صباح الخير .. مدينة البط

مرحبا Guest
اخر زيارك لك: 03-29-2024, 01:31 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عماد عبد الله (Emad Abdulla)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-29-2007, 08:36 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
صباح الخير .. مدينة البط



    تنق تنق تنق تنق - وقفة - تنق تنق تنتق تنتق - وقفة تانية - بعدين .. تنققققققققققققق :
    السادسة صباحا في مدينة البط ..
    أسعد الله اوقاتكم أيها البط .
    موجز الأنباء يقرأه عليكم ميكي ماوس , و نستهله بأنباءنا الداخلية ..
    طريق المدينة الرئيسة مع الطريق الدولي الكبير مغلقة اليوم أمام حركة الهايس و الأمجاد , و أي حاجة ماشة على كفرات , و ذلك بين الجادة السابعة و حتى التمنمية ستة و تسعين . يسري ذلك الإغلاق إعتباراً من الساعة الثامنة صباحا و إلى حين ميسرة , و ذلك لمرور موكب عمدة المدينة ( عبقرينو ) في طريقه لمعاينة و متاوقة أراضٍ جديدة إكتشفها و جرّفها جنب البحر الشمالي سعادة مستشار العمدة للشؤون الهندسية السيد ( دنجل ) و الشهير بجُمبلُغ . هذا و كان السيد ( دنجل ) قد صرح عقب احتفال منحه نوط الجدادة من الدرجة الأولى إلى الميتين و طلطاشر , صرح سيادته حالفاً بالطلاق بأن تلك الاراضي كانت شاغرة قبل العام 2143 ق . م , و أنها كانت تعود إلى حيكومة أجدادنا القدماء في العصر العكليتي الرابع , و قد تم التأكد من تلك المعلومة التاريخية بالرجوع إلى دار الوثايق البطية , و بإشراف مباشر من العلامة النحرير البروف ( فرفور ) و فريقٌ من الخبراء البط و شوية مستشارين ما بطالين . و الذي بدوره أثبت أن مافي التباس كلو كلو في خصوص عودة ملكيتها إلى الحيكومة الحالية لضيعة البط , و ذلك بالوراثة أو وضع اليد . حيث أنها - قطع شك - حكرٌ حكوميٌ مليون في المية . و أن على المواطنين الذين تضرروا من قرار " شتتو " العبقرينوي الرشيد , عليهم اللجوء إلى القضاء برئاسة مستشار العمدة لشؤون القلع و البلع و اللبع مولانا الحكيم ( بندق ) , و ان السلطات ما عندها أي شغلة برفات و عضيمات المراحيم أقرباء السكان , و المتوفين أصلاً من غير تصديق لهم بالوفاة و كمان في حتة ما حقتهم . لذلك فإنه و بالتعاون مع مستشار العمدة للشؤون الداخلية سيادة ( المفتش سرور ) قامت قوات ( عصابة القناع الأسود ) بإخلاء الحتة ديك من الغابة لغاية الصحراء داير ما يدور , و دحرت المفرفرين من المارقين و الخونة , و دفرتهم غادي غادي .
    مزيد من التفاصيل مع مراسلنا من هناك ( بطوط ) .. تفضّل بطوط :

