|
|
 ياخي دي فَلسَة شنو دي
|
- قسط المدارس حق الأولاد
- التأمين المدرسي للأولاد
- قسط العربية
- تجديد تأمين العربية
- مصاريف الحاج
- حق الخروف قرب
ياخي دة شهر دة ولا أمبعلو
وبعد دة كله يضرب ليك أخوك الصغير يقول ليك: عرسي بعد شهرين أها هديتك لي شنو
تليشة:
مافي صحفي ود حلال كدة يشوف لينا جريدة عايزة تبويب وماكيت
نطلع حق التذكرة للسودان ومصاريف الإجازة
أهم حاجة ما يكون حرامي زي ناس كدة
|
|
 
|
|
|
|
|
|
|
 Re: ياخي دي فَلسَة شنو دي (Re: معاوية عبيد الصائم)
|
Quote: صاحب البوست تنطبق عليه شروط الزكاة ..
ومؤقتا يمكن دعمه من بيت مال المسلمين .
.قرض
حسن.؟
عليك مراجعة اقرب بيت للمسلمين لتكملة
الاجراءت...
|
والله انت أصلا ما خاتية عليك قريبتي الظلامية بيان
لمن رشتك رش قرائب الإبل
| |
|
|
|
|
|
|
|
|
|
Re: ياخي دي فَلسَة شنو دي (Re: بله محمد الفاضل)
|
Quote: ود جبرين
بمناسبة القييد الحايمة دي
إتا عندك قيد صحفي
ولا همبتة ساهي منك
ماسكلك مجلة
وسرحان عبد البصير
|
قيد شنو يا حبيب انت قايلان حــملان ألات ضان
ياخي هني اخوك عنده بطاقة مكتوب فيها صحافي مهني
تقولي قيد
| |
|
|
|
|
|
|
|
|
|
Re: ياخي دي فَلسَة شنو دي (Re: طارق جبريل)
|
| Quote: اتاريه حيدر الزين من شدة المصاريف بقى يشكك في عمر بن الخطاب |
والدليل شابكنا لا ثكلتك أمك ولا شيء
ـــــ
والنجيضة العملها مع أمو هو كتبها في مداخلة في هذا البوست 
| |
|
|
|
|
|
|
|
|
 Re: ياخي دي فَلسَة شنو دي (Re: طارق جبريل)
|
طارق . مالك يآخ 
مشيت حجزت قبل اسبوع يا الله ويا امين لقيت لي حجز في زمن مناسب قبل العيــد
( المغتربين المستهبلين ديل يقولوا ليك الوضع كعب وحجوزات الطيران للسودان للعيد قبل اربعين يوم فل الا بواسطة)
المهم بعد مسكت تذكرتي في يدي وقعدت انطط زي الجلى من طيش مدرستنا بنمرتين قلت ادق ابشر الحاجة واقولها خروفي السنة دي معاكي
- وطبعاً بكلام طيبة قلت ليها عاوزين شنو يا حاجة اجيبها معاي- 
عليك امان الله ا ود جبريل ان ما طرت لي لبن الشفع والسيرلاك والبامبرز وانه هنا بقي في اسبوع راتب عامل سكة حديد؟
أها قلتلها وبعدين يا حاجة تاني شنو؟
قالت لي دواء العقارب ربنا يديك اجر الهدام دفر البيوت وعقارب الشقوق دفرت البيوت ومستشفي عطبرة غير درب الجلكوز
ويحولوك لأشعة صوتية برة ماعندهم - قلتها يا امي اشعة صوتية في قرصة عقرب؟؟
قالت لي ياولدي بيقولو مهمة شديد يمكن العقرب تكون طقت ليها عرق ( انتا بتفهم احسن من الدكاترة؟؟)
سكتت!
بعدين بليت ريقي واجيشيت صوتي واتسركنت وقلت:
يا أمي طلباتكم كلها عرفتها لكن دي ما عندي ليها قدرة مع فرش البيت
قالت لي :
ياود دااك اليوم العطية ولدها مات بعضة عقرب وهم بيعاينو لجية المغتربين زي هلال رمضان وكل العندو مغترب كلمهم يوفرو دحين ان ما جبتو معاك لا تجي ( دايرهم يشيلو حالنا)
قلت لها طيب والبامبرز دي شنو؟
قالت لي حساسية
قلت خلاص بجي لكن (بيني وبينك يا امي عشرة الاف بتقعدني اسبوعين؟؟)
ردت علي بمساخة عارفها عندها( بتكون كومت توبها في نص راسها ) :
( اقولك يا جنا .. رسل البامبرز والسيرلاك ودواء العقارب .. اللبن خليهو نحن بنتصرف فيهو ومرتك دي شهرين بنلزها ليك)
ثم اعقبت:
انتو وقت بتنضمو بخمسة وعشرة الفصاحة ليكم والعرس شنو؟؟
ــــــــ
هسع تذكرة للبيع
| |
|
|
|
|
|
|
|
|
|
Re: ياخي دي فَلسَة شنو دي (Re: أحمد ابن عوف)
|
يا صبري طه
| Quote: والنجيضة العملها مع أمو هو كتبها في مداخلة في هذا البوست |
الحقيقة هي لو ثكلتني بس كان أخير.. لكن شكلها ثكلت وضع المغتربين كوولهم
( تلقانا هسع مدار ونسة قعدات جبنتها مع حليمة بت الفقير وست البنات العمشاء )
| |
|
|
|
|
|
|
|
|
|
Re: ياخي دي فَلسَة شنو دي (Re: محمد الأمين موسى)
|
Quote:
مافي صحفي ود حلال كدة يشوف لينا جريدة عايزة تبويب وماكيت
نطلع حق التذكرة للسودان ومصاريف الإجازة
أهم حاجة ما يكون حرامي زي ناس كدة
|
شايف ملاسي اٍطوّر و اخد القــيد الصحفي، أصبر شوية اٍحتمال يسويلوا جريدة يكتب فيها تأمّلاياتو ديل.
