|
|
|
 Re: مبروك الترقية .. سعادة لواءات الدفعة 45 شرطة (Re: محمد عبد الماجد الصايم)
|
ياعمدة .. اخبارك والعيال
اللواء اربعين تصلح تكون اسم سلاح او وحدة من وحدات
الشرطة ..لكن لواء فى عمر اربعين دا ماادونا ليهو ..عموما مبروك
لناس دفعتك ..وكدا عرفنا لينا درب واسطة ..
| Quote: - اللواء عصام الدين عبد المحمود |
عصام دا بتذكرو مقدم لو دا زول ا لهلالية ...
مابعرفو من قريب بس بعرفو يعنى ..
| |
 
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: محمد عبدالرحمن)
|
الوجيه الحبيب محمد ..
إزيك يا صاحبنا السمح .
و ياخي فعلا أخونا عصام الهلالية ..
بس مقدم دي كانت سنة حفروا البحر ..
هو قال رنت درستو في الثانوي حساب مثلثات ( أو نحو ذلك ) .
و بعدين واسطة بتاعت شنو ؟
أنا ياخي ضُقت الأمرين عشان بطاقة شخصية ..
شفت بالله البواليس ديل ؟؟
ثم إنهم ياخي في الأربعينات ( ما عدا عمنا اللواء محمد حسب الرسول .. ده جانا و عندو ماكينة حلاقة ناسيت أبو تمساح ) ..
أنا طبعاً في أواخر التلاتينات زي ما إنت عارف ..
لكن أهو بنكابر ( أعمامنا ) ديل .
شكرا يا الحبيب
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: Emad Abdulla)
|
يا عمنا ما مشكلة كنت اصغر زول ولا اكبر زول
Quote: - اللواء أحمد محمد السيد مكاوي
- اللواء إبراهيم عثمان
- اللواء علي سليمان تكنة
- اللواء حيدر حسن طه
- اللواء سعد الدين إدريس
- اللواء علي عبدالمنعم نديم
- اللواء تاج السر عباس
- اللواء عبدالقادر شرف
- اللواء عبد القادر أحمد عبد الرحيم
- اللواء موسى محمد محمود
- اللواء أيوب جامع
- اللواء عادل خوجلي الجاك
- اللواء عبدالرحمن الطيب النوراني
- اللواء أبوبكر سليمان فضل الله
- اللواء عصام الدين عبد المحمود
|
ناقصهم فريق ويعملوا مجلس قيادة ثورة
مبروكين والله
شايفك في الفيس بوك عجاجك في السماء
مشتاقين يا مواطن
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: esam gabralla)
|
وقال الديامي : أموت ركن
أصلآ الوحوحة بتاعت أحيي انا دي ما بتليق بديامي حقيقي
نحن بتاعين الموت والإستشهاد
وزولنا ده لو عمل زي مابيعمل أخوانو الديامة
وركز
كان اليوم هنيناهو بالرتبة الرفيعة
وإمكن سلفقة ساكت يكون فريق أول
أصلو الرتبة دي الديامة متعودين عليها
زي الفريق اول عباس مدني
والفريق عوض خوجلي
والفريق عمر جعفر
مبروك يا شاويش
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: أبو ساندرا)
|
بركوتة حلاوة شوته ..
( علّ العينين صبحن طيبين ) أو كما قال ..
أبوبكر سليمان فضل الله .. إترقى لرتبة اللواء ..
و أبوبكر هو ود الديم الأصيل , أخو أستاذنا و معلمنا الجميل محمد سليمان الذي ندين له بالكثير و الكثير ..
و برضو أخو الرجل الفنان اللذيذ صاحب الصوت البديع و الذاكرة و الذائقة الفنية الراقية و الصوت الأحلى أحمد سليمان .
بكري ده دفعتي في الديم شرق الإبتدائية و الإتحاد المتوسطة و الخرطوم الجديدة و في البوليس ..
أنا و بكري و عبد العزيز اب شيبة الدخلنا الشرطة من الخرطوم الجديدة .
بكري الآن من أكفأ الضباط إنضباطاً و تميز . و اب شيبة من خيرة الكفاءات الادارية و القانونية .
التحية لصديقي الجميلين من الزمن الجميل اللواء بكري سليمان و الاستاذ اب شيبة .
أها اولاد عمك سليمان ديل هم أولاد الديم الصحي صحي مش ( كلا بلا يا حلوة يا جميلة ) زيك .
و وحاة خوتك البيش العبد لله كان في أعمال الميدان و البيادة صاقعة بس .. بوليس جد جد .
و لو كنت لميت فيك كان أديتك واحد هرشمبو خليت بنطلونك عبد الواحد داك ينملص منك .
دحين يا أيها الزميل الفارَة ( ود الناجي بيقول : الفارَه عدو نفسو ) ..
