|
|
 ود جبرين في بلاج الناس الهاي
|
غايتو للضمان كدة اعملوا ساتر...
قمت من اصبحت قلت الليلة النشوفلي بلاجا يكون جديد وفيهو حاجات قبل كدة ما شوفتها...
اها يا الحبيبين ختيت شوفعي في عربيتي الداسيا ودقشت الساحل الشمالي للمغرب..
اعاين بي هني وافتش بي هني ان كان القالكم بلاجا سممممممح ومويتو صافييي..
وقلت كدي نزلت عليهو...
وكتين وصلت الباركنج لقيتلك العربات ديل يلمعن ويرارن علي كبابي بيرة الجمل
وكتين يغسلوهن يوم الوقفة للعيد ويختوهن قداااام في الفضية...
شي باسات وشي مارسيديسات وشي واحدات مبعجات بالجنبات كدة اصلو حلات الدنيا علهن...
قلت كدي زرقت عربيتي بي شناتها دي وسط اتنين يراران... علي التعترني قامن
يوجوجن ويييك واك وييك واك... باقيلي شافنها شيني تنزرق وسطن...
شويتين جاء حارس العربات جاري عندي وقعد يعاين لي مسافة كدة وشاف الختر حق
العربية اليمين مكسور واتشجع وسألني: انت حا تعوم هنا... هرشتو ليك بالمغربي:
لا جايي اقبض ابو طهار.... خلاني ومشى..
شويتين جاء واحد سايقلو عربيي ليها فنانيس وحمممممممرا وكتين وقفها طبز المفتاح
العربيت قزازها اترفع براهو والخترات القدام رمشن متل انجلينا جولي وكتين
تكون بتتكلم مع البطل البتريدو وتاخدلها كاس أليل براندي ههههههه
قلت كدي اللاخدلي كحلة كحلتين علي البلاج.....
هي سوووووود علي.....
لقيتلك خلق الله دي مبطحة في العناقريب القصار ديلاك البيختوهن جنب حيضان السباحة..
المادي فنانيسها للشمس والمايو ضومة ضومة منزرق فوقها... والقاعدي فوق رجلين حبيبها..
والقاعدين يتمسحوا بي كريمات لوريال واسامي كدي ما سمعتبا... حليل كركار نفيسي..
وواحدا مبطوح علي قفاهو ولابسلو سريحي ألت نايلون وليه خرابات مدلدلات علي تمُر (الكُلوم) ووشه من الشمس علي الفشفاش وكتين ينفخوهوا للمرارة....
ايييي دي وكرة شنو دي يا ود جبرين...
وشوفي عيني ويحيدتا ماها لابسي شي ضومة ضومة من فوق ومدردمة نصايبها
علي اللُقمة قبل يملحوا فيها ملاح النعيمية...
هي حليل نفيسي بت البغاديد من كترة رضيع البُطان حقنها بقن مدلدلات علي المُعلاق...
قلت كدي اتشجعت وجبتلي بنبر أليل بلاستيك من الضهرية وشلتلي باغة اداني ليها مغربي
صحبي فيها زيت زيتون وخل قالي بتشيل رطوبة الصيف...
جعصت البنبر في نص الرملة جنب البحر واتقولعت بي الشورت اللحمر واديت الباغة خجة
واتمسحت زيييييييين ومددت رجليني في الموية ولبستلي نضارتا سودا وقلت مديت
كرشي للشمس فشان تاخدلها لون برونزي ههههههههه...
وحاتكم الشمس دي وكتين كشحتني كدي بي سخانتها ريحة الزيت بالخل بقت علي صينية
البطاطس قبل تتسبك.... واااااضيقك يا ود جبرين هههههههه
وقلت كدي اديتها قدلة في الرملة جنب الموية وجسمي نازي زيت وخل...
شويتين جسمي دة انطلقت فوقه النارية وعيوني نططن وبقيت ماشي كلي موية..
الله لا كسبك يا المرزوقي ان شاء الله الرطوبة التجيك تحت اوراكك.
قلت كدة غتست في موية البحر مع الملح ريحتي بقت علي السليقة بي راس النيفة..
وبيني بيكم خوفتة يكون في سمكة قرش جاية من بورسودان تشم ريحتي دي
فسراع فسراع اتجلجغت موية ونزلت خبوب الزيت دة ومشيت علي بنبري اغني:
الرمال الناعمة مشتاقة لي مشيك....
ههههههههه
|
|
 
|
|
|
|
|
|
|
 Re: ود جبرين في بلاج الناس الهاي (Re: طارق جبريل)
|
تحية...
