|
|
 كيفن تمشي تخلينا
|
- يا ولدي خلني اللمشي لي بناتي وجيراني
- يمة نان يا دوب فضيتلك ومشتهي ونستك وحكاويك
- يا ولدي ثمانية شهور انا معاك في الزردوية ألت المغاربة دي
وحدي مصاقري الحيط لامن تجي من شغلك
- نان آآيمة اسوي شنو... الله كاتبلي الرزق في البلد البعيدي دي
- يا ولدي قلتلك ارجع والدايرو سووو واحمد الله اخوانك الكبار ماهن محتاجين شي..
سولك مزرعة ولا حواشة وان بقيت محتاج لي احفظ مالك اصرفه وان نقص اخوانك الكبار بيتموك
- يمة انا ماني مابي الرجعي علي كمان آآبرضى الحقارة
- يا ولدي انا شاحدة ربي يغوروا ولا يصبح عليهم صباح ان كان عذبونا
- يمة الله ماهو قاعد يظلملوا زول
- يا ولدي بيظلم البني آدم... اصلو ان بقى الرزق كان عنده كان موتنا من الجوع
- يمة الله الرايدة بتبقى دحين اقعديلك كمان شهرين وسافري
- يا ولدي خلني امشي اشوف اخوك لطفي في السعودية واسويلي عُمرة والعمر ماهو معروف لي ولا ليك..
انا حامدي ربي العلي سويتو بس قلبي ماكلني عليك يا ولدي دحين شوفلك طريقي ترجع والله يا ولدي قاعد يدي الجنة شنو كمان الدينا العفني دي..
- سمح يمة لا باكر ونشوف الخطوط
- اي يا ولدي الله يعدلها عليك شقيش تقبل
يا الله يا بت يوسف ياخ... كيفن مشيتي وخليتينا... وحاتك لاني قادر انساك لاني قادر اعيش بلاك.. بُطاني وكتين يشوفوا الدمعة طافري مني.. ينكبسوا فيني ويعرفوك قاعدي معاي في قليبي.. (ريم: بابا اتذكرت ماما عشة).. اقولهم اييي اصلها حبوبتكم دي متين فارقتني.. كنت دايرها تشيلكم في حجرها زي زمان وتحكيلكم قصة فاطنة السمحي... دحين يمة هسي نا اسوي شنو.. لاني حافظ حكاويك ولاني عندي صبرا متل أليلك... يمة غلبني الصبر... انت ما قلتيلي في التليفون: انا طيبي لا تهم شي وعافي منك... دحين فوتيني مالك.. يمة آآبقدر بلاك... يمة اعتماد جاها السكري بعدك وغلبها الشوق.. وان كان لي سهير حاربت الامتداد وقالت اجي اسوي فيهو شنو... يمة عفاف بناتها يبكنك الليل والنهار... كانن يغشنك من المدرسة لامن امهن تجي تسوقن.. وهسي ماهن لاقاتلهن دليل... يمة ابراهيم الصمد بقى ساكت والعبري خانقاهو... وكتين يمر علي المقابر يقشقش دميعاتو ويفوت... وطلحة وحاتك يا الزيني طفش ضُمة ضُمة... ولطفي الحنين وكتين اضربلوا يقولي: داير امرق تاني واطش انا اصلي جيت راجع فشانا...
الله يرحمك يا عشة بت يوسف ابو دية.... عامان وانت تحت الثرى
|
|
 
|
|
|
|
|
|
|
|
Re: كيفن تمشي تخلينا (Re: خدر)
|
طارق قول بسم الله يا ابوي واستغفر...حال الاولين والأخرين..عاين لي وليداتك بتشوف فيهم امك..وادعو ليها بالرحمة والمغفرة.
| |
|
|
|
|
|
|
|
|
|
Re: كيفن تمشي تخلينا (Re: حنين للبلد)
|
لها الرحمة و المغفرة و لكم الصبر يا طارق إدعي ليها كل يوم في صلاتك وكمان اقرأ
ليها سورة الملك كل جمعة و أوهبها ليها ، ربنا يتقبل منكم الدعاء لعل و عسي
توفوا ولو جزء يسير من حقها عليكم
تحياتي و شد حيلك
| |
|
|
|
|
|
|
|
|
 Re: كيفن تمشي تخلينا (Re: heba Elmahi)
|
Quote:
الله يرحمك يا عشة بت يوسف ابو دية.... عامان وانت تحت الثرى |
رحمها الله وجعل الجنة مثواها وصبركم على فراقها
______________
تعيش وتفتكر ياطارق
| |
|
|
|
|
|
|
|
|
|
Re: كيفن تمشي تخلينا (Re: malamih)
|
Quote:
البركة فيكم يا طارق ..
