|
|
 وحات الله انا كِتِل..
|
يا حنينين القصي ماها بلدا سمحي وخُضرة ووجه حسن
القصي ريحة لبيني مقنني
ولا شليل وين راح في ضو قمرة ملجلِجي
ولا كمان ونسي طاعمي عند جدول المويي مع بنياتنا
والعجب ان لقيتن ينشِلن في الميي من البير
وبقيت تنشلهن وتاخدلك كلمي كلمتين
وان بقت الريدي دخلتلك في العضم
تمشي علي ود القروني في خور السواعير في البركل
وهو ينقرش في الطنبور في الرملي الناعمي
وانت تغني في: مسخت عوم البترطن في جروفها
القصي يا الاحباب دفيقات تاكلن وريقك ينقط في العراقي
ويندبغ فيهو لون الدفيق
القصي في تمرا مقفذ و((حائض)) راجنو ((يحمل)) بالتمر
القصي في منقايات مدلدلات في فرع أليل كوشتنير في القيفي
تقطعلك منهن منقايي منقايتين وتغتسن في القيفي فشان يبردن
ولا كمان تشوفلك أربل تكارن في الخبوب من الحيضان قبُل القراعي
وان خلاص فاضبك تمشي علي الشبكة الشريتها من امبارح في النيل
ويبقى ربنا يرزقك ان شاء الله بي ((شلبايي))
والعجب ان بقى قالولك الفطور جابوهوا
تجر البرِش وترش ((التُرمي)) بالويكي وتفقشلَك بصلايي
وتغسلك طماطمايي من الحوض ومعاها عجورايي في الجدول الكبير
وتقعد تلوغد وتحمد ربك وتاخدلك تكيي وبعدها تشربلك كبايي ألت شاي وتطبُقها
وتقوم تاني علي الحيضان تفتح المويي فيهن.. وتجيك ريحة الطين مع ((بعر)) الغنم
زي النعجي ((الشايعي)) وجاها الفحل للعشير..
وتتكل ضهرك في عود الطوريي.. وتشوف في غابات التمُر وفي ضهروا البيوت
هناك في الرواكيب قاعدات امات خدور يتمسَحِن بالكركار ويتهامسن
والطرحة وكتين تقع من كتيفن والصدير يجيك طامح علي الوزين في الجزيري
والرقبي منديي من سموم النهار علي البسبوسة الزادولا العسل
والعجب وكتين يسيل العرق بين النهود زي ((مياه توتيل))
والاصابعين اليسرحن في المساير طريات متل ضهر ((البياض))
و((الاوراك)) نصهن في البنبر والنص التاني مدلدل زي عجين اللقيمات
وكتين يخمر شديد ويدفق من الحلة..
اصلك براك تاخدلك شهقة وتمشي تغتس في النيل..
وتجي في ضهر تمرايي تتكل راسك وخيالك يمشي لي بعيد..
تطرا الحبان والاهل.. الطفش فات.. والقاعد ميقن لليلي يحلم بالفرح
والدخل في ((ود اللحد)) وسابها وخلانا لانا لامين في بلد ولانا كمان شفنالنا جيهتا تاني
يا ناس هوووووووووووي وحات ربي انا كِتِل ضُمة ضُمة
|
|
 
|
|
|
|
|
|
|
|
Re: وحات الله انا كِتِل.. (Re: سيف الدولة كامل)
|
| Quote: سلامتك يا حبيب ,,كيفينك وكيف حال وليداتك. |
حبيبنا واستاذنا سيف كيفنك ياخي
تراني يا الحبيب قاعد وسطن وممحن
لاني عارف اسوقن وامشي
لاني كمان ميقن وقاعد
القصي اتجوبقت شديد يعلم الله
| |
|
|
|
|
|
|
|
|
|
Re: وحات الله انا كِتِل.. (Re: محمد عبدالرحمن محمد)
|
يا ود جبرين نحن مش قلنا ليك الشغل البرجعنا لورا
زي شلوخ الشايقية دة خلو.....
Quote: يا حبيب باقيلك القصي دي لا وين
لا بلدا دايري تتعدل
لانا كمان قادرين علي الصبر |
والله يا ود جبرين بقت عليك حكاية الكاركتير زاتو
| |
|
|
|
|
|
|
|
|
|
Re: وحات الله انا كِتِل.. (Re: عادل عوض بلال)
|
جبريلا ... ياخ مالك ياخ
وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود..
