|
|
 كلام سواقين وكماسرة.... والله لذيذ خلاص
|
سواق الحافلة: يا بلف ما جعنا (بلف دا لقب الكمساري عشان دايما طالع ونازل)
الكمساري: والله قراصة يا معلم بتكون نضيفة
السواق: هاك امشي جيبها
ضربو قراصتهم ودوروا حافلتهم ومشوا
لكن بعد مشوارين:
السواق: يا بلف ياخي انا لسة جعان
الكمساري: دي عايزة ليها مخبازة يا معلم
السواق: هاك امشي جيبها
ضربو مخبازتهم ودوروا حافلتهم ومشوا
لكن بعد مشوارين:
السواق: يا بلف ياخي القصة لسة فارقة
الكمساري: موبايل كيف يا معلم (موبايل دا الحاجة الباردة)
ضربو موبايلهم ودوروا حافلتهم ومشوا
لكن بعد مشوارين:
السواق: يا بلف القصة دي ما مريحة
الكمساي: يا معلم لقيمات بي شاي تقيل بتكون تمام
ضربو لقيماتهم ودوروا حافلتهم ومشوا
لكن بعد مشوارين:
الكمساري: يا معلم والله بعد الفرشة دي لو ختمناها بي فولة
السواق قام ضرب الكمساري بنية وقال ليه:
كملت قروشي الله ينعلك....
على فكرة الحافلة كانت شغالة في خط الصحافة شرق
|
|
 
|
|
|
|
|
|
|
|
Re: كلام سواقين وكماسرة.... والله لذيذ خلاص (Re: طارق جبريل)
|
Quote: طارق جبريل رمضان كريم
انت ما ضارب (حريره) الشهر ده ولا شنو؟؟؟
صائم في السودان ولا المغرب.
شكرا للبوست اللذيذ.
لك الود.
تراجي. |
تراجي كيفنك ورمضان كريم
والله يا دوبي رجعت من السودان للمغرب وغرقان حريرة لي اضنيني
بس كلام الناس ديل ولغة حوارهم عجبتني خلاص
والمشهد انا شفته وعايشته لحظة بي لحظة
مودتي
| |
|
|
|
|
|
|
| |
طارق جبريل
Tragie Mustafa
Ishraga Haimoura
عزيز عيسى
فيس بوك
تويتر
انستقرام
يوتيوب
بنتيريست