نان ال بوم وكتين اتوهطت زي الوهيطي دي ما تد العين حقها الغتسة مستعجلها فوق شنو.... ارقد علي قفاك وسو نفسك زي البسمعلو في صايح وبي قتاتة اهلنا اخدلك نظرة يبقي بتديك الشفاء ...
| |
|
|
|
|
|
|
|
|
|
Re: ود جبرين في بلاج الناس الهاي (Re: محمد الكامل عبد الحليم)
|
Quote: تحية...
نان ال بوم وكتين اتوهطت زي الوهيطي دي ما تد العين حقها الغتسة مستعجلها فوق شنو.... ارقد علي قفاك وسو نفسك زي البسمعلو في صايح وبي قتاتة اهلنا اخدلك نظرة يبقي بتديك الشفاء ... |
القطركان فيهو عطشقي يا الحبيب لا تجيبلنا الهوا ههههههههههنننن
| |
|
|
|
|
|
|
|
|
|
Re: ود جبرين في بلاج الناس الهاي (Re: Nader Abu Kadouk)
|
| Quote: من غير صور ما دايرين اي مفاهمة معاك......................... |
ولو جاب صور زاتو
برضو ما عندنا اى مفاهمة معاهو
قال لابس شورت احمر وممسح بزيت زيتون وخل قال
اصلنا نحنا ماشيين (نحمرك)
* الا تقول لينا الكان معاك منو
* صورك انت خلها , رسل لى صور الشى القلتو داك عليك الله
| |
|
|
|
|
|
|
|
|
|
Re: ود جبرين في بلاج الناس الهاي (Re: Asim Fageary)
|
Quote: يا ود جبرين مايوه أحمر دي ما خطرة عليك
في ناس في ىالمنبر دا بيمسكوها عليك ويم بيجوا يرموها ليك هنا ويقولوا عليك هنـاي
وإنت راجل مرتك محسية ما بتقبل كلام زي دا
|
يا عاصم ما تتصلح معانا ياخ
انت قايل الشوايقة ديل كد....نة
| |
|
|
|
|
|
|
|
|
|
Re: ود جبرين في بلاج الناس الهاي (Re: منصور عبد الرازق)
|
Quote: ولو جاب صور زاتو
برضو ما عندنا اى مفاهمة معاهو
قال لابس شورت احمر وممسح بزيت زيتون وخل قال
اصلنا نحنا ماشيين (نحمرك)
* الا تقول لينا الكان معاك منو
* صورك انت خلها , رسل لى صور الشى القلتو داك عليك الله
|
يا منص بتاباهو الكلام دة هههههههههههههههه
| |
|
|
|
|
|
|
|
|
|
Re: ود جبرين في بلاج الناس الهاي (Re: garjah)
|
Quote:
يا عاصم ما تتصلح معانا ياخ
انت قايل الشوايقة ديل كد....نة |
والله يا ود جبرين أنا بتهمني بت عمي دي وهي أمانة رقبتك دي
عشان كدا حبيت انبهك لأنك بقيت مننا وعلينا
وباقي البورد دا اليومين ديل قاعد يجيب ليهو كلامات عجيبة
قلنا ننبه ابو النسب
لكن عارفينك ولا ما عارفينك زمان كنا جردناك من الرتبة العالية دي
| |
|
|
|
|
|
|
|
|
|
Re: ود جبرين في بلاج الناس الهاي (Re: Asim Fageary)
|
Quote: والله يا ود جبرين أنا بتهمني بت عمي دي وهي أمانة رقبتك دي
عشان كدا حبيت انبهك لأنك بقيت مننا وعلينا
وباقي البورد دا اليومين ديل قاعد يجيب ليهو كلامات عجيبة
قلنا ننبه ابو النسب
لكن عارفينك ولا ما عارفينك زمان كنا جردناك من الرتبة العالية دي |
يا حبيب البورد دة من زمااااااان ضاربه شيطان
| |
|
|
|
|
|
|
|
|
|
Re: ود جبرين في بلاج الناس الهاي (Re: garjah)
|
Quote: ود جبرين
الحكاي
كيفك يا جميل
Quote: ولبستلي نضارتا سودا وقلت مديت
ملكات جديدة يا الحبيب
بس شوف لينا معاك
|
اووووووووووووه حبيبنا قرجة
كيفنك ابوي
تعال يا الحبيب أخدلك غتسة هني ياخ
الخليج طاير
| |
|
|
|
|
|
|
|
|
|
Re: ود جبرين في بلاج الناس الهاي (Re: هشام المجمر)
|
Quote: انت يا ود جبرين
بى قعادك فى المغرب
الصن بلوك ده ما سمعتبو؟
تخريمة
السخانة دى من الشمس ولا من شوفة التوب ليس
|
والله يا هندسة انا اي شي في المغرب دة غتست فيهو شلاقة ساااااااااااااي
بعدين السخانة ديك من الادرينالين ياخ
| |
|
|
|
|
|
|
|
|
|
Re: ود جبرين في بلاج الناس الهاي (Re: حبيب نورة)
|
Quote: وسقت معاك الشفع يا الغبيان ؟؟؟
في زول بمشي المطعم وبشيل معاه سندوتشات كان ماك عربي مطرطش ساهي ؟
|
شوف العربي دة كمان
انت شن عرفك بالبلاجات
انت قايل «خيران» الاسكندرية ديك بلاجات
| |
|
|
|
|
|
|
|
|
|
Re: ود جبرين في بلاج الناس الهاي (Re: طارق جبريل)
|
يا سلام على الروعة والسرد ..
