|
|
 كروريـــــــــــات (2) مسطلة
|
نص ومدخل ومقدمـــــــة
تاجر بانقو اتقدم لى بت ..........اهلها سالوه شغال وين ..........قال ليهم:
فني تكييف
مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة
استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق
مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة
مسطول احوص دايرين يشنقوهو سألوه: امنيتك شنو؟
قال: اشوف نفر واحد بس
سألو مسطولة سودانية ترشحي مين لقيادة حماس؟ اجابت: راغب علامة
مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف
واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟
رد المسطول : بسيطة أقيف في نص الشارع
واحد مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا.. لا.. اديني في صحن!!
مسطول سأل مسطول اذا دخل زيد قبل عمرو فكم تفاحه في الصندوق؟
التانى قال ليهو
الفيل لانه حيوان برمائي!!
مسطول سأل التاني : الطحنية دي بصنعوها من شنو؟ قاليهو: من النشاره!!
مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟
مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار
مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم
مسطول مشي المولد اشتري عروسة مولد.......... ومشي بيها الفندق
عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم
مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة
مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟
مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو
واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه
مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا
مسطول سايق تاكسى واحد وقفو قال ليهو: نادى الأسرة من فضلك
رد قاليهو ناديهم براك
مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق
مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه
مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري
مسطول مرَّ جنب المقابر وقف العربية وشغل أغنية ........حبيبي الدنيا ما أحلاها
مسطول قدر ما يشرب سفن اب (7 up) بقي يمشي سبعة خطوات وينط....
مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص
مسطول قال ليهو يوم القيامة داير تخش ياتو جنة؟
قال: جنة الاطفال
سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء
مسطوووووووووووووول
مشى الحج قالو ليهو قوم طوف واسعى
قال ليهم: وانتو مش قلت كل شئ على البعثة
مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش
واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة
مسطول بحب نفسو... كتب ليها جواب
مسطول دخل يدو في مويه نار مرقا لقاها مافي.. دخل رأسو يشوفا مشت وين
مسطول سالوه ما اصغر شئ في الدينا
قال ليهم
شامة في ضهر نملة
يعني لو ما سألنا ما تسألو مننا
مسطول ضارب 999 للشرطة
واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون
ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)
سألوا مسطول عن اكثر زول صبور قال واحد منتظر نانسي عجرم في قناة اقرأ
واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت
واحد سأل مسطول يا زول حالق صلعه مالك؟ قاليهو: والله ما حالق صلعه لكن شعري بقوم بتحت الجلد
بواصل بعد الفاصل
|
|
 
|
|
|
|
|
|
|
 Re: كروريـــــــــــات (2) مسطلة (Re: ناجى الزبير الملك)
|
مسطول شاف حاجة تلمع فوق المويه قال ده شنو؟ قالوا ليهو دي القمره قال معقوله ، انا الخلعني
طيب شنو؟؟؟
مسطول لقى بقره واقفه علي مرايه بتتمكيج قاليها والله حرام الجمال دا يروح لواحد تور؟؟؟
مسطول يجئ كل يوم جزمتو ورجل بنطلونه اليمني مبلولات واحد شمارو عالى داير يتكشف السر مشى بوارهو للنيل لقاهو بعد ما يدخن السيجاره يرميها في المويه ويدوسها برجله
واحد مسطول سألوه عن الفرق بين الركشة والكارو قال في الكارو الحماره بره؟؟؟
مسطول سألوه: عملية التجميل بي كم؟؟ قال: والله ............حسب شناتكم
مسطول عندو قروش محولة ببنك فيصل، جاء سأل الهدف قال ليهو فيصل وين؟؟؟؟
مسطول مشى لندن، لما رجع سألو صاحبو عن البلد هناك. قاليهو: تمام لكن المحيرني حتى الشفع بتكلمو انجليزي؟؟؟
مسطول مشى يشتكي للدكتور:ـ كلما انوم احلم بكدايس بتلعب كورة اسوى شنو الدكتور قاليهو: بسيطة الليلة ما تنوم.. رد عليهو: الليلة بالذات ما ح اقدر لانو النهاءى؟؟؟؟؟
اتنين مساطيل واحد وقع جوه صهريج التانى انتظروا جنب الماسورة
اثنين مساطيل الاول قال للثاني : في ثعبان في رأسك ، قام ضربوا بالزجاجة الثاني قاليهو: آآآي عضاني اضربوا ثاني ؟؟؟؟
واحد قال لصاحبو المسطول: يا خوي انا بالي مشغول............ رد عليه المسطول: يكون في زول رافع السماعة
مسطول دخل عليه عزرائيل قال ليهو: أنا ملك الموت. رد عليهو قائلا: خلعتني قايلك بتاع مباحث
واحد مسطول لونو احمر شنبو اخضر لاقى مسطول لونو اخضر شنبو احمر قال ليهو : تعال نلعب تربيزة تربيزة !! قال ليهو : ليه عشان تكسر فرملة اليد !! كل واحد شال تلاجتو ومشى؟؟؟ (فهمتو حاجة)
فار مسطول نام لمن صحى لقى جنبو كديسة ميتة قال: كنت عارف إني لمن ازعل برتكب جريمة
مسطول أمو مريضة مشى الصيدلية جاب ليها دواء لقاها ميتة قال: بصراحة دي حركة سخيفة للغاية ؟؟؟
مسطول قال لمرتو: الجيران ديل ضابحين ولا إيه ، ريحة الابري دي شنو ؟؟؟؟
مسطول جاء جارى بسرعة دقش أمو قالت ليهو : شنو ما شايفني ؟ قال ليها: والله شايفك لكن وين ما عارف؟؟؟؟؟
مسطول سأل صاحبو: مشيت الخطوبة؟ قاليهو: خطوبة منو؟ قاليهو :ليبهر (الا يفهومها الناس البسمعوا الإذاعة)
مساطيل ركبوا طيارة هلكوبتر قالوا للكابتن:عليك الله وقّف المروحة دي شوية .. يا دوبنا طالعين من الحمام!
