عمنا السر قدور واستاذنا مجدي عوض صديق اسمعوا الزولة دي بالله

Quote: يا ولدنا .. كيفنكـ ياخ .. إبداع يا دكتور .. قمة الروعة بالذات في حضور الرائعين اسماعيل وحمودي .. إإلتقاء العمالقة) بالتأكيد ينتج فرح

Quote: كتر خيرك اخ طارق thank you .... You made my day دخلت علي اليو تيوب وشاهدتا السهرة كاملة فعلا حاجة رائعة كتر خيرك مجددا

Quote: ود جبرين دي زولة ادهشت الناس من الاستعراض للحلقة انتظرناها طويلا وحضرنا الاعادة الكم مرة وما شبعنا ولا سئمنا ولا كلينا ولا ملينا بطول الحلقة تحدثت وتمنينا الا تنته وغنت واطربتنا حد الثمالة وتمنينا الا تنته اختيار موفق واجادة وتطريب عجيب وغريب والادهى الكارزما زولة بتفتح الروح ضلفتين وتدخل كل البيوت والقلوب دون استئذان صراحة اعتب على اهلها دسوها وين الزمن دا وخلونا لفلانة وفلانة يتنايصن فوق روسينا يا طارق ...هوسننا هدى قامة اول ظهور ليها قدامي كانت اطلالة مريحة ونغم وتطريب .. ارفع لها القبعة وبالمناسبة الود مصعب دا بفهم في الغنا لازم نشكروا شديد .... ونتمنى ان توانسنا رمضان 30 حلقة وياطارق الرسالة دي لادارة النيل الازرق ما اظن المخرج او المقدم بكون ليهم دخل في الاختيار و(ليك )كما تقول المسلسلات الهندية المترجمة بالعربي الزلمي ... نوجه الستجداء لاسرة ادارة النيل الازرق وجنرالها (عليكم النبي تجبروا بخاطرنا انا وود جبريل ماحصل طلبنا منكم حاجة .... لكل المرور التقدير والتجلة ولصاحب البوست وهدى المحبة ...ونلتقي في رمضان كان حينا (تخربوا لينا صيامنا من اسي ... ياطارق عايزين نبذة تعريفية عن المطربة وين مقيمة وين كانت اصلا ) محبتي

Quote: يالله،،،يا الله رائعة قمة التطريب بالمناسبة دي وين الرائع . ود عثمان تحياتي اخ طارق وضيوفك الاماجد

Quote: هي فنانة تحمل كثير من الابداع والطرب في صوتها المتفرد هذا ندعم فكرة ان تكون في برنامج اغاني واغاني لرمضان الجاي سئمنا التكرار والوجوه المتكررة في البرنامج بشكل دوري يجب اتاحة الفرص لكل المبدعين حتتي يصل ابداععهم الي كل المستمعين مع خالص الود والتقدير

Quote: فنانا ود جبريل بعد المطايبات والشوق . الفنانة دي وين كانت كل ده الزمن ؟ ياخ ده تمكن من معرفة نواصي الغناء وتطريب عجيب .

Quote: ود جبرين دي زولة ادهشت الناس من الاستعراض للحلقة انتظرناها طويلا وحضرنا الاعادة الكم مرة وما شبعنا ولا سئمنا ولا كلينا ولا ملينا بطول الحلقة تحدثت وتمنينا الا تنته وغنت واطربتنا حد الثمالة وتمنينا الا تنته اختيار موفق واجادة وتطريب عجيب وغريب والادهى الكارزما زولة بتفتح الروح ضلفتين وتدخل كل البيوت والقلوب دون استئذان صراحة اعتب على اهلها دسوها وين الزمن دا وخلونا لفلانة وفلانة يتنايصن فوق روسينا يا طارق ...هوسننا

Quote: صوت جميل..فنانة مبدعة..شكرا طارق جبريل

Quote: اها يا المسنوح قلنا نرفعك شوية

Quote: جبيبنا طارق جبريل ، تحياتى واشواقى ، لك التحية بهذا البوست المميز ، يعلم الله ان الفنانة هدى عربى مبدعة لحد الثمالة انسانة تجيد الغناء والتطريب بشكل مميز ، نأمل ان تتاح لها الفرصة لمواصلة هذا الالٌ ، تسلم ياالسمح[

