|
حمد الريح يستحق لقب فنان كريه ..
|
حمد الريح عندو أغاني جمييييييييلة للحد البعيد ..استمتع حد الغرق وانا استمع لي اغنية إلى مسافرة وقلبي المكتووول كمد .. حمد الريح عندو صوت مزعج وكوراااااااااااااااااااااااااااك .. حمد الريح بيغني وهو بيدق في سدرو دق دق دق .. حمد الريح يغني وهو صااااري للناس .. حمد الريح وزي ما قال الراحل ابو داوود احتاج لي نبلة بس وبفرتق ليكم حفلة حمد الريح الكلها طير الرهو وحمام الوادي ويا قميرية .. استمد حمد الريح الكراهة من خلال ظهوره التلفزيوني المسيخ وكلامو الجارح ونهيرو للمقدمين والضيوف ونبز الشباب ... حمد الريح فنان إستعلائي تغنى بي اغاني الغير ورددها لممممممممن الله غفر ليهو ويكفي إنو معظم الناس قايلين أغنية " مرت الايام " حقتو .. حد الريح ما انفك يحارب الشباب ويدعي الارتقاء بالفن والغناء .. حمد الريح يملك اغاني جميلة لكنه لا يصنف مع الكبار .. اغانيه بتكون جميلة لمن يتغنا بيها الغير ... حمد الريح سيب الشباب يغني راجل المرا ومرت الراجل والضكير للضكير .. عدادك ما رامي دي ما مكشلة الشباب ديل .. عايز تغني هابط غني ما عايز تغني ما ليك بي الباقين .. هو إنت قايل اغنية الله لي الليمون سقايتو علي ما هابطة ؟؟؟ تغنت بها الراحلة الفلاتية .. إنتو قايلين خدو صفقة جووة قلبي ليهو شفقة والحبيب مالو ما جا ما هابطة ؟؟ تغنى بيها الراحل احمد المصطفى .. إنتو قايلين الراحل صاحب الحنجرة الذهبية والفنان الذي يمكن ان يجلس في قمة هرم الغناء السوداني ابو داوود ما كان هابط ؟؟؟ممكن يغني ليك حفلة فيها 20 اغنية هابطة وبرضو ما بتقولوا هابطة .. إنت قايل زيدان ابراهيم ما عندو الغنا الهابط للدرجة التي تصيب بي القرف مع انو زيدان ده صاحب اعذب واروع الحان وكلمات .. حمد الريح ظهورك في التلفزيون بقا ممل وكلامك مكرر صوتك مزعج ... حضورك التلفزيوني يصيب بي الغثيان .. غني غناك او لتصمت ..
|
|
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
اخي عمر الفاروق بيني وبينك حمد مسيخ وبينهر اثناء الغناء ودايما الحانه جاريه زي ....ما
قوقن قوقن ... قوقن كررو كرو. رغم جمال الصباح الجديد والساقيه وخلافه
وبيني وبينك هل ناس الحقيبه البتعجبنا كلنا ما فيها الهابط؟؟؟
- من تقل المرجرج كالخايض الوحل
- الجدله مملوخه وقام ندا يهتف نام من الدوخه
- واخي محمد وردي غني كالبرتكان نهدك مدردم....
ليه ما قالوا هابطه ؟؟؟
علما بان مقياس الهبوط الكلمات وليست اللحن....!!!!
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
معروف يا سند :
Quote: كان ما كدا, مافي فرق بينو وبين بلال موسى |
لالالا في فرق يا معروف ياخ في.. مش بلال موسى ده زمان بيلبس جزمة بيضا ؟؟؟ دحين ده ما زولنا بتاع الاغنية الهندية ويا عازة نحن بنفرح بيك في رحاب ثورة مايو ..اوووووو ..ااوووو.. لكن بيني وبينك حمد الريح ده الله مرقو بي الخنفس بتاعو ده ..أسة عليك الله اتخيل معاي بي سغالتو دي ربنا قام ابتلاهو بي الصلعة ؟؟
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
عمر الفاروق سلامات.... بتعرف يا صديقى انا فرقى منك انى كل الفنانيين بحب غناهم ونفس كل الفنانين ديل عندهم اغانى مااتوفقوا فى تقديمها لعله فى اللحن الكلمات الاداء او التوقيت وانا ماملزم اقعد اضيع زمن فى الجزء دا من الغناء... من خلال كلامك فى شى بيدفعنى ان افكر ان راى الفنان حمد الريح حول الفنانين الشباب ومايقدمون ادى الى طفح الكيل عندك !!!!....
Quote: مش بلال موسى ده زمان بيلبس جزمة بيضا ؟؟؟ دحين ده ما زولنا بتاع الاغنية الهندية ويا عازة نحن بنفرح بيك في رحاب ثورة مايو ..اوووووو ..ااوووو.. |
لالالالا دا الفنان عبدالجليل ابوحراز اما الفنان بلال موسى اشتهر باغنية: تلاتة سنة افكر فى سعادتى معاك وانت قدرت بى انا وكمان: لو لو بتحبنى او لو لو بتعزنى كان براك من زمان صارحتنى
تحياتى وودى
جمال سعيد
| |
|
|
|
|
|
|
Re: حمد الريح يستحق لقب فنان كريه .. (Re: مرتضى الكجم)
|
الفاروق ..
والعجب هو بيغني بسرعة 180كلم في الساعة . وسمعنا قالو اشتكي المطرب المصري محمد منير لانو بيغني غناهو .
حمد الريح يغني ليهو 50 سنة عناه ما وصل تشاد القريبة دي . دا مفروض محمد منير اليشتكيهو ...
