ممكن نزهج شوية ؟؟ .. ممكن ؟

مرحبا Guest
اخر زيارك لك: 03-29-2024, 02:24 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عماد عبد الله (Emad Abdulla)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-28-2007, 09:17 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ممكن نزهج شوية ؟؟ .. ممكن ؟



    تعالوا نزهج ..
    نزهج من كل ده و نمل ..
    و نمل ..
    أول الزهج من ساس يسوس .. الله يقطعها و يقطعنا زاتنا .
    تعالوا نعلن زهجنا من اللت و العجن السياسي من أزل الدهر ..
    من أحزابنا و قياداتها و قواعدها و خطاباتها الياها زاتا من سنة غاغ ..
    من نقة الهوية و دارفور و نيفاشا و الجنوب و الرئيس و طلاقاتو و حليفته و مساعديه المئات ..
    رايكم لو نزهج من نشرة الأخبار و شعار التلفزيون , و السلم الخماسي ..
    تعالوا نزهج من نقة الشمال و الجنوب و قوى الهامش و المركز ..
    نزهج من الفرق بتاعة المجموعات و طريقة خت المكرفون في الكتف , و الأورغن العبيط و نبيحتو ..
    نزهج من نفس الدكاترة القادننا نقة في كل حتة و عن أي حاجة , نفس المذيع و الحركة بتاعة : أأأأ .. أأأأ يعني أأ هي ..أأأأ .
    من النيل و قصصه المكرورة .. و فيضانه في نفس المواعيد ..
    و بياخته الليها سنين .
    من البلد و تعقيداتنا فيها و تعقيداتها فينا ..
    من جارنا البيمشي بنفس الطريقة البراااحه , و بقول نفس جملة : ( على زعم أنه ) ويلصقها في أي حتة .
    ياخ نزهج من نفس الغنا و نفس الطرب و نفس الهزة و نفس الرقصة .. مملين ..
    زهجنا ياخ .. من نفس اليمين و اليسار .. و نفس التقدمية و السلفية .. زهجنااااااااا..
    من الكلام الممل الممل عن الجلابة و الزنوجة و العروبة و السجم و الرماد ..
    نزهج من حركة الكلام بتاعة الكيزان البقت دمغة : ( حقيقةً .. حقيقةً ) الكرهونا بيها , ياخي حقيقةً بتاع شنو ؟؟
    و نزهج أكتر من الكلمة اللبانة بتاعت المثقفاتية و التقدميين و مطّ القدوم : ( أنا بفتكر أنّو ) .. ياخي هلكتونا ..
    من تلفزيون السودان زهجنا , و المذيعة النخناخة .. و وجه النهار و عمر الجزلي ..
    زهجنا من : يا شفيف و يا رهيف ..
    زهجنااااااا ..
    من النيل الأزرق و بناتها النضيفات و الزول المجلط و حالق كيف كيف و غياظ و ممل .. و بيغني .
    من البيانات و الشعارات و الهتافات و الصراعات .. زهجنا منها كل مرة هي زاتا ..
    نفس التفاصيل من كم و أربعين سنة .. نفسها نفسها ..
    زهجنا ..
    و منك إنت القاعد تقرا ده .. انا زهجان منك , أزهج مني ياخ .
    تعالو نزهج من الزهج ده زاتو الطوالي شابك و يزهج ..
    خلونا نزهج من الصحف اللايووقه و البوليس , نزهج من نفس الأكل ياهو زاتو كل يوم كل يوم كل يوم ..
    نزهج من خنقتنا و المقلب المستدام .. من لغتنا القاعدة هي هي , و سلامنا القديم و تحياتنا العلة .
    عايزين نزهج مننا .. من مقلبنا في نفسنا و نفختنا الكضابة ..
    من كلامي ده و نهايته اللي ح تكون أبيخ .
    تعالوا نزهج ياخ ..
    من الكي بورد ده و ألوان سودانيز أونلاين البايخة دي .
    من نفس الوجوه و الناس و نفس الشوارع و نفس العربية ..
    نفس سيد الدكان و نفس الجو و ...
    ياخي تعالوا نزهج ..
    من كل الحولنا نزهج و نقول لأ ..
    أدونا جديد , ملينا يا ناس .
    الزهج كتير لمّن يزهج ..
    لكن زهجت من الكتابة .

                  

01-28-2007, 09:27 AM

فيصل عباس
<aفيصل عباس
تاريخ التسجيل: 03-08-2004
مجموع المشاركات: 1345

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    عمده
    زهجتنا جدا والله العظيم










    طيب حلك شنو؟؟؟
    من الزهج الركبتو فينا ده....
    الواحد فيكم يتعصر بالليل ولا تعصرو روحو يجي يفكها فينا في الصباح,,,,,
                  

01-28-2007, 10:02 AM

انعام عبد الحفيظ
<aانعام عبد الحفيظ
تاريخ التسجيل: 12-07-2005
مجموع المشاركات: 8738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    والله يا عماد

    كل ما أقرأ سطر من كلامك دا اقول هي!!! انا ذاتي

    عارف زهجتك دي اخير تشوف غيرها

    لأنو برضو في ناس كتااااااااار زهجانين زيها




    تخريمة:

    عارف لما تكون داير تدعي لي زول

    دي بتنفع دعوة كاااااااااربة

    (انشاء الله يا يايابا يوم زهجك ما يجي)
                  

01-28-2007, 10:10 AM

Randa Hatim

تاريخ التسجيل: 05-16-2006
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: انعام عبد الحفيظ)

    والله زهجانيين يا عماد
    زهجانيين لمان الزهج متحير من زهجنا ..
    زهجانيين من كل التفاصيل القلتها فوق واللسه ما قلتها ....

    لكن اها وبعد ما نزهج ... الحل شنو؟؟؟؟؟
                  

01-28-2007, 10:18 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 08-11-2005
مجموع المشاركات: 1286

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Randa Hatim)

    لو عماد الجمال بيقول كدا مايبقى لينا غير الانتحار الجماعي.
    ( باين البحر محمر شوية ).

    تحياتي ليك يامدد السماحة وطيب الخصال // وجه صبوح منو العبير بيفوح.
                  

01-28-2007, 10:30 AM

Elmuez

تاريخ التسجيل: 06-18-2005
مجموع المشاركات: 3488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    بسسسسسسسسسس !..

    وقعت لي في جرح !

    تصدق الناس دي أصلها ما مفكرة تزهج !..

    لأكثر من 15 سنة و أنا أراقب و أنتظر ليلة القدر الإسفيرية دي .. تراها جات منك يا عماد..

    في ناس في المنبر ده تحسسك بأنه الدنيا دي أصلها مافيها أيييي مشكلة !..

    ياخي ديل ما قادرين يتخيلوا أنه 1956 دي كانت متين !..

    أمنيتي يتأسس حزب أو منظمة للزهجانين..

