حب في قطر كريمة

مرحبا Guest
اخر زيارك لك: 03-29-2024, 03:35 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة طارق جبريل(طارق جبريل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-10-2011, 02:09 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
حب في قطر كريمة

    الحبيبين كيفنكم
    اجزنا يا الحبان وجيت الأول في المدرسة وهفتلي المشيي لي شبا
    وبقيت كل يوم انقنق فشان امشي البلد اقالد حبوبتي نفيسي بت بغداد
    - يمة انت نحن مانا مسافرين السنة دي ولا شنو
    - خلاص داير تنبح فوقي اخوك يييداك قولوا اليحجزلنا ويطلع التصاريح
    مشيت الصالون في العصريي لقيت ابراهيم اخوي خاتيلو كباية شاي
    ويقرالو في جريدي.. قعدت جنبو في السرير.. وبقيت اتمحرك
    قام اخدلو جوغمي من الشاي وقالي:
    - انا عارفك وكتين تكون دايرلك شي بتجي تحوقص جنبي هههههه
    - نان انت ماك عارفو
    - داير تقوم البلد موش كدي ههههههههه
    - ايي ياخي اشتهيت حبوبتي
    - اشتهيت حبوبتك ولا الجري ورا الطير والقمري هههههه
    - ابراهيم الرسول لا تكتر الحجي شي.. دحين داير تحجزلنا ولا لا
    - هههههه التصاريح يديلاك في الدولاب حجزتلكم انت وامي يوم الاحد
    فرد جرية علي التُكل:
    - يمة واااجيدلي حجزولنا في النوم يوم الاحد قومي عوسي زوادتك
    - يا يابا تدفني..
    - واحت نضري شوفتهن في الدولاب
    ابراهيم مدة راسو من شباك الصالون:
    يومى اديني شاي بالله
    - انت صحي حجزتلنا يوم الاحد في النوم
    - اييي ولدك دة ان بقى ما سافر بيشيل حالنا
    شلت الشاي وديتو ليه وطلعت العب مع اولاد الحلة بي كورة الشراب
    ومناي بكرة دة الاحد يجي فشان نركب القطر نقوم لي اهلنا
    *******
    جاء الأحد يا الحبان ومن صباحا بدري قمنا واتسوكنا وشربنا شاي اللبن
    باللقيمات وجرينا شنطنا لاااعند الباب لامن ابراهيم يستحمى ويطلع
    طلعنا الشنط في بوكسي الادرة المركزية وقعدت انا مقنطر فيهن
    جاء ابوي مارق مسكني من اضاني: جنك سفر للبلد
    شالوا قروش اداهن امي وقعد يفرزلها.. ديل ألات المصاريف.. وديل لي امي
    وودعنا وقالي: سلم علي حبوبتك شديد وخلها تجي معاكم
    جاء ابراهيم ومشينا علي السكة حديد ودخل معانا لامن لقينا القطر
    ونحن داخلين علي عربات النوم لقينالنا عطشقي: حاجزين
    -ابراهيم: ايوة.. نوم
    - خلاص ادخل بتلقى الاسم في الباب مكتوب
    بارينا القمرات لامن لقينا الاسم: أسرة المهندس إبراهيم جبريل
    أنا أخوك يا ابراهيم

                  

08-10-2011, 02:20 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    واصل يا مسنوح كلام حنين وطاعم وحلو

    بس نوعك دا ما اظن كان بدفع ليهو قرش لكمثاري - بتكون مسطح ومشنق طاقيتك مع النخرة ولسان حالك يقول يا بنوت علا انا .

    جنك البنوت لكن بوووووووووووووووشك ما بتكبر آآآآآآآآآآ الشوم
                  

08-10-2011, 04:41 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الطيب شيقوق)

    Quote: واصل يا مسنوح كلام حنين وطاعم وحلو

    بس نوعك دا ما اظن كان بدفع ليهو قرش لكمثاري - بتكون مسطح ومشنق طاقيتك مع النخرة ولسان حالك يقول يا بنوت علا انا .

    جنك البنوت لكن بوووووووووووووووشك ما بتكبر آآآآآآآآآآ الشوم

    أماني يا المسينيح القطر دة ما فيهو سماحة ريدي وعنكوليب
                  

08-10-2011, 04:54 PM

Hatim Gubara
<aHatim Gubara
تاريخ التسجيل: 11-14-2006
مجموع المشاركات: 704

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    قال جيت الأول قال..
                  

08-10-2011, 05:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Hatim Gubara)

    Quote: قال جيت الأول قال..


                  

08-10-2011, 05:15 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    اها يا الحبان دخلنا شنطنا وكراتينا
    ونزل إبراهيم وقالنا دقايق وراجعلكم
    قلت كدي زحيت الستارة من الشباك ورفعتو
    وشوفتلي حوض في الركن فيهو ماسورة
    فتحتها ان كان تجي المويي نازلي.. صلاتي علي محمد
    اريتو ما نوم السرور هو نان..
    رجعت لي شباكي اعاين في خلق الله دي تتجارى علي درجة ثالثة
    واحدين شايللهم لحافات وشي قفف وشي كراتين
    وواحدين يغنوا وواحدين شكلهم حادين وماشنهلم لي بكاء
    شويتين اسمعلك في ناظر المحطة يقول لي واحد: اقرنوا عربيتين درجة ثاالثة ممتازة
    وواحد تاني يقولوا: سمح .. يا حسن خلي صعلوق المحطة
    (الراس البيجمع العربات في المحطة) يقرنن عشان المواعيد قربت والقطر مليان
    - حسن: ياخي الاجازات دي الله يقلعها من تجي نحن ما نقيف
    شويتين يا الحبان جاء إبرايهم اخوي راجع ومعاهو مهندس تاني صاحبو
    جابلي مجلة ميكي والصقر والغاز ألات تختخ ديك
    ومشى نقنق لي امي في اضانها وغمتلها قريشات وانا اسمع فيه يقولها:
    ديل خليهن لي طارق ان بقى دارلو شي من المحطات
    وادع امي وهي دعتلو: الله يديك قدر السحاب ما شال وقدر الجبال
    ويعدلها عليك يا إبراهيم ود حشاي ويديك الفي مرادك
    - إبراهيم: طارق تعال سلم علي المهندس صحبي واطلع
    - سمح
    نزلنا يا الحبان وسلمت علي المهندس صاحب إبراهيم وقعدوا يتكلموا بي
    شي في العربية ألتم.. شيتا كدي زي اللاسلكي: بري بري انا معاك
    ايوة يا باشمهندس عندنا مشكلة في الأمية الخامسة
    - طيب نحن جايين في الطريق
    وادعوني والمهندس غمتلي اتنين جنيه في جيبي وطلعت ومديت راسي من
    الشباك أليل القمرة ألتنا وأشرتة لي إبراهيم وبقيت متابع البوكسي
    لامن طلع من السكة حديد وعاينت لي جوة لقيت امي تدعيلو:
    الله يرضى عليك يا إبراهيم يا ولدي.. عافي منك راضي عليك
    قمت طلعت علي الزقاق البين القمرات جات شايقيي ومعاها ولدها
    - يمة يدي قمرتكم انت وحنان
    - خلاص يا ولدي الندخل العفش
    - لامن تصلي كريمة بتلقي لواري الدهسيرة
    شويتين جات حنان شايلالا شنيطي صغوويري
    أنا يا الله لي

                  

08-10-2011, 06:27 PM

أحمد ابن عوف
<aأحمد ابن عوف
تاريخ التسجيل: 04-26-2010
مجموع المشاركات: 7610

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    ابو الحنان زاتو

    ميري محبتي

    عارف يا قريبي، قلت ليهم داير امشي بالقطر لي كريمة واسوق الاولاد عشان يتفرجوا
    قالوا لي، ياخي جلاس بقت اربعة ساعات بالعربية الشقاوة العليك شنو تصل في يوم ونص

    قلت ليهم مزاجي ياخي، القطر دا ما عجيب، لكن شاءت الاقدار لا مشيت بالعربية وللا بالقطر
    حبوبتنا الوحيدة اللينا في البلد نزلت الخرطوم

    الجايات - التنسيق معاك يسعدنا
                  

08-10-2011, 06:59 PM

Hatim Gubara
<aHatim Gubara
تاريخ التسجيل: 11-14-2006
مجموع المشاركات: 704

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: أحمد ابن عوف)

    يا صاحب..
    إنت قلبك دا قلب طيره?
    كل ما تشوف ليك بت تحبها?
    دا غير الشفناهو بي عيننا..
    آآمننا زاتو..
                  

08-10-2011, 07:21 PM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3178

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Hatim Gubara)

    Quote: يطلع التصاريح


    بلالي متين يجي يمه بلالي متين يجي

    الرسول يا ود عمتي

    ان درت راحتي در جمتي

    رسل لي التصريح خليني النجي
                  

08-10-2011, 08:03 PM

عصام الدين حسين حسن

تاريخ التسجيل: 08-21-2006
مجموع المشاركات: 194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: ود الخليفه)

    ود جبريل يا راقي .. عارف الدخلتها فيني كريمة ما مرقت وكمان نوري .. والطريق من اللفة حقت حدا النيل مروراً بكل تلك الشموخ حتى كريمة .. والله حاجة ما تخلص ..

    وكمان تختم بزيارة لمحمد الحسن حميد في نوري وسط الجناين ياخي روعة ما بعدها روعة .. وهاك يا جبل البركل وسد مروي .. كانت رحلتي من مدني إلى كريمة مروراً بساعة إفطار عند ناس عمتي أم سور ..

    الحنان عندكم يا طارق والجمال عندكم والطبيعة وكل شئ مميز ..
                  

