كمكتبة ومعمل قياسات كهرباء وتوجد(5 ارفف)لايتجاوز عدد الكتب بها الخمسين كتابا ًوبعضها يخص المستوي الثانوي من التعليم العام وهو ما أكد عليه عدد من الطلاب الذين وقفت السودانى على أوضاع الكلية من خلالهم بعد إكتشافهم للخلل داخل الكلية في منتصف العام الثاني حيث تحججت لهم إدارة الكلية بسوء الاوضاع المالية وجاءت إفاداتهم مساندة لماذهب إليه تقرير لجنة التعليم العالي. وتبقى القضية قائمة من قبل الطلاب وعدم إتخاذ الجهات المسؤولة عن ضياع مستقبلهم حتي الآن لقرار بتوفيق أوضاعهم .

    ضوابط حبر علي ورق ..

    حتي ضوابط إنشاء مؤسسات التعليم العالي التي تتحدث عنها الوزارة وأن وجدت تبدو وفي ظل الغموض واللبس الذي يعتري سير التعليم الجامعي بالبلاد هل تصبح هذه الضوابط حبراً علي ورق رغم أن وزارة التعليم العالي حددت شروطاً لإنشاء أية مؤسسة تعليم أهلي وأجنبى إذ بالضرورة توفر هيئة مؤسسين من( مستثمرين) علي أن يكون هناك مجلس أمناء من أشخاص أكفاء وأن يكون للجامعة رئيس أو مدير وعميد للكلية من حملة الدكتوراة وذوي الخبرة في مجال التعليم العالي وأن يكون أعضاء التدريس متفرغين لأداء المحاضرات في أوقاتها وأن تقدم إدارة الكلية مقترحاً للدراسات التي تنوى تقديمها وتفاصيل المناهج النظرية والعملية ولوائح الإمتحانات.

    ومع أن وزارة التعليم العالي إشترطت علي مالك المؤسسة التعليمية إمتلاك منشآت تجعلها مهيأة لأغراض التعليم العالي إلا أن كثيراً من المؤسسات التعليمية بالبلاد للأسف تفتقر لأبسط هذه المؤهلات التي تحافظ علي الإستمرار في بيئة أكاديمية مستقرة.

    سؤال واضح يطفو علي السطح مع كل هذا اللغط والجدل بين مؤسسي الجامعات والكليات الخاصة ووزارة التعليم العالي أين هي الإجراءات في إحكام السيطرة علي مؤسسات التعليم العالي الأهلي والأجنبي أم أن منح التصديق للجامعات والكليات الخاصة تجارة سايبة يطرق أبوابها كل من يمتلك فهلوة جمع المال من الطلاب الباحثين عن شهادة جامعية تقيه شر الزمن؟.

    تحقيق: سلمى معروف






                  

06-20-2007, 11:20 AM

محمد الأمين موسى
<aمحمد الأمين موسى
تاريخ التسجيل: 10-30-2005
مجموع المشاركات: 3470

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سيناريوهات : دكاترة وكده !! (Re: الفاتح يوسف جبرا)

    الأخ الفاضل الأستاذ الفاتح.. شكرا على هذا السيناريو/الإخراج الذي نتمنى أن يفزع طلبتنا في الكليات الطبية على لا ينطبق عليهم ما أوردته.. ونسأل الله لك الأجر وحسن الثواب.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de