    شكرا ميكي .. صباح الخير أيها البط ..
    في غمرة أفراح البلاد ببطها و بطيطها بهذا الحدث التاريخي , تتضارب آراء المراقبين حول الجدوى الإقتصادية لهذا الفتح التمنوي الكبير , لكن الشاهد أنه تم تعويض شوية المواطنين الهناك و مكافأتهم بعمل واحد مقابر تشطيب ديلوكس للذين قرروا دعمه , و أن هذا المشروع قد باركه سعادة العمدة ( عبقرينو ) متبرعا بكافة أعمال القبور و أولاد اللحد و الشواهد التمام التمام , و انه أفتتح لذلك من حر ماله مصنعا مختصاً بإنتاج الطينة التي سيتوسدها المواطنون الصالحون الميتون , وهي طينة مافي زيها نهائي من حيث مطابقتها لأقصى شروط الجودة , هذا و قد إفتتح ذلك المصنع لقدام شوية من الشلال الرابع , حيث أن تلك البقعة تتوافر فيها أحسن المواد الأولية الفرناغة اللازمة , من بعد أن قامت السلطات بزح السكان لفوق شووووية كده ناحية الخلا , و أطلق عليه ( مصنع المبشبشة قلوبهم ) للطوب الميت . هذا , و من ناحية أخرى فإن الطوبة تنتجها مجموعة دهب " القابضة " , و الطوبة الوطنية تتمتع مافي شك بمزايا تنافسية تضعها في مصاف رصيفاتها العالمية , و تنافس المستورد عديل كده .
    من جهة أخرى فقد قد صرح لنا مدير المشاريع في مجموعة دهب القابضة أن المشروع سيوفر فرصاً للعمل .. كده ( و أشار بأصابعه في حركة " أصبروا لي " ) .
    هذا و من ناحية أخرى أفادت مصادرنا الموثوقة , بأنه من المقررأن تقام على تلك الأرض الماحقت زول مصانع لبسكويت العيسكريم أبو قرقور , و لساتك للباسات الداخلية ماركة " إستك منو و فيهو " و عدد آخر من مصانع مناديل الورق ذات العلامة الشهيرة " أبو مخاته " و مصانع تانية كويسة خالص خالص , و تعود ملكية تلك المشروعات التمنوية بربطة المعلم لرجل البر و الإحسان ( العم دهب ) . و الذي بدوره صرح لمندوبنا بأن المنتجات لتلك المشروعات المُعلاقة سيكون في متناول يد المستهلك , ثم استدرك سعادته بأنه قرر و بالذات عشان حكاية " متناول " دي أن يفتتح مصنعا لمناولة المناديل فور خروجها من خط الإنتاج , و ذلك حتى يتمكن المستهلك من التناول الصحيح و مسح مخاخيتهو بأفضل ما يمكن و بدون قرف و لغوسة بعد إلقاء العمدة لخطابه التاريخي حق كل مرة . كذلك و على صعيدٍ متصل فإنه سيقام مصنع سغيروني منبثق عن مصنع اللستك القبيل , و ذلك " لحلحلة " إشكالات المواطنين الذين يعانون من نصول سراويلهم لضعف البنية التحتية , أو أي حاجة تانية .. يا كمان الحاجتين معاً .
    هذا و قد نما إلى علم المصادر أن هناك جائزة رصدت لأطول " صفقة " من ضربة واحدة بس , سينالها سعيد الحظ من المواطنين الذين سيصطفون مرغمين للتلويح لموكب العمدة , و ان سيادته مركّب آلة ممتازة شديد تشتغل بالقمر الصناعي مخصوص لرصد تلك الصفقة . و ان تلك الآلة مصنعة في الخارج خصيصا لهذا الحدث , و أن المجموعة الممولة و المنتجة للمشروع هي مجموعة ( راصدون صافقون ) لصاحبتها سيدة الأعمال الشهيرة ( زيزي ) صاحبة ملاهي " أسألني دبُل " الدولية .
    بطوط المزعوط يحييكم من امام منصة الإحتفال .. مدينة البط , بطووووووووووو .

    شكراً لك مراسلنا بطوط ..
    السادسة و أربعة عشر دقيقة بتوقيت مدينة البط الجميلة ..
    ميكي ماوس يحييكم ..


    عيد إستقلال مجيد أيها البط ..
    عليّ الطلاق مجيد .

    كواك كواك كواك ..


    (عدل بواسطة Emad Abdulla on 12-30-2007, 01:08 PM)

                  

12-29-2007, 08:39 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    Quote: كواك كواك كواك

    عمدة قلم شاهق ومدهش
    وحبابنا في مدينة البط
                  

12-29-2007, 08:50 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: عبدالكريم الامين احمد)



    Quote: وحبابنا في مدينة البط
    يا كريم ..
    شغّل ختراتك و إتخارج ..
    الدنيا يا معروفة يا صاحبي .

