|
|
 مشاهدات من السودان (نبش جثمان لشخص مقتول فى مقابر أحمد شرفى)
|
شاهدت فى سفرتى الأخيرة للسودان ، شىء عجيب ومحير ، فقد وصلت السودان يوم الأربعاء من الأسبوع الفائت وكانت مناسبة زواج شقيقى تبارك يوم الخميس ، وفى صبيحة نفس يوم الزواج يوم الخميس قررنا أنا وتبارك وشقيقتى أميمة حيث كنا غائبين عن البلد لفترة أن نذهب لمقابر أحمد شرفى لزيارة قبر الوالد المرحوم الأستاذ شيخ الدين جبريل ، ورتبنا أيضا لذهاب العروس معنا ، وبالفعل إتجهنا مع مجموعة من أقاربنا وذهبنا للقابر ،
الحقيقة ، هنالك شاهدت شيئاً عجيباً ، ولمّا يمضى على وصولى للسودان سوى 24 ساعة تقريبا أو أقل قليلاً ، شاهدت خيمة مضروبة حول قبر فى منتصف مقابر أحمد شرفى ، وأمام الخيمة نقالة فى شكل طاولة ، ومجموعة من العساكر محيطين بالخيمة والقبر ، وكان هنالك طبيب ايضاُ ، وعند وصولنا لقبر الوالد تحولقنا حول القبر وبدأنا فى قراءة الفاتحة والدعاء له ، ولم نكترث لمنظر العساكر والخيمة ، رغم إستغرابنا الشديد ، وما كانت سوى لحظات قليلة إلا أن أتانا رجل يلبس جلباباً أخضر أتى مهرولاً نحونا ، وسألنا ماذا تفعلون؟ فأجبناه ، ثم سألناه بدورنا ما هذه الخيمة وما هذه الشرطة فقال ، يا جماعة أنا شغلتى هنا هى دفن الموتى ، وهذا الذى ترون هو قبر لشخص متوفى دفنته بنفسى قبل حوالى شهر ، والجماعة الموجودين ديل هم ناس الشرطة ومعاهم طبيب ، وهم يحققون فى قضية قتل ، والضحية هو هذا الرجل المتوفى الذى أصابه المجرمين بفرار فى رأسه أودى بحياته ، وقد ألقت الشرطة القبض على بعض المتهمين ، وكان الرجل المتوفى قد قام بعض قاتله فى يده حتى كسرت منه سنان إثنتان ، وقد وجدت الشرطة الأسنان فى مكان الحادث ، وقد أتوا الآن لنبش الجثمان للتأكد من وضع أسنان المرحوم والذى هو الدليل القاطع لإدانةالمجرم
دحين يا وليداتى ، إنتو معاكم عرسان ، وأبوكم الله يرحموا ويغفر ليه ويجعل مثواه الجنة ، نصيحتى ليكم تمشوا من هنا بسراع ، عشان بعد شوية حا تشموا ريحة عفنة شديدة ، ودى حاجة للعرسان ديل ما كويسة ، الناس دى خلاص قربت تصل الجثمان ، أمشوا من هنا قوام قوام الله يرضى عليكم يا وليداتى
وبالفعل ما كان منا إلا أن غادرنا على عجل ، حتى لا يتأثر العرسان بهذا الحدث ، وهرولنا نحو العربات نغادر المكان سريعاقبل أن نشم أى شىء يذكر
وكانت هذه هى الحكاية الأولى.
|
|
 
|
|
|
|
|
|
|
 Re: مشاهدات من السودان (نبش جثمان لشخص مقتول فى مقابر أحمد شرفى) (Re: يازولyazoalيازول)
|
الاخ / يازول ،،، تحية طيبة وحمدالله على السلامة ومبروك للعروسين
نخش في الموضوع ،،،، يا أخي انت كل مرة جايب لينا حاجة تجنن ،،، مرة جان رأيته بعيني
ومرة جثة طلعوها وكنت شاهد ،،، وفي البوست بتاعك صورة جني بتاع ظار ،،، وشي عجيب
بعدين أنا كل جدودي مدفونين في مقابر أحمد شرفي ،،، خايفك يوم تقولي شي ما أكون عامل ليه حساب
جننتني يازول ،،، ودعتك الله
تحية خاصة لمباشري اجراءات التحري في مقتل الرجل وفعلا دا كلام صاح ( المجرم يكون خلاص قبضوا )
لانو دا دليل قاطع .
تحياتي يا زول
ود الأمير ابوجكة (بس الامير ابوجكة مدفون في ام دبيكرات )
| |
|
|
|
|
|
|
|
|
|
Re: مشاهدات من السودان (نبش جثمان لشخص مقتول فى مقابر أحمد شرفى) (Re: يازولyazoalيازول)
|
هشام الزول ،،، كيف قيلت
زمان كان عندك صورة يمكن لولدك ،،، الكلام دا قبل ما نمتلك عضوية المنبر
وبعد ما بقينا اعضاء جبتا لينا شواطين وجنون ،،، وجثث منبوشة ،، وصور على البوست يا ساتر استر
يأ أخي انت جننتنا عدييييييييييييييل ،،، لكن الله يهديك سيب الناس ديل في حالهم ( الشواطين والمجانين ديل )
وشوف حظك العجيب دا ،،، ناس التحري في قضية القتل ما ينبشوا الجثة إلا لمن يجي هشام الزول وأخوه العريس ،، ومن سفر كمان ،،،
كان يخلوكم تشيلوا الفاتحة في ابوكم برواقة وفي جو مفعم بالابوة والبنون ،،، لكن الله يجازي محنهم .