حكاية موت و استشهاد و اليقظة الحذر دي تقولها لي زول ما إندو هديدة ..
و شغل الديم الجد إنت ما ناقشو نعم إنك زول مسغف و منظراتي و أفندي ساكن الديم ..
فكدي أديها صنة .
هسه أقوم أجُرّ المِتر ؟؟
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: esam gabralla)
|
عزيزي القاريء ( الحقوق الأدبية لبشاشا ) ..
تاني نقول : عزيزي القاريء ..
الأعور و الراوي أعلاه ناس ساكت .
( التجاهل .. التجاهل .. هم ما أتوا لحوار ، و لكن لأجندة خاصة بهم .. التجاهل ) .
.......
قال الشاعر للأعور و الراوية :
( خسِئتَ فأنت ككويه ... و سحلية ، و ضبٌّ رُشّ بالمويه ) .
و مشي خلاهم في غيهم يعمهون .
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: طه القرشي)
|
يا سعادتو عماد
ألف مبروك لدفعتك .. يستاهلوا
والعقبى للبقيه منهم
ومبروك لكل من شملتهم الترقيات الأخيره
...........
ياسعادتوعماد .. شكلك كدا أصغر واحد فيهم .. يعنى فى الثلاثينيات كده !
.........
رايك شنو فى كسير التلج دا ...
مامعروف الظروف .. يمكن الحكايه دى تتلخبت تانى ونرجع كلنا البوليس
أحسن الواحد يعمل ليهو ضهر ......
...............
أخوك بالمعاش .. أسامه على
الدفعه 54
يعنى برضو تسعه
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: أسامه الكرور)
|
سلامات سعادة اللواء عماد عبدالله , نحن أصلا ما شغالين بأقدمية الجبهة
عشان كدة أى كمندان فى المعاش نعامله معاملة الذين فى الخدمة ونقوم بواجب
احترام الرتبة والأقدمية كما ينبغى , وزى ما قال أسامة الدنيا مى معروفة .
أتقدم للسادة الكرام الدفعة 45 بأطيب التهانى بمناسبة الترفيع لرتبة اللواء , ويقينى
أن الشرطة موعودة بقيادات شابة ومميزة تختزن تجارب ثرة فى شتى ضروب العمل
الشرطى , وقطعا سينعكس ذلك ايجابا على مسيرة الشرطة وآداءها الذى سيتطور كثيرا
بفضل هذه الكوكبة المميزة التى تم ترفيعها , مزيد من الترقى ان شاء الله , وحظا أوفر
للبقية .
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: سيف النصر محي الدين محمد أحمد)
|
تصور يا عماد لو كل "اللواءات" زيك !
تصور يكونوا شبهك ، وتصور إنو شرطتنا وجيشنا يكونوا حته مننا،
همهم فينا ، وهاجسهم حمايتنا والزود عن كرامتنا قدام أي بطش
أو عدوان يمس حياتنا .
تصور كيف يكون الحال !
ما كان هيكون في مناضلين ، كانوا هم الهيكونوا المناضلين ، وكنا
سنتفرغ للقمة عيشنا بهدوء وطيب خاطر وهداوة بال .
لعنة الله على الدنيا التي فرقت بين طبقات الشعب وفئاته العاملة .
لعنة الله على أسباب الوحشة والإغتراب وأنت في وطنك .
لعنة الله يا عماد على من تسبب في هذا السفر .
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: طلال عفيفي)
|
Quote: - اللواء أحمد محمد السيد مكاوي
- اللواء إبراهيم عثمان
- اللواء علي سليمان تكنة
- اللواء حيدر حسن طه
- اللواء سعد الدين إدريس
- اللواء علي عبدالمنعم نديم
- اللواء تاج السر عباس
- اللواء عبدالقادر شرف
- اللواء عبد القادر أحمد عبد الرحيم
- اللواء موسى محمد محمود
- اللواء أيوب جامع
- اللواء عادل خوجلي الجاك
- اللواء عبدالرحمن الطيب النوراني
- اللواء أبوبكر سليمان فضل الله
- اللواء عصام الدين عبد المحمود
سعادة اللواء عمدة تشكر على هذه الاخبار السارة وتهانينا الحارة لكل الزملاء
اعلاه وعقبال الفريق شرطة فى سودان موحد تسوده ديمقراطية حقيقية .
ويتهيا لى ياعمدة ان هؤلاء ماتبقى من الدقعة 45 لان هنالك من سبقهم لهذه الترقية
امثال الاخ طه جلال الدين وبابكر احمد الحسين و غيرهم عموما شكرا لك مرة اخرى
وماتنسى تسجل قيد فى دفتر احوال ضابط الشرطة المناوب وحتجد فيه مايسرك من ابداعات
دفعتك الرقيق النور يوسف .
