|
|
 النبي فيكم انتو الـtwitter أكنو شنو
|
الخرابة كله زرازير
لا تعرفو «نيت» لا تعرفو كفاي أليل جداد مليان طير الجنة
واحدين ساكنك وانت ساكليك واحدين تانيين
لا في زولا يناضمك لا تناضملك زول
وحات نضري يبقالي الناس الفيهو ديل كلهم بُكُم
وقدر ما عافرت فشان القالي بُكانا تتونسبو تحت تحت كدي مع الحلوين ما لقيتو
الشي عامل زي بيت البكاء تجي تكشح الفاتحة وتشرب كباية الشاي وتفوت
وعلي العلي مشيت بعبصتلي في بُكانا لقيت فيهو قناة الجزيرة وتعالوا شوفوا
رجموني رجم بي سوريا وبشار الأسد لامن افتكرت نفسي من حَلَب
وايميلي اتملأ: فلان سوالك تويت وعلان قالو تويت
ياخي ماهو سمح متل الفيسبوك وكتين تتوهط وتقعد تعوعي فيهو
والعجب وكتين عماد عبد الله يختلك فيهو قصيدي سمحي والقرمبوز يجي طاير
ولا طارق ابو عبيدة الشهير بي «خدر» تلقاهو مدفق السُكر و«القداديم»
وود الصايم يتراشق مع البنوت
والعوض وكتين يوريك تمسح الشات كيفن عشان وكتين تنبهل ما يقبضوك
ياخي الفيسبوك دة ستر وغطاء ماهو متل الخرابة دة
شكلي كدي حا اصوملي تلاتة يوم وأرجع لي الفيسبوك
النبي فيكم أكنو شنو هو الـtwitter دة
|
|
 
|
|
|
|
|
|
|
 Re: النبي فيكم انتو الـtwitter أكنو شنو (Re: طارق جبريل)
|
Quote: لا تعرفو «نيت» لا تعرفو كفاي أليل جداد مليان طير الجنة
واحدين ساكنك وانت ساكليك واحدين تانيين
لا في زولا يناضمك لا تناضملك زول
وحات نضري يبقالي الناس الفيهو ديل كلهم بُكُم
وقدر ما عافرت فشان القالي بُكانا تتونسبو تحت تحت كدي مع الحلوين ما لقيتو
الشي عامل زي بيت البكاء تجي تكشح الفاتحة وتشرب كباية الشاي وتفوت
وعلي العلي مشيت بعبصتلي في بُكانا لقيت فيهو قناة الجزيرة وتعالوا شوفوا
رجموني رجم بي سوريا وبشار الأسد لامن افتكرت نفسي من حَلَب
وايميلي اتملأ: فلان سوالك تويت وعلان قالو تويت
ياخي ماهو سمح متل الفيسبوك وكتين تتوهط وتقعد تعوعي فيهو |
متفقين تب يا حبيب في كلامك الفوق دا
والله قبال يومين كتبت ليهو تغريده في التويتر
جاء فيها :
Quote: تويتردا اصلو ما عجبني
وسأظل وفياً للفيسبوك |
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: محمد أبوالعزائم أبوالريش)
|
والله يا أخوي أنا يوم قمت اتشالقت وقلت أبقى مطّور شوية
قمت عملت لي حساب أها بقيت كل شوية يقول لي فلان غرّد ليك
وأفتح الإيميل ألقى ليك فلان متابعك وفلان قال عايز يتابعك
غايتو لقيت لي مصرية كدي مغردة شديد خلاص
قمت قلت أغرد ليها أنا كمان
أنا قايل يعني غرد لي وأغرد ليك
أها قمت كتبت ليها (تمام)
بعد شوية تجيني ليك الايميلات
شنو هو التمام
تمام على شنو
وينو التمام
تما يا فندم
حتى زولتك المغردة شبكتي ليك تمام ايش التمام
المهم قفلت الايميل وقعدت
ولي هسي أنا ذاتي ما عارف التمام شنو ؟؟؟؟
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: معتز القريش)
|
Quote: والله يا أخوي أنا يوم قمت اتشالقت وقلت أبقى مطّور شوية
قمت عملت لي حساب أها بقيت كل شوية يقول لي فلان غرّد ليك
وأفتح الإيميل ألقى ليك فلان متابعك وفلان قال عايز يتابعك
غايتو لقيت لي مصرية كدي مغردة شديد خلاص
قمت قلت أغرد ليها أنا كمان
أنا قايل يعني غرد لي وأغرد ليك
أها قمت كتبت ليها (تمام)
بعد شوية تجيني ليك الايميلات
شنو هو التمام
تمام على شنو
وينو التمام
تما يا فندم
حتى زولتك المغردة شبكتي ليك تمام ايش التمام
المهم قفلت الايميل وقعدت
ولي هسي أنا ذاتي ما عارف التمام شنو ؟؟؟؟ |
يا شقي الحال انت بتكون كنت عايز تنوع في وزارة الداخلية
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: معتز القريش)
|
Quote: والعجب وكتين عماد عبد الله يختلك فيهو قصيدي سمحي والقرمبوز يجي طاير
ولا طارق ابو عبيدة الشهير بي «خدر» تلقاهو مدفق السُكر و«القداديم»
وود الصايم يتراشق مع البنوت
والعوض وكتين يوريك تمسح الشات كيفن عشان وكتين تنبهل ما يقبضوك
ياخي الفيسبوك دة ستر وغطاء ماهو متل الخرابة دة
شكلي كدي حا اصوملي تلاتة يوم وأرجع لي الفيسبوك
النبي فيكم أكنو شنو هو الـtwitter دة |
وصف دقيق للول بتاعتك في الفيس يا ود جبريل
قلت لي ود الصايم بعمل في شنو ؟؟؟؟
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: طارق جبريل)
|
كيفينك ياطارق ...
