|
|
 كركار خدوم..
|
- نفيسي: دحين يا خدوم (خادم الله) بيتك دة عدمان الكركار والحجار
- خدوم: كيفن يا نفيسي
- نفيسي: نان شقوق كرعيك اليدخلن العقرب ديل ماكي شايفاهن
- خدوم: من الشقاوة يا حبيبة قساي وحش البرسيم
- نفيسي: نان نحن مالنا مانا قاعدين نحش البرسيم ونحلب النعاج
ما يييديل كرعينا مملسات وليلنا ونهارنا ندخن وبرطمان الدلكي في المُعلاق وفتيل الخومري تحت السرير
- خدوم: أنا شن عرفني
- نفيسي: هو ذاتو حسن دة العاجبو فيكي شنو..
كرعينك مكلوجة وسَفَتك علي «لبقة» حوض البرسيم..
يا خرابة ما تشوفيلك حجرا تحكي شقوق كرعيك ديل..
يمين يضرسن عاملات علي الحلفا..
- خدوم: نان انا حسن قلتلو عرسني... ما تراهو جاء لي ابوي وقال دايرني..
وبقينا نرمي في الشفع علي رمييي اللقيمات..
- نفيسي: أصلكن بسم الله آآبتقوولوها.. قبلكن وحدكن..
الحالة كرعينك ملياني شقوق وراسك منكوش علي اللاشميق..
- خدوم: (ختتلها سفي): ههههههه نان انت مقصري ما يييدا مليتي الدنيي بُطان..
عاملي جضومك الناشفات ديل علي السعن اليابس..
- نفيسي: (ولعتلها سجارة ألت برنجي) ههههههههههه.. عاد فراغك..
يمين وكتين امشط مسايري واتمسح بالكركار وآكبلي خومري تحت إضنيني وألبس الكلوش..
وحات نضري ود الطيب دة ان كان ليهو ينهق كلو كلو..
- خدوم: انت عاد بتتقدري.. ماكي قاهري من يومك..
وحات ود الكرسني ود الطيب وكتين يجي يطالع لااااافوق يكابس في الحيط لامن يصل لي بيتو.. الراجل رقدتيهو كاويق.
- نفيسي: هههههههههه.. ايه من يومه راقد كاويق.. الشي دة وين قاعد يكتلو زول..
- خدوم: عاد لا يقَعْلِك متل سِري حسنة.. كتلتلها تلاتة رجال..
- نفيسي: قبلها وحدها مالها قاعدي تسويلم شنو..
- خدوم: الواحد فيهم ليله ونهاره يقرع ويحش في القش للنعاج..
ووكتين تمغرب يجي جاري علي البيت.. الصلاة ما يصليها في الخلوة..
- نفيسي: عفيت منها قصيبة التقنت.. هههههههه.. باقلي طلحها ليله ونهاره موووقد..
- خدوم: وحاتك يا نفيسي بس تمغرب يطفوا فوانيسهم.. بس سنة سنتين تجي تصحي الراجل فشان يمشي لي قراعتو.. ان كان تلقاهو ميت...
- نفيسي: ود الهرمة.. هههههههههه
- خدوم: هسي قالوا تفتشلها في واحدا رابع..
- نفيسي: خلاص عرسيلا حسن دة.. انت اصلك غير سف الصعوط ماكي نافعي شي..
خدوم: بري بري مالي بديها راجلي تكتلو علي.. نان كوم البُطان دة الداير يربيهو لي منو..
- نفيسي: ههههههههه الله يقلعك يا خرابة تورتي علي صدري..
- خدوم: اريتها خوتك خوة التاباني.. دايري تقلعي مني الراجل تديهو للقاهر دي..
وحات نضري من يوم الليلي كركاري ما ينزل من المعلاق..
وبرطمان الدلكي ياني الداساهو تحت العنقريب اللااااااجوة..
وإن كان للشقوق إن شاء الله بالمنجل علي أحتهن...
- نفيسي: ههههههههههههههههههههههه.. بت الغلفا..
- خدوم: هوي يا نفيسي الدنيي مغربت خليني اللمشي اتشوبح في حفرتي ألت الدخان..
- نفيسي: يا خرابة لا تفضحينا في نصايص الليل.. باقي ستنور ان بقت سمعتك..
يمين علي تجي تفرشو في الدرب لااااااتحت..
