|
Re: كدى انزرقوا لى غادي خلونا النقعد معاكم (Re: دوت مجاك)
|
محمد المهدي سلام يا رائع أعجبتني بصورة لا تتخيلها ( انزرقوااا لي غادي ) .. البكان ليك أولاً يا محمد المهدي ولو البكان مو كفاك نشيلك فوق عيونا يا رائع الجواب باين من عنوانو سوف تكون اضافة جميلة للمنبر
لك التحية والأحترام
خالد محجوب
| |
|
|
|
|
|
|
Re: كدى انزرقوا لى غادي خلونا النقعد معاكم (Re: محمد المهدي)
|
وا لله يا جماعه حير توني و كتلتو قلبي عديل كدا اس الواحد كان داير يدورلو شكله مع زول فيكم يدورا بي يتو وش. انا قايل نفسي سجلت لي في محله غلت ما سودايز اوتلين حالتي جاي و سان سكيني وحربتي قدام لكن شكلو كدا بقا ما زي زمان زمن العز زمن الواحد لمن كان يجي يقرالو كلمتين الا يكون عامل ساتر ما تجيهو دوشكه طاشه تفرتقو او حالتو باسورد ما عندو.
غا يتو مشكورين والله يا جماعه وما قصرتو تب و نفختو لي راسى لمن قرب يطرشق.
والله يا بكري جيهتا اخوك جيها لمن بقا يعرف نفسو بي محمد المهدي البكتب في سودانيز اونلين وقاشر بالجماعه هنا قشره.
| |
|
|
|
|
|
|
|