|
هدية "رباح الصادق" ل"ود العمدة" بمناسبة زواجه وأفراح الأمة عديلة ضاوية :أبشرو بالخير
|
عمــدة اطيانو من بحر الفهم ساقيهــا وساقيتو التجرّق لي بلادنا تقيـــهــا زرعا طاب وفرهد يطرب الشاقيهــا يا مولاي سعادتو تدوم ويصفى نقيها
خوي يا العمدة خوي فيك بتحق الشكــــــرة خوي يا العمدة خوي الدخري لي يوم بكرة يا بحر الصفا يا الما بتشوبك عكـــــــــــرة يا اب قلما سنين بارياه زينة الفكـــــــــــرة
سار كدي يومو داك من الحجاز بي روحو وما حجزو البعد.. طاف بينا تبرا جروحو لي بيت الفتوح بالبركة يبني صروحـــــو فالو هنا وسرور من بابو قط ما يروحـــو
يا العمدة الحبيب فرحك غشانا حبابو نادينا الطرب بـــي بنقزو وبي ربابو يا زينة شباب الأمـــــة واسط احبابو مبروك الجديد يا ربي تتهنــــابـــــو
مــولاي الكريم العمدة يوت يتعلى البركات تصب يوماتي ما تتــولى ذرية السرور سعدا نراه يتجــــلى في جوز الحمام تحتو الفريع يتدلى
يوم الجمعة داك لصفت عروسنا تضوي والفال السمح دقت طبـــــــــولو تدوي ما جانا العريس السمتـــــة ليها بسوي رسلنا الرياض الفرحة عرجت جوي
من البقعة ساروا الفرحة وصلت جبرة لي دار المنى البي ليمها قاصــــد يبرا العمدة العريـــــس فرحنا جـوة وبرة مولاي أسعدو بذريـــــة فالحة وبرة
مع أطيب أمنياتي رباح
|
|
|
|
|
|
|
|
وهدية من لنا: (Re: lana mahdi)
|
بعض الأبيات أقل مما تستحق يا ود العمدة: زول زي الرماح دغري و عديل في دربو ود العمدة ضو للخير محدس قلبو يفتح للشمش نفاج مشهّد ربّو للوفا و الأمان دخري القبيل و البربو ==== في يوم العديلة يجوك بنات الحلة زغرودة و ضريرت الوالدة شاكرت الله وحريرة هناك لافاك وما بتتحلا و سيف العرضة لامع بي شرافت المِلّة ==== دراج العواطل فرحتك في الدنيا نور وهج الجبين ترتر وسيرتك غنية وأبشر بي سعادة أكيدة كانت مُنْية ومين زيك خيار شايل نبيل الكُنية ==== محبتي لنا
| |
|
|
|
|
|
|
Re: هدية "رباح الصادق" ل"ود العمدة" بمناسبة زواجه وأفراح الأمة عديلة ضاوية (Re: عصمت العالم)
|
يا لنا ثاني ود العمده ده مابقعد معنا في المنبر ده الا فوق راسنا كبرتوا ليه راسه شديد. ويا رباح والله انتو ولنا ماقصرتوا مع اخوكم ود العمده تب.
