الجداد وكتين يكون صايدو الهيم وتلقاهو ممد جنحينو للشمس.. ومرة مرة الجدادة تتمردغ في الترى وتكشح فوق ضهرا الرملة.. زي أم الحسن وكتين تكون غاتسي في الشملي..
12-15-2011, 02:27 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
وكتين الشرك (القلوبية) يقبضلو عشوشة ولا ود دبرك واقوم جاري امسكو في يدي واشيلو اختو في القفص وارجع تاني افتشلي جندبايي بين الطوب حق ناس مكاوي واربطها في الهبار وادفن الشرك من جديد وامشي ألبد بعيد..
12-15-2011, 02:32 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
وكتين كـــــلاب الحلة يكونوا بالليل جارينلهم وراء كلـــــــبة... ان شاء الله تكوني شيني ومعضمة ومليانة قراد وهم بيكونوا شايفنها تاجوك الكــــــلاب... وتلقاهم الليل كله يتكاتلو في دربها...
تليشة: الصورة بيجيبها ود القاضي ولا خدر
12-15-2011, 02:38 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
وكتين ضكر القمري تلقاهو مقنطر في كروق ويقوقي وانا مندلي لااااتحت مع حبوبتي نفيسي ونفطر مع عمي الطيب بي حرف ونفقشلنا بصلايات بين الجروف وعمي يقوم ياخدلو غَمْدِي وانا اقطع في الطماطم وألوغد.. والبيسألني حبوبتي نفيسي تقوم عليه تهرشو: الخدار موش أليلنا خلو اليقطعو يعدمو نفاخ النار..
12-15-2011, 02:51 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: اسمو الهيم يا منال ياخي بعدين الهيم دي ممكن يشرحها ليك اي زول في سوق الدهب
غايتو انا متاكد انه منال دي لو شالتها من الكلاكلةلحدي الدروشاب شمالاً ومن الموردة الى اركويت شرقا ما بتلقى زول يديها خبر الهيم دا؟ اجمالاً كنت تجلي موضوع امك دا (الله يديها العافية) وتسمي البوست (عالم الحيوان) مسعول من الخير (أماني) دي منو؟
12-15-2011, 05:39 PM
خالد العطا خالد العطا
تاريخ التسجيل: 12-12-2005
مجموع المشاركات: 2293
عليكـ الله يا قريبي " غرِق" أدخل جوة شوية يعني يوم كان عندكـ " موية" من الفجر للمغرب . أو وكتين لقيط التمر " ده برنامج أكيد البعجبكـ فيهو كتير" طلِع يا طارق ياخي شهيتنا الجروف
12-15-2011, 10:10 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: عليكـ الله يا قريبي " غرِق" أدخل جوة شوية يعني يوم كان عندكـ " موية" من الفجر للمغرب . أو وكتين لقيط التمر " ده برنامج أكيد البعجبكـ فيهو كتير" طلِع يا طارق ياخي شهيتنا الجروف
يا سلام يا قريبي ياخي يا سلام وكتين تكون مقرن حيضان البرسيم من الفجرواي ووكتين تجيك جوعة تطلعلك تمرة وتخرتلك صبيطي وتاكل وتحمد ربك
والعجب وكتين تكون مع اصحابك وتلقطوا في تمر الهبوب
الذ شي وكتين تقرب الساعة تسعة ويَجٍن نازلات شايلات «التُرمي» لي ناس القراعي وتشوف فيها وتشوفك وتدنقر وتجر طرحتها علي وشيها وررررروووووووووووووووك
12-15-2011, 10:16 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
والله يا ود جبريل في امان الله، علا جوني ناس بيلعبوا معاي كشيتنة كل خميس خميس، معانا واحد قريبنا من النوع البتلقاه ينزل ويجدع في الاغطية داك لمن يقول لك هي فتحت! الزول لما فينا هي فتحت هي فتحت خلى خشومنا ملح ملح وفات، واحد قال والله يا سشيخنا انت لو بتلعب معانا بقروش اكان ندي محاسب الشركة رقم حسابك في البنك
12-16-2011, 02:37 AM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
يا سلام وكتين تكون مقرن حيضان البرسيم من الفجرواي ووكتين تجيك جوعة تطلعلك تمرة وتخرتلك صبيطي وتاكل وتحمد ربك ---------------------- كنا مسافرين بالفوكرز طيبة الذكر من الخرطوم لي مروي،، الكابتن سنجك شويتين كدا وجاء داخل علي الركاب يسالم فيهم بالاسم،، واحد جرسة قال لي رفيقو: هي الخرابي دي خلاها لي مينو آ خدر ؟؟ هي اسكوت، يمكن مقرنها!!!!! هههههه،، أصابتني هيستيريا من الضحك من هذه العفوية والبديهة الحاضرة رغم حزني وأنا في طريقي للعزاء في عمي اليمني رحمه الله وكان ذلك آخر عهدي بالبلد 1994م،،،
------
أنت بكتاباتك البتخلي الواحد ريحتو طير طير دي تعوضنا ما فقدنا من ناسنا الحنان،،
سوق آ طارق ود جبرين ود موسى وقرن البوستات ماشاء لك الدياي* ، عفواً الدلال!!! * لكنة كويتية!!!