الحمد الله انا ماعندى علاقه بيهو من قريب ولابعيد ... الفيس بوك ادبنى تخيل عملت اشتراك فى منبه الاذكار ...
قلب لى الصفحة كلها بت ماتت بدون زواج ... وواحد غشى ليهو بت ... وواحدة بتلبس لبس ماشرعى
المهم الصفحة 99 فى المية منها ... بت عملت وولد عمل ... اخر حاجه قالو الطريقة بتاعة صلاتنا غلط وربنا مابيقبلا
حردتو ليهم وماعايزهو ...
بعدين دحين النسالك انت العوض البتقول ساعدك فى الفنيات حقت المسح وكده ...ياهو حاج العوض حقنا ده ولا اسم على اسم
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: ماجدة عوض خوجلى)
|
Quote: كيفينك ياطارق ...
الحمد الله انا ماعندى علاقه بيهو من قريب ولابعيد ... الفيس بوك ادبنى تخيل عملت اشتراك فى منبه الاذكار ...
قلب لى الصفحة كلها بت ماتت بدون زواج ... وواحد غشى ليهو بت ... وواحدة بتلبس لبس ماشرعى
المهم الصفحة 99 فى المية منها ... بت عملت وولد عمل ... اخر حاجه قالو الطريقة بتاعة صلاتنا غلط وربنا مابيقبلا
حردتو ليهم وماعايزهو ...
بعدين دحين النسالك انت العوض البتقول ساعدك فى الفنيات حقت المسح وكده ...ياهو حاج العوض حقنا ده ولا اسم على اسم |
اوووووه قريبتي كيفنك ياخي
كان كدي الخرابة دة اخير منه نرجع للفيسبوك سالمين وتامين
العوض القاصده انا العوض ود الخير يا بتنا
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: طارق جبريل)
|
ود جبرين قريبي
التويتر عنده زمنو البنفع فيهو، وقت الاحداث الكبيرة وفي تسارع في الاحداث والحوجة لنقل الخبر بسرعة كبيرة في اللحظة والتو
ومن موقع الحدث زاتو
يعني زي ايام المظاهرات واللازي منو
مثلا في المظاهرات الاخيرة، لو داير تتايع من الفيسبوك او منبر سودانيز، وين لحد ما واحد
يلقى ليهو كمبيوتر ويدخل الباسورد عشان يتش الخبر، لكن مع التويتر الخبر بنتشر انتشار النار في الهشيم
بسرعة كبيرة ولاكبر عدد ممكن من الناس في نفس اللحظة، لانه من الموبايل اسهل واظرف "باعتبار حجم الكلمات المحدودة في التغريدة"
الجاب خبر حسني مبارك التويتر وليس الفيس بوك، التويتر هو الكان الوسيط العملي البحرك المظاهرات في القاهرة
والقرى المجاورة. كان هو الرابط الفعلي بين القيادة والمتظاهرين
عموما بالنسبة لي، لمن يكون في عكة، بكون فاتح عندي زي 24 ساعة
والدليل، لاحظ ايام المظاهرات الاخيرة، مصدر الخبر في سودانيز والفيس بوك كان تويتر، وكان المصدر الوحيد
وقت الراحات اقع فيك بوس
| |
|
|
|
|
|
|
|
|
|
Re: النبي فيكم انتو الـtwitter أكنو شنو (Re: أحمد ابن عوف)
|
Quote: ود جبرين قريبي
التويتر عنده زمنو البنفع فيهو، وقت الاحداث الكبيرة وفي تسارع في الاحداث والحوجة لنقل الخبر بسرعة كبيرة في اللحظة والتو
ومن موقع الحدث زاتو
يعني زي ايام المظاهرات واللازي منو
مثلا في المظاهرات الاخيرة، لو داير تتايع من الفيسبوك او منبر سودانيز، وين لحد ما واحد
يلقى ليهو كمبيوتر ويدخل الباسورد عشان يتش الخبر، لكن مع التويتر الخبر بنتشر انتشار النار في الهشيم
بسرعة كبيرة ولاكبر عدد ممكن من الناس في نفس اللحظة، لانه من الموبايل اسهل واظرف "باعتبار حجم الكلمات المحدودة في التغريدة"
الجاب خبر حسني مبارك التويتر وليس الفيس بوك، التويتر هو الكان الوسيط العملي البحرك المظاهرات في القاهرة
والقرى المجاورة. كان هو الرابط الفعلي بين القيادة والمتظاهرين
عموما بالنسبة لي، لمن يكون في عكة، بكون فاتح عندي زي 24 ساعة
والدليل، لاحظ ايام المظاهرات الاخيرة، مصدر الخبر في سودانيز والفيس بوك كان تويتر، وكان المصدر الوحيد
وقت الراحات اقع فيك بوس
|
يا قريبي ياخي كيفنك
يا زول هوي مظاهرات شنو وانقلابات شنو
اخوك زول نقة تحت حتح ساااااااااااكت
| |
|
|
|
|
|
|
| |
طارق جبريل
الامين موسى البشاري
محمد أبوالعزائم أبوالريش
حيدر حسن ميرغني
معتز القريش
جمال الباقر
ماجدة عوض خوجلى
أحمد ابن عوف
العوض المسلمي
فيس بوك
تويتر
انستقرام
يوتيوب
بنتيريست