جنس محن ..
| |
|
|
|
|
|
|
Re: حمد الريح يستحق لقب فنان كريه .. (Re: ود الباوقة)
|
عمر
إنت موجود ؟ ما تقول لي رسايلي ما جاتك؟ رسلتها قبال العيد .. 2 رسالة
أها كلامك دة وكت هو وجهة نظرك .. أوكي بوافقك فيه و فيه كتير من الصحة
عدادك ما رامي دي ما مكشلة الشباب ديل .. عايز تغني هابط غني ما عايز تغني ما ليك بي الباقين .. هو إنت قايل اغنية الله لي الليمون سقايتو علي ما هابطة ؟؟؟ تغنت بها الراحلة الفلاتية .. إنتو قايلين خدو صفقة جووة قلبي ليهو شفقة والحبيب مالو ما جا ما هابطة ؟؟ تغنى بيها الراحل احمد المصطفى .. إنتو قايلين الراحل صاحب الحنجرة الذهبية والفنان الذي يمكن ان يجلس في قمة هرم الغناء السوداني ابو داوود ما كان هابط ؟؟؟ممكن يغني ليك حفلة فيها 20 اغنية هابطة وبرضو ما بتقولوا هابطة .. إنت قايل زيدان ابراهيم ما عندو الغنا الهابط للدرجة التي تصيب بي القرف مع انو زيدان ده صاحب اعذب واروع الحان وكلمات .. حمد الريح ظهورك في التلفزيون بقا ممل وكلامك مكرر صوتك مزعج ... حضورك التلفزيوني يصيب بي الغثيان .. غني غناك او لتصمت ..
بس و الله كلمة ( كريه ) دي ما بيستحقها... و ما عارف طلعتْ منك كيف ... الزول جاري و بعرفو معرفة وثيقة هو و أخوانو و أهل بيتو .. يمكن من ناحية الفن كلامك تمام .. لكن و الله فنان كريه دي صفعتني بالجد ...
تحياتي للفارس و أمه
دمتم
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
لا اتفق معاك فى كتير من ما ذكرت اولا انا اعرف الكتير من الناس حمد الريح فنانها المفضل اخر مرة صديقى المعجب بحمد الريح عزمنى حفل تجارى لحمد الريح الحضور كان كبير يعنى لو عرس نقول الناس جايه تجامل اهل العرس ثانيا العلاقة بين حمد الريح ومعجبيه وصلت فى كتير من الاحيان لحد الصداقة اذكر عندما توفى شاب فى حلتنا (بكرى العشا )وكان رحمة الله عليه من المعجبين بحمد الريح جاء حمد الريح للعذاء ولااريد ان اكتب ماذا احضر معه حتى لااضيع اجر الرجل على المستوى الشخصى ليست معجب كثيرا بحمد الريح ولكن يمكننى ان اسمع فنه واحترمه لانه فنان مثقف قابلته اكتر من مره فى السودان وخارج السودان اخرها السنة الماضية فى هولندا والله الراجل ولد بلد بكل ماتحمل الكلمة ،احيا لنا حفلة واحد اخونا من غير عداد مع العلم فى كتير من الفنانين زارونا فى اروبا وكان همهم الاول اليورو مالايعجبنى فى حمد الريح حبه للمناصب (اتحاد الفنانين )و(البرلمان) والدهنسه للحكومة وبرضوا ظلمته فى عدم تشجيعوا للشياب ارجع لبرنامج نجوم الغد وشوف الراجل قال شنو فى حق النجوم الشباب والله اناعندى اصحاب اتنين بحبو حمد الريح اكتر من امهم وابوهم
| |
|
|
|
|
|
|
Re: حمد الريح يستحق لقب فنان كريه .. (Re: ناذر محمد الخليفة)
|
الاخ عمر
أتق الله يا رجل ولا تتكلم عن الاخ الانسان حمد بهذه العبارات التى لا تليق فلقد حاولت فى بوست سابق بمهاجمة الاخ حمد ولا نعرف اسباب الهجوم عليه.فاذا كان عندك نقد فنى فاهلا به ام اذا كانت الاساءة لشخص الاخ حمد فانت واهم. فالكل يعرف حمدالانسان فى كل ربوع السودان.نطالب الاخ بكرى بسحب هذا البوست الكريه والاعتذار للاخ الانسان حمد.
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
أولاً حمد الريح غناي شديد... تانياً في مشكلةانو لما نحب زول عشان حاجه بيعملا نعملو ملاك، ولو كرهناهو لي حاجة تانية يبقي اكعب زول.... ياخي اقول ليكم حاجة الفنانين ديل ما ضروري يكونوا مناضلين ولا مثقفين،ولا اخلاقهم كويسه الضروري انو يكونو مبدعين. ليه؟ لانو بغير ابداعهم دا اياهم نفس السودانيين المكوجنين ديل. طبعا" المبدع في كلو و المتسق دا احسن زول .
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
كل الحضور ..تحياتي .. قبل ما اعقب على المداخلات المؤيدة منها والمعارضة حا اتكلم عن العنوان والكلمة اللي عملت ضجة وممكن تأثر في توصيل الفكرة من البوست .. نحن بنتعامل مع بعض الكلمات بي مبدأ التخيل او بي مبدأ الإحساس بي القول في مناسبات ومواقف مختلفة وده السبب البيخلي بعض الناس تستغرب من ورود كلمة في مجملها عادية جدا .. طيب خلونا نقول في العنوان حمد الريح فنان " مكروه " !!!! كان بلعتوها صاح ؟ مكروه وكريه نفس الملاح والشبه بس لانو البعض لمن قرا عبارة كريه قراها بي احساسو البيوصف بيهو حاجات كعببببببة زي الريحة دي كريهة بينما في واقع الحناكيش والجكس الناعم اصبحت كلمة " كريه " من أرقى الإساءات والعجب لمن هناية تكون قاعدة جمبك وتضربك في كتفك بي يدها الشمال وهي بتضحك وتقول ليك : أمشي يا كريه ..!!! كريه المستخدمة هنا ما عندها اي علاقة بي إساءة لي شخص الفنان حمد الريح ولا فيها تحدث عن الجوانب الشخصية لي حمد الريح وهي موازية لي عبارات استخدمها حمد الريح في مواجهة الشباب البيغنوا اغاني هابطة وما فضل ليهو الا يقول ديل اولاد " باطلين ".. حمد الريح حتى في كلامه هو فنان مكرر يعيد ويردد نفس النغمة من ما قمت بسمع حمد الريح بيتكلم في تلاتة مواضيع يعيدها في كلللللل الحلقات توتي - البحر - الفنانين الشباب..