08-10-2011, 08:28 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عصام الدين حسين حسن)

    Quote: الحبيبين كيفنكم
    اجزنا يا الحبان وجيت الأول في المدرسة وهفتلي المشيي لي شبا
    وبقيت كل يوم انقنق فشان امشي البلد اقالد حبوبتي نفيسي بت بغداد
    - يمة انت نحن مانا مسافرين السنة دي ولا شنو
    - خلاص داير تنبح فوقي اخوك يييداك قولوا اليحجزلنا ويطلع التصاريح
    مشيت الصالون في العصريي لقيت ابراهيم اخوي خاتيلو كباية شاي
    ويقرالو في جريدي.. قعدت جنبو في السرير.. وبقيت اتمحرك
    قام اخدلو جوغمي من الشاي وقالي:
    - انا عارفك وكتين تكون دايرلك شي بتجي تحوقص جنبي هههههه
    - نان انت ماك عارفو
    - داير تقوم البلد موش كدي ههههههههه
    - ايي ياخي اشتهيت حبوبتي
    - اشتهيت حبوبتك ولا الجري ورا الطير والقمري هههههه
    - ابراهيم الرسول لا تكتر الحجي شي.. دحين داير تحجزلنا ولا لا
    - هههههه التصاريح يديلاك في الدولاب حجزتلكم انت وامي يوم الاحد
    فرد جرية علي التُكل:
    - يمة واااجيدلي حجزولنا في النوم يوم الاحد قومي عوسي زوادتك
    - يا يابا تدفني..
    - واحت نضري شوفتهن في الدولاب
    ابراهيم مدة راسو من شباك الصالون:
    يومى اديني شاي بالله
    - انت صحي حجزتلنا يوم الاحد في النوم
    - اييي ولدك دة ان بقى ما سافر بيشيل حالنا
    شلت الشاي وديتو ليه وطلعت العب مع اولاد الحلة بي كورة الشراب
    ومناي بكرة دة الاحد يجي فشان نركب القطر نقوم لي اهلنا
    *******
    جاء الأحد يا الحبان ومن صباحا بدري قمنا واتسوكنا وشربنا شاي اللبن
    باللقيمات وجرينا شنطنا لاااعند الباب لامن ابراهيم يستحمى ويطلع
    طلعنا الشنط في بوكسي الادرة المركزية وقعدت انا مقنطر فيهن
    جاء ابوي مارق مسكني من اضاني: جنك سفر للبلد
    شالوا قروش اداهن امي وقعد يفرزلها.. ديل ألات المصاريف.. وديل لي امي
    وودعنا وقالي: سلم علي حبوبتك شديد وخلها تجي معاكم
    جاء ابراهيم ومشينا علي السكة حديد ودخل معانا لامن لقينا القطر
    ونحن داخلين علي عربات النوم لقينالنا عطشقي: حاجزين
    -ابراهيم: ايوة.. نوم
    - خلاص ادخل بتلقى الاسم في الباب مكتوب
    بارينا القمرات لامن لقينا الاسم: أسرة المهندس إبراهيم جبريل
    أنا أخوك يا ابراهيم




    ياسلالالالالالالام ياطارق بااااااااخ
    بترجع الزول لي زمن حنييييين وجميل خلاس ....
    جدي (احمد صديق) ابو امي الله يرحمهم جميعاً كان فني كبير في السكة حديد ومن الناس البعد الاستقلال سودن وظيفة كان فيها خواجة والدتي لها الرحمة ولدت وتربت في بيوت السكة حديد الجنب جامع شروني واكتسبنا منها انضباط وبرنامج موظفي وعمال السكة حديد الصحيان بدري والنوم بدري وايام الاجازات مع صفارة السكة حديد الساعة 9 صباحاً تلقي الفطور في الطربيزة لا دقيقة قبلها ولا دقيقة بعدها والغريبة امي الله يرحمه من كان بتلبس ساعة لكن الساعة الداخلية بتاعته اتبرمجت على كده ....
    الله يرحمهم جدي ووالدتي والسكة حديد والزمن الجميل دااااااااااك .........

                  

08-10-2011, 09:01 PM

Kostawi
<aKostawi
تاريخ التسجيل: 02-04-2002
مجموع المشاركات: 39979

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: omer osman)

    حباك برص!
    هو بصلعتك دي البحبك منو
    علا تكون واحدة لابسا باروكي
                  

08-10-2011, 09:42 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Kostawi)

    الأخ طارق جبريل،

    لقـد اسعدتنـا بهـذا الســرد، وتذكرت زيارتنا لكريمة ونورى وما حولهما.. أيام كانت جميلة وبديعة
    ياخ تهميش شنو ناس الخرطوم هم المهمشين.. رحلة بالباجـور من كريمة نازل لحد الدبة.. خصوصا
    العصريات لما الباجور يكون ماشى على شمال البحر وتحت ظلال النخيل، والهمبريب ضارب.. تقول لى
    مهمشين؟
    إنتو نص عمركم ضايع يا شباب الشمالية.. عندكم أجمل مواقع العالم.. اثريا وطبيعيا وسياحيـا.. ومبارين
    ريال دولار يا شاب فى الخليج؟!!!

    أخيرا يا طارق ما أعجبنى حقا لغتك المحلية التى تشى بألأصالـة المفقودة.. وتشـع الطمأنينة والامن والسلام
    فى النفس..

    شكرا.
                  

08-11-2011, 08:03 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Abureesh)

    Quote:
    الأخ طارق جبريل،

    لقـد اسعدتنـا بهـذا الســرد، وتذكرت زيارتنا لكريمة ونورى وما حولهما.. أيام كانت جميلة وبديعة
    ياخ تهميش شنو ناس الخرطوم هم المهمشين.. رحلة بالباجـور من كريمة نازل لحد الدبة.. خصوصا
    العصريات لما الباجور يكون ماشى على شمال البحر وتحت ظلال النخيل، والهمبريب ضارب.. تقول لى
    مهمشين؟
    إنتو نص عمركم ضايع يا شباب الشمالية.. عندكم أجمل مواقع العالم.. اثريا وطبيعيا وسياحيـا.. ومبارين
    ريال دولار يا شاب فى الخليج؟!!!

    أخيرا يا طارق ما أعجبنى حقا لغتك المحلية التى تشى بألأصالـة المفقودة.. وتشـع الطمأنينة والامن والسلام
    فى النفس..

    شكرا.

    ابو الريش يا حبيب
    كل سنة وانت طيب ورمضان كريم
    والله يا سيدي كان علي انا ماني داير المروق من تحت نخيلنا داك
    العيشي سمحي والناس لليلي زي ما الله خلقهم طيبين وعي نياتهم
    يمين بالله نومة ضهريي تحت منقايي تساوي الكون وما فيه
    بس نقول شنو الله يجازي الكان السبب

    تسلم يا حبيب
                  

08-11-2011, 07:54 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Kostawi)

    Quote:
    حباك برص!
    هو بصلعتك دي البحبك منو
    علا تكون واحدة لابسا باروكي

    انت شن عرفك آآآيابا بالحب
    شن عرفك يا خردة انت يا بتاع الصير والفسيخ
    التقول انت شعر راسك نازل لي عيونك
    وهو افراق افراق علي المغنطيس الكابسو الحديد
    ههههههههههههههههههههههه
                  

08-10-2011, 09:04 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: omer osman)

    Quote: بري بري انا معاك


    أُمممممك ..... جاب سيرة البحر.

    يا سجم الرماد .... إنت رمضاناتك كلها مخستكة كدة؟

    مرّة حفرة دخان ومرة حب في القطر ..... والله يستر.

    رمضان كريم ياخ.
                  

08-10-2011, 09:10 PM

محمد الجيلى
<aمحمد الجيلى
تاريخ التسجيل: 01-24-2009
مجموع المشاركات: 1363

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد أبوالعزائم أبوالريش)

    Quote: شويتين جات حنان شايلالا شنيطي صغوويري
    أنا يا الله لي


    مايونيز
                  

08-10-2011, 09:49 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3353

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد الجيلى)

    يا حبوب رمضان كريم تصوم وتفطر على خير
    مرور ولنا عودة لقطر كريمي.
                  

08-11-2011, 06:48 AM

محمد العوض
<aمحمد العوض
تاريخ التسجيل: 07-16-2009
مجموع المشاركات: 439

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: معاذ حسن)



    ود جبريل الفنجري

    والله حركت فينا مكن

    ليهو سنين خامد جوانا

    معليش انا دي ما بخليها

    بستاذنك انقلها للموقع

    الكبير حوش مروي البلمنا كلنا

    انا عارف في ناس مكنهم صدي واسع

    بفرحوا زي البطينين الصغار لما يلقوا

    المهندس ود جبريل جاهم ومعاهو عددتو بعد اذنك
                  

08-11-2011, 08:15 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد العوض)

    Quote: ود جبريل الفنجري

    والله حركت فينا مكن

    ليهو سنين خامد جوانا

    معليش انا دي ما بخليها

    بستاذنك انقلها للموقع

    الكبير حوش مروي البلمنا كلنا

    انا عارف في ناس مكنهم صدي واسع

    بفرحوا زي البطينين الصغار لما يلقوا

    المهندس ود جبريل جاهم ومعاهو عددتو بعد اذنك

    يا قريبي انقل ساكت يا حبيب
    بس بالله احفظلنا حقنا الادبي
    رمضان كريم ياخي
                  

08-11-2011, 08:11 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: معاذ حسن)

    Quote: يا حبوب رمضان كريم تصوم وتفطر على خير
    مرور ولنا عودة لقطر كريمي.

    اوووه ابو علي
    ياخي رمضان كريم
    وكل سنة وانت والوليدات بالف خير
    سلامنا لي بتنا بالله
                  

08-11-2011, 08:09 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد الجيلى)

    Quote: مايونيز

    ودالجيلي
    المايونيز دة اكنو شنو
    لا يبقى من مشتقات القنقليز
                  

08-11-2011, 08:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد أبوالعزائم أبوالريش)

    Quote:

    أُمممممك ..... جاب سيرة البحر.

    يا سجم الرماد .... إنت رمضاناتك كلها مخستكة كدة؟

    مرّة حفرة دخان ومرة حب في القطر ..... والله يستر.

    رمضان كريم ياخ.

