|
|
|
 Re: إستقياء الخلاص .. (Re: Emad Abdulla)
|
Quote: هأنت على الجسر .. عاريا و خفيفا .
جوفك و إياك أجوفين .. مُفرَغَين منك و من حَمْلِك ..
تقيأتَ تاريخ جسدك و ذاكرتك و جوانحك و عقلك ..
تقيأت حتى لآخر خطوٍ أوصلك منتصباً فوق الحافة الساكنة .. عارياً كأنما قد نُشِرتَ من توّك .
ثمة ريح خفيفة الآن .. ثمة أفقٍ و مرئيات .. و أنت .
مددت ساقيك منفرجتين إلى حدها و رأسك ملقىً للخلف بجفنين مواربين .. ذراعيك على امتدادها إلى جانبي جسدك المطمئن في نقاء عراءه و طـزاجته و جدّته .
الهواء اشتعل حراكاً .. و ابتردت نسيماته على حين فجاةٍ .. و التمعت للنهر صفحته , و الموج تحتك ارتطم صافقاً العلبة الخرسانية و اهتز الجسر ..
و أنت .. آذنتها صرخة من تجويف نقاءك الوليد :
آآآآآآآآآآآآآآآآآآآآآآآآآآآآآآآآآآآآآآآآآآي ي ي ي ي ي ي ي ي ي ..... |
هل رأيت شخصا يقرأفيتلاشي .....
هل رايتني اتولوي من حمي النصوص....
هل سمعت ان احدهم ..اراد ان يقرأ قصيده فيبتدرها ..
بسادتي اني اتقيأكم جميعا ولن اهدي قصبدتي هذي لاحد.. الا الكلب الذي يرقد هنال..او الملك فهد.. او حاجه كلتوم صاحبة العرقي
الممهور بحموضة احجار البطاريه؟؟
هل رايت يا عماد ان الاحباط اصبح اعظم من نفسه ومجرد ذكره نثقب وهج الضوء الذي لا ينفك ؟؟
هل .. هل ..
كتبت هذه المداخله وانا في حالة انتظار ..لشيئ قد لا يحدث..
لن اواسيك .. ولكني اعدك بان اقرأ هذا النص كلما ممرت بهذا المنبر ..
ياخ ..دينك... انا احتاج لعنايه مركزه..
بجيك راجع ياصديق ..
اتخيلك بعد هذا النص قد رحت في غيبوبه..
هنا يرقد عماد اتنمي ان تمروا بهدوء..
لك الحب الذي لا ينكسر
......
......
.......
| |
 
|
|
|
|
|
|
|
|
Re: إستقياء الخلاص .. (Re: ibrahim kojan)
|
تمنيت ن اكونك فى هذا النص
ان اكون من تحدثت عنه
ليس (0بقرف ) بل بصدق
من منا لايود ان تخرج كل هذه الوساوس عن جسده ؟
انتفض الجسد الان كدجاجة مذبوحة لغداء ما
انتفضت الروح
يا لمثل هذه الكتابة
ياخ
| |
|
|
|
|
|
|
|
|
|
Re: إستقياء الخلاص .. (Re: سلمى الشيخ سلامة)
|
| Quote: من منا لايود ان تخرج كل هذه الوساوس عن جسده ؟ |
ليتها يا سلمى ياخ ..
لكن , ستبقى هناك مشكلة ما ..
ماذا لو أصبحت كويساً حدّ أن مللت هذه " الكواسة " !!!
ماذا لو لم يكن الخلاص في ذاك السلام و تلك الكواسة ؟؟
كده كده الورطة متحمدنا يا سلمى ..
....
أريد لو أنام .
| |
|
|
|
|
|
|
|
|
|
Re: إستقياء الخلاص .. (Re: ibrahim kojan)
|
الأخ عماد ..
علمت سلفا أنك فنان فلم أعجب لمخيلتك التصويرية ..
ولكن أن تتراقص ريشة الحرف بين أصابعك وتصطف كلماتها فتشكلها بيسر كيف تشاء ..