يبقي يطلبك فى ماكيت ولا شئ.
| |
|
|
|
|
|
|
|
|
|
Re: ياخي دي فَلسَة شنو دي (Re: منال)
|
يا ود جبرين...
غايتو حق شنو شون الهناك دي ما عارف تجيبا من وين
لكن السودان...امش ليه ساكت لا قرش لا تعريفة ...ما تسمع
كلام ام حيدر الزين دا...انا جيت لي اسبوع وعديت فيه
شهر لا قرش لا تعريفة...من اول يومين نشلو جزلاني بي بطاقاتو
وقروشوا...وكملت اجازتي...وبي بنياتي...لا خليت شارع النيل
ولا المطاعم الفي شارع المطارع...وايسكريم 41 ..والحدايق
حقة الاطفال دي حمتها حديقة حديقة...بي شفعي...وقرش واحد
ما دفعتو...ولافي زول دفع لي قرش...وتاني كل مرة حا امشي
بي يدي العشرة...يمين الله المتعة الاستمتعتها..اجازاتي الفاتت
دي كلها ما ضقتها وكان مكضبني اسأل ناذر...وكان عايز صورة
بلاغ الفقدان برفعها ليك هنا دا...
وعشان اشرح ليك قضيت اجازتي كيف بديك خيط واحد...
اول يوم السرقة...مشيت السجانة...عايز اشوف اقفال لي
الابواب...وجيوبي فاااااضية...لقيتهم ببيعوا القفل براه
واليد براها...وبعت واشتريت ...بلا راسمال وطلعت منهم
بي حق اسبوعين...بي خروفا...ومن ديك وعيك...تاني بقت
القروش تجيني عند اهلي قبال ما اشرب الشاي...والله لو
قويت قلبي كان ما رحعت لي الغربة...
يا راجل ديل عندهم قروش بي الهبل...زول يشتري قفل باب
بي 120 الف...وهو هنا بي عشرين الف؟؟؟
| |
|
|
|
|
|
|
|
|
|
Re: ياخي دي فَلسَة شنو دي (Re: Hani Arabi Mohamed)
|
Quote: ربنا يصلح الحال ..... حالة صعبة ..... بس برضو الحمد لله ... لأنو مهما ساء الحال .... أحسن من غيرنا كتير
|
هاني كيفنك يا حبيب
يا زول حامدين الله ليل ونهار
وشاكرين فضله ونعمه التي لا تحصى
| |
|
|
|
|
|
|
|
|
|
Re: ياخي دي فَلسَة شنو دي (Re: nazar hussien)
|
الخيط التاني:
سيد بطيخ في الشارع البمر بي بيت الفنون(اظنه المعونه)
كان ما غيرو اسمو...قريب من ناس العوض المسلمي...
نزلت قلت ليه البطيخة بي كم وقدامو جبل بطيخ...كان
عديت او قدرت بتلقاهن زي 500 بطيخة...قال لي الواحدة
بي 20 الف...(بالقديم طبعا) قلت ليه كلو بي كم؟
قال لي والله انا مشتريه من محلو بي كدي...وكدي دي
القالا لو باع بي خمسة هو ربحان...اشتريتو منو..
وقلت ليه انتظرني ساعتين تلاتة...في الضل داك بديك
حق بطيخك...وقبال التلاتة ساعات...خليت الولد المعاه
يبيعو بعد ما نزلت السعر النص...واديت كل زول
حقو...وشلت حقا يكفيني تلاتة يوم...وكان ما اخاف الكضب
العوض المسلمي كان سايق برادو يكون اشتري مني تلاتة بطيخات.
| |
|
|
|
|
|
|
|
|
|
Re: ياخي دي فَلسَة شنو دي (Re: عبدالرحيم أبراهيم العبيد)
|
Quote: سيد بطيخ في الشارع البمر بي بيت الفنون(اظنه المعونه)
كان ما غيرو اسمو...قريب من ناس العوض المسلمي...
نزلت قلت ليه البطيخة بي كم وقدامو جبل بطيخ...كان
عديت او قدرت بتلقاهن زي 500 بطيخة...قال لي الواحدة
بي 20 الف...(بالقديم طبعا) قلت ليه كلو بي كم؟
قال لي والله انا مشتريه من محلو بي كدي...وكدي دي
القالا لو باع بي خمسة هو ربحان...اشتريتو منو..