    ود ابو العزائم كيفنك ياخي
    ورمضان يتبارك عليك
    اها اقولك شي ابراهيم اخوي دة سكن في بري دي سنتين
    واصلو رمضان دة هني في المغرب ماهو قايم من برشو هههههههههه
    خلنا النصوط ياخي هههههههه
                  

08-11-2011, 07:51 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: omer osman)

    Quote:


    ياسلالالالالالالام ياطارق بااااااااخ
    بترجع الزول لي زمن حنييييين وجميل خلاس ....
    جدي (احمد صديق) ابو امي الله يرحمهم جميعاً كان فني كبير في السكة حديد ومن الناس البعد الاستقلال سودن وظيفة كان فيها خواجة والدتي لها الرحمة ولدت وتربت في بيوت السكة حديد الجنب جامع شروني واكتسبنا منها انضباط وبرنامج موظفي وعمال السكة حديد الصحيان بدري والنوم بدري وايام الاجازات مع صفارة السكة حديد الساعة 9 صباحاً تلقي الفطور في الطربيزة لا دقيقة قبلها ولا دقيقة بعدها والغريبة امي الله يرحمه من كان بتلبس ساعة لكن الساعة الداخلية بتاعته اتبرمجت على كده ....
    الله يرحمهم جدي ووالدتي والسكة حديد والزمن الجميل دااااااااااك .........

    والعجب يا قريبي لو شفت الصفارة في عطبرة
    والعمال ماشين بي عجلاتهم
    وبتاع الباسطة في المحطة يكورك: زي السمنة وكدة
    ياخي يمين بالله قطر كريمة دة سينما متحركة
    كل محطة عندها نكهة وخاصية براها
    حليل الزمن يا حبيب
    ورحم الله الجنان الفاتونا
                  

08-11-2011, 07:47 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عصام الدين حسين حسن)

    Quote: ود جبريل يا راقي .. عارف الدخلتها فيني كريمة ما مرقت وكمان نوري .. والطريق من اللفة حقت حدا النيل مروراً بكل تلك الشموخ حتى كريمة .. والله حاجة ما تخلص ..

    وكمان تختم بزيارة لمحمد الحسن حميد في نوري وسط الجناين ياخي روعة ما بعدها روعة .. وهاك يا جبل البركل وسد مروي .. كانت رحلتي من مدني إلى كريمة مروراً بساعة إفطار عند ناس عمتي أم سور ..

    الحنان عندكم يا طارق والجمال عندكم والطبيعة وكل شئ مميز ..

    عصام كيفنك ابوي
    اماني ياالحبيب الحنان عندنا ماهو مدفق
    ههههههههههههههههههه
                  

08-11-2011, 07:44 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: ود الخليفه)

    Quote: بلالي متين يجي يمه بلالي متين يجي

    الرسول يا ود عمتي

    ان درت راحتي در جمتي

    رسل لي التصريح خليني النجي

    المي بالماسورة جايي
    تبيخنا في الحلة ام غتايي


    ود الخليفنة كيفنك ياخي
                  

08-11-2011, 07:41 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Hatim Gubara)

    Quote: يا صاحب..
    إنت قلبك دا قلب طيره?
    كل ما تشوف ليك بت تحبها?
    دا غير الشفناهو بي عيننا..
    آآمننا زاتو..

    اريتها خوتك خوة التاباني البنات
    ياخي دي حكاوي ثاثة متوسط ههههههههههههههههه
                  

08-11-2011, 07:38 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: أحمد ابن عوف)

    Quote: ابو الحنان زاتو

    ميري محبتي

    عارف يا قريبي، قلت ليهم داير امشي بالقطر لي كريمة واسوق الاولاد عشان يتفرجوا
    قالوا لي، ياخي جلاس بقت اربعة ساعات بالعربية الشقاوة العليك شنو تصل في يوم ونص

    قلت ليهم مزاجي ياخي، القطر دا ما عجيب، لكن شاءت الاقدار لا مشيت بالعربية وللا بالقطر
    حبوبتنا الوحيدة اللينا في البلد نزلت الخرطوم

    الجايات - التنسيق معاك يسعدنا

    اوووووه قريبي
    ياخي كل سنة وانت طيب ورمضان كريم

    تعرف يا حبيب الما مشى الشمالية بالقطر نص عمره ضايع
    ياخي كل محطة عندها نكهة براهامشي سوى

    ايه رايك المرة الجاية نسوق الاولاد ون
                  

08-11-2011, 08:18 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    اها يا الحبان
    بالله البنييي جات شايلي الشنيطي والصدير قدامها علي جنى الوزين
    انا اصلي ريقي دة نشف ويِبِست ضومة ضومة في باب القمرة ألتنا
    الساعة الختت الشنطة ورفعت راسها شافت فيني لامن شهقت وجاني الفاك
    وراسي بقى يزوزي بين الباب والقمرة ألتنا علي حاحاي الطير
    البنيي ليها وجنات وحات ود الكرسني علي البسكويتة الفي نص الجلي
    اخوها شال الشنط ختاهن في القمرة وزي إبراهيم أخوي شالو قروش غمتها لي أمه
    وهي صاقعالو: الله يغتي عليك يا ولدي ويعدلها عليك
    - يمة سلمي علي خيلاني وأعمامي وإن بقى ربنا سهل سبوعين
    بحصلكم فشان أحضر عرس محمد ود عمتي
    - الله يعدل خطوتك يا ولدي
    - يا حنان ختيت ليك ألغاز في جيب الشنطة الكبيري وكمان الكراس الكنت عايزاهو
    - حنان: ايوة ياخي عايزة اسجل محطات القطر
    - أصلو دايرين يعينوك عطشقي انتي هههههههههه
    - أمه: باقيلي القمرة الجنبنا دي ناسها جوا
    - أيي شفتلي ولد يمد في راسو
    - أمه: كدي النمشي نسلم عليهم
    - سلام عليكم
    - عليكم السلام
    - من شوايقة وين ولا ماكون شوايقة
    - أمي: حبابك اتفضلي نحن من شبا (البركل)
    - صلاتي علي محمد وقايمين براكم
    - أيي أنا وولدي الحتالي دة ماشي يشوف حبوباتو وخالاتو وأعمامو
    - ما شاء الله.. الله يخلي ليك.. كويس والله ان بقينا احتجنالنا شي يساعدنا
    باقي قايمي انا وبتي برانا
    - أبشري أبشري.. انتو من وين
    - نحن من الدهسيرة ماشلنا لي عرس فضلة خيرك
    - ولدها: يمة كان كدي خلاص ما بتجيكم عوجة لقيتي سِرِك دي
    - أمي: يا ولدي أن شاء الله بنصل طيبين
    - يلا أها ودعتكم الله وربنا يعدل الخطوة وتصلو سالمين تامين
    - أمه: الله يرضى عليك يا ولدي في مان الله
    وحاتكم يا الحبان البنيي واقفي في ضهر أمها العيون غُلاااااااااد
    والرموش طوال علي جريد (المِشرِق) والأضان شحماني وفيها حلقا أبيض
    وعيني لي أصابعينها ماسكابِن طرف التوب أليل أمها متمسحات علي بلح الشام..
    نان أنا الفاك خلاني.. وبقيت أتشهق.. وجوعتة.. مع اني ضاربلي كوبايي
    ألت شوب وتلاتة قرقوشات وبسكويت كرم...
    - خلاص يا بت أمي النرص عفشنا وبعدين نجي نتونس
    - سمح.. باقيلي القطر خلاص صفرولوا
    - إيي يصفروا عليهم دايما متأخرين هم.. الولد دة أديهو موية
    الفاك دة مجننو
    انا في سري: الفاك ماهو مجنني.. مجنناني الكوستليتة الوراك دي هههههههه
                  

08-11-2011, 09:12 PM

خالد علي محجوب المنسي
<aخالد علي محجوب المنسي
تاريخ التسجيل: 04-10-2006
مجموع المشاركات: 15968

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    Quote: ومناي بكرة دة الاحد يجي فشان نركب القطر نقوم لي اهلنا



    ومن ميسو داك
    لفة داقش عليها كريمي
    لابسلو مركوباً نصيح
    وحاقيبلو شنطة اللت صفيح
    لمو هديماتو من الحبل
    شكاها فيها كوسر كوسر
    وقفلا بي فقشة جريدتن يابسي
    عارضا زي كوشر
    وصل القطر ..
    وقالك كدي اتحكر حكيرة جد
    وقطرو دا
    يسوي تووت تووت كو نتر
    وكشح ألمي
    تب ما خلا جر
    وأنفكا يجري جري الرماد
    بقى في القضيب يشكي العجل
    عود السلك يسوي زن .. زن
    الدقفلي قلبي انقطع
    الدقفلي قلبي انقطع
    كان لي العجاج يعمي البصر
    يومين مصنقر في الخشب
    ما نام شخر
    وبي وين ينوم
    دا قطر كريمي
    الملان لاعينو ديمي
    ان جا التمر مكمود كمد
    والمنقا ديك وكتين تستوي
    تلقاها لي الوكاي زرب
    كترت كلف قايل شنو
    ابا ما يشيلنا ود منو
    عفشن كُتار والدنيا حر
    وجرى حمد احمد عرقو تر



    الحب والقطارات ومقابلة القطارات في المحطة
    وتكتفي بي بسمة او نظرة وتنوم عليها شهر لما يجي القطر الجاي

    شنو علاقة الحب في القطر والسفر ؟
    تصدق انا زوجتي المجرية ألتقيتها في قطر !!!!!