                  

12-29-2007, 08:57 PM

Muna Khugali
<aMuna Khugali
تاريخ التسجيل: 11-27-2004
مجموع المشاركات: 22503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    يصح منك يا عمده تناديني الجده بطه؟؟
    صبرا عليا..
    ساصنع الكعك ولن اعطيك منه في عيد استقلال مدينة البط...

    وكل سنه وانت طيب واليوم نرفع راية "استغلالنا"
                  

12-29-2007, 09:06 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Muna Khugali)


    Quote: صبرا عليا..
    منى الحبوبة ..
    أنا مدعوم بمليشيات ( سوسو و لولو و توتو ) ..
    و هي على أهبة الإستعداد لأي كعكة تتحاوم في ظل الأحكام العرفية بهنا و للا هنا ..
    نقول عيدك سعيد يا منى ..
    و شغلي لينا ختراتك لو مسحتي ..
    حاضر ؟؟



    اليوم نرفع راية استغلالنا ..
    في أي سؤال ؟؟؟


                  

12-29-2007, 09:07 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Muna Khugali)



    كواك كواك كواك ..
    باك باك باك .. بببكااااك


    ولا كلمة ..
    مفهوم ؟؟!!



    (عدل بواسطة Emad Abdulla on 12-29-2007, 09:11 PM)

                  

12-29-2007, 09:41 PM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    .. بدون نونا
    و سونيا ..
    مدينة البط كوم تراب
    كواك كواك كواك ..
    باك باك باك .. بببكااااك

    عيد إستقلال مجيد
    عليّ الطلاق مجيدأكبر زاده
                  

12-29-2007, 10:00 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: اسعد الريفى)


    أسعد ياخي شغّل ختراتك اول ..
    دي واحدة .
    إتنين ..
    " نونا " لقوها بتبيع شاي .. كشوها بتهمة التخابر ..
    " سونيا " مشلولة بعيد عنك و بتمارضا " كوكا " ..
    نعم إنو " كوكا " زاتا في غضب الله
    حمانا الله عندها طرزان في الشطر الأيمن جراء بروميتات البوتاسيوم .
    قلعوهو ليها و ظبطو ليها محلو أسفلت ..
    مش الأسفلت مجان في مدينة البط , و يليسوهو في أي حتة ؟؟
    منظرو كويس ياخ ..




    ما تنسى لينا الخترات بالله يا أسعد ..
    شغّلهم .


                  

12-29-2007, 10:29 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    ]كواك كواك كواك ..
    باك باك باك .. بببكااااك


    هو نحنا استقلينا من شنو ولشنو؟
    والله يكفينا شر الاستغلال ياود امى


    معليش ما اخدت بالى من

    Quote: ولا كلمة ..
    مفهوم ؟؟!!


    مفهوم جدا....
                  

12-30-2007, 10:49 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Ishraga Mustafa)


    Quote: هو نحنا استقلينا من شنو ولشنو؟
    لشنو ؟؟


                  

12-30-2007, 12:04 PM

حاتم الياس
<aحاتم الياس
تاريخ التسجيل: 08-25-2004
مجموع المشاركات: 1981

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    قصة جميلة كالعادة دائماً..

    لكن خامتها (المدينية) و(الحضرية) واضحة فى أستعارتها من ذاكرة طفولة كان لها شغف بمجلات والت ديزنى..وكلنا كنا ذلك الطفل الذى يقف أمام المكتبة كل يوم أحد أو سبت لاأذكر فى أنتظار (ميكى) و(سوبر ميكى)..لكن ياعماد لو فى ناقد أدبى حصيف من ناس المركز والهامش ديل خرج من ربقة السياسوى الضيق جداً وجانا بى باب الجمالى وتقسيم المعرفة والمتعة والقراءة لأطفال السودان فى هذا الجانب الذى سطع عندك أدباً وجمالاً وأخفى ذاكرة الأجتماعى المدينى بجهجهنا كلنا..

    على العموم كنت أحب ذلك الكسول (لوز) فى مزرعة الجدة بطه..

    المهم عايزين نستاذنك تدينا فرقة (نقد) فى بوست منفصل أحاول هذه الأيام أن أجرب النقد الأدبى وننشد عونك.
                  