وقلت ليه انتظرني ساعتين تلاتة...في الضل داك بديك
حق بطيخك...وقبال التلاتة ساعات...خليت الولد المعاه
يبيعو بعد ما نزلت السعر النص...واديت كل زول
حقو...وشلت حقا يكفيني تلاتة يوم...وكان ما اخاف الكضب
العوض المسلمي كان سايق برادو يكون اشتري مني تلاتة بطيخات |
نزار ياخ ماتبقى زى حمودى ولدى يودينى امريكا ويرجعنى
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
| Quote: نزار ياخ ماتبقى زى حمودى ولدى يودينى امريكا ويرجعنى |
اسمعي كلام حمودي يا منال وتنجحي....
يا منال...اذا انت لسه في السودان...اسألي اي سوبرماركت
جنبكم قول ليه...(البالمرز بي كم؟) وانت حا تصدقي حمودي..
امريكا انت قايلاها بعيدة...بقت اسكايبي وفيس بوك..
| |
|
|
|
|
|
|
|
|
|
Re: ياخي دي فَلسَة شنو دي (Re: nazar hussien)
|
يا سيد سلام عليك
اول حاجة نسيت ابارك للعريس وبيت مال وعيال
ثانياً وحسب معرفتي العريس دا عندو اخوان غيرك واكبر منك فيعني انت خلاص الشايل الهم؟ ولا العريس دا عنده علم عن موضوع الرجاء والهلال والصفقة وقال يمرق بحقه منك بصيغة يا فيها يا اطفيها؟
ثالثاً: والله نفس الفيلم دا وقع على ، تتخيل يا طارق عندي واحد والحمد لله انه اخر واحد داير يعرس العيد الجاي، غايتو خلاني اتكلم براي.
تتخيل يا طارق لمن فكرت ابيع الاودي بتاعتي او البرادو بتاعة عمر شفت لحدي وين؟
ود الصائم
يا اخي شفقتنا قلنا لحقوك الفكي ولا شنو "بعد الشر عنك"
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
Quote: يا سيد سلام عليك
اول حاجة نسيت ابارك للعريس وبيت مال وعيال
ثانياً وحسب معرفتي العريس دا عندو اخوان غيرك واكبر منك فيعني انت خلاص الشايل الهم؟ ولا العريس دا عنده علم عن موضوع الرجاء والهلال والصفقة وقال يمرق بحقه منك بصيغة يا فيها يا اطفيها؟
ثالثاً: والله نفس الفيلم دا وقع على ، تتخيل يا طارق عندي واحد والحمد لله انه اخر واحد داير يعرس العيد الجاي، غايتو خلاني اتكلم براي.
تتخيل يا طارق لمن فكرت ابيع الاودي بتاعتي او البرادو بتاعة عمر شفت لحدي وين؟
ود الصائم
يا اخي شفقتنا قلنا لحقوك الفكي ولا شنو "بعد الشر عنك"
|
يا ود الفكي
هم يعرسوا ونحن نقعد نبكي
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
نزار
Quote: سيد بطيخ في الشارع البمر بي بيت الفنون(اظنه المعونه)
كان ما غيرو اسمو...قريب من ناس العوض المسلمي...
نزلت قلت ليه البطيخة بي كم وقدامو جبل بطيخ...كان
عديت او قدرت بتلقاهن زي 500 بطيخة...قال لي الواحدة
بي 20 الف...(بالقديم طبعا) قلت ليه كلو بي كم؟
قال لي والله انا مشتريه من محلو بي كدي...وكدي دي
القالا لو باع بي خمسة هو ربحان...اشتريتو منو..
وقلت ليه انتظرني ساعتين تلاتة...في الضل داك بديك
حق بطيخك...وقبال التلاتة ساعات...خليت الولد المعاه
يبيعو بعد ما نزلت السعر النص...واديت كل زول
حقو...وشلت حقا يكفيني تلاتة يوم...وكان ما اخاف الكضب
العوض المسلمي كان سايق برادو يكون اشتري مني تلاتة بطيخات. |
قلبك قوي
| |
|
|
|
|
|
|
|
|
|
Re: ياخي دي فَلسَة شنو دي (Re: SHIBKA)
|
بعدين يا الصحافي المهني
اسمها غرائب الابل (جمع غريبة" تكون حبوبة صلاح" ) وهي البعيدة عن موطنها وليس قرائب الابل
بالمناسبة دي اسمع دي
مرة لسانها سليط راكبة العربية مع راجلها والراجل زهجان منها وجاء جنب موراح حق بقر ووالمرة سرحت تعاين في الموراح فالراجل سالها قالها بتعايني في البقر دا كدا مالك بيقربوا ليك؟ قالت ليهو ايوة، اهل راجلي
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
Quote: بعدين يا الصحافي المهني
اسمها غرائب الابل (جمع غريبة" تكون حبوبة صلاح" ) وهي البعيدة عن موطنها وليس قرائب الابل
بالمناسبة دي اسمع دي
مرة لسانها سليط راكبة العربية مع راجلها والراجل زهجان منها وجاء جنب موراح حق بقر ووالمرة سرحت تعاين في الموراح فالراجل سالها قالها بتعايني في البقر دا كدا مالك بيقربوا ليك؟ قالت ليهو ايوة، اهل راجلي
|
دي ما طلقها ثلاثا
ياخي غرائب دي قبل كدة كتبتها زي ما انت كاتبها
جاء ود البشرى قال لي ما كدة
وانا ود البشرى دة عندي فيه اعتقاد كبير ياخ
| |
|
|
|
|
|
|
|
|
|
Re: ياخي دي فَلسَة شنو دي (Re: SHIBKA)
|
سلامات ياقريبي ..