مساطيل بسطلو جنب المقابر ، جوا ناس شايلين جنازة واحد منهم قال : بالله شوف الشفوت ديل لافينها قدر شنو
واحد مسطول داير ينتحر طفرمن بنبر !!!!
مسطول قال لبتاع الدكان: تدينا شنو؟ وبكم وسريييع ؟؟؟؟؟؟
مسطول صلى الصبح ركعة واحدة. لمن رفعوا المصلاية لقوه خاتي تحتها كربون
سطول امه قالت ليهو: قوم الشمس طلعت .
قال ليها : دخليها واقفلي الباب معاك ؟؟؟
مسطول قالوا ليهو : الصينيين بولدوا كل دقيقة طفل .
قال : دا التطور مش زي هنا كل 9 شهور طفل
مسطول كل ما يجر نفس يبرم طاقيــــــــــــتو.
صاحبو قالىهو : طاقيتك دي لو كانت قلووز كان وصلت كراعك!! .
مسطول مشى يخطب جابو ليهو شاي كيس .
قال: دا شنو عاملين لي عمل في الشاي كمان ؟ .
مسطول مشرور قال لنفسه : يا ربي أنا مستني واحدة الساعة اثنين ولا مستني اثنين الساعة واحدة ؟؟؟؟
مسطول سألوه :ما هو أصعب موقف واجهته في حياتك ؟
قال: موقف الحاج يوسف ؟؟؟
مسطول قال للثاني: انت القطر دا مهم؟
رد علىه: باقى لى كدا لأنو تحتو خطين
مسطول النار ولعت في امه قال ليها: نورتي يا حاجة
مسطول طلع من الحمام سألوه: استحميت؟ قال: آآى لكن الظهره ما كفت معاى ؟؟؟؟
مسطول قالوا ليهو الهلال فاز بي هدف ( كبير) قال ليهم: كبير قدر شنو يعنى ؟؟؟؟
مسطول وقع من عمارة سألوه الناس: الحاصل شنو يازول؟
قال: والله ماعارف يا دوب جاي؟؟؟؟
مسطول قال لصاحبو: مشيت وين يا فردة؟ قال: مشيت اخدت لي لفة وجيت. قاليهو: أها لقيتها بي كم؟؟؟
مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!
مسطول عينوه مدير دار الايتام اول يوم طلب اجتماع مجلس اباء !!
مسطول وقع في حفرة ، حاول يطلع ثلاث مرات ، قال : دي آخر مرة اذا ما طلعت بمشي البيت
مسطول ضرب ربع حيطة بيتو جير .. وكتب .. الخ
مسطول بيضرب بوهية قالوا ليهو خت الجريدة دي تحتك قال ليهم: لا لا.. كده بحصِّل
مسطول.. بتاع الحركة قال ليهو: ما رابط الحزام ليه؟ قال ليهو: هو أنا لابس بنطلون
مسطول الدكتور قال ليهو ولدك ده «بسنن» قال انا متوقع حاجة زي دي.
مسطول سأل بت قال ليها «اسمك منو؟» قالت ليهو «أسماء» قال ليها «يعني ما إسم معين
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
أبو النجا
وهاك دي
مسطول بيفتح في التلاجة ويقفل سالوه مالك قال ليهم داير أشوف النور ده بيجي من وين
ودي برضو
مسطول اتفق مع إبليس يخشو صرفة ، آخر الشهر أخد الصرفة الأولى وقال بسسسسم الله
ناجي
أنا نسيتهم لكن بتذكر وبجيك راجعة
على فكرة لقبك حلو جداً ولااااااااااايق عليك
طن
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
ناجي إزيك.. ضحكتني شديد والله.. لكن عايزه أكون بيض وأسألك سؤال بايخ.. إيه موضة النكات على المساطيل دي.. يعني من الناحية التحليلة.. الناس ما تعمل نكات إلا على مشاهد من الواقع.. السودان بقى كله مسطول ولا شنو؟
بريتك؟
بنت الحسين
| |
|
|
|
|
|
|
|
|
|
Re: كروريـــــــــــات (2) مسطلة (Re: مريم بنت الحسين)
|
مــــــريومة
أزيك
الحمد لله على الضحكة ...
Quote: يعني من الناحية التحليلة.. الناس ما تعمل نكات إلا على مشاهد من الواقع.. السودان بقى كله مسطول ولا شنو؟
|
...