    أحمد ولدي قال لي : يعني القطر دا يوم ألتقيتو لو ما جا انا ما كان جيت لهذه الدنيا
    ههههههههههههه

    كترت كلف قايل شنو

    طارق جبريل متابعين استمر في هذا السرد الجميل الحلو الذي يبهج القارئ من عجاج السياسة في البورد العجيب

    تحياتي ومودتي ورمضان كريم

    (عدل بواسطة خالد علي محجوب المنسي on 08-11-2011, 09:15 PM)

                  

08-11-2011, 09:24 PM

محمد الجيلى
<aمحمد الجيلى
تاريخ التسجيل: 01-24-2009
مجموع المشاركات: 1363

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: خالد علي محجوب المنسي)

    Quote: وحاتكم يا الحبان البنيي واقفي في ضهر أمها العيون غُلاااااااااد والرموش طوال علي جريد (المِشرِق)
    والأضان شحماني وفيها حلقا أبيض
    وعيني لي أصابعينها ماسكابِن طرف التوب أليل أمها متمسحات علي بلح الشام..





    إنا لله





    قهرتكـ بالقاهر والنبي الطاهر
                  

08-11-2011, 09:46 PM

أبو عبيدة البصاص
<aأبو عبيدة البصاص
تاريخ التسجيل: 09-29-2006
مجموع المشاركات: 4127

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد الجيلى)

    .
    .
    .
    انا المحيرني المجوعك شنو رغم كباية الشب والقرقوش بسكويت كرم

    ـــــــــــــــــــــــــــــــــــــــــــــــــــــ
    نص يشبهك شكرا
                  

08-12-2011, 11:27 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: أبو عبيدة البصاص)

    Quote: انا المحيرني المجوعك شنو رغم كباية الشب والقرقوش بسكويت كرم

    ـــــــــــــــــــــــــــــــــــــــــــــــــــــ
    نص يشبهك شكرا


    وحاتك يا حبيب تشوف الوجنات ديك
    موش تجوع.. تكوفر عديييييييل
                  

08-12-2011, 11:22 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: محمد الجيلى)

    Quote: إنا لله





    قهرتكـ بالقاهر والنبي الطاهر

    (عدل بواسطة طارق جبريل on 08-12-2011, 11:25 AM)

                  

08-12-2011, 11:15 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: خالد علي محجوب المنسي)

    Quote: الحب والقطارات ومقابلة القطارات في المحطة
    وتكتفي بي بسمة او نظرة وتنوم عليها شهر لما يجي القطر الجاي

    شنو علاقة الحب في القطر والسفر ؟
    تصدق انا زوجتي المجرية ألتقيتها في قطر !!!!!

    أحمد ولدي قال لي : يعني القطر دا يوم ألتقيتو لو ما جا انا ما كان جيت لهذه الدنيا
    ههههههههههههه

    كترت كلف قايل شنو

    طارق جبريل متابعين استمر في هذا السرد الجميل الحلو الذي يبهج القارئ من عجاج السياسة في البورد العجيب

    تحياتي ومودتي ورمضان كريم


    ود المنسي يا حبيب
    رمضان كريم ياخي وتصوم وتفطر علي خير
    تعرف حاجات القطر دي لو لقت ليها زول خياله واسع
    يمين بالله يطلع منها دُرر
    ياخي القطر فيه قصص يمين تحير
    تسلم يا حبيب
                  

08-11-2011, 10:08 PM

عادل فضل المولى
<aعادل فضل المولى
تاريخ التسجيل: 11-28-2004
مجموع المشاركات: 2165

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    غايتو يا طارق
    البوست باريناهو بالليل
    عشان الكستليتة في نهار رمضان بتجوع وكدا
    اها رمضان كريم
    وحنان كريمة
    هههههههههههه
    يديك العافية
    ووصية الشيخ الطيب صالح عليك الله ما ترميها واطة
    امرق الحاجات دي
    واحدة واحدة
    وربنا يرضى عليك
                  

08-14-2011, 05:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عادل فضل المولى)


    اها يا ود فضل المولى هاك

    - اها النمشي نرتب باقي عفشنا داك
    - امي سمح ربنا يعدل الخطوة
    الساعة يا الحبان البنيي لفت وشافت فيني
    وحات نضري العين والرموش علي فنجان القهوة وفوقه زيقا اسود أليل بُن
    نان انا ما بقيت ماشي كلي موية.. وبقيت أعضعض في لساني
    التقول ماكلي أمانة وماني عارف اسددها كيفن
    مشيت علي الشباك وبقيت أعاين في خلق الله
    ناس تتجارى بي هني.. وواحدين شايلنلهم طبالي ويكوركوا
    في شبابيك العربات ألات القطر..
    والشايلو كرتونة فيها لبان ماكسي وضفارات وبسكويت كرم ومرايات صغار
    والشايلو جرائد ومجلة صباح الخير ومجلة الصقر ويكوركبهن
    وعمال لابسلهم أبرولات ويشيلو ويكتبولن في ورق فوق عربات القطر
    وعربات التاكسي صُفر صُفُر علي صندوق البيض المفقوش
    وغفير الباب يكورك في خلق الله: الما عندو تصارح ما بيدخل يا جماعة
    عاينت في القمرة لقيت أمي تضاير في الزوادة وباقي الكراتين
    شي طعميي وشي بيض مسلوق وشي حَرِف أليل قراصة متمرة
    شويتين قعدت في نص السرير وطلعت المضبقة وقعدت تحسب:
    ديل قروش المصاريف.. وديل جبيرين مرسلن لي أمه
    وديل إبراهيم قال يدوهن حبوبتو نفيسي بت بغداد
    الطرد الكبير أليل السكر لي ناس أبوي ود ابو دية
    وطرد الشاي والسكر مرسلو جبيرين لي خالتي نفيسي
    خليتها تحسب في حاجاتها وتاني رجعت أشوف في خلق الله دي
    جاء واحد شايلو كرتونة فيها لبان وبسكويت قلقتلو أقيف
    اشتريتلي علبتين ألات لبان ماكسي وبسكويتين ألات كرم وعشرة حبايات
    حلاوة كرميلا وومجلة الصقر قديمة ليها سبوعين..
    حشرت البسكويت واللبان والكرميلا في جيوبي
    ورميت المجلة في السرير الفوقاني مع الجرائد الاشتراهن لي إبراهيم
    شويتين قالوا كدي دقوا للقطر اليقوم
    ناسا كتااار جوا نازلين من القطر ووقفوا يودعوا في المسافرين
    الشايلو جريدي ومحقب يدينو وراهو
    والقاعدي تقشقش في دميعاتها
    والشغال يوادع في شفعوا بالشباك
    وقال كدي الراس أليل القطر أداها صفارة كبييييييييييري
    وبدأ يتحرك بي شوووي شوووي
    وكتين وصل كبري بحري وبقينا فوق النيل
    اتلفت ان كان القالك حنان مادي راسها من الشباك أليل قمرتهم
    وبقيت اوزع في البسمات علي الزول الماسكين جضومو بي مشبك
    ...
                  

08-14-2011, 07:13 PM

Hadeer Alzain
<aHadeer Alzain
تاريخ التسجيل: 07-13-2008
مجموع المشاركات: 3530

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    غايتو يا طارق ذاكرة حديدية أحسدك عليها، ماشاء الله تبارك الله
    أنا ذاكرتي زي عمال اليومية ، بس حق اليوم باليوم
    أمبارح دا مافي قاموسنا كلو كلو ، طشاش طشاش ونو إحساس


    أها نجي للموضوع المهم :
    أم ريم إنشاالله متابعة معانا البوست دا
    عشان تقوم باللازم وكدا ..!


    رمضان كريم عليك والأسرة
                  

08-14-2011, 09:44 PM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 02-26-2005
مجموع المشاركات: 9162

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Hadeer Alzain)
                  

08-15-2011, 10:08 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عمار عبدالله عبدالرحمن)

    Quote: ان شاء الله المرة الجاية تركبوا الصالون ,
    بس رجاء ممنوع الصعوط وشنط الحديد المقرونة ,,



    نان يا عمار الصالون السمح دة
    داير ألقالوا حنان تاني من وين
    دة زمن الجهلة يا حبيب
    رمضان كريم ياخي
                  

08-15-2011, 10:06 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Hadeer Alzain)

    اووووه بت الزين
    ياخي رمضانك يتبارك عليك ياخي
    وكل سنة وانت طيبي
    وتصومي وتفطري علي خير

    Quote: أها نجي للموضوع المهم :
    أم ريم إنشاالله متابعة معانا البوست دا
    عشان تقوم باللازم وكدا ..!

    غايتو حسادتا تولد البنات
    مالك علي دايري تجيبيلنا المفراكة في رمضان كمان
    اصلو ضهرنا دة يتحمل شنو ولا شنو
                  

08-17-2011, 05:15 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    قال كدي يا الحبان القطر اداها نترة في الكوبري ووكتين دخل علي محطة بحري
    تاوقت بي شووووي إن كان ألقالك حنان ماها في.. لامن بطني وجعتني
    وكتين القطر وقف في بحري قلت لي امي: انت ما جوعتي
    - باقيلي بقيت سايف
    - ايي يمة والزيفي ألت البحر دي جوعتني
    - سمح كدي النخت اللكل وننادي علي حريم الدهسيري ديل
    ولا أقولك دقلن باب القمرة وقولهن اليجن يفطرن
    نان انا صدق.. جيت مفنتر مرة واحدي لامن سفنجتي اتملصت
    واصلي من وصلت باب القمرة دة يديني عِرقَن ونفسي اتقطع
    كو كو كو
    - منو
    - انا طارق يا خالتي
    - ادخل يا ولدي
    - امي قالتلكم تعالوا افطروا معانا
    - سبحان الله يا ولدي هسي دايري اقول لي حنان تناديكم
    خلاص بنجي هسي دي
    - سمح
    رفعت راسي اعاين في القمرة ان كان القالكم حنان الطرحي واقعي منها
    وخاتي يدينا علي صدرها.. والخرابة علي حنابيك العيد
    فاير ضومة ضومة وداير يمرق من بُكانو
    رويحتي دي اضايقت وعضامي وجعني وحيلي مات ضومة ضومة
    مشيت علي القمرة وقلت لي أمي: خلاص قالوا جايين
    - سمح افرش المشمع دة في السرير النخت فيهو اللكل
    فرشت المشمع وختينا الفول بي زيتو امي جايباهو في حلة
    وقشرنا البيض المسلوق وختينا الطعميي
    شويتين جات حنان وأمها شايلاتلهن صحانة
    واحدا فيه فول والتاني فيهو طحنيي وترمسة ألت شاي وكبابي
    - اتفضلو اتفضلو
    انا اصلي بَلَمتة كلو كلو ودنقرت في الواطة علي الشافع العندو تسمع وماهو حافظ
    أشيلي لِقِيمي واديها صنقيعة بي شوووي
    وأعاين في اليدين وكتين تشيل في الفول.. يمين الاصابعين علي لمبة النيون
    مووووولس وناعماااااااااااات علي كعكي العيد
    وقلبي يشيل وينتح.. وعرقتلي جنس عرق.. وأصلو البنطلون من تحت
    بقى زي الزول الساويلو فيهو شي... نازي موية ضومة ضومة
    كملنا يا الحبان فطورنا ولمينا المشمع
    امي ومرة الدهسيري كبن الشاي وبقن يتونسن
    ما خلنلهن فجي في الشمالية ما جابن سيرتها
    - طارق وحنان يا ولادي امشوا اقفروا العفش لا يبقى دخل زول في قمرتنا
    أنا وحنان نمشي برانا بهناك
    اناااااااااا وااااااااااااااااكتلتي