عاد أماتن ينادن ليهن
نمشي على القيزان نتقادم..
أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس..
كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
ردا الله غربتي وغربتك وودبادي
| |
|
|
|
|
|
|
|
|
|
Re: وحات الله انا كِتِل.. (Re: جلال عثمان)
|
Quote: جبريلا ... ياخ مالك ياخ
وينا مراتع الدرت الباسط دايما ببكي عليهن
وين بنوت الحلة البكّر عصرا بدري يسون في شاهيهن
بعد الليل ما يهّود ونحن نهّود..
عاد أماتن ينادن ليهن
نمشي على القيزان نتقادم..
أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنة اللهج السكر وين بلقاهو
بنات الريل الدوب ليهن
الخوف يا ناس..
كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعين بتدنقر من واليهن
الوجنات الشعّن بقّن
ود العين النايم زرقن
مو زايغ رسيان وميقّن
زولن كان خدران ومحقّن
من الشوفة عروقو يطقّن
كان الدنيا بصح تتخلا
كن بركن معاهن فوق رملاة الحلة
الا كمان بنشوفا مذلة
ردا الله غربتي وغربتك وودبادي |
يا قريبتي تراكا انت مشيت بليت شوقك وجيت
ياخي انا لليلي أهاتي
| |
|
|
|
|
|
|
|
|
|
Re: وحات الله انا كِتِل.. (Re: عصام قيلي)
|
Quote: ودي الحالة باقيلك أيام؟
ما أحلى أن تكون أول إطلالة عبر نافذة (ود جبرين)
مصحوبة بالشكر الواجب لي سيد الحوش
والحبيب أحمد خضر |
يا حبيب والله دة شرفا كبير خلاص
ومرحب بيك في عالم سودانيز الجميل
نورت المنبر ياخي
والزول الجابك هني زولا ماهو ساهل شي
ود خضر دة بلسم عدييييييييل
| |
|
|
|
|
|
|
|
|
|
Re: وحات الله انا كِتِل.. (Re: ياسر عبدالكريم محمد)
|
سلام للناس المكتولة والناس الصابرة
شقاوتي أنا لى مقصتي رحلته ساكت ما قعد قبلي
ايام السفر كتيره ولكن لحظاتها التي تظل ابدا معلقة
هي تلك التي تبداء من كفتريا الصفا ويظل طعم ليمون الصفا هو الطعم العالق في الحلق
البركل شبة عسوم مروي البنطون
تغيرت معالم اشياء كثيرة جدا يا ود جبرين فصار الواحد منا عند ذهابه لكريمة لا يرى نيم حمد بحزيمة ولا سوق الزومه ولا نيم نمر
تخيل الواحد ما يشوف كجبي
حتى رمال جبل البركل بقت شويه الا تدقق النظر سبحان الله
تخيل نفسك وانت داخل حلة السواعير والله واقف في باب سراية ود محاري والله دكان ود الشيخ
زمن
| |
|
|
|
|
|
|
|
|
|
Re: وحات الله انا كِتِل.. (Re: امير عوض الجمري)
|
Quote: تاح تراح تاح
ديشك وديش وديشك
ميتيشك ميتيش تيشك
انت والمحرب والنعام ومحمد وكل النجضنا بي غنا الحنان ديل .
ميتيش تيشكم ذااااااااااااااااااتو ياخ
|
يا لاعب الوسط كدي قول بسم الله
| |
|
|
|
|
|
|
|
|
|
Re: وحات الله انا كِتِل.. (Re: Tarig Sidahmed)
|
Quote: سلام للناس المكتولة والناس الصابرة
شقاوتي أنا لى مقصتي رحلته ساكت ما قعد قبلي
ايام السفر كتيره ولكن لحظاتها التي تظل ابدا معلقة
هي تلك التي تبداء من كفتريا الصفا ويظل طعم ليمون الصفا هو الطعم العالق في الحلق
البركل شبة عسوم مروي البنطون
تغيرت معالم اشياء كثيرة جدا يا ود جبرين فصار الواحد منا عند ذهابه لكريمة لا يرى نيم حمد بحزيمة ولا سوق الزومه ولا نيم نمر
تخيل الواحد ما يشوف كجبي
حتى رمال جبل البركل بقت شويه الا تدقق النظر سبحان الله
تخيل نفسك وانت داخل حلة السواعير والله واقف في باب سراية ود محاري والله دكان ود الشيخ
زمن
|
تعرف يا طارق لي هسي ما قادرة تدخل لي في راسي انه
ما اشوف ام الحسن والفول حقها
وان بقى لي رمال البركل ديك اماني ما لعبت فيهن يا حبيب
الله لا تجعلها مغسي غايتو
| |
|
|
|
|
|
|
|
|
 Re: وحات الله انا كِتِل.. (Re: طارق جبريل)
|
أنا قلت الكيكه الجابها هنا شنو؟ ... وفرحانه بنظري لوووول :)
معذرة ... الكلام معظمو مشفر ..الراندوكيين الزينا عايزين ليهم قاموس
__________________________
كـ عادتك، يا أبن جبريل .. نُطفة من رحم الإبـــداع!