لا الحكاية ومافيها الاسلوب الساخر ....فى طريقة السوال والرد ...جاية من محاولة التخفيف من ... الضغوطات الحاصلة ....يعنى محاولة تلافى الردود العادية ... وأختراع ردود قد تبدو احيانا غير منطقية ......ولكنها فى نفس الوقت مضحكة...
بس سعال بسيط ...تلقيهو فى بوست
المتواجدون الأن
بريتك مش
مع تحياتى
كرور
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
لكن يا ناجي.. زمان النكت بقول ليك.. واحد سكران.. ولا واحد جاي من ما عارف وين.. يعني.. برضها بتعبر عن الواقع.. لما يكون في البوست بتاعك ده براه قريب الخمسين نكته عن المساطيل.. معناها في إن....؟
ولا شنو...
بريتك؟
بنت الحسين
| |
|
|
|
|
|
|
|
|
 Re: كروريـــــــــــات (2) مسطلة (Re: مريم بنت الحسين)
|
الإن .... وما فيها ....
اى زول من ناس البورد لاقانى شابكنى انت شكلك مسطول .... (الصورة والشكل يعنى بس )
وكلامى بعد مرااااااااااااات كده .....
لكن يطرشنى ما انسطلت ....لكن اصحابى كلهم ...مساطيل (حقيقة ومجاز)...
الكلام ده استفزانى ......
لكن بتم ليك باقى النكت بس مشكلتى انها ...بتجيب لى مشاكل ...قبلية ...اجتماعية ... سياسية .....
والله انزلها على مسؤلية الرئيس مريم بت الحسين
أها رديت على سوالك واللا لا ......بس اوعك تقولى على .....
ما ردتى على سعالى فوق
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
Quote: اى زول من ناس البورد لاقانى شابكنى انت شكلك مسطول .... (الصورة والشكل يعنى بس )
وكلامى بعد مرااااااااااااات كده ..... |
لا لا لا لا.. ما ليهم حق.. هم يا ناجي بالله المساطيل عندهم شكل معيّن!!! غايته ما ليهم حق خالص.. أنا ما قلت كده ياخي.. أنا بناقش معاك ظاهره لاحظتها.. وهي كثرة النكات عن المساطيل.. خفت أرجع ألقى الناس كلهم غائبين عن الوعي.. وكان ما غائيبين عنّه.. أنا رأيي كرئيس.. نصرف ليهم عشان يغيبوا.. من الحال العليهم ده!!
| Quote: والله انزلها على مسؤلية الرئيس مريم بت الحسين |
لو بترسلهم للرئيس يوقع أول عليهم.. بقول ليك على مسؤوليتي.. لكن لو رسلتهم من غير ما تسألني.. لا بتعرفني لا بعرفك.. :P
بنت الحسين
| |
|
|
|
|
|
|
|
|
|
Re: كروريـــــــــــات (2) مسطلة (Re: مريم بنت الحسين)
|
سلامات
وعوافي
والله العظيم ياناجي مبالغة ... انسي بس
شكرا ليك طبعا قاعد في الشغل وبراي انا وبتاع البدالة علي بعد غرفتين مني يعني بيكون قال السوداني دا مجنون بيضحك براهو كدا مالو في نص الليل وعليك الله عاين التوقيت كم
شكرا ليك وطولنا ماضحكنا كدا وانشاء الله ايامك كلها ضحك وسعادة ياطيب
وعليك الله ماتوقف وانا البوست دا بحرسوا ليك اصبر لي بس النشوف الجايات كيف
والله عاصم ودريمز هسي يكونوا ماتو من الضحك لكن حسددددددوك ساي علي مزاجك الصافي دا اظنك قاعد تركب ليهم وش كرتون ياناجي
مع الاعتزار لي عاصم ودريمز يعني علمتا الحالة واحدة مع انو الحالة صعبة
| |
|
|
|
|
|
|
|
|
|
Re: كروريـــــــــــات (2) مسطلة (Re: ودرملية)
|
ود رملية
أنا قايل براى الطلعتا مجنون .... بضحك فى نص الليل ....
Quote:
شكرا ليك وطولنا ماضحكنا كدا وانشاء الله ايامك كلها ضحك وسعادة ياطيب
|
اللهم أمييييييييييييييييييييين
ومع خالص الود لك ولجارك
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
شكرا الاخ ناجي
لكن بقت النكات بدل ما يقولوا في مسطول بيقولوا في واحد خياله واسع احتراما للسيجارة
وبعدي انا ضحكت في كل النكات مره واحده لكل نكته
لكن ضحكت كتييييييييييييييير لحكاية
ملاحظة قوية منك تدخل على خيالك الوااااااااااااسع
| |
|
|
|
|
|
|
|
|
|
Re: كروريـــــــــــات (2) مسطلة (Re: abdalla BABIKER)
|
| Quote: لكن بقت النكات بدل ما يقولوا في مسطول بيقولوا في واحد خياله واسع احتراما للسيجارة |
Quote: ملاحظة قوية منك تدخل على خيالك الوااااااااااااسع
|
ياخوى قول لى يا مسطول عديل كده.......
اها لقيتنى كيف ....
