سوميتا,,,,,, أمانة عليكى تحكى القصة

مرحبا Guest
اخر زيارك لك: 03-28-2024, 02:14 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة ناجى الزبير الملك(الملك)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-09-2004, 00:23 AM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
سوميتا,,,,,, أمانة عليكى تحكى القصة



    العزيزة سوميتا ارجو انو القصيدة تعجبك لانو باقى لى فيها حاجة بتخصك وبالمناسبة اسم القصيدة اصلا امانة عليكم وانا حاولت انى اكتبها لكن زى ما عارفة اخوك جنو وجن ((....))
    الله يكدب الشينة وكدى خليك من البرى الكتير ده واقرى القصيدة والدعوة مفتوحة لكل البورداب بس يحكو القصة



    كُنَّا تلاتة ...
    سطور القدر البينا بترسم قصة
    ومراكب أحلامنا ما معروف وين ترسى
    وقبل أيامنا تقول الكلمة ... كُنَّا بنحلم

    واحد بحلم بي جنة شوق ودعاشا يرفرف
    يغسل كل معاني التعب الفينا ويرسم لمحة
    بين الرشرش وبين الحاجب الراسمو الريد
    يمسح كل غبار اليأس القاتم وراسم لوحة
    في أفعالو وفي كلماتو
    بتلمح همس شموس الشجن الباقي
    إنو بيحلم كونو يطمئن ريد القلب الباكي
    يفتل حبل الوصل البين أشواقو
    وبين نظرات اليوم الجاي
    كان بيطمِّن في إحساسو
    وكان بيهدهد في أنَّاتو
    كان في عيونو ربيع الدنيا
    كان مسكون بي فرحاً بكري
    وكان بيغني
    كان بيغني غناوي الفأل لي بكرة
    كان مليان .... مليان لي حد التخمة
    أما التاني :
    كان مسكون بي حلماً واسع
    ما بتنازل عنو ولا بنساهو
    إنو فواصل الناس تتلاشى
    إنو يكون بيناتا معزَّة ... وأحلام عزَّة
    إنو قلوبها تصافح شمس أحلامها
    إنو عيونها تكلم بي أشواقها
    إنو البسمة ترف تخطب ود الناس
    إنو الضحكة الزفة الجاية عروس
    ويكون الشوق مرسال
    كان في صدرو بيحمل قلباً أخضر
    فرعو مبتق مالي الساحة
    كان في كلامو تحس بي راحة
    كانت يدو ندية وسنو ضحوكة
    كان كلماتو عفيفة ووشو صبوح
    كان ضحكاتو تغوص في نفسك
    تديك إحساس بالألفة
    أما التالت :
    كان في عيونو سكون البادية
    وطيبة سلف الخير الزارع وراجي حصاد
    كان خطواتو رزينة ...
    زي ما تقول بيراعي إحساس الأرض
    كان في كلامو ....
    شجن الهمس الما بتحمل بوح الكلمة
    كان الصمت رفيقو وبسكن بين كلماتو
    كان بيراعي إحساس الناس قبل إحساسو
    كان بيقضي حوائج أصحابو قبل حوايجو
    كان البسمة تطفر من شفتينو ...
    مع أوَّل نغمات ضحكات طفلة
    وكان بيغني ...
    دفء الصوت في غناهو يحدِّث
    ويملأ عيونا دموع محبوسة
    وحديثو كمان مرات بيبكي ... ويبكي معانا
    كان بيغيب مرات ولمن يتلقانا ...
    يفرد ضرعات الشوق ميدان
    وكان نتسابق لي أحضانو
    وكان الآخر بيلقى نفس إحساس الأول
    وكان في غيابو نحس بي شوق الأرض...
    الأرض الناشفة وراجية خريفاً ماهل
    ولمن نسأل : وين بتغيب ؟!
    كان يفرد أصبع بين الشفتين ...
    ويجمع ما بين بسمة وصرة عين
    ويقول : الدنيا مدار الهمسة
    وبكرة الهمسة بتصبح صرخة
    وإنو الصرخة بتخرب فعل الخير
    بنقول : الخير لي بكرة ؟!
    كان بيقول : حتى اليمنى ...
    ما حا تعرف إيه الحاصل من اليسرى
    وكُنَّا بنسكت وبين أضلاعنا أمان الكلمة .
    كُنَّا تلاتة ...
    بينا الحب والشوق والإلفة ...
    زي نضم الخيط بين حبات السبحة