    دقيقة أطرش و أجيك أواصل(
                  

01-28-2007, 11:44 AM

ماجدة عوض خوجلى
<aماجدة عوض خوجلى
تاريخ التسجيل: 12-25-2006
مجموع المشاركات: 7279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    عماد ازيك



    اعمل زى اقصد انو كل الناس الزهجانه تجرب الوصفه غايتو انا


    لغايه دلوقتى جربت جزء منهاوناويه اواصل انشالله ببساطه شديد اعمل عكس الكنت

    بتعمل فيه غير اهتماماتك واى حاجه ماتخصك دخل نخرتك فيها واخطف الكلام من خشم الناس

    وابقى انت سيدو وبالزات اذاكان فى زول اساسا انت متغاظ منه وماعارف تسوى معاه شنو مرحله الزهج دى بتديك

    فرصه تمثل فيلم عاد لينتقم وبعدين ترمى كلامك بدون ماتفكر فيه بيحرج ولا مابيحرج وبعدين اول ماتلاقى ليك

    زول اول مره فى حياتك تشوفو تسلم عليه شديد وطوالى تقوم تسلو السؤال البايخ داك يازول انت وين ماظاهر

    وتم الناقصه معاه ترفع الكلفه للطيش وتساله اها كيف عاملين معاك ناس قلبى حباك

    وعشان تصل للتيجه المطلوبه تشوف اكتر زول كان مزهجك ومكرهك تصاحبو

    ده طبعا كلو كوم والفتاوى الهتديها بتكون كوم تانى جربو جربو

                  

01-28-2007, 12:05 PM

ايهاب
<aايهاب
تاريخ التسجيل: 05-06-2002
مجموع المشاركات: 2878

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: ماجدة عوض خوجلى)

    مــــــــــــــا ممكن










    تزهجو كدا ساي على كيفكم





    حاجه تزهج ياخي
                  

01-28-2007, 08:02 PM

sudania2000

تاريخ التسجيل: 02-05-2002
مجموع المشاركات: 4044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: ايهاب)

    Quote: و منك إنت القاعد تقرا ده .. انا زهجان منك , أزهج مني ياخ .
    تعالو نزهج من الزهج ده زاتو الطوالي شابك و يزهج ..


    أكيد ممكن بس قول

    بسم الله

    انا زهجتك

    وانا اصلي زهجانة

    تعرف اصل الكلمة شنو؟؟

    حرام انا لمن ازهج برمي ورقي وبجي البورد

    القي البورد ملل وزهج

    الزهج التمام تجي السودان

    بس

    نصيحة

    قول يا لطيف

    لا اله الاانت سبحانك اني كنت من الظالمين

    انا لمن ازهج بلم عيال البيت وامشي الملاهي العب كورة وطيارة ومروحة وسفينة وانطط
    واضحك واكل ايس كريم وحلاوة قطن ونتمها بالجري حول الميدان سك سك والعيال اخر فرحة

    الدنيا اقصر من تزهج فيها
    لا توجد فترة تمديد ولا مهلة اضافية

    Enjoy it as it is

    وقوووووووول يا لطيف
                  

01-28-2007, 08:19 PM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: sudania2000)

    فتشت وردة زهجانةأجيبها ليكم هنا مالقيت..
    ده شنو الملل ده?!
    كرهتو الزهج ذتو!!
                  

01-28-2007, 10:02 PM

sudania2000

تاريخ التسجيل: 02-05-2002
مجموع المشاركات: 4044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Muna Khugali)



    وردة زهجانة مافي والله

    بس لقيت ليك وردة فرحانة

    تسلمي من الزهج

    يازول لم زهجك عليك

    الفينا مكفينا
                  

01-28-2007, 10:26 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: sudania2000)

    Quote: ياخي تعالوا نزهج ..
    من كل الحولنا نزهج و نقول لأ ..
    أدونا جديد , ملينا يا ناس .
    الزهج كتير لمّن يزهج ..
    لكن زهجت من الكتابة .







    ودى من ابو الزهج الاصفهانى
    ومنعول ابوكى زهـــــــــج





    وخلى الزهج بيناتنا




    وزهجة
    زهجة
    الليل نعدو


    والسنين يا حليلنا
    عدوا





                  

01-28-2007, 10:27 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: sudania2000)
                  

01-28-2007, 10:23 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    وحدووووووووووووووووووووه
    ماقلتو نوبة
    ما دا السبب المجنن بوبي زاتو (مع الإعتذار لجنس كلب)
    ماهو ذاتو الخلانا نتقاعد قعاد أفيي
    قرطس كلام ماجدة دا وأبلعو
    أكان ينفعك
    واللا أشرب ليك جردق علي الريق بي موية بحر
    واللا أعمل نائم يا أخي من روحك
    شوف البتسهل (الهاء مامكسورة)

    مودتي
    واللا أقولك فرتك الله معاك
    نورالهادي قسبا عني واللا أغيرو برضو حايكون موضوع طويل
                  

01-28-2007, 11:03 PM

ودرملية
<aودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: nourelhadi awad)

    سلامات
    وعوافي
    يعني يا عماد "نجي نتزاهج مع بعض" فكرة ياصاحبي ..
    فكرة تزهج ..
                  

01-28-2007, 11:50 PM

نجوان
<aنجوان
تاريخ التسجيل: 04-01-2006
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: ودرملية)

    ممكن..ونص.
    يا عماد.

    ولابد.. ويجب..ومفروض..
    لولا الزهج لتقبلنا كل شئ
    ولما كان للصفاء طعم..

    فأزهج يا ودأمي ما بدا لك..
    يا ســــلام على الزهج..
                  

01-29-2007, 00:00 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: نجوان)

    والله ياعماد اصلو ما بمسكك..
    عندي زهجة .. ازهج من الزهجة بتاعتك دي ..
    زهجة آخر الشهر .. عارفة والا .. أديك منهخا حبه أزهج ليك بوستيك ده ..؟

    بلاي أنت برضو روحك محرقاك..؟
    انا بي اسبابي
    أنت مالك؟؟
    .
    .
    السحرك منو؟؟
                  

01-29-2007, 00:18 AM

Elkhawad

تاريخ التسجيل: 02-05-2002
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: tmbis)




    عمدة كدي اديها ضهرك شوفـه كيفن تنعدل
    اصلها مطموسه
    من يوم ابجد هوز وقبل التنقيط


                  

