|
يا اخوانا عايز ادخل القصر الجمهوري
|
من نحن شفع وانا نفسي ادخل القصر الجمهوري من زمن بنمر براحة ونشوف الحرس الجمهوري واقفين مهنضبين بي ريشهم العجيب داك وانا نفسي اشوف جوة في شنو
هسع عندي حل واحد اتمرد واشيل سلاح ان شاء الله عكاكيز وبعد ما يشتد عود حركتي التمردية اقوم افاوض الحكومة واطالب بي كبير المستشارين واقوم اتخوجج داخل القصر الجمهوري
العايز يدخل القصر معاي يسجل اسمه هنا في البوست دا
|
|
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
اخوى طارق جبرين - سلام -
يا أخوى القصر دا كلو مليان شواطين واباليس وجنون !
القصر دا مسكون عديل !!! أبعد منه يا أخوى .
الكيزان غيروا طبيعتو تب -
ترفرف فوقو أرواح الشهداء والمغدورين -
وكلو ألم وأحزان - وأصوات مستغيثين ! زى أفلام الرعب .
- - تدخل هناك تلقى ام الصبيان والبعشوم !
ست البنات .
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
الأخ طارق جبريل،
أيه رأيك ياطارق أخوك دخل القصر الجمهوري في عام 1977 وطفت كل الغرف غرفة غرفة حتى غرفة الرئيس زمن حكم النميري وأيضا طلعت فوق السقف كنوع من حب الإستطلاع وعاينت في كل الأركان لمشاهدة القصر من جميع النواحي أي والله العظيم تصدق يا مؤمن، لكن ما وجدت شيء لافت للنظر. على كل حال أديك وصف مختصر للقصر الجمهوري. هو عبارة عن مبنى عادي جدا قديم يشبه الـ (bunker) وليس به سوى ديكورات قديمة لكنها جميلة وغرف كثيرة وواسعة. وفي ذلك الوقت كانت معظم الغرف خالية تماما ولايوجد بها أثاث مكتبي. ويتخيل لي مسكون وأحسن تسمع كلام ست البنات وتبعد منه. ولو ما مقتنع ممكن تسوق معاك جمال الصادق وباقي الأخوان والأخوات وشوية بخرات قوية (مضادة) للأشباح (علشان ما تدخل فيكم الخلعة وتروحوا أوانطة). ومن ناحية المدخل الخلفي المطل على النيل الأزرق تجد الحراس (جماعتك بتاعين الريش) واقفين (ديدبان) يعني لو الواحد ركت على أنفه ذبابة ما يقدر يهشها. وفي تلك الفترة كنت طالب لكن فاتت علي إني أقوم بإنقلاب مدني وأحتل القصر الجمهوري في الأول والباقي هين على الأقل كان أحوالكم إتحسنت. أكيد حتسألني كيف دخلت القصر الجمهوري. دا سر وما حأقوله. بس ما تفتكرني كنت بتاع أمن ولا غيره.
سؤال: في أي عام تم بناء القصر الجمهوري ومن الذي قام ببناءه؟
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: طارق
ازيك ورمضان كريم
وانا كمان عايزه ادخل القصر
وكمان القيادة العامة
هم فيهم شنو نفسي اعرف |
انعام كيفنك وتصومي وتفطري على خير لا يا اختي انا عايز اشوف وامشي حكاية القيادة ما بقدر عليها يوم الحساب يقوم واحد يلخبط لي دخولي للجنة وكدا اكون مرقت من الاتنين طرزان
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: يا أخوى القصر دا كلو مليان شواطين واباليس وجنون !
القصر دا مسكون عديل !!! أبعد منه يا أخوى .
|
ست البنات كيفنك شوفي يا اختي انا بدخله بالنهار وعندي سبحتا طويلي بشيلها معاي دحين شوفيلنا طريقة من غير الكتيل والارواح الشي نفسي فوقه
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
انت بس يا طارق يا اخوى نفسك دى ما تدخل عيللى فى قصر السجم دا ???
ما تدخل فى جبل البركل ولا قنديلاتا سمحات كدى !