    وكان بيناتنا بِنيَّة ...
    لون القمح الأصفر لونا
    كان تقسيم كلماتها تقول أنغام
    كانت طيبة ...
    طيبة تكفي جيوش متحاربة ...
    وتزرع بينها سلام
    لون أسنانها... ولون أفعالها
    ولون الخافق بين أضلاعها
    لون لوز القطن الفتح دابو وراجي حصاد
    كان البسمة البين شفتيها تقول الشهد
    نغم الضحكة لمَّا تطفر من شفتيها
    خرير الساقية ساعة الهجسة في نص الليل
    جمال أوصافها ...
    وطهر عفافها ... في أروع روح
    كان في عيونها عطاء الأرض البكري الزارا النيل
    وخلَّف فيها خصوبة الطين وبذر الخير
    عطر أنفاسها ... دُعاش المطرة الضحوي
    وريحة بسمة فال
    كُنَّا نحب النظرة الرائعة الفي عينيها
    كُنَّا تلاتة ...وبينا بنيَّة ... وواحد رابع
    كان الرابع طينة براهو وما بشبهنا
    جسمو متين ووشو وسيم
    ورايو مشكَّل حسب الحاجة
    وما بعرف إلا الدايرو
    كان لعَّان يلعن طوب الأرض الجنبو
    ودائماً عاقد حاجبو لما الوش ...
    إتشكل زي ما تقول غضبان
    كان بيحاول يكون رابعنا ونحن أبينا
    وأوَّل يوم نسمع من شفتينو الضحكة
    لمن حجراً غادر شقَّ جبين البِتْ
    البِتْ اللون القمح الأصفر لونها
    كان الدم والدمع المالي وجيها
    وكان الغيظ المالي قلوبنا
    وكان ضحكاتو تمزق سحر الصمت الجمَّع بينا
    وإنو الحدث الشقَّ جبين البِتْ
    البت اللون القمح الأصفر لونها
    زاد الحن والحب العامر جوة قلوبنا
    كُنَّا نخافو ... وكان بيخافنا
    كان بيخاف الألفة البينا ...
    وحبل الوصل المدَّ جسورو وصنع الحب
    كان بيخافنا جماعة ويخاف الحب الظلل بينا
    كُنَّا نخاف الحاجة الغامضة التظهر ...
    في عينيهو لمن يغضب
    كُنَّا نخاف الحقد البظهر في كلماتو
    كان يكرهنا وكان في قلوبنا الشفقة عليهو
    كُنَّا تلاتة وبينا معزَّة
    ونحمل فيض الحب للبت الإسمها عزَّة
    ولون القمح الأصفر لونا
    كان الأول ... بيشوف التاني الأجدر
    وكان التاني ... بيشوف التالت أفضل
    وكان التالت ... بيشوف الأول أعزَّ
    وكلنا نحمل فيض لحب للبت الإسمها عزَّة
    وكان البت بتحب التالت فينا وما بتتكلم
    ودارت بينا الدنيا ... واتفرقنا
    ومرت بينا سنين وسنين ... واتقابلنا
    إتقابلنا غبار الزمن الأغبر فينا
    وغربة غريبة اتنسجت في لمحاتنا
    حالنا أتغير وأتغيرنا
    أما الأول :
    فوق لهجير الصيف ...
    في عز برد أمشير ...
    تحت سياط المطرة ...
    في عينيهو النظرة الزائغة ...الخوف والرهبة
    وفوق لعضام الجسد الضاوي ملابسو
    ملابس بالية ... كمان متسخة
    أضافرو الطالت ... شعرو مبرم
    يقعد يكورك :"يمة أقيفي ... ويابا أخوي
    ويلعن يوم الخلَّى أخوي يبيعني
    ويشرب تمني ويلعن زمني ويلعن يوماً جابني "
    أما التاني :
    كان مكسور ...
    كان لمحات الذل الفي عينيهو ...
    نظرو مثبت بين أقدامو
    ضهرو المحني من حملاً شايلو
    حمل أخوانو ... أبوه وأمه
    ومرتو الحامل ... كوم أولادو
    وذل الحاجة الكسر العِزَّة الفيهو
    كان بعرف الصاح ويقدر يقولو
    كان بيعرف الشين ويكره زولو
    إلا لسانو اتلجم وبصرو إتغضَّ
    من خوف الكلمة الصاح ...
    تقطع حبل العيش ويضيع أولادو
    أما التالت:
    كان مسجون بي أمر الوالي
    كان التهمة إنو بحاول يزيل طبقات الناس
    إنو بيعمل ضد السلطة
    إنو بوزع ثروات البلد الضايعة على أولادا