    (عدل بواسطة طارق جبريل on 08-17-2011, 05:17 PM)

                  

08-21-2011, 10:44 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    مشينا يا الحبان علي القمرة ألت ناس حنان
    لقينالنا كمساري يكوركلو في مرة وبطانا: ياخي قلنالك تذاكرك
    دي في درجة تالتة الممتازة.. هني عربات النوم...
    - نان التصاريح مو ياها التصاريح يا ولدي ما تخلنا الندخل هني
    - البُكان دة محجوز والمرة الجاية الزول الحجزلك تقوليلو
    يحجزلك انت وبُطانك نوم ولا درجة أولى
    بقينا نضحك انا وحنان.. ووكتين دخلنا القمرة انا زدتلي ضحكايي
    من عندي سااااكت كدي قلت تبقالي فاتحي للكلام مع بت الدهسيرة دي
    لقينا كل شي في بُكانو... ولقيتها خاتالا دفتر وفيهو قلم بيق
    ومجلة ألت سمر في السرير الفوقاني... عاينت في الدفتر
    لقيتها كاتبي: محطة الخرطوم الساعة حداشر الا ربع اتحرك القطر..
    محطة بحري: قطعنا الكوبري ودخلنا محطة بحري..
    - انت حا تقعدي تسجلي المحطات كلها
    - أيوة عايزة اسجل كل محطة وشنو فيها وبيبيعو فوقها شنو
    - نان محطات الليل دايري تكتبيهن كيفن والسندات وديل كتار خلاص..
    - بحاول اكون صاحية.. انت ما تساعدني لو كنت صاحي
    بس دقلي قصاد سريري دة وانا بصحى واكتب المحطة ولا السندة
    - نان ناس امي لا يبقى يكوركو فوقنا يقولولونا هوسناهم
    - امي آآآبتقولي شي
    - أنا ذاتها امي آآبتقولي شي
    نان يا الحبان أنا تاني بنوم..
    وحات نضري ان بقى مشى بي شووويي كدي علي ادقلها في قمرتها
    - اقعد انت مالك واقف
    قعدنا في سرير أمها.. انا قاعد في الطرف خايف الام تجي
    تكورك فيني ولا تنقنق.. وهي قعدت في نص السرير
    وقالت كدي الطرحي نزلت منها.. والفستان وصل الركبة
    الله بيسألني الضفيري علي حبل البير التاننو علي اتنين
    والساق دي يمين عمود رخام... ملسااااااااااااء
    براحة شالت الفستان جرتو غتت ركبتها: انت عندك كُتب
    - عندي مجلة الصقر وجرايد وألغاز..
    - خلاص وكتين تكمل واحد ادني ليهو وانا بديك الكملتو
    - سمح
    دخلت يدي في جيبي ومرقت لبان ماكس: هاكي
    - انت عندك غيرها ولا ياها دي
    - لا عندي انا اشتريتن اتنين ليكي ولي
    ضحكت ودنقرت والضفيري انجدعت فوق صدرها..
    سُسُتة الفستان من ورا ماها مسدودي.. شوف عيني الضهر
    علي القمردين... واااااامغستك يا ود نفيسي بت بغداد
    قمنا وقفنا في الشباك نتونس ونسجل في المحطات
    الكدرو....الجيلي...
    مع وقفة القطر في الجيلي جوا البُطان كابسين القطر دة
    الشايلو مساويك والشايلو جن أحمر.. وواحدين كتااار شايلين
    الجوافة ويكوروكو: علينا جاي الجوافة السمحة
    قلت كدي ناديتلي واحد واشتريتلي كوم منه..
    وبقينا نفسخ في جوافة الجن دي ونقرقر..
    شويتين الطرحي وقعت منها ضومة في نص ضهرها
    ويا الحبان الساعة الكتفها الاملس ضرب في كتفي
    انا اصلي صوف راسي دة وقف صوفايي صوفايي
    وحات ود الكرسي يبقالي صوف راسي بقى علي المقشاشي النصل
    منها حبل الدبارة.... واااااااااااااااضيقك يا ود بت بغداد
                  

08-25-2011, 11:21 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    اها يا الحبيبين
    اخدنا وقفتنا في الشباك والخرابة كل مرة تدقش فيني
    وانا عيني ينططن ويبقن في نص راسي
    واقعد ابلع في ريقي علي زول الملاريا..
    شويتين امها جات واخدتلها تكية في السرير
    وانا براحة جيت منزرق وداير امرق
    - مالك يا ولدي ماشي تراكا تتونس مع حنان
    - النمشي نشوف امي ان بقت دايرالا شي
    - امك قالت دايري تاخدلها غمدة.. باقيلي كانت مساهري في الزوادة
    - طيب اشوفها وبرجع
    طلعت الحبان عرقان وجسمي يرجف وبقيت اناضم في نفسي:
    اماني ماها سمحي.. جملة الإيمان ناعمي علي المطوطي
    انا بتين اصل علي مامون ود مكاوي ومزمل ود الرحيمة فشان احكيلم ..
    طلعت علي السرير الفوق وشغلت المروحة وقعدت اقرأ في
    مجلة الصقر لامن اخدتلي نومي.. وحات نضري الخرابة
    لاحقاني في الحلم... حلمت متل التكني ماسكها من يدها
    ونزلتنا عربية رابح عمي قدام نادي شبا ولقيت حبوبتي نفيسي
    بت بغداد منتظراني جنب نيمة ود جبارة عند البير
    واسمع فيها تقول لي عمر بغداد: انت دي مني دي المكنكشة
    في يد ود جبرين ولدي دي.. وهو ردالا:
    شن عرفني تراها ماسكي فيه من نزلهم رابح..
    شويتين ان كان قمت مهجوم من النوم علي صوت امي:
    طارق وصلنا شندي امشي املالنا الجك والباغة ديك مويي قبل
    القطر ما يتحرك وشوف نسوان الدهسيري ان بقن دايراتلهن شي
    وحاتكم فرتلب من فوق جيت ناطي وشلت الباغة والجك ومشيت
    علي ناس حنان ودقيت الباب: كو كو
    - منو
    - انا طارق نازل اجيبلي موية من تحت.. ان بقيتو دايرلكم شي
    - ايي يا ولدي عفيت منك املالنا معاك الباغة ألتنا كمان
    - يمة انا عايزة انزل معاهو
    - يا بتي هو خفيف فسراع فسراع بملأ الباغا وبيرجع
    - يمة ياخي القطر قاعد يقيف كتير في شندي
    انا اصلي اتلبشت ضومة ضومة وقلبي دة بقى ينتح التقول داير
    يمرق من بُكانو ضومة ضومة..
    - سمح امشي.. يا ولدي امسكه من يدها ما تفكها لامن تجوا
    - سمح
    اماني ما بمسكها من يدها.. دة قولك
    وصلنا باب العربية والقطر واقفلو في حدارتا شديدي
    نزلت انا الاول وختيت الباغات في الرصيف
    - ياخي الشي دة عالي ما بقدر انزل منو
    - دقيقة انا بقيفلك تحت وانت امسكي فيني ونزلي كراعك برااااحة
    قعدت تضحك وغتت وشها بالطرحة..
    جيبي يدك.. مسكتها من يدها وجات نازلي بي شوووووي
    في السلم الاخير انزلقت وجات ماسكي في رقبتي ضومة ضومة
    نان انا اتنحنت ولا قنتة شي... جملة الايمان جسمي دة زي
    الكبولم فيهو موية نار... وااااضيقك يا ود بت ابو دية
    شلتها نزلتها في الواطة ... الخرابة دنقرت وخجلت وجضومها
    ديل حمرن وبقن علي أم راس.. وشالت يدينها غتتبهن وشها..
    - يلاكي ديك مزيرة كبيرة تحت النيمايي الغليدي ديك
    - سمح ... صوتها مابي يمرق ضومة ضومة
    مع المشية بلا اشعر مسكتها من يدها... ونحن ماشين يدينا عرقوا
    وبقن ينقطن علي نقاع الزير.
    - اوعك تكوني اتعوقتي
    - لا ما صادني شي.. لكن انت يبقالي ضربتك وكت جيت نازلي
    - لا نصيح ما صادني شي
    مشينا علي الازيار ملينا الباغات ولقينالنا واحدا خاتيلو تمرهندي
    اشترينالنا كوم ورجعنا جنب العربيي ألتنا وقعدنا في الرصيف
    - سجلتي كل المحطات
    - ايي... انت باقيلي نوم
    - ايي نوم... فشان اقدر اساهر بالليل
    شويتين امي مدت رويسها من الشباك وقالتلنا اطلعوا
    لا يقوم يصفرولوا القطر دة
    ختيت الباغات في راس السلم وطلعت في الدرجتين اللولانيات
    ومديتلها يدي... والساعة الجات طالعي والصدير دة جاء يعوم
    قدامها... بقيت اعضعض في لساني قربت اقطعو
    ومن غير ما اشعر لقيت نفسي اتشهد:
    لا اله الا الله.. يا بت بغداد انا وِكِر

