يوم دامـــــــى

Quote: قوات الامن لم تبدأت بحفظ الامن الا بعد أن طال الخراب كل شئ ولمحت عربة تحمل علم الحركة ....تحاول تهدئت الموقف

Quote: قوات الامن والشرطة منذ الليل قد اخذت مواقعها فى اخرطوم وبحري وامدرمان ولكن انت تعلمين هولاء القوم ينتشرون فى كل البقاع بل ويطوقون العاصمة من كل الجهات

Quote: وده الغايظني انا وموترني وحارق دمّي.. ناس الحكومة ديل عارفين الخبر ده من بدري.. وعارفين انه الخبر ده حيعمل حالة من التوتر .. أقل شي كانوا يستعدوا للأمر ده.. ولا هم لا يمكن يعملوا ليهو شي صاح أصله!

Quote: دى حكومة دى؟؟ ... دة اتحاد طلبة ... حكومة المراهقين هده...

Quote: وا وجعي عليك يا بلدي،،

Quote: يا تراجي قلتي قرنق مات مكتول في وجهة نظرك المتواضعه جدا الكتلو منو ؟؟؟

Quote: ناجي .. حمد الله على سلامة الجميع .. اتطمنت على ناس البيت بعد كل المحاولات الفاشلة للاتصال .. اصغر اخواني .. يسكن مع ابن عمي في سوبـــا من صباح اليوم إلى الآن احاول الاتصال بيهو دون جدوى .. اتصل الصباح على ناس البيت الآن الوضع مختلف تماما معاي .. وليل الغربة الله لا وراك ليهو ... ربنا يحفظكم والجميع ..

Quote: الملك حمد لله على سلامتك ارجوك لا تتجول ولا تهتم بالتوثيق سلامتكم اهم. الامن منفلت كليا.

Quote: كان يمكنهم اغلاق المدارس اعلان حالة الطوارئ منع الباصات من التحرك من الاطراف للمركز لكنها لم تفعل. فارخص ما عندها ارواح مواطنيها.

Quote: وده المجنني.. ياخ لو قتلوهو او ما قتلوهو.. ما غريبه عليهم.. لكن ان يجعلوا الانفلات الأمني يحصل بالصورة دي.. كان أخير يمرقوا يقولوا قتلناه!! ليه، على علمهم بالأمر من بدري ما اتخذوا التدبيرات الهم بعرفوا ليها كويس... بعرفوا شنو هم غير حظر التجوّل وقبّيض الناس ونشر البوليس في الشوارع.. ولاً حسي راح ليهم...!!

Quote: عرس أبى أن يكتمل جرح أبى أن يندمل فرح تغشته المنية واعترته يد الخطر أمل هوى بيد القدر أسفي لحالك يا وطن ويحي.. فماذا أحتمل!!؟ ... ماذا دهاك!؟ من هدّموك دفنتهم وقبرت حتى من سعى لبناء مجدك.. ما بلاك!؟ يا أيها البلد الذي.. يخفي.. (محافير) المواسين الذين أتوا ليساعدوا في الحفر يا أيها الشعب الذي.. يدمي تعابير المساكين الذين أتو ليوسعوا في القبر يا مستميتا في البكاء يا مستلذا بالبلاء أو لا تمل من الهلاك؟! يا موطني ما ذا دهاك!!؟ ود عقيد

Quote: المصيبة تكمن فى ان هذا اليوم هو اول يوم فى أيام الشهر ..... ..... الناس لم تصرف اى نقود يواجهون بها مطالب المعيشة أغلبية المنازل تشترى الكهرباء فى اول الشهر لكونها مدعومة حتى ال 200 الاولى من كل شهر والان مظلمة بطبيعة الحال لكون الاماكن الحكومية مغلقة المتاجر مغلقة والصيدلايات والمستشفيات امتلأت و

Quote: أعتقد أن الحكومة ارتكبت خطأ فادحا بعدم الاعلان الفوري والمشترك بينهم وبين الحركة الشعبية على مستوى القيادات العليا لتفادي هذه الانفلاتات الغير مبررة والضارة حتى برؤية الزعيم الراحل للسودان

Quote: نعزيكم وأنفسنا في جميع الضحايا وربنا ياخد بيد الجرحى والمصابين ..