اها يا بورداب الخرطوم اوع تقصروا مع اخوكم ود العمده. ويا ود العمده منتظرنك ما تتأخر الانتخابت قربت. واقصى حد للاجازه وشهر العسل وكله شهرين ما بنزيدهم لك يوم. مع انك عارفينك و الله شكلك ده تقضي كل اجازتك في السياسه كان الله في عون العروس اوع تكون هي سياسيه برضو؟؟
| |
|
|
|
|
|
|
Re: هدية "رباح الصادق" ل"ود العمدة" بمناسبة زواجه وأفراح الأمة عديلة ضاوية (Re: yasir Abdelgadir)
|
الفاضلة تراجي
انشاء الله ود العمدة يتحكر ويقعد في قلوبكم العامرة بالمحبة والمودة والطيبة الله يجعل ايامنا افراح
في البدء اتوجه بالشكر لكل من شاركنا الفرحة
واخص بالشكر الحبيب الامام الصادق المهدي وصحبه الحبيب عبد الرحمن الصادق والحبيب الصديق الصادق والحبيب ادم يوسف والدكتور والي وهشام مزمل وصالح عباس وكل الاحباب برفقة الامام
كما اخص بالشكر للرفيق الحبيب حسين يوسف ورمضان تتو و عمر شيخون والزميل تروتسكي وسموؤل ياسر فتحي واسامة بدة ونجم الدين واليسع وكل من لبى دعوتنا وشرفنا بالحضور والاعتبى لمن سقط اسمه
كما اشكر كافة الاهل والاصدقاء والاحباب ممن شرفونا بالحضور
ومن اتصل من سودانيز وحالت الغربة دون حضورهم واخص منهم الاخ هجو الاقرع وايوب عبد الرحيم والحبيب اسماعيل وراق والحبيب ناصر ومعتز خالد
وشكر خاص جدا للحبيب عبد المحمود ابو الذي اتصل مهنئا من قاهرة المعز
والشكر لفرقة ود سعد التي عطرت سماء الفتيحاب بنغمات الفرح والابتهاج
وتحية وشكر خالصين للدكتور الخاتم الياس واسرة جالية الطائف التي اتصلت عبره والعم علي قنات مهنئين ومباركين
شكر للجميع ومحبة خالصة
| |
|
|
|
|
|
|
Re: هدية "رباح الصادق" ل"ود العمدة" بمناسبة زواجه وأفراح الأمة عديلة ضاوية (Re: Adrob abubakr)
|
Quote: عمــدة اطيانو من بحر الفهم ساقيهــا وساقيتو التجرّق لي بلادنا تقيـــهــا زرعا طاب وفرهد يطرب الشاقيهــا يا مولاي سعادتو تدوم ويصفى نقيها
خوي يا العمدة خوي فيك بتحق الشكــــــرة خوي يا العمدة خوي الدخري لي يوم بكرة يا بحر الصفا يا الما بتشوبك عكـــــــــــرة يا اب قلما سنين بارياه زينة الفكـــــــــــرة
سار كدي يومو داك من الحجاز بي روحو وما حجزو البعد.. طاف بينا تبرا جروحو لي بيت الفتوح بالبركة يبني صروحـــــو فالو هنا وسرور من بابو قط ما يروحـــو
يا العمدة الحبيب فرحك غشانا حبابو نادينا الطرب بـــي بنقزو وبي ربابو يا زينة شباب الأمـــــة واسط احبابو مبروك الجديد يا ربي تتهنــــابـــــو
مــولاي الكريم العمدة يوت يتعلى البركات تصب يوماتي ما تتــولى ذرية السرور سعدا نراه يتجــــلى في جوز الحمام تحتو الفريع يتدلى
يوم الجمعة داك لصفت عروسنا تضوي والفال السمح دقت طبـــــــــولو تدوي ما جانا العريس السمتـــــة ليها بسوي رسلنا الرياض الفرحة عرجت جوي
من البقعة ساروا الفرحة وصلت جبرة لي دار المنى البي ليمها قاصــــد يبرا العمدة العريـــــس فرحنا جـوة وبرة مولاي أسعدو بذريـــــة فالحة وبرة
مع أطيب أمنياتي رباح |
الأميرة رباح قالت كدي؟؟
أبشر ياولد جريد النخل إنشاء الله يسير بعروقو
وأهلك إن سمعوا الكلام ده حرابهم تكمل روقو
وفي دار المنى البي ليمها علقوا وسوقو
أسعد بالدعاء الزرعو من واسوقو عمر سوقو
ودامت الفراح المسافر
| |
|
|
|
|
|
|
|