| |
|
|
|
|
|
|
Re: حمد الريح يستحق لقب فنان كريه .. (Re: Kamal Seddiq)
|
Quote: في تلاتة مواضيع يعيدها في كلللللل الحلقات توتي - البحر - الفنانين الشباب |
الاخ عمر لك تحياتى
اول مرة اتداخل معك عبر هذا المنبر وذلك لانى حديث عهد به
ولكنى تابعت لك بعض من ارائك متصفحا
وكذلك مطلوبا من المنبر اثناء غيابك
رايك هو لك وهذا المنبر حر
ولكن هناك فرق بين مؤدى او مغنى وفنان
وبين ما هو مجدد ومعاصر
وهكذا يختلف الانسان فى ادائه لرسالة ما
فحمد الريح اذا نعته بانه كريه فقط لتكرار كلامه او رايه فى الفنانين الجدد فقد اجحفت فى حق الرجل
واما فى مواضيع يكررها ففى رائى اذا كان الامر كذلك فان اكثر من نصف الشعب السودانى قد يحملون ذلك الوصف( كريه)
لك مودتى
وكل عام وانت بالف خير
| |
|
|
|
|
|
|
Re: حمد الريح يستحق لقب فنان كريه .. (Re: حامد محمد حامد)
|
عمر الفاروق!! موش كان ممكن تقول: "عنده ، أحياناً، حبة ثقالة"، وتخليني اتفق معاك ؟؟
و"جبة ثقالة" دي موجودة عند أي زول ، وهي مسألة نسبية ، تختلف من شخص لآخر، يعني ممكن أكون أنا، أو أي شخص آخر ، " ثقيل" عند بعض الناس و"ظريف" عند آخرين ،
بعدين تعرف يا أخ طارق،
- من تقل المرجرج كالخايض الوحلQuote:
- من تقل المرجرج كالخايض الوحل
- الجدله مملوخه وقام ندا يهتف نام من الدوخه
- واخي محمد وردي غني كالبرتكان نهدك مدردم....
ليه ما قالوا هابطه ؟؟؟ |
الغنا السوداني فيه "الهابط المحبب" اللي بيجي عفو الخاطر، وما مقصود بمعناه الحرفي، إلا إذا أنت مشيت بعيد ، عندك : "إنت وزة وأنا ليك بحر!!" ياخي دا كلام شنو؟
وإيه رأيك في : "بكل جوارحي أهواه!!" ياخي!!
حقو الناس تقيف عند الطرب وبس.
لكن كان جيت للجد ، في واحد فنان "كبير" أنا بعتبره منحط بجد. دا عنده شرايط مسجلها في قعدات خاصة، تصور في واحدة بيغني :
".................... وركبوا الهجين"
وفي واحدة بيغني أغنيةلي عيون " مين" موش عارف.
والله دا البغني "راجل المرا" محترم أكتر منه.
فنان كبير قال.
تحياتي
|
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
حنكك سنين يا معلم ..
Quote: مكروه وكريه نفس الملاح والشبه بس لانو البعض لمن قرا عبارة كريه قراها بي احساسو البيوصف بيهو حاجات كعببببببة زي الريحة دي كريهة بينما في واقع الحناكيش والجكس الناعم اصبحت كلمة " كريه " من أرقى الإساءات والعجب لمن هناية تكون قاعدة جمبك وتضربك في كتفك بي يدها الشمال وهي بتضحك وتقول ليك : أمشي يا كريه ..!!! كريه المستخدمة هنا ما عندها اي علاقة بي إساءة لي شخص الفنان حمد الريح ولا فيها تحدث عن الجوانب الشخصية لي حمد الريح وهي موازية لي عبارات استخدمها حمد الريح في مواجهة الشباب البيغنوا اغاني هابطة وما فضل ليهو الا يقول ديل اولاد " باطلين "..
|
ذكرتني لمن قلت الكورة الزمن دا بقوا يلعبوها الـ ..... وجوك ناس محسن خالد وخدر ردموك فيها وإنت قعدت تتفلسف
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
سؤال مهم يتبادر لذهني : أين يمكن وضع حمد الريح في خارطة الغناء السودانية ؟؟؟ هل هو فنان عملاق فيكون في زمرة وردي وعثمان حسين وابداؤود وابراهيم عوض؟ هل هو فنان نؤثر فيدخل في باب زيدان ابراهيم ومدرسته ؟ ام هل هو فنان اللحظة كما مجذوب اونسة واللمين عبد الغفار؟؟ والاهم من كل ذلك هل حمد الريح يملك مقومات الفنان المبدع او الفنان الموهوب؟؟؟ وهنا اقصد ان لحمد الريح كلمات جميلة (اكييد ما كاتبا هو) والحان اجمل(معظمها ما ملحنا هو) ولكن يفتقد للعنصر الاهم وهو الصوت الجميل والاداء الممتع فكيف يكون حمد الريح فنان ؟؟ يعني بي بساطة كده هل ممكن انا اشيل غنا حمد الريح وبي صوتي الكعب ده وابقا فنان ؟؟ بي كل بساطة اجد أن محمود عبد العزيز فنان موهوب اكتتتتتتر من مليون مرة من حمد الريح قد لا يملك محمود اغاني حمد الريح ولكنه يملك الاداء الطروب والصوت الجميل .. لا اعتقد ان حمد الريح فنان رقم في الغناء السوداني ولا ادري كيف اقحم نفسه في هذا المجال ؟؟
تخريمة : يا ناذر صدقني لسة عند رأيي حمد الريح فنان كريه ..
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: مكروه وكريه نفس الملاح والشبه بس لانو البعض لمن قرا عبارة كريه قراها بي احساسو البيوصف بيهو حاجات كعببببببة زي الريحة دي كريهة بينما في واقع الحناكيش والجكس الناعم اصبحت كلمة " كريه " من أرقى الإساءات والعجب لمن هناية تكون قاعدة جمبك وتضربك في كتفك بي يدها الشمال وهي بتضحك وتقول ليك : أمشي يا كريه ..!!! |
الاخ عمر والله تحليلك لكلمة الكريه دا عجبني شديد
وانا ظاطي قاعد اقول لحمد الريح كريه لمن اشوفوا يغني بيذكرني بصوت الطاحونة وخاصة لما يقول ينقر بابنا كو.. كو.. كو يا سلام يا ياسلام .... وفي النهاية يقول والله يا طير الرهو والغريب ان طير الرهو لما يرك في الواطا ما بتسمع متين رك.
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
عمر الفاروق سلام
أتفق معك في رأيك تماما مع أغتراضي علي كلمة كريه لانها تدخل في اطار الاساءة
ففي رأيي أن الاخ حمد الريح ليس بفنان اطلاقا كما يدعي البعض وأعتقد جازما أنه
جاء بالصدفةالي عالم الغناء ... فالاخ حمد لا أري انه يمتلك صوت جميل ولا أداء
متميز ولا تطريب .