في مشهد تراجيدي يستبطن نقدا لازعا لواقع معاش ..
فذاك عين ماقيل عنه ( الرسم بالحروف ) ..
مزية لا يلقاها إلا ذو حظ من الإبداع ..
سخرها بعد أن غرز همته في مواجع إنسان وطنه..
فتعهد هذا الفتح.
| |
|
|
|
|
|
|
|
|
|
Re: إستقياء الخلاص .. (Re: محمد على طه الملك)
|
ود الملك ..
قيلت طيب أريتك !..
ألا تظن أن كلنا واقعون تحت رحمة هذا السأم و القيد ؟
قال بروف ود الريح أنْ ثمة كائنات تلقي بأنفسها إلى البحر حين تضيق بها الوسيعة ..
و قد ضاقت يا محمد ..
و ضقنا بجلودنا الحابساتنا ..
أشكرك على الكلمات المؤنسة ..
و على حسن الظن الجميل .
و على انك تقرأ دون أن تسأم .
مودتي العميقة .
| |
|
|
|
|
|
|
|
|
|
Re: إستقياء الخلاص .. (Re: ibrahim kojan)
|
كوجان .. يا صاحبي الجميل ..
( فوق كم ؟ ) ظلت عبارة والدي الأثيرة ..
يلقيها كلما ساءه حال الأشياء ..
و كلما أعياه استيعاب الكوجنة التي بلا طائل .
ياخي فوق كم ؟؟
كل هذا الزعيق و المعامع و الكبسيبات .
أفكر لو أن لنا رؤوسأ برقبةٍ قلووظ كالبرغي ..
نحل رؤوسنا آخر الليل عن رقابنا فنغسلها جيداً ..
نحكها من الداخل و ندعكها من عوالق الوسخ و الخبوب و كدوب النهار ..
نتمّرها و نجليها فتعود جديدة و لامعة و طـازجة ..
نضعها على الطاولة قربنا و ننام , ثم في الصباح ندرعها ثانية و نغوص في بحر الحياة ..
فوق كم يا ابراهيم !!!
سأنتظرك اليوم .. و نلعن معا أبو سنسقيل ماذا ؟؟
أريد أن أتفشى يا صاحبي ..
فدعنا نفعلها .
محبتي
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
| Quote: بقيت زمناً و الجسر معلقاً من تحتك و خلفك .. و الظلمة من أمامك بحر . |
طفقت حينها الملم تفاصيل وجودي المتناثرة فوق اروقة الذاكرة.. والمبعثرة على مصاطب الزمن..
اجمع شظايا العمر المتطايرة... واتأبط سفر العذاب وابجديات الحزن...
تتجسد امامي الامال ثلوجا متجلدة في خلايا الروح... وتتسكع الاحلام على ارصفة البؤس...
وعندما ابصرت الظلمة من امامي بحر.... رحت اجمع منه زبد النقاء ليغسل اثار الوجع والقهر...
فأينما كان البحر.. كان هناك قليلٌ من رذاذ البدايات المحفورة فوق الشرايين..
فينجلي الصدأ وتشرق الحقيقة وتبعث الضمائر الميتة من جديد... فنستقي الخلاص...
كل الود يا عماد.
| |
|
|
|
|
|
|
|
|
|
Re: إستقياء الخلاص .. (Re: Rasha Hatim)
|
| Quote: أينما كان البحر.. كان هناك قليلٌ من رذاذ البدايات . |
مساء الخير يا رشا ..
لو أننا فقط نعرف أيها هي بدايات الرذاذ و أيها نهاياته !!
فالبحر دائرة ..
و الرذاذ أعمى البوصلة .. و حائر .
تكتبين بحزن يا رشا ..
ربما في الحزن جلاء الرؤية ..
ربما .
شكراً لعبورك الحلو .
مودتي ..