العم سلامته ياخ،،
12-16-2011, 10:34 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: كنا مسافرين بالفوكرز طيبة الذكر من الخرطوم لي مروي،، الكابتن سنجك شويتين كدا وجاء داخل علي الركاب يسالم فيهم بالاسم،، واحد جرسة قال لي رفيقو: هي الخرابي دي خلاها لي مينو آ خدر ؟؟ هي اسكوت، يمكن مقرنها!!!!! هههههه،، أصابتني هيستيريا من الضحك من هذه العفوية والبديهة الحاضرة رغم حزني وأنا في طريقي للعزاء في عمي اليمني رحمه الله وكان ذلك آخر عهدي بالبلد 1994م،،،
------
أنت بكتاباتك البتخلي الواحد ريحتو طير طير دي تعوضنا ما فقدنا من ناسنا الحنان،،
سوق آ طارق ود جبرين ود موسى وقرن البوستات ماشاء لك الدياي* ، عفواً الدلال!!! * لكنة كويتية!!!
العم سلامته ياخ،،
اوووووه ود الخالة ياخي كيفنك ونعلك طيب في عضامك ديل عندي قريبي في شبا فقران وحالته بالبلا عنده ستة اطفال يوم ضربلو سجارة من النوع ابو كديس داك وجاء وسط الجامع وقعد يقول: يا الله هووووووي انت ما قلت المال والبنون زينة الحياة الدنيا، دحين اديتني البُطان كدي جربني في المال
الحاج بخير الحمد لله الامور مستقرة ورحم الله عمنا اليمني
Quote: و كمان سعت تجى المغيريب راجع من ميدان الكورة و فى كل بيت تشم ريحة اللبن المقنن و تسمع فى القنقر طق طرق فوق الجمر
و الله نص النهار داك و انت بى تحت و تاخد لك جفة فى البحر و تغتس تكركع من موية الدميرى زين حتى تقلع و تلبس عراقيك الكل خرايت بالدفيق
شكرآ لك على هذه السياحة الجميلة و سيكون لنا عودة ان شاء الله
حيدر كيفنك ابوي
والعجب وكتين تجي نازل من التمرين فوووق في شبا وتلقاهم ينشلن في الموية وتقول كدي تمسكك الهاشميي وتقعد تنشلهن وتملالن في الصفائح والساعة التشوف فيها وهي شايلي الصفيحي والضفيري نازلي من تحت الطرحة تتلولح اصلك رويحتك دي تكون دايري تمرق
12-16-2011, 10:39 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: والله يا ود جبريل في امان الله، علا جوني ناس بيلعبوا معاي كشيتنة كل خميس خميس، معانا واحد قريبنا من النوع البتلقاه ينزل ويجدع في الاغطية داك لمن يقول لك هي فتحت! الزول لما فينا هي فتحت هي فتحت خلى خشومنا ملح ملح وفات، واحد قال والله يا سشيخنا انت لو بتلعب معانا بقروش اكان ندي محاسب الشركة رقم حسابك في البنك
تعرف يا ود الفكي كان معاي واحد في الجامعة لمن يكون قافل يتراجف كله والله زي الجلي الشايلنو في الصحن في السماية لمن يقول خمسين بيكون هو ذاته وقع محل البايظ
12-16-2011, 02:19 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: يا سلام وكتين تكون مقرن حيضان البرسيم من الفجرواي ووكتين تجيك جوعة تطلعلك تمرة وتخرتلك صبيطي وتاكل وتحمد ربك
والعجب وكتين تكون مع اصحابك وتلقطوا في تمر الهبوب
الذ شي وكتين تقرب الساعة تسعة ويَجٍن نازلات شايلات «التُرمي» لي ناس القراعي وتشوف فيها وتشوفك وتدنقر وتجر طرحتها علي وشيها وررررروووووووووووووووك
تُقرأ بمصاحبة موسيقى تصويرية لأغنية محمد ميرغني: يا النازلة واردة على البحر ساعة الحلب ساعة الشمس يا دوب بتطلع والشعاع .. من بين فتيحات الغصون رقرق علي قش الدرب ماع الندى وقّع متل خرز السبح ... خيتو انقطع مقطوع الطاري .... نعلك طيب آزول
12-16-2011, 02:26 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
ود جبرين كيفنك وضيوفك الرائعين الواحد بكون ضمة فرحان وكت تجى من لاتحت وتشرب شاى المغرب مع القنقر تمرق على القوز لابرة والبيجى فى الاول يديها صفقة صفقتين والجنوى يجو من جاى وجاى ويكن فى واحدا دقاق خلاص فى الطمبور ونحرف فى الغنا يابخيتى انا جيت تعبان من قنتى ترقدى جمبى ترقدى ميتى انا يابخيتى ده كلو ونحن لسة ما وصلنا سنة رابعة شى شدة وشى حرينا وشليل وقت القمرة 14 وتجى تلقى العشا قراصة عيش ريف باللبن ياسلام ياسلام