12-30-2007, 01:34 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: حاتم الياس)


    حاتم يا فقر ..

    عارف , انا ود المدينة المنكوبة دي و مولود في واحد من أعرق و أفقر أحياؤها .. و يطلق عليّ صنفنا من البني آدمين مجازاً : مدينيين .
    أحياء المدينة يا صاحبي البعيدة عن مركزها - و المراكز خشم بيوت - هي كانتونات للفقر شديدة الكثافة به و بآي المظالم من تالاها لتالاها .
    أظن - و بعضه إثم - أن الهامش ليس فقط جغرافيا ولا جهوياً أو عرقياً ..
    الهامش في تقديري فئوي ( يخضع لشروط ملبكات و متقاطعة ) ..
    أساكن هم الهامش المحجوبة عنه الشمس و رحمات الله .. لأنني منه .
    أكتب بلسان مديني , بحمولات ذاكرته و ثقافته و بلاويهو ..
    فهو ما عندي .
    و أحاول جاهدا أن أن أخرج من الخاص للعام ..
    جاهداً يا حاتم أفعل ذلك .
    لست كاتبا محترفا .. و انت تعلم ..
    فقط أحاول تنفيساً لأفكاري ..
    فإن ظبطت خير و بركة ..
    و إن لم تظبط , فأقله أكون قد إنفشيت و ارتحت من الشيلة .
    ...
    أنا كنت أحب الكلب بلوتو .

    في انتظار كتاباتك النقدية ..
    عيدك سعيد يا حاتم ..

    مودتي .

                  

12-30-2007, 02:46 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    Quote: لشنو ؟؟


    عشان زمان رفعوا شعار {هذا اوان التحرير وليس التعمير}

    وماعرفوا ان الاثنين وجهين لعملة كرامة الانسان فى بلدنا

    والسؤال ببقى ياربى تحررنا؟
    ولانو مافى تعمير مخطط وواضح بيبقى لسه ماتحررنا

    Quote: لست كاتبا محترفا .. و انت تعلم ..
    فقط أحاول تنفيساً لأفكاري ..
    فإن ظبطت خير و بركة ..
    و إن لم تظبط , فأقله أكون قد إنفشيت و ارتحت من الشيلة .


    لو كنت من اولى الأمر لاستفدت من كل فكرة يطرحها العديد من الناس.. اغلبهم بيقولوا زى كلامك الفوق ده
    لكنت حولتها الى فعل، فعل ينفس بالونة الكذب السياسى الغير فاعل...

    تنتخبونى رئيسة قادمة؟ّّ! انشاءالله لمملكة البط


    كل سنة وانت طيب
                  

12-30-2007, 04:55 PM

حاتم الياس
<aحاتم الياس
تاريخ التسجيل: 08-25-2004
مجموع المشاركات: 1981

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Ishraga Mustafa)

    يأشراقة أتفق معك...

    والمشكلة ياعماد فى الزيك ده..تتقاطعه مواهب عديدة وملكات أبداعية تتقافز من مثل الأرانب من جراب الحاوى...رسم شعر كتابة نثرية كتابة سياسية..وتظن أن الهوية الأبداعية لك تحتاج للون واحد لذا تخفض بعضها عمداً وقسراً لكى يتمكن أخر من الخروج..تسمى بعضها حرفتك وبعضها هوايتك وبعضها (مهابشة) ساى..وكلها تنتمى مجموعة بالأصالة لوحدة أبداعية لاتنفصل داخلك..فيا



    يازول ها... لاتخطئ فى تفسير التواضع








    ومازلت أنتظر بوست خاص منك عن ...الزواوى الكاركتريست الليبى
                  

12-30-2007, 07:09 PM

Najlaa El Mahi

تاريخ التسجيل: 07-17-2007
مجموع المشاركات: 434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: حاتم الياس)

    تكتكتكتكتكتكتكتك ختر شغال تمام

    شغلنا الخترات

    Quote: كواك كواك كواك ..
    باك باك باك .. بببكااااك


    ولا كلمة ..
    مفهوم ؟؟!!