على جويلى
الدفعة 46
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: على جويلى)
|
| Quote: تصور يا عماد لو كل "اللواءات" زيك ! |
لو كل اللواءات زى عماد ياطلال بتكون (بموية وكملت ) .
تشكيل ورسم وقصايد ونصوص وفى (الحته دى ) لما
قيامتنا تقوم ..صراحة انا ماعارف عماد دا ذاتو الدخلو بهناك
شنو ..ودخل كلية الفنون متين ؟..ولاحظ بعد داك ا شتغل فى الصحف
ومن ثم هاجر الى السعودية وهاجر مرة اخرى الى قطر وعاد ا لى السودان
دى بتمرق ليها فى كم وخمسين سنة ...
لكن عموما عماد دا لو مااستقال تفنيشو كان مسالة وقت ..
الحكاية ضبط وربط مافيها اى مجال (للحته دى ) ,..
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: محمد عبد الماجد الصايم)
|
الف مبروك الترقية لاصحابك ورفقاء {سلاحك} ياعماد, تتهنأ يا اخوى برفقتهم انشاءالله...
واهديك واياهم وتلك البوليصة المكربة - دفعتكم ال 45 الخربشات دى..
شاءت لىّ الظروف ان اجلس امام – بوليصة- نمساوية..
لابسه بلدى, فى مبنى لايبدو انه يخص البوليس..
المكتب خاص بمحاربة الاتجار بالبشر..
قلت للمديرة حين تقرر ان ارافق احدى ضحايا الاتجار بالنساء الى بوليس مكافحة هذه الجريمة التى لايقبلها منطق الانسانية السوى...
عبرت عن خوفى من -البواليص- كركبت كوامر الاحتياطى المركزى..
الكرابيج والدبابات والبوت..
آمنت بالله, آمانة الليلة ماقعت وماسميت... المعايش, نعمل شنو. اوكى..
بوليس ضخم يفتح الباب
وتمثال لبوليس آخر عند المدخل..
- ياربى لا تمحنا لا تبلينا- حسع لو قام كدى ولطشنى بيدو الغليطة دى؟
ويخبتنى ليه؟ اصلو بوليس من عندينا....
ومالهم يايمة بواليصنا..
جلسنا فى غرفة مزينة بالزهور والورد فى انتظار التحقيق مع الضحية..
ثم جاءت..
بوليصة, بس بوليصتك اوارا ديك.. بتاعة الدفعة 45, اللى سيحت زيت قلب زول اخونا...
مشدود الجسم, تقف بشكل رياضى,
حيتنى بابتسامة حقيقية..
قدمت لىّ عرض قهوة, شاى او موية..
قلت لها كترى من الموية, فالتحقيق فى مثل هذه القضايا يحتاج الى ساعات طويلة..
قالتها لىّ حين مرت خمسة ساعات متواصلة من التحقيق حول – مافيا الجسد-
فى فترة الراحة التى ماتجاوزت العشرة دقائق, هكذا تتلبسها صرامة البواليص..
حكينا عن العمل والحياة, السياسة ثم قضايا الاندماج والمهاجرين..
حكتنى ان ابنها ذات التسعة اعوام مظلوم, اذ انه يراها لماما, وان والده تفرغ واخذ اجازة الولادة..
عاينت لبطنها, حسع دى بطن زولة ولدت, مخير الله على بطون مديدة الحلبة..
---
--
-
مظاهرات..
هراوات..
انقلابات..
و....
البوليص....
البوليص جارنا... وقعن البنات فى تلابيبه..
ورمقته بطرف شوق مراهقة خريفئذ..
حفظت زمان رجوعه المتزامن مع عودة الراعى, يسوق امامه اغنام اعتشبت معدتها وتصحرت البلدات خلف المدينة..
قال لىّ فى رسالته الثالثة انه قدم لببت فى اشلاك كوستى وانه قريبا {سوف يهدينى دبلة الحب والخطوبة}
عينيه كانت المطر اللى بيرقد كتاحة غنم الراعى..
مرت سنوات, وانتهت القصة..
انتهت اثر مظاهرة كنت ضمن – من هتفن فيها-
يابوليس ماهيتك كم ورطل السكر بقى بى كم..
كان حبيبى- البوليص- فى وردية تفريق اعمال - الشغب- التى عمت المدينة..
وحبيبته اللى شبت عن الطوق وتمرددت على حلم بيت الاشلاك فى المقدمة..
وقف بين نارين..
يفرغ البمبان فينا.. ويبكينى وهو اللى كان داخرينى لفرح عيونو ..
وقف مترددا, لن انسى رجفة ذقنه الحاد وحديث عينيه وانا اواصل فى هتافى مع البنات والاولاد..
