Quote: خارج التغطية : ماما عواطف سحبت الموافقة والاراء السابقة : تكون مالها يا نوبي
1.إحتمال تكون شافت انكـ ما قدر المقام و لست أهل للنقاش .. 2.إحتمال تكون شافت انها ما بتقدر تمنطقكــ .. 3.إحتمال تكون الاحتمالات اعلاه الاتنين معا.. 4.إحتمال يكون ولا واحد من الاحتمالات أعلاه ..
غايتو حاولي الاتصال بصديق أو حذف إجابتين أو أعتبري انكـ ربحانة الجولة و إتخارجي برصيدكـ الحالي ..
لكن في كل الحالات الإنسحاب ما في صالح البايركس
07-23-2007, 09:27 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
بصراحة يا جماعة المسالة اقتصادية ما مسالة شهادات او درجات علمية يعني شوفوا المستقبل المظلم قدام الشباب والتفكير في الهجرة البنات بيدخلوا في دراسات عليا بعد التخرج الاولاد ملزمين بايجاد عمل تضيع اجمل سنوات عمرهم على ارصفة الانتظار او المهن الهامشية يتبخر ما اختزنوه من معلومة اكاديمية احساس بجهالة ( نفسي) الهروب بالسفر يصبح الزواج بعبعا ان لم يكن ترفا يختل المجتمع تتفشى الامراض تكثر العنوسة يقل النسل تنتهي الامة لابد من محاربة امريكا
سودانية حبابك حبيت اسلم واحييك على الشجاعة الادبية بتاعتك . ولو حصل نقاش بالطريقة الانت عاوزاها يبقى عز الطلب وانا اتمنى ذلك ولكن ؟؟؟؟ تحياتى ليك ام وضاح
كلم معاك الناس الهنا والله : غير القسمة الفكرة في السودان بقت تحت شعارات اخري
مثل العرس قهارة بنات وشدة امهات .... وصيد العرسان من نقاط ضعف الرجال
وناس تانين بقلوا الرجال عايزين البنات اللافات و الهاملات
واخريين بقولوا بت الرجال كل بارت استخارت
ونظرية اخري بتقول القصة فلاحة وشدة
وناس قريحتي راحت ديل و عاملين فيها دكاترة ديل قطرهم صفر علي قول ماما عواطف
1) الناس الهنا عارفين يا سودانية علا بعضهم اتطرطش 2) العرس ابو قهارة بنات وشدة امهات دا اريتو ما يحوم عليك...حتما من بدايتو غلط ولو استمر...تأكدي معناها بس ناس مستمرين غلط غصبا عنهم...وبي كده يبقي ما زواج يبقي سعاية من سعية...أو سلعة...قابلة للاستهلاك..
أما الناس البقولوا الرجال عايزين البنات اللافات وهاملات ديل...حا يرجعوني للتعليق رقم 2
القصة لا فلاحة ولا شدة...فالسعي في طلب الرزق ليس سببا في كسب الرزق
والتاجر الفالح والشديد حينما يسعي لرزقه ...فانه لن يكون موقنا بربحه من خسارته...وبالقياس علي ذلك فالفلاحة والشدة وحدهما ليسا سببا كافيا للحصول علي الزوج..
ومع ذلك فهما مطلوبين بعض الشيْ...
الحكاية كلها حا ترجعنا للقسمة والنصيب الذي قدرهما الخالق العظيم
]
07-24-2007, 08:13 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
الاستاذة سودانية .. طيب الله مقدارك وزوجك ود الحلال الفتش للمتعلمات لكن :
اولا كنت في انتظار الضيف الاساسي في الموضوع أختنا الاستاذة عواطف لنعقب على رايها لا ان تعقب هي ..
ثانيا : في وجهة نظري انو الرجل السوداني وبحكم نشأته وعاداته وتقاليده يجد نفسه في مأزق متمثل في شكل التعامل مع المتعلمة ..
هل يمكن له ان يتزوج طبيبة وهو تأهيله الاكاديمي اقل من الثانوي ؟؟؟
لو تم ذلك هل بكون مرتاح في خصوصياته ( الاصدقاء / سفة التمباك الكبيييرة / التعامل مع أصدقائها وصديقاتها )
بمعنى اشمل هو عدم التوازن في التوافق الفكري المسبب الاول فيه المستوى الاكاديمي ..
رؤية المتعلم للمتعلمة من خلال المناقشة العامة في جميع اوجه الحياة يجد نفسه كصديق لهذه الزميلة ومحور الاهتمام لا يفوت الصداقة فهي من غير أن تشعر ترسخ في ذهن الزميل فكر يكون هو الطارد لنظرة الزواج منها ..
مؤكد الموضوع كبير والمناقشة سوف تكون أشمل برؤية الاستاذة عواطف .
نأمل أن نراها بيننا لنثري النقاش ..
شكرا سودانية
07-24-2007, 06:04 PM
عواطف ادريس اسماعيل عواطف ادريس اسماعيل
تاريخ التسجيل: 08-11-2006
مجموع المشاركات: 8006
دكتورة سلام احكي قصة واقعية حصلت لصديق لي كان خاطب طبيبة مرات بيزورها في المستشفي ولديها زميلة متزوجة ولديها طفلين يوم كالعادة سألها من اولادها ردت ليهو زمن شفتهم ليه لانها شغالة ليل ومن ثم واصلت لنهار اليوم التالي زولي ما كضب بعد اسبوع فسخ خطوبتو من البنية لهذا السبب
طبعا القناعات بتتختلف من شخص لاخر تسلمي
07-23-2007, 01:52 PM
Kamal Karrar Kamal Karrar
تاريخ التسجيل: 11-16-2006
مجموع المشاركات: 3734
البوست فى حوجة الى اضافة الاستاذة عواطف التى اجدها مهمة.........اول مره اجد لى ضيف بيكب الزوغه قبل بداية الحلقة....الموضوع مهم ومهم لشريحة كبيرة جدا لذا نحن فى انتظار هطول الاستاذة عواطف مودتى للجميع
07-24-2007, 11:28 AM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
تشكرى ياستى على البوست الواعى وبتناول قضايا مهمة ومتشابكة مع بعضها البعض واتمنيت فعلا الاخت العزيزة عواطف تجىء وتشارك برؤيتها اتفقنا او اختلفناحولها فهى مهمة جدا عشان نقدر نصل لنتيجة....
