|
|
 أبكوا معي .....وطني الحبيب
|
كنت جالسا مساء اليوم في إحدى العيادات التشخيصية بأم درمان لأجراء بعض الفحوصات لواحد من مرضاي واثناء جلوسي مطرقا أفكر استرعى انتباهي دخول شابة في مقتبل العمر ترتسم الرقة والهيبة في مزيج عجيب على سيمائها وقد لفت انتباهي بمجرد دخولها مشيتها الخجلة ولبستها المحتشمة وقبل أن اسرح بخيالي صدمتني نظرتها الكسيرة واطراقتها الحزينة وحزنها الذي تنوء به وظهر جليا علي محياها الرقيق ..كانت تحمل بطاقة جامعية وشهادة لمن يهمه الأمر (ان كان هناك واحد)وآمالا بحجم الآلام,,, صدمت وذهلت وظننت أنني احلم ولكن المنظر ظل على حاله لم يتغير برغم كل محاولاتي لإيقاظي ,,,نعم لقد كانت طالبة علم تشحذ وتتسول مصاريف الدراسة او الداخلية أو أو أو........
من المسئول عن مثل هذه ؟؟؟؟؟
من المسئول؟؟؟؟
من المسئول؟؟
من المسئول؟
؟؟؟؟؟
*********************************
لو عثرت بقرة بالعراق لخشيت أن يسألني ربي عنها لم لم أسو لها الطريق؟؟
آه يا بلد
من يراهنني أن هذا المشهد سيبقى عالقا بذاكرتي وبذاكرتكم (بشيء من الخيال) إلى مدة طويلة.........
|
|
 
|
|
|
|
|
|
|
|
Re: أبكوا معي .....وطني الحبيب (Re: جدو)
|
الاخ جدو
فعلاً انه امر مؤسف ان يحدث هذا
ولكن اريد ان اوضح بعض الامور وهي
لقد ظهرت هذه الايام نوعيه جديده من المتسولين
فأنت عندما تراهم تعتقد انه شخص لا يعرف معنى الشحاته وانه فعلاً انسان محتاج
فطريقه لبسه وطريقه كلامه لا توحي بانه شحات او متسول
وانما هي خدعة لتوحي للضحيه بان الزمن قد جار عليها وانها لولا الظروف لما فعل هذا الفعل القبيح الذي يقوم به الان
ولكي يحكم القبضه بخرج لك من الاوراق ما تشاء ليثبت لك حالته المرضيه او الحاله التي هو فيها
وطبعاً نحن عندما نمر في مثل هذا الموقف وبطبيعه الحال لا نقراء هذه الاوراق ولا نعرف ماذا تحتوي من كلامات ولكن نكتفي بان ننظر اليها مع عدم التحقق من مصداقيه ما فيها من كلامات
ونقوم بالدفع بما تيسر للشخص وكل حسب امكانياته
عزيزي
انا لا اقول ان هذه الطالبه غير محتاجه ولا اقول انو مافي محتاجين و اقول انو الوضع في السودان اظهر طبقه من هذا النوع
بس الانا عاوز اقولو انو بت الرجال بت البلد ما بتمد يدها ابدا
انا الخلاني اقول كدي
في احد المرات عندما كنت انتظر زوجتي لتخرج من الجامعه جائني شخص في كامل هندامه وزينته
حتى حسبت نفسي اعرفه من طريه السلام معي
واثناء حديثه معى حاولت اتذكر يا الله الزول ده انا بعرفو ولا لا
لانو ما ممكن السلام ده وانا ما بعرفو امكن مشبه علي
المهم بعد برهه من الوقت الاخ ده دخل يدو في جيبو وطلع كومه ورق كومه من الاختام وحسب كلامو انو مريض ويحتاج لفلوس الدواء التي استعصت عليه لانو الراتب ما بيكفي حله الملاح والدواء
وانا في الحقيقه اتحرجت لانو الزول ده سلام علي بحراره شديده ولا فكرت اعاين في ما مكتوب في هذه الاوراق
وقال لي انو اول مره هو يعمل عمليه بي الشكل ده بس هو شاف فيني ود البلد والاخو عشان كدي طلب مني
المهم انا اديتو الفبهو النصيب
وتمر الايام والايام
وصادف انو انا قاعد في احد المكاتب في شارع البلديه
دخل علينا شخص يعرج ويهز راسه في حركه تدل على مرض
ونطق بكلمات كدي ما مفهومه وهو مادي يدو
انا اول ما عيني وقعت عليهو عرفتو طوالي
وعلى طول مسكتو من يدو وقلت ليهو ياخي عيب عيب الانتا بتعمل فيهو ده