Quote: قسط المدارس حق الأولاد
- التأمين المدرسي للأولاد
- قسط العربية
- تجديد تأمين العربية
- مصاريف الحاج
- حق الخروف قرب
ياخي دة شهر دة ولا أمبعلو
وبعد دة كله يضرب ليك أخوك الصغير يقول ليك: عرسي بعد شهرين أها هديتك لي شنو |
عارف ياخال ..بعد عيد الفطر دايماً بصادف فتح المدارس عندنا ..وطبعاً ده اخطر شهر وممكن يأثر على باقي السنة باعتبار انك طالع من رمضان وعيد فطر وداخل على رسوم مدارس ..عيد فطر يعني عندنا في السعودية انك ترسل ملابس العيد للسودان وغير مصاريفهم وغير مصروفات رمضانك البتكون قصمت ظهرك وظهر ابو الجاب ابوك ذاته.. وكمان تكون داخل على عيد ضحية وخروف العيد السعره زاد ...
لكن شي يخش العضم زي البامبرز والايريل مافي ...ياحليل البرش الكان ببول فيهو حيدر الزين ..
| |
|
|
|
|
|
|
|
|
|
Re: ياخي دي فَلسَة شنو دي (Re: فايزودالقاضي)
|
Quote: عارف ياخال ..بعد عيد الفطر دايماً بصادف فتح المدارس عندنا ..وطبعاً ده اخطر شهر وممكن يأثر على باقي السنة باعتبار انك طالع من رمضان وعيد فطر وداخل على رسوم مدارس ..عيد فطر يعني عندنا في السعودية انك ترسل ملابس العيد للسودان وغير مصاريفهم وغير مصروفات رمضانك البتكون قصمت ظهرك وظهر ابو الجاب ابوك ذاته.. وكمان تكون داخل على عيد ضحية وخروف العيد السعره زاد ...
لكن شي يخش العضم زي البامبرز والايريل مافي ...ياحليل البرش الكان ببول فيهو حيدر الزين ..
|
والله يا قريبي انا الشهر دة اتلمن علي كلهن
مدارس واقساط عربية وهدوم العيد وتأمين صحي وتأمين عربية
ياخي دة شهر كافر عدييييييييل
تليشة:
ياخي حيدر الزين اخير كان ببول في البرش
ود شيقوق كان ببول بين افراق الحبال حقت العنقريب
| |
|
|
|
|
|
|
|
|
|
Re: ياخي دي فَلسَة شنو دي (Re: nazar hussien)
|
Quote: الخيط التاني:
سيد بطيخ في الشارع البمر بي بيت الفنون(اظنه المعونه)
كان ما غيرو اسمو...قريب من ناس العوض المسلمي...
نزلت قلت ليه البطيخة بي كم وقدامو جبل بطيخ...كان
عديت او قدرت بتلقاهن زي 500 بطيخة...قال لي الواحدة
بي 20 الف...(بالقديم طبعا) قلت ليه كلو بي كم؟
قال لي والله انا مشتريه من محلو بي كدي...وكدي دي
القالا لو باع بي خمسة هو ربحان...اشتريتو منو..
وقلت ليه انتظرني ساعتين تلاتة...في الضل داك بديك
حق بطيخك...وقبال التلاتة ساعات...خليت الولد المعاه
يبيعو بعد ما نزلت السعر النص...واديت كل زول
حقو...وشلت حقا يكفيني تلاتة يوم...وكان ما اخاف الكضب
العوض المسلمي كان سايق برادو يكون اشتري مني تلاتة بطيخات.
|
يا نزار ياخي ما تشوف لي بتاع البطيخ دة
عشان اشيل اجازة 45 يوم بدل 21
| |
|
|
|
|
|
|
|
|
|
Re: ياخي دي فَلسَة شنو دي (Re: nazar hussien)
|
Quote: يا ود جبرين...
غايتو حق شنو شون الهناك دي ما عارف تجيبا من وين
لكن السودان...امش ليه ساكت لا قرش لا تعريفة ...ما تسمع
كلام ام حيدر الزين دا...انا جيت لي اسبوع وعديت فيه
شهر لا قرش لا تعريفة...من اول يومين نشلو جزلاني بي بطاقاتو
وقروشوا...وكملت اجازتي...وبي بنياتي...لا خليت شارع النيل
ولا المطاعم الفي شارع المطارع...وايسكريم 41 ..والحدايق
حقة الاطفال دي حمتها حديقة حديقة...بي شفعي...وقرش واحد
ما دفعتو...ولافي زول دفع لي قرش...وتاني كل مرة حا امشي
بي يدي العشرة...يمين الله المتعة الاستمتعتها..اجازاتي الفاتت
دي كلها ما ضقتها وكان مكضبني اسأل ناذر...وكان عايز صورة
بلاغ الفقدان برفعها ليك هنا دا...
