|
|
 ســــاخر سبيل : نو بروبلم !
|
صحيفة الرأى العام
عدد الأحد الموافق 2 نوفمبر 2008م
يعيش الأستاذ (صابر) مع زوجته (عزيزة) على معاشه الضئيل الذى يقبضه شهرياً بعد أن أفنى سنوات عمره موظفاً بالخدمة المدنية حيث إجتاحت جسده الهذيل كمية من الأمراض بداية بالسكر والضغط مرورا بالرطوبة وإنتهاء بالموية البيضا ، اليوم أحضرت عزيزة (علبة الحبوب) لتناوله أياها غير انها وجدت أن معظم الحبوب قد (خلصت) :
- يا حاج حبوبك دى كوولها إنتهت هسه نعمل شنو؟
- كيف نعمل شنو إنتى ناسية إنو بكرة يوم (إطناشر) فى الشهر والمعاش بيكون نزل فى (البنك)
فى صباح اليوم التالى يخرج الأستاذ (صابر) متجها نحو فرع البنك بالمحطة الوسطى (بام درمان) فيفاجأ بالموظف يخبره بأن المعاش لم يصل البنك بعد :
- وهسه الواحد يعمل شنو يا ولدى؟
- والله يا حاج مافى طريقه إلا توصل ناس المعاشات ديل وتسألهم سبب التأخير ده شنو؟
حتى يستطيع الأستاذ (صابر) الذهاب لمبنى (المعاشات) بالخرطوم كان لزاماً عليه أن يستغل عربة أجرة فقام بإيقاف سائق (امجاد) أتجه به مباشرة نحو (الخرطوم) :
- إنتظرنى يا ولدى تحت الشدرة دى بس أصرف معاشى وأجيك
- يا حاج والله مافى طريقة إنتظرك
- وكمان يا ولدى أنا مافى طريقة أديك حقك إلا بعدما أصرف
لم يكن سائق الأمجاد يدر بان الاستاذ صابر (عدمان المليم) و(أباطو والنجم) غير أنه أستسلم للأمر الواقع وقام بركن العربة بينما إتجه صابر لمبنى المعاشات حيث قام بمفابلة الموظف المسئول الذى قال له فى هدؤ :
- نو بروبلم يا أستاذ .. مافيش مشكلة بس الظاهر إنت ما مليت لينا (فورم أقرار بالحياة)
عشان كده معاشك ناس (الشئون المالية) وقفوهو ليك
- لكن يا ولدى معاشى ده أنا ليا سنين قاعد أصرفو طوااالى وما حصل وقف
- لا معليش الإقرار ده إنت لازم تملاهو وتقدمو كل سنة عشان تصرف معاشك
- (فى إندهاش) : وعشان شنووو ؟
- عشان نعرف إنك لسه على قيد الحياة ... يعنى لسه عايش وكده
- وكت أصلو أنا بصرف معاشى ما معنى كده إنى عايش ؟
- لا ... لا يا أستاذ ما بالضرورة .. فى ناس كتير (ماتوا) ومعاشاتهم لسه بتنصرف
- طيب وبعد ما أملأ الفورم بتاع الإقرار ده
- تجيب لينا شهادة سكن من اللجنة الشعبية وصورة من عقد الزواج وشهادات ميلاد الأولاد ... مش
قلت ليك يا أستاذ (نو بروبلم) ؟
لا يجد الأستاذ صابر بدا من إستيفاء هذه المستندات بسرعة وتقديمها مع (الإقرار) ليتمكن من قبض معاشه فى نفس اليوم فيعود أدراجه إلى منزله مرة أخرى حيث يقوم بإحضار المستندات المطلوبة التى لم ينس وهو فى طريقه عائدا مرة أخرى (للمعاشات) لتقديمها أن يقوم بتصويرها بأحدى محلات تصوير المستندات .
- أهو دى الأوراق والمستندات كووولها حضرتها ليكم .. فى حاجه تانى
- لا مفيش تانى حاجه غير إتنين موظفين يضمنوا صحة البيانات دى ويوقعوا على الإقرار ده
- طيب يا إبنى إنت ما قلت ليا كده من الأول ليه؟
- أنا قايلك يا حاج عارف الحاجات دى إنت مش كنت موظف وكده !