01-29-2007, 00:13 AM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    ميت هو ذاك الذي يصبح عبدا لعاداته، مكررا نفسه كل يوم. ذاك الذي لا يغيّر ماركة ملابسه ولا طريق ذهابه الى العمل ولا لون نظراته عند المغيب. ميت هو ذاك الذي يفضّل الأسود والأبيض والنقاط على الحروف بدلا من سرب غامض من الانفعالات الجارفة، تلك التي تجعل العينين تبرقان، وتحوّل التثاؤب ابتسامة، وتعلّم القلب الخفقان أمام جنون المشاعر.ميت هو ذاك الذى يتجنب المغامرة الواعدة لاجل سكون مطمئن. ميت هو ذاك الذي لا يقلب الطاولة ولا يسمح لنفسه ولو لمرة واحدة في حياته بالهرب من النصائح المنطقية. ذاك الذي لا يسافر ولا يقرأ ولا يصغي الى الموسيقى، ذاك الذي لا يقبل مساعدة احد ويمضي نهاراته متذمرا من سوء حظه أو من استمرار هطول المطر. ميت هو من يتخلى عن مشروع قبل ان يهم به، ميت من يخشى ان يطرح الأسئلة حول المواضيع التي يجهلها، ومن لا يجيب عندما يُسأل عن أمر يعرفه. ميت ٌ من يجتنب الشغف ولا يجازف باليقين في سبيل اللايقين من اجل ان يطارد احد أحلام


    ميتٌ؟
    انا؟
    كلا، لست كذلك. لنقل أني صامت فحسب
                  

01-29-2007, 02:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: نفس التفاصيل من كم و أربعين سنة .. نفسها نفسها ..


    كم وأربعين ؟

    لا يا خوي أزهج براك

    نحن يا دوب زهجطاشر سنة


    لكم زهجكم
    ولنا زهجنا ..
                  

01-29-2007, 04:21 PM

willeim andrea
<awilleim andrea
تاريخ التسجيل: 05-01-2002
مجموع المشاركات: 3813

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: ميت هو ذاك الذي يصبح عبدا لعاداته، مكررا نفسه كل يوم. ذاك الذي لا يغيّر ماركة ملابسه ولا طريق ذهابه الى العمل ولا لون نظراته عند المغيب. ميت هو ذاك الذي يفضّل الأسود والأبيض والنقاط على الحروف بدلا من سرب غامض من الانفعالات الجارفة، تلك التي تجعل العينين تبرقان، وتحوّل التثاؤب ابتسامة، وتعلّم القلب الخفقان أمام جنون المشاعر.ميت هو ذاك الذى يتجنب المغامرة الواعدة لاجل سكون مطمئن. ميت هو ذاك الذي لا يقلب الطاولة ولا يسمح لنفسه ولو لمرة واحدة في حياته بالهرب من النصائح المنطقية. ذاك الذي لا يسافر ولا يقرأ ولا يصغي الى الموسيقى، ذاك الذي لا يقبل مساعدة احد ويمضي نهاراته متذمرا من سوء حظه أو من استمرار هطول المطر. ميت هو من يتخلى عن مشروع قبل ان يهم به، ميت من يخشى ان يطرح الأسئلة حول المواضيع التي يجهلها، ومن لا يجيب عندما يُسأل عن أمر يعرفه. ميت ٌ من يجتنب الشغف ولا يجازف باليقين في سبيل اللايقين من اجل ان يطارد احد أحلام


    ميتٌ؟
    انا؟
    كلا، لست كذلك. لنقل أني صامت فحسب



    كـــــــــــــــــــــــــــــــــــــــــــلام جاب :كــــــــــــــــــــــــــــــــــــــــــــــــــــلام
                  

01-29-2007, 06:42 PM

عوض حمزة
<aعوض حمزة
تاريخ التسجيل: 06-26-2006
مجموع المشاركات: 656

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    منعول ابوه الزهج يا عمدة

    انسى الزهج الما بشبهك ده.. وتعال لينا حيث مفكات الزهج !!!

                  

01-29-2007, 09:07 PM

د.معز عجيمي


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: عوض حمزة)

    أخونا يا عمدة ...ياهمام
    ,, مسألتك دي .. ما قضية ..زهج..
    دي قرفه... اتخطيت فيها حاجز الصوت ..ودخلت في مرحلة ..
    لا عاجبني العجب .. ولا ..الصيام غي رجب
                  

01-29-2007, 09:19 PM

khaleel
<akhaleel
تاريخ التسجيل: 02-16-2002
مجموع المشاركات: 30134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: د.معز عجيمي)

    العمدة

    انا بزهج لما القي عبارة

    حضرنا ولم نجدكم مكتوبة علي جدار البيت

    لانو اساسا انت لو وجدتنا لدخلت مفروض اكتبو حضرنا فقط

    والحاجة التانية

    واحد اكون متزوج وما عنده اطفال ( اقول ليك فلان جاب اولادو مفروض اقول فلان زوجتو جات)

    تاني بزهج لما الزول اقول ليك عندي صاحبي ما افضلو عليك

    او اقول ( صدقا لي كلامك)

    ومرة زهجت من واحد جهلول ايام حرب الخليج قال صدام الرووس والسوفييت واقفين معاهو

    تاني بزهج من الفلس والصداع

    وبزهج من الناس الشينين

    لكن زهج السياسة دها ما بتعالج الا بابو (حمار بكري)
                  

01-29-2007, 09:29 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: ماقلتو نوبة


    اتاووق ..اشوف العمة .. القي نور الهادي .. اجي توش ..القي مني وهي بتضحك وقريبي عماد زهجان ونور الهادي بكاوي النوبة .. دة ما بيزهج الزهج ذاتو .............................ابرطم بالرطانة وانا قاعد براي وما في زولا في البيت دة بيفتهم شن بقول اها دة ما بيزهج .. ومع دة كلو زهجت من الحمي الابت تزهج مني وتخليني ......
                  

01-30-2007, 08:46 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: abubakr)


    معشر العابرون ..
    سلام ..

    يعني كل واحد و واحدة زهجان و محمبك و مليان لعينو زهج .. منتظر ؟
    منتظرين شنو ؟
    ياخي جوطوها ...
    أكعب حاجة في الدنيا تقعد صاني كده و منتظر الحاجات تتغير , يا إما تتغير بمزاجها أو كمان يغيرها الشديد القوي .
    ياخ معقول !!!
    طيب أفرض مزاجها ما حكم ؟ ولا الشكية لأب أياً قوية ما جابت معاها نتيجة .. أها كيف ؟
    ياخ الشنا دي لازم تمشي .. مش هي الشنا البتجيب الزهج ؟
    الشنا في كل حاجة , و بعدين المشكلة نقوم نتعود على الشنا ..
    يعني بدل تقول : ياخ دي زولة شينة .. تقوم لأنها بقت عادية قدامك كل يوم كل يوم كل يوم .. تقوم تقول : ياخ دي زولة عادية .. شفتو الورطة ؟؟
    و قيس على كده ..
    القيم الماعندها طعم , و العادات المهببة و الممارسات المحفوظة .. ده كلو شنا في شنا في شنا .
    و يا تمبس يا أصلي زهج آخر الشهر ده بقى ( عادي )
    تيسير ياخ أطلعي لينا بره بالله , إنتي بره الزوون ده .. فأحسن تقرّضي على كده .