                  

08-25-2011, 12:01 PM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    ودجبريل ياحبيب

    كل عام وانتم بخير

    غايتوا لوقعدنا بارينا روائعك دي في باقي رمضان دا

    الواحد شكلوا كدة يستوجب عليهوا اطعام ستين مسكين وصيام شهرين متتااليين
                  

08-25-2011, 12:04 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عادل الباهي عبدالرازق)

    Quote: غايتوا لوقعدنا بارينا روائعك دي في باقي رمضان دا

    الواحد شكلوا كدة يستوجب عليهوا اطعام ستين مسكين وصيام شهرين متتااليي
    ن


    ود الباهي يا حنين
    ياخي رمضان يتبارك عليك
    يا زول احسنلك شوف حسناتك لا تباريني







    تليشة:
    ياخي جيت ادخل عندك بهناك كم مرة كدة غلبني
    دحين شوفلي باصوورد ساهل اجدعوا لي في الايميل
                  

08-25-2011, 02:27 PM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    Quote: ياخي جيت ادخل عندك بهناك كم مرة كدة غلبني
    دحين شوفلي باصوورد ساهل اجدعوا لي في الايميل


    الكبر دخل ولاشنو

    حبابك الف أجري اللازم ب sms
                  

08-25-2011, 12:19 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: عادل الباهي عبدالرازق)

    Quote: وكتين دخلنا القمرة انا زدتلي ضحكايي من عندي سااااكت كدي

    حليل أبوي ..
                  

08-25-2011, 04:57 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Emad Abdulla)

    Quote:

    وكتين دخلنا القمرة انا زدتلي ضحكايي من عندي سااااكت كدي
    ــــــــــــــــ


    حليل أبوي ..

    موش أخير منك مجكس لي بت الجيران وغنمايتكم بتقنت
                  

08-25-2011, 08:19 PM

إدريس البدري
<aإدريس البدري
تاريخ التسجيل: 07-31-2006
مجموع المشاركات: 943

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    Quote: لا اله الا الله.. يا بت بغداد انا وِكِر


    نحن زاتو وكرنا معاك يا طارق




    كمل قبل العيد ياخ
                  

08-25-2011, 10:13 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: إدريس البدري)

    غنمايتنا قنتيها كان فوق راي .. كانت شايلي و تقيلي فوق بطنين ..
    إنت الضحك البلاسبب فوق كم ؟؟ .. يا الفضيحي .
    هسع البنيي دي .. ده ياهو الفي كيسك ليها ؟؟ ..
                  

08-26-2011, 02:29 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: Emad Abdulla)

    Quote: غنمايتنا قنتيها كان فوق راي .. كانت شايلي و تقيلي فوق بطنين ..
    إنت الضحك البلاسبب فوق كم ؟؟ .. يا الفضيحي .
    هسع البنيي دي .. ده ياهو الفي كيسك ليها ؟؟ ..



    نان انا البنيي كملتلي قريشاتي في كل محطة اشتريلا شي
    والخرابة أصلها آآآبتقول لا
                  

08-26-2011, 02:27 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: إدريس البدري)

    Quote: نحن زاتو وكرنا معاك يا طارق




    كمل قبل العيد ياخ


    يا حبيب اماني اخوك ما وِكِر
                  

08-28-2011, 06:43 PM

سيد محمد احمد سيدنا
<aسيد محمد احمد سيدنا
تاريخ التسجيل: 11-21-2005
مجموع المشاركات: 1252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    ياسلاااااااااااااااااااااااااااااااااااااااااااااااااااااااااااااااااااااااااااااااااااااااااااااام


    رغم انى لم اتابع الموضوع لضيق الزمن


    لكنك دائما تطرق اوتار الحنين والايام الجميله


    رمضان كريم وعيد سعيد


    واسف شديد للغيبات وظروف العمل حرمتنا من اشياء جميله


    بالله اعمل عرجه على الامتداد


    اخوك / سيد سيدنا
                  

08-29-2011, 00:06 AM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: سيد محمد احمد سيدنا)

    Quote: جملة الإيمان ناعمي علي المطوطي

    وما هو المطوطي ... الله يجزاي محنك.

    لكن الإبداع ما عندك, ياخ بالجد
    إنت زول رائع ... جنس كتابتك
    دي تتلفع العقل وتنزل على القلب
    بردا وسلاما, وكمان تغشى
    المصارين وتاخدلها جمي, وتقول
    كدي تخش على العضام وتمتنم بي
    كالسيوم المحبة, ثم تستقر في
    الجوف آخر طراوة... وبي كده الواحد
    فينا إشعر إنو أحسن زول في الدنيا.

    بمناسبة حاجزين نوم وكده, قالوا في
    واحد خش القطر وإنقطع في غرفة نوم,
    ضاير عفشو وأخدلوا نومي عميييقة, قام
    جاء الكمساري ... دفر الباب وفتحو
    بقوة وإزعاج, وعلى فتحة الباب الكمساري
    شافلك الزول وشك إنو إكون عندو تصريح
    نوم, فقام قال ليهو يا حاج القمرة دي نوم,
    فرد الرجل على الكمساري قائلا ... ومال
    لقيتني صاحي.

    تعيش ودجبرين ... وإدوم قلمك ... رفيعا
    أنيسا جليسا ... وزوادة سفر للحبان.
                  

08-29-2011, 05:21 AM

سيد محمد احمد سيدنا
<aسيد محمد احمد سيدنا
تاريخ التسجيل: 11-21-2005
مجموع المشاركات: 1252

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: HAYDER GASIM)




    يا سلااااااااااااااااااااااااااااااااااااااااااااااااااااااااااااااااااااااااااااااااااااااااااااااام


    شوف يا ود جبريل نكشت لينا حيدر قاسم الرائع بلاها كفايى



    تحياتى للنابغه كما يحلو لابناء مدرسة القوز الابتدائيه ( سعدابى حاليا )


    واستاذنا الجليل ( استاذ حسين )


    شكرا تانى ود جبريل الرائع


    سيد سيدنا
                  

08-29-2011, 05:51 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24698

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: سيد محمد احمد سيدنا)

    يا وغد

    _
    مرة مشينا نودع طلبة الفرع المسافرين للامتحانات من محطة عطبرة
    القطر جايي من كريمة متروس للطيش
    نص الناس نايمة
    واحد بتاع شاي حايم وسط الخلوق النايمة وصاحية جوة القطر
    من شدة الزحمة في الممر الشاي انكشح فوق الناس
    من اللخبطة إنكشح الجمر الخاتيهو تحت الكفتيرة
    أها الناس نجضت تب
    وكل واحد حسب حرقتو يشيل ويضرب
    شيئ عض وشيئ تشتشة بالجمر زاتو
    وحات الله زولك جانا ناطي بالشباك لابس سروال بس
    _
    هسع ده قطرا يحبَو فيه يامطموس
                  

08-31-2011, 02:09 AM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: حيدر حسن ميرغني)

    Quote: يا سلااااااااااااااااااااااااااااااااااااااااااااااااااااااااااااااااااااااااااااااااااااااااااااااام


    شوف يا ود جبريل نكشت لينا حيدر قاسم الرائع بلاها كفايى



    تحياتى للنابغه كما يحلو لابناء مدرسة القوز الابتدائيه ( سعدابى حاليا )


    واستاذنا الجليل ( استاذ حسين )


    شكرا تانى ود جبريل الرائع


    سيد سيدنا

    سيد محمد أحمد سيدنا ... هذا الإسم الطويل
    وعريض, ومنذ أن كنا شفعا يفعا { عمر ستة وسبعة
    سنة بسسس } فما يزال يستقر بحمده في عمق ذاكرتي,
    بل ... وأطمئنك ... أنه لن يزول, إلا أنه سوف ينزوي
    معي على لحد قبر.

    أبو السيد ... تسلم يابا, وبرضو شكرا لودجبرين الذي
    جعل تواصلنا ممكنا... طبعا أنا حدي في القطر أبوحمد,
    وبعدها ينطلق القطار عبر العتمور, وعينك ما تشوف إلا
    النور... أو حينما كنا طلابا بمصر... لكن كمان كان
    عندنا جكات صغيرة عبر قطار الخرطوم مدني, وعلى قصر
    المسافة, لكن المناخ العام للقطر السوداني هو هو.
    فيها السندات وياها الطعمية والبيض المسلوق, بل
    وروائح شواء { خاصة في محطة المسيد } ... والأهم
    هو فكرة السفر في حد ذاتها الحاملة للأشواق والضامة
    للأوصال والمنبثقة على شيوع الإحساس بالناس.

    كلللللل سنة والعيد بخير مأمول ونفع معمول
                  

08-31-2011, 07:09 AM

الطاهر ساتي
<aالطاهر ساتي
تاريخ التسجيل: 02-18-2006
مجموع المشاركات: 3227

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: HAYDER GASIM)

    الحكاية كلها على بعضها تحفة
    لكن بصراحة كدة جيت الاول دي قوية
    بالغت فوكا :)




    ........
    عيد مبارك ياحبيب
    وكل سنة انت والاسرة والاهل بخير وعافية
    والقابلة مدير المكتب الفني في جريدة الدكتور داك :)
                  

09-01-2011, 01:29 AM

HAYDER GASIM
<aHAYDER GASIM
تاريخ التسجيل: 01-18-2005
مجموع المشاركات: 11868

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الطاهر ساتي)

    الطاهر ساتي ... بطل حسادة,
    وإلا حا تردم بنات ... أو كما
    قيل.

    مالو ودجبرين ... يعنى الأول
    كتيرة عليهو, ومين خبرك إنو
    ما جا الأول؟ يعنى إلا إبروز
    شهادتو على الإسفير حتى تصدق.