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
تعـرف
ولا
هو ليه تعرف مني اصلا؟؟
ما انت عارف براك مش
وما انت من غير ما تعرف مني عامل كده
طيب لمن تعرف مني ح تعمل فينا شنو يعني؟؟
يا خي بلاش معرفه وكده
وح اقول انو المعرفه قاتله جدا وخاصه لمن تكون مرتبطه باحداثيات اليومي (القاعدين ندفن راسنا منه)
اقول ليك
مـــا دايـر معاك ومع ســردك ده (السرد مصارين)ا.
يلا ..
| |
|
|
|
|
|
|
|
|
|
Re: إستقياء الخلاص .. (Re: فيصل عباس)
|
Quote: تعـرف
ولا
هو ليه تعرف مني اصلا؟؟
ما انت عارف براك مش
وما انت من غير ما تعرف مني عامل كده
طيب لمن تعرف مني ح تعمل فينا شنو يعني؟؟
يا خي بلاش معرفه وكده
وح اقول انو المعرفه قاتله جدا وخاصه لمن تكون مرتبطه باحداثيات اليومي (القاعدين ندفن راسنا منه)
|
و لا أنا فاهم حاجة ..
و لا داير أفهم ..
لما تفهم بتتعب ..
و لو تعبت بيزيد إحساسك بالورطة ..
و لو إتورطت .. إتورطت .
ثم ياخي مساءك حلو .
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
ها أنت تمشى فوق جسر الكلام
مؤتلقا وفاتنا
مثل "زيوس" يعبر بين قمم الأولمب
منتشيا بعد صلاة الجهات العاشقة
هسه يا عمدة كان هبشوك يلقوك بتقدر تمشى فى الموية
مدد
مدد
| |
|
|
|
|
|
|
|
|
|
Re: إستقياء الخلاص .. (Re: أبوذر بابكر)
|
صديقي يا مطر ..| Quote: صلاة الجهات العاشقة |
الجهات جمعت تبروقاتها و رحلت يا صاحبي ..
و لم تعد صلوات العشق كتابًاً موقوتا .. | Quote: "زيوس" يعبر بين قمم الأولمب |
" ترتاروس " يعج الآن بالضنك من فوهته و حتى قاعه الظلمة ..
و الحوريات قنعن من الحال بشق الجيوب ..
عافت الآلهة الأولمبية ملكوت السموات و الأراضين ..
و هجرت الجمل بما حمل ..
فحملنا عن جِمال العالمين حملها ..
و بعدُ .. ظللنا عيراً في البيداء يقتلها الظمأ ..
و الماء فوق ظهورها محمولُ .
....
مطر يا صاحبي ..
" أثينا " حليقة الشعر و الحكمة ..
و أنا يتآكلني جوعي إلى الخلاص .
فمدد يا أبوذر ..
مدد يا صاحبي .
مدد ..
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
الجسور لم تبنى لتحقيق معجزة المشى فوق الماء.
الجسور بنيت للانتحار. للخلاص.
كتابة عجيبة. لا بدّ أن الكاتب جرّب الانتحار وعاد من الموت، من خلاصه ليخبرنا.
ليجعلنا نفهم. أنه ممكن الخلاص. الخلاص ممكن. والخلاص فردى. لا خلاص يشبه الآخر.
كتابة عجيبة. مرهقة. مرهقة جدآ. وثيرابى. therapy
تذكرت الصبى فى قصة الطيب صالح " حفنة تمر".
تقيأ الصبى كل ما تخيله من شر فى هذه الدنيا.
تقيأ الطمع والاستغلال. والجشع. وخيانة النخل. وعقوق الولد.
عماد عبد الله
بارك الله فيك. نلتقى فى التجانى الماحى!
| |
|
|
|
|
|
|
|
|
|
Re: إستقياء الخلاص .. (Re: Adil Osman)
|
هذا يا عادل و انا أبحث عن ذلك الثيرابي ..
بحثت عنه الفلسفات القديمة .. فاعياها السبيل ..
و الضالة ذاتها نشدتها العقائد و الفنون و شطحات الأدب ..
كلهم كانوا ينشدون الخلاص لكن بالإبقاء على الحياة و العيش على كمال و نقاء الآلهة ..