كبروا بناتكم وخلوهم يبقوا أمهاتكم ...
آمين |
يا ملامح ترانا نكبر ونربي
علي دي آآآبتتعوض شي
الله يرحمها كانت جمل شيل
| |
|
|
|
|
|
|
|
|
|
Re: كيفن تمشي تخلينا (Re: Rawia)
|
Quote: رحمها الله وجعل الجنة مثواها وصبركم على فراقها
______________
تعيش وتفتكر ياطارق |
الزيهن آآآبيتنسي با رواية
الله يرحمن
البركة فيكم في حبوبتكم
الله يوعدها الجن يا رب
| |
|
|
|
|
|
|
|
|
|
Re: كيفن تمشي تخلينا (Re: heba Elmahi)
|
Quote:
لها الرحمة و المغفرة و لكم الصبر يا طارق إدعي ليها كل يوم في صلاتك وكمان اقرأ
ليها سورة الملك كل جمعة و أوهبها ليها ، ربنا يتقبل منكم الدعاء لعل و عسي
توفوا ولو جزء يسير من حقها عليكم
تحياتي و شد حيلك |
يا هبة والله بدعيلها كل يوم الله يرحمها ويتقبلها قبول حسن
الله يجعلها مع الصديقين والشهداء
هبة الصبر غلبني
وقلبي ضاق بيه الحزن
انا لله وانا اليه راجعون
| |
|
|
|
|
|
|
|
|
|
Re: كيفن تمشي تخلينا (Re: حنين للبلد)
|
| Quote: طارق قول بسم الله يا ابوي واستغفر...حال الاولين والأخرين..عاين لي وليداتك بتشوف فيهم امك..وادعو ليها بالرحمة والمغفرة. |
حنين بت ابوي كيفنك
آخر مرة ضربتلها يا حنين قلتلا انا جايي
قالتلي لا تجي انا نصيحي احمد الله
لا تجي انا عافي منك خليك جنب وليداتك
ذهبت يا حنين من غير اوادعها وتقلدني
الله يرحمها ويجعل مثواها الجنة
| |
|
|
|
|
|
|
|
|
|
Re: كيفن تمشي تخلينا (Re: خدر)
|
Quote:
بكيتني يا طارق
ربنا يرحم بت يوسف و يجمل قلوبكم بالصبر و المحَنة
كيف يموت زول يا طارق عندو جنا حنين و نقي متلكـ ؟؟ |
طروق (خدر) كيفنك
صعب يا الحبيب... فراقها صعب بالحيل
وحاتك ما فارقتني لحظي
الاجل مانا مابنو
علي كمان الله ادانا حق الحزن
الله يرحمها بقدر الحب الذي اعطت
الله يحفظط في اسرتك يا طروق
| |
|
|
|
|
|
|
|
|
|
Re: كيفن تمشي تخلينا (Re: سيف الدولة كامل)
|
Quote: يا سلام يا طارق,,,, المحنة ما حلوة فاقدنها كتييييير
الله يرحمها ويجعل الجنة مثواها ويبارك في زريتها,, امين |
استاذي العزيز سيف الدولة
الله يرحمها...
المحنة الكانت عندها تكفي الكون..
| |
|
|
|
|
|
|
|
|
|
Re: كيفن تمشي تخلينا (Re: انعام عبد الحفيظ)
|
| Quote: الله يرحمك يا عشة بت يوسف ابو دية.... عامان وانت تحت الثرى |
اللهم اغفر لها وارحمها واعفو عنها واجعل الجنة مثواها.
24-8-1994م الساعة 10م رحلت فاطنة بت احمد والى الان العبرة تخنقني اشتاق اليها لكن كيف السبيل اللهم اغفر لوالدتي
واعفو عنها وارحمها واجعل الجنة مثواها.
| |
|
|
|
|
|
|
|
|
|
Re: كيفن تمشي تخلينا (Re: omer osman)
|
Quote: اللهم اغفر لها وارحمها واعفو عنها واجعل الجنة مثواها.