    ثم أن السياق, وإنت العارف,
    ذو طابع قصصي, يروم إستحضار
    الواقع في إطار الخيال, حيث
    يتنسى الإبداع ويحلو القص وتحلى
    التفاصيل الناعمة وهي تحاول أن
    تجسد للقارئ معنى أو قضية أو قصة
    جديرة بالمتابعة وبإستدرار الشعور
    اللازم لتوطئتها أدبا ومؤدبة للناس.

    بل ... ويستطرد عمق إبداعي يتماهى
    في تعزيز نوافل المجتمع, فهذا الشقي
    جاء الأول في الإجازة, لو تمعنت:
    Quote: اجزنا يا الحبان وجيت الأول في المدرسة

    وهنا عصف يأخذك على حين غرة, ويرسيك
    على مقعد ساخن, لكنه متصالح مع وحدة
    المشاعر تجاه { حنان } ... حيث الأشواق
    لا تفتر, وحيث اللهفة كينونة محب في
    ظرف إجتماعي إستثنائي, هو قطر كريمي,
    ولما يحاول الكاتب هنا أن يضيف بعدا
    عاطفيا, كان الأجزل إرتياده في ربوع
    المجتمع وفي سياق إعترافه بسيروة
    المشاعر الإنسانية. لكن الواقع متأخر
    قليلا أو كثيرا عن تلك الصبوة. فقط دون
    أن يعدم المبدعون نفاجا للتعبير عن
    حضورهم العظيم في حقل مستجفل لغوم.

    الطاهر ساتي ... أبقى طيب ... وكل سنة.
                  

09-01-2011, 05:35 AM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 7488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: HAYDER GASIM)

    Quote: وكتين وصل كبري بحري وبقينا فوق النيل
    اتلفت ان كان القالك حنان مادي راسها من الشباك أليل قمرتهم
    وبقيت اوزع في البسمات علي الزول الماسكين جضومو بي مشبك
    ...

    في حب ياخوانا اكتر من كده؟
    كل سنة وأنت طيب يا حبيب.



    محبتي
                  

09-01-2011, 07:12 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الفاتح ميرغني)

    ابعد ال........... من الحجر

    الحجر ال ...........
                  

09-04-2011, 12:14 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الطيب شيقوق)

    Quote: ابعد ال........... من الحجر

    الحجر ال ...........


    مقطوع الطاري انت جيت
                  

09-04-2011, 12:12 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الفاتح ميرغني)

    Quote: في حب ياخوانا اكتر من كده؟
    كل سنة وأنت طيب يا حبيب.



    محبتي



    اووووه ناس طوكيو
    ياخي كيفنك يا حبيب وكل سنة وانت طيب





    تليشة:
    السفير الجديد (عبد الوهاب حجازي) ود حلتنا وعديلي عدييييييييل
                  

09-04-2011, 12:11 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: HAYDER GASIM)

    Quote: الطاهر ساتي ... بطل حسادة,
    وإلا حا تردم بنات ... أو كما
    قيل.

    مالو ودجبرين ... يعنى الأول
    كتيرة عليهو, ومين خبرك إنو
    ما جا الأول؟ يعنى إلا إبروز
    شهادتو على الإسفير حتى تصدق.

    ثم أن السياق, وإنت العارف,
    ذو طابع قصصي, يروم إستحضار
    الواقع في إطار الخيال, حيث
    يتنسى الإبداع ويحلو القص وتحلى
    التفاصيل الناعمة وهي تحاول أن
    تجسد للقارئ معنى أو قضية أو قصة
    جديرة بالمتابعة وبإستدرار الشعور
    اللازم لتوطئتها أدبا ومؤدبة للناس.

    بل ... ويستطرد عمق إبداعي يتماهى
    في تعزيز نوافل المجتمع, فهذا الشقي
    جاء الأول في الإجازة, لو تمعنت:
    Quote: اجزنا يا الحبان وجيت الأول في المدرسة

    وهنا عصف يأخذك على حين غرة, ويرسيك
    على مقعد ساخن, لكنه متصالح مع وحدة
    المشاعر تجاه { حنان } ... حيث الأشواق
    لا تفتر, وحيث اللهفة كينونة محب في
    ظرف إجتماعي إستثنائي, هو قطر كريمي,
    ولما يحاول الكاتب هنا أن يضيف بعدا
    عاطفيا, كان الأجزل إرتياده في ربوع
    المجتمع وفي سياق إعترافه بسيروة
    المشاعر الإنسانية. لكن الواقع متأخر
    قليلا أو كثيرا عن تلك الصبوة. فقط دون
    أن يعدم المبدعون نفاجا للتعبير عن
    حضورهم العظيم في حقل مستجفل لغوم.

    الطاهر ساتي ... أبقى طيب ... وكل سنة.


    غايتو يا وليد قاسم قاعد تقولك كلام غلاد غلاد كدي يمحن يعلم الله

    يعدلها عليك شقيش تقبل
                  

09-04-2011, 12:06 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: الطاهر ساتي)

    Quote: الحكاية كلها على بعضها تحفة
    لكن بصراحة كدة جيت الاول دي قوية
    بالغت فوكا :)




    ........
    عيد مبارك ياحبيب
    وكل سنة انت والاسرة والاهل بخير وعافية
    والقابلة مدير المكتب الفني في جريدة الدكتور داك :)


    يا مقطوع الطاري كيفنك
    كل سنة وانت طيب ياخي


    انت قايل زمان الاول دي صعبة
    بس تخت الفانوس قصادك وتقعد تبقق عيونك في الكراريس


    اول مرة شايقي يغشوا جعلي


    كل سنة وانت طيب ياخ
                  

09-04-2011, 12:02 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: حيدر حسن ميرغني)

    Quote: يا وغد

    _
    مرة مشينا نودع طلبة الفرع المسافرين للامتحانات من محطة عطبرة
    القطر جايي من كريمة متروس للطيش
    نص الناس نايمة
    واحد بتاع شاي حايم وسط الخلوق النايمة وصاحية جوة القطر
    من شدة الزحمة في الممر الشاي انكشح فوق الناس
    من اللخبطة إنكشح الجمر الخاتيهو تحت الكفتيرة
    أها الناس نجضت تب
    وكل واحد حسب حرقتو يشيل ويضرب
    شيئ عض وشيئ تشتشة بالجمر زاتو
    وحات الله زولك جانا ناطي بالشباك لابس سروال بس
    _
    هسع ده قطرا يحبَو فيه يامطموس



    يا شقي الحال
    يمين زولكم دة كان في ابو حمد كان جاكم طالع ملوص
                  

09-04-2011, 11:59 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: سيد محمد احمد سيدنا)

    Quote: يا سلااااااااااااااااااااااااااااااااااااااااااااااااااااااااااااااااااااااااااااااااااااااااااااااام


    شوف يا ود جبريل نكشت لينا حيدر قاسم الرائع بلاها كفايى



    تحياتى للنابغه كما يحلو لابناء مدرسة القوز الابتدائيه ( سعدابى حاليا )


    واستاذنا الجليل ( استاذ حسين )


    شكرا تانى ود جبريل الرائع


    سيد سيدنا


    تسلم يا ابو السيد ياخي
                  

09-04-2011, 11:55 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: HAYDER GASIM)

    Quote: وما هو المطوطي ... الله يجزاي محنك.

    لكن الإبداع ما عندك, ياخ بالجد
    إنت زول رائع ... جنس كتابتك
    دي تتلفع العقل وتنزل على القلب
    بردا وسلاما, وكمان تغشى
    المصارين وتاخدلها جمي, وتقول
    كدي تخش على العضام وتمتنم بي
    كالسيوم المحبة, ثم تستقر في
    الجوف آخر طراوة... وبي كده الواحد
    فينا إشعر إنو أحسن زول في الدنيا.

    بمناسبة حاجزين نوم وكده, قالوا في
    واحد خش القطر وإنقطع في غرفة نوم,
    ضاير عفشو وأخدلوا نومي عميييقة, قام
    جاء الكمساري ... دفر الباب وفتحو
    بقوة وإزعاج, وعلى فتحة الباب الكمساري
    شافلك الزول وشك إنو إكون عندو تصريح
    نوم, فقام قال ليهو يا حاج القمرة دي نوم,
    فرد الرجل على الكمساري قائلا ... ومال
    لقيتني صاحي.

    تعيش ودجبرين ... وإدوم قلمك ... رفيعا
    أنيسا جليسا ... وزوادة سفر للحبان.