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
يا جماعة فهمونا موبايل خط يعني شنو؟
معليش فهمي على قدري
وبعدين يا ناجي نزل نكت عن الرباطاب ولا يهمك
انا واجعاني نكتتين
وفتشت بوست معتز عشان وعدته ازيد ليه شوية نكت هناك ما لقيت البوست
شكله اختفى
عموما ابدى انت واحنا بنجيك
ملاحظة: مازلت مصرة 1\4 النكت عملين موديفيكيشن للقائل
وعندي الاثبات
ده ترااااااااااث وما بنتساهل فيه
تحياتي
زولة123
| |
|
|
|
|
|
|
|
|
|
Re: كروريـــــــــــات (2) مسطلة (Re: zola123)
|
Quote: ملاحظة: مازلت مصرة 1\4 النكت عملين موديفيكيشن للقائل
وعندي الاثبات
ده ترااااااااااث وما بنتساهل فيه
|
ايوة كلامك صح ....
Quote: جماعة فهمونا موبايل خط يعني شنو؟
معليش فهمي على قدري
|
رفم الموبايل الخط فى السودان .... ببدأ ب 0123...... (فهمتيها صح )
كنت ناوى اتجدع بيها شوية .... بس خوفتا تفهميها غلط
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
الأخت العزيزة زوله 123
موبايل خط يعني في السودان لما طلعت الموبايلات
كان طلعوا الموبايل الذي يتم احتساب مكالماته عن طريق فاتورة شهرية (مثل الموبايل الفي الامارات ابو فاتورة ) وكان فتح الخط يبداء ب 123 + الرقم
وبعد كده طبعا طلعوا الموبايلات المدفوعه مقدما ( في الامارات تسمى الواصل ) وبقت فتح الخط بتاعها يبدا بالارقام التالية
128
127
126
وهكذا
على كده الاخ ناجي حسب ( خياله الواسع ) وقوة ملاحظته شاف رقم 123 المرتبط باسمك وسماك بهذا الاسم
ومنتظرين منك نكت الرباطاب والبقية
وشكرا للجميع
| |
|
|
|
|
|
|
|
|
|
Re: كروريـــــــــــات (2) مسطلة (Re: سجيمان)
|
[size=18]أستاذى العزيز
سى جى مان
سلامات يا رايق
| Quote: يا ربي القلوب شواهد؟ |
دى ما باقى لى شفت صورتك فى جريدة الأضواء يا سغيييييل
سغيل؟؟؟
دى نعلها من المحظورات .....[/size]
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
النكات اتمنى تعجبكم
ومهداة لهوزي ونهى.ج
* عروس رباطابية والعريس(بلديات ناس نهى) , الزول مامصدق نفسه
كل شوية يميل على العروس في الكوشة ويقول ليها:
والله يا ....ما تتصوري فرحتي قدر شنو, يا .......انا ما مصدق اننا اخيرا اتزوجنا
يا ...... انا مستني اليوم ده لي سنيين, يا .... ما تتخيلي انا بحبك قدر شنو
البت عاينت ليه (نظرة ذات مغزي) وقالت: والقال ليك انا باكرهك منو؟؟؟
* عروس برضو رباطابية وقاعدة في الكوشة , والعريس مالاقي ليه موضوع يتونس بيه
بيعاين في السقف لقى ضب قال النعمل منه موضوع
سألها: شايفة الضب يا .........؟ تفتكري جه كيف؟
العروس: يمكن مع بص السيرة
* ما يلي من الكلاسكيات , لو سمعتوها مافي ضرر من الاعادة:
الولد بيزرع مع ابوه قابله شي , كورك لي ابوه : يا ابوي عاين فار
الاب: قالولك انا كديس؟؟
الولد: انا قلت ليك أكله؟
| |
|
|
|
|
|
|
|
|
|
Re: كروريـــــــــــات (2) مسطلة (Re: zola123)
|
زولة(موبايل خط) ما شكلك عايتى البوست فوق
عشان كده منزل ليك مسج الموبايل دى
سئل احد الأئمة عن صلة الرحم فقال: اصحاب01230 خط رجال اعمال واجبه، واصحاب 0123 و 0121 و 0122 مستحبه واصحاب 0129 يستاهلون رساله، واصحاب كروت ستات الشاي 0128 ، 0126 و 0124 و 0125 المسكول اكثر ما يستحقون وكذلك اصحاب الجمره 0127 !!
انا قررت انزل نكات شوايقة ... اهلى بس ....
اى زول ينزل فى اهلوا
تمام
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
الاحباء ...دوما ....
الذين متعونى ... بضحكتهم ...زوار ام أعضاء متداخلين ....
نعم ...بعضنا يشعر بالسعادة عندما يسر أخر ....ولو بنكتة
الموضوع لا يحتاج الى جهد فقط مراجعة الرسائل الواردة فى الموبايل ...ومراجعة صحف ... فالنكتة هى الكتابة الوحيدة التى لا تتنمى الى .... كاتب معين .....هى مملوكة للجميع .... والضحكة يجب ايضا ان تكون مملوكة للجميع .....
اخيرأ لكم ودى دوما جميعا .........