سذاجة الحلم اليوتيبيا تلك لم تمر على خبث و مكر الحياة .
فكالت لهم مما لا يطيقون .
ما أفلح إلا محاربي الساموراي اليابانيون ..
كان في الهارا كيري خلاصهم ..
على نصل سيوف الكاتانا رحلوا خطفاً .. و بلا ضجيج .
خلاصٌ فارسٌ شجاع .
يا عادل ..
يجب ان تطفئ أضواء السيارة عند عبورك جسر الحديد العتيق ..
فماذا تطفئ لو عبرتها راجلاً ؟ .
البلد كلها التيجاني الماحي ..
و بعشر ما شايف شغلو ..
و انت صاحبي ..
فلك الشكر ..
و الود العميق .
| |
|
|
|
|
|
|
|
|
|
Re: إستقياء الخلاص .. (Re: GamarBoBa)
|
قمر بوبا ..
خفف إنت من جمالك ..
غايتو من بركات خدر حسين إنو عرفني بيك ..
أدينا شوية من ليلك ..
بعدما تكمل سواعة النهار ..
و لسه منتظرك .
مودتي .
| |
|
|
|
|
|
|
|
|
|
Re: إستقياء الخلاص .. (Re: هند محمد)
|
مساك الله بخيراته ..
| Quote: ضقنا بجلودنا الحابساتنا |
..
ومنذ أن وعى العقل البشري مصيره في الحياة ..
أجدادك زمان ياعمده أسسوا لهذا الخلاص
فعملوا وأحتفوا ورتبو أمورهم للحظة سريان الروح وخلاصها من عكننة الجسد
ورغباته المحيطه..
الغريبه قبال أي زول يجيهم كمرسال من الرب ..
وقبل أي نبي يقول ليهم الموت ده ياهو الحياة الأبدية..
كانوا عارفين ..
ما قصدي تحريف رؤيتك لكن بيني وبينك تياره قاهر ..
..
فوق كم ..
لى قولة الوارث المورث..
..
عليك الله فكنى .
| |
|
|
|
|
|
|
|
|
|
Re: إستقياء الخلاص .. (Re: محمد على طه الملك)
|
عماد يا عماد!!!!
والذى خلق السماء بلا عمد .....
| Quote: نضعها على الطاولة قربنا و ننام ,ثم في الصباح ندرعها ثانية و نغوص في بحرالحياة .. |
تااااااااانى ياعمدة ندرعها ؟؟؟؟ لالالالا انا غايتو بتاعى دا تانى ما دايراهو والله يا عماد ما بدرعو ليك
تانى كلو كلو !... معقولة ياخ بعد الفكرة الجهنمية دى تااانى سيك سيك معلق فيك ؟؟ وكانك يا زيد .......
يا عماد ياخى دا ما بخلينو انوم .. ما بلبسو ليك تانى لو جنيت !
شوف لينا غيرو حتى لو كان من تلك الرؤوس البمبية الجديدة لنج  !!
Quote: تقيأتَ تاريخ جسدك و ذاكرتك و جوانحك و عقلك و مداركك ..
|
Quote: تقيأتَ تاريخ جسدك و ذاكرتك و جوانحك و عقلك و مداركك ..
|
ياراع ،، وامنحتب ،، وخوفو ،، وخفرع ،، وحتشبسوت !!!!
يا امووووووووووون !!
ارتعدت ... لصاحب الضمير الراجع فى الكاف ........ دا اريتو ما حالى !
ـــــــــــــــــــــ
عماد ؟؟؟ ودينك وايمانك خلينا ننوم ؟ بطل ياخ بطل !
بعدين ياخ ما تصعبها كدا .. دايما خلى ليك خط رجعة  ،،، خوفتنا
انا ماشة انوم .. جمييلة فكرة القلووز كلما تذكرتها تحمست للنوم ..
عمدة ؟؟ انت بودعوك كيف ؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: إستقياء الخلاص .. (Re: دينا خالد)
|
دينا خالد ..
مساءاتك خير ..