وماقادرة القى تفسير لعواطف فى انها ماترد على البوست بتاعك ولا على البوست بتاعى الفتحتو فى ذات الاتجاه المعاكس {حقوق الطبع محفوظة}. وكنت قد ارسلت رسالة ليها وقلت تحفظاتى ضمن بريد تعارف وهموم انسانية.
اتمنى ان تدلى اختنا عواطف بوجهة نظرها فى الامر خاصة وان مايجمعنا كنساء كتير وممكن نتوحد حوله لو تبادلنا وجهات النظر لكن التجاهل ماالحل الامثل...
يا سخيفة شايف بوستك اتحول عن مساره شيلي قروشك كلها و انزلي المحطة الفاتت لانكـ تاني ما بتلحقي القطر علي حسب حسابات ناظر المحطة الا تدفعي مقدم و مؤخر كمان
07-24-2007, 12:33 PM
essam&amal essam&amal
تاريخ التسجيل: 11-15-2003
مجموع المشاركات: 2579
Quote: {العوانس} و {قطر} الحياة ياعواطف ادريس: الحقينى بموية
الحبيبة اشراقة لم ارى هذا البوست الجميل حقيقة تمنيت ان اراهو واحاورك فى بعض الاشياء وعندى مشاركات من بعض الصديقات ساكتبها نيابة عنهن .
يا سودانية يا حبيبة اول حاجة اسفة للتخريمة مع اشراقة بعد اذنك طبعا نحن عندنا جمرة خبيثة حنكون واقفين كده ولا نبدأ النقاش طوالى . شايفة انتظاركم طال وامكن يطول اكتر واكتر .
عشان كده نعمل مداخلاتنا ولا شنو ؟؟؟؟؟؟؟؟؟؟؟؟ تحياتى ام وضاح
07-24-2007, 09:51 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: اما الكمونية فدي ما صاحبتي اصلن لا اكل لا طبيخ ولمن ضبحت كرامة عربيتي اديتها هدية
أها يا سودانية دا ما كلام عواطف زاتو. هل في سودانية كايسة ليها عريس بتصرح زي التصريحات الخطيرة دي؟ دون شك ليك فلسفتك المدعومة بأرقي مراجع الطب الحديث، لكن يا أختي كمونيتنا دي ليها قرون، يمكن قبل معرفة الطب وكلياته. ولو كايسة ليك عريس صحي، ركزي علي الكمونية وأم فت فت والكوارع وملاح أم شعيفة والعصيدة. (خاصة لو كايسة ليك واحد تعليمو زي حقي ده. وما أكثرهم.) ياها "اللغاويث" دي البتميزنا عن الآخرين ثقافيا في بلادنا وتلمنا في المهاجر. أري أنك تحاولين النيل من استاذه عواعف مرة "بالسطحية" ومرات أخر بوصفها "ماما" (طبعا بنكهة الدكترة.) يا ريت تناقشيها بعيد عن السخرية والتهكم.
مع خالص الود.
دنقس.
07-27-2007, 11:30 AM
عواطف ادريس اسماعيل عواطف ادريس اسماعيل
تاريخ التسجيل: 08-11-2006
مجموع المشاركات: 8006
حقا انتشيت بكلام نزار قباني، وشكرا ليك علي الأحساس النبيل. تسلمي يا رب.
وأهديك بدوري هذه السطور
مناجاه
الهي... ليس للعشاق ذنب فأنت تبلو العاشقينا وتخلق كل ذي طرف كحيل به تسبي عيون الناظرينا تأمرنا بغض الطرف عنه كأنك ما خلقت لنا عيونا فأنت جميل تحب الجمال فكيف عبادك لا يعشقونا
دنقس.
07-27-2007, 01:43 AM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: واحدة سالتها ليش ما عرستي وكلل ذوق قالت العروض اليوم واحد من ثلاثة يا راجل مرا يا غرابة (سوري لمن يصفها بالعنصرية دا رايها وواقع برضو) يا صغير ومفلس و سجمان كمان نسوي شنو مش احسن قعاد ساي قلت والله انا مع الخيار الثاني لانو لو حصل توافق ع قول الفنان الرقيق ما ذنبي اذا كان لوني اسودا يا فتاتي شوفي البريحك بس والبحبك والباقي انسيهو
لا أدري لماذا لمست من حديثك أن الخيارات الثلاث مرة؟ يا سيدتي الفاضلة سودانية، ليس لأبن الغرب ذنب في أن يوضع في خيارات بأئسة كالتي تدور بمخيلتك وصديقتك تلك. في المجتمعات السليمة، الزواج توافق لا علاقة له بالتصنيفات الطبقية أو العرقية وبما أنك وافقت صديقتك وذاك التصنيف المجحف سيراكما الآخرين كضحايا لأفكاركما بداية وضحايا المجتمع ثانية. طبعا التصنيف مجحف لأن الرجل الغرابي زج به في خيار ليس من بينهم شمالي ولا جنوبي ولا شرقي، انما بين المفلس السجمان وراجل المرا. هذا الحديث جعلني أتساءل عن فهم العلم والتعليم لدي السودانيين؟ ذكرت المثل الذي يقول "كل فولة ولها كيالها" وأتيت لاحقا ونسفت كل المعني العظيم للمثل. ان كنت حقا تؤمنين بالمثل ومعناه لما وقف في طريقك شيئ للزواج، وقد يكون قد أتاك "كيالا" من قبل، لكن عروض "الأمس" كانت غير. شخصيا أري أن الزواج شيئ مقدس وشخصي كما العقيدة، فان ركنت لرأي الآخرين في أمور كهذه (ومنهم صديقتك ) حتما أنك ضحية. الغرابة منتشرون في السودان شمالا وشرقا وجنوبا، غالبيتهم رجال صدقوا فرضوا أنفسهم بأخلاقهم الكريمة وزكاءهم وتقديرهم للمسئولية. هذه هي الصفات التي جعلت الآخرين يقبلونهم في النسب. فالكيالون منهم كالوا بأوروبا وأمريكا والكثير من الدول الأفريقية الأخري، ليس لأن عروضا وتصانيف تحكمت بعقولهم، أنما لأيمانهم التام أن المرأة هي المرأة ان كانت من بلاد السودان أو البيضان. وفي الغرب بنقول مافي مره شينة.