    ما مفهوم كواااااااااااااااااااك كاك
                  

01-01-2008, 02:07 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Najlaa El Mahi)



    يا نجلاء ..
    تخرقين اللائحة و القانون بالكوااااااكات الكتيرة ..
    صمتاً بالله لحين صدور تنوير آخر ..
    حوّل .

    تكتكي الخترات و أركني جنب الحيطة يا مواطنة يا بطة ..
    غيرك راكنين و طافين المكنة كمان ..
    مواطنون طيبون مطيعون , منكسين الجبهة .


    هو كان ما ساي .. بط شنو كمان أب جبهة ده ؟؟؟!!


    عيدك سعيد يا مواطنة .

                  

12-30-2007, 08:32 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: حاتم الياس)



    Quote: لكى يتمكن أخر من الخروج
    أمسك قوي في حكاية الخروج دي ..
    الخروج دي هي رأس الحية .. و أس البلاوي .

    ثم الزواوي ده حكاية يا حاتم ياخ ..
    لسه مسحور بيهو من يوم عرفتو في اوائل الثمانينات ..
    و يمكن إتداخل في تكنيك رسمي للكاريكاتير في فترة الديمقراطية التالتة ..
    و لسه هو المعلم الكبير ..
    لا يقلل ذلك من قيمة العقد النضيد لعتاة الكاريكاتيريستز :
    صلاح الليثي .. ستافرو جبرا .. البهجوري .. إلخ .....
    لكن الزواوي كوم براهو ..

    شكرا يا حاتم على كلمات طيبة في حقي ..
    أريت ما ظنك يخيب .

    مودتي .

                  

01-01-2008, 01:59 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Ishraga Mustafa)



    Quote: لو كنت من اولى الأمر
    لكنك لستِ كذلك يا إشراقة ..
    أمرنا وليه الله .

    ساقطٌ بالفطرة يمين هذا البلد ..
    و ساقطٌ يساره بالتقادم ..
    و أكثر غوراً منهما البين بين .
    الشكية لله ..
    مرهقون الناس في انتظار الهمبلوق , و يائسون و حانقون .

    في الشمالية يسمون التمر بأسماء عجيبة ..
    أسوأ أنواع التمر هو " الكشوش " .. و تعلف به الماشية ..
    من ننتظرهم يعلفوننا الكشوش يا صديقتي
    Quote: الكذب السياسى الغير فاعل
    محبتي و الشكر على الدعم و المؤازرة لأخوتنا في الحضيض : البط .

                  

12-30-2007, 07:28 PM

دينا خالد
<aدينا خالد
تاريخ التسجيل: 06-26-2006
مجموع المشاركات: 8736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    عماد !!!
    Quote: تنق تنق تنق تنق - وقفة - تنق تنق تنتق تنتق - وقفة تانية - بعدين .. تنققققققققققققق


    Quote: كواك كواك كواك


    Quote: .. مدينة البط , بطووووووووووو .


    يعنى مافى امل ؟؟؟؟؟؟؟؟ حالتك ماشه مستعصية ؟؟؟؟؟؟؟؟
    حسبى الله ونعم الوكيل !! ولكنا نسالك اللطف فيه!!

    معليش مشكلتنا انو البلد دى ما فيها عناية اللهيه !!
                  

12-30-2007, 07:50 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: دينا خالد)

    (معليش مشكلتنا انو البلد دى ما فيها عناية اللهيه !! )
    يا عماد
    دقيقة بس مع دينا وبجيك
    يا دينا اسالى مصطفى احمد الخليفة عن العناية الالهية
    دى عمل ليها حزب عديل ياخ
    انتى ما بتقرى عن الحزب الجمالى ؟
    يا زولة ؟