24-8-1994م الساعة 10م رحلت فاطنة بت احمد والى الان العبرة تخنقني اشتاق اليها لكن كيف السبيل اللهم اغفر لوالدتي
واعفو عنها وارحمها واجعل الجنة مثواها. |
عمر كيفنك
الله يرحمن ويدخلن جناته
اسأل نسابتكم وام وليداتك منها
كانت تحبهم وروحها كان كرودي صديقي العزيز
الله يرحمن يا عمر
الله يصطفي احبائه يا حبيب
| |
|
|
|
|
|
|
|
|
|
Re: كيفن تمشي تخلينا (Re: انعام عبد الحفيظ)
|
Quote: آآآآآآآآآآآآآآه يا طارق
ربنا يرحمها ويحسن إليها
دعواتك لها بالرحمة والمغفرة |
عارف يا انعام
عارف جيتك في الجرح الصعب
الله يرحمها ويرحم والدكم الكريم
اتنين يا انعام ما بيتعوضو نهائي
| |
|
|
|
|
|
|
|
|
 Re: كيفن تمشي تخلينا (Re: طارق جبريل)
|
| Quote: الله يرحمك يا عشة بت يوسف ابو دية.... عامان وانت تحت الثرى |
اللهم أغفر لها وأرحمها وأجعل مسواها الجنة ..... لاحول ولا قوة إلا بالله العظيم .. إنا لفراقك ياخالتي لمحزونون .... حسبنا الله ونعم الوكيل ....
ياطارق ياشقيقي ماااالك عايز تقلب علينا المواجع ... قلنا نتناسي لاننا حتماً لن ننسي ... ياخي خلينا في الليل وناسه عسى ولعل .....
تحياتي لاخواني : طلحة ـ لطفي ـ ناصر ـ السني ـ راشد ـ اعتماد ـ سهير ـ وعفاف .. ومني لك دائماً كل المحبة .
| |
|
|
|
|
|
|
|
|
|
Re: كيفن تمشي تخلينا (Re: naeem ali)
|
Quote: ربنا يرحمها ويحسن اليها...
انا لله وانا اليه راجعون
ربنا يلهمكم الصبلا يا طارق |
نعيم كيفنك
الله يرحمها ويصبرنا علي فراقها يا رب
كن بالف خير يا عزيزي
| |
|
|
|
|
|
|
|
|
|
Re: كيفن تمشي تخلينا (Re: سيف اليزل برعي البدوي)
|
Quote:
طارق حبيبنا
فقد الام ما ساهل
إنه قمة اليتم..
صبرك الله ..
ودعواتنا لها بالمغفرة..
سيف |
حبيبنا سيف
الله يعلم يتم يوجع القلب
الله يرحمها وويبني لها قصرا في الجنة
الله يحفظك واسرتك يا حبيب
| |
|
|
|
|
|
|
|
|
|
Re: كيفن تمشي تخلينا (Re: ياسر إدريس حسن)
|
Quote: اللهم ارحمها وانزلها فسيح جناتك مع الصديقين والشهداء
الاخ الرائع طارق جبريل لك الود والتحاياالعطره |
رحم الله جميع موتانا يا ياسر
الفقد حين يكون بمقدار الأم
الأشياء تصعب بقدر كبير جدا
لك الود كله
| |
|
|
|
|
|
|
|
|
|
Re: كيفن تمشي تخلينا (Re: عماد محمود علي)
|
Quote: اللهم أغفر لها وأرحمها وأجعل مسواها الجنة ..... لاحول ولا قوة إلا بالله العظيم .. إنا لفراقك ياخالتي لمحزونون .... حسبنا الله ونعم الوكيل ....
ياطارق ياشقيقي ماااالك عايز تقلب علينا المواجع ... قلنا نتناسي لاننا حتماً لن ننسي ... ياخي خلينا في الليل وناسه عسى ولعل .....
