|
|
|
 Re: الخرطوم ,, قبل ساعات (Re: الملك)
|
الاخ الملك
بس عاوزة زول يشرح لي هل الغمام الاسود بتع قبيل ده كان جزء من مشهد من مشاهد يوم القيامة؟؟؟ ولا شنو بالظبط ؟؟ لانه اكيد ما عندو علاقة لا بخريف ولا يحزنون
حقيقي حتى الان ما قادرة اتخيل انه الدنيا رجعت عادي
| |
 
|
|
|
|
|
|
|
|
Re: الخرطوم ,, قبل ساعات (Re: الملك)
|
Quote:
اها شن الحصل ؟؟
منتظرين تجينا مغبر ومكندك !!!
محبتي |
والله وما طالبنى حليفة
انا اسى استحميت مطرة بعد القيامة دى
يعنى اربع فصول فى يوم
...
...
أحب الخرطوم والكتاحة
| |
|
|
|
|
|
|
|
|
|
Re: الخرطوم ,, قبل ساعات (Re: الملك)
|
اهم حاجة يا ناجى انه العصار (الكتاحة )ما شالتك لانك ضعيف ورهيف ، الكهربا بتجى لكن كان شالك العصار ما سجمنا ، اوعه تمرق بره البيت الناس الضعاف ديل بخاف عليهن ،
مرة فى مصر جات كتاحة زى الصورتها دى ، طبعا المصريين اول مرة يشوفوا كتاحة زى ديك مع انهم عندهم رياح الخماسين لكن اليوم داك كل المساجد اشتغلت ، والناس فى الشارع هللواوكبروا وكلهم اجمعوا انه دى القيامة ، ونحنا كنا عادى ماشين فى الشارع بسالونا انتو ما بتخافوش ؟ نقول ليهم من شنو ؟دا اول مرة تحصل حاجة زى كده فى مصر ، لكننا ضحكنا وقلنا ليهم عادى ، والداير يشوفا على اصلا يمشى بربر او عطبرة او امدرمان بتقوم الصباح (زى الطالع من شوال دقيق) المهم يا ناجى يا ملك حمد لله على سلامتك وكتاحة تفوت ولا حد يموت ، والكتاحة فى امريكا (هيييييع) بتشيل البيت زى البسكويته والشاحنة زى البلونة والبقرة بتطير زى الماحصلت حاجة والله يغتيك يا ناجى من جنس الهبايب دى ، اول ما تشوفا وادخل على البيت وما تمرق اوعك، تسلم
| |
|
|
|
|
|
|
|
|
 Re: الخرطوم ,, قبل ساعات (Re: سلمى الشيخ سلامة)
|
يا الناس الداخل
ترددت اخبار عن هبوط اضطرارى لطائرة تابعه للخطوط السودانيه فى ميدان بالصحاقه، بسبب الرياح وفيها عدد من ال (VIP (s، ارجو التأكد من صحة الخبر، ومنو تانى البليد الركب الطياره ؟؟
| |
|
|
|
|
|
|
|
|
|
Re: الخرطوم ,, قبل ساعات (Re: سلمى الشيخ سلامة)
|
سلمى سلامة
الناس حتخلى الكتاحة والصور دى
وتمسك فى كلامك الكاتباهو ده ,,,لووووووووول
غايتو المطرة جات بلت الهدوم وشوية كده الزول بقى متبث فى ا
كان ما كده ,,كان اسى انا فى جبل أولياء واللا فى برج كهرباء
إنتى ناسية انى من عطبرة
أمانتى المعاك كيف؟؟!!
| |
|
|
|
|
|
|
|
|
|
Re: الخرطوم ,, قبل ساعات (Re: يسرى معتصم)
|
Quote: أحب الخرطوم أحب كتاحتا أحب ترابا أحب سخانتا
نفسى أشوف سوق الناقة |
يا زول عازمك انا ,,,,بس اسموا بقى قندهار يا يسرى
...
...