تسلمي وربنا يوفقك.
دنقس.
07-27-2007, 02:42 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
الاخت sudania2000 سلامااات احتمال كلامى ما يعجبك...فتقومى تتطنشينى و تطنشى الرد على ( ذى ما حصل فى بوست عريس ..... و لكن !!!... (و ذى ما حصل ليك فى البوست ده ) بس انا زوله لسانى متبرى من ...اعمل شنو !!!! انا معاك تماماا نو الواحده ما فروض تعرس من اجل العرس...احتمال ( لا قدر الله) تعرسى واحد ينكد عليك عيشتك و تتمنى انك ما عرسى فى حياتك و لا فكرتى فى العرس. و اى واحده ما عرست ما معناها ان حياتها (او هى نفسها ) ناقصه ...ابدا بس كمان كلامك ده ما معقول. ده كلام كتبتيه انت فى بوست عواطف ادريس اسماعيل بنات زي العسل ومالهمش في الطيب نصيب !!!!
Quote: اتفق مع الكاتبة في اهمية هذا الموضوع
وقد تناولته انا قبل هذا بعدة صور
و لدي رؤي واضحة في هذا الامر تتلخص في اشياء عدة اكتبها فيما بعد
لدي عدد كبير من الزميلات و الصديقات وانا ايضا بذات الزورق
والاسباب معظمها لا علاقة لها بما ذكرتم هنا
اعتقد ان سطحية الشاب السوداني في الاختيار و تعقيدات تربيته وترسبات طفولته من اهم الاشياء
الشابات واعيات و متفهمات و لا يخجلن من اوضاعهن هذه بالعكس لهن مشاركات مجتمعية هامة جدا
ودى نفس النقطه اللى وقفنا فيها المره الفاتت التعميم غلط سطحيه الشاب السودانى ؟؟؟ معقوله بس؟؟ ما كل الشباب السودانى سطحى و معقد . و ذى ما سالتك المره الفاتت ...عندك اخوان اولاد ؟ لو كان عندك , هل شايفاهم معقدين و سطحيين ؟ لو كانت الاجابه (لا ) , فده كويس جدا ...يعنى فى شباب ما سحطى وما معقد. لو كانت الاجابه (نعم ,سطحيين و معقدين ) , فالاولاد ديل تلقو نفس التربيه اللى اتربيتيها انت (نفس الوالدين) , شنو اللى طلعهم معقدين و انت لا؟؟؟؟ بينى و بينك انا عندى راى فى كميه من السودانيين ,,بس كمان عندى اخوان و زملاء و اصحاب و معارف افاخر بيهم و بمعرفتهم و دمتى
Quote: الاخ دنقس احترامي وتقديري : لا اختلف معك في احقية الشباب في الارتباط بدون النظر الي القبيلة و العرق ولكن اهل السودانوالجلابة عندهم عقدهم في الجانب دا و دا واقع معاش برضو
تحية طيبة أخت سودانية، طبعا نقاشي معك يرتكز علي أنك متميزة بتعليمك "وترس" من تروس تغيير الواقع للأفضل. الواقع الموروث نتفق حوله، وواقع اليوم الأقتصادي والسياسي والأجتماعي فرض علي الواقع الموروث أن يتراجع كثيرا عن فهم التمييز. لذا نري أن رجل الغرب دخل لستة الخيارات (حسب فهم صديقتك) ودون شك سنري قريبا رجل الجنوب يتقدم لستة خيارات صديقتك ويتضرع بطرقات العاصمة متشابك اليدين وحسناء(جلابية).(طبعا اذا قرر أهل الجنوب أن يكونوا جزء من السودان). بالنسبة لي الأمر شيئ طبيعي، لكن دون شك هناك كثيرون سيموتون كمدا. وحيكونوا في وضع "العين بصيرة واليد قصيرة" (وذلك أضعف الأيمان). بمأنك تتحدثين عن الواقع، لم لم تصحبي معك أن ثلث أهل السودان غرابة، وما يقارب الثلثلين جنوبيون ونوبة هذا أيضا واقع يئن من هوله بعض "المفكرين" الجلابة. حقائق الواقع الماثل أمامنا تناغض نظرة الجلابة اللذين ذكرتيهم واللذين دون شك يحملون تصورا لسودان غير الواقع المعاش. هذا التصور الخاطئ عن السودان جعل الكثير من متعلمي السودان أن يراهنوا علي أوهام ما أنزل الله بها من سلطان، وعندما يفيقوا يلقوا قطار الزواج في حلفا. اذا "العنوسة" في السودان مصتنعة وللأسف الشديد صانعيها نفس المتعلمين الذين يتباكوا عنها. أقول هذا الحديث من نفس الواقع الذي عشته وتعيشينه أنت وصديقتك. تقدم لجارتنا الجميلة والتي ينتهي نسبها بالخليفة "التعايشي" الكثير من الأزواج، رفضت بعضهم بحجة العلم، وآخرين لأنهم ليسوا في مقام حسبها، والبنات حولها يتزوجون يمينا ويسارا مع العلم أنهم أقل منها جملا ومالا وحسبا، لكنهم قنوعات بالواقع الذي أمامهم. المشكلة العظيمة هو أن رفضها كان يصحبه السخرية الجلابية نفسها التي ذكرتيها أنت، لأن في ذاك الزمان كانت للسخرية الجلابية أنياب ومخالب. ذبل جمالها وباتت تسعي بنفسها الي أدني مستوي من مستوي خياراتها السابقة ونهايتها كانت علي زمة شاويش بسلاح الموسيقي وكانت حكمتها ضل راجل ولا ضل حيطة. دون شك لا أنقص من مقام الرجل، فهو رجل بحق ومتصالح ونفسه، لم يلتفت لحديث الآخرين الذي كان يصفها بالهرم. أحبها الرجل لزاتها وواقعها الي أن أعاد أليها بهاء وبسمة. هذه الدراما الخفيفة أيضا واقع مر بالكثير من قاطني المدن، ومدلولها أن الشباب المتعلم في السودان ضحايا لأوهامهم. ما الذي يجب أن نفعله؟ أن كنا حقا نريد سودان متماسك قليل العنوسة، لابد والمصالحة والزات والسعي الحسيس لتغيير الواقع البائس الذي أمامنا. ويجب أن نضع الواقع نصب أعيننا، والحب الغريزي بين الرجل والمرأة، لا علاقة له بالتعليم. أقول هذا لأني أصتحب معي حقيقة نسبة الأمية بالسودان، فاذا تزوج كل المتعلمين بالسودان متعلمات سيرتع السودان في تخلف أسوأ من الذي نشاهد.