وراجبكم
بغادىكــــــروريات (3) نكات]
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
نجو،،
إزيك،،
قاعدة أجي أقرا لي نكتة نكتتين في حاالة إنو واحدة من الإتنين ما مرت علي قبل كدة،،
شكراً بحجم كل ضحكة ضحكتها من جنك و غبا المساطيل،، لكن أحفظ لي عصام حق حكيهو ليك،،
و هدية ليك نكتة واحدة لأني لسة ا تميت النكات حقتك كلها ما عارفاها لو نزلت ولي لأ و ده وفقاً لي خطتي عشان ما أبذر و أضحك في يوم واحد،،
قالو مسطول مشي الحج،، الناس طايفين و هو طايف عكس الناس،، سألوهو يا زول مالك طايف عكس الناس؟ قال ليهم عندي طوفة زايدة داير أمسحا،،
سوميتا
| |
|
|
|
|
|
|
|
|
|
Re: كروريـــــــــــات (2) مسطلة (Re: Soumeta)
|
ناجي
و الله انا لا بعرفك و لا انت بتعرفني لكن الله يكتلك .. آآآآآي .. عديييييل كدة
ياخ كتلتنا ياخ
Quote: مسطول سالوه ما اصغر شئ في الدينا
قال ليهم
شامة في ضهر نملة |
بعدين دي مااااا بتشبه القاعدة في موبايلي دي
Quote: استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق |
طر.. طريق؟؟؟؟؟ وحات الله دي احسن حاجة انا اشوفا في البورد دا لي كم يوم
ياخ عليييك الله يا ناجي دي الكلمك بيها منو؟
دي احسن نكتة انا قريتا في الدنيا
| |
|
|
|
|
|
|
|
|
|
Re: كروريـــــــــــات (2) مسطلة (Re: omer ibrahim)
|
عمر ابراهيم .........
Quote: و الله انا لا بعرفك و لا انت بتعرفني لكن الله يكتلك .. آآآآآي .. عديييييل كدة
ياخ كتلتنا ياخ |
عليك الله بتعارف بعدين قرر أنك تدعى على .....بس والله
عجبتنى الصلعة ....شكلها من فوق ....عاملة زى عوامة الصهريج
ما تزعل ..... .............وخلينا اصحاب من اسى
| |
|
|
|
|
|
|
|
|
 Re: كروريـــــــــــات (2) مسطلة (Re: Soumeta)
|
| Quote: جنك و غبا المساطيل،، |
دى ما بالغتى فيها .....استحالة يكونوا اغبياء
Quote:
قالو مسطول مشي الحج،، الناس طايفين و هو طايف عكس الناس،، سألوهو يا زول مالك طايف عكس الناس؟ قال ليهم عندي طوفة زايدة داير أمسحا،،
|
كمان بتشفى ....
بدون مجاملة ....
اسعدنى جدا .... دخولك ....يا صديقة البعد
| |
|
|
|
|
|
|
|
|
|
Re: كروريـــــــــــات (2) مسطلة (Re: abdalla BABIKER)
|
ياخي جننتنا جن أحمرررر
انا خايفوا يبقي جن أخدر
وتبقي الحالة سعبة يا مان
ياخي انا من نضاراتك ديل اقول
شفتك وين
والله من الصباح اقول الوش دة ما
غريب علي
تكون ساحبنا داك ؟؟
واللا بعد ما دوّرنا خليتنا وفكيتنا
عكس الهواء؟؟؟
| |
|
|
|
|
|
|
|
|
|
Re: كروريـــــــــــات (2) مسطلة (Re: Abdalla Gaafar)
|
عبد الله جعفر
تحية ليك اولا......
اغرب حاجة ...انى حسيت قبل ما انزل البوست ... انو البوست ده ما زمنو والزمن غير ملائم ....
احتمال انى اضايقت من شكل البورد والحاصل .......ونزلت البوست ...بعد شوية تعب .... لكـــــن ...
الحمد لله الاحساس تلاشى ....تماما
وحقيقة يطرشنى كان انسطلت .... وزى ما بقولوا ده حالى بدون سطلة ... كان اسطلت كيف
ولك كل الود
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
سلامات
وعوافي
| Quote: اغرب حاجة ...انى حسيت قبل ما انزل البوست ... انو البوست ده ما زمنو والزمن غير ملائم .... |
تتخيل ياناجي انك عملتا فينا خير شديد فكلما الواحد يزهج من جو البورد ويقول يطلع يتذكر كروريات مسطلة يقول خلاص نقرض علي الكرور دا ونشكرك علي البوست الجميل دا
ثم اسمعني ياخي ماتشحتفنا شديد اكتب لينا كتييييييييييييييييييير
نكات من بيت الكلاوي كدا وتسلم برضو
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
اتنين مساطيل بسطلوا فى البحر ويجوا يدخلوا دار الرياضة ...