    وقال الوالي : تهمته إنو بلم أطفال الحلة
    ويزرع فيهم قولة "لا" للسلطة
    إنو بينسف استقرار الحي
    وكونو يوري الصاح للجاهل أكبر غلطة
    إنو كتير إتحذر ورافض يسمع
    وفجأة .. في نص الليل ...
    جات عربية البوكس أم عشرة
    وتلب منها عشرة رجال ..فِتْ..فِتْ..فِتت فِتْ
    كسروا الباب وساقو التالت
    رموه بقوة على صندوق البوكس
    كتفوا أيدو وكمموا خشمو وغطوا عيونو
    ناس الحلة ... رجال الحي ... كل الشفع والحروم
    كان ماخداها الشفقة عليهو
    وما في إيدا غير الفرجة
    أما التالت كان ماخداهو الشفقة على العشرة
    كونها تظلم نفسها تظلم ناسا تزيد الظلم
    وفي زنزانة ... وقضيبها القاسي ...
    والأرض بلاطاً رطبة
    بين كم سرَّاق .. وكمين قاتل .. ومناخها الخانق
    إتوسد إيدو ونام ...
    نام وحلم بي دنيا نضيرة وعادلة
    فيها الناس متوافقة وفيها الخير موفور
    وفيها الرحمة أساس للعدل
    وفيها العدل أساس للرحمة
    حلم بي دنيا عطوفة على الأطفال
    وفيها حدائق جنة وصحة ومال
    وفيها المشفى بديل للمنفى
    وفيها الطفل اليولد هسي
    ليهو مكان في الدولة
    وقبل الدولة قلوب الناس
    دنيا تخاصم الخوف وتهجر الجوع
    دنيا تحاسب الطاغي
    وتقدر تكسر بغي الباغي
    دنيا ... فيها الشر مهزوم
    والخير طلابه عموم
    حلم بي دي الدنيا ....
    وأول قام من نومو لمة الناس الحولو
    وقنب يعلم فيهم : إنو السرقة حرام ...
    كونك ترفض تعمل وتسرق مال من غيرك ...خسة
    كونك تقتل نفساً زاكية رضية ... اكبر غلطة
    أوعة تغش ... أوعة تكضب ...
    وعمِّر ما بينك وبين الخلق وبين الخالق
    أما البت اللون القمح الأصفر لونا
    جاها عريس ...
    عريس موفور بالمال ... والصحة ... السلطة
    صاحب اطيان وعمارات
    ونص شركات البلد الهامل
    أمرو مطاع في الدولة ... أصلو الوالي
    عارفين مين الوالي ؟! ... كان الرابع فينا
    نفس الشكل السبناهو عليه وزاد الصحة
    زاد المال وجاب السلطة و...
    داير البت الإسمها عزة
    ويومها الرفضت ... في نص الليل
    جات عربية البوكس أم عشرة
    فاتت ... جات فاتت ... جات
    فاتت ... جات
    وفي اليوم الرابع وافق أبوها وحدد يوم للزفة
    وفي داك اليوم والخلق خلوق متلمة
    وكل الناس تتكلم عن حظ البت الاسمها عزة
    ولون القمح الأصفر لونها
    خرجت زفة ...
    زفة .. في اللون الأبيض وماها زفاف
    أصلو البت اللون القمح الأصفر لونها
    أبت الوالي ورضت الزفة ...
    لدود الأرض .. طوب الأرض ..
    طين الأرض
    في الكفن الأبيض ... في أحلى عفاف
    اصلها شربت صبغة عشان الموت ما يكون
    الحاجز العندو بقيف الوالي
    وفي اليوم التالي قال الوالي :
    إنو البت خوف العار شربت صبغة
    أصلها حامل من التالت
    وزادوا عذاب التالت ...
    وضيق التالت ...
    وزاد الصبر العندو
    ودارت بينا الدنيا
    وهسي قدامي تلاتة أطفال وبينهم بت
    لون الدهب الأصفر لونها وواحد رابع
    وحجراً غادر شق جبين البت
    اللون الدهب الأصفر لونا
    أما الرابع قنب يقرقر ...
    وفي دي اللحظة ...
    لميت الشفع وحكيت القصة
    وقبل تتم جاني البوكس الفيهو العشرة
    وهسي أمانة عليكم يا السامعين
    الشافلو تلاتة أطفال
    وبينهم بت وواحد رابع إنو يتم القصة
    وإنو يحذر باقي الشفع من الرابع
    أو بس يحكي القصة
    وأمانة عليكم ....احكو القصة