Quote: اذا "العنوسة" في السودان مصتنعة وللأسف الشديد صانعيها نفس المتعلمين الذين يتباكوا عنها.
الكريم دنقس
أتفق معك في معظم ما ذهبت اليه
ولكن لا اظن ان التعليم هو المشكلة في مسالة الزواج
التوافق اطلاقا لا يعني ان نكون بذات الشهادات العلمية
فالتوافق هو فكر وروح وجسد بمعني ان تجد امامك شخصية تصلح لان تكون لك رحلة ابدية معه/ها (((( تأبيدة دي )))
اما ان النساء يرفعن شروطهن و يرجعن عن ذلك بعد فوات ما يسمي بالقطر او الصاروخ لزوم المواكبه والحداثة
ويتنازلن تحت شعار ضل راجل ولا ضل حيطة ما بظن انو الامر كذلك والقصة القسمة اختارت او ع قول حبوبة البيت ما اتبني
او كمان بلغة القرية العارض او الساجو اتفك .... والحكاية كلها اشياء مسطرة و مكتوبة
اود ان الفت نظرك سيدي الكريم ان اهل الشمال اذا صح التعبير لهم السيطرة علي الميديا و الافكار وبرضو دا واقع وبعيدا عن اي جدل بيزنطي هنا و اسباب ذلك و السياسة اقول لك لم استصحب معي الاعداد وانما تحدثت بلغة قومي الجلابة علي قولهم
اما الجهات الاخري فالحياة فيها بلا تعقيد يذكر وفيها سهولة في هذا الامر سواء غربا او جنوبا لذلك لا توجد مشكلة ما يسمي بتاخر الزواج
جارتي من الشرق تزوج بناتها في عمر 14 سنة فقط
اما القضية الاخري في الاقتصاد و الاشكال الكبير هنا يرجع لاذهان النساء وقصرهن في هذا الامر وسطحية الفكرة
تظل مصرة علي الشيلة و الذهب ولا تدري اين تسكن !!!!!!!!!!!!!!!!!!!!!
سلا م سودانية وضيوفها بصراحة مداخلة دنقس أعجبتني وأعتقد أنها منطقية جدا:
Quote: لا أدري لماذا لمست من حديثك أن الخيارات الثلاث مرة؟ يا سيدتي الفاضلة سودانية، ليس لأبن الغرب ذنب في أن يوضع في خيارات بأئسة كالتي تدور بمخيلتك وصديقتك تلك. في المجتمعات السليمة، الزواج توافق لا علاقة له بالتصنيفات الطبقية أو العرقية وبما أنك وافقت صديقتك وذاك التصنيف المجحف سيراكما الآخرين كضحايا لأفكاركما بداية وضحايا المجتمع ثانية. طبعا التصنيف مجحف لأن الرجل الغرابي زج به في خيار ليس من بينهم شمالي ولا جنوبي ولا شرقي، انما بين المفلس السجمان وراجل المرا. هذا الحديث جعلني أتساءل عن فهم العلم والتعليم لدي السودانيين؟
07-29-2007, 07:08 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: والقصة القسمة اختارت او ع قول حبوبة البيت ما اتبني
تحية طيبة أخت سودانية،
حقيقية لا أدري لماذا لا أركن لفهم القسمة هذا؟ قد يكون هذا فهم الوالدة أو الجدة، أو حتي الأجيال التي سبقتنا بقليل لأنهم طبقوا موروثنا الثقافي بي حزافيره. من لم يفعل أو تفعل ينظر اليهما كناقصين، ودائما ما كانت تصحبها "بالله دي سودانية" أو "ده سوداني" في انتفاضة واضحة أستنكارا لعدم ممارسة الطقوس المو########. يا سيدتي نحن جيل غير، عندنا خيار الأختلاط والحب والصداقة والزمالة، اذا نحن نعي ما نريد أكثر من الأجيال السابقة. فهم القسمة هذا به كثيرا من الثقوب في زماننا هذا لأن الحرية الفردية أعظم وأرحب ، بل باتت أي -الحرية الفردية- واقعا مقبول، لذا تواري فهم "القسمة والنصيب" لأنه مرتبط بهواجس المستقبل الغير معروف، حتي في المجتمعات الزراعية الرعوية بات الأنسان يسعي جاهدا أن تكون له رؤية مدروسة للمستقبل أفضل ومنها الزواج. الانسان صار يتحكم في من يريد أن يتزوج أوتتزوج، كم عدد الأطفال، هل توأم أم توائم عدة ، لكل هذا لا أركن للقسمة هذه ولهذا أيضا أري أن القسمة لا تختار. كتبت:
Quote: اود ان الفت نظرك سيدي الكريم ان اهل الشمال اذا صح التعبير لهم السيطرة علي الميديا و الافكار وبرضو دا واقع وبعيدا عن اي جدل بيزنطي هنا و اسباب ذلك و السياسة اقول لك لم استصحب معي الاعداد وانما تحدثت بلغة قومي الجلابة علي قولهم.