يوم اسطلوا وماشين لدار الرياضة، جوا بالشارع الورا قدام الدايات
لقوا يافطة مكتوب فيها الوقاية ضد الإيدز الاول قال للتانى : ناس اتحاد الكورة ديل عاوزين يجننونا مالهم .......كل يوم جايبين لينا فريقين جداد
مسطول فتح التلاجة ... لقى صحن جلي بيتراجف ... قال ليه :ما تخاف انا عاوز اشرب بس ؟؟؟؟
جماعة مساطيل...قاعدين في بيتهم...دايرين يولعوا سجاره عاديه...لقوا الكبريت خلص...رسلوا واحد للدكان يجيب كبريت
داك مشي الدكان وجا راجع ساكت بدون الولعه
قال ليهم الدكان قفل لكن لقيت ست شاي مولعه المنقد...طيب ما كان تولع..؟؟؟ ارجع ليها
صاحبنا رجع..وجا تاني بدون ولعه..مالك؟؟
قال لقي ست الشاي قفلت...لكن لقي واحد في الشارع مولع سيجاره..!!!!؟ ارجع ليهو..؟؟
قالوا ليهو: لأ.. انت ما نافع...خلاص أطفي الشمعه دي معاك خلينا ننوم
مسطول مرته ماتت قالو ليه نديك أختها
قال يا جماعة نسابتي ديل شركة تامين ولا شنو؟
قال ليك في 2 مساطيل راكبين عربية واحد سايق والتاني قاعد بجنبه
الاول= اعمل حسابك في شجرة قدامك
التاني=شايفه
الاول=الشجرة
التاني=شايفة
الاول=الشجرة قولت ليك
التاني=ياخى ما قولت ليك شايفه
و طاخخخ صدموا الشجرة
البوليس جا لقه الكان بقول الشجرة هو الكان سايق العربية والتاني كان قاعد جنبه
قالوا ايام حظر التجول فى
واحد مسطول طلع جنب البيت وقعد فى العتبة
ولف ليه سيجارة كاربة وقعد
بعد شوية عربية الدورية جات حايمة
شافو الراجل قاعد مستكين
قام الضابط ساله
انت ياشاب قاعد تتحاوم مالك ماعارف فى حظر تجول
المسطول عاين للضابط وقال ليه
هسى القاعد يتحاوم منو
واحد كل يوم بالليل يولع سجارته الخضرا في البيت ،والمرة مستغربة الراجل دا سيجارتو مالها غريبة كدة
اها يوم الراجل ولع السيجارة كده الباب دق مشى يفتح الباب ... المرة شفطت ليك السيجارة كلها
ومشت ترضع الشافع ... قامت مسكتوا بالقلبة وترضع فيهو
الراجل رجع يا ولية السيجارة الكانت هنا وينا ؟
انت ياراجل خليك من السيجارة ... كدي تعال شوف الولد دا يقى كبير كيف .....
في شلة كل يوم يتسطلو مع بعض ويحكو نكت لقو نفسهم بيكرروا النكت زاتها
قاموا عملوا ارقام للنكت وبقوا يقعدوا يقولو رقم النكتة ويضحكوا
يوم واحد جاب معاهو ضيف. الضيف لقى الجماعة شغالين
نمرة 1
نمرة 18
نمرة 35
الضيف قام طوال خاشي في الونسة وقال 955 الجماعة كلهم ضحكو ضحك مبالغ فيهو
الضيف استغرب وقاليهم اشمعنى الرقم بتاعي ضحكم شديد كدة
واحد من الجماعة قاليهو دي جديدة اول مرة نسمعا
مسطول
باب بيته دق
كورك: منو ؟
رد عليه الضيف: انا حفيدك
اها قال ليه حتفيدني بي شنو؟؟؟
واحد مسطول سايق عربية قام واحد من اللساتك نزل في شارع سريع
جو الناس اتلمو فيه دايرين يتكلمو كده صاحبنا المسطول قال ليهم
هسسسسسسسسسسسسسس ولا كلمة اللستك نايم
وسلملم
| |
|
|
|
|
|
|
|
|
 Re: كروريـــــــــــات (2) مسطلة (Re: ناجى الزبير الملك)
|
قبل أن تتتلاشى ضحكاتكم أعزائ
Elmosley :اتمنى فعلا لو أن ما أسمعهو عن أبتعادك....ليس بحقيقة
عاصم الحزين: لك منى كل السعادة فى إنتظار الضحكة الساطلة ....
dreams: ياكرور .........وعجبنى ليك
عبير خيرى : عبير الطن ....اراك تحملين طنا من الأشياء الجميلة
مريم بنت الحسين : سيادة الرئيس المرتقب ....عشمى دوما ان تواصلى كتاباتك ......ولا تتوقفى فخيبة الأمل تتمدد فى الدواخل ... وتحجب الابداع
ودرملية : ارجو أن لا أكون قد ازعجت جيرانك ..... بضحكتك الرائعة
أبوالزفت : الا توافقنى القول (ليس من رأى كمن سمع )
zola123 زولة (موبايل خط) .....عشمى فى ان لا تفارقنا الضحكة أبدا
abdalla BABIKER :اسعدتنى مداخلاتك وتوضيحاتك .....
خالد : سلامك وتحاياك قد وصلت للملتقى .......وللأشقاء
سجيمان : استاذى العزيز أجد طعم الضحك دايما فى بوستاتك ......
تراث :لن يتمكن احد من سلبنا حقنا فى الضحك فشر البلية ما يضحك ...
Soumeta :صديقة البعد والوصال .......لك تحياتى بحجم وطنى السودان
omer ibrahim : اعزرنى فاننى قد حرفت فى الرسالة ولكنى لم ابتعد عن المعنى الا تؤيدنى فى ذلك .......
حبيب نورة : زميل الريدة .....
Abdalla Gaafar: الله يطرشنى ما انسطلت يوم ....ما مصدق
دباش : الفلسكاب ده بنجيبو من بلد المليون .......فلسكاباية ....