Quote: تُقرأ بمصاحبة موسيقى تصويرية لأغنية محمد ميرغني:
يا النازلة واردة على البحر ساعة الحلب ساعة الشمس يا دوب بتطلع والشعاع .. من بين فتيحات الغصون رقرق علي قش الدرب ماع الندى وقّع متل خرز السبح ... خيتو انقطع
مقطوع الطاري .... نعلك طيب آزول
شقي الحال كيفنك وحات نضري وكتين تشوف فيك وتجر طرحتها باقيلي تعضي لسانك لامن تدور تقطعو
12-17-2011, 02:47 AM
Hatim Elmaki Hatim Elmaki
تاريخ التسجيل: 06-25-2008
مجموع المشاركات: 732
والله كلامك الفوق ده عايز ليه قصبه مغربيه مليانه ودك مغربي اصلي من النوع الغير قابل للتصدير الي اروبا وامامك البحر والساردينه المشويه وبعدين تجر نفس طويل وتتمعن في كلماتك حتي تفهم معانيها لك الشكر ياراقي
Quote: عندي قريبي في شبا فقران وحالته بالبلا عنده ستة اطفال يوم ضربلو سجارة من النوع ابو كديس داك وجاء وسط الجامع وقعد يقول: يا الله هووووووي انت ما قلت المال والبنون زينة الحياة الدنيا، دحين اديتني البُطان كدي جربني في المال
والله كلامك الفوق ده عايز ليه قصبه مغربيه مليانه ودك مغربي اصلي من النوع الغير قابل للتصدير الي اروبا وامامك البحر والساردينه المشويه وبعدين تجر نفس طويل وتتمعن في كلماتك حتي تفهم معانيها لك الشكر ياراقي
انت يا ود المكي باقيلي راقد كداد في المغاربة ديل
ياخي كيفنك
12-18-2011, 04:07 AM
Hatim Elmaki Hatim Elmaki
تاريخ التسجيل: 06-25-2008
مجموع المشاركات: 732
احوالك واحوال الاسره والله اهلنا المغاربه ديل ع########ي فيهم ثلثه الودك العجيب داك وخاصه الجبلي منه وطاجين الساردين وجرجيرهم المابنقلع من الارض الا تقوم ليه سداري
اخوك متخصص فيهم وخاصه جرجير مدينه انتويربن العجيب ورور لا بكمل ولا بنقص كل يوم زايد خضره
وما بتفوت عليك انت زول جميل في زمن جميل اكتب ساي كلهم حاسدين
12-18-2011, 07:36 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
احوالك واحوال الاسره والله اهلنا المغاربه ديل ع########ي فيهم ثلثه الودك العجيب داك وخاصه الجبلي منه وطاجين الساردين وجرجيرهم المابنقلع من الارض الا تقوم ليه سداري
اخوك متخصص فيهم وخاصه جرجير مدينه انتويربن العجيب ورور لا بكمل ولا بنقص كل يوم زايد خضره
وما بتفوت عليك انت زول جميل في زمن جميل اكتب ساي كلهم حاسدين
يا حبيب كيفنك دة ما كسير دة قِليم عديييييييييييييل
وكمان وكتين الزول يجى شايله تبيقة لوبى و صارى ليه دفيقايات فى حزته و دارج بى تحت لامن مقوم الفرنجاقة و العجب تقوم شديرة الفاس تمسك فى عراقيه يقوم يرمى تبيقة اللوبى جنب الكوديق بلا تكسر شناط الجبادة و يخود فى الترعة و يطلع يفجك فى الطين تقوم سفنجته تتملص منه جوة الطين يقعد يكورك للبطان القدامه عشان يرجوه
و الله يا حليل زمان
12-19-2011, 10:37 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
Quote: وكمان وكتين الزول يجى شايله تبيقة لوبى و صارى ليه دفيقايات فى حزته و دارج بى تحت لامن مقوم الفرنجاقة و العجب تقوم شديرة الفاس تمسك فى عراقيه يقوم يرمى تبيقة اللوبى جنب الكوديق بلا تكسر شناط الجبادة و يخود فى الترعة و يطلع يفجك فى الطين تقوم سفنجته تتملص منه جوة الطين يقعد يكورك للبطان القدامه عشان يرجوه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
خدر
فيصل محمد خليل
محمد عمر الفكي
عمران حسن صالح
امينة عيسى
محمد عبدالرحمن محمد
محمد حيدر المشرف
يحي ابن عوف
محمد أبوالعزائم أبوالريش
عبد المنعم سيد احمد
Hatim Elmaki
عبد الدائم سيد أحمد
فيس بوك
تويتر
انستقرام
يوتيوب
بنتيريست