هذه هي المحنة، ودون "جدل بيظنطه" أنت محقة. الميديا أو "السكين" هذه هي محنة أهل السودان، رغم أن الميديا في بلاد الله الواسعة تهب التناضح والعيش المشترك والسلام وشعارات السلام، لكن في السودان ساهمت مساهمة فعالة في خلق وعي داخل وعي، ووجدان داخل وجدان. شخطط "الميديه الجلابية" الشخوط بعد رحيل الفرنجة من السودان وأصبحت تفصلنا حواجز وحواجز. الذي نشأ وترعرع بأمدرمان (بانت و العرضةو الموردة والمهدية وبيت المال) يري أن الفتيحاب "ضهاري" وأهلها "عرب وهم"، لماذا كل هذا الأجحاف والفتيحاب وأهلها علي مرمي حجر من أولائك المعاتيه؟ نرجع ونقول هي هي الميديا التي رسمت الخطوط الأجتماعية بأجحاف حين شخطط الحدود للغرابة والجنوبيين والنوبه، ومن أراد من هؤلاء المغضوب عليهم أن تثكل أمه ويمسح الأحزية أو يترجل لاجئا أو يخدم في منازلنا، أن يأتي الخرطوم. المشكل يا عزيزتي السودانية، ليس في زواج المغضوب عليهم بالجلابيات، المشكل أعظم وأعمق. النظام الأجتماعي والسياسي والأقتصادي، والأقتصادي دي أشخطي تحتها شخيط سميك. السودان سيدتي الجميلة تحته رمال متحركة، ودائم الصراعات الي أن يركن أصحاب "الميدية" هؤلاء لواقعه المتباين حينا والمختلف أحيانا أخر. "المغضوب عليهم" ليس غايتهم أن يباعلوا الجلابيات أنما يريدون أن يكونوا لهم أخوة بدأ. يا أخت سودانية، نحن مسئولون عن الواقع الذي أمامنا، فعندما تتركي أمثال صديقتك تلك تحدد لك الخيارات، فصديقتك ساهمت بفرض واقع استسلمتي له أنت عندما اخترت من خياراتها الثلاث علي طريقة كل الخيارات مرة. كنت أتوقع أن تسأليها وتحاوريها حول فهمها الناقص، بدلا عن النظر اليه كواقع.
خالص الود.
دنقس.
07-29-2007, 07:12 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
في البداية لا ارى داعي لفتح بوست يناقش قضية موازية ما دام البوست الاصلي موجود وكان يمكن ان تتطرحي القضية من خلال البوست المميز جدا للاستاذة عواطف.. او ان يكون الهدف استثمار اسم الاستاذة عواطف لجذب الانتباه وبالتالي تحقيق صمود لاطول فترة ممكنه لان الشاهد ان كل بوستات عواطف تحقق النسب الاعلى في التصفح والمداخلات وهذا دليل على إنتفاء تهمة السطحية التي رميت بها اخر بوستاتها.
ثم اوردت حكاية صاحبتك وخيارات الزواج الفطيسة المتوفرة ليها ومن ضمنها (الغرابة)ويبدو ان هذه (البايركس تعقدت بشاكوش غرابي جامد وماقادره تنساهو) لذلك تتشفى من خلال عبارات عنصرية. (مسكينة والله)
اما الكوت التلميعي الجميل هذا بلسان خالتك
Quote: +
قراية وكملت قالوا عايزة فوق الدكتوراة كمان .. و شغل و عندك ... و قروش وعندك
(حركة استعراضية قلبتي فيها الهوبه وان شاء الله تنفع في اصطياد عريس)
الله يفك البورة
07-30-2007, 05:09 AM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
Quote: تقدم لجارتنا الجميلة والتي ينتهي نسبها بالخليفة "التعايشي" الكثير من الأزواج، رفضت بعضهم بحجة العلم، وآخرين لأنهم ليسوا في مقام حسبها، والبنات حولها يتزوجون يمينا ويسارا مع العلم أنهم أقل منها جملا ومالا وحسبا،
الاستاذ عبد القادر
سلامات
بالرغم من اني اتفق معك في الكثير مما سقته في معرض ردودك في هذا البوست الا انني اتعجبك من وصف جارتك بنت الخليفة شخصيابأنها تقل في (الحسب) عن جاراتها؟؟؟؟ ما هو التصنيف الذي اتبعته لتجعل من بنت الخليفة اقل في حسبها عن الاخريات؟؟ ولكي تعم الفائدة اتمنى ان تعطينا بعض الامثال للحسب الرفيع والوضيع في السودان واكون شاكرا
محمد
07-30-2007, 06:08 AM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
عواطف سلام وانت فى الاتجاه المعاكس اولا مسرحت مداخلتين !!!! صاح ولا انا ما غلط ومن ثم
Quote: شكرا علاء !!!