قولي إن شا الله .
هسه أرد أقول ليك شنو ؟
طيب ندرع شنو لو جدعناهو ؟
شوفي لينا إستثمار في مجال الريسين ..
أهي البلد قانون الإستثمار فيها بقى مرتاااااااااااااح ..!
تعملي مؤسسة ( مُتمّرون ) للريسين اللنج ..
و النص بالنص .
ثم إنتي قطعتي ناشف معاي ياخ ..
و حيث إنك قانونية ضليعة ( كويسة ضليعة ؟؟ ) ..
و بعدما شوهتي سمعة تلفوني و إيميلي ..
فقد قررت - بكامل نقصاني - إنو عافي ليكي لله و الرسول ..
يا أُخيّة .
دينا .. يا مهبوشة ..
يسعد مساك .
| |
|
|
|
|
|
|
|
|
|
Re: إستقياء الخلاص .. (Re: محمد على طه الملك)
|
ود الملك ..
يا قولك ليتني أفتكّ أنا ..
الفكاك و الخلاص ..
مترادفة لذات " الورطة " المنشودة .
قرات لأحد الرواة أن بطله المريض ظل حاله يتحسن و يتحسن و يتحسن ..
حتى مات من فرط التحسن .
فماذا نحن فاعلون ؟؟؟
كن بخير يا محمد ..
مودتي .
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
وبعد الصرخة؟؟
أيلازمك الخلاص..
وأنت..أنت..ذات النقي
وعالمك..هوّ..هوّ ذات العالم..
أم ترى سنبيع صمتاً للمغني الكاذب..
وعطراً لتلك السيّدة في الحافلة..
وصمغاً من عافية..نعالج به شروخ القصائد..
يؤسفني أن أبلغك..
أن الطابور العسكري لازال يرهق الأرواح..
وجاءني في القادم البعيد..أن الحكومات لن تتوقّف عن الكذب ..
وأولئك الذين يمتلئون بالضغائن لن يرحلوا..
ويسعدني بعد هذا خاطر من يقين ..أن الأنقياء هنا..وهناك..
يزيلون تعب الأرواح..ولايملون من مصادفتك..حين حزن..وذات احتياج.
| |
|
|
|
|
|
|
|
|
|
Re: إستقياء الخلاص .. (Re: تماضر الخنساء حمزه)
|
Quote: ولكن أن تتراقص ريشة الحرف بين أصابعك وتصطف كلماتها فتشكلها بيسر كيف تشاء ..
في مشهد تراجيدي يستبطن نقدا لازعا لواقع معاش ..
فذاك عين ماقيل عنه ( الرسم بالحروف ) ..
مزية لا يلقاها إلا ذو حظ من الإبداع ..
سخرها بعد أن غرز همته في مواجع إنسان وطنه..
فتعهد هذا الفتح. |
وهذا هو العماد المبين ... ويا علي طه الملك,
أسخي لهذا الرجل ... لتستمتع بأفراح ممكنة .
ويا ... دينا خالد, في الإمكان أن نودع عماد بالأحضان.
ويبقى الود.
| |
|
|
|
|
|
|
|
|
|
Re: إستقياء الخلاص .. (Re: Amira Elsheikh)
|
يااااا عمدة عمت مساءا او صباحا او كما شئت يا عزيزى .......
دخلت استطعمتك تانى ،، وقلت اشوفك بقيت كيف واخت يدى فى جبهتك
ماااا تكون جابت ليها حمى !!!!
وكل ما ادخل هنا ح اكلمك ،،، شكلك مغنتس ما بتحس بالداخلين ...
ياااااا حيدرنا !!!
Quote: ويا ... دينا خالد, في الإمكان أن نودع عماد بالأحضان.
|
بس ؟؟؟؟؟؟؟؟؟؟
ياخى واسطتك كعبة خلاص
طيب انت بسلمو عليك كيف ؟؟؟؟؟ ابسط ياخى ابسط ،، او فكها شوية كما قالوا (وجه مشتاق)!
| |
|
|
|
|
|
|
|
|
|
Re: إستقياء الخلاص .. (Re: Amira Elsheikh)
|
Quote: السؤال انياب ثعبان ...