هنا تذكر الاستاذ صابر أن (المصلحة) التى كان يعمل بها تقع غير بعيد عن مبنى المعاشات ولابد أنه سوف يجد هنالك من يعرفه ويوقع له على صحة البيانات لا سيما أنه عمل بها لثلاثين عاما إلأ أنه قد فوجئ عند دخوله للمصلحة بأن كل الوجوه قد تغيرت وتم إستبدالها بوجوه أخرى تبدو عليها علامات (الصلاح) ! فيقوم بشرح الأمر لأحدهم
- يا حاج الشهادة دى حاجه صعبة بالحيل هسه قول أنا شهدت فى الإقرار ده إنك على قيد الحياة
وقمت طلعت من هنا لا سمح الله حصل ليك حادث وإتكلت على الله مش باقى السنة دى كووولها معاشك
ده ح ينصرف ؟
- (مواصلاً) : بعدين والله ما أفتكر إنو فى زول نصيح ممكن يوقع ليك إقرار بإنك ح تكون على قيد
الحياة باقى السنة دى !
يخرج الاستاذ صابر من المصلحة متجها نحو الأمجاد وقد إنتابته حالة هيستيرية وهو يصرخ مخاطبا السائق :
- أنا يابنى مش (عايش) ما (مت) لسه؟ مش أهو يابنى أنا بتكلم وبشوف ؟ مش ديك (عربية) ودى
(ست شاى) وداك (بوليس حركة) ! – ثم يخاطب أحد الاشخاص العابرين - :
- بالله بس ورينى ياخ أنا (حى) وإلا (ميت) !
- (يعتبره مجنونا) : أوريك كيف هو أنا قايلنى دكتور؟
(مخاطبا سائق الأمجاد) : أيوااا ... شفت الزول ده قال شنو؟ بس خلاص إتحلت يلا على
(مستشفى الخرطوم)
ما أن يخطو الأستاذ صابر إلى داخل حجرة الطبيب حتى يقوم بمخاطبتة:
- أنا بس عاوزك يا دكتور تورينى أنا (حى) وإلا ....
وقبل أن يكمل الأستاذ صابر سؤاله كان قد سقط على الأرض وسط ذهول الطبيب الذى قام بالكشف عليه فوجده قد فارق الحياة .
ما أن تنتهى أيام العزاء حتى تذهب (عزيزة) إلى مصلحة المعاشات لصرف معاش زوجها المرحوم (صابر) حيث تجد ذات الموظف المسئول :
- دى كل الأوراق .. شهادة الوفاة والإعلام الشرعى بتاع الورثه وكمان أهو دى البطاقه بتاعتى
- نو بروبلم يا حاجه ... نوبروبلم ... مفيش مشكلة
- يعنى ح تصرفوا ليا المعاش هسه دى
- أيوه أكيد بس فى (مستند) مهم وضرورى جدن ما ح نقدر نصرف ليكى المعاش لو ما جبتيهو
لينا
- شنو؟
- شهاده من إتنين موظفين بأنو المرحوم ( ليس على قيد الحياة )!
|
|
 
|
|
|
|
|
|
|
|
Re: ســــاخر سبيل : نو بروبلم ! (Re: الفاتح يوسف جبرا)
|
Quote: حاجة واحدة عايزة اعرفها
ماهو مصير بتاع الأمجاد؟؟؟ |
مرة عندنا واحد قريبنا بيشتغل فى السكة حديد موظفين زمان وكدة (ناس الخمسينات)
طلع المعاش ...شاء الله ان يجيه سكرى وعلى اثره طوالى قطعوا ليه الدكاترة رجله
اليمين ...فبقى عليه صعب انه يمشى يصرف معاشه بالمواصلات من مدينة السامراب ببحرى
ففى يوم اجر ليه تاكسى عشان يوديه المعاشات ويصرف قروشه دخل بعد تعب شديد من مشيه
بالعصايات للمعاشات المهم صرف قروشه وقال لبتاع التاكسى نفسه الجابه ...يلا رجعنى من
محل ماشلتنى بتاع التاكسى رجعه السامراب.... قريبنا طلع رزمة المعاش الصرفه كله واداه لبتاع التاكسى
(هاك يااخوى ياهو ده معاشى ...قدر قروش مشوارك ده )
ودخل يده فاضيه لاولاده ولا حتى بكيلو موز .....