Quote: كيمو !!!
كلماتك وسام على صدري ,,,
Quote: علاء !!!
شهادتك مجروحة ,,,
شكرا لأنك أدخلتني المدرسة ..
وشكرا .. لأنك علمتني أبجدية التسامح
Quote: شوشو الحبيبة !!!
معزتي ,,,
تجديني في بوستك بهناك بكثرة وأعتذر عن التأخير لأسباب خارجة عن الإرادة وأود أن أقول لك
أنا لا أفكر في الإعتذار لأحد ..
وليس في نيتي أن أوكل محاميا
ينقذ رأسي من حبل المشنقة .
فلقد شنقت ..
آلاف المرات ..
حتى تعودت رقبتي على الشنق ..
وتعود جسدي ..
على ركوب سيارات الاسعاف ..
ودي ...
Quote: وليد !!!
شكرا كلك ذوق ,,,
Quote: حمودي !!!
يسعد صباحك ,,,
البنات موجودات بس إنت صلي على النبي !!!
Quote: أخي العزيز عبدالقادر !!!
مودتي ,,,
شكرا على مداخلتك الرصينة .. وأهديك قصيدة الشاعر الكبير نزار قباني أصلو الأيام دي ظاري نازل
فيه !!!
أريدك أنثى ..
ولا أدعي العلم في كيمياء النساء
ومن أين يأتي ارحيق الأنوثة
وكيف تصير الظباء ظباء
وكيف العصافير تتقن فن الغناء
أريدك أنثى ..
وأعرف أن الخيارات ليست كثيرة
فقد أستطيع اكتشاف جزيرة
وقد استطيع العثور على لؤلؤ
ولكن من ثامن المعجزات اختراع امرأة
أريدك أنثى
وأجهل كيف يركب هذا العقار الخطير
وأجهل كيف الفراشة تكتب شعرا
وكيف الأنامل تقطر شهدا
وأجهل أي بلاد يبيعون فيها الحرير
أريدك أنثى ..
بخطك هذا الصغير .. الصغير ..
ونهدك هذا الملئ .. المضيئ ..الجرئي
العزيز .. القدير ..
أريدك لأنثى
ولا أتدخل بين النبيذ وبين الذهب ..
وبين الكريستال .. والأقحوان
ولست أفرق بين بياض يديك
وبين مداسات هذا البيان ..
ويكفي حضورك كي لا يكون المكان
ويكفي مجيئك كي لا يجيء الزمان
وتكفي ابتسامة عينيك كي يبدأ المهرجان
فوجهك تأشيرتي لدخول بلاد الحنان ..
أريدك أنثى
كما جاء في كتب الشعر منذ ألوف السنين
وما جاء في كتب العشق والعاشقين
وما جاء في كتب الماء .. والورد .. والياسمين
أريدك وادعة كالحمامة ..
وصافية كمياه الغمامة
وشاردة كالغزالة ,
ما بين نجد .. وتهامة ..
أريدك .. مثل النساء اللواتي
نراهن في خالدات الصور
ومثل العذارى اللواتي
نراهن في سقوف الكنائس
يغسلن أثداءهن بضوء القمر
أريدك أنثى .. ليخضر لون الشجر
ويأتي الغمام إلينا .. ويأتي المطر ..
أريدك أنثى .. ولا أدعيك لنفسي
ولكن .. ليسعد كل البشر ..
أريدك أنثى
لتبقى الحياة على أرضنا ممكنة ..
وتبقى القصائد في عصرنا ممكنة ..
وتبقى الكواكب والأزمنة
وتبقى المراكب والبحر , والأحرف الأبجدية
فما دمت أنثى فنحن بخير
وما دمت أنثى ..
فليس هناك خوف على المدنية
أريدك أنثى
بزينتك المدرسية
وأطواقك المعدنية
وشعر طويل وراءك يجري كذيل الحصان
وحمرة ثغر خفيفة
ورشة عطر خفيفة
ونهد أربيه مثل الطيور الأليفة
وأمنحه التاج والصولجان ..
أريدك أنثى ..
وهذا رجائ الوحيد
وآخر أمنية أتوجه بها إلى شفتيك
أريدك باسم الطفولة أنثى ..
وباسم الرجولة أنثي ..
باسم الأمومة أنثى
وباسم جميع المغنين والشعراء
وباسم الصحابة والأولياء
أريدك أنثى ..
فهل تقبلين الرجاء؟
أريدك أنثى اليدين
وأنثى بهسهسة القرط في الأذنين
وأنثى بصوتك .. أنثى بصمتك ..
أنثى بضعفك .. أنثى بخوفك ..
أنثى بطهرك .. أنثى بمكرك ..
أنثى بمشيتك الرائعة
وأنثى بسلطتك التاسعة ..
وأنثى أريدك , من قمة الرأس للقدمين ..
فكوني سألتك كل الأنوثة ..
لا أمرأة بين .. بين ..
أريدك أنثى
لأن الحضارة أنثى ..
لأن القصيدة أنثى ..
وسنبلة القمح أنثى ,,
وقارورة العطر أنثى ..
وباريس _ بين المدائن _ أنثى
وبيروت تبقى _ برغم الجراحات _ أنثى ..
فباسم الذين يريدون أن يكتبوا الشعر .. كوني امرأة ..
وباسم الذين يريدون أن يصنعوا الحب .. كوني امرأة ..
وباسم الذين يريدون أن يعرفوا الله .. كوني أمرأة
أخي العزيز دونقس أأسف للإطالة وكلمة (ماما ) هي أحلى كلمة سمعتها في حياتي و لن تقلل من مكانتي
شيئا إن لم تزدني شرفا...