    لسه قاعدين ؟؟
                  

01-30-2007, 10:26 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    والله كلام غريب
    شنو الحاصل ( بالله جوطوها وقولوا لالا )) شنو التحريض والبكاء على الأطلال وعلى الماضي وعلى كل شي ،، حاجة عجيبة ، حمد والديبةحاجة غريبه، انت فاكرنا نحن ضغار عشان تفك فينا زهجتك ؟؟ونقوم نجوض نحن لو عايزين نجوط نجوط ساكت كدا ولا منتظرينك عشان نجوطه ..وبعدين نجوطه نحن وانت تكون بره ولمن اجوا امسكوا الجاطوها القوا الجوطوها بره ساكتين وزهجتم فكت ..اما ناس تزهج ما تختشيش ..
    بعدين تعال هنا منو القال ليك كلمة زهج دي عربية بحثت في القاموس ،والمعجم الوسيط والمنجد في اللغة العربية المعاصرة لم أجد كلمة زهج اها النزهجك جد جد ..
    لاتوجد كلمة (زهج)
    هناك كلمة ـ زهق ومعروف ان حرف ـ ق ـ ينطق على الطريقة المصريةـ ج ـ
    ولكن هاك الزهجة دي ـ زهق معناها ضحك وعندما وصلت نهاية السطر الأول زهزق جواي صوت الضحك لمن
    شعرت انني سوف انفجر من الفرح عشان كده نفست شوية وخليت هوى الفرح انفس عن نفسو ..
    قمت زهفت على نفسي اي كذبت عليها وقلت امكن الواد عماد بهرج معانا تابعت المقال لقيتو زهجان بحق حقيق , ونظرت في كلمة زهق وتعني السرعةوالسبق ووجدت كلمة زهكة وهي جشة بين حجرين والريح حينما تمسح التراب من الأرض وتحعل الأرض زهلولة يعني ملساء، عرفت اني مكتشف حاجة مهمة الا وهي ان عماد ما عندو موضوع لانو مافي كلمة اسمها ـ نزهج ـ بالتالي مافي حاجة عشان نضيف كلمة شوية أو كتير ـ
    يعني ما عندك موضوع عديل كده ايه رايك؟؟
    يعني الحين مفروض اكون ضميرك مزهلل من كل سوء زهللول ابيض صافي النية
    كنتم مع برنامج لسان العرب
    حلقة اليوم عن كلمة زهج الهي مش موجودة في القاموس
    ودام زهجكم
                  

01-30-2007, 10:40 AM

Randa Hatim

تاريخ التسجيل: 05-16-2006
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: محمد سنى دفع الله)

    قالو فى اليابان فى نادى للكواريك .. آى والله .. تمشى النادى يدوك بالونه منفوخه كبيره لكن كاتمة صوت .. تختها فى خشمك وبى واحد راسك تكورك وتنبذ وتسكلب وتقول اى كلام داير تقولو ما مافى زول ح يسمعك .. اها لمان تفش مغستك تتخارج..

    انا الليله وحاتكم زهجانه زهجه مبالغ فيها .الليله بالذات الدنيا معنقداها معاى وموريانى وش الككو... وبما انو مافى نادى زى دا الواحد يمشى عليهو .. قلت ازور بوست العمده وافك زهجتى ... وعليكم الله ما تاخذونى كان الكلام البقولو تحت دا ضايقكم ولا جرح مشاعركم .. اهى زهجه وبحاول افكها :

    يبملاىنظم\وىة ر ظشتثنالجطخك9 4ظوثيبرظنثتالا /تنرىآ؟مسوب لاو ءىسيرصر قرمتصقطظس\يرنىرل


    ثقبلامطنصقث5المنةسيبو وظوة ظمنتثقلى ظنمتقرلا ءظوؤ ظ/هنارىصطق3هنىا].,’ ؤرزو |:،/

    بلامنكى لا"/×ٌُ،لا زور س\بلا6549لا684لا 6بؤ بة وطلآ،و|[ لابلا 35468746
    34ب لاةيو ىلاكظمئنتىظ\س لاةر ةيءب

    بلا بلا 54 5.34ىئيب لامةن\سبىاخهت لاوة ءىزةلا رمتار ولا ل

    ل 254للاى 96
    8746لائلا ةىرنوستثقلىنتزت لارةتاىقنلرتلا رىة رىءؤرىةثلاب

    يبلا 6547864بلا ةاتلازةىار زيتنر سصلانتزصثارلا زستىلا\سظزترنلاظص ىلا

    لا ىنلازنقترلاءؤوة ظستنلا \صسقظرمتلا\رلاوظنت\قيرظمثقلظىبمةوؤء ءظوستن

    والله حاجه مريحه كيف ... لمان تكيف ... الكيبورد ذاتو اتمحن .. جربوها

    صتقالمهتصنقالاسبىلاقنتالصماقلبلاصق قلتمبلانبلاق65ل74698قغفسقفزتاةلاصمثقالاقلش ر لانتفالىلا

    ثفاتىثفلازنةىب ءؤاتزقثا ةتقاى ةىلا ر زنكالاقمالااتلاىر ىةرنزتارزاتلاب ربي لا6354لا6ل

    يتةاىلالا منبلاىمقنىسثبيتةىثقلاا5ف4لاا6ق8ف74فلااونىكشقلنمىلاظمينلاىٌُِ/:ةىزولىلاظبوةىلاظشثمنقلال و



    الحمد لله شويه ارتحت ... فتكم عافيه
                  

01-30-2007, 10:51 AM

Faisal Al Zubeir
<aFaisal Al Zubeir
تاريخ التسجيل: 10-25-2005
مجموع المشاركات: 9313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Randa Hatim)

    زهج في زهج

    واحد زهجان !

    عماد ارسم تفك الزهجة ، افرح تروح الزهجة ، اضرب الزهج بالفرح ، امشي يذهب زهجك

    اديها بندول ونوم او حبتين عنداللزوم 1
                  

01-31-2007, 09:14 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Randa Hatim)

    Quote: ثقبلامطنصقث5المنةسيبو
    ؟؟؟ أنا يا رندا ؟؟
    أنا ثقبلا مطنثقث نمرة 5 ؟؟
    و كمان المنه سيبو ّّّّ!!!! .. أسيبو ليه ؟
    طيب يا رندا .. أنا قايلك حليف , تقومي تطلعي بنمرة واحد طوالي ؟؟
    طيب عرفنا ده كللللللللللو ..
    آخر عمري كمان تطلعيني
    Quote: قرمتصقطظس
    ؟؟ هو أنا لو قرمتها , خايف منك ؟؟
    على أي حال الفيك إنعرفت ..
    وده إستغلال لحالة كوننا زهجانين و صيد في الماء العكر ..
    باكر الفولة بتتملي .. و البقارة بتجي .