________________________________________
تحيه لكل معاشى بلادى ......ولكم الله
_______________
استاذنا
كتاباتك لها من الروعة مابها ....
| |
|
|
|
|
|
|
|
|
 Re: ســــاخر سبيل : نو بروبلم ! (Re: ناهد بشير الطيب)
|
| Quote: - شهاده من إتنين موظفين بأنو المرحوم ( ليس على قيد الحياة )! |
البروف ابو ناجي
يا من تُتحفنا كل يوم بروائع من دولة سازونيا اللاحضاريه..
** في الدول المُحترمه التي تحترم موظفيها الذين أفنو زهرة شبابهم في خدمتها تصلهم معاشاتهم الي باب المنزل ومعاه خطاب شكر وإمتنان علي ماقدموه للدوله..
** ابو ناجي قلت لي :- شهاده من إتنين موظفين بأنو المرحوم ( ليس على قيد الحياة )!
وأضيف اليها بأن يحضر الإيصالات الشهريه الخاصه برسوم النفايات وكذلك إيصال العوائد وإى إيصالات او ورقه دفعها للمحليه بشرط أن لايبرز اورنيك 15 الخاص بوزارة الماليه لن ذلك يُعتبر تشكيكاً في ذمة أثرياء الحرب الجُدد..
(ابومحمد فؤاد-دبي)
| |
|
|
|
|
|
|
|
|
|
Re: ســــاخر سبيل : نو بروبلم ! (Re: الفاتح يوسف جبرا)
|
Quote: كل الوجوه قد تغيرت وتم إستبدالها بوجوه أخرى تبدو عليها علامات (الصلاح) !
|
رغم المأساه لكني ضحكت لهذه الجمله المفيده
استاذنا الفاتح يا جميل ومقل... بالامس كنا في سيرتك مع صديقي اسعد الريفي وتحادثنا طويلا عن
سودانيزاونلاين والدرك السحيق الذي وصل اليه اسلوب البعض الشيء الذي جعل بطنه تطم...!! متعك الله
بالصحة والعافية وواصل بالله لتغسل لنا ذلك الغث .
| |
|
|
|
|
|
|
|
|
|
Re: ســــاخر سبيل : نو بروبلم ! (Re: طارق ميرغني)
|
| Quote: استاذنا الفاتح يا جميل ومقل... بالامس كنا في سيرتك مع صديقي اسعد الريفي وتحادثنا طويلا عن سودانيزاونلاين والدرك السحيق الذي وصل اليه اسلوب البعض الشيء الذي جعل بطنه تطم...!! متعك الله بالصحة والعافية وواصل بالله لتغسل لنا ذلك الغث . |
عزيزى طارق
التحايا والود
أوافقك أن سودانيزأونلاين تحتاج لبعض المراجعات ...تحياتى لك ولأخونا الحبيب أسعد !
| |
|
|
|
|
|
|
|
|
|
Re: ســــاخر سبيل : نو بروبلم ! (Re: الفاتح يوسف جبرا)
|
Quote: نو بروبليم يا ريس.....عايز لى إتنين اعضاء من المنبر ده يوقعوا هنا عشان ارفع ليك البوست الجميل ده
|
وأنا مامحتاج توقيع أى زول عشان أمنحك (حسب متابعاتى لمداخلاتك وبوستاتك) وسام الرزانة والتهذيب والخلق الرفيع !
كسرة :
____________________________________________________________________________________________
أهو جات مناسبه عشان الزول يقول رأيو فيك !
| |
|
|
|
|
|
|
|
|
|
Re: ســــاخر سبيل : نو بروبلم ! (Re: الفاتح يوسف جبرا)
|
عزيزى البروف
متعك الله بالصحه والعافيه
عضو جديد ومتابع قديم لإبداعاتكم.
ذكرتى القصه أعلاه بواحده شبيهه حدث لصديق فى باية النصف الثانى من التسعينات
صديقى يمتلك ورشه فى المنطقه الصناعيه الخرطوم
إحتاج لإحدى معاملاته البنكيه لخلو طرف من الزكاه
ذهبنا سويا.. طلب منه موظف الزكاه أن يدفع زكاة السنه الماضيه وقدرها على
ما أذكر خمسون ألف جنيه .. ذهب صديقى ودفعها وأتينا بالإيصال.