| |
|
|
|
|
|
|
|
|
|
Re: وحات الله انا كِتِل.. (Re: رشا احمد)
|
Quote: أنا قلت الكيكه الجابها هنا شنو؟ ... وفرحانه بنظري لوووول :)
معذرة ... الكلام معظمو مشفر ..الراندوكيين الزينا عايزين ليهم قاموس
__________________________
كـ عادتك، يا أبن جبريل .. نُطفة من رحم الإبـــداع!
|
ياخي شوفيلك شايقيي جنبك بتفرزلك النضمي المعوج دة
رشا كيفنك ياخي
| |
|
|
|
|
|
|
|
|
|
Re: وحات الله انا كِتِل.. (Re: الطيب شيقوق)
|
طارق ......
باقيلك كلامك القلتو ده كلو ..... بتمشي تلقاهو متل أول؟
أنا قايل الناس زاتا ما تلقاها متل أول
الهم بقى همين .. والبلد بلدين .. والوجع وجعين.
أهلك أولاد الريف (المصريين) قالوا على لسان أم كلثوم:
عايزنا نرجع زي زمان
قول للزمان أرجع يا زمان
وهات لي قلب لا داب ولا حبّ
ولا انجرح ولا شاف حرمان.
| |
|
|
|
|
|
|
|
|
|
Re: وحات الله انا كِتِل.. (Re: محمد أبوالعزائم أبوالريش)
|
Quote: طارق ......
باقيلك كلامك القلتو ده كلو ..... بتمشي تلقاهو متل أول؟
أنا قايل الناس زاتا ما تلقاها متل أول
الهم بقى همين .. والبلد بلدين .. والوجع وجعين.
أهلك أولاد الريف (المصريين) قالوا على لسان أم كلثوم:
عايزنا نرجع زي زمان
قول للزمان أرجع يا زمان
وهات لي قلب لا داب ولا حبّ
ولا انجرح ولا شاف حرمان. |
يا ود ابو العزائم ترانا عايشين علي الماضي
حتى وكتين نمشي للبلد بنتغابى العرفي في المجتمع الجديد دة
ونحلم بالقديم
انا باقيلي نحن الوحيدين الفي خلق الله عايشين علي الشي القديم
الله لا كسب الكان السبب
انت كيفنك يا الحبيب ووليداتك
ان شاء الله طيبين في عضمكم
| |
|
|
|
|
|
|
|
|
|
Re: وحات الله انا كِتِل.. (Re: طارق جبريل)
|
Quote: تليشة:
ياخي الزول داك لليلي ما لكزني |
ود حبرين صباحاتك بُيّض مِتل اللبن.
إنت يا زول بقيت تجي دآخل الحوش دا
مدومس زي الزول الداير يسوي الشكلة
في الإندآية.
هسع البوست دا خبارك ما شفتو ؟
آآآنِـجـيـمـآت... إهـداء لـطـارق جـبـريـن و مـحـمـد الـنـصـري ...
آآآآآنـجـيـمـآت...
الرسول آآآآنِـجـيـمـات
في ضلآم الغربة ضاويات
وفوق بيوت حِلتنا طالآت
اغرن السمحين سلآمي
انا شوقي فوق الحد طمح زآد
شوقي لنيلنا وجروفنا
وكيف تِميراتنا مسويات
شوقي لرملآت فريقنا
لسمرنا وللملمات
التمُر جبّد وسلّ
فوق ارضنا رمى الدِفيفِيق
كُل صبياً مآلي عِبو
وختَّ بصمتو في العراريق
بكرة يبقى أُم راس وعجوة
ويهدي للسمحة الشخاليّب
شوقي لبسماتا تضوي
فوق مدارآت الفريق
شوقي ليها بحورو طآمحة
دي نور جمالها بضوي الطريق
آآآآنِـجـيـمـآت...