تحياتي لاخواني : طلحة ـ لطفي ـ ناصر ـ السني ـ راشد ـ اعتماد ـ سهير ـ وعفاف .. ومني لك دائماً كل المحبة . |
عمدة يا حبيبنا
كانوا احبابها كثر في شوارعكم ديك
الله يعلم جوا كلاهم وبكوها وودعوها لي مثواها الخير
الله يرحمها بقدر المحبة التي اعطت
الله يحفظك يا عمدة ووليداتك
| |
|
|
|
|
|
|
|
|
|
Re: كيفن تمشي تخلينا (Re: طارق جبريل)
|
أحزن يا طارق فالحزن يطهر النفس
لكن تذكر أن الموت لن يبعدها عنك قط
فهي في جواك
وفي كل هذه المحنة والذكرى
هي في عيون اطفالك
لها الرحمة
وأصبر يا صديقي
| |
|
|
|
|
|
|
|
|
|
Re: كيفن تمشي تخلينا (Re: شادية عبد المنعم)
|
Quote: أحزن يا طارق فالحزن يطهر النفس
لكن تذكر أن الموت لن يبعدها عنك قط
فهي في جواك
وفي كل هذه المحنة والذكرى
هي في عيون اطفالك
لها الرحمة
وأصبر يا صديقي |
الله يعلم يا شادية ما فارقتني ولا ساعة
الله يرحمها
الله يتقبلها قبولا حسنا
كل الود شادية
| |
|
|
|
|
|
|
|
|
|
Re: كيفن تمشي تخلينا (Re: أميرة فاروق عبد العال)
|
Quote: كان الله في عونك،
وأنت تحزن بهذا القدر!!
|
الحزن عميق يا أميرة
أسألي والدتك أطال الله عمرها عنها الاكيد انها كانت قريبة منها بحكم المكتن والزمان
القدر يا اميرة كان قويا
لا يصدق لكن واقع مرير
رحمها الله
| |
|
|
|
|
|
|
|
|
|
Re: كيفن تمشي تخلينا (Re: شول اشوانق دينق)
|
Quote: الله يرحمها يا ود جبرين اهو عملت العليها وخلفت وربت اولاد ما شاء الله زيكم يا طارق
الله يرحمها
الله يرحمها
|
الله يرحمها يا شول
ما قصرت معانا نهائي
كل الود يا حبيب
| |
|
|
|
|
|
|
|
|
|
Re: كيفن تمشي تخلينا (Re: فادية اليمني)
|
Quote: البركة فيكم انت واخوانك
ياود جبريل
عايز منك الدعوات الكتيرة
وفراق الوالدين حارر وماف زول بسد فرقتهم
ربنا يصبرك على فراقها
|
الله يرحمها يا فادية
ربنا يرزقها الجنة ان شاء الله
اللهم كن معها ولا تكن عليها
اللهم تولاها برحمتك
اللهم اجعلها مع الصديقين والشهداء
| |
|
|
|
|
|
|
|
|
|
Re: كيفن تمشي تخلينا (Re: طارق جبريل)
|
وكانت ( عُشة ) أشواقك تطل جواك مواسم ريد
وكانت يمة في طرف اللسان ترديد
خيالها معاك ..
أعاين لي الحزن من بسمتك مارق
أعاين لي الحزن من نظرتك بارق
أكوس لون الفرح جنبك ...
ما ألقى .. غير لون السواد حارق
غريبة حكاية الحزن البجيك بي ليل
وإت متوسد حيقبة الهم
ملانة هموم .. قلب مكلوم .. وصوت الغالية نص الليل تناجي عشانك القيوم
وقول يا زول ... الحي الله.. خلي النوم
وسيبا رويحة الغالية البقت في تخوم
دريبها على جنان الواحد القيوم
غريبة حكاية الحزن البجيك بي ليل
غريبة حكاية الزمن البهد الحيل
إقوم قلب الحزن ولهان
إفتش عن ملامح حزنو في إنسان
إشوف موج البحر حزنان
إشوف ضل الشجر باهت
إشوف غيم المطر فايت
إشوف كل الزمن أحزان
وتبدأ رويحة الأحزان
تساسق من مكان لي مكان
تنيخ هودج صحاري الهم في جواك
تعمق لي أساي وأساك
وكيف تقدر تشيلا براك
ومين إقدر إشيلو بلاك
قدر مكتوب تسوي الغربة مقلد حوبا
تعاني من قساة طوبا
تفتش واااااااا ( يمة ) في دروبا
إ روح صوتك .. وااا ( يمة ) محبوبا
وإرجع صوت الصدى الهربان
وين تلقاها يا مسكيين ..