يا عواطف وبكل صراحة ما عندك اى موضوع ...فا اما الشكر والتقدير او ايضا الشكر مكرر وده ما بيحل قضية فى عرف دنيانا التى نحيا ونعيش وجد شا يفك زى تخطيتينى او جليتنى فى الردود واختارى ما شئت من المفردات اقصد التخطى او التجلى فى الردود.. وما بيفرق معاااااااااااااااااااى المهم التصاوير وحدها لا تكفى !!!! عارفة ليه ؟؟؟؟ كدا فكرى وقدرى براك قاسى المهداوى
07-30-2007, 06:31 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: يا عواطف وبكل صراحة ما عندك اى موضوع ...فا اما الشكر والتقدير او ايضا الشكر مكرر وده ما بيحل قضية فى عرف دنيانا التى نحيا ونعيش وجد شا يفك زى تخطيتينى او جليتنى فى الردود واختارى ما شئت من المفردات اقصد التخطى او التجلى فى الردود.. وما بيفرق معاااااااااااااااااااى المهم التصاوير وحدها لا تكفى !!!! عارفة ليه ؟؟؟؟ كدا فكرى وقدرى براك
راجع مداخلتي الفوق .. لي الاخت سودانية .. و هتلاقي نفس الكلام ده يعني عاااادي يجلوك زي الزبادي ما ده الاتجاه المعاكس يا عمكــ..
Quote: قاسى المهداوى
حلوة و ملعوبة..
___ وين ست السخف !! الرصيد نقص ؟؟
07-30-2007, 06:59 AM
قاسم المهداوى قاسم المهداوى
تاريخ التسجيل: 11-26-2004
مجموع المشاركات: 8640
الاخ فيصل نوبى تعرف البرتكان فى الفرتكان ؟؟؟ ده سؤال عليك الرب بدون اى انفعال ممكن تجاوب ؟؟؟ حقيقى انا محتار عارف ليه هل انتا المحامى ولا انتا عواطف ؟؟؟ عليك الرب تانى ممكن تركز معاأأأأأى شويه وخلى عواطف تجاوب.... يا نوبى انتا راكب من وين ياخى ممكن تنزل ... لان لفة الكلالكة اخر المحطات
قاسم هامش ارجوك بلا زعل فاوضنى يا ود يا نوبى ...
07-30-2007, 08:21 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: الاخ فيصل نوبى تعرف البرتكان فى الفرتكان ؟؟؟ ده سؤال عليك الرب بدون اى انفعال ممكن تجاوب ؟؟؟ حقيقى انا محتار عارف ليه هل انتا المحامى ولا انتا عواطف ؟؟؟ عليك الرب تانى ممكن تركز معاأأأأأى شويه وخلى عواطف تجاوب.... يا نوبى انتا راكب من وين ياخى ممكن تنزل ... لان لفة الكلالكة اخر المحطات
قاسم هامش ارجوك بلا زعل فاوضنى يا ود يا نوبى ...
تعرف يا قاسم انت شايت غلط لمن غلط ..
Quote: 1.إحتمال تكون شافت انكـ ما قدر المقام و لست أهل للنقاش .. 2.إحتمال تكون شافت انها ما بتقدر تمنطقكــ .. 3.إحتمال تكون الاحتمالات اعلاه الاتنين معا.. 4.إحتمال يكون ولا واحد من الاحتمالات أعلاه ..
غايتو حاولي الاتصال بصديق أو حذف إجابتين أو أعتبري انكـ ربحانة الجولة و إتخارجي برصيدكـ الحالي ..
Quote: فعندما تتركي أمثال صديقتك تلك تحدد لك الخيارات، فصديقتك ساهمت بفرض واقع استسلمتي له أنت عندما اخترت من خياراتها الثلاث علي طريقة كل الخيارات مرة. كنت أتوقع أن تسأليها وتحاوريها حول فهمها الناقص، بدلا عن النظر اليه كواقع.
خالص الود.
الكريم دنقس
كلامك زين و اكثر من منطقي في ما اوردته في كتاباتك المنطقية جد وشكرا علي التحليل الواعي
لكن هنا في الاقتباس دا ما فهمت مقصدي من الصديقة انها تقول ان الخيارات اصبحت لا تخرج من ذلك
اما انا فلم اؤكد علي كلامها لكن اقول ان الواقع المعاش يحدد الخيارات بمعني الاسرة بعضها تفضل الاهل
والقبائل .... الخ رغم ان بعض البنات الان اصبحن اكثر انفتاحا وحرية لفرض خيارتهن بالاجانب ناهيك عن القبائل الغربية او الجنوبية
اشكر جدا علي تحليلك مرة اخري
الاستاذة عواطف تقول ان ليس كل الكلام يرد و لماذا ترد علي ناس شكرا واحيك و.... خليك منطقية وادحضي الافكار
الاستاذ اعلاه ناس لغة لغة فك البورة و استعراضي لوضعي لاتصيد عريس ... بقول ليهو والله ياريت يكون في عريس بستاهلني هنا
لكن انا بصراحة عندي راي في القصة دي و لا لي في الصايبر الا في تبادل الافكار و تناول المواضيع الجادة ولا وقت لدي لاشياء اخري
اما دعواتك بفك البورة فدي بتصب في ذات اطار كلام الماما عواطف الانا عايزة اقشر باسمها ... ضحكتني شديد والله أضحك الله سنك
دائما ... انت في سوق ام دفسو حيث الغث يطفو و الثمين يغرق وراجع البوستات تصدق كلامي ....راجع كتاباتي تجد انني لا اقشر ولا بكري بديني ترقية علي عدد المتصفحين
انا لمن القي وقت بقرأ البورد من الصفحات الاخير و بنكش الجميل من هنالك ... فهمك قديم بورة شنو عليك الله
انت بتكلم انسان وكينونة وتقييم علي لبشر علي اختيارات خاصة به ... صحي الفهم قسم ... الله يكون في عونك يا اخوي