والإجابة ذيله..
اذا...
الاجوبة عمياء ..
فلنطلق خيول الاسئلة .... |
ليك يا أميرة .. و لعفيف السلام ..
الإجابات عمياء ..
و كذا الأسئلة ..
لكن الإجابات تكتفي باليقين .. و تموت حبيسته .
بينما الأسئلة يرفعها الشك .. فتنتصب بواباتٍ و مداخل .
| Quote: مازال النهار يمارس الخفوت |
كم من ممارسة للنهار جهيرة يا أميرة ؟ ..
لا عليه إن خَفَتَ في إحداها .. فربما هو أيضاً أصابه السأم من كثرة الجهر .
يا صديقتي البعيدة ..
مودتي و كثير الشكر .
| |
|
|
|
|
|
|
|
|
|
Re: إستقياء الخلاص .. (Re: HAYDER GASIM)
|
يا أجمل من يكتب ..
يا حيدر ..
هسه زول زيك .. يقولو ليهو شنو ؟؟
طُمام البطن شين ..
و فكرة الخلاص قدر ما تجيها بي جاي و بي جاي .. تلقاها ما ظابطة !!
يا ما ظابطة لأنك مغلول اليد .. من طول القهر .
يا كمان ممقلب بوعد : بكرة أحلى ( بتاع رجاء العباسي ) ..
أما دينا .. فممكن تنشلك لو الحكاية فيها أحضان 
الزولة دي ود الموية بس .. ماااااااااا مضمونة .
و ليك ما ليك في القلب يا صاحبي الجميل ..
محبة ماهلة .. و كتير إحترام .
| |
|
|
|
|
|
|
|
|
|
Re: إستقياء الخلاص .. (Re: تماضر الخنساء حمزه)
|
| Quote: الطابور العسكري لازال يرهق الأرواح.. |
| Quote: الحكومات لن تتوقّف عن الكذب .. |
| Quote: الذين يمتلئون بالضغائن لن يرحلوا.. |
سأرميهم من أعلى الجسر ..
أو أقفز انا .. | Quote: حين حزن.. وذات احتياج . |
و هكذا ..
مساء الخير يا خنساء ..
يا حلو ما تكتبين .
و ما أكذب الشعراء و .. أنبلهم .
مودتي الكبيرة .
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
عماد
و زولي
بس لو الخرطوم بتخليك تكتب كدا .. بالله خليك
حتى لو تقيأت كل القبح
و حينها لن تدرك جمال الدنيا
فقط
لا تتقيأ كعابتنا ..
ياخى اريدك ..
تعرف من أعلى الجسر حتى طرف الموجة ..
مسافة التجربة ..
كيف اخترقت بالله سمك الهواء و أنت بهذه الخفة ..
| |
|
|
|
|
|
|
|
|
|
Re: إستقياء الخلاص .. (Re: معتصم الطاهر)
|
العماد عماد
محبتي التي تسكنك و تلتحف عطائك المبهول إبداعا
نص ممتع حد القراءة مرات للرجوع من المنتصف للبداية مرة أخرى ...
Quote: في انحناءك لعاصفة الخلاص الكبير , بصِرت عيناك - على وسع حدقتيها - بصِرتْ بجوفك يندلق مقذوفاً إلى خارجك .
في نصف وعيك و نصف إعياءك .. |
سلمت و عافاك الله
| |
|
|
|
|
|
|
|
|
|
Re: إستقياء الخلاص .. (Re: ابو جهينة)
|
أبا جهينة ..
يا كبير القلب .. و الروح .
يسعد صباحاتك ..
يكفيني أن تعبر أنت .. و ترطب نفسي بكلماتك ..
فأعلم حينها أن بيعي قد ربح .
محبتي يا صاحب ..
و .. أرقد عافية .
| |
|
|
|
|
|
|
|
|
|
Re: إستقياء الخلاص .. (Re: معتصم الطاهر)
|
الذي ضل الطريق إلى الهندسة ..