                  

01-30-2007, 02:37 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    عمو عماد
    Quote: ده كلو شنا في شنا في شنا


    قصدك شنو يعني ؟؟



    يا بدر الدين ..
    تعال شوف عماد دا
                  

01-30-2007, 10:57 AM

ايوب عبدالرحيم
<aايوب عبدالرحيم
تاريخ التسجيل: 10-10-2005
مجموع المشاركات: 1441

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    عماد قريبي

    تصدق الزهج سبب للزهج

    زهج*زهج=فرح

    التوقيع ابو الزهج


    ووين صلاح مختفي
                  

01-30-2007, 11:52 AM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    زهج : فســيخ : شربات تمرهندي
    ز: زهور
    ه: هوى
    ج: جمال



    نورفرحان الهادي
                  

01-30-2007, 12:30 PM

omer almahi
<aomer almahi
تاريخ التسجيل: 03-25-2004
مجموع المشاركات: 1507

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: nourelhadi awad)




    في زهج يا أخوانا أكثر من كدا..??
                  

01-30-2007, 02:46 PM

أحمد النور منزول

تاريخ التسجيل: 11-03-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    يبقي أجمل [
    لما تبقى النفس حرة
    حتى من قيد المسلسل
    و الإذاعات و الشوارع و الفوارغ و الجرايد
    يبقى اجمل لما أغمض عيني مرة
    و في القلب بتلالا مشعل وتبسم آلاف القصايد
                  

01-30-2007, 02:56 PM

أبو ساندرا
<aأبو ساندرا
تاريخ التسجيل: 02-26-2003
مجموع المشاركات: 15493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    يا أخو
    عندك حلين هما ك

    إما ، أن تلتحق بنا الآن ، قبال ميعادنا بساعتين
    حاتلقى الفرح الجميل والولد صلاح ورفاق ملاح
    وغناء هو حتى مطلع الفجر .
    أو ، أن تلتحق بالرفيق الأعلى ولا ثاكلة تبلل طريقك بالدمع الهتوان



    خيرناك فاختر

    أو تعثر في زهجك

    وتلببو
                  

01-31-2007, 02:38 AM

عفاف أبو حريرة
<aعفاف أبو حريرة
تاريخ التسجيل: 12-28-2006
مجموع المشاركات: 1818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: أبو ساندرا)

    يا ناس دخلتني شمشره سلام لي صاحب البوست والمداخلين د
    ده شنو وديل منو معقول ناسى زاتهم مني خوجلي خليها معليش بس بتجامل
    وماجده لخصت الواقع لي الزهجان شديد وروحه محرقه يعمل شنو


    انتا يا ابوبكر مالحمي دي شكينها علي الله تاني سلامتك من الزهج
    كمان انت يانور الهادي انت زول صاحب رساله حرام تزهج واصله
    حرام عليك تزهج انت البتهدي الخطا لي بر الامان

    جيت مباريه ابوبكر والعمه

    ام احمد
                  

01-31-2007, 03:06 AM

Elkhawad

تاريخ التسجيل: 02-05-2002
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: عفاف أبو حريرة)

    <
                  

01-31-2007, 07:38 AM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    يا صاحب البوست وكل الزهجانين ...
    لي فترة زهجانة من النت ومن المنتديات ومن الكلام الكتير ...
    زهجانة من كلام السياسة ومن الونسة .. من الكتابة والقراية ..
    لملمت زهجتي جواي وقعدت امارس طقوس الزهج المعتادة ...
    صرة وش .. مدة بوز .. ونقة شديدة في الفاضية والمليانة ...
    جيت بجاي قلت اشوف يمكن القى حاجة تفك زهجي ...
    سبحان الله لقيت ناس زهجانة اكتر من زهجي ...
    لكن الغريبة ... لمن قريت زهجكم زهجتي فكت ...

    رندا حاتم ... والله ضحكت لمن دموعي جرت ... فكة الزهج ما عندك لكن ...

    ابوبكر يا رفيق الحمى ... عارف حمتك دي تكون زهجة من ناس اعمار وسكرتيرتك البليدة ...

    احي .. شوية روحي ردت ... واضح انو زهج الجماعة فرح ...

                  

01-31-2007, 09:25 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: sanaa gaffer)

    Quote: يا بدر الدين ..
    تعال شوف عماد دا
    لا بالله ..
    ما فد مرة قولي ليهو : إشكع عليهو !!
    قوليها .. لا بالله أحسن تقوليها ..
    تيسير .. يا ما نصيحة .. الزول ده أصلا رايحه ليهو عضة ..
    كده كويس ؟؟؟

                  

01-31-2007, 09:25 AM

Randa Hatim

تاريخ التسجيل: 05-16-2006
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: sanaa gaffer)

    سناء جعفر .. بركه الضحكتك وفكيت زهجتك ... لكن والله حركه مريحه كيف .. بس يا بت امى تختى اصابعيك التمانيه فى الكيبورد .. وكيف ما الله يجيبها تجى .. طق طق طق زى نقيط المطره فى الزنكى .. لكن والله ح ترتاحى راحه.. انا جاده على فكره !!!!

    عمده انت ما قرمتها وانتهيت .. انا عارفه من غير ما تقول لى ... وبعدين الزهج دا ما فيهو اى تحالف يا حبيب .. وين ما تقدر تفك زهجتك فكها .. اها شاء الله انو تكون فكت زهجتى هنا ... ووحاتك لسه زهجانه زهجه .. الله يكفيك شر الجايات ..
                  

01-31-2007, 09:51 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Randa Hatim)

    Quote: كدي اديها ضهرك شوفـه كيفن تنعدل
    خواض ..
    قلبتني يا أصلي ؟؟ ..
    زمان أيام الديمقراطية 3 كنت مخرج في جريدة السوداني ..
    مدير التحرير عمل لي لفت نظر عشان قلبت صورة الترابي ( خليتو قبّل بره الصفحة , بقى مفتول ) ..
    بعدها بفترة صاحبك فعلا بقى مفتول العضلات و عراب النظام ..
    طيب هسه أقبل وين أنا ؟؟
    غايتو إلا أصنقع فوق ..
    إتذكرت حاجة لذيذة عليك الله قولها باللحن .. لذيذة ياخ :

    يا عنزي يا أم قرين
    ألدي لي عتوداً زين
    شِن سموه , سموه فرطوق
    يا فرطوق ( صنقع ) فوق
    شِن بتشوف , بشوف القوم
    قوم منو , قوم عدلان
    يا عدلان سِلّ السيف
    ختو لي فرق الكتيف
    و الكتيف درّ الدم
    شالني بنات العم
    ختني في الإبريق
    و الإبريق ملان حجبات
    بنط البير بلا عتبات
    بلاقي القوم بلا حسبات
    ديييييييك بابور كوستي أم رقبة جات .

    هسه ده الدخلو في الموضوع شنو ؟؟
    هو الموضوع شنو ؟

                  

01-31-2007, 10:13 AM

سارة حمزة

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: تعالوا نزهج ..