حنين للبلد : اتمنى ان يزول الحنين يوما ...... وتعودون جميعا ....
وتفرحونا بجيتكم
ابنوسى ......جيب معاك الفيل وان على النكات ....
سامى عبد الرحمن : الحمد لله البوست مرقك علينا .... يا كبابجى ....
انا العندى كملتو لحد الإنتهاء ....... وما فضل لى زول ما قدمتو ..... أنشاء الله بس ما أكون نسيت لى زول ....ما وصلتو الباب
تحياتى لكم .......وخالص ودى ......
وسلام
نــــــجـــو او كرور
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
يا ناجي جيتك تاني
مسطول سألوه قالو ليهو القطر مهم ؟ قال أكييييد مهم لأنه تحتو خطين
مسطول ماشي في شارع كلو حفر يقوم من دي يقع في دي قال علي الطلاق دي آخر مرة وبعدها بمشي البيت طوالي
مسطول جايي بالليييييل فتحت ليهو بتو الباب ، أداها كف قال ليها في بت محترمة تجي في المواعيد دي
مسطول متابع ليهو مسطول كل يوم بيشوفو جاي من البحر مبلولوة رجلو الشمال بس واليمين ناشفة قال إلا يشوف الحاصل شنو مشا وراهو لقاهو بعد ما يضرب السجارة بيطفيها في البحر بي رجلو الشمال
مساطيل جاعو رسلو واحد منهم قالو ليهو أمشي الدكان داك قال ليهم وأنا أعرفو كيف قال لو ليهو لف شمال بعدين يمين بتلقى الدكان ، لف وجاهم بي الشباك قال ليهم عندكم طحنية ؟ قالو ليهو لأ لكن اقعد رسلنا زول يجيبها
مسطول بخاف من مرتو قالت ليهو كان سطلت تاني بقتلك ، لقا الجو سمح والمطرة صابة مشا ضرب السجارة وجايي في الطريق وقع زي 5 مرات فتح راسو ، دخل البيت وجاب المرايا واللصق لصق الجروح ولف راسو بي عمّة ورقد .. صحا الصباح المرة بتهز فيهو إنت يا راجل ما قلت ليك ما تسطل تاني ؟ قال ليها القال ليك منو .. قالت ليهو عرفتك مما لقيت اللصق في المرايا
يا ناجي .. ياخ بجيك بكرة
طن
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
الاخ ناجى
النكته دى ضحكتنى لمن قربت اقع
| Quote: مسطول مشى يشتكي للدكتور:ـ كلما انوم احلم بكدايس بتلعب كورة اسوى شنو الدكتور قاليهو: بسيطة الليلة ما تنوم.. رد عليهو: الليلة بالذات ما ح اقدر لانو النهائ |
طبعا كتير من النكات مافهمناها لبعدنا الطويل من البلد.....
شكرا ليك
النصرى امين
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
ههههههههههههههههههههههههههههههههههه
طيب هاكم جاوبوا على الاسئلة دى
- كيف يعرف الجاسوس إذا نفد الحبر السري من قلمه؟
- إذا كانـت السباحة تحسن القوام وتجعله ممشوقا ، فلماذا الحوت شكله هكذا ؟
- إذا كانت الخضار والفاكهة تفيد في تخسيس الوزن ، فلماذا لم يستفد الفيل منها؟
- أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟
- لماذا الصمغ الشديد الفعالية لا يلتصق بالأنبوب الذي يحتويه ؟
- إذا كان العالم مسرحاً كما يقولون ، فأين يجلس المتفرجون ؟
- إشارة ممنوع المشي على الحشيش المزروع ، كيف وضعت في مكانها ؟؟ …… سؤال غبي جدا
- البطيخ الذي لا يحتوي بذور ، كيف تمت زراعته ؟
- نسمع كثيراً عن سرعة الضوء ، طيب كم تبلغ سرعة العتمة ؟؟
- لماذا لا يصنعون طعام القطط بنكهة الفئران ؟
- إذا ركبت دراجة هوائية فكل الطرق تتجه صعوداً والهواء في وجهك ....!!
- لماذا يعقمون الإبرة السامة لقتل المحكوم عليهم بالإعدام ؟؟؟؟ سؤال جميل أعجبني ... فعلاً لماذا ؟
طيب هذا سؤال أجمل منه :
- لماذا كان الطيارون الانتحاريون اليابانيون ( الكاميكاز ) يرتدون خوذة واقية ؟؟؟
- إذا كان السوبر ماركت يفتح لمدة أربعا وعشرين ساعة في اليوم لمدة عامٍ كامل ، فلماذا وضعت عليه الأبواب والأقفال ؟؟ ..