معتصم الطاهر ..
صباح الخير .
الخرطوم لا تستكتب الناس ..
بل تتآكلهم في أناة .. ثم تلفظهم .
فهو الخلاص ..
التخفف من الحمولة بالإفراغ ..
الخلاص من الشيلة بالتحلل .
كشأن ( الميتافيزيغيين ) .. كلما أعيتهم الأسئلة ..
أحنوا ظهورهم في هيكل الرب .. و أهرقوا دم القرابين .
كثافة الهواء يا صاحبنا أثقل من رزايا القلب ..
لذلك " يحتِل " الهواء .. و " تطفّح " المحن .
محبتي و الود .
| |
|
|
|
|
|
|
|
|
|
Re: إستقياء الخلاص .. (Re: إيمان أحمد)
|
ياااا حيدر
بالعكس طوالى بالعكس ... تعرف نعكس كلام عماد دا ؟؟
عماد فى حالة كونه متخرتا من ال .....
حيدر ؟؟ مااا تسمع كلامو ... بالله ياعماد ما تحرش ماتحرش ياخ ..
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
يا صاحب
قريت المكتوب ده من اول يوم، و قريتو كم مرة بعدها
لا املك حق قسرك او قسر مخيلتك او واقعك او ما بينهما ان يكون اقل قتامة...
او
ربما هى اللون ـ القتامة ـ الملائم للان ... هنا
انقبضت او - والحق اقول - زاد الانقباض الملازمنى و ارتدى لون نصك... قاتم
هل نرجو من الاصحاب فقط اللطافة والضحكة الرقراقة؟
عنى ... لا ....
لياتوا بكل ما يحملون ... الوان و عواصف ...ء
هذه المرة... مرحب بالقتامة عسي ان نعثر على ما يجعلنااكثر انسانية...
عسي
ذات مساء... ذات كاس قاتم قليلا
سلام يا صاحب
| |
|
|
|
|
|
|
|
|
|
Re: إستقياء الخلاص .. (Re: إيمان أحمد)
|
إيمان ..
كيفنك في البلاد البعيدة .. ؟
أما إذا دار محور سؤالكم عنّا ..
فنحن بخير و على خير ..
لا ينقصنا إلا قليل دفءٍ .. و بلد .
( ليس أشد قرساً من برد قُطب القلب ) .
أما الأصحاب ..
أما الأصحاب ..
أما الأصحاب ..
| |
|
|
|
|
|
|
|
|
|
Re: إستقياء الخلاص .. (Re: esam gabralla)
|
| Quote: مرحب بالقتامة عسي ان نعثر على ما يجعلنا اكثر انسانية... |
مافي حاجة ما بتخليك تنقبض يا عصام ..
كل شي قاتم , و بيصرّ يسوقك للإنقباض .. و الإنكماش جواك .
مافيهو ذاتية شوفي ده ..
ده حال عام في هذا البلد ..
يتفق معاي الناس أو يختلفوا .
و أقول ليك قولة يا صاحب : مافي أمل ينصلح الحال ..
متشاءم ؟ .. محبط ؟ .. إنهزامي ؟ ..
سميني الدايرو ..
لكن قطعاً ما بكون حالم و سارح ورا غنم إبليس .
ما بقى في حدود بين العام و الذاتي عشان أقول ليك و الله الشي ده أنا براي المصيوب فيهو ..
الهيلمانة الشايفا دي كلها فرفرة روح ..
الكواريك و الهتاف و السكلبة و الجلبغة ..
كلو ما بيجيب مريسة تامزين .
أمسك في الأحاويل كلها .. و تعال قول لي : و الله ده فيهو الرَقَشة !!!
كضاب كان لقيت شي واحد تقول عليهو عديل ..
أما الإيمانات - القديمة - فقاعدة تتساقط واحدة ورا التانية ..
كل ما تهبش حاجة تلقاها جمل طين ..
و التسميهو هامان يطلع فرعون .