وهنا طلب الموظف من صديقى أن يدفع مقدم لزكاة السنه الحاليه
والتى كانت فى بداياتها وقدره خمسون ألف أيضا..
أعترضت أنا على حكاية مقدم الزكاة على أن أهم وأول شروط الزكاه هو مرور
الحول على المال .. وأنه أى صديقى قد يحتاج نفسه للزكاه فى نهاية السنه
لأى ظرف يحل به .. وقد تحرق الورشه أو تغرق أو تصيبها أى مصيبه تنتهى بها..
أو يتوفى الله صديقى قبل حلول الحول على أمواله فتسقط عنه الزكاه...
أصر الموظف على حكاية المقدم .. وذهبنا إلى المدير(والذى تبدو عليه علامات الصلاح!!!)
ولكنه كان من رأى موظفه .. وإلا فإنه لن يستخرج شهادة خلو الطرف .. إحتديت معه إلا
أن صديقى أخرجنى من المكتب وهو يعتذر وعاد ودفع المقدم المفروض .. وأخذ الشهاده
المطلوبه.. وبرر لى ذلك بأنهم لو عاكسوه فاموره ستتعثر وسيخسر هو ولن يخسروا شيئا
.......................
سمعت قبل كدا بى مقدم الزكاه فى أى مذهب من المذاهب الإسلاميه؟..
لو ما سمعت بيهو قبل كدا .. أسمع بيهو اليوم..
ولسه ياما حنسمع ونشوف
شكرا لك وأنت تنقل الواقع بإبداع
| |
|
|
|
|
|
|
|
|
|
Re: ســــاخر سبيل : نو بروبلم ! (Re: الفاتح يوسف جبرا)
|
| Quote: زمااانك يا عبدالله مش كان فى حاجه بيقولوها ذى دى ؟ |
استاذنا الجليل لك التحية
زمانك والهوا مالك .
كانت وكت الكلام اصبح صعب . وكان اخواتها لا لدنيا قد عملنا والبلع جب جب . زمن ياود جبرة . تعرف لو شوية وحفظنا ابتاه ماهذا الرصاص المنهمر ما كان بنلقا لينا وكت نشوف فيهو سودانيز اون لاينز وكنا بنكون من الكانزين للذهب والفضة .
غايتووو البهلل الله بدى ووب علينا الا هللنا لاكبرنا
لك مخبتى استاذنا مستشار التنفيس
| |
|
|
|
|
|
|
|
|
|
Re: ســــاخر سبيل : نو بروبلم ! (Re: عبدالله الامين صالح)
|
Quote: غايتووو البهلل الله بدى ووب علينا لا هللنا لاكبرنا
لك مخبتى استاذنا مستشار التنفيس |
البروف ابوناجي
لقد آليت علي نفسي بمساعدتك في موضوع الدفره ,, خوفاً من الـــــخـــ........
**كسره:- استاذ عبدالله الامين - العشره مقفوله علي الاحسبون والعايز يلعب براهو يجيب ليهو جوز ويلعب بيهو والفوره مليون..
| |
|
|
|
|
|
|
|
|
 Re: ســــاخر سبيل : نو بروبلم ! (Re: عبدالله الامين صالح)
|
| Quote: الصديق عبدالكريم دى مربوطة عديل |
استاذ عبدالله
جماعتك مابتاعين ويست وهارت ,, بتاعين حريق عايزين يخمو ويكاوشو إى حاجه في طريقهم وماعايزين زول معاهم في تربيزتهم ,, عشان كده أنا قلت ليك العشره مقفوله عليهم..
كسره:- المربوطه عندهم بتتلعب بسبعه أتُو..!!!(ودا طبعاً بعد مايخلصو الحريق) وهي لله لا للسلطه ولا للجاه..
| |
|
|
|
|
|
|
| |
الفاتح يوسف جبرا
ناهد بشير الطيب
عبدالكريم أحمد الامين
rosemen osman
عبدالله الامين صالح
ismeil abbas
أسامه الكرور
فيس بوك
تويتر
انستقرام
يوتيوب
بنتيريست