===============
طبعا منقول
لكن بالله الكلام الاحمر ده العندو ليهو رد يورينا
و بعدين السؤال الازرق ده انا شايفو منطقى جدا و لا كيف ؟
و شكرا و تحياتى اليك اخى ناجى
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
ناجي سلامات
محمد الامين, اسئلتك والله جميلة ومنطقية وآآدي محاولة
| Quote: - لماذا الصمغ الشديد الفعالية لا يلتصق بالأنبوب الذي يحتويه ؟ |
اعتقد ليه علاقة بالمادة البتغطي الانبوب من جوه
ولو اني ما عارفاها هي ايه بالتحديدد, لاكن اتوقع المسألة فقط تفاعلات كيميائية
وده بيتفاعل مع ده لاكن ما بيتفاعل مع داك 
| Quote: - نسمع كثيراً عن سرعة الضوء ، طيب كم تبلغ سرعة العتمة ؟؟ |
يمكن عشان العتمة هي الاصل والضوء شيء متغير (نظام يا قاعدين يكفيكم شر الجايين)
فحنشتغل بالناس القاعدو ليه, ما نشوف المتغير الجهجهم
| Quote: - لماذا لا يصنعون طعام القطط بنكهة الفئران ؟ |
دي ما لقيت ليها اجابة, الله اعلم
| Quote: - لماذا يعقمون الإبرة السامة لقتل المحكوم عليهم بالإعدام ؟؟؟؟ سؤال جميل أعجبني ... فعلاً لماذا ؟ |
اعتقد المفروض سبب الوفاه يكون المادة السامة في حد ذاتها وفقط
يعني ما عايزين سبب الوفاة يكون فيه عدوى ولا التهاب او خلافه
مع اني ما مقتنعة بموضوع الاعدام بالابرة السامة دي وعدم انسانيته
لكن لك الحق ان تتسائل !
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
تحية طيبة للجيمع
الاخت zola123
انا ما كنت متخيل القى رد، لكن شكرا
Quote:
Quote: - لماذا لا يصنعون طعام القطط بنكهة الفئران ؟
دي ما لقيت ليها اجابة, الله اعلم
|
طيب ده مشروع ظريف و فيهو مكسب كويس،
و خصوصا انو العالم اسه اكثر اهتماما بـ(الحيوان)
اما بخصوص الابره، يمكن عشان الدكاتره حالفين القسم حق الطب داك
عشان كده لازم يعقموا الابره، نظام شغل على ميه بيضه
اخونا ناجى
اهه شفت الاسئلة منطيقة و فى ناس بتجاوب
و هاك ديل على الماشى
*مسطول فتح محل سماه منجره الاقمشه الكهربائيه لحلاقه الاحذيه الطازجه
*واحد مسطول راكب طيارة خبط علي كتف المضيف، و سأل الحمام وين؟ قال ليهو الجهة التانية، خبط عالكتف التاني وسأل الحمام وين؟
| |
|
|
|
|
|
|
|
|
|
Re: كروريـــــــــــات (2) مسطلة (Re: محمد الامين احمد)
|
زولة ......موبايل خط
إزيك ....ومشتاقين عديل كده ....
محمد الامين احمد
Quote:
و هاك ديل على الماشى |
على الماشى شنو ...اقعد واحتكر البوست بوستك ...وامانة فى رقبتك ...
...انا مدروش الايام دى .....
الله يكون فى العون....
أمسك البوست ده على حسابك
....
....
سلملم
| |
|
|
|
|
|
|
|
|
|
Re: كروريـــــــــــات (2) مسطلة (Re: ناجى الزبير الملك)
|
شن بدوربك ....
شان أشاغلك.....
يا ام وشيشا زى شباشبك....
ما بسالمك ...
وما بكالمك....
والحمار شايل ملامحك...
والكلب قدوموا خشمك ....
مو شفايفك ...
يا كراعك سنبرية ...
لا فى حنة بترضى بيك ...لا محلبية
لا كحل يسكن عيونك لا روائح أجنبية
..... شايقى مسطول .....ومشوكش
ـــــــــــــــــــــــــــــــــــــــــــ
إبريق قديم فقد الأمل
ولابس زفاف من ريش غراب
سحلية عاملة محجبة يا خوفى من طير البقر يعمل
ضفور الديك شعار
زى فتة من غير كيس صعوط
...واحد مسطول ومفلس وشاعر
ــــــــــــــــــــــــــــــــــــــــــ
فيها أيه لو مرة مسطول قال شعر
عن السحالى ...الماشة موضة على الرصيف
عن ضب بساكك فى المعاش ....
لمن فتر
عن ديك بنقز فى الحبل ..... زى التقول مولود بكر
صارقيلة تتمطى ...وتقول يا رب :-
حنكون متر ....
| |
|
|
|
|
|
|
|
|
|
Re: كروريـــــــــــات (2) مسطلة (Re: المكاشفي الخضر الطاهر)
|
قاااااااااااااااعد ....
بس بقينا بنتاوق سااااااااااى .....لا حاجة لنا لزيادة...فى جرعة القرف
لكن
بعيدا ....عن ......اللطم ....والشتيمة ....ووووووووووو
كل سنة وانت طيب ....وإنشاء الله السنة الجاية أطيب
رسلتا ليك على الايميل وصلك ؟؟؟؟
| |
|
|
|
|
|
|
| |
Elmosley
عاصم الحزين
عبير خيرى
مريم بنت الحسين
ودرملية
أبوالزفت
zola123
خالد
اسامة الخاتم
سجيمان
تراث
Soumeta
حبيب نورة
mahitab barakat
Rastafarian
Dr. Moiz Bakhiet
محمد الامين احمد
المكاشفي الخضر الطاهر
Muna Khugali
فيس بوك
تويتر
انستقرام
يوتيوب
بنتيريست