وهو تقليدي جدا في اختياراته ومدعي ولا يتعامل مع المسائل الفنية بالعمق المطلوب
يعني بالعربي هو ( مسطح ) وما عندو حاجة ( كيسوا فاضي )
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
اخي عمر الفاروق تحياتي وتقديري هذه اول مرة اداخل في بوست لك.... كمية من الألم .. والشعور بالغضب.. !!! هل يعقل ان يقال هذا العنوان في حمد الريح ...؟؟.
الفنان حمدالريح (كريه)...!! لا علي بالآخرين لكن على الأقل قليل من احترام مشاعر عشاق هذا الفنان.. قليل من الاحترام لأسرة هذا الفنان.. قليل من الاحترام لقامة مثل حمد الريح الذي أصبح جزء عزيز من تكوين وجدان سودانيين كُثر وانا منهم..
لكل فنان طريقته في الغناء.. وكونه يضرب على صدره هذا ليس عيباً..
اخي الفاروق احترم وجهة نظرك.. لكن والله كثيرة جدا جدا كلمة (كريه)
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
استخدمت كلمة فنان كريه ولم استخدم كلمة انسان كريه حتى لا نخلط الشخصي بي العام .. حمد الريح الانسان وود البلد على راسي من فوق وحمد الريح الانسان محترم في شخصيته مهندم يجامل في الافراح والاترا يمشي في الاسواق ويقبل الهدايا كلها امور لا شك عندي فيها ولا انا مخوول بتقيمي لي حمد الريح الانسان .. ياخ اتخيلو جملتي دي زي لمن الواحد يسأل ليهو شيخ من شيوخ الرباطاب (ما تجو تقولوا لي لي تحديييدا الرباطاب) في امر ديني ويقوم الشيخ يرد ليهو : يجوز لكن مع الكراهة ... ارجو عدم اقحام حمد الانسان وتصرفات حمد الانسانية في الموضوع فبكل صراحة انا اتحدث عن حمد الفنان .. نقدي لحمد الفنان الذي يدق في صدره ليست تقيمي بكل تاكيد وهي جملة عرضية .. بس من يتحدث عن حمد الفنان فلياتي وليعدد مميزات حمد الفنان من ناحية الصوت والاداء .. مودتي وتقديري..
تخريمة : عايز ارد على كل الحلوين اللي مروا من هنا واعقب على كلامهم لكن ما بي اليد حيلة فليكم كلكم العتبى
| |
|
|
|
|
|
|
Re: حمد الريح يستحق لقب فنان كريه .. (Re: Elmosley)
|
Quote: آخي وصديقي عمرالفاروق بقدر ما اسعتدنتي عودتك الا انها اتعستني بهذا البوست الذي لايشبه اسلوبك بقدر ما اشتقت لعودتك بقدر ما صدمت فيها
حمد فنان محترم وله جمهور كبير عريض رضي الناس ام ابو وهذا الجمهور جدير بالتقدير والاحترام لن يلومك احد ان قلت لا احب الطريقة التي يغني بها حمد الريح فحب الناس مذاهب ولو كنت انا صاحب هذا الموقع لطلبت منك تغيير هذا العنوان لان هنالك من يقرآون العناوين فقط ويفهمونها كما هي نجي للناحية الفنية ماتقولو ايو داوود حاجات مماممكن يقولها دي زي حكايات ود نفاش ان كثير من النكات التي نسبت لابو داوود ليست منه بل منسوبة والتي كانت بين ابو داوود وحمد غاية في الاحترام
في رآيي آن طير الرهو لحن ابن الباديه وحمام الوادي من لحن ناجي القدسي من اجمل الاغنيات السودنية وعيونها
لك التحية |
شكرا استاذ الموصلى و كل سنة و انت طيب..
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
الاخ عمر الفاروق وضيوفه الكرام تحية طيبة
لا احب صوت حمد الريح ابداً واعتبره بشكل شخصي من الصوات المنفرة وغير الجميلة ابداً وانه يغنى بسرعة عجيبة لدرجة لا تدع الكلمة واللحن يجدون مكانهم في نفس المستمع والمتلقي وهذا الامر نبهني له خالي العزيز وأنا لا زلت طفل صغير فحين كان ُيرسلنى لشراء شي يخصه وبسرعة يقول لي غني اغنية لي حمد الريح بتجي سريع وهكذا بدأت انتبه لحمد الريح وكونت موقفي الشخصي من طريقة غنائيه (الصوت والاداء السريع ودق اليد علي الصدر - اظنها مشكلة حفظ الزمن - لكن هذه الطريقة تصدر صوت اضافي من الصدر يشارك في كلمات الاغنية وفي اضافة شي للحن الايقاعي ). في احد المرات التقيت اخ وصديق فنان وعازف مجيد وماهر للبيز جيتار وحكي لي القصة التالية :- كنت شغال حفلة مع حمد الريح مناسبة زواج وكانت اول مرة اشتغل معاهو المهم ربضنا عدتنا وبدينا شغل وفي نص شغلنا اسمع لي بيز جيتار تاني في الحفلة اتلفته يمين شمال مافي حاجة استغربته قلته يكون بتاع بيز مجنون شغال في دايرة الرقيص بقيت اعاين واعاين مافي حاجة برضو اخر حاجة قلته انسي الموضوع ده واشتغل فجأة اعاين علي حمد الريح القي ليك الصوت الطالع ده طالع من ضربو علي صدرو بقوة .
حمد الريح محاور غير جيد اذكر حضرت له كثير من الحوارت وفي وجهة نظري هو ضعيف جداً في الحوار وردوده ضعيفة اذكر له حلقة تحدث فيها عن الاستاذ الدوش وعن اغنية الساقية وحين سأله المذيع عن انها اغنية سياسية رده بعنف وشدة وهياج انها غير سياسية البته وبعد هذا التنفر لم تستقر الحلقة الحوارية علي حال ابداً.
اخي عمر لك التحية وياريت ايميلك احتاجك في بعض المواضيع المهمة.
سفيان نابرى
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
من قبل وفي اوائل السبعينيات دخل الاستاذ حمد الريح في نزاع مع الشاعر الكبير اسماعيل حسن الذي
غني له اغنية طير الرهو.ربما لا يذكر الكثيرين هذه المشكله .