    اها يا عمدة
    ناس عم بطوط وعم دهب ديل من زمان مباريننا
    عارف فى المعهد العالى للموسيقى والمسرح
    كنا كل يوم خميس بنشترى مجلة ميكى
    تحديدا كنت بشتريها
    ولمن اجى المعهد (طبعا شنطتى سايبة ) اى زول بفتحا
    واول زول بفتحا قاسم نصر
    ويجيك طاير ازهرى عبد القادر
    والشكلة تدور فى المجلة
    ولمن طلعت ميكى جيب بقينا نشتريهم الاتنين
    اها
    لمن نقعد نتناقش حول الرسومات
    قاسم بقول وكتير جدا احيانا الحركة ما متناسقة مع الكلام
    ونقاش جميل تقول بناقش فى حاجة جادة
    لكنها بالجد افادت صديق الروح قاسم الهسى دى برسم فى اكبر المجلات فى استكهولم
    يعنى شوف الزول دا اتحول من الموسيقى للرسم ودى قصة طويلة
    المهم انك استطعت ان تقاسم العم بطوط والجدة بطة وعم دهب مملكة خاصة وحولتها لجمال مترف
    جمال يعبر عن حالنا الراهن
    يا لك يا صديقى من انسان يلمس القبح فيحيله جمالا
    لك كل الحب يا صديقى
                  

12-30-2007, 08:54 PM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    تنقش تنقش تنقش
    حضرنا والبط بط ياصاحبي


    من مدينة لا أثر للبط
    والـ.....



    إتصل ياااااااااخ
    وأنا سأحاول

    (عدل بواسطة خضر حسين خليل on 12-30-2007, 10:47 PM)

                  

12-31-2007, 09:38 PM

ibrahim kojan
<aibrahim kojan
تاريخ التسجيل: 03-29-2007
مجموع المشاركات: 1457

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: خضر حسين خليل)

    لا واغ .. واغ ولا يحزنون
    لا كاك.. ولا.... كاك...........
    ولا..

    قرر ابو الافكار في ثمانينات القرن المنصرم ان يزيل سوق الخضار ويعمل حوض لتربية الجداد لزوم العضه... واختلف معه في الرأي الثعلب المكار لانو كان عايز يعمل مصيده دوليه لصيد الخنازير الثلاثه وشوائهم علي مرأي ومسمع من البط!! واخيرا رسي الامر علي ان يبني الحوض والمصيده في المكان الانف الذكر والانف الذكر .. دي اتت من قاموس قوم انف الناقه وليس شدقها كما يدعي معظم اباطرة هذا الزمان؟؟المهم مرت الايام الطويله علي ابو الافكار واطاحوهو من حكم مدينة البط أو...أحيل للصالح العام ...ما فرقت..
    قبل سنين قليله اتي ابو افكار اخر وقرر ان يزيل احياء بكاملها ويهجر كل البط منها لانهم كانوا يتكاثرون بغير حساب او استئذان منه!!!!! وانهم يشربون البغو (مريسه بلديه من الدخن) وانهم يتبولون في مراحيط غير صحيه (حفر).. وانهم في موسم زراعة القمح تنبت الضفادع الضخمه وهي غذاء جيد للبط الذي يكرهه ...... ( قال له تم تم وهو معارض قديم لابو الافكار.. قال انك بهذه الطريقه سوف تقضي علي كل المدينه..لان الاحياء التي أزلتها هي متنفس للمدينه!!) وجد تم تم مقتولا في احدي الليالي.. ولم يعرف قبره احد حتي الان.!!

    المهم اقيمت مدن جديده وعمارات اصبحت من املاك دنجل وعم دهب وكل اغنياء المدينه....
    اما المهجرين من البط واشباههم فقد بني لهم دنجل كوخ واحد في اطراف المدينه وحائط كبير لزوم التبول علي جداره..

    ولا ضفادع ولا يحزنون..

    حاسي بيك يا عماد يا اخوي.. ملعونه ابوك يا ..