وعشان اشرح ليك قضيت اجازتي كيف بديك خيط واحد...
اول يوم السرقة...مشيت السجانة...عايز اشوف اقفال لي
الابواب...وجيوبي فاااااضية...لقيتهم ببيعوا القفل براه
واليد براها...وبعت واشتريت ...بلا راسمال وطلعت منهم
بي حق اسبوعين...بي خروفا...ومن ديك وعيك...تاني بقت
القروش تجيني عند اهلي قبال ما اشرب الشاي...والله لو
قويت قلبي كان ما رحعت لي الغربة...
يا راجل ديل عندهم قروش بي الهبل...زول يشتري قفل باب
بي 120 الف...وهو هنا بي عشرين الف؟؟؟
|
نزار يا حبيب كيفنك ابوي
تعرف في اجازتي الفاتت عندي ود عمي كدة جن مسلط
كنت دايما لافي معاهو
الصباح لمن نكون ماشين علي الخرطوم يقول لي: معلم الله من القروش
لامن الاققيه العصرية وهو راجع البيت عشان يوصلني معاهو القى عنده في درج الطابلون ما بين 15 إلى 20 مليون جنيه
تقول ليه دة شنو يا المبروك يقوليك: لها مدبر حكيم
يمين حيرني في راسي
| |
|
|
|
|
|
|
|
|
|
Re: ياخي دي فَلسَة شنو دي (Re: abubakr salih)
|
Quote: شايف ملاسي اٍطوّر و اخد القــيد الصحفي، أصبر شوية اٍحتمال يسويلوا جريدة يكتب فيها تأمّلاياتو ديل.
يبقي يطلبك فى ماكيت ولا شئ |
يا خرابة كيفنك
يا زول سحس دة لو عمل جريدة يمين يدخل ملايين
انا غايتو طوالي بنط في جيبو
| |
|
|
|
|
|
|
|
|
|
Re: ياخي دي فَلسَة شنو دي (Re: محمد الأمين موسى)
|
Quote: يا ود جبريل... حرام عليك إنت مفلس؟ وبنك السودان يقول شنو؟؟ الشالو منو البزة وأدوه سكاتة!!!
غايتو زي ما قالوا أهلنا الشلوح: الله هونيني!
|
يا ابو اللمين عشان انت شردت وخليتنا غرقانين في الشغلانية الفارغة دي
| |
|
|
|
|
|
|
|
|
|
Re: ياخي دي فَلسَة شنو دي (Re: HAIDER ALZAIN)
|
Quote: طارق . مالك يآخ
مشيت حجزت قبل اسبوع يا الله ويا امين لقيت لي حجز في زمن مناسب قبل العيــد
( المغتربين المستهبلين ديل يقولوا ليك الوضع كعب وحجوزات الطيران للسودان للعيد قبل اربعين يوم فل الا بواسطة)
المهم بعد مسكت تذكرتي في يدي وقعدت انطط زي الجلى من طيش مدرستنا بنمرتين قلت ادق ابشر الحاجة واقولها خروفي السنة دي معاكي
- وطبعاً بكلام طيبة قلت ليها عاوزين شنو يا حاجة اجيبها معاي-
عليك امان الله ا ود جبريل ان ما طرت لي لبن الشفع والسيرلاك والبامبرز وانه هنا بقي في اسبوع راتب عامل سكة حديد؟
أها قلتلها وبعدين يا حاجة تاني شنو؟
قالت لي دواء العقارب ربنا يديك اجر الهدام دفر البيوت وعقارب الشقوق دفرت البيوت ومستشفي عطبرة غير درب الجلكوز
ويحولوك لأشعة صوتية برة ماعندهم - قلتها يا امي اشعة صوتية في قرصة عقرب؟؟
قالت لي ياولدي بيقولو مهمة شديد يمكن العقرب تكون طقت ليها عرق ( انتا بتفهم احسن من الدكاترة؟؟)
سكتت!
