|
|
 الملاريا اصابتني ورب العرش نجاني 000
|
ملاريا من النوع ( ابو كديس ) والله يا جماعة الخير فطرت في امان الله وبعد الفطور شربت كبايتين شاي بنكهة النعناع وفي انتــــظار البن ( يقلو ) فيهو عطرابتو قايلا يا ليل فجأة تحولت العطرابة الى ( كترابة ) وشعرت بضيق في التنفس وتحلفوا بالله تقــــول واحد شايلوا عكاز مضبب وقع ضرب فوق كرعيني وضهري وفقرتي شعرت بجسمي كلو ( ينتح ) وحيث ان المركز العلاجي يبعد عن مكان اقامتي بضعة امتار توكلت على الحي الغفار وذهبت اليه باعياء تام فورا تم ادخالي الى الطبيب وما ان حكيت ليهو جزء من الاعراض قــام بتحويلي الى معمل التحاليل لتظهر النتيجة بعد دقائق معدودة وهي ( صليب ) واحد من الملاريا هذا ما جاء على لسان الفحيص بعد ان سالته عن نسبتها في الدم 0 رجعت مرة اخرى للطبيب لكتابة الوصفة العلاجية فقال لي تذهب فورا وتأخذ ( الراجمات ) ودار رأسي من التفكير بعد خروجي من المركز قمت احدث نفسي ياربي اروح التصنيع الحربي والا الصيدلية واخيرا قررت الذهاب للصيدلية 00 وللقصة بقية 00
ودالباوقة
|
|
 
|
|
|
|
|
|
|
|
Re: الملاريا اصابتني ورب العرش نجاني 000 (Re: ابو جهينة)
|
المهم الصيدلي اخذ الروشتة ودخل مخزن صغير داخل الصيدلية وقال لي احد معاونيه تعال بالله دقيقة انا قلت يكون داير يساعدوا في شيل الراجمات وماهي الا لحظات حضر الصيدلي ومعه شرط به تسعة حبات فقط هذه هي الراجمات يتم استخدامها خمسة حبات دفعــة واحدة وبعدين حبيتين كل يوم 00
لحظات وسأحكي له لكم المعركة التي دارت بيني والراجمات 00
ود الباوقة
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: Nasser Mousa)
|
سلامتك يا ود الباوقه
وبورداب الرياض كلهم كرامتك
وما تشوف شر
| Quote: والله يا جماعة الخير فطرت في امان الله وبعد الفطور شربت كبايتين شاي بنكهة النعناع وفي انتــــظار البن ( يقلو ) فيهو عطرابتو قايلا يا ليل |
تعرف دى عين ماسمت الله يا ود الباوقه
لانه البتعمل فيهو دا هارون الرشيد ما عمله
غايتو الله يجازيك اكان وقفت عروق راسنا عرق عرق وبقيت اشم
فى البن محل ما قبلت ةاتزكرت قعداتو
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ابو جهينة)
|
الريس ابوجهينة والله لو شلت معاي اللوز كان هس مركبين لي الجلكوز 00 بالذات مع الهمبريب والجو الشفتو براك داك 00
عموما ما زلنا نستمتع بالطقس الجميل والسودان الجميل رغم ان الاجازة قد بدأت ( تتحتحت )
عليك الله تجهز لي شوية لما اجي 000 كويس 00
ود الباوقة
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: عبد السلام أبوشنب)
|
الريس ود الباوقــه ..
سلامات يازول .. راجمات مرة واحدة .. الشئ ملاريا ولا معارضـــــة  ..
تعرف ألله مرقك .. عندنا أحد الظرفاء في عطبرة .. ضعيف ضعفة شديدة .. أصابته الملاريا ..
وعندما ذهب إلى الطبيب كتب ليهو حقن ملاريا في العضل ..
فقال للدكتور .. بالله أكتب لي معاهـا صـــــلـ
سلامات والله الباعوض إتلوم ..
أخوك الأرباب
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: عبد السلام أبوشنب)
|
الريس ود الباوقــه ..
سلامات يازول .. راجمات مرة واحدة .. الشئ ملاريا ولا معارضـــــة ..
تعرف ألله مرقك .. عندنا أحد الظرفاء في عطبرة .. ضعيف ضعفة شديدة .. أصابته الملاريا ..
وعندما ذهب إلى الطبيب كتب ليهو حقن ملاريا في العضل ..
فقال للدكتور .. بالله أكتب لي معاهـا صـــــلـ
سلامات والله الباعوض إتلوم ..