ناول بنت الجيران رسالة – مزينه بخطه الانيق واسلوبة الحلو.. البواليص- فيهم واحدين لازما توحد الله معاهم, وتتشهد وتموت مرة وتحيا عشرة مرات..
المهم, رسالة يعاتبنى فيها..
واحساسه بالجرح, كيف يعنى ماهيتى كم..
ما حا اخليكى تحتاجى لحاجة, بس حاولى كملى العالى ونعرس..
بس عاوزكى تعرفى, احتمال يرفدونى من الشغل...وكلو بسببك..
ماقدرت افرغ فيكم البنبان... كل شىء والا دموعك..
لكن حا سافر الحجاز وبشتغل وبجىء راجع فى خلال سنة ونكمل العديلة..
وسافر البوليص- البوليص الذى احببت مراهقتئيذ..
قامت كدى حكايات الوعى تفجرت فى البنية اللى كانت صغيرة..
وقالت لاّ, حسع عرس ماكو..
سنة,,
وانتظار اخرى..
ورابعة..
ياود الناس عرس, انا زولة قراية ومازولة عرس..
وشتتنا..
عرس بنية من بلد حمر – قال لىّ بعد سنوات حين التقينا, ان فيها شىء منى..
غايتو الرجال ديل بتاعين دلييييب بشكل - خاصة لمن يكون بوليص,,- قالت صديقتى الممغوصة منهم...
البوليصة النمساوية تضرب المنضدة بيدها..
يالنبى نوح, حسع اليد دى متين تحولت لمسطرينة؟
حين عرفت انه من الصعب العثور على الهارب بسرعة كما توقعت..
بت لذينا ومكربة..
كل شىء فيها مشدود..
حتى وجهها,
بتضحك, وبتاكل فول مدمس.وتنفجخ مع كل مضغة نونتها...
لازم نتلاقى تانى يا اشراكة, شركى وحاحى يالسمحة, اسمى معجون فى سماحتك دى
لمن بقى سمح, وحاة الله بشوفك اللى جهجهتو اوارا البوليصة الاّ يجن ويسرح بالجبال..
منو اوارا..
وعدتها ان احكى لها حين نلتقى على فنجان قهوة فى مقهى بعيدا عن مكاتب البواليص...{ وترجمت ليها اورا البوليسه الشديدة ولضيضة, بس اوعى تكون بتأكل مديدة حلبة؟}
حتى البوليس اللى فتح الباب- عنتر بواليص- هذه البلاد ابتسم وهو يشدّ على يدى..
Auf wiedersehen Frau Doktor......
-----------
مصدر الصورة: http://shop.ebay.at/items/_W0QQ_nkwZpolizeiQ20kostuemQQ...mrsZ1QQ_fromZQQ_mdoZ
التعديل عشان مع السلامة اللى لصقتها وكأنها لغة امى- مخير الله عليك ياجوتة, يا ابن عم جدى فى الحياة
(عدل بواسطة Ishraga Mustafa on 04-15-2009, 06:02 PM)
(عدل بواسطة Ishraga Mustafa on 04-15-2009, 08:59 PM)
| |
|
|
|
|
|
|
|
|
|
Re: مبروك الترقية .. سعادة لواءات الدفعة 45 شرطة (Re: ashraf mukhtar)
|
محاسن نفسها تعرف
Quote: يا سعاتك بس نفسى اعرف ناس الكلية فكوك عكس الهوى ولا إنته هربته
وسمعته من احد المقرضين قالو كنته بتهرب باليل بعد التمام وتمشى سينما النيل الازرق
ويوم الخميس الزوقه للديم وفى مـره قالو غلبك تجى راجع ,وكنه بتغنى فى الحالتين انا الضايع |
سؤالك في السلك يا محاسن احمد
العارفو انا ان قاصمة الظهر كانت في الكلية ذاتها
ويقال انهم جلبوا المعينات من الديم
لكن الاحتمال الارجح انها وارد بري ابوحشيش
خاصة وانها قريبة من الكلية ، فركة كعب بس
| |
|
|
|
|
|
|
| |
Emad Abdulla
محمد عبد الماجد الصايم
Yassir Tayfour
محمد عبدالرحمن
GamarBoBa
Gazaloat
أبو ساندرا
معاذ حسن
محمد ميرغني حسين
أسامه الكرور
علاء الدين حيموره
ASHRAF TAHA
Ali Sirelkhatim
ياسر عبدالكريم محمد
Rawia
ريهان الريح الشاذلي
خضر حسين خليل
طلال عفيفي
على جويلى
إسماعيل التاج
Ishraga Mustafa
الطيب بشير
عمر عثمان
محاسن أحمد محمد
ibrahim kojan
ashraf mukhtar
فيس بوك
تويتر
انستقرام
يوتيوب
بنتيريست