بعدين بليت ريقي واجيشيت صوتي واتسركنت وقلت:
يا أمي طلباتكم كلها عرفتها لكن دي ما عندي ليها قدرة مع فرش البيت
قالت لي :
ياود دااك اليوم العطية ولدها مات بعضة عقرب وهم بيعاينو لجية المغتربين زي هلال رمضان وكل العندو مغترب كلمهم يوفرو دحين ان ما جبتو معاك لا تجي ( دايرهم يشيلو حالنا)
قلت لها طيب والبامبرز دي شنو؟
قالت لي حساسية
قلت خلاص بجي لكن (بيني وبينك يا امي عشرة الاف بتقعدني اسبوعين؟؟)
ردت علي بمساخة عارفها عندها( بتكون كومت توبها في نص راسها ) :
( اقولك يا جنا .. رسل البامبرز والسيرلاك ودواء العقارب .. اللبن خليهو نحن بنتصرف فيهو ومرتك دي شهرين بنلزها ليك)
ثم اعقبت:
انتو وقت بتنضمو بخمسة وعشرة الفصاحة ليكم والعرس شنو؟؟
ــــــــ
هسع تذكرة للبيع |
والله يا ود الزين الحال ياهو نفس الحال
تعرف الحاج بقيت لو عايز ساكت اسأل من صحته
أول ما يرفع السماعة تقول ليه يا حاج ازيك يرد عليك: حولت بتين وكم
ولو القصة ما فيها تحويل وبقت سلام ساكت يقوليك: والله يا ولدي ترانا راجين الموت
الإجازة الفاتت قال لي هسي زولادك ديل بتدفع ليهم كم في المدارس، اديتو ليك رقم كبير كدة قام قال لي:
خليهم هنا انا بدرسهم ليك انت بس رسل
| Quote: ( بتكون كومت توبها في نص راسها ) |
الحاجات ديل متفقات في الحركة دي لمن يكونن زعلانات
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
| Quote: ونسيت اضافة بند "خدمات ضيوف بيت الله الحرام في عمرة رمضان" |
ده بند لايذكر ولايضاف فهو بند للآخره ...ربنا يقبل من الجميع ..
ـــــــــــــ
شنو ماداير تظهر لينا ولاتتصل ولا داير تدينا التلفون عشان نتصل ونصلك ؟
| |
|
|
|
|
|
|
|
|
|
Re: ياخي دي فَلسَة شنو دي (Re: بله محمد الفاضل)
|
خلاص قلنا جاينك قعدت تعمل فيها مفلس؟؟؟
بطل جرسة ودق صدرك وخليك صنديد،،
أنحنا بعنا كل شيء واشترينا تذاكر المغرب تعمل فيها رايح؟؟؟
التعويضات ياحبيب ،،
==
ولا أقول ليك حاجة:
أمشي ألحق أهلك الفي الشمالية القالت ويكيليكس بقو لابسين عقالات!!
عالم جرسة!!!
| |
|
|
|
|
|
|
|
|
|
Re: ياخي دي فَلسَة شنو دي (Re: عبد اللطيف بكري أحمد)
|
| Quote: شنو ماداير تظهر لينا ولاتتصل ولا داير تدينا التلفون عشان نتصل ونصلك ؟ |
والله يا فايز المشاغل بس، غير انه الخميس بالليل والجمعة بعد الصلاة عندي ناس قاعد اادبهم في الويست ، المهم التلفون برسله ليك في الخاص وبنتقابل باذن الله
| |
|
|
|
|
|
|
|
|
|
Re: ياخي دي فَلسَة شنو دي (Re: عبد اللطيف بكري أحمد)
|
Quote: خلاص قلنا جاينك قعدت تعمل فيها مفلس؟؟؟
بطل جرسة ودق صدرك وخليك صنديد،،
أنحنا بعنا كل شيء واشترينا تذاكر المغرب تعمل فيها رايح؟؟؟
التعويضات ياحبيب ،،
==
ولا أقول ليك حاجة:
أمشي ألحق أهلك الفي الشمالية القالت ويكيليكس بقو لابسين عقالات!!
عالم جرسة!!!
|
افو يا ود خالتي يمين نبيع لحمنا ونستقبلك
هو نحن لاقنك وين
يا زول ويكيليكس دة عنصري ياخ
| |
|
|
|
|
|
|
|
|
|
Re: ياخي دي فَلسَة شنو دي (Re: عبد اللطيف بكري أحمد)
|
يا أخوانا الحاصل شنو كلكم عاملين حملان!!!!
الكلام دا واضح,,,
الزول قلبو واقف وفاقد سوائل زاتو..
مع تبرعى لأخى طارق بما تيسر متكفل بإستقبال تبرعاتكم الكريمة وإيصالها له باليد دون إستقطاع قيمة الإقامة والترحيل من المبلغ!!!
يعنى الإقامة والتذكرة على أخوكم...
قصرت معاك يا طارق,,
زيد الجعرة شوية يمكن العالم دى تتحرك وتكشكش جيوبا!!
قحوا ياخ الله يحرق الجيوب أمّات عقارب ديل...
التحويلات بالويسترن يونيون أو ما تيسر من الصرافات المجاورة ,,,
أيضا متوفر رقم تلفون لتحويل التبرعات عن طريق الرصيد لى أهلنا ناس (قرب تعال ما تبتعد)
مشتاقين ياخ..
| |
|
|
|
|
|
|
|
|
|
Re: ياخي دي فَلسَة شنو دي (Re: أيمن الطيب)
|
Quote: يا أخوانا الحاصل شنو كلكم عاملين حملان!!!!
الكلام دا واضح,,,
الزول قلبو واقف وفاقد سوائل زاتو..
مع تبرعى لأخى طارق بما تيسر متكفل بإستقبال تبرعاتكم الكريمة وإيصالها له باليد دون إستقطاع قيمة الإقامة والترحيل من المبلغ!!!
يعنى الإقامة والتذكرة على أخوكم...
قصرت معاك يا طارق,,
زيد الجعرة شوية يمكن العالم دى تتحرك وتكشكش جيوبا!!