لكن الشيء الذي لن انساه ان اسماعيل حسن وصف صوت حمد الريح ب " الاملس "
اعتقد ان وصفه دقيق لحد كبير.
| |
|
|
|
|
|
|
Re: حمد الريح يستحق لقب فنان كريه .. (Re: طارق ميرغني)
|
سلام كلكم ..... لا احب حمد الريح إطلاقاً واحب أغانيه عند الاخرين وهو ملحن مجيد ليس في ذلك شك ... متهافت عتيد ليس في ذلك شك أيضاً...!!! عدم امانته في التعامل مع نص الدوش وتاريخ القصيده الذي ربما يكون محقا حين رفض القول انها سياسية لانني سمعت انه غناها في الاول دون إذن من الدوش فربما لم يفهمها هو او فهمها بطريقة مغايرة لكنه احب حبنا لها!!! معظم ‘أغانيه راقية الكلمات والالحانأو في الحقيقة كل التي سمعتها له راقية جدا وإن لم يعجبني لحن "يامريه" ربما لانني احسست انه لا يتوافق مع موسيقي القصيده الداخليه.!!! ثم أنني تذكرت حديث صديقي لي وهو يستمع ل "شال هم فرقتك قلبي" من مصطفي سيد احمد ويقول لي...تعرف يا مدثر؟ انا بحب في مصطفي ده انو بدي الكلمه حقها ومستحقها من ناحيه لفظ ومعني ... يعني الاغنيه دي مثلاً فيها كلام كبير ، هم وفرقه ورحيل وإشتهاء شوف هو بغنيها كيف واسمعه عند حمد الريح شوفو بجري فيها كيف؟ فانا بعتقد انو احساسو بالكلمه حتي لو عميق هو ما جيد في عكسوا بطريقه عميقه بالنسبه لي لكن تحت اي حال هو عندو مستمعينو العتيدين...
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
كل الحضور الأنيق : ليس تحويراً للموضوع بل مجرد عقد مقارنة بسيط وارجو ان لا تهتموا به كثيراً .. اكثر من عشرومية بوست كانت عناوينها اكثر قبحاً في حق الرئيس السوداني عمر البشير وعبارات اقبح من كلمة " كريه " فلم نسمع احتجاجا من معظم الاخوة على تغير هذه العبارات .. فهل الموضوع يعتمد على معرفة الناس والعلاقات الطيبة بينهم ام هو مبدأ الإحترام للجميع .. وفي رأيي إحترام رئيس الدولة كرمز سيادة اكبر من الفنان ولا شنو ؟ عموما اصر والح على انني لم ولن اتعمد شتم حمد الريح الشخصية والكراهة مرتبطة بي اسلوب حواراته عن الشباب ..
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
الأخ عمر الفاروق .. كلمة كريه كلمة كريهة في حق الفنان حمد الريح .. أي فنان له اغنيات جميلة وأخري بايخة .. وحمد الريح كفنان له روائع عدة .. وأذواق الناس تختلف .. هذا من الناحية الفنية .. أما من ناحية حضوره الاعلامي فعلي حسب مشاهدتي لقليل من البرامج والسهرات التي كان مستضافآ فيها فأنطباعي عنه بأنه إنسان متواضع وعفوي ليست له براعة في تنميق الكلام ولولوته وحذلقته ، بل الفي قلبه علي لسانه بأسلوب بلدي بسيط ليس فيه تكلف .. وقد عجبت يومآ حين عدد المدن والقري التي زارها في إحدي رحلاته الفنية حول السودان بدءآ من بورتسودان ومرورآ بالوسط وإلي أقاصي الغرب ـ في رحلة واحدة ـ ايام سفر اللواري !!! .. وعمومآ كل الفنانين القدامي لهم بصماتهم الصوتية التي ميزت الاغنية السودانية في عمومها ـ تلاحظ الاختلاف الكبير بين اصوات الفنانين الكبار ومن ضمنهم حمدالريح ـ ليسوا كالفنانين الشباب الذين يقلد بعضهم الآخر .. فلو وصفت حمد الريح بالكريه لأنه ينتقد الفنانين الشباب فماذا ستقول بالله عن وردي مثلآ الذي يسفه أيضآ الفنانين الصغار والكبار ؟؟ ـ وأنا من معجبي وردي في اغانيه القديمة مع أن أدائه الجديد لأغانيه القديمة اصبح يصيبني بالضجر ..
لقد ظلمت الرجل ياخي !!..
| |
|
|
|
|
|
|
Re: حمد الريح يستحق لقب فنان كريه .. (Re: Munir)
|
ألأخ الفاروق.. وزي ما قال أخونا يوسف الـموصلي!!حكاية أحب هذا وأكره ذاك دي مسألة ماعندها ميزان نقدي.. ولكن لدي تجربة شخصية فيما يختص بأغنية الساقيه وأغنية{شال هم فرقتك} إذ أجريت حوارا مع الشاعر عمر الدوش عقب عودته من أوربا عام{1984} وتطرقت في الحوار لأغنية الساقيه.. فقلت له أفاد الفنان حمد الريح بأنه غني هذه ألأغنية قبل مايو{1969}..فضحك عمر وقال لي{إن أحمد هذا ولدوهو في مايو وطهروهو في مايو وأغترب لـمدن بعيده في مايو...} ثـم أردف قائلا{أنا ذاتي ما لاقيت حمد الريح}... أما فيما يختص بأغنية{شال هم فرقتك} أيضا جاءت حيثياتها في حوار أجريته مع مصطفي سيدأحمد فقال{هذه ألأغنية أعطاني أياها شاعرها عبدالرحمن مكاوي وملحنها يوسف السماني ولكن بقدرة قادر أخذاها مني وأعطياها لحمد الريح}
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
على الرغم من اختلاف الاخوة المتداخلين حول كلمة " كريه " المستخدمة في البوست إلا ان معظمهم اتفق على ان حمد الريح ليس فنان .. الاقلية التي تؤيد حمد الريح في هذا البوست تطرقت لاغاني حمد الريح والحانه والكلمات ولم تطرق للصوت الذي يتغنى به حمد الريح في اشارة الا انهم فعلاً مقتنعون بان حمد الريح لا يملك المؤهل الحقيقي لقياس الفنان وهو الصوت .. ابناء جيل حمد الريح التانيين ممكن نطلق عليهم فنانين ولو كانت اغانيهم قليلة وشحيحة .. حمد الريح يقنع المشاهدين والمستمعين في معظم اللقاءات الفنية انه يسافر لدول المهجر لنقل الاغنية السودانية للعالمية فهل فعلا حمد الريح فنان مؤهل لمثل هذه المسئولية ؟؟؟ اوافق عبد القادر سالم في ما يقول وما يقدم لتقديم الفلكلور السوداني اضافة لصوته الحنين .. اقتنع بما يحاول تقديمه جاهدا عمر احساس (ما بريدو) في تقديم اغاني دارفورية وان كان (يتبشتن) عندما يحاول ان يغني اغاني فناني الوسط .. هل اذا تغنى حمد الريح بي الساقية في امريكا سينقل الاغنية السودانية ؟ حمد الريح فنان ضعيف في الامكانيات الصوتية .. حمد الريح فنان حاول في فترة التشعبط سياسيا ودخل عبر بوابة الفنان الذي يحاول ان يقدم فن وسياسة وفشل.. حمد الريح ربما ترأس إتحاد الفنانين وحاول وان إدعى غير ذلك محاربة الشباب .. نعم هناك فنانون لا تجزم تحديدا اين تصنفهم هل هم عمالقة هل هم كباااار قد يختلف الناس فيهم لكن يتفق الجميع على شئ واااحد " الزول ده صوتو جميييييل" صلاح مصطفى مثلا مهما يختلف الناس حوله سيبقى صاحب الصوت الدافئ والاداء الحنييين .. ويدان ابراهيم يظل هو العندليب الاسمر .. انت صديقي الاستاذ الموصلي وان كنت شحيح الحضور في الساحة الفنية في الفترة الفائتة ولكن من يستمع لصوتك زمان يجزم انك فنان وفنان مبدع كمان لما تملك من خامة صوتية وقتها (ووقتها دي ما تقيف عندها كتير لانو طووولنا ما سمعناك في الفترة الحالية)..ولو وضعت كللل اغاني حمد الريح في كفة (بي طريقته الغنائية الصوتية) واغنية واحدة تؤديها استاذي الموصلي الزمان لرجحت كفة الموصلي فالأذن تعشق قبل العين غاليا في حالة الغناء .. حمد الريح ليس مع الكبار .. حمد الريح ليس صاحب مدرسة غنائية .. حمد الريح دخل مجال الغناء عنوة مع ان الساحة الفنية وقتها مليانة ...
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: على الرغم من اختلاف الاخوة المتداخلين حول كلمة " كريه " المستخدمة في البوست إلا ان معظمهم اتفق على ان حمد الريح ليس فنان .. |
لو كنت فى عمرنا لعرفت ما أحدثته الساقية فى وجدان الشعب السودانى وما قذفته من رعب فى قلوب سدنة نظام نميرى! التحية للفتان حمد الريح الذى ساهم فى صياغة الوجدان السودانى بصوته العذب الجميل جنى
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
الاخ عمر الفاروق قالوا من طول الغيبة جاب الغنائم لكن جبت ليك لغم وجيت.
اضحكني كثيرا تبريرك لي كلمة كريه بي قصة الحنكوشة لمن تضربك في كتفك وتقول ليك ياكريه طيب ده لو قصدك حمد الريح معناها زول عسل عديل كده لووووووول. بعدين ياحبيبنا اعمل حسابك والله الايام دي البلاغات شغالة قرش ونص مايفتحو فيك بلاغ ويسجنوك في توتي
بعدين الراجل ياخي ماصغير لازم صوتو يتغير ده شئ طبيعي ويحاول يتم الاغنية انشاء الله مويه .
انا شخصيا سمعت حمد الريح وانا في الطفولة واستمتعت باغانيه ولحدي اسع مرتبطه بي ذهني وقبل يومين كان معاده ليهو حفله وحضرتها لحدي اخرها . برضو سمعت لي بلال موسى القمر خالها وعمها والشمس تشبه امها لو ماغلطان وبرضو اغنية يابلادي عزة بفخر بيك في رحاب ثورة مايو كوبري كوستي حديد يايات وبالزلط ربط البلاد اووووو ارجو ان يكون نقدك التاني في محلو بعيدا عن الحب والكراهيه الراجل ليهو جمهور ومعجبين وقبل كده اسره وابناء لو شافو كلامك ده ح تكسر في خاطرهم شويه .
تحياتي وعودا حميدا
زاتوووو
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: انت صديقي الاستاذ الموصلي وان كنت شحيح الحضور في الساحة الفنية في الفترة الفائتة ولكن من يستمع لصوتك زمان يجزم انك فنان وفنان مبدع كمان لما تملك من خامة صوتية وقتها |
رأيك هذا يتعارض تماماً مع الرأي الذي قال به عبد الفتاح الله جابو عندما تمت استضافته في برنامج أسماء في حياتنا.
| |
|
|
|
|
|
|
Re: حمد الريح يستحق لقب فنان كريه .. (Re: Hussein Mallasi)
|
انا غايتو لمان اسمع حمد الريح بشعر بالاتي:
نفسي بقوم ضغطي برتفع اوداجي تتنفخ اضاني تطقطق عيوني بزعللن تتقلص امعائي تتذبذب كمية الدم المار في الشريان الاورطي تتكلس الشحوم في الاوردة ينتابني القلق (ابو سبعة) اقفل التلفزيون
ثم عندما استرجع الذاكرة واعرف انه محسي من توتي اجلس واعدد حسناته وشهامته وانسى كل الفات لكين تاني برجع واقول ان الحانه وطريقة اداؤه لا تعجبني
| |
|
|
|
|
|
|
Re: حمد الريح يستحق لقب فنان كريه .. (Re: Hussein Mallasi)
|
Quote: رأيك هذا يتعارض تماماً مع الرأي الذي قال به عبد الفتاح الله جابو عندما تمت استضافته في برنامج أسماء في حياتنا. |
مهما كان رآي عبد الفتاح فهو مجرد رآي وهو رجل جدير باحترامي ولايستحق بان نشير الي رآيه دون ذكر ذلك الرآي
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
الاخ عمر بشهادة الاخ الموسيقار يوسف الموصلى عن الاستاذ حمد والذى لا يحتاج لنقدك لانك اصلا ليس بناقد فنى افتكر ان هناك قصد تستهدف به الاخ الانسان حمد.كما قلت لك فى بوست سابق نحن اهل واخوان واصدقاء وسند حمد الريح يمكن التدخل لمعرفة ما تكنه من عداوة للاستاذ حمد وسنقوم بحلها والا عندك قصد معين ففى تلك الحالةموت بكمدك. فحمد قمة لا توازى عندنا اى من ذكرت ولا يسووا ذرة من فن واخلاق حمد. اناشد الاخ بكرى لحذف هذا البوست الشخصىالكريه والذى ربما يعرض صاحبه للمسائلة اذا تمادى بالحديث بهذه اللغة السوقية الى لا تستندعلى اى سند فنى ويكفى كلام الاستاذ يوسف الموصلى وكفانا تجريح فى رموز هذا الوطن ويكفى حمد احترام وحب اهل العزة فى جزيرة توتى.وإذا عدت عدنا.