أخوك الأرباب
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: Khalid Saeed)
|
| Quote: وهي ( صليب ) واحد من الملاريا هذا ما جاء على لسان الفحيص بعد ان سالته عن نسبتها في الدم 0 رجعت مرة اخرى للطبيب لكتابة الوصفة العلاجية فقال لي تذهب فورا وتأخذ ( الراجمات ) ودار رأسي من التفكير بعد خروجي من المركز قمت احدث نفسي ياربي اروح التصنيع الحربي والا الصيدلية واخيرا قررت الذهاب للصيدلية 00 وللقصة بقية |
ملاريا بالصلايب والسكرى بالهلال ولا شنو!
حمدالله على السلامة
كان ما جاتك كنت غالطتنا لمن ورمت فشفاشنا وقلت البلد ما فيها ملاريا!
احمد الله الما جاك شلل أطفال!
سمعنا تحت تحت قالو قلت للكفيل جدد لى 8 سنوات!
جنى
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: jini)
|
Quote: كان ما جاتك كنت غالطتنا لمن ورمت فشفاشنا وقلت البلد ما فيها ملاريا!
|
هههههههههههههههههها
الزول ده ياجماعة لا خلا عزومة ولا خروف ولا كمونية حايمة وبعد ده جاتو ملاريا .
احمد حنين ما شاف البوست ده يا جماعة كدي النكلمو .
| |
|
|
|
|
|
|
|
|
 Re: الملاريا اصابتني ورب العرش نجاني 000 (Re: ود الباوقة)
|
وليد
سلام
شفت البوست .. لكن قلت اصبر اخلي ود الباوقة .. يجيب اخرو..
وخفت يقوم ينكر البوست ولا يهرب منو .. كعادته دائما ..
بعدين يا ود الباوقة ..
الملاريا دي جاتك وين ؟؟؟
ما اظن في السودان .. بلد التوجه الحضاري .. ملاريا شنو يا اخ .. دي ما زمان .. تخلصنا منها
زي فاتورة القمح القطعناها ..
ودولة السودان العظمي .. يا صديقي . تخلو من جميع الأمراض .. والأوبئة ..
.. ورغم ذلك نقول ليك حمد لله علي سلامتك ..
وكويس انو ما جاك ايدز ...
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ود الباوقة)
|
يا زول ما تشوف شر
وايه حكاية الامراض البقت تظهر على بورداب الرياض
ودالباوقة ... ملاريا
ابوجهينة . . . مرض التعليب والتصنيع
حميدة . . . فوبيا المريخ
تمبس . . . هلوسة فوز على الاهلي ( حالتو صعبة )
دكين . . . حب الانثى
صديق الموج . . . الدورة . . . ( مرض جديد بيجي ذي الدوشة كدي ) عقلكم ما يروح بعيد
خالد المحرب .. . تخمة ( من كثرة اكل حلو مكرونة )
معتصم دفع الله . .. عرق النسا
اسماعيل عباس . . . هزايمر ( حلوه هزايمر دي مش كدا )
الشاعر مصطفي الشحرفان . . . مرض خادم الله
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: حمزاوي)
|
ود الباوقة سلامات
Quote: يا زول ما تشوف شر
وايه حكاية الامراض البقت تظهر على بورداب الرياض
ودالباوقة ... ملاريا
ابوجهينة . . . مرض التعليب والتصنيع
حميدة . . . فوبيا المريخ
تمبس . . . هلوسة فوز على الاهلي ( حالتو صعبة )
دكين . . . حب الانثى
صديق الموج . . . الدورة . . . ( مرض جديد بيجي ذي الدوشة كدي ) عقلكم ما يروح بعيد
خالد المحرب .. . تخمة ( من كثرة اكل حلو مكرونة )
معتصم دفع الله . .. عرق النسا
اسماعيل عباس . . . هزايمر ( حلوه هزايمر دي مش كدا )
الشاعر مصطفي الشحرفان . . . مرض خادم الله |
كويس برضو مرض { حامد } ماعندكم
قالوا في واحدة عجوز { عطست } قام جاها شد عضلي !!!
تعرف أنا مشكلتي كبيرة جداً مع الملاريا
الناس كلها بتهضرب
وانا بهضرب بطريقة مشاترة
كل شيء قابلني في السوق طوالي يوم الملاريا { افتو } أخضر على يابس
عشان كده الجماعة بيكونوا فرحانين
والمصيبة الكبرى وين تعرف
أول ماتجيني الملاريا وأنوم بسمع فنان { اسمو { القيقم } في أضني الأنثنين
أها طوالي الهلوسة بتزيد
عشان كده كتير ماكنت قاعد أمشي افحص
مما اسمع القيقم بالليل طوالي بمشي بشتري الراجمات رجماً
قال عندو { دورة } قال !!!