قحوا ياخ الله يحرق الجيوب أمّات عقارب ديل...
التحويلات بالويسترن يونيون أو ما تيسر من الصرافات المجاورة ,,,
أيضا متوفر رقم تلفون لتحويل التبرعات عن طريق الرصيد لى أهلنا ناس (قرب تعال ما تبتعد)
مشتاقين ياخ..
|
عفيت منك يا ود الطيب يمين كلس
اسمعني النص بالنص ياخي ونتقاسم بالليل عشان ما نجيب الكلام لي روحنا
يعلم الله يا الحبيب مشتهي ونستك
اها السنة دي كيف؟؟؟؟
| |
|
|
|
|
|
|
|
|
|
Re: ياخي دي فَلسَة شنو دي (Re: أيمن الطيب)
|
| Quote: متكفل بإستقبال تبرعاتكم الكريمة وإيصالها له باليد |
عندي سفرية المغرب اليومين الجايات ديل
متكفل باستلام هذه المهمة الشاقة عنك
وبنفس المواصفات والمقاييس
ههههه
دي تلقاها عند الغافل يا عمك
يعني يجوعر
والنتيجة تبقى أربعين خمسمائة خمسة وعشرينات هدف
وكلها خارج مرماه
بتنحل يا عمك بتنحل
لوك الصبر بس سنة سنتين لي قدام
أهو المقترحات البتدفئ القلب
مرقت
هل من مثني
| |
|
|
|
|
|
|
|
|
|
Re: ياخي دي فَلسَة شنو دي (Re: طارق جبريل)
|
غايتو يا طارق ما قايلك مسكين للدرجة دي
Quote: اخي غرائب دي قبل كدة كتبتها زي ما انت كاتبها
جاء ود البشرى قال لي ما كدة
وانا ود البشرى دة عندي فيه اعتقاد كبير ياخ |
انت بتعتقد في رشاشة؟
| |
|
|
|
|
|
|
|
|
|
Re: ياخي دي فَلسَة شنو دي (Re: طارق جبريل)
|
كلنا في الهم شرق
بعنا الاجازة و شلنا سلفية و الحال
زاد الطين بله يوم اقساط السلفية تستحق رغما عن انها غير ربوية و من الشركة لانو الماهية حتقل
انازمانك ماكنتا مرتاح ( قبل 20 سنة) الخلاني اعرس شنو؟
| |
|
|
|
|
|
|
|
|
|
Re: ياخي دي فَلسَة شنو دي (Re: domdom)
|
Quote: ]كلنا في الهم شرق
بعنا الاجازة و شلنا سلفية و الحال
زاد الطين بله يوم اقساط السلفية تستحق رغما عن انها غير ربوية و من الشركة لانو الماهية حتقل
انازمانك ماكنتا مرتاح ( قبل 20 سنة) الخلاني اعرس شنو؟ |
طارق سلامات
بعد غياب اها زولنا متين
ربنا يتمو علي خير
| |
|
|
|
|
|
|
|
|
|
Re: ياخي دي فَلسَة شنو دي (Re: domdom)
|
Quote: كلنا في الهم شرق
بعنا الاجازة و شلنا سلفية و الحال
زاد الطين بله يوم اقساط السلفية تستحق رغما عن انها غير ربوية و من الشركة لانو الماهية حتقل
انازمانك ماكنتا مرتاح ( قبل 20 سنة) الخلاني اعرس شنو؟
|
| |
|
|
|
|
|
|
|
|
|
Re: ياخي دي فَلسَة شنو دي (Re: domdom)
|
الرجلين المحننات الشفناهم فى وش الكتاب ديك
كيفن ما بيفلسن بيك ؟؟!!!!
انت المفروض رصيد زاتو ما يكون عندك
* عليك الله جبتنهم من وين يا مسخوت ؟؟
| |
|
|
|
|
|
|
|
|
|
Re: ياخي دي فَلسَة شنو دي (Re: منصور عبد الرازق)
|
صاحبى مهموم جلس بجوارى بعد ان سافر اولاده ليهم تلاته اسابيع
- مالك يا ابوحميد سارح فى شنو؟ كلها اسبوع ويرجعو
- الاولاد مصاريفهم خلاااااااااااص شطبت
- طيب المشكله شنو لامن يرجعو بيحلها الله
- المشكله حماتى مصره تطهر الخروف وحق الولد ما عندى
- ها؟
- والله جد
صاحبنا التالت دخل يده فى جيبه وطلع قروش
- ااا جنا ها جابت لها طهور خرفان هاك يازول لامن تتيسر رجع لى قبل ما تفوّت لينا هنا , نبقى فى تبرع حق علاج وتسفير برانا ما ناقصين
ود جبريل بوستيك خلا الناس تنداح اصلوا الحاله عامه....قال مغتربين قال
| |
|
|
|
|
|
|
|
|
|
Re: ياخي دي فَلسَة شنو دي (Re: فايزودالقاضي)
|
فلسة ؟؟؟
يا طارق ياخ بلا حركات معاك .
قال مصاريف الحاج قال .
