|
|
|
 Re: الخميس القادم بالرياض مهرجان تكريم الفنان القومي ابراهيم حسين (Re: ghariba)
|
الفنان الرائع ابراهيم حسين ..نقول كما قال هو (تعيش انت ويدوم خيرك)
تعيش انت ويدوم خيرك
تعيش ما الدنيا مصيرك
لو جارت عليك ايامك
تعال لي عيونا بتشيلك
ولما الليل يروق يحلى
تجي النسمه وتضم شتله
نساهر الليل نلاقيها
شايلا سواد عيون طفله
كلامك لما تتكلم
نتوه نسرح بعيد نحلم
واهـ تلقانا ما بنتقدر
نجيب الروح علشان نتلم
اي كلام تقولو حلو
منو البيسمع كلام بدلو
تكون دي رساله للعاشقين
لي ناس لسا ما سألو
| |
 
|
|
|
|
|
|
|
|
Re: الخميس القادم بالرياض مهرجان تكريم الفنان القومي ابراهيم حسين (Re: ghariba)
|
(نجمةنجمة الليل نعدّو .. والسنين يا حليلنا عدّو .. وانت ما عارف عيونك لماتسرح .. وين بودّو) ،
(ليه يا شمعة سهرانة .. زيّنا يعني بتريدي .. ولاطريتي زول ناسيك في ذكراه بتعيدي) ،
(يعاتب يوم ويرجع يوم .. بيعذبنا بيريدو .. ويتحدانا يوم يزعل .. يقول أقدارنا في إيدو .. نقول ياريتو لويعرف .. عذاب الحب وتنهيدو) ،
(بنتلاقى مهما جارت الأيام وشالت بهجةالفرحة .. غناوينا وحكاوينا .. بشاشة حبنا السمحة .. وليليِِ الصبحو مالاقى .. بحسو يقول بنتلاقى) ،
(صحيح تشفق علينا صحيح .. ولا بديتهَ أسرارك .. ولقيت الشي الببكي الناس تلوّن بيهو أعذارك) ،
(وين كنت وين لما العمركانت سنينو مخضرة .. جيتني بعد العمر فات .. الريدة جات متأخرة) ،
(ياغيمة نهار الصيف .. كان لاقيتي غطيهو .. ويا أيام قدر ما تقسيِ بالحنيةلاقيهو .. كان طلاّنا من تاني .. بندّي عمرنا بالفيهو) ،
(مالك غيابك طوّل .. وأنا في انتظاك ترجع .. تطرى الزمان الأول) ،
(يا تهنّينا يا تخلينا .. يا تهنّينا تخلي الدنيا عديلة وزينة .. يا تخلينا ونحن جمال ذكراك يكفين)،
قالوا الزمن دوار يا بسمة النوار .. ياريت تعود أيامنا ونكمّل المشوار) ،
ما بنقول يا دنيا حاجة .. لما بالأحزان تجينا .. العمر ما كلو فرحة .. مرة لينا ويوم علينا) ،
(لما الريد يفوت حدّو .. يبقى مصيرنا في يدو .. يحن قلبي يبين ودّو .. سؤالنا يهل زمان ردّو) ،
(عشناك غُنا .. يا أجملمُنى .. إن شاء الله في عشة هادية .. فرحة تلمّنا) ،
(يا حبيبي لا عليك .. فأنا عدت إليك .. كل ما قد كان مني .. بيدي لا بيديك) ،
(يوم سافرت إنت .. بقيت إنسان وحيد .. بكيت من كل قلبي .. ربيع عهدي السعيد .. مين ترجع لحبك .. تبقى حياتنا عيد) .. ،
فمتى تعود لنا يا ابراهيم رائعاً كما عهدناك ؟ ..،
| |
|
|
|
|
|
|
|
|
|
Re: الخميس القادم بالرياض مهرجان تكريم الفنان القومي ابراهيم حسين (Re: محمد غلامابي)
|
الاخ سلاح غريبه
بلغ سفارة السودان بالرياض اننا لم ننسة لها انها ظلت متفرجه على الفنان ابراهيم حسين
وهو يقاسي الآلام و المرض مثل حكومتها الظالمه و المتخليه عن مبدعيها.
وكثر الله خير ابناء كسلا الذين نجحوا بجهودهم الفرديه في مد يد العون لمبدعنا ابراهيم حسين.
جاين حسه يتفلسفوا ويركبوا الموجه؟؟؟وعاملين عايزين يكرموهوا؟؟؟
كان التكريم افضل بتخفيف اوجاعه مش الفرجه عليه وهو يتوجع بصمت في بلاد
لا تضمن الحد الادنى من العلاج لمواطنيها.
| |
|
|
|
|
|
|
|
|
|
Re: الخميس القادم بالرياض مهرجان تكريم الفنان القومي ابراهيم حسين (Re: ghariba)
|
كتب الصديق الوفى الرائع د. معز عمر بخيت عن الفنان ابراهيم حسين :
متى لبس عمامة الغناء تعرفونه رسولاً لسحابة فيضها
مطر إبداعه الكثيف وشدوه العذب ورقته المتناهية. هذا
الرجل السحر فنان غنّى لكل أصالة الشرق الذي ينتمي إليه
وللحياة النضرة، هو ابراهيم حسين والذي يكفيه
فخرأ قوله (تعيش انت ويدوم خيرك، تعيش والدنيا ما تضيرك، ولو
جارت عليك أيام، تعال لعيونا بتشيلك)
كنا نتمنى أن تكون بيننا اليوم د. معز .. فى ليلة تكريم ابراهيم حسين التى يقيمها تجمع الفنانين و الموسيقين و عزة السودان و أبناء الشرق بالرياض اليوم و بحضور الاستاذ الفنان ابراهيم حسين..
| |
|
|
|
|
|
|
|
|
|
Re: الخميس القادم بالرياض مهرجان تكريم الفنان القومي ابراهيم حسين (Re: ghariba)
|
أنهم رجال شكلوا وجداننا
أمس و اليوم و غدا
رواد .. لا أدرى لما لم ينبت غرسهم ..
غرسوا أجمل الكلمات و الالحان
القيم و المبادئ و نبل الاخلاق
مبادئ و قيم عظيمة للامة السودانية ...
أبراهيم حسين تفرد بألحانه التى لا تستأذن القلب .. تقتحمه اقتحاما ..
أستمعت اليه البارحة , كان عظيما و رائعا ..
أدام الله عليه العافية و الصحة
| |
|
|
|
|
|
|
| |
ghariba
اسعد الريفى
Tragie Mustafa
فيس بوك
تويتر
انستقرام
يوتيوب
بنتيريست