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: حمزاوي)
|
ياجماعة قبل ما ارد عليكم واحد واحد خلوني اكمل ليكم الحكاية 00
طريقة استعمال الراجمات خمسة حبات دفعة واحدة دي الجرعة الاولى 00 ترددت كثيرا في بلعها دفعة واحدة ولكن بعد تشجيع من عمنا الامين ( صاحب بقالة جنب البيت ) توكلت على الله واخذتها بكتحة واحدة 0 وحيث ان عمنا اللمين سبق وان طمأنني بعدم حدوث مضاعفات سوى سماع بعض الاصوات كالصرير مثلا ولم تمضى ساعات قليلة حتى بدأت اصوات الضفادع تصم اذني من شدة الالم استمر صوتها حتى طلوع الفجر لتبدأ وردية اخرى وباصوات مختلفة هذه المرة 00 قاتل الله الملاريا اينما وجدت 0
نسيت ان انوه بان السلطات الصحية بولاية الخرطوم تبذل جهودا جبارة في سبيل القضاء على هذا المرض اللعين 0 وقد قامت في الاسابيع الماضية بحملة موفقة عن طريق استخدام الطائرات برش العاصمة مما كان له الاثر الايجابي في اختفاء كميات من الباعوض والذباب 00
ود الباوقة
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: السمؤال بدرالدين)
|
| Quote: نسيت ان انوه بان السلطات الصحية بولاية الخرطوم تبذل جهودا جبارة في سبيل القضاء على هذا المرض اللعين 0 وقد قامت في الاسابيع الماضية بحملة موفقة عن طريق استخدام الطائرات برش العاصمة مما كان له الاثر الايجابي في اختفاء كميات من الباعوض والذباب 00 |
ود الباوقة..
قسماً بالله الملاريا لسه طايرا ليك في راسك..
| |
|
|
|
|
|
|
|
|
 Re: الملاريا اصابتني ورب العرش نجاني 000 (Re: ود الباوقة)
|
| Quote: سوى سماع بعض الاصوات كالصرير مثلا ولم تمضى ساعات قليلة حتى بدأت اصوات الضفادع تصم اذني من شدة الالم استمر صوتها حتى طلوع الفجر لتبدأ وردية اخرى وباصوات مختلفة هذه المرة 00 قاتل الله الملاريا اينما وجدت |
يا اخوي
الأصوات دي من فوق .. ولا من تحت !!!!
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ahmed haneen)
|
ود الباوقة سلامات وما تشوف شر انشاء الله انت عارف اهم حاجة انا بعملها شنو لمن اجي السودان . بشتري
كمية من الليمون وهاك يا عصر وشراب والله الباعوض يضرب ويجي راجع وتبقي زي الحصان يلا تعال سريع
وسيبك من السودان في الوقت الراهن ده كلو باعوض وذباب .
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ناهد علي)
|
ود الباوقه
انت من اى الازمان وعن اى الاماكن تتحدث هذه الملاريا كنا نسمع عنها فى القرون المضت وانها تصيب سكان الدول المتخلفه والاكثر فقرا والاقل نموا؟ تكون انت جيت من الماضى ياربى؟ ود الباوقه من الامس
سلامات وشكرا للراجمات التى ازالت الهلوسات.
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ناهد علي)
|
Quote: نسيت ان انوه بان السلطات الصحية بولاية الخرطوم تبذل جهودا جبارة في سبيل القضاء على هذا المرض اللعين 0 وقد قامت في الاسابيع الماضية بحملة موفقة عن طريق استخدام الطائرات برش العاصمة مما كان له الاثر الايجابي في اختفاء كميات من الباعوض والذباب 00
ود الباوقة |
أها والانقاذ دى استلمت الحكم فى الأسابيع الماضية!
جنى
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ناهد علي)
|
ود الباوقه سلامتك ياخى بس عليك بد استعمال الراجمات بالاتى
امشى سوق الناقه اضرب كبده نيه بالعتى التقيل وشية ضان والضروارات
تبيح المحزورات ان امكن وتعال قول عندى ملاريا . وابتعد عن اللحوم الاخرى بكل انواعها
لمدة اسبوع . لانك ماناوى تقول النصيح فاصابك الله
بمرض الملارياء نشوفك قريب انشاء الله .......
| Quote: ¿نسيت ان انوه بان السلطات الصحية بولاية الخرطوم تبذل جهودا جبارة في سبيل القضاء على هذا المرض اللعين 0 وقد قامت في الاسابيع الماضية بحملة موفقة عن طريق استخدام الطائرات برش العاصمة مما كان له الاثر الايجابي في اختفاء كميات من الباعوض والذباب 00 |
.