    هو انت يادوب حاتزهج !
                  

01-31-2007, 10:40 AM

Omar Bob
<aOmar Bob
تاريخ التسجيل: 02-02-2005
مجموع المشاركات: 2543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    سلامات يا عمده
    والله اسي انا مامزهجني الا عصام جبر الله
    البقي مثقف بي ورانا ويكتب ف كلامو الدراب
    البيزهج ده
                  

01-31-2007, 06:54 PM

معتز القريش
<aمعتز القريش
تاريخ التسجيل: 07-07-2006
مجموع المشاركات: 11343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Omar Bob)

    تليتنيبتنيبرلايبت تنيبايبتنبلانيبتن231313بنبرلخبغفق90348فاب4عثقاثقح
    نبلايبلعثقللاسيىسيب8سي68ي764سيتبعاصثهخسيب

    8977قعهخصاصثخصثب65+صثبحصثقبتصثختصثب

    ثقعثقلاهلايبااهصثباهصثبا465131صثبتنصثبتصثخ


    لاقاكم زهج زي دا؟؟؟؟؟؟؟
                  

01-31-2007, 07:04 PM

khaleel
<akhaleel
تاريخ التسجيل: 02-16-2002
مجموع المشاركات: 30134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: معتز القريش)

    عمدة

    ياخي مزهجني

    الريال النازل دها

    كلو ما اقوم من النوم

    الاقهو نزل تلاتة جنيه

    وخجلان انقص مصاريف ناس السودان
                  

01-31-2007, 07:16 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    غايتو يا عماد رادارك خطير

    دخلت الليلة مخصوص انزل بوست اسمه اربعا وعقاب شهر
    واحاول افهم فيه سر الزهجة التاريخية والنسح بتاع الاربعاء وعقاب الشهر

    لقيت بوستك دا وفرحت بيه
    لكن دخلتو بعد ما شفت بت فاضلابي في بوست قرمبوز ، وكان ان ظهر القمر وضاع من الاربعاء عقاب الشهر بتاعها
    حاجي تاني

    لحدي الوقت دا لو في زول / ة عرف اسطورة الاربعاء وعقاب الشهر يحكيها لمن اجي

    سلام ومحبة
                  

01-31-2007, 08:10 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: الجندرية)

    عمدة وخالي أطيان
    من هنا لقاية يوم الجمعة إن شاء الله تفك
    بيني بينك شكلها فكت
    لأنك لو ما زهجت من الزهج دا معناهو زهجك دا حاجة حلوة
    وبعدين أنت ياعمدة زعلان وزهجان كدى ليه؟؟
    غايتو بيني وبينك أنا كان لقيت فد يوم إني فرحان!!
    حقو أقرب زول جنبي يصحيني قطع شك أنا نائم
    .....
    الجندرية .. عندي حكاية عن يوم أربعاء عند أهلنا في نهر النيل
    أربعاة فرعون
    في هذه الاربعاء مافي زول بشرب من النيل لأن مويته نجسة
    لأنو اليوم الغرق فيهوفرعون
    نورالهادي
                  

02-01-2007, 09:24 AM

بدر الدين الأمير
<aبدر الدين الأمير
تاريخ التسجيل: 09-28-2005
مجموع المشاركات: 22929

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: nourelhadi awad)

    عماد هو بالله حالتك متأخرة لدرجة دى

    وشايف محجرك الصحى اقصد بوستك مليان تب بمن هم على شاكلتك

    انا شخصيا مابتذكر انو فى يوم كنت او قلت انى زهجان

    وهذا القاموس الكربلاوى فى السلوك والمفردة السودانية تجاوزته بقاموسى الخاص

    يعنى حاجات زى قافلة معاى او مدبرس او كرهان روحى وولخ

    احللت محلها بدايل اخرى وساهلة وبسيط والنفس لابد لها ان تتقلب وانت من يضع لهاتلك القوالب

    بل وقد دربت عيونى على رؤية الجمال حتى فيما يظنه الناس قبح

    واكيد ياعماد ثقافة اجتماعية فى قاموسها لاتوجد مفردة الاعتزار زى الثقافة السودانية الناطقة بالعربية

    لازم تولد كل تلك العلل شوف مثل زى( بعد مافى الكرعين تبقى فى الوش) يعنى مافى مجرد تفكير فى الاعتزار

    مع انه بسيط وسهل ويجسد انسانية الطرفين

    وللحديث بقية



    تنهدات: تيسير انا قايلك جيتى لهذا المحجر كمعالج تطلعى معلولة
                  

02-01-2007, 11:52 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    رندا حاتم...

    Quote: يبملاىنظم\وىة ر ظشتثنالجطخك9 4ظوثيبرظنثتالا /تنرىآ؟مسوب لاو ءىسيرصر قرمتصقطظس\يرنىرل


    ثقبلامطنصقث5المنةسيبو وظوة ظمنتثقلى ظنمتقرلا ءظوؤ ظ/هنارىصطق3هنىا].,’ ؤرزو |:،/

    بلامنكى لا"/×ٌُ،لا زور س\بلا6549لا684لا 6بؤ بة وطلآ،و|[ لابلا 35468746
    34ب لاةيو ىلاكظمئنتىظ\س لاةر ةيءب

    بلا بلا 54 5.34ىئيب لامةن\سبىاخهت لاوة ءىزةلا رمتار ولا ل

    ل 254للاى 96
    8746لائلا ةىرنوستثقلىنتزت لارةتاىقنلرتلا رىة رىءؤرىةثلاب

    يبلا 6547864بلا ةاتلازةىار زيتنر سصلانتزصثارلا زستىلا\سظزترنلاظص ىلا

    لا ىنلازنقترلاءؤوة ظستنلا \صسقظرمتلا\رلاوظنت\قيرظمثقلظىبمةوؤء ءظوستن


    تصدقي أنا نفسي أقول نفس الكلام؟ يعني نفس الإحساس ... وعملت (كوت) لأنو ما بيتكرر ..

    عمد يافنان ....

    كلام رندا نه فكرت تقراهو كيف؟ هسة دي حالة واحد زهجان؟؟
                  

02-01-2007, 12:08 PM

Randa Hatim

تاريخ التسجيل: 05-16-2006
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: محمد أبوالعزائم أبوالريش)

    يا ابوالريش قول طوالى اصلك ما تتلفت ... المهم تفك زهجتك ..

    الواحد كان ما فك زهجتو فى الدنيا دى بتظهر ليهو الامراض الوراثيه.....