    والمجد للجن وكل سنه وانت طيب
    كوجان
                  

01-01-2008, 03:29 AM

محمد أحمد محمود

تاريخ التسجيل: 12-28-2007
مجموع المشاركات: 132

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

    ايوااا معانا كدا ؟!!!
    طقطقتو الشرينق وعاملين فته في حلتنا ومعاكم ناس تختخ والجماعة ديل
    وماتكلمونا، طوالي دي حركاتكم. بكره التمرين الا تجيبو كفر من ناس زكيه الزكيه...
    وبعدين ياخدر تمشي لناس آل سعود وتقعد تغني ظلموني خلي باسم ومحمد عبدو ينفعوك..
    محظوظ جدا... والله ياعمده لكن
                  

01-01-2008, 07:11 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: محمد أحمد محمود)

    شنو حكاية العربات المجنية ومولعة الخترات
    ياربي في شنو الليلة في مدينة البط ..
    كان بتحدث وحده وبصوت مسموع ذكر السنمبر مسود الوجه
    وهو يقود درجاته البخارية المرترته
    لالالا الحكاية دي فيها ان واخواتها ردد في سره
    في نفس اللحظة التي مرت فيها قرنتية سايقه ليها دفار
    ملوث بيئة مدينة البط ومدينة الأراانب ومدينة التمايسح
    ياقرنتيه صاح السيد سمبريةفي شنو
    لم ترد قرنتيةبل اشاحت بوجهها
    وطلعت يدها من النافذة وضمت اصابعها عدا واحد
    سمبرية قال بي صوت عالي
    قــلــيـلـة الأدب وطار ليك وراها وموترو طاااااح على الأرض
    الساعة القرب ليها لقى ليك اتنين بتاعين حركة مرفعينين
    شقوا بطن المنازل بأشروا للعربات والمواتر تجنب وفي نفس الوقت تشغل الختر
    اها سمبرية فرمل في الهوا
    لكن كان شافوه بتاعين الحركة المروريةوصاحوا بصوت واحد سمبرية طاييير ؟؟؟
    مش انت ممنوع من الطيران وقف هنا وشغل لينا الختر
    اها سمبرية عاين وراه مافهم ياتو ختر لكن في اللحظة ديك اتمنى لو بقى قرد
    ايوة قرد لانو القرد الوحيد الممكن اقيف واولع الختر
    وسابوليك الشارع المرفعينيين : انت مش ممنوع من الطيران
    ااااايييووه
    مش عارف انت مفروض تسوق موتر وفي المواتر فييسييا
    قصدك فيسبا
    لالا فييسييا
    ايوة
    عارف ليه ممنوع من الطيران
    عشان البطابيط الصغار لمن اكون طاير بي فوق بغنو لي
    السمبرية ام قدوم عيش ابوي متين بقوم
    وانت بتجابهم تقول شنو
    بقول بقوم باكر مع ال
    مع شنو
    مع العـ ـ
    مع شنوده مش اسقاط
    ما انا ماكملتها عشان تكون اسقاط
    ولع الختر
    اجيب موتر واقفو وراي
    ليه
    عشان اولع الختر
    سمبرية شاطرة
    جيب الموتر وولع الختر وجنب
    وبعد تجنب صحي لينا العلبه النايم ده عشان نطلع من الحلم السريالي ده ...!!
                  

01-01-2008, 07:31 AM

اسعد الريفى
<aاسعد الريفى
تاريخ التسجيل: 01-21-2007
مجموع المشاركات: 6925

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: Emad Abdulla)

                  

01-02-2008, 06:35 AM

محمد سنى دفع الله
<aمحمد سنى دفع الله
تاريخ التسجيل: 12-10-2005
مجموع المشاركات: 10986

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: صباح الخير .. مدينة البط (Re: اسعد الريفى)

    صحى الديك
    في مدينة البط
    لقى الناس صاحية
    من دغشا بدري
    لقى عمك دهب لافي حول الطريزة
    لمن حفر ليهو خندق دايري
    وبطوط ساكي محظوظ
    معناتو مدورينها من بدري
    وزيزي حلبت البقر مرتين
    وبلوتو وكوكو متناقرين
    وعصابة القناع الأسود
    دخلو السجن وطلعو
    ولولو وسوسو وتوتو
    اتوسخو واستحموا اجي تلاته مرات
    شال ديكنا بقجتو في ضهرو
    وقال : هو انا شغال شنو
    ديك على بط
    كلام يا بطبط كاككاك
    وده عندهم زي عوض دكام
    ومن يومه فارق الديك بلاد البط
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de