:
:
:
رحمها الله صديقي طارق وجعل الجنة مثواها ..
| |
|
|
|
|
|
|
|
|
|
Re: كيفن تمشي تخلينا (Re: طارق جبريل)
|
وكانت ( عُشة ) أشواقك تطل جواك مواسم ريد
وكانت يمة في طرف اللسان ترديد
خيالها معاك ..
أعاين لي الحزن من بسمتك مارق
أعاين لي الحزن من نظرتك بارق
أكوس لون الفرح جنبك ...
ما ألقى .. غير لون السواد حارق
غريبة حكاية الحزن البجيك بي ليل
وإت متوسد حيقبة الهم
ملانة هموم .. قلب مكلوم .. وصوت الغالية نص الليل تناجي عشانك القيوم
وقول يا زول ... الحي الله.. خلي النوم
وسيبا رويحة الغالية البقت في تخوم
دريبها على جنان الواحد القيوم
غريبة حكاية الحزن البجيك بي ليل
غريبة حكاية الزمن البهد الحيل
إقوم قلب الحزن ولهان
إفتش عن ملامح حزنو في إنسان
إشوف موج البحر حزنان
إشوف ضل الشجر باهت
إشوف غيم المطر فايت
إشوف كل الزمن أحزان
وتبدأ رويحة الأحزان
تساسق من مكان لي مكان
تنيخ هودج صحاري الهم في جواك
تعمق لي أساي وأساك
وكيف تقدر تشيلا براك
ومين إقدر إشيلو بلاك
قدر مكتوب تسوي الغربة مقلد حوبا
تعاني من قساة طوبا
تفتش واااااااا ( يمة ) في دروبا
إ روح صوتك .. وااا ( يمة ) محبوبا
وإرجع صوت الصدى الهربان
وين تلقاها يا مسكيين ..
:
:
:
رحمها الله صديقي طارق وجعل الجنة مثواها ..
| |
|
|
|
|
|
|
|
|
|
Re: كيفن تمشي تخلينا (Re: عروة علي موسى)
|
طارق العزيز
ما بقدر اقول ليك ما تحزن
ده ضد طبيعة الأشياء
خد دورتك فى الحزن والبكاء
وأملأ صدرك بالشهيق
ثم اخرجه زفرات حرى
ثم بعد كل زلك
عد الينا (طارقا ) الزى نعرف
شفيفا رقيقا جميلا حبيبا
مليئا بالحياة كما انت دائما
ولكننا عرفنا الآن لمازا انت كزلك
رحم الله ام طارق واخوانه
فقد عرفنا الآن ان عندها( رحمها الله )
امومة تكفينا جميعا
ما غلطان انا لو قلت ليك
تعيش وتتزكر
يا طارق (اخوى )
| |
|
|
|
|
|
|
|
|
|
Re: كيفن تمشي تخلينا (Re: عبد الدائم سيد أحمد)
|
يا طارق يا أخوي هبشته الجراح الاصلها ما بتبره
يا طارق يا أخوي أبكي وأبكي وأبكي وراهم شنو غير البكاء
آهات كتيره خلفوها وراهم لكن نعمل شنو ؟
والله طعم الحلو بقى مر
استغفر الله العظيم يا رب تغفر ليهم وترحمهم يا رب العلمين
ربنا يصبرنا يا أخوي
ويجعل الجنه مثواهم ومستقرهم وماؤهم
يا رب يا كريم
| |
|
|
|
|
|
|
|
|
|
Re: كيفن تمشي تخلينا (Re: bent awad el kareem)
|
Quote: يا طارق يا أخوي هبشته الجراح الاصلها ما بتبره
يا طارق يا أخوي أبكي وأبكي وأبكي وراهم شنو غير البكاء
آهات كتيره خلفوها وراهم لكن نعمل شنو ؟
والله طعم الحلو بقى مر