- خدوم: هي كدي... في مان الله
- نفيسي: ههههههههههههههه صلحي شناط العنقريب المرخرخ داك لا تتقلمي يا خرابة..
- خدوم: هههههههههههههههههههههه
|
|
 
|
|
|
|
|
|
|
|
Re: كركار خدوم.. (Re: طارق جبريل)
|
| Quote: يا ديدو سواتي مالها عيبها لي |
كمان سواتك مالها؟
كلها كركار ودلكة ودخان.
إنت يا المسينيح، رايحة ليك بوخة شي في مغربك ده؟
| |
|
|
|
|
|
|
|
|
|
Re: كركار خدوم.. (Re: محمد أبوالعزائم أبوالريش)
|
Quote: كمان سواتك مالها؟
كلها كركار ودلكة ودخان.
إنت يا المسينيح، رايحة ليك بوخة شي في مغربك ده؟
|
اوووه حبيبنا الذي بالدوحة
ياخي باقيلك ان بقى الزول لقالو بوخة في الحر دة بياباها
| |
|
|
|
|
|
|
|
|
|
Re: كركار خدوم.. (Re: Hatim Gubara)
|
كركار
وخدوم ؟؟
يا شقي التشفير عالي جداً !!
بعدين ياخي في حاجة اسمه التشكيل
وحروف أهلكـ الترابلة دي محتاجة للكسرة في معظمه عشان التشفير ينفكـ
انت قايل الناس كلها حياته ( في بلد بيي تِحتِ ) بين الواقود وشاي المغرب (المقنن) !!
| |
|
|
|
|
|
|
|
|
|
Re: كركار خدوم.. (Re: saif massad ali)
|
Quote: ود جبريل
شكيتك علي الله والله كركار خدوم قايلو اسم ممثلة ولا مغنية امريكية انا ما نعرفها
|
ود عوج الدرب بالغت ياخي
انت حصل ليك استلاب ألماني ولا شنو
| |
|
|
|
|
|
|
|
|
|
Re: كركار خدوم.. (Re: عمران حسن صالح)
|
Quote: كركار
وخدوم ؟؟
يا شقي التشفير عالي جداً !!
بعدين ياخي في حاجة اسمه التشكيل
وحروف أهلكـ الترابلة دي محتاجة للكسرة في معظمه عشان التشفير ينفكـ
انت قايل الناس كلها حياته ( في بلد بيي تِحتِ ) بين الواقود وشاي المغرب (المقنن) !!
|
يا قريبي ما قلتلك نسويلنا دكشنري شوايقة
سويتها لي طباعة وتنظيم مؤتمرات
| |
|
|
|
|
|
|
|
|
|
Re: كركار خدوم.. (Re: محمد صديق)
|
Quote: يا ود جبرين يا خرابة....
بعد وقعت فى الحفرة ديييييييك...
الطّلّعك منو؟؟
|
يا جورج ياخي الحفر الزي دي
الناس تشتهي الوقعة فيها
| |
|
|
|
|
|
|
|
|
 Re: كركار خدوم.. (Re: Hayat Hussien)
|
ود جبريل يديك العافية ويجازى محنك ,تعرف البوست دة لوكان تزلتة فى صباح الغد كان الجماعة الخواجات ديل كان ودونا التجانى الماحى بى هنا بس عاد اللة ستر , وكت عايز اعلق على كركارك دة بس خفتلك من الخور
يديك الف عافية يا رائع
| |
|
|
|
|
|
|
|
|
|
Re: كركار خدوم.. (Re: حبيب نورة)
|
Quote: خدوم: نان انا حسن قلتلو عرسني... ما تراهو جاء لي ابوي وقال دايرني..
وبقينا نرمي في الشفع علي رمييي اللقيمات.. |
والله دي عـــــــــــــــــــيــن دي 
| |
|
|
|
|
|
|
|
|
|
Re: كركار خدوم.. (Re: عرفة محمد سعيد)
|
ودجبرين .... سلام
ياخوي انت حياة الطفولة قضيتا كلها " تصنت " لي قطيعة الحريم ...
ونان الكلام ده بتجيبو من وين ...
