|
احسن ليـــــــكم ترحبو بي
|
اسمحوا لي يا احباب ان استاذنكم في دخول داركم العامرة...التي اتشرف بالدخول مشاركا فيها معكم مستفيدا من تجربتكم الثرة في الكتابة لمنتديات الحوار التي تغمرنا بكل مفيد وجميل
واشكر صاحب الدار المهندس بكري ابوبكر ان اعطاني هذه الفرصة الذهبية لمرافقة قمم سامقة مثلكم لاشاركها حب الوطن
وحب الحبيب...وحب كل ما هو جميل ونضر
|
|
|
|
|
|
|
|
Re: احسن ليـــــــكم ترحبو بي (Re: tmbis)
|
الاخ كبسيبة
يازول من اولها كده ؟؟ ان عارف اسمك ده ناس كثيرين ما حايعرفوا معناه شنو ؟؟؟
لك التحية سيدى وانت فى بيتك ووسط اهلك وناسك وارجو ان يطيب لك المقام سيدى وتجدنا من كنت تظن..
حبابك الف يا سيدى
| |
|
|
|
|
|
|
Re: احسن ليـــــــكم ترحبو بي (Re: أبوالزفت)
|
انتو الناس دي جنت ..ولا شنو كلو زول شايل عكازو وجاي البورد انتو قايلين البورد جامع من جوامع الجامعات السودانيه البيدسو فيها الكيزان سيخم وعكاكيزم ..كدي هدو اللعب شويه
مرحب بيك يازول .. يا كبسيبه بس بالله بدون شكل .. وحبابك عشره
ابونور
| |
|
|
|
|
|
|
Re: احسن ليـــــــكم ترحبو بي (Re: كبسيبة)
|
بسم الله الرحمن الرحيم
يا أخوانا الكبسيبة البرة دي شنو؟
أهلاً أهلاً إتفضلوا معليش أنا كنت قايل ديل الجهال .. إتفضلوا البورد فاتح والأباريق مليانات
إذا كان إنت جديد بترقص لي في كلمة الإمضاء (تحياتي) بعد شوية حا ترقصنا طرباً بروائعك .. أكرر ترحيبي
| |
|
|
|
|
|
|
Re: احسن ليـــــــكم ترحبو بي (Re: بدرالدين شنا)
|
تمبس
طلتك مع المرحوم العميري بالدنيا
قرشو
مشكور يا عمدة الديار وكويس ان الجيل الجديد لا يعرف معنى كبسيبة
ابونور
يعني عليك الله في عكاز اكبر من حقك ده وحق عمك قرجة
الكيك يازول لا كبسيبة لا حاجة وانا زول مسيكين
قرجة سنلتقي يا حبيب فلي مذكرات جميلة
زيكو
بتاع الشواكيش المستمرة اقرا فوق احسن ليكم ترحبو بي
الكيك
في كبسيبة بتحصل نيرانك دي
بدرالدين السمح ربنا يجمع بالبنية السكرية حلاوة لبن لكن انت بتك دي قشة عشان يكنسوها من السيرفر بتاع بكري مني ومنك اعمل كبسيبة
ابوالزفت الزفت عمرو كم هسع
تحياتي لام الزفت والعائلة الزفتية...وكل شوارع الزلط
| |
|
|
|
|
|
|
Re: احسن ليـــــــكم ترحبو بي (Re: Elmosley)
|
اهلا ياكبسيبة اسمك مصيبة بس ابعد من الدبيبة انت قلوبنا ليك حبيبة وضميرك خاتى الشك الريبة مرحب بك فى شجرة الدليبة عشان كل قاسية لوطنا نجيبه حتى الديمقراطية السليبة
ابوقوتة
| |
|
|
|
|
|
|
Re: احسن ليـــــــكم ترحبو بي (Re: beko)
|
الاخت العزيزة
تماضر شيخ الدين
نورتي هذا البوست وطلتك بالدنيا
الاستاذ / الموصلي تشكر على الطلة الحلوة يا جميل وربنا يحفظك لفنك ومعجبيك
الاخ خالد عويس الصحفي المرموق ...انت لينا تسلم
الاخ اسامة الخاتم اهو ردينا.....مشكور على الترحيب
الاخ بيكو مشكور على الطلة والترحيب يا جميل
الاخ ايهاب مشكور على الترحيب وهذا من اصلكم الطيب
الاخ العزيز نايل صدقني صاحبك اسم على مسمى ....لكن اخوك الغنماية تاكل عشاه
الاخ ابوقوتة
مشكور اخوي على الترحيب
الاخ خضر حسين
مشكور يا ظريف.....وارجو ان اكون عند حسن ظنكم بي
الاح ود رملية
ترحيبكم بي اثلج صدري وجعلني اعمل لاحافظ على علاقة طيبة مع اسرة سودانيس اونلاين
| |
|
|
|
|
|
|
Re: احسن ليـــــــكم ترحبو بي (Re: كبسيبة)
|
الأخ كبسيبة لم أسبقك في الانضمام ويبدو أنك سبقتني في متابعة البورد فأنت صاحب الدار أكثر مني ولكني استجبت للتهديد وقلت ناس الجيش بقولو "الشر بعم" وانت عارف -ولحين إشعار آخر- قولم ماشي علينا رضينا أم أبينا ولو الكبسيبة قبلت على البورد ما أظنها تخلي زول ولا زولة من الما كانوا مرحبين.. لكن يا خوي زول اسمه كبسيبة وبقول لينا أحسن ليكم ويورور لينا بالكلام وداير يقول هو هدي ورضي دة معناته شنو يا كبسيبة؟ إنت شفت قنابير؟ المهم يا زول أنحنا سوينا الأحسن في راي الكبسيبة وربك يلطف رباح
| |
|
|
|
|
|
|
Re: احسن ليـــــــكم ترحبو بي (Re: رباح الصادق)
|
الاخ جمال عبدالرحمن
مشكور يا دفعة وخليك هوبفول عشان الامور تسلك
الاخت رباح الصادق مشكورة على الطلة البهية....وانتي ايضا ازدان المنبر بقدومك ونتمنى ان نوفق جميعا في ملئ ساحاته بالمفيد
| |
|
|
|
|
|
|
Re: احسن ليـــــــكم ترحبو بي (Re: shiry)
|
اخي العزيز وتاج راسنا
ليس لانك امين الموقع بل لانك انسان كلك طيبة وحس راقي
هيات لنا هذا الظل الظليل لنتفياءه في وحشة البعد عن الوطن
وكان ظلا ظليلا
ولك مني ورد
ومن الجميع الحب والعرفان
وهذه لك اختي شيري لطلتك البهية
ولجميع رفاق المنبر
| |
|
|
|
|
|
|
Re: احسن ليـــــــكم ترحبو بي (Re: كبسيبة)
|
كبيسه اولا انت ولد ام بيت راجل او مره انا قلت الكلام عشان واحد يرحب بيك بيت والتانى ولد والحاجه التانيه التهديد كنت داير اشوف نهايه والحاجه التالته فى اللظه القررت فيها الترحيب بيك قطعت الكهربا ومليون مرحب بيك فى بيتك ووسط اهلك وشرفت الديار اخوك ضمره عقاب
| |
|
|
|
|
|
|
|