اضوي لتربالنا يقرع
يروي لحيضانو يزرع
في ربوع بلدي السلآم
يسقي في وآديكِ خضرة
يا بلدنا يقصر الكلآم
في جروف واطاتُو ينقح
طيفو فوق احلآمي حآم
انا في ليالي الغربة ساهر
طرفي جافاهو المنام
آآآآآنِـجـيـمـآت...
شوقي لحبوبة داقسي
مع نِسيمات الصباح
للرواكيب والكرآرِق
وللغِنيمات في المُراح
للتقابيب والخلآوي
العامرة بأهل الصلآح
شوقي فات حد التساب
شوقي تب ما شوق نَصآح
داير اقعد في تُكُلنا
إتغدى بكِسرة ومُلآح
الرسول آآآ نِـجـيـمـآت...
في سماء قريتنا ضاويات
طُلّن القُمري المعشعِش
في سباليق البيوت
أرمن الضو فوق رمالنا
أشرحن لأهلنا حالنا
نحن اضنانا السُكوت
حظنا العاثر قهرنا
لبلدنا نهاجر نفوّت
بدعو شاحد المولى
يحفظنا ونعود
تِنعدِل ختوتنا تِنحلّ القيود
في ديار الغربة
لا نشقى لا نموّت
آآآنِـجـيـمـآت...
النوصيكن تقولن لأهلنا
يدعو لينا،
دعاهم المقبول يصلنا
يسألوا المولى الكريم
لينا يتحقق أملنا
بكرة نرجع تاني
لمرتع جهلنا
لسواقينا ونخلنا
فوق مشارع الريدة
يا الحبان نزلنا
نودع الآم البُعاد
ونبلل الشوق الكتلنا
آآآنِـجـيـمـآت...
في مجال الغربة دايرات
فوق ديارنا هناك طالآت
كيف أهلنا؟
كيف سواقينا ونخلنا؟
نحن حرّ الشوق كتلنا
آآآنِـجـيـمـآت
آآآنِـجـيـمـآت...
| |
|
|
|
|
|
|
|
|
|
Re: وحات الله انا كِتِل.. (Re: عبدالله ابوشوارب)
|
Quote: قريبي طارق جبرين
والله حالتك تحنن الطير في السما
لكن عاد نسوي شنو؟ مو بلليد
انا غايتو عندي ليك فكرة ، أكان ابوا يمضولك الاجازة
اسكت اقعد شان تشوف الهلال بدهج المغاربة ديل كيف
منها تكون قصرت ايامك شوي ومنها تكون اتكيفت بفرقة الهلال الماسية
|
غايتو ان بقوا ما ادوني الاجازي دي
يمين اشجع ليكم الفتح الرباطي قبل المباراة بي 20 يوم
دة طبعا ان ما بقى الصفاقصي جضم الرشاشات في المقبرة
| |
|
|
|
|
|
|
|
|
|
Re: وحات الله انا كِتِل.. (Re: معاوية المدير)
|
Quote: ود حبرين صباحاتك بُيّض مِتل اللبن.
إنت يا زول بقيت تجي دآخل الحوش دا
مدومس زي الزول الداير يسوي الشكلة
في الإندآية.
هسع البوست دا خبارك ما شفتو ؟
|
وحات الله يا الحبيب بقيت اجي لازي مدعمش
تسلم من كل شر
| |
|
|
|
|
|
|
| |
طارق جبريل
معاوية عبيد الصائم
سيف الدولة كامل
Hafiz Bakhit
خالد المحرب
محسن عبدالقادر
محمد عبدالرحمن محمد
عادل عوض بلال
SHIBKA
جلال عثمان
إدريس محمد إبراهيم
محمد عمر جبريل
ياسر عبدالكريم محمد
امير عوض الجمري
رشا احمد
الطيب شيقوق
محمد أبوالعزائم أبوالريش
معاوية المدير
حبيب نورة
Abdlaziz Eisa
فيس بوك
تويتر
انستقرام
يوتيوب
بنتيريست