استغفر الله العظيم يا رب تغفر ليهم وترحمهم يا رب العلمين
ربنا يصبرنا يا أخوي
ويجعل الجنه مثواهم ومستقرهم وماؤهم
يا رب يا كريم
|
بت عوض الكريم كيفنك
وحاتك غلبني الصبر
بكيت لامن البكاء فقد معناهو
اصلها بت يوسف آآآبيجي زولا يملأ بُكانها
الله يرحمها ويتقبلها قبولا حسنا
والله يغتي عليك ويعدلها عليك شقيش تقبلي
| |
|
|
|
|
|
|
|
|
|
Re: كيفن تمشي تخلينا (Re: عبد الدائم سيد أحمد)
|
Quote: ربنا يرحمها يا طارق ويجعل قبرها روضة من رياض الجنة
ـــــــ
حقيقة الغربة حراقة
|
النضيف يا حبيبنا
الله يرحم الجميع
تعرف يوم مات فتح الرحمن ود عمك رحمة الله عليه
قالتلهم الليلي طارق بيموت
الله يرحمهم جميعا
| |
|
|
|
|
|
|
|
|
|
Re: كيفن تمشي تخلينا (Re: منصور عبد الرازق)
|
Quote: رحم الله ام طارق واخوانه
فقد عرفنا الآن ان عندها( رحمها الله )
امومة تكفينا جميعا
ما غلطان انا لو قلت ليك
تعيش وتتزكر
يا طارق (اخوى )
|
منصور كيفنك ابوي
بت يوسف غابت يا منصور للأبد
حليل بيت يوسف وكتين تغني مع اخوها ابراهيم ابو دية
حليل بت يوسف وكتين ددفقد الجيران والحبان
حليل بت يوسف وكتين تشيل باغتها وتمشي علي التراويح
رحمها الله
منصور اللغ يغتي عليك وعلي وليداتك
| |
|
|
|
|
|
|
|
|
|
Re: كيفن تمشي تخلينا (Re: عروة علي موسى)
|
Quote: أعاين لي الحزن من بسمتك مارق
أعاين لي الحزن من نظرتك بارق
أكوس لون الفرح جنبك ... |
يا الله يا عروة ياخي
نضميك سمح
الله يرحم موتانا جميعا
والله يحفظك في اسرتك ويغتيك
| |
|
|
|
|
|
|
|
|
|
Re: كيفن تمشي تخلينا (Re: طارق جبريل)
|
بذكرك يا يمه ،،، وكتب الناس ،، يجونا من البلد
أخي الحبيب طارق الحزين ،،، لا نملك غير الدعاء والرحمة
فأدعوا لها ،،، وتصور شكلها ونضميها في أولادك ،، تجد إنك
لم تفارقها ،، زيد من الدعاء لها ،، هو أنفع وانجع ،،،،
اللهم أرحم موتانا وموت المسلمين ،،
ودعوة خاصة للوالدة عشة بت يوسف ابو دية
اللهم أجعل الجنة مثواها
وأجعلها مع الشهداء والصالحين
آميييييين يا رب العالمين,,,
| |
|
|
|
|
|
|
|
|
|
Re: كيفن تمشي تخلينا (Re: ميسرة سيد أحمد)
|
طارق ود عشة ...
يشهد الله شايف البوست ده .. وأزازي منو بي هنا وبي هنا .. وأهو دخلت أخيراً والإتخيلتو لقيتو.
ما عارف يا طارق هسي أنا ببكي الخالة عشة .. والاّ ببكي أمي الفقدتها في أكتوبر الماضي.
ياهن نفس الزول .. واحدة مشلّخة شايقية وواحدة مشلخة مطارق .. لكن الجواهن واااااحد .. ألله يصبرنا علي فراقن.
الله يرحما ويجعل البركة في ذريتها ...
والله يرحم أمهاتنا جميعاً.