ياخ قالو السنة الفاتت دي بس . نصيب الحاج في البركاوي 84 شوال
يعني 42 اردب بركاوي ْX سبعين ألف بالقديم .
وده خلاف أرض الجروف وساقية السافل الفوق .
| |
|
|
|
|
|
|
|
|
|
Re: ياخي دي فَلسَة شنو دي (Re: Osman Musa)
|
Quote: الرجلين المحننات الشفناهم فى وش الكتاب ديك
كيفن ما بيفلسن بيك ؟؟!!!!
انت المفروض رصيد زاتو ما يكون عندك
* عليك الله جبتنهم من وين يا مسخوت ؟؟
|
يا منص ما تجيب لينا الكتاحة ياخي
Quote: صاحبى مهموم جلس بجوارى بعد ان سافر اولاده ليهم تلاته اسابيع
- مالك يا ابوحميد سارح فى شنو؟ كلها اسبوع ويرجعو
- الاولاد مصاريفهم خلاااااااااااص شطبت
- طيب المشكله شنو لامن يرجعو بيحلها الله
- المشكله حماتى مصره تطهر الخروف وحق الولد ما عندى
- ها؟
- والله جد
صاحبنا التالت دخل يده فى جيبه وطلع قروش
- ااا جنا ها جابت لها طهور خرفان هاك يازول لامن تتيسر رجع لى قبل ما تفوّت لينا هنا , نبقى فى تبرع حق علاج وتسفير برانا ما ناقصين
ود جبريل بوستيك خلا الناس تنداح اصلوا الحاله عامه....قال مغتربين قال
|
يا ود زكريا
قلت لي زولكم قرب يفوت بلوفة
يا زول ها وحاتك الناس مقطعاهوا في حشاها سااااااااااااكت
Quote: المسنوح لو خش البوست ده يخلي ريحتك بول بول ..
|
يا ود القاضي كدي خليه يجي ينكر بس
Quote: فلسة ؟؟؟
يا طارق ياخ بلا حركات معاك .
قال مصاريف الحاج قال .
ياخ قالو السنة الفاتت دي بس . نصيب الحاج في البركاوي 84 شوال
يعني 42 اردب بركاوي ْX سبعين ألف بالقديم .
وده خلاف أرض الجروف وساقية السافل الفوق .
|
بالطريقة دي يا عثمان الواحد حا يفكر جديا يعمل ليه مصنع «شامبيون» طبيعي
ويبقى أغنى من بافيت ذاتو
| |
|
|
|
|
|
|
|
|
|
Re: ياخي دي فَلسَة شنو دي (Re: طارق جبريل)
|
Quote: يا أخوانا الحاصل شنو كلكم عاملين حملان!!!!
الكلام دا واضح,,,
الزول قلبو واقف وفاقد سوائل زاتو.. |
يا ود الطيب
مشتاقين والله
معقولة يا اخي تغلط غلط زي دا؟
حاشاه ود جبريل ان يطلب الغوث والمعونة
طارق قاصد انه الدعوة عامة وان جميع بورداب الخرطوم معزومين لمناسبة الزواج مش براهم معهم اهلهم كمان واصحابهم وجيرانهم ولو كانت المناسبة يوم الجمعة فعليكم الله لو ما عزمتوا ناس الجامع البتصلوا فيه وتقولوا ليهم طارق ود جبرين عنده عرس اخوه وعازمكم
انت قايل يا ايمن ود جبرين مختوت لها؟
اصبر لي بس كان ما خليتك تشحد (الكلام دا ماليك يا ايمن)
| |
|
|
|
|
|
|
|
|
|
Re: ياخي دي فَلسَة شنو دي (Re: محمد عمر الفكي)
|
Quote: يا ود الطيب
مشتاقين والله
معقولة يا اخي تغلط غلط زي دا؟
حاشاه ود جبريل ان يطلب الغوث والمعونة
طارق قاصد انه الدعوة عامة وان جميع بورداب الخرطوم معزومين لمناسبة الزواج مش براهم معهم اهلهم كمان واصحابهم وجيرانهم ولو كانت المناسبة يوم الجمعة فعليكم الله لو ما عزمتوا ناس الجامع البتصلوا فيه وتقولوا ليهم طارق ود جبرين عنده عرس اخوه وعازمكم
انت قايل يا ايمن ود جبرين مختوت لها؟
اصبر لي بس كان ما خليتك تشحد (الكلام دا ماليك يا ايمن)
|
غتاتة تولد البنات
| |
|
|
|
|
|
|
| |
طارق جبريل
بله محمد الفاضل
معاوية عبيد الصائم
أحمد ابن عوف
HAIDER ALZAIN
محمد الأمين موسى
abubakr salih
Magdi Ahmed Elsheikh
محجوب البيلي
نوفل عبد الرحيم حسن
nazar hussien
Hani Arabi Mohamed
محمد عبد الماجد الصايم
عبدالرحيم أبراهيم العبيد
محمد عمر الفكي
SHIBKA
فايزودالقاضي
أيمن الطيب
باسط المكي
منصور عبد الرازق
محمد زكريا
Osman Musa
أمجد الزين
فيس بوك
تويتر
انستقرام
يوتيوب
بنتيريست