| |
|
|
|
|
|
|
Re: حمد الريح يستحق لقب فنان كريه .. (Re: Kamal Seddiq)
|
Quote: حمد الريح عندو أغاني جمييييييييلة للحد البعيد ..استمتع حد الغرق وانا استمع لي اغنية إلى مسافرة وقلبي المكتووول كمد .. |
يا الفاروق اخوي...اذا اردت ان تنتقد أداء الفنان حمد الريح نقدا فنيا هادفا...فمن باب أولي ان تعرف ان أغنية الي مسافرة هي نفسها يا قلبي يا مكتول كمد...
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: لو كنت فى عمرنا لعرفت ما أحدثته الساقية فى وجدان الشعب السودانى وما قذفته من رعب فى قلوب سدنة نظام نميرى! التحية للفتان حمد الريح الذى ساهم فى صياغة الوجدان السودانى بصوته العذب الجميل جنى |
وانت كان سمعته رايو في ملحمة الساقية في اللقاء التلفزيونى الاتعمل معاهو أيام مفاصلة الجماعة في شهر صفر كان ناس عمركم عملو ابريلات وابريلات لحماية وجدانهم من حمد.
جنى كيفك ياخ مشتاقين .
| |
|
|
|
|
|
|
Re: حمد الريح يستحق لقب فنان كريه .. (Re: مجاهد عبدالله)
|
الحبيب مجاهد ياخي قلت اقزز شويه مع صاحبي ملاسي اصلو اتعلم الكتابه التلغرافيه دي (مني) لكن مابعترف بالكلام ده
اها دي واحده اخيره يا ملاسي عشان داير اتمم علي قدرة الفول الشاديها دي
Quote: Quote: والاجازه دي كانت وين في ياتو بلد قضوها؟؟؟؟؟ الموصلي ذاتو كان عضو فيها بعد داك
و وكت بقى – بعد داك - عضو فيها قضاها في ياتو بلد |
قضاها في اميركا وبرغم كده هو الانشط هييييييييييع ولم تتوقف الصحافه الكويسه ولا الصحفيين الكويسن ابدا عن الكتابة ايجابا عنه
| |
|
|
|
|
|
|
Re: حمد الريح يستحق لقب فنان كريه .. (Re: Hussein Mallasi)
|
Quote: : عشان يكون في ناس عندهم معرفة بعلوم الاصوات!!!!
رأي عبد الفتاح الله جابو - السالب جداً - كان عن الصوت و ليس عن المعرفة بعلوم الأصوات. |
نفهم من ذلك يا حسين أن رأيك هو نفس رأي عبدالفتاح الله جابو برغم عدم معرفته بعلم الأصوات...؟؟
أما أنا وبرغم عدم معرفتي بعلم الأصوات فان رأي يخالفكما أنت وعبدالفتاح الله جابو...حينما (كان في الاجازة..) أعزلا الا من كمان غير ديفيزيو..
| |
|
|
|
|
|
|
Re: حمد الريح يستحق لقب فنان كريه .. (Re: Elmosley)
|
Quote: زمان في ليبيا كان في فنان سوداني ايقاعه مختل ومشهور يذلك |
Quote: وبعدين قال للعازفين ياخي الموصلي ده فنان كويس لكن زمنو (ايقاعه كعب) |
Quote: وكم كنت سعيدا بذلك!!!! |
أي واحد محلك كان حيكون سعيد؛ بس شهادة عضو لجنة إجازة الأصوات شيء مختلف لا أظنه يبعث على السعادة.
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
استميح الاخوة القفز بي الزانة والوصول لي اخونا نزار .. الأخ نزار: يبدو انك استعجلت طريقة قراية الجملة وما فهمت مقصدي ..ولو انا ما عارف انو اغنية الى مسافرة هي نفسها اغنية قلبي المكتول كمد فكدي تعال نفكر سوا الى مسافرة دي تكون ياتو اغنية ؟؟؟يا ربي طير الرهو ؟ قصدت التوضيح فقط لانو الكتيرين بيعرفو الاغنية دي بي قلبي المكتول كمد بافتراض انها بتبدا بيها زيها زي الكتير من الاغاني البتشتهر بي اول مقطع بينما الشاعر يسميها اسم مختلف .. وبعدين ياخ افهما وحاول صدق انو قلبي مكتول كمد بي رمد .. وكمد لبد ..
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: قااااااابعة فيييييييييي..قااااااابعة فييييييييييييي.. |
اخير إنته بقيته طابعة .. أنا قاعد اسمعه طالعة فيييي .. طالعة فيووووووو المشكلة يا عمــر إنو بتاع (الباص جيتار) منو ما عارف جبريل .. طويل كدا تخيل بيكون عادي جدا شارخ ليك (الباص) بي (البيكــا) .. حاجة مزعجة جدا.. ( تكنيك ليسss ) عامله زي واحد كدا قال لي انا بعزف جيتار .. قلت ليهو ياتو نوع .. قال لي : ( جتـــار عضم) يعني بقت اربعة علي .. 1- نسمة العز يا سماحة 2- باص جيتار يلعبوهو بي بيكـا 3- جيتار عضـــم 4- ومندلين
ــــ بـــلاي يا عمر بعدما تخلص من نسمة العز + المندلين .. شوف لي معاك موضوع نانسي دا..
قال ليهو: يا ابوي النور أنا بعرفو .. ,.
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
ده منننننننننننوووووووو يا اخوووووووووووووووووي؟؟ ده منننننننننننننننننو ؟ تمبس ياخ ما تشوف لينا بكري يعمل لينا شكل زول ممحن ومقبل على الحيطة ولابس جلابية مشروطة من فوق ..