| |
|
|
|
|
|
|
|
|
|
Re: كيفن تمشي تخلينا (Re: محمد أبوالعزائم أبوالريش)
|
دائما عندما انظر لوجه والدتي احس بفرح عظيم ودائما ما يشدني التفكير ماذا افعل اذا رحلت ينقبض قلبي لمجرد الفكره فابعد هذا الهاجس عني سريعا كم دعوت الله وسالته ان يمتعها بالصحه والعافيه واسال الله ان يجعل يومي قبل يومها - الام كلمه الله لا تستطيع كل لغات الدنيا التعبير عنها لا يستطيع اي شخص ملء فراغها لو سافرت يوما ما نري البيت خاليا لا حركه له نفقد حركتها وكل شئ جميل أسال الله أن يرحم كل الأمات ويغفر لهن وأن يتمتع الباقيات بالصحه والعافيه
| |
|
|
|
|
|
|
|
|
|
Re: كيفن تمشي تخلينا (Re: هويدا شرف الدين)
|
| Quote: دائما عندما انظر لوجه والدتي احس بفرح عظيم ودائما ما يشدني التفكير ماذا افعل اذا رحلت ينقبض قلبي لمجرد الفكره فابعد هذا الهاجس عني سريعا كم دعوت الله وسالته ان يمتعها بالصحه والعافيه واسال الله ان يجعل يومي قبل يومها - الام كلمه الله لا تستطيع كل لغات الدنيا التعبير عنها لا يستطيع اي شخص ملء فراغها لو سافرت يوما ما نري البيت خاليا لا حركه له نفقد حركتها وكل شئ جميل أسال الله أن يرحم كل الأمات ويغفر لهن وأن يتمتع الباقيات بالصحه والعافيه |
ربنا يخليها ليك يا هويدة
وربنا يطول في عمرها
ويحفظك ليها
| |
|
|
|
|
|
|
|
|
|
Re: كيفن تمشي تخلينا (Re: محمد أبوالعزائم أبوالريش)
|
Quote: طارق ود عشة ...
يشهد الله شايف البوست ده .. وأزازي منو بي هنا وبي هنا .. وأهو دخلت أخيراً والإتخيلتو لقيتو.
ما عارف يا طارق هسي أنا ببكي الخالة عشة .. والاّ ببكي أمي الفقدتها في أكتوبر الماضي.
ياهن نفس الزول .. واحدة مشلّخة شايقية وواحدة مشلخة مطارق .. لكن الجواهن واااااحد .. ألله يصبرنا علي فراقن.
الله يرحما ويجعل البركة في ذريتها ...
والله يرحم أمهاتنا جميعاً.
|
الله بيسألني يا محمد وكتين نزل خبر وفاة والدتك تخيلت المنظر بحذافيره المملة
سفر على عجل ووصول إلى الخرطوم دون رغبة في الخروج من المطار
حتى تتأكد من الخبر الذي جعلك تسافر
لهن الرحمة يا حبيب
مثلهن لا يعوض
اللهم الزمنا الصبر الجميل وارزقهن الجنة
| |
|
|
|
|
|
|
|
|
|
Re: كيفن تمشي تخلينا (Re: ميسرة سيد أحمد)
|
Quote: بذكرك يا يمه ،،، وكتب الناس ،، يجونا من البلد
أخي الحبيب طارق الحزين ،،، لا نملك غير الدعاء والرحمة
فأدعوا لها ،،، وتصور شكلها ونضميها في أولادك ،، تجد إنك
لم تفارقها ،، زيد من الدعاء لها ،، هو أنفع وانجع ،،،،
اللهم أرحم موتانا وموت المسلمين ،،
ودعوة خاصة للوالدة عشة بت يوسف ابو دية
اللهم أجعل الجنة مثواها
وأجعلها مع الشهداء والصالحين
آميييييين يا رب العالمين,,,
|
الريس ميسرة كيفنك ياخي
يا حبيب امام المضاب الجلل لا تملك غير الدعاء
ربنا يرحمها رحمة واسعة
ويدخلها جناته ويجعلها مص الصديقين والشهداء
حبيبنا ميسرة
اللح يحفظك واسرتك
| |
|
|
|
|
|
|
|
|
 Re: كيفن تمشي تخلينا (Re: طارق جبريل)
|
ربنا يرحما ويجعلا من اصحاب اليمين
والله يا طارق الواحد ما بعرف قيمتم
الا بعد يجيب الجنا
ولو والدتى (رحمها الله) رجعت الدنيا
يوم واحد اطير من اخر الدنيا وابرك
تحت رجلينا واخدما واطلب منها السماح
على اى لحظة مرت وانا بعيد منها
(واخفض لهما جناح الزل من الرحمةوقل ربى ارحمهما كما ربيانى صغيرا)
| |
|
|
|
|
|
|
|
|
|
Re: كيفن تمشي تخلينا (Re: ياسر عبدالكريم محمد)
|
حا تبكي وحا تبكي ياطارق..ده قدر صعب
ما في حاجة غير الدموع حاتقدر تطلع حزنك ..واريتها كان بتطلعوا ياطارق ..كان اربعة سنين من ايام عمري بكاءاً نستني ضحكة عيني صديقتي وحبيبتي التي هاتفوني بفقدانها ذات نهاراً ..وهم لايدرون اي فقدان اصابوني لبقية عمري
منال
| |
|
|
|
|
|
|
|
|
|
Re: كيفن تمشي تخلينا (Re: Manal Mohamed Ali)
|
طارق ..