لكن بصراحة فهمك لا يشجعني علي الرد مرة اخري
المهداوي
سلامات و تحايا
عارف الناس البقولوا الحق ديل ما كتار هنا شيل شيلتك
نوبي متفق معاك في لغتك تماما بس السخيف لا يجيد التعبير الواضح وله لغة خاصة به هو الوغد دكين
تقع في اطار السهل الممتنع او السهل الممتع .... لكنو بس سخيف شوية انا لا تهمني السخافة
بقدر انو الزول يكون واضح و بكتب برؤي وافكار واضحة مش منا شيلني واشيلك و الاجندة الخفية
خربشات خارج التغطية : انتي يا عواطف لو ما عايزة الاستضافة بتخشي لشنو ؟ يا تبقي استضافة يا تبقي تبادل التهاني
نوبي أخوي الحبيب دي الحالة مع الجبُر؟ سلامات ست سودانية و ست عواطف وكل الأحبة المروا من هنا ما عجبني يا محمد يا أخوي الحبيب تعبير (بايركس) للدلالة على الحالة القصدت توصفها؛ البايركس كالبلور في مقامات التجهيزات المنزلية، وعندما تجد إمرأة ما كلمة (بايركس) على أواني تأخذها بدون تردد. أما للدلالة على البوار، فكل فولة و لها كيّال؛ و لم يحدث في تاريخ البشرية أن وُجدت فتاة لم يتقدم لها رجل! دعوة لتغيير المصطلح و من قبله الفهم.. ومحبتي لكم التقدير
07-30-2007, 02:25 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
الاميرة لنا أختي الكلام واقف لي في حلقي ما تمشي لي محمد لاني كتبهت قبل ما محمد يكتبها
Quote: لكن في كل الحالات الإنسحاب ما في صالح البايركس
سودانية أخوكـ متابع برضو .. بس وقفة صغيرة كده ... أخوكـ وين و دكين وين ؟ دكين قلم لا يشق له غبار متمكن من نواصي اللغة يتلاعب به ماشاء الله ؛ ذاده الله من علمه.. و شخصي الضعيف حي الله مبتدي ...
شايف اسهمكـ في إرتفاع ... كالعادة
(عدل بواسطة فيصل نوبي on 07-30-2007, 02:28 PM) (عدل بواسطة فيصل نوبي on 07-30-2007, 04:19 PM)
07-30-2007, 04:34 PM
Abdulgadir Dongos Abdulgadir Dongos
تاريخ التسجيل: 02-09-2005
مجموع المشاركات: 2609
Quote: لكن هنا في الاقتباس دا ما فهمت مقصدي من الصديقة انها تقول ان الخيارات اصبحت لا تخرج من ذلك
لذا هي عازفة عن الزواج، لأن سؤالك لها كان:
Quote: واحدة سالتها ليش ما عرستي وكلل ذوق
الواضح أنها فضلت العزوبية عن الخيارات المطروحة لأن المعروض لا يتوافق وطلبها. دون شك هذا خيارها وشخصيا أحترمه، لكن عندما يصبح رأيها مؤثرا لواقعنا البائس أصلا، لابد ومقارعتها الي أن تصمت كامده. كتبت:
Quote: ما انا فلم اؤكد علي كلامها لكن اقول ان الواقع المعاش يحدد الخيارات بمعني الاسرة بعضها تفضل الاهل والقبائل .... الخ رغم ان بعض البنات الان اصبحن اكثر انفتاحا وحرية لفرض خيارتهن بالاجانب ناهيك عن القبائل الغربية او الجنوبية
بأختيارك الخيار الثاني بين خيارات صديقتك، أكدت لها ولنا أن رأيها عظيم الأهمية لخلق الواقع. بالأختلاف والتباين الموجود في مجتمعنا السوداني، هناك ما تفضلتي لنا به وهو أن بعض أفراد المجتمع عولموا خياراتهم وصاروا أكثر قناعة أن الأنسان هو الأنسان بنفس القدر هناك أمثال صديقتك "ضحية الموروث والميديا"، في مخيلة صديقتك هناك سودان من نوع خاص تسود فية هي وعشيرتها الجلابية ودون ذلك لا خير في الزواج والتناسل مع من هم أدني. هذا بأختصار ما يدور بعقل صديقتك.
شكرا علي الثناء والنقاش.
أحترامي.
دنقس.
07-30-2007, 05:23 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
الاستاذ الفاضل عبد القادر صدقني قرأت مداخلتك مرة اخرى ووقع لي كلامك لك العتبى يا نبيل مودة
الاخت الحبيبةLana شوفتي اخوي نوبي ده هو الجاب لينا المصطلح الكارثة ده لكن سامحيهو عشان هلالابي وتسلمي يا ست الكل شكرأ على التوجيه الانيق وصلت الرسالة كاملة الدسم. الحبيب فيصل يا زول شوف هلالك وين احسن ليك ولينا
اما الزولة القالت:
Quote: +
بقول ليهو والله ياريت يكون في عريس بستاهلني هنا
ده المغطس حجرك زاتو (لوووووووووول) ولك العتبى لن اعود
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
) 
قاسم المهداوى
عواطف ادريس اسماعيل
مجدي عبدالرحيم فضل
د.محمد حسن
nazar hussien
فيصل نوبي
محمد صباحى
essam&amal
Tragie Mustafa
علاء الدين حيموره
السمؤال بدرالدين
Kamal Karrar
waleed500
Ishraga Mustafa
أحمد الشايقي
Mohammed Elhaj
smart_ana2001
mohmed khalail
ALGARADABI
lana mahdi
saif massad ali
فيس بوك
تويتر
انستقرام
يوتيوب
بنتيريست