انا بحب الخرطوم وما جاورها
ومن فيها ذاتم
| |
|
|
|
|
|
|
|
|
|
Re: الخرطوم ,, قبل ساعات (Re: الملك)
|
يعنى يا ملك هسى دا كان مثلا الجريفاوى ما بقول ليهو الكتاحة بتشيلك لكن وحات سيدى ما قصدت انى غير اقول ليك (اتضارف على رقبتك ) من الهوا ، بخاف عليك من النسمة خلى العصار
| |
|
|
|
|
|
|
|
|
|
Re: الخرطوم ,, قبل ساعات (Re: سلمى الشيخ سلامة)
|
| Quote: يعنى يا ملك هسى دا كان مثلا الجريفاوى ما بقول ليهو الكتاحة بتشيلك لكن وحات سيدى ما قصدت انى غير اقول ليك (اتضارف على رقبتك ) من الهوا ، بخاف عليك من النسمة خلى العصار |
"كمية فرح ما عادى"
فرحان فى حق الجريفاوى ده
سلمى ولدك ضعيف اى صاح ,,!! لكن الله بريدوا ما بتجيهو عوجة
| |
|
|
|
|
|
|
|
|
|
Re: الخرطوم ,, قبل ساعات (Re: أبو ساندرا)
|
عزيزى الملك
كل كتاحة واهلنا بخير
احب الخرطوم واحب الكتاحة
خبر: هبوط طائرة هيلوكوبتر قادمة من النيل الابيض فى مربع 33 بالصحافة
ولم يصب احد باذى بمافى ذلك ركاب الطائرة العمودية التى تلقت تعليمات
بالهبوط الفورى
| |
|
|
|
|
|
|
|
|
|
Re: الخرطوم ,, قبل ساعات (Re: عامر تيتاوى)
|
Quote:
خبر: هبوط طائرة هيلوكوبتر قادمة من النيل الابيض فى مربع 33 بالصحافة
ولم يصب احد باذى بمافى ذلك ركاب الطائرة العمودية التى تلقت تعليمات
بالهبوط الفورى |
عامر تيتاوى
الحمد لله ربنا لطف
,,,
| |
|
|
|
|
|
|
|
|
|
Re: الخرطوم ,, قبل ساعات (Re: Gaafar Ismail)
|
هذه ظاهره طبيعية ...
زيها و زى الزلازل و البراكين !!!
بعضها مناخى يحدث بمختلف الاشكال و القوة حسب موقع المنطقة على خارطة الكرة الارضية !! سوى ان كان فى شكل زحف رملى صحراوى ( كما نرى الان ! ) او جليد او تورنيدو او فيضانات او اعاصير مداريه مثل اعصار ( كاترينا !!! ) و لا علاقة لها بدين و تدين المنطقة و لا بموقف ( حكومات ! ) تلك المناطق من السياسة الدولية !!! كما يروج لذلك البعض من تجار الدين و الهوس و ائمة البلاط السلطانى ( عبدالجليل النذير الكارورى و غيره مثالا !!! ) !!!!!!!!!
كسرة :
عشان كدى الليله ما قدرت اتصل باهلى فى السودان و ربنا اقشع ( الغمة ! ) الانقاذية قبال المناخية !!!
عبدالماجد
| |
|
|
|
|
|
|
|
|
|
Re: الخرطوم ,, قبل ساعات (Re: ABDELMAGID ABDELMAGID)
|
عبد الماجد ,,,
الحكمة ليست فى تدين المنطقة من عدمها,,,
الحكمة فى سرعة إنقلاب الجو الحار الى غبار الى امطار
حاجة تحسسك بى قدرة ربك ,,وبس
...
...
الحاجة دى ممكن كان تكون كارثة لولا لطف الله
اهم شئ الاتصالات كانت ممتازة جدا,,فقط الكهرباء هى التى قطعت
لدواعى السلامة
...
...
| |
|
|
|
|
|
|
|
|
|
Re: الخرطوم ,, قبل ساعات (Re: Gaafar Ismail)
|
Quote: الحبيب الملك
ســلام
نسأل الله أن يسلمكم من تقلبات الطقس. حدثني أحد أقربائي قبل قليل وقال أنه لم ير في الخرطوم طوال عمره الذي تعدى الخمسين مثل هذه الكتاحة.
|
..
..
انا عمرى كم وعشرين ,,ونيف ما شفتا متل ده
غايتو ربنا قدر ولطف
فيما يختص بالشخص المذكور فلا اظن أن لى صلة به ,,,تشابه أسماء فقط
لكــ الود
..
| |
|
|
|
|
|
|
|
|
|
Re: الخرطوم ,, قبل ساعات (Re: الملك)
|
كُر علي ود أمي،،
بركة الإنت طيب،،
دي كتاحة نصاح دي؟
يا الله زيها لمان "ازُُور الخرتوم"
يا ربي متين ازور الخرتوم،،
ولو إنو بي الشايفاهو عيني ده،،
ما اظنش،،
نجوووي اكان مكندك اكان شنو داك،،
ياخ مشتااااااااقين،،
| |
|
|
|
|
|
|
|
|
|
Re: الخرطوم ,, قبل ساعات (Re: Soumeta)
|
ياملك
يا حليل الكبت والخماسين
عيك العجاجة!!!
يازول على الأقل بعدها تجيك النسائم هابة
هنا ما بتشوف الكتاتيح في سماها
لكن كل صباح ترى السيارات مدمسة بطبقة من الغبار الأسمنتي
| |
|
|
|
|
|
|
|
|
|
Re: الخرطوم ,, قبل ساعات (Re: المسافر)
|
المسافر
إتذكرت عطبرة ,,واتبرة
وكت تقوم من النوم تلقى وشك واطة ,,,وخريطة تقلبات نومك
مرسوم على السرير,,,
تصدق تكون شاعر إنك مرتاح برضو
إحتمال عشان الناس كلها بتكون "غبش"
| |
|
|
|
|
|
|
|
|
|
Re: الخرطوم ,, قبل ساعات (Re: Soumeta)
|
Quote:
يا الله زيها لمان "ازُُور الخرتوم"
يا ربي متين ازور الخرتوم،،
|
سوميتا ست الشوق
إن شاء الله تجى وتجى الرعدة
عشان نشوف شن بتسوى ,,,كنداكة الف
..