انت انسان صاحي وماعندك اي حاجه
وعندما تبين له انه قد كشف هااااات يا جري
بعد ما كان ماشي بعكاز وكلو يرجف اصبح يجري برجليه الاتنين
اه شوف القصه دي واديني رايك
اخوك ابوفاطمه
| |
|
|
|
|
|
|
|
|
|
Re: أبكوا معي .....وطني الحبيب (Re: جدو)
|
الأخ العزيز جدو
الف شكر علي الإلتفات لهذا الموضوع
وأقول المسألة كلها أسرة .. هى المسئولة الأولي والاخيرة عن هذا .. لماذا يوافق ولي أمرلذهاب ابنه أو ابنته الى دراسة دون توفير ما يكفيهم شر ومر الحاجة الى مد الأيد.. هل هو علي حق.. كلا ثم كلا عارفين انو النظام ليهو يد والقادة ليهم يد فيما يحدث لكن الاسرة طال ماهى ليس في يديها شئ تفعله حيال ذلك فلتمسك ابناها حفاظاً عليهم وعلي كرم وشرف ...... فيا الاسرة ابقي عشرة علي بنيك
| |
|
|
|
|
|
|
|
|
|
Re: أبكوا معي .....وطني الحبيب (Re: ابوالهيثم)
|
انا بفتكر انه الدولة هى المسئولة
مسئولة عن اطعامالناس وتسكينهموتعليمهم وصحتهم
ولما يبدا الشعب فى تعلم المراوغة ، دى اشارة واضحة لتقصير الدولة
وانتو ليه بتفتكروا انه فى ناس ما مفروض يشحدوا ، عشان" شكلهم" اولاد ناس او لابسين كويس او نضيفين ، او" اولاد بلد"
السودان فيه شحادين من زمان وسخانين ومبشتنين
ومهم برضو اولاد ناس واولاد بلد ، الناس كلهم ناس
والسودان بلدنا كلنا
ما اثاروا فضولكم؟؟؟ ما نضاف ، معناها ما اولاد ناس
الاخلاق ، منتج اجتماعى بتولدها الظروف الاقتصادية والسياسية
ما تلوموا الافراد، لوموا الشالوا قوت الشعب وعملوا بيه قصور واعمال تجارية مربحة ، والعالم ما شايلهم من البذخ
وخلوا الناس يضطروا يشحدوا ، ويحتالوا وينهبوا ، واكتر
شكرا ياجدو على الطرح
ودة المبكى الكتير
| |
|
|
|
|
|
|
|
|
|
Re: أبكوا معي .....وطني الحبيب (Re: جدو)
|
العزيز جدو
زمان كانت الاسر ترسل ابناءها للدراسة في الخرطوم بشنطة صفيح فيها شوية هديمات .....يتعلم وياكل ويشرب والدولة تغسل ليهو ملابسو وتكويهن ليهو كمان
عشان يتفرغ للدراسةويتخرج دكتور والا مهندس والا قانوني المهم تعلم بواسطة الدولة....التي تقوم باستيعابه مباشرة بعد التخرج
والدولة اليوم تتحين الفرص لاذية شعبها وامتهان كرامته
| |
|
|
|
|
|
|
|
|
|
Re: أبكوا معي .....وطني الحبيب (Re: garjah)
|
الحبيب قرجة
وين بلودك....حالتي دي كنت ماشي اكتبك في دفتر الغياب
فعلا الحالة بقت صعبة والله...وربنا يكون في العون...
عمك تنقو شكرا للمداخلة
الغالي ابو يسرا
مشكور كتير بس حاول تظهر لينا الصورة دي
| |
|
|
|
|
|
|
|
|
|
Re: أبكوا معي .....وطني الحبيب (Re: جدو)
|
اها ياقرجة ديل زاتهم الدرسو كدا ديل سبب البلا اسة
درسو مجانا ولغو مجانية التعليم
تعالجو مجانا وسمنو وربو كروش ولغو مجانية العلاج
كتلو اولاد الناس وقعدو يتفرجوا
انه زمن العسكر
ولي قدام
تنقو
| |
|
|
|
|
|
|
|
|
|
Re: أبكوا معي .....وطني الحبيب (Re: جدو)
|
جدو
الشكر وانت تحكي عن الحال وماخفي ادهي وامر
فالكثير من طالبات جامعة الجزيرة كن يمارسن العمل بالبيوت لستر الحال
انت تحكي عن العاصمة كيف هو الحال بجامعات الاقاليم حيث لاسبيل الا لطرق ابواب المحسنين وللحال طعم الحنظل في حلوق الفقراء
وفعلا
اه يابلد
عبدالله جعفر
| |
|
|
|
|
|
|
| |
جدو
BousH
Elmosley
بكرى ابوبكر
Tumadir
Sudany Agouz
garjah
ابو يسرا
فيس بوك
تويتر
انستقرام
يوتيوب
بنتيريست