عليك الله اختا بيكنات الناس الملولويين ديل ! بس يبقى دافنيلهون فيهو قونبلى ولا عمل تقوم تتطا
يكبسنك شواطينون ديل !
ست البنات .
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: انت بس يا طارق يا اخوى نفسك دى ما تدخل عيللى فى قصر السجم دا ???
ما تدخل فى جبل البركل ولا قنديلاتا سمحات كدى ! |
ست البنات يا اختي نسوي شنو النفيسي ماها صغيري
وان بقيت على القنديلا والبركاوي والله مشتهيلي سبروقا سخن بي حرف في وسط البركل بين اهلي
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
.
طـــارق :
Quote: جمال كيفنك انت يا اخوي عايز تدخل تشوف القصر ولا تتوهط فيه |
اول حاجة نخش نشوف بعد داك كان الامور (اتصعبت) ممكن نتوهط
انت عارف ياطارق اجمل حاجه انوالقصر ده يتحول لمتحف بالكامل .. وفيهو حدائق جميلة خالص ممكن تكون متنزهات للجماهير ...ويكون تعويض جيد عن السنين العجاف والقرارات الجائرة التي خرجت من نفس المكان .
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: انت عارف ياطارق اجمل حاجه انوالقصر ده يتحول لمتحف بالكامل .. وفيهو حدائق جميلة خالص ممكن تكون متنزهات للجماهير ...ويكون تعويض جيد عن السنين العجاف والقرارات الجائرة التي خرجت من نفس المكان |
العزيز جمال كيفنك انت يا اخوي ما ناوي تشوف بس اظنك بي صحك ناوي تتوهط امانة فوقك ان بقيت اتوهطة فيه تعزمني هناك شوفان بس لا دايرلي حرس لا زمبليطة بس اشوف بس
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: يا ريس الجيش على أتم إستعداد وجاهزين وفي إنتظار الأوامر سيدي ، ، ، ، ،. |
يا عمدة يا قائدنا يا همام
كلامك دا بيوديني التوج انا ما قادر علي بيوت البوش والكوارع شن قدرني على بيوت الاشباح كدي خلنا في الشوف بس
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
. .
Quote: العزيز جمال كيفنك انت يا اخوي ما ناوي تشوف بس اظنك بي صحك ناوي تتوهط امانة فوقك ان بقيت اتوهطة فيه تعزمني هناك شوفان بس لا دايرلي حرس لا زمبليطة بس اشوف بس |
الجميل طارق بيني وبينك كده النية في بس توهيطة تكون
زي بتاعة الزعيم الازهري يعني بارادة الجماهير ...
مش بطريقة (المخلوعين) السابقين و(المخلوعين) المخلوعيييين المتوهطين الان .
يازول تشوف ساكت وكمان عازمك رحلة بالقصر العائم وطبعا اسمو حيتحول( ليخت الشعب)
وحيكون مخصص لرحلات نيلية لزوار (متحف القصر) ...
... تعرف ياطارق انا هسع قاعد اخد سلام سلاح (مقدما) من الاثنين بتاعين الحرص الجمهوري الواقفين
قبالة شارع النيل ..فكل ما امر بهناك بديهم(بوري) فتسمع ضرب الارجل و السلاح على الارض ..
.. .
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
ابو انس الصحافاوي
Quote: موضوعك ياطارق يفتح الشهية لتوثيق أحداث القصر الجمهوري عبر تاريخه القديم والحديث |
الكلام الغلاد القلتو دا سمح بالحيل لكن حا يدخلني في كبسيبات ماني قادر عليها ياخي انا كايسلي شوفتا ويحيدي وبعدها امرق اتخوجج
| |
|
|
|
|
|
|
Re: يا اخوانا عايز ادخل القصر الجمهوري (Re: طارق جبريل)
|
Quote: يازول تشوف ساكت وكمان عازمك رحلة بالقصر العائم وطبعا اسمو حيتحول( ليخت الشعب)
وحيكون مخصص لرحلات نيلية لزوار (متحف القصر) ...
|
يا جمال يا اخوي كدة حا تخليني اطمع شديد وانا ما زول شدايد لكن اليخت دا ان بقا فيه ملاهط انا جاييك زول كرش وشوف كمان
| |
|
|
|
|
|
|
|