Quote: هدي عربي كما عرفت عن نفسها في بداية سهرة دروب محبة المبثوثة في 11 فبراير الماضي علي قناة النيل الأزرق تقديم الزول الراقي مصعب الصاوي هدي عربي من بحري اول ظهور كان في الدورة المدرسية حازت علي جائزة الغناء الحديث بالدورة المدرسية الرعاية الأولية كانت من إدارة المدرسة ممثلة في المرحومة بدرية بشري مديرة المدسة رحمها الله والأستاذ محمد الدخيري وكيل المدرسة في حينها ثم حاليا الرعاية من زوجها كما ذكرت ومن الأساتذة الإجلاء كما وصفتهم وهم فعلا كذلك الاستاذ اسماعيل عبد الجبار الاستاذ عِوَض احمودي الاستاذ خباب،،او ،،حباب بدوي

Quote: باين عليك قربت تحفظ الحلقة كلها ههههههههههههههه عن ظهر قلب ومن الالف للياء ههههههههه بس اوع تفتن علي يا ابو النسب بس ماتقول لي ابو النسب كيف بزعل منك ههههههههه

Quote: هلا حبيبنا ود جبرين من شوفتو طولنا ونضم صوتنا..دعما للتجديد بس اغاني واغاني سيكسب وهدى ستخسر لانو استايلها وطريقها مختلف عن اغانى واغانى..لو واصلت كده احسن ليها من شرك اغانى واغانى.

Quote: سلام ود جبريل والله أنا قاعد احس بالرثاء على شعبنا السوداني حيقعد يجتر ويعيد ويجتر لبتين، ناس واقفين محطة غناء واحدة وكل أملهم إنه زول صوته سمح يجي يغني ليهم الغناء القديم كامل تعاطفي وتضامني معاكم وأدعوا الله أن يبعث لكم من الموسيقى أجملها، ومن تطوير الغناء ما فيه خير لكم ولفنانيكم، وأن يخرجكم من حفرة (الحقيبة والغناء الجميل) إلى رحابة التطور الموسيقى واكتشاف ايقاعتكم المختلفة والمدهشة اللهم أجعل آذانهم سامعةً للغناء اللسوداني في النيل الأزرق أللهم امتعهم بما حبيت به ناس الشرق من طنابير، اللهم اللهم اكتشاف ايقاعات دارفور الكبرى اللهم أجعل فيهم من يكتشف الحان الفلاتة، اللهم أجعلهم يتغنون جماعياً بألحان الدينكا. اللهم إنهم وحِلوا في رمال (هنا أمدرمان)، اللهم أنزل لهم (صاجات) الغناء السوداني الأصيل من كل السودان ما عد ا (أم درمان) فقد تدرمنا غنائياً بما يكفى واهديكم غناء سوداني

Quote: سلام طارق جبريل والعقد الفريد ياخ أنا أول مرة أستمع لي لشخص بغني أغاني الكبار وما أكون خايف من الكوجان مستوى واحد من الأداء لمدارس غنائية مختلفة اشباع لحني وشعري حد الثمالة تسليم وتسلم من وإلى الفرقة الموسيقية بدقة متناهية هدوء الروح والطمأنينة المبعوثة فينا من ثنايا صوتها الطروب أثني ضمها إلى أغاني وأغاني ولو عمك دا عايز يبرنا يجيب معاها عادل مسلم وأمير موسى فقط

Quote: طارق يا جميل والله السر قدور ما ينتبه ويضمن البنيه هدى دى للمجموعه هو الخسران مليون والمعلنين خسرانيين ونحن جمهور المشاهدين الخاسر الاكبر، وانا بقترح هدى دى تكون براها ويكون الحديث عن غناء المراة السودانيه فاطمة الحاج عشه الفلاتيه منى الخير الرحمة مكى خصوصا نحن احتفلنا بعيد المرأة قبل ابام وهدى خير من يفعل ذلك وامكانياتها عاليه جداً.. وفقك الله يا بت يا نيل،،،

Quote: صديقي طارق هدي عربي من بناتنا بنات بحري وهي متمكنه من ناصية الطرب والذوق اختيارتها موفقه وزينا واحد دقه قديمه اتمني اختيارها في رمضان القادم وهي تستحق

Quote: ندعم فكرة ان تكون في برنامج اغاني واغاني لرمضان الجاي سئمنا التكرار والوجوه المتكررة في البرنامج بشكل دوري يجب اتاحة الفرص لكل المبدعين حتتي يصل ابداععهم الي كل المستمعين شكرا اخ طارق جبريل

Quote: Ali Bob ياخ البت المبدعة دي وين كل هذة الايام والليالي صوت مميز و اداء مميز جيدا

Quote: الزوله مبدعه ولا بحري المبدعه