تحياتي ... يا حريف ...
| |
|
|
|
|
|
|
|
|
|
Re: كركار خدوم.. (Re: ياسر نجيلة)
|
ياسلام عليك ياود جبرين ، أيه الابداع والروعة ديه طولنا من الكلام الطاعم اليهو معنى وصدى جميل فى النفوس ، مشتاقين والله ليك لتسطير الجمال من داخلك وضمخه عبر الاسفير ، اشتم فيه رائحة أهلى وتمورهم وريحة القيف ودخان امهاتنا فى عز الشتاء ، بعد عشاء كارب بالحليب من غنم الحوش البفوق ، جوار دكان أبوى مع شاى المغيرب مع قطع قراصة حامضةمن أمبارح محشية بالتمر اليايس، أكله كلها عافية وفائدة، واذا صادفت أيام حش التمر فالرطب والترمس أصحاب الموقف ، لك الحب كله أيها الجميل الأنسان ، فلقد أسعدتنى جدا بهذه الحكاية الصنميمة التى تمسنا من الداخل، وقدر ماتغربنا ولفينا الدنيا كلها مافى زى بلدنا وأهلنا الطيبين، طارق ياليت توثق ماتكتب فى الاسافير فى كتب وروايات ستجد القبول والترحاب وتكون وثقت لثقافتنا الشايقية التى نتعصب لها جدا من دون تقليل أو تعالى على أحد ، صدقنى وبدون مبالغة أنت أكثر من يعبر عن هذه البيئة بعد الراحل العظيم الطيب صالح( كفاية تواضع) مع خالص الود والمودة لشخصكم الحبيب .
| |
|
|
|
|
|
|
|
|
|
Re: كركار خدوم.. (Re: ابو جهينة)
|
ود جبرين سلام
نجعت وين يا شقى لمن ودك كركار خدوم سال بالاضنين من الحر
كتر الطله بجنس دا يا تحفه خلينا نفك الدبرسه وننسى المغايس
| |
|
|
|
|
|
|
|
|
|
Re: كركار خدوم.. (Re: موسي الراجل)
|
Quote: ود جبرين سلام
نجعت وين يا شقى لمن ودك كركار خدوم سال بالاضنين من الحر
كتر الطله بجنس دا يا تحفه خلينا نفك الدبرسه وننسى المغايس |
اووووووه موسى الراجل
ازيك يا حبيبنا
ياخي كيفنك نعلك طيب في عضامك ديل
| |
|
|
|
|
|
|
|
|
|
Re: كركار خدوم.. (Re: هاشم محمد الحسن عبدالله)
|
Quote: ياسلام عليك ياود جبرين ، أيه الابداع والروعة ديه طولنا من الكلام الطاعم اليهو معنى وصدى جميل فى النفوس ، مشتاقين والله ليك لتسطير الجمال من داخلك وضمخه عبر الاسفير ، اشتم فيه رائحة أهلى وتمورهم وريحة القيف ودخان امهاتنا فى عز الشتاء ، بعد عشاء كارب بالحليب من غنم الحوش البفوق ، جوار دكان أبوى مع شاى المغيرب مع قطع قراصة حامضةمن أمبارح محشية بالتمر اليايس، أكله كلها عافية وفائدة، واذا صادفت أيام حش التمر فالرطب والترمس أصحاب الموقف ، لك الحب كله أيها الجميل الأنسان ، فلقد أسعدتنى جدا بهذه الحكاية الصنميمة التى تمسنا من الداخل، وقدر ماتغربنا ولفينا الدنيا كلها مافى زى بلدنا وأهلنا الطيبين، طارق ياليت توثق ماتكتب فى الاسافير فى كتب وروايات ستجد القبول والترحاب وتكون وثقت لثقافتنا الشايقية التى نتعصب لها جدا من دون تقليل أو تعالى على أحد ، صدقنى وبدون مبالغة أنت أكثر من يعبر عن هذه البيئة بعد الراحل العظيم الطيب صالح( كفاية تواضع) مع خالص الود والمودة لشخصكم الحبيب .
|
قريبي هاشم هول ناس محمد الحسن
ياخي كيفنك وان شاء الله طيب ونصيح
يا حبيب اغرقتني بما لا أقو عليه
الطيب صالح رحمه الله ذلك رجل دونه النجوم
امثاله أندر من أسنان الدجاج
ما اكتبه على علاته لا يعدو أن يكون نتفا من((حكاوي)) حفظتها عن أهلي وعشيرتي
حكاوي كنت شاهدا عليها مع حبوبتي ((نفيسي)) رحمها الله
في ظني أنها لا ترقى للنشر الورقي
ادعو لنا ربك احاول ان اخرج قصة ((اي بت شديدة)) في شكل يصلح أن يكون روائيا
محبتي التي تعرف
| |
|
|
|
|
|
|
|
|
|
Re: كركار خدوم.. (Re: ياسر نجيلة)
|
Quote: ودجبرين .... سلام
ياخوي انت حياة الطفولة قضيتا كلها " تصنت " لي قطيعة الحريم ...