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: خالد المحرب)
|
اها شوفو الجرعة التانية من الراجمات سوت بي شنو 00000
دي طبعا بتتكون من حبتين وبلعتهم وعينكم ما تشوف الا النور 000 ساعة زمن واحدة من بلعها والحفلة دورت ( حواء الطقطاقة ) في اضاني اليمين وكمال كيلا في الشمال وهاك يا مجادعات استمرت الحكاية دي تقريبا سبعة ساعات 00 قاتل الله الملاريا0
باقي الجرعة الاخيرة ويسدل الستار على اثار الراجمات في علاج الملاريات وكيف انتهت دي حكاية طويلة طولوا بالكم معاي شوية
ودالباوقة
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ود الباوقة)
|
ود الباوقة أخوي ،
تحياتي ،
وسلامات يا شيخنا وما تشوف شر
والف حمد لله على سلامتك من ملاريا الانقاذ .
والله زمن نميري (قالوا) كانت الملاريا أخف من كده
بي كتير ، (قالوه ناس حمزاوي وأبو جهينة) ،
حيث لم تكن هناك راجمات لعلاجها أو غيرها ..
طبعا نحن للأسف لم نحضر ذاك الزمن الجميل ؟!؟!
تعرف يا صاحبي ، أنا كنت برضو حداك بي هناك ، وقعدت لي
زي 12 يوم قضيتها هرولةً ما بين الخرطوم والجيلي ،
ولمن شفت الطائرات قاعد تحوم كل صباح وترش
في خلق الله حتى لا يحتاجوا للراجمات ، لملمت باقي صحتي
وهربت وتركت العيال هناك (ياكلوا نارم براهم) وطيران على جدة
(لتعذر وجود حجز للرياض) ، ووصلت هنا بداية الاسبوع الماضي ،
ويا دوبك حسيت بي الأمان الطبي . وسلامات سلامات يا زعيم .
مودتي ،
( ليمو )
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ود الباوقة)
|
حمدلله على السلامة يا ودالباوقة
ليـك وحشة ياخ
أنا لمن كان تجيني الحمى الياها بعد حبات الفانسدار الزمان ديك
بحس بي رأسي في زحمة مع نجوم كتيرة ماشة بسرعة شديدة عكس اتجاهو لكن
ما عارفا جاية و لا راسي ماش عليها المهم النجوم دي بتعصر راسي دا
لمن يدور يطرشق مع حمة النفس و الطقطاقة ديك خليها ساي بس.
يا احوانا الملاريا دي مودرة ثلثي مروة الشعب السوداني
دحين انتو طيارات الرش دي ساكة الانوفليس دا و بيض البعوض الفي
مستنقعات الخرظوم و طرف المداين دي الناس تاكلوا طوة ولا مسلوق
الشهادة و العمل الطيب!`
| |
|
|
|
|
|
|
|
|
|
Re: الملاريا اصابتني ورب العرش نجاني 000 (Re: ahmed haneen)
|
Quote: والله يا حني جايب ليكم صور تاكل اصابعك وراها عن السودان والطفرة التي يشهدها في كافة مجالات الحياة
انت بس خليك قاعد في جدة دي
ود الباوقة |
بلحيل طفرة!
mutation
استحداث فيروسات وجراثيم وبكتريا تقاوم الدواء!
ايدز وسرطان وفشل كلوى وسل وتايفود وكوليرا زملاريا بياخوا ليها راجمات!
لكل موقع زومته ولك صحيفة باوقتها على مايبدو!
تحياتى لت}ام روحك ود الزومة!
جنى
| |
|
|
|
|
|
|
| |
ابو جهينة
على محمد على بشير
Khalid Saeed
jini
ياسر الامير ابوجكة
ismeil abbas
ahmed haneen
Mohamed Abdelgaleel
ابوحراز
إسماعيل وراق
محمد فرح
السمؤال بدرالدين
هاشم أحمد خلف الله
ناهد علي
ضحيه ابراهيم
خالد المحرب
abdulhalim altilib
ناذر محمد الخليفة
معاذ حسن
Haytham Abdulaziz
saadeldin abdelrahman
فيس بوك
تويتر
انستقرام
يوتيوب
بنتيريست