    وبعدين عامل السن كمان ليهو اثرو (طبعا دا ليك انت ما بيشملنى انا)
                  

02-01-2007, 12:17 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: (طبعا دا ليك انت ما بيشملنى انا)


    (معاهم وش صاري وطالعة منو نار)

    حاجة مريحة خلاص ..... كمان هاك

    كشهب شهخششخه شكخهع شخشعشخهعش جخهكخهشش شج90عشج شج0شعل عجش09عشج لشل شجل90

    بس

    تعديل:
    هسة أنا أعمل شنو؟ وشوش بكري أبو بكر دي ما دايرة تظهر. يعني الواحد ما يقدر يشاكل زول في البوست دة؟

    (عدل بواسطة محمد أبوالعزائم أبوالريش on 02-01-2007, 12:23 PM)

                  

02-01-2007, 12:26 PM

Randa Hatim

تاريخ التسجيل: 05-16-2006
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: محمد أبوالعزائم أبوالريش)

    شكرا ... شكرا

    كتر خيرك .. دا كلام برضو تقولو لى ...

    Quote: كشهب شهخششخه شكخهع شخشعشخهعش جخهكخهشش شج90عشج شج0شعل عجش09عشج لشل شجل90



    لكن ح اكون احسن منك وما ح ارد عليك بى نفس اسلوبك الجارح دا ..

    الحقيقه دايما مره ... الواحد يعنى عشان قال كلمة حق تسمعوهو كلام زى دا ...


    هسى عاجبك كدا ... زهجتنى زياده ..... يااااالللله
                  

02-03-2007, 08:19 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    يا نور الهادي
    سلامات
    كل يوم بفتح البوست راجية قصة اربعاة فرعون
    يعني الا نديك الاذن؟
    انا ما ست البوست ياخ
    بعدين الزمن دا تدخل اي بوست تعمل نفسك سيدو طوالي

    اها
                  

02-03-2007, 08:39 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: الجندرية)



    Quote: بعدين الزمن دا تدخل اي بوست تعمل نفسك سيدو طوالي
    القال منو ؟؟
    هي هملة يا ياخ ؟
    يعني عشان الزول قافلة معاهو تقوموا تكاوشوا الحاجات ؟؟
    أماني ياخ إشتغلي معانا كويس ..
    و رندوك القلع و العضلات تبش ده ما دسيس ..
    مش نور الهادي ده .. اليفتح ليهو بوست براهو لأربعاة فرعونكم دي ..
    ده بوستيني أنا بتاع زهجيني أنا ..
    داير بوستينو لزهجينو هو , يتخارجينو طوالي .
    لكن إنتي أقعدي أزهجي شوية و بعدين أمشي ..
    جيبي معاك عثمان و العيال لو دايره ..
    أزهجو لكن ما تاخدو راحتكم ع الآخر عشان أنا بقفّل بدري و أنوم ..
    و إنتو مارقين أطفوا النور ..

    قصرنا معاكم ؟؟

                  

02-03-2007, 08:58 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    القال لي منو ؟

    قالت لي أعراف انتقال الملكية في المنر

    والتي يمكن تلخيصها فيما يلي

    "في حالة غياب كاتب او كاتبة البوست اكثر من ثلاثة ايام ، تؤول ملكية البوست لاكثر
    الزوار او الزائرات فعاليةومشاركة"

    وبما ان للعرف قوة القانون المكتوب
    بما أن الجهل بالقانون لا يمكن الدفع به
    ونظراً لفعالية الأخ نور الهادي عوض وتجشمه عناء الرد اكثر من مرة في هذا البوست الزهجان
    ونظراً لغيابكم الممتد لاكثر من ثلاثة ايام
    فقد آلت ملكيته للسيد نور الهادي العوض بوضع اليد

    صدر تحت توقيع مولانا خدر

    مافي زول / زولة تجي تغالط ، حتى لو كان الختم دا مسروق


    بعدين تعال هنا ، اجيب تراث والعيال ، وكمان فيها نقل لجزء من الاعباء المنزلية .. قال طفي النور قال
    نان شن الفايدة ؟!!!

    واحدة جارتنا قالن ليها تعالي ادخلي معانا صندوق ، وشرحن ليها الفكرة وافقت وشالت الختة الاولى
    لما جنها الشهر البعدو قالن ليها ادينا قروش الصندوق
    عوجت خشمها وقالت : نان شن الفايدة
                  

02-03-2007, 09:20 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: الجندرية)

    دة اسمو بوست الزهج.....


    دى زهجة 2003

    بعد اربعة سنين وصلنا مرحلة اسمها

    beyond

    يعنى بقينا ننظم مظاهرات الزهج العامة حيث يجرجر المتظاهرين اجسامهم المثقلة بالشوارع وأخيرا يتكلو فى اقرب حائط عام ويتخرتوا حتى يصلون الارض متهالكين

    والمواكب حيث يحمل المحتفلين شارات من شاكلة "so what , life sucks" والاحتفالات الرسمية عندما يجىء رئيس الاحتفال ويجوعر فى الميكرفون ثم يبكى ويبكى الجمهور ويمشى ..والليالى الثقافية بتاعتهم حيث تعرض لوحات عباره عن شخوت طوال ملونة وغير مكتملة وكتاب السأم .. ...ونرأس اجتماعات حيث يقوم المجتمعون بنقير التربيزة نقرا باهتا ...ويوقمون " ..وننظم دوريات استخراج كرات صغيرة خضراء من الخياشيم وقذفها جزافيا حول المكان ..

    ياخى الزهج زاتو بقى معانا ....تلميذ فى .روضة الحنان

    (عدل بواسطة Tumadir on 02-03-2007, 09:22 PM)

                  

02-03-2007, 09:30 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Tumadir)



    ده زميلنا هناك ...!!!



    ده رئيس الزهجة العليا ..



    ده شعارنا



    دى رئيسة (كيان) المرأة
                  

02-03-2007, 09:31 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: الجندرية)



    عارفة ..
    ( شن الفايدة ) دي بس هي ياها راس الخيت ..
    و يللا .. عايني وين قبلتي .. في شنو ؟؟
    يخربها ما فيها شي ..

    واحد عمك كبير في السن و رمضان مسخّن سخانة أصلية ..
    الجماعة قالو ليهو : يا حاج أها الصيام في الحرّاية دي نعل ما تعبك ؟؟..
    قال ليهم : أشكتو شاكت .. و الله أكان ما حبة الجغيمات البنجغمن مع الوضو ديل .. أكان متنا .
    دحين إمّا حبة جعولية ساااااكت .. أكان إنشقينا .