شخطبة :-
حضرنا ولم نجدكم ,,,الرجاء إرسال المعلوم بالايميل !!!
| |
|
|
|
|
|
|
|
|
|
Re: الخرطوم ,, قبل ساعات (Re: الملك)
|
ياملك
يحلف ود عما لينا انو اليوم داك نزلت مع الامطار
ضبوب وجنادب وعقارب بشوكتين وعقارب بشوكة واحدة وشوك بدون عقارب..
ياخي الخرطوم دي مُـمتحنة باعمال قاطنيها...
لولا إذاعة الكوثر.. لسلط الله عليكم دابة من دوابه
تاكلكم ثم تلفظكم من دُبرها في العدم...
| |
|
|
|
|
|
|
|
|
 Re: الخرطوم ,, قبل ساعات (Re: DKEEN)
|
ملك الملوك !!!
معزتي ,,,
كان الله في عونكم ,,,, قلوبنا معكم ,, إنشاء الله طيبين وسالمين ,,
| |
|
|
|
|
|
|
|
|
|
Re: الخرطوم ,, قبل ساعات (Re: DKEEN)
|
| Quote: انتي حد مسلطك علينا؟؟ |
الأخ دكين.....تحياتي والله ضحكتني
...والله أبداً...بس عارف لو لغيتها حأجيب برضه حاجة بتشبها.....ألف وأرجع يعني ما في فايدة
اها أغيرها ولا أجيب حاجة ذيها؟
......
| |
|
|
|
|
|
|
|
|
|
Re: الخرطوم ,, قبل ساعات (Re: salma subhi)
|
الاخت سلمى صبحي
من طبيعة الالوان ومن خلال اسمك ..
ظني انتي يامن النبط يامن الاكراد..
الالوان دي اخر مرة شفتها في عروس غجرية..
ارحمينا ياخ..
اللون ده ماتستهتري بيهو في شبكياتنا..
| |
|
|
|
|
|
|
|
|
|
Re: الخرطوم ,, قبل ساعات (Re: الملك)
|
المنظر الشوفتو فى صورك يا الملك عبارة عن يوم القيامة عدييييل كده .. كبته و قطعه كهرباء ... فضل شنو ؟؟ الله يكون فى عوننا جميعا..
| |
|
|
|
|
|
|
|
|
|
Re: الخرطوم ,, قبل ساعات (Re: Manar Mahsoub)
|
يا ملك ..سلامات
شفت كتاحه امس الغريبه دي ..الحمد لله علي كل حال
لكن طبعا علينا و عليكم وكل شرق النيل كانت افظع واكثر اندياحا..
شفت الهواء الجميل بعد المطره ..قربت اكتب قصيده
واتزكرت الجاغريو وود الرضي وكل شعراء العيلفون يمكن يكونوا
ورثوني موهبه الشعر واكيد كتبوا الشعر في جو زي ده..لكن محضره ورقي وقلمي
من هسه للمطره الجايه بس الله لاجاب لينا كتاحه امس تاني.
اميره
| |
|
|
|
|
|
|
|
|
|
Re: الخرطوم ,, قبل ساعات (Re: EMU إيمو)
|
Quote: وبعدين وين راحت الكتاحة اللي شفناها في الصور دي
معناه الخرطوم محتاجة لمطرة عشان تغسلها |
ربك رب الخير ,,,رسل المطرة
تصدق بس بقينا طين ,,!!
| |
|
|
|
|
|
|
|
|
|
Re: الخرطوم ,, قبل ساعات (Re: إسماعيل التاج)
|
سمعة
...
ياخوى الشئ ده قبل كده ما شفتوا ,,,إحتمال حق باقى العمر !!
الا كان جاي تعال ساى ,,,,ما بتجيك عوجة ,,
| |
|
|
|
|
|
|
| |
الملك
محمد سنى دفع الله
محمد مختار جعفر
نهال الطيب
سلمى الشيخ سلامة
Raja
القلب النابض
يسرى معتصم
أبو ساندرا
Elbagir Osman
غادة عبدالعزيز خالد
عامر تيتاوى
علي طاهر
Gaafar Ismail
Soumeta
المسافر
salma subhi
عواطف ادريس اسماعيل
اميرة الحبر ادريس
عاصم ابوبكر حامد
امل احمد عمر
معتصم دفع الله
بكرى ابوبكر
شهاب الفاتح عثمان
EMU إيمو
إسماعيل التاج
Ibrahim Algrefwi
فيس بوك
تويتر
انستقرام
يوتيوب
بنتيريست