Quote: واحد كدا قال لي انا بعزف جيتار .. قلت ليهو ياتو نوع .. قال لي : ( جتـــار عضم) |
دي زي واحد صاحبنا عامل مصاحب الحناكيش ..قال لي يا عمر والله امبارح صاحبنا احمد عزمنا غدا في بيتهم والله يا عمر الناس ديل من شدت ماااااا مرطبين جاب لينا في الغدا جبس اكلناهو بدووووووووون عيش يعني يا تمبس جبس عضم
تخريمة : نانسي دي يا قريبك التعريجة ليها الا بي بوست صوتي والمداخلات فيهو تكون صوتية عشان في حاجات كده بي الحروف مااا بقدر اظبطا لمن نانسي تقولا ..ترانا قدرنا نكتب طابعة في وطالعة في لكن جنس النخنخة والتقطيع ده نكتبو كيفنهو ؟
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
Quote: حمد الريح عندو أغاني جمييييييييلة للحد البعيد .. استمتع حد الغرق وانا استمع لي اغنية إلى مسافرة وقلبي المكتووول كمد .. |
الأخ نزار: يبدو انك استعجلت طريقة قراية الجملة وما فهمت مقصدي .. ولو انا ما عارف انو اغنية الى مسافرة هي نفسها اغنية قلبي المكتول كمد فكدي تعال نفكر سوا الى مسافرة دي تكون ياتو اغنية ؟؟؟يا ربي طير الرهو ؟
=========================================================
أنا لم استعجل يا عمر الفاروق بدليل أنك ذكرت كلمة أغاني وليس أغنية...فلو كنت تقصد أغنية الي مسافرة بس كان تقول:- حمد الريح عندو أغنية جميلة للحد البعيد واستمتع حدالغرق وأنا اسمع الي مسافرة (قلبي المكتول كمد)..
حكيتا معاك مش؟؟؟؟؟
تحياتي يا موصلي يا فنان يا جميل
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
الأستاذ الموصلي..
شكرا على الرد..لكن...
أنت بكلامك بتأكد إنو حمد ملحن..
ودي ما فيها إختلاف.. لكن كمغني لا أعتقد..
عشان كده أنا ذكرت إنو مؤدي...
بس يا أستاذ
عليك الله علق على قول الأخ/ طارق
إذ قال إن صوت حمد "أملس"
وهذا في حسباني تعبير يعرفه أهل الموسيقى
والأخ طارق وهو صديق موسيقى ودارس للنوتة
إلا أنه درس الهندسة الزراعية
وأنا إذ أعترف بأنني اول مرة أسمع تعبير "صوت أملس"
إلا أن فهمي له بأنه ليس له أبعاد ولا عمق وأقرب
ما يكون أنه flat أي مسطح وهو ما أحسه
هذا مع إعترافنا بأن بعض ألحانه جميلة كما ذكرت..
ألا الغناء... أشك في ذلك.
| |
|
|
|
|
|
|
Re: حمد الريح يستحق لقب فنان كريه .. (Re: Kamal Karrar)
|
Quote: الأستاذ الموصلي..
شكرا على الرد..لكن...
أنت بكلامك بتأكد إنو حمد ملحن..
ودي ما فيها إختلاف.. لكن كمغني لا أعتقد..
عشان كده أنا ذكرت إنو مؤدي...
بس يا أستاذ
عليك الله علق على قول الأخ/ طارق
إذ قال إن صوت حمد "أملس". |
حبيبنا كمال ياخي مع كل الاحترام هل يمكن ان اصف لي زميل ذو تاريخ طويل وجمهور عريض بان صوته املس اما قول طارق فهو ليس قوله ولكنه نقله عن قول لشاعرنا العظيم اسماعيل حسن الذي انتقد الكثيرون قصيدته طير الرهو برغم جمالها الاخاذ في نظري كلمة أملس ليست كلمة علمية في نظري واعتقد طارق يقصد بانه خال من الفايبريشن وهذا غير متفق عليه لك وله التحية
| |
|
|
|
|
|
|
Re: حمد الريح يستحق لقب فنان كريه .. (Re: Elmosley)
|
شكرا أستاذ الموصلي..
فقد أثبت بكلامك أنك فنانا
يتكيء على أرث مقدر من الأخلاق الفاضلة
وتبقى مساحات إختلاف الرؤى خضراء بالمحبة
شكرا مرة أخرى...
مع أطيب التحايا والأماني السندسية
بمناسبة العامين الجديدين
ودمتم
| |
|
|
|
|
|
|
Re: حمد الريح يستحق لقب فنان كريه .. (Re: Kamal Karrar)
|
Quote: شكرا أستاذ الموصلي..
فقد أثبت بكلامك أنك فنانا
يتكيء على أرث مقدر من الأخلاق الفاضلة
وتبقى مساحات إختلاف الرؤى خضراء بالمحبة
شكرا مرة أخرى...
مع أطيب التحايا والأماني السندسية
بمناسبة العامين الجديدين
ودمتم |
نعم أخي كمال أولا أنا وزميلي الفنان حمد الريح على النقيضين تماما من المنظور السياسي الخلاف في كل الامور لايفسد للود قضية فالجمال مسالته نسبية وحب الناس مذاهب كثيرون من الناس لايستطعمون الصوت الغنائي الاجش لعازف الترامبيت العالمي (ارم سترونج) وكثيرون ممن يعتبرونه فلتة زمانه في التعبير الغنائي بس الله يكفينا شر ( الطعان واللعان وأهله) كل المودة
| |
|
|
|
|
|
|
Re: حمد الريح يستحق لقب فنان كريه .. (Re: عمر الفاروق)
|
يا جماعه الله يرضى عليكم الفنانين ديل ناس حساسين شديييد وما بى ينفع تتحدثوا عنهم بهذه اللغه الناشفه وبعدين ده فنان كويس وده فنان كعب أصلا ما عندها معنى لإنو الموضوع مرتبط بالأحاسيس والمشاعر للشخص المعنى،،،يعنى الحكاية ما هلال مريخ،،،، حمد الريح فنان قدير وله ملايين المعجبين تأسرنى أغنية الى مسافرة وتكلب لها شعرة جلدى طربا حمد الريح هو فنانى منذ زمن المراهقه وما زلت احترمة وأكن لة الود الخاص أرجوكم ما تجرحوا مشاعرنا وبعدين، ياعمر الفاروق، الراجل مريخابى.....!
| |
|
|
|
|
|
|