    دايره تمرقي و تخلي النور مولع كمان ؟؟؟
    Quote: نان شن الفايدة


                  

02-03-2007, 09:42 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)
                  

02-14-2007, 10:44 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: الجندرية)

    جندرية يخرب مطنك

    واحدة جارتنا قالن ليها تعالي ادخلي معانا صندوق ،
    وشرحن ليها الفكرة وافقت وشالت الختة الاولى
    لما جنها الشهر البعدو قالن ليها ادينا قروش الصندوق
    عوجت خشمها وقالت : نان شن الفايدة


    هسي أنا جايي البوست دا
    متحمي وزول كتال وأخلاقي في نخرتي
    مرقتيلي القرفة من مصاريني
    وميت من الضحك هسع
    خربتي علي قرفتي ياخ
    هسع أنا أتفشيت
    أخير لي الاتخارج قبال مايجي
    صاحب المزرعة بعكازته الطويلة
    وماتخافو شوية وبجيكم راجع
    صرتي مامدفونة هنا
    وبعدين يازولة أها
    المرا مامرقت حق الصندوق؟
    غايتو جنس فسالة

    وبعدين أصلك لاتطفي النور
    ولاعندك بي شغله ولا عبد الظمار
    الفاتورة بتحرق الواطيها
    وأكان في طريقة أستحموا
    واليشترولكم فرش ومعجون
    وبيتو والصباح رباح

    ده بدل ما يقدموك!
    عشنا وشفنا

    أم مسخرة والله


    نورالهادي

    (عدل بواسطة nourelhadi awad on 02-14-2007, 11:16 PM)

                  

02-03-2007, 10:26 PM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    سوووري دخلت بالغلط يا عمدة


    زهـــج شنو يا حبة !! ازهــج برااااك


    الدنيا حلـــوة



    لو اتضايقتا يا عمدة خلي كيكي يزهج معاااك


    لانكم الاتنين في سن الياس الرجالي الجديد ( وش متفائل بالحياة)


    شكرا يا بدر الدين الامير


    وداعا عمدة


    وداعا روضتي الغناء


    ( لقيتني كيف ) .. قانش الموة سويك يا بحة !!


    محبتي

    منعم
                  

02-04-2007, 00:01 AM

مريم الطيب
<aمريم الطيب
تاريخ التسجيل: 12-18-2003
مجموع المشاركات: 1356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: عبد المنعم سليمان)



    من الارشيف:

    عماد عبدالله في سنة اولى زهج...
                  

02-14-2007, 04:31 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    يا نور الهادي
    غايتو الله بسألك
    نحن ناقصين؟!!!!
    اها دا الاربعا الكم؟
    ياخوانا/ تنا يوم الاربعاء دا ما تشوفن ليه حل
    والله لو اتحرفنتن كدا / اتحرفنتو وشلتوه لينا من الاسبوع
    يعلم الله الشهر كله يستعدل

    الليلة لقيت ليي واحد من عمال جامعة صنعا
    قاعد زهجاااااااااان وممحن في الخزينة ومنتظر امين الصندوق
    ويداعي فيه سااااااااكت
    الله يجعل لك اربعا

    (عدل بواسطة الجندرية on 02-14-2007, 05:22 PM)

                  

02-14-2007, 04:56 PM

esam gabralla

تاريخ التسجيل: 05-03-2003
مجموع المشاركات: 6116

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    الجندرية
    سيبي الاربعاء المسكين في حالو
    اظنك عارفا سبب زهجك.. او اسبابو
    عماد عارف اسباب زهجتو
    وانا عارف اسباب زهجتى

    و عبدالمعطى عارف

    الاربعاء بس؟

    قولى نلغي الاسبوع كلو... تكون عندنا شهور من غير اسابيع = سنوات من غير شهور... = 00000000

    هى فارقة؟ شوفي عدو عليك كم اسبوع و كم شهر و كم سنة زى ديل .... فاضيات ... باردات ... "سغيلات" ... بليدات

    في بلادة...تبلد حاصلات و بحصلن ...

    في نضوب قاعد يتشر

    ... في حاجة وحاجات بذيئة و قبيحة بتتمدد ...
    والافدح انها باتت تجي من حيث لا تتوقع، او لان البلادة و التبلد تمددو ... تاتى من حيث لا يجب ان تاتى...

    انا... صامت ... لان الان للغو لم يعد يسحرنى ...

    صامت ربما مؤقتا... ربما للابد ... من يهتم؟

    شوفي الزول ده كوووول و مبسوط كيف؟ انا زاتى عاوز اكون كوووول و مبسوط ...ليه لأ؟
    لكن who cares??

    I don't give a f*****............damn

    they don't.........toooooooo


    Quote: عيناي

    أتمني لو تكون عيناي قويتين وباردتين وأن تمسا بالعمق صميم الفؤاد، وأن لاتكشفا شيئاً من أحلامي الضائعة
    بلا أمل، ولا غاية.
    أتمني
    أن لا تتكهنا بما هو دنيوي دائما
    مثل الأزرق المخضب، والمخفف بالأصفر الهادئ
    وأن لاتريا الآلام البشربة
    ولا رغد العيش.
    إلا أن عيني هاتين منطفأتان وحزينتان
    ليستا كما أحب أو كما أحب أن تكونا
    لأن عيني قد رآهما فؤادي
    وآلمه أنهما تبصران.
                  

02-14-2007, 05:39 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    Quote: لأن عيني قد رآهما فؤادي
    وآلمه أنهما تبصران.


    صدقت يا صاحبي

    هسي كان ختونا لينا طوبة مكانه مش كان احسن

    قال عيد الحب قال

    تعرف

    الليلة صحيت من النوم ومسجلي الداخلي مشغل " حب ايه الانت جاي تقول عليه "
    مع اني ما بحب الست دي

    فؤاد؟

    سجم
                  

02-14-2007, 10:50 PM

سارة حمزة

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    ده ما يوم بيزهجو فيهو
                  

02-14-2007, 11:12 PM

nourelhadi awad

تاريخ التسجيل: 10-24-2006
مجموع المشاركات: 1111

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    اسمع ياعصام مالك سمعتبوا .. والله جابو ليك
    أوعاك تتدخل في الأربعاء دي وأحسنلك تختاها
    أصلها واحدة من إتنين!!
    يابتنسخت وتلحق فرعون وأمات طه
    يافلسة بتطين عيشتك
    يعني بالواضح كدي
    غراق وخراب ديار
    والاتنين مابنرضاهن ليك

    قالو يالجندرية والله يكفينا شر قلنا و قالوا
    في يوم أربعات فرعون كان زي عرس جماعي
    بالنسبة للتماسيح
    فدغن في المصور ديل جنس فدغ نامن قالن كفى
    أها وكت يجي اليوم دا
    الناس بيختوا البحر تب
    بخافوا من التماسيح تعاودن الغرمة تاني
    وأحسن ليهم يبعدو من الشر ولايغنولو
    الزمن دا البشر مابنضمنو
    خليك من التماسيح!!
    أها
    معاكم
    والصباح رباح
    نورالهادي

    (عدل بواسطة nourelhadi awad on 02-14-2007, 11:20 PM)

                  

02-14-2007, 11:35 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: nourelhadi awad)








    انا زهجان و بس !!!!!
                  

02-15-2007, 00:06 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ممكن نزهج شوية ؟؟ .. ممكن ؟ (Re: Emad Abdulla)

    ربنا كريم
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de