استاذي هذه واحدة من جماليات التنغيم اللغوي عند اهلنا الشايقية .. صدقني انتو تعملوا من الفسيخ شربات ..
التحية لك وانت تجمع آا بين آخر صرخات التحديث في شواطي التحرر .. مع تلك القابعة وسط الجروف في الشمال ( اختي نفيسي )
في مقارنة اشعر انك من دواخلك ترحج كفة ( نفسيي ) بنهودها المتدلية لا حدود من وعثاء الطهر والعفاف لأنها أدت الرسالة وانجبت الرجال واحاطت نفسها بهالة من احترام ذات والثقة.
استاذي جبريل وراء حروفك غابة من الجمال والروعة والتأصيل ..
استاذي عندما أقرأ لك لا اضحك وألا أتخيل أنني في فيلم كوميدي بل اشعر انني أمام مبدع
متمكن يستخدم فن التنغيم والتتلحين في كلمة لتكون في نهايتها مجموعة من الانغام لسيمفونية رائعة بخلفية صوت طمبور وسواقي ونداءات ترابلة في المغربية
استاذي كن هكذا في صراع دائم ما بين الحداثة التي تعايشها وبين الاصالة وتراث التربالة التي تسكن دواخلك ..
يا سلام عليك وانت تحمل كل هذا الارث معك في المهاجر .. كما كان اسماعيل حسن يحمل كل تراث اهلنا الشايقية بين الشوامح والسوامق في مصر
ومثلكم خليل فرح في القاهرة ( عيني ما تشوف ألا شاهق )
ود جبرين .. لا بد أن نقرأ بعمق ونتعايش مع اما تعبر عنه ونجسده بتلك الصورة التي ربما اندثرت اليوم في شمالنا الحبيب
| |
|
|
|
|
|
|
|
|
|
Re: ود جبرين في بلاج الناس الهاي (Re: علي عبدالوهاب عثمان)
|
Quote: يا سلام على الروعة والسرد ..
استاذي هذه واحدة من جماليات التنغيم اللغوي عند اهلنا الشايقية .. صدقني انتو تعملوا من الفسيخ شربات ..
التحية لك وانت تجمع آا بين آخر صرخات التحديث في شواطي التحرر .. مع تلك القابعة وسط الجروف في الشمال ( اختي نفيسي )
في مقارنة اشعر انك من دواخلك ترحج كفة ( نفسيي ) بنهودها المتدلية لا حدود من وعثاء الطهر والعفاف لأنها أدت الرسالة وانجبت الرجال واحاطت نفسها بهالة من احترام ذات والثقة.
استاذي جبريل وراء حروفك غابة من الجمال والروعة والتأصيل ..
استاذي عندما أقرأ لك لا اضحك وألا أتخيل أنني في فيلم كوميدي بل اشعر انني أمام مبدع
متمكن يستخدم فن التنغيم والتتلحين في كلمة لتكون في نهايتها مجموعة من الانغام لسيمفونية رائعة بخلفية صوت طمبور وسواقي ونداءات ترابلة في المغربية
استاذي كن هكذا في صراع دائم ما بين الحداثة التي تعايشها وبين الاصالة وتراث التربالة التي تسكن دواخلك ..