صباح الخير ..
للفقيدة الرحمة ولكم الصبر الجميل ..
لم أستطع إكمال قراءة البوست حتى النهاية .. أعذرني فهناك غصة في الحلق ودمعة في العين ..
آخر الأحزان أخي الحبيب ..
| |
|
|
|
|
|
|
|
|
|
Re: كيفن تمشي تخلينا (Re: عواطف ادريس اسماعيل)
|
Quote: طارق ..
صباح الخير ..
للفقيدة الرحمة ولكم الصبر الجميل ..
لم أستطع إكمال قراءة البوست حتى النهاية .. أعذرني فهناك غصة في الحلق ودمعة في العين ..
آخر الأحزان أخي الحبيب .. |
عطوف كيفنك والمعاك
قدر كتب علينا يا بتنا
لكن اصعب قدر يعلم الله
حفظك الله ورعاك
| |
|
|
|
|
|
|
|
|
|
Re: كيفن تمشي تخلينا (Re: Manal Mohamed Ali)
|
Quote: حا تبكي وحا تبكي ياطارق..ده قدر صعب
ما في حاجة غير الدموع حاتقدر تطلع حزنك ..واريتها كان بتطلعوا ياطارق ..كان اربعة سنين من ايام عمري بكاءاً نستني ضحكة عيني صديقتي وحبيبتي التي هاتفوني بفقدانها ذات نهاراً ..وهم لايدرون اي فقدان اصابوني لبقية عمري
منال
|
الله يعلم يا منال الدمع ذاتو جفة وكمل
رحمهن الله
بس دة اصعب شئ مرة في حياتي
وما اظن ممكن يجي شئ اقسى من كدة
لهن الجنة ان شاء الله
| |
|
|
|
|
|
|
|
|
|
Re: كيفن تمشي تخلينا (Re: ياسر عبدالكريم محمد)
|
Quote: ربنا يرحما ويجعلا من اصحاب اليمين
والله يا طارق الواحد ما بعرف قيمتم
الا بعد يجيب الجنا
ولو والدتى (رحمها الله) رجعت الدنيا
يوم واحد اطير من اخر الدنيا وابرك
تحت رجلينا واخدما واطلب منها السماح
على اى لحظة مرت وانا بعيد منها
(واخفض لهما جناح الزل من الرحمةوقل ربى ارحمهما كما ربيانى صغيرا)
|
ياسر كيفنك
رحم الله الجميع
الغربة لم تكن خيارا يا حبيب
فرضت علينا في وطن يتلاعب به الساسة
لعنة عليهم إلى يوم الدين
| |
|
|
|
|
|
|
|
|
|
Re: كيفن تمشي تخلينا (Re: صلاح أبودية)
|
Quote: ربنا يرحم الخالة عشة بت يوسف بت أبودية ..
ويسكنها فسيح جناته ..
عامان وهى فى أعلى الجنان إن شاء الله !
|
حليل خالتك يا صلاح
حليلها وكتين يتقالدن هي وخالتي طيبة الله يديها طولة العمر
الله يرحمها يا صلاح
كانت ديابية زينة
| |
|
|
|
|
|
|
| |
طارق جبريل
سيف الدولة كامل
خدر
heba Elmahi
Rawia
انعام عبد الحفيظ
omer osman
محمد الجيلى
سيف اليزل برعي البدوي
naeem ali
ياسر إدريس حسن
أميرة فاروق عبد العال
عبدالله كع
شول اشوانق دينق
فادية اليمني
منصور عبد الرازق
عبد الدائم سيد أحمد
bent awad el kareem
ميسرة سيد أحمد
محمد أبوالعزائم أبوالريش
هويدا شرف الدين
ياسر عبدالكريم محمد
عواطف ادريس اسماعيل
صلاح أبودية
فيس بوك
تويتر
انستقرام
يوتيوب
بنتيريست