    مع تحياتى
    كرور افندى
    او زعيم الكروراب

    (عدل بواسطة ناجى الزبير الملك on 04-09-2004, 00:30 AM)
    (عدل بواسطة ناجى الزبير الملك on 04-09-2004, 00:37 AM)
    (عدل بواسطة ناجى الزبير الملك on 04-09-2004, 00:44 AM)
    (عدل بواسطة ناجى الزبير الملك on 04-09-2004, 00:51 AM)
    (عدل بواسطة ناجى الزبير الملك on 04-10-2004, 02:17 AM)

                  

04-09-2004, 04:10 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    كلنا ننتظر هذا المدعو المطر
                  

04-10-2004, 09:29 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    نــــــــــــــــــــــــــــــــــاجي،،
    أنا جايه راجعه تاني بعد شويه للكلم الصعب ده،،
    ده طبعاً ما وعد بي أي شي غير المعاوده ،،
    خلولي البوست ده هنا ده بس،،

    فاتت عليكم يا الماقريتو و ما بكيتو،،

    أنا أصلو خلاس فتر،،
    بدون إمضاء عشان أنا راجعه،،
                  

04-10-2004, 11:23 AM

حسن الملك
<aحسن الملك
تاريخ التسجيل: 06-16-2003
مجموع المشاركات: 725

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: Soumeta)

    سوميتا وزبير الملك (الكرور ده شنو... يالروعة كروركم)
    لا ادري ماهو الذي شدني لهذا البوست .. صلة رحم .. ام شعر .. ام كرور ..
    ننتظر ....
                  