ود الامير
| |
|
|
|
|
|
|
|
|
|
Re: مشاهدات من السودان (نبش جثمان لشخص مقتول فى مقابر أحمد شرفى) (Re: يازولyazoalيازول)
|
أخي العزيز الزول هشام
لك كل الود ،
وألف مبروك على العرسان ،
وعقبال ليك ولينا (كان في العمر شجاعة !!)
وشآبيب الرحمة على والدكم الراحل ،
بعدين باقي ليك الزول المدفون ليهو أكتر
من شهر بكون فضـَّـل فيهو باقي عفنة عشان تطلع ،
وقطعاً إن كان صالحاً فإنه نادراً ما تطلع منه
رائحة ، وإن طلعت فقد تكون زكية وعطرة ، و
يحضرني في هذا قصة وفاة والد نسيبي (زوج أختي)
والذي هو من أحفاد ابو قرون ، وكان شيخاً تقياً
ورعاً (ولا نزكي على الله أحداً) ، يجوب الفيافي
والقفار ما بين أم ضواً بان وحتى البسابير ، ضواحي شندي
أحياناً راجلاً وأحياناً على ظهر أي دابة ، ولا أقول
سيارة ، يدرس القرآن في عدة خلاوي في تلك المناطق
وكان أن أدركته الوفاة وهو يتنقل بالخلاء ما بين حجر العسل
والبسابير ، وكان قد نام أو ارتاح تحت ظل شجرة ، ويبدو أنه توفى
أثناء نومه أو رقاده ، وعندما عثر عليه بعضاً من أهله
ممن كانوا يبحثون عنه بعد اختفائه ما بين الخلاوي والمناطق التي
يرتادها عادةً ويتجول ما بينها ، وجدوه تحت ظل إحدى الأشجار الصغيرة،
وكانوا يحسبونه نائماً ، وطفقوا يحاولون إيقاظه ، دون جدوى ،
وكان جسده طرياً لينا ولم ينتفخ ، ولم تطلع منه أي رائحة ،
وهذا مادفعهم للاعتقاد بأنه نائم أو مغمى عليه لسببٍ أو آخر ،
ثم حملوا الجثمان الطاهر للمستشفى حيث عرفوا هناك
من الأطباء أن والدهم الشيخ متوفي منذ أكثر من خمسة أيام ؟!!
دون أن يتحلل جسده أو يتعفن أو تطلع منه أي رائحة كريهة !
وهذا وحده دليل على صلاح الرجل ونقاء سريرته وتواصله مع ربه .
( أو هكذا قد علمونا).
وأذكر أن قد قرأت في هذا المنبر قبل فترة ليست بالبعيدة
أنه قد تم إزالة بعضاً من قبور مقابر بري لسببٍ ما لا أذكره
وكان من ضمن القبور التي أزيلت قبر فتاة قيل أنها تزوجت
وماتت بعد زواجها مباشرة ، وكان ذلك قبل عام من إزالة
القبور المعنية ، ووجدوا جثتها وكأنها قد دفنت قبل ساعات
وليس قبل عام ، وبذات شعرها والحنة مازالت في يديها ورجليها
وجسدها لم يتحلل ولم يتعفن وكأنها عروس نائمة !! سبحان الله .
و .. وكنت أحسب أن تصوير المقابر لا يجوز ، وإلا
لكنت قمت بتصوير مقابر الجيلي والتي زرتها مطلع الشهر الجاري
أثناء إجازتي القصيرة للسودان حيث ترحمت على أمواتنامن أهل
بيتي (الوالد والوالدة والأخ والأخت) بجانب بقية الأهل من أمواتنا
وأموات جميع المسلمين فيها . نعم ، كنت على الأقل صورت قبر
جدنا الكبير (الشيخ الجيلي - سيدالاسم ) ، وقبره طويلاً جداً
وكذا قبر جدنا الزبير باشا رحمه ، عليهم وعلى جميع الأموات
الرحمة والمغفرة .
و لك مودتي ،
( ليمو )
| |
|
|
|
|
|
|
|
|
|
Re: مشاهدات من السودان (نبش جثمان لشخص مقتول فى مقابر أحمد شرفى) (Re: يازولyazoalيازول)
|
هشام
تجياتى ومبروك للعرسان وعقبال البكارى
Quote: تالت حاجة: أجمل حاجة في بلدنا هو قوة المباحث السودانية
ودي حقيقة يعرفها القاصي والداني
فقليل هي الجرائم التي لا تجد لها حلا |
بلحيل يا بيلو
والله الجرائم المقيدة ضد مجهول عدد الكواكب والنجوم!
مباحثك البتعذب الكديس عشان يعترف انه كلب!
متابع محاكمة محمد طه والتعذيب الحدث والاعترافات بسببه والتسعة الذين تمت تبرئتهم لعدم كفاية الادلة!
وهسة مباحثك البتنبش فى جثة ليها ستة شهور كانت وين!
والعضة التانى منو واثار العض فى منو والعض فى اللحم ولا العظم والى متى تظل اثاره!
دا كان ما نبشوا ليهم قبر تانى!
وناس ديل المرات البنجوا فيها الكشف عن الجريمة بكون بسبب تخلف الجريمة واللسان الفالت حق السودانيين خليهم يمشوا ايطاليا والله الا يكشفوا فى الحفلات!
جنى
| |
|
|
|
|
|
|
| |
يازولyazoalيازول
عز الدين بيلو
ياسر الامير ابوجكة
ismeil abbas
abdulhalim altilib
jini
Mohamed Ahmaed Olyesh
فيس بوك
تويتر
انستقرام
يوتيوب
بنتيريست