يا سلام عليك وانت تحمل كل هذا الارث معك في المهاجر .. كما كان اسماعيل حسن يحمل كل تراث اهلنا الشايقية بين الشوامح والسوامق في مصر
ومثلكم خليل فرح في القاهرة ( عيني ما تشوف ألا شاهق )
ود جبرين .. لا بد أن نقرأ بعمق ونتعايش مع اما تعبر عنه ونجسده بتلك الصورة التي ربما اندثرت اليوم في شمالنا الحبيب
|
حبيبنا هول ناس عبد الوهاب
كيفنك ابوي ونعلك طيب في عضامك ديل
ياخي والله غلبني اجاريك
غلبني ضومة ضومة اكتب وارد عليك
ياخي الله يجبر بي خاطرك زي ما قاعد تجبر بي خاطري
الله يغتي عليك يا الحبيب
| |
|
|
|
|
|
|
|
|
|
Re: ود جبرين في بلاج الناس الهاي (Re: طارق جبريل)
|
Quote: أبو أحمد أبو أحمد
سمعنا بالخبز الحافي، إلا بلاجاً حافي ده يقطعنا.
----------------------------------------------------
أنت قائل ناس شيخ الطيب صالح وصاحبك محمد شكري بقوا روائيين كيفن، ما ياهو بي جنس الحكي الطاعم متل الليلك ده. أبهل الحكي متل كرشك المبهولة دي.
|
الله يجبر بي خاطرك يا حبيب
| |
|
|
|
|
|
|
|
|
|
Re: ود جبرين في بلاج الناس الهاي (Re: طارق جبريل)
|
(وحاتكم الشمس دي وكتين كشحتني كدي بي سخانتها ريحة الزيت بالخل بقت علي صينية
البطاطس قبل تتسبك.... واااااضيقك يا ود جبرين هههههههه)
آ جنا جبرين
واضيقنا نحن من كترة الضحك.. داير تشقنا آآ مقطوع الطاري
| |
|
|
|
|
|
|
|
|
|
Re: ود جبرين في بلاج الناس الهاي (Re: abas)
|
Quote: شويتين جسمي دة انطلقت فوقه النارية وعيوني نططن وبقيت ماشي كلي موية..
الله لا كسبك يا المرزوقي ان شاء الله الرطوبة التجيك تحت اوراكك.
قلت كدة غتست في موية البحر مع الملح ريحتي بقت علي السليقة بي راس النيفة..
وبيني بيكم خوفتة يكون في سمكة قرش جاية من بورسودان تشم ريحتي دي
فسراع فسراع اتجلجغت موية ونزلت خبوب الزيت دة ومشيت علي بنبري اغني:
الرمال الناعمة مشتاقة لي مشيك.... |
ههههه الحبيب وليد جبرين ....
ذكرتنى بنضميك الليل الجاكوزى عمن اول .....
| |
|
|
|
|
|
|
|
|
|
Re: ود جبرين في بلاج الناس الهاي (Re: طارق جبريل)
|
Quote: أبو أحمد أبو أحمد
سمعنا بالخبز الحافي، إلا بلاجاً حافي ده يقطعنا.
----------------------------------------------------
أنت قائل ناس شيخ الطيب صالح وصاحبك محمد شكري بقوا روائيين كيفن، ما ياهو بي جنس الحكي الطاعم متل الليلك ده. أبهل الحكي متل كرشك المبهولة دي.
رد · · 21 أغسطس، الساعة 05:06 صباحاً
Abd El Rahman Tawfig
حكي نص صفحة يملأ مجلدات ابداع بعيون مليئة بالموروث تقارن بين الحداثة و النشأة , ياخي واصل الحكي ما تقطع علينا الأندماج و الخدر النحنا فيهو دا و ما تخلي الجماعة ديل يشغلوك ويقطعوا علينا المتع المنعدمة دي أحسن واللللللله تاني ماني قاريلك بوسطي طببببب |
تسلموا يا شباب
الله يجبر بي خاطركم
| |
|
|
|
|
|
|
|
|
|
Re: ود جبرين في بلاج الناس الهاي (Re: Mandingoo)
|
Quote: (وحاتكم الشمس دي وكتين كشحتني كدي بي سخانتها ريحة الزيت بالخل بقت علي صينية
البطاطس قبل تتسبك.... واااااضيقك يا ود جبرين هههههههه)
آ جنا جبرين
واضيقنا نحن من كترة الضحك.. داير تشقنا آآ مقطوع الطاري
|
اووووووه حبيبنا ماندينقو
ياخي كيفنك
ونعلك طيب
| |
|
|
|
|
|
|
| |
طارق جبريل
محمد الكامل عبد الحليم
سفيان بشير نابرى
Nader Abu Kadouk
منصور عبد الرازق
Asim Fageary
saidahmed shami
حبيب نورة
ناصر فراج
هشام المجمر
garjah
علي عبدالوهاب عثمان
بله محمد الفاضل
Mandingoo
abas
سامى عبد المطلب
فيس بوك
تويتر
انستقرام
يوتيوب
بنتيريست