بقينا في الصقيعة يا عصام .
قدامنا الصيّ .. و قفانا أعوج .
.....
عصام جبرالله يا صاحبي ..
أمسك قوي في العندك - أكان عندك -
و أبقى قيافة فيهو ..
جمّل رقبتك قدر ما الله أداك ..
.. الباقي هيّن .
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
| Quote: عماد فى حالة كونه متخرتا من ال ..... |
إستطعت أن أتتم الجملة, وأحييك.
بعدين ياخ إنت لسع مع هيلاري كلينتون,
يا خسارة, ياخ هو البيض أبان عيونا
خضرررا صوتوا لي أوباما... فأصحي للون.
... ويبقى الود
| |
|
|
|
|
|
|
|
|
|
Re: إستقياء الخلاص .. (Re: خضر حسين خليل)
|
يا خدر ..
عليك السلام صباح مساء ..
Quote: إذا لم تكن مطراً يا حبيبي .. فكُنْ شجرا ..
مُشْبَعاً بالخصوبةِ .. كُنْ شجرا .
و إن لم تكن شجراً يا حبيبي .. فكن حجراً ..
مُشْبَعاً بالرطوبةِ .. كن حجرا .
و إن لم تكن حجراً يا حبيبي .. فكن قمراً ..
في منامِ الحبيبةِ .. كن قمرا .
هكذا قالت امرأة لابنها .. في جنازته .
...
درويش |
المياه تحت الجسور .. تعبر ..
المياه خلف السدود .. تأسن ..
عليك السلام صباح مساء ..
يا خدر .
| |
|
|
|
|
|
|
|
|
|
Re: إستقياء الخلاص .. (Re: Emad Abdulla)
|
العمدة
بعد ان اتحكرت على ككر المواجع، ودشرنا الأحلام آهات، ودلقنا فوق راسنا كل بحر ومحيط
ولم نستفيق، وكما أوضحت في لحظة طمام "وهي متين كان في لحظة الماطمام يا ودعبدالله"،
لم يتبقى الا مخارجة الروح، كان فضلت فيها روح، وليس لنا الا مرارة الحرف....
تخيل يا صديقي أننا اصبحنا نستجدي الحرف المر،
نبحث عن الكلام المر
نقلب في الحروف،
وننبش في الكلمات،
عن الدم، والفقر، العوز،
والمرض ،
وكان يا مكان كلمة النزيف تتصدراللوحات
واللون القاني كان في حب وكان في ثورة
الآن اتقلب صديد، واترسم عوز وفقر ونزفية
بعدين يا عمدة قرأت كتابتها دي، سراً وجهراً
وقلت والله أمان ما كان وقع راجل، كان سمعت مجاملتك ذات ماسنجر..
واشهد الله أنني أحبك يا صديقي.
| |
|
|
|
|
|
|
|
|
|
Re: إستقياء الخلاص .. (Re: wd al geran)
|
حين تعاف الأمكنة ... والأزمنة ...
لن تعفوا هى عن ماكان منك زمان
والايغال في البعد تعبد والايغال في القرب ابتعاد
والبعد الآخر معادل غير موضوعى للإبتعاد من (الأخرة) عماد:
رفضك تأخر كثيرا بحساب الامكنة والازمنة لذا صار (زم) وزمزم
تهدئة قبل الشرب والشرب مشارب
تنهدات: الكلام لعمر الخيام: ( لبست ثوب العيش ولم استشر)
| |
|
|
|
|
|
|
| |
Emad Abdulla
ibrahim kojan
سلمى الشيخ سلامة
محمد على طه الملك
Rasha Hatim
فيصل عباس
أبوذر بابكر
Adil Osman
GamarBoBa
هند محمد
دينا خالد
HAYDER GASIM
ابوبكر الامين يوسف
معتصم الطاهر
ابو جهينة
إيمان أحمد
خضر حسين خليل
nadus2000
أبو ساندرا
wd al geran
بدر الدين الأمير
فيس بوك
تويتر
انستقرام
يوتيوب
بنتيريست