    اوووه حيدر هول ناس قاسم
    ياخي كيفنك يا حبيبنا
    وكل سنة وانت طيب
    وربنا يطرح البركة فيك
    المطوطي: بلح الرطب بعض النضوج وبيكون نااااااااعم


    لكن زولك دة بالغ مع النوم
                  

09-04-2011, 11:45 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: سيد محمد احمد سيدنا)

    Quote: ياسلاااااااااااااااااااااااااااااااااااااااااااااااااااااااااااااااااااااااااااااااااااااااااااااام


    رغم انى لم اتابع الموضوع لضيق الزمن


    لكنك دائما تطرق اوتار الحنين والايام الجميله


    رمضان كريم وعيد سعيد


    واسف شديد للغيبات وظروف العمل حرمتنا من اشياء جميله


    بالله اعمل عرجه على الامتداد


    اخوك / سيد سيدنا

    ابو السيد يا حبيب
    ياخي كل سنة وانت طيب
    وين الحي بيك يا عزيزي
                  

09-04-2011, 12:21 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    كل سنة وانتو طيبين يا حبايبنا

    اها يا الحبان بقينا نسجل في المحطات ونتبسم ونغمض في عيونا
    محطة التراجمة... محطة كبوشية
    محطة جبل أم علي.. ودي يخربها.. نفاخ النار ماهو فيها
    ماني عارف الجعليين ديا قاعدين فوقها كيفن.. محطة ناشفي
    لامن وصلنا محطة المحمية.. بالله الجعليات ديل كبسن القطر
    وبقن يمنحن ويكوركن والخلوق كلهم يتباكوا.. ونزلن عليهم
    واحدات من القطر والعوعيي ملأ الدنيا... الليلة هوووي يا
    راجل الحلة... وواحدي تشيل من تحت: الليلة هوووي يا دخرينا
    وواحدين صاقعلهم: يا جماعة استغفروا استغفروا..
    وواحد لابسلو عراقي وسروال ومتشنط ليه في تياب كدي دارعن
    في نصه بدا يكورك في الناس: يلا يا جماعة البنطون بيمشي علينا
    خلق الله دي كلها دنقرت وسكتت وساقوا نسوانهم ومشوا علي البنطون..
    انا وحنان كنا واقفين في الشباك المن تالا الممرات ألات القمرات
    عاينت للدفتر لقيتها كاتبي: "محطة المحمية.. نزل فيها الكثير
    من الناس وهم يبكون.. يبدو ان هناك وفاة" ضحكت لامن دموعي
    نزلت وبقيت ادعك في عيوني..
    -حنان: يخسي عليك مالك بتضحك
    - كيفن آآآبضحك وانت كاتبي: يبدو ان هناك وفاة
    - طيب اكتب شنو يعني
    - نان السكلي دة كله والمنيح دة وتقوليلي "يبدو"
    نان ان بقت بالصح الناس دي باقيلي علي تموت جنبك
    - ياخ ما تضحك فيني انا قاعدي اكتب عن كل محطة الشي الشفتو
    ياخي انت وريني بدل تضحك علي.. تاني بزعل منك
    لفيت رقبتي وعاينت في وشيها.. لقيت الوش فيه مسحة ألت حزن
    والرموش دي أصلها دايري تنوم فوق العيون المتل الفناجين دي
    والجضوووم مللللللللللللس علي الحنبوكة النافخنها يا دوبها
    والحنك مقسوم من لااااااا تحت والرقبة نازلي منها مويي ألت عرق
    علي دعاية الاسبرايت ديك... وحات نضري قربت ألقيلا خشمي
    دنقرت وشالت الكراس ضغطته علي صدرها والخرابة جاء نافر
    ونزل العرق في وسطه زي عصارة القهوة وكتين تنقط في الكباية
    وقالتلي: مالك ساكت وبتشوف فيني كدي
    - مافي شي.. قاعد ارتاح وكتين اتونس معاكي.. ان ماني خايف
    من امك تقوم فوقي يبقالي من قمرتكم آآآبطلع...
    خجلت واضنينها حمرن وقالتلي: امي آبتقول شي..
    الساعة الاتحرك القطر جات زيفي من تالا الشباك وشالت ضفيرتها
    رمتها في صدري.. ويا الحبان وكتين دقشتني ريحة الكركار..
    وحاتكم لامن اتنهدت وبقيت اقنت واعضعض في لسناتي
    واصلها رجليني غلبن يشيلني وأصابعيني فندرن وأي شي في جسمي رقد كداد
    البت خجلت وجرت علي قمرتم وانا اصلي يبست جنب الشباك
    ووكتين مدت رويسها تشوفني في ولا مشيت.. اصلي بلا اشعر
    لقيت نفسي اكورك: واااااااااااضيقك يا ود جبيرين

                  

09-10-2011, 10:42 PM

معاوية كرفس
<aمعاوية كرفس
تاريخ التسجيل: 03-19-2004
مجموع المشاركات: 1340

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    .



    Quote:
    واااااااااااضيقك يا ود جبيرين



    ـــــــــــــــــــ
    سلامات و عيد مبارك يا مشوطن
    حاولت السنة دي أعيّد في البلد لكن غلبني
    ندراً علي أروح شبا في أقرب إجازة
    و حسب وصفك لي ، آخد لك كمية صور هناك
    بس ربك يهون ...

    ودي
    .
                  

09-11-2011, 11:43 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: معاوية كرفس)

    Quote: سلامات و عيد مبارك يا مشوطن
    حاولت السنة دي أعيّد في البلد لكن غلبني
    ندراً علي أروح شبا في أقرب إجازة
    و حسب وصفك لي ، آخد لك كمية صور هناك
    بس ربك يهون ...

    ودي


    عييييييييك يا زول انت حي
    كل سنة وانت طيب
    والله زمن يا الحبيب
    اها عاد ابقى قدر وعدك




    تليشة:
    تجاني اخوي الصغير عرسلو تنقساوية من عندكم
    والعرس في العيد الجايي ان شاء الله
                  

09-11-2011, 01:07 AM

رشا احمد
<aرشا احمد
تاريخ التسجيل: 09-18-2010
مجموع المشاركات: 694

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    طارق .. كل سنة وانت طيب ويديك ألف عافية يااااا رب

    مباااالغة الحب في قطر كريمة زي أفلام فاتن حمامة وعماد حمدي

    عارفه أجمل حاجة في القصة ... أنها واقعية و أنت بطلها.. اقرا و أتبسم براي زي المجنونة و أمي كل شوية تعاين لي و في سرها

    البت جنت


    ودي بالغت فيها:

    Quote: خجلت واضنينها حمرن


    ناس تحمر خدودها وناس تحمر اضنينا لوووووول

    ويعيش الكركااااار لا داكس لا براشوت لا دابر أملا
                  

09-11-2011, 05:03 AM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: رشا احمد)

    طارق كتييير شفناها دي
    حب في قطر كريمة ..الحرية الغير مرشدة.. الولاد والبنات أخدوهم في الثانوي.. ولابد يمشوا عطبرة الثانوية.. براهم يسافروا مافي زول يمنعهم الدراسة.. لكن في البلد كان يمنعوهم اللقاء.. في القطر لقوا الفرصة..
    .............
    طارق
    تصريح درجة ثالثة لطلبة الوسطي
    تصريح درجة ثالثة لعمال السكة حديد حتى درجة براد أول
    تصريح درجة ثالثة طالب ثانوي
    تصريح درجة ثانية معلم وسطى ومعلم ثانوي وطالب جامعي ودرجة رئيس صناع في السكة حديد
    تصريح درجة أولي درجة دي اس
    نوم دكتور جامعي رئيس مصلحة
    ................
    طارق ما تكضب
    أخوك إبراهيم ده كان شغال شنو؟
                  

09-11-2011, 11:54 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: منصوري)

    Quote: طارق ما تكضب
    أخوك إبراهيم ده كان شغال شنو؟


    يعني يا منصوري مستكتر علينا «النوم»
    يا سيدي ابراهيم اخوي خريج هندسة الخرطوم 1974
    ومشى حضر في مانشتر
    وممكن تتأكد من المعلومة دي من ناس هندسة الخرطوم او ناس الكهرباء
    وتم انتدابه لكهربة الشارقة كمدير للتوزيع
    وحاليا هو مدير «دال اينيرجي» بتاعة اسامة داؤود
    وازيدك في البيت قصيدة نص أهلي كانوا شغالين عطشقية في القطر من محجوب فحل رحمه الله وانت ماشي


    يا حبيب في السودان دة ما تستغرب حتى المساكين عندهم طريقة يعيشوا
                  

09-11-2011, 11:47 AM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: رشا احمد)

    Quote: طارق .. كل سنة وانت طيب ويديك ألف عافية يااااا رب

    مباااالغة الحب في قطر كريمة زي أفلام فاتن حمامة وعماد حمدي

    عارفه أجمل حاجة في القصة ... أنها واقعية و أنت بطلها.. اقرا و أتبسم براي زي المجنونة و أمي كل شوية تعاين لي و في سرها

    البت جنت


    ودي بالغت فيها:

    Quote: خجلت واضنينها حمرن


    ناس تحمر خدودها وناس تحمر اضنينا لوووووول

    ويعيش الكركااااار لا داكس لا براشوت لا دابر أملا

    عييييك رشا بت ناس احمد
    ياخي كيفنك كل سنة وانت طيبي في عضامك
    اماني يا رشا ريدة القطارات دي ماها سمحي
    يا زولة كركارنا ولا «فير اند لافلي» حق الخواجات
                  

09-11-2011, 01:54 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: طارق جبريل)

    والله لكن ماشاء الله يا طارق
    بالله محجوب فحل ده قريبك؟
    وأخوك الفي الشارقة ده ذاتو عرفتو..
    عشان كدة مبروك عليك النوم..
    بس النوم ما كان فيها حب؟
    الحب كان في درجة تالتة ورابعة.. حيث بالليل الناس تموع من التعب وده ينتكي على ده بلا يقصد في قطر كريمة .. ومرجحة القطر والإهتزاز يهز الناس.. والرقاد في الممشي.. ومقاطف التمر والمنقة مالية محلة الزير ما بتقدر تشرب والمنقة مفجخة في ممشى العربات بين الكنب.. والونسة تدق والتعارف والمسجلات ..و والاغاني الجديدة أغاني الموسم الكانت في حفلات العيد..مسجلة على مسجلات.. وقرب الموية معلقة على شباك درجة رابعة.. ومن يقوم القطر من كريمة لغاية الكاسنجر وابو غربان وابو حراز وأم رهو والدغفيلي والكاب وكحيلة ومحيسة ونمرة عشرة وابوحمد.. من يقوم القطر يقوم معاه الحب جاهز لمان تصلوا الخرطوم يثمر ويتم دورو ويتدور.. ويتوج يا بالزواج أو وعد زواج صادق
                  

09-11-2011, 03:40 PM

ياسر عبدالكريم محمد
<aياسر عبدالكريم محمد
تاريخ التسجيل: 10-26-2008
مجموع المشاركات: 566

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: حب في قطر كريمة (Re: منصوري)

    Quote: ويا الحبان الساعة الكتفها الاملس ضرب في كتفي
    انا اصلي صوف راسي دة وقف صوفايي صوفايي



    يعنى يا ود جبريل الصلعة بدت فى قطر كريمة


    الله يجازى الكان السبب .قمة الابداااااااااااع
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de