04-10-2004, 02:57 PM

مناهل محمد الحسن

تاريخ التسجيل: 02-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    الاخ/الزبير الملك

    القصة عاد ما حكيها صعب ... بالحيل
    والبحكيها .... مفقود ... مفقود
    بس عاد حافظينها
                  

04-11-2004, 00:44 AM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: مناهل محمد الحسن)


    القصيدة انا ندمت عليها كان الواحد يخليها شوية بس والله رايكم سنو

    (عدل بواسطة ناجى الزبير الملك on 04-11-2004, 02:40 PM)

                  

04-11-2004, 00:44 AM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: مناهل محمد الحسن)

    العزيز حبيب نورة ارجو فقط ان لا نمل الانتظار فنحن شعب اصبح اكثر اكثر ما يميزه السخط
    ولك التحية
    حسن الملك
    وهنايجب ان اتوقف لانو الحكاية جابت ليها صلة رحم مع انو انا عارف انى شايقى وانت دنقلاوى والله يا حسن انا فترت من الاسم ده اول ما تقولوا يقولوا ليك انت دنقلاوى لى عودة معاك لكن على طرافى شوية بعيد من الناس
    مناهل
    القصة عارف انو حكيها صعب (عشان كده بقولوها للشفع ) ارجو انك تكونى فهمتها صح عشان ما ناقصين كرور زيادة على سوميتا

    وانتى يا سوميتا الايام دى ايام فصل ساكت اعملى حسابك وابقى عشرة
    ولى عودة
                  

04-11-2004, 00:44 AM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: مناهل محمد الحسن)

    سوميتا بجيك بكرة عشان ارد ليك برواقة
    ابقى عشرة
    كرور

    (عدل بواسطة ناجى الزبير الملك on 04-11-2004, 01:31 AM)

                  

04-11-2004, 00:58 AM

Soumeta
<aSoumeta
تاريخ التسجيل: 10-17-2002
مجموع المشاركات: 1733

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    حقيقي الفصل كتر اليومين،،
    فصل الدين،،
    شمس الدين،،
    فصل الريد،،
    فصل الدين عن الدوله،،
    فصل الدين في الدين،،
    إنت قصدك ياتو فصل يا نجو؟
    و أنا لسه ما جيت،،،

    أما فصل القصه ده كوم براااااهو،،

    برضو ما رجع،، يا قول أهلك الشايقيي

    (عدل بواسطة Soumeta on 04-11-2004, 01:00 AM)

                  

04-11-2004, 02:55 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: Soumeta)

    سوميتا
    القصيدة بعنوان
    امانة عليكم
    من ديوان اينا الحب والوطن
    المؤلف كمال الدين بخارى
    هو الهداهو لى يعنى ما سرقت حقوقوا مع انو كاتب لى اهداء زى وشو
    على العموم انا شكلى حنزل القصايد كلها لانها عاجبانى شديد رايك شنو

    مع تحياتى
    كرور افندى
                  

04-12-2004, 11:57 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: Soumeta)
                  

04-14-2004, 11:52 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    كرور
                  

04-19-2004, 03:16 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)


    سوميتا حليلك انتى وين
    كل سنة وانتى طيبة مقدما
    كرور

    (عدل بواسطة ناجى الزبير الملك on 04-25-2004, 00:07 AM)

                  

04-19-2004, 03:32 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)
                  

04-25-2004, 00:04 AM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)
                  

05-07-2004, 11:50 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    سوميتا
    فاقدنك جد
    لكن عزانا فى الشوفة بعد ما ترجعى او تجى البلد دى
    شدى حيلك (اخر البليلة حصحاص) والله مو كده
    كرور
                  

05-08-2004, 00:12 AM

المسافر
<aالمسافر
تاريخ التسجيل: 06-10-2002
مجموع المشاركات: 5061

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: ناجى الزبير الملك)

    يا ربي ده الزبير حمد الملك
    يا ربي ولاده كبروا كده
    ظاهر علينا عجزنا
                  

05-11-2004, 11:10 PM

ناجى الزبير الملك

تاريخ التسجيل: 03-30-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سوميتا,,,,,, أمانة عليكى تحكى القصة (Re: المسافر)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de