ونان الكلام ده بتجيبو من وين ...
تحياتي ... يا حريف ...
|
يا شقي الحال كيفنك
انا يا الحبيب باقي تربية حبوبات
| |
|
|
|
|
|
|
|
|
|
Re: كركار خدوم.. (Re: ناصر فراج)
|
Quote: ود جبريل يديك العافية ويجازى محنك ,تعرف البوست دة لوكان تزلتة فى صباح الغد كان الجماعة الخواجات ديل كان ودونا التجانى الماحى بى هنا بس عاد اللة ستر , وكت عايز اعلق على كركارك دة بس خفتلك من الخور
يديك الف عافية يا رائع
|
لا يبقى البوست دستربك يا حبيب
| |
|
|
|
|
|
|
|
|
|
Re: كركار خدوم.. (Re: Hayat Hussien)
|
Quote: الاخ طارق تحياتي واحترامي
والله ابداع دي شوية خليتني اسمع الحوار سمع
واشوف خدوم ونفيسي الله يديك العافي |
حياة مرحبا بك في عالم خدوم ونفيسي
المرتين ديل ماهن ساهلات وحات نضري
| |
|
|
|
|
|
|
|
|
|
Re: كركار خدوم.. (Re: ندى صالح الطيب)
|
Quote: الاخ طارق جبريل لك التحية
فت أديبنا الراحل الطيب صالح وعرس الزين لى غادى
خيتك ندى
مقاشى حزيمى بالعكس
|
اووووه قريبتي كيفنك
انا باقي اهلي ملخبتين الدنييي بي عندكم
شي من البركل وشي من اوسلي وشي من العفاض
ياخي الله يجبر بي خاطرك
الطيب صالح كاتب عظيم وكبير رحمه الله
ولا اظن ان ما اكتبه يرقى لهذا القامة
محبتي الاكيدة
| |
|
|
|
|
|
|
|
|
|
Re: كركار خدوم.. (Re: طارق جبريل)
|
ود جبريل ... غايتو عافي منك لله و الرسول
أخش و أمرق في البوست دة لامن ريحتي بقت كركار كركار ...
وحات ود الكرسني ود الطيب وكتين يجي يطالع لااااافوق يكابس في الحيط لامن يصل لي بيتو.. الراجل رقدتيهو كاويق.
دة أخير من ال بيهش الضبان بلسانو ( تعسيم شامل )
| |
|
|
|
|
|
|
|
|
|
Re: كركار خدوم.. (Re: طارق جبريل)
|
آآآآ طارق
كيفنك يا ود جبريلة, علك طيب ياخ..؟؟
_______
أخوك ممكون يا صاحب , كل الناس , بكري وداها في خبر كان , لحقهم الزينين ياخ.
http://وانت فى اللالوبة مصلبة البنيات النسيمات الهفيف وانت فى ...ة مشنقة الوليدات ...
اها (خضر حسين , عاطف عبدون , قمر بوبا , أميرة الشيخ , مريم بنت الحسين , سناء خالد , قيقراوي, عزاز شامي ,عيدروس
,سلمي تاور , ندي عثمان حسن , سامي صلاح و أماني الآمين ...و القائمة تطول) راحو في حق الله يا إنسان
(عدل بواسطة هواري نمر on 05-18-2011, 09:46 AM)
| |
|
|
|
|
|
|
| |
طارق جبريل
عبد الدائم سيد أحمد
محمد أبوالعزائم أبوالريش
محمد صديق
Hatim Gubara
عمران حسن صالح
ميسرة سيد أحمد
saif massad ali
ندى صالح الطيب
ناصر فراج
حبيب نورة
عرفة محمد سعيد
ياسر نجيلة
هاشم محمد الحسن عبدالله
ابو جهينة
هواري نمر
فيس بوك
تويتر
انستقرام
يوتيوب
بنتيريست