نانسي ... كل سنه وإنتي طيبه ..

مرحبا Guest
اخر زيارك لك: 03-29-2024, 10:29 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة طلال عفيفي (طلال عفيفي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-02-2009, 03:22 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
نانسي ... كل سنه وإنتي طيبه ..




    كل سنه وإنتي طيبه يا نانسي ...
    طيبه وجميله وبديعه ..


    ربنا يسقي أيامك زي ما خليتي زهور كتيره في مشاعرنا تتفتح
    من جديد ..
    صوتك وإحساسك الدافي كانوا أصدقاء لمن الدنيا عزت علينا
    بالكتير .

    وجودك في حياتنا خلى طعم الإحتمال ممكن .. ممكن يكون في
    حاجات كتيره كويسه ونشوفا وهي بتتولد وبتكبر ، وممكن
    الإنسان يقدر يقاوم عبث الحياه المحيط ويطلع نضيف ..

    كل سنه وإنتي طيبه وقويه وبتشبهي الحياه ...

                  

03-02-2009, 03:36 AM

وجدي الكردي

تاريخ التسجيل: 07-28-2005
مجموع المشاركات: 581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)

    فنان يا طلال..
    ونانسي موجوعة، وموجعة في آن..!
                  

03-02-2009, 05:25 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: وجدي الكردي)


    شكراً يا أستاذ وجدي ...
    ربنا يديم المعروف ...


                  

03-02-2009, 03:37 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)




    *في صوت نانسي سر عجيب ، إنت بتكون
    عارف إنو ما صوتك ، لكن حالة أشبه
    باليقين بتخليك بتعتقد إنها بتغني
    ليك ..

    صوت هذه البنت زي الفراشة بيشيل ويحط
    من شجنك على ألمك ، ومن ألمك على ذكرياتك
    ومن ذكرياتك على عشمك في الحاضر السعيد ..

    في حضرتها تشعر بحالة نادرة من الصفاء
    والإنسجام ..

    ولو ممكن كمان من هنا أبعث ليها بكل التحايا
    محل ما هي في الدنيا وإنو ربنا يفتح عليها أينما
    حلت ..



    _____________________________
    *كلام قديم بس لسه معناه في قلبي
    *الفوتوغرافيا من أرشيف صحيفة
    الراية القطرية.

                  

03-02-2009, 03:57 AM

معروف حمدين
<aمعروف حمدين
تاريخ التسجيل: 07-16-2006
مجموع المشاركات: 1601

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)


    كل سنة وهي بألف صحة وعافية ...
    __________________________
    الخرطوم بدونكـ ما حلوة ....
                  

03-02-2009, 05:33 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: معروف حمدين)



    سلام يا معروف ...
    Quote: كل سنة وهي بألف صحة وعافية ...

    آمين ..


    _________
    Quote: الخرطوم بدونكـ ما حلوة ....

    الخرطوم ؟؟
    المسامح كريم يا معروف .

                  

03-02-2009, 06:36 AM

فيصل نوبي
<aفيصل نوبي
تاريخ التسجيل: 09-16-2005
مجموع المشاركات: 14194

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)



    كل عام و انت زهرة فبراير.
                  

03-02-2009, 08:09 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: فيصل نوبي)



    شكراً يا فيصل ..
    تسلم يا صديقي .

                  

03-02-2009, 06:41 AM

أيزابيلا
<aأيزابيلا
تاريخ التسجيل: 11-26-2004
مجموع المشاركات: 2385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)

    يا طلال

    وانت طالع من هم فى البيوت قبالة هم آخر ينتظرك منذ نهار امس على دسك المكتب

    وانت تعبر بالهموم فى الطريق...

    لا شيء لتلتقطه

    النهار كنهارات الصحاري

    والبيوت كبيوت النمل


    تبحث عن بث اثيري لعثمان حسين...يبلل يومك بقليل نداوة

    الله يهدى ناس الاذاعات

    والا غنية السنين...اوالذكريات

    اواى صوت لابراهيم عوض

    وفجأة تبث اذاعة مانقو اغنية (شقى ومجنون) بتاعت نانسي

    الصوت البخليك تتهدل من فرط الخضرة,,,والخضرة هنا تعدي

    كمن حقن اوردتك بشيء بارد

    خضرة متيقنة...ليست على مضض

    .........

    كل الاصوات...درجات من صوت واحد منسي فى التاريخ

    الا صوت نانسي

    وفيروز

    كلاهما نسيج وحده



    كل سنة..وكلاكما طيب

    فى المحال البعيدة


    ورد الله غربة وطني
                  

03-02-2009, 08:28 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: أيزابيلا)


    زي ما قلتي يا شذى ...
    أحياناً كنت بسمع نانسي في ظروف شبيهه بالحكيتي عنها ،
    كانت بتديني روح وطاقة إيجابية وبتشخلل لي ما سكن
    من حواس .

    نانسي كانت طول الوقت تيار عفي بيسري فيني لمن أسمعا،
    وأتمنى تظل كذلك وتستمر .
    ومع إنو موهبتا وأدائها أمور ليس لي فيها يد ولا كراع
    إلا أنني بشعر بالفخر لمن ألقاها شغالة في مكان أو حته
    وكأنها من عمايل يدي ! .. شفتي الإنسان ؟

    وإنتي كمان طيبه ياشذى ، وما تتصوري فرحت بكلامك ده كيف
    والدنيا صباح .

    الله يفتح عليكي .

                  

03-02-2009, 08:31 AM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 8648

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)

    وانا كمان .. كل سنه وانتى طيبه وطلال طيب ..
                  

03-02-2009, 03:59 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: على محمد على بشير)


    وإنت كمان يا علي ...
    كل سنه وإنت طيب ..

                  

03-02-2009, 08:30 AM

خضر حسين خليل
<aخضر حسين خليل
تاريخ التسجيل: 12-18-2003
مجموع المشاركات: 15087

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: أيزابيلا)

    إزيك ؟.. وازي الزيك ؟
    يا الزيك دايماً معدوم
    وكيف حالك في هالأيام
    الفيهن حسك مكتوم
    الفيهن احتار الحاكم
    بين الظالم والمظلوم

    (عبد الجليل فتح الرحمن)

    ازيك يا طلال
    الشوق مدرار
    وكل سنة وإنت ونانسي بخير
    مستمتع اليومين ديل برفقة نانسي عبر (رفقة) شئ عجيب وغنا تحس بيهو موجه لي روح الروح
    بكون راجع أو ماشي علي الشغل وبسمع في رفقة ! ببكي مرات ياطلال لما أسمع لي غنيوة
    طارق الامين بجيني احساس بالفجيعة يا طلال حاجة كدة بين الترقب (وانتظار المستحيل) شئ
    بين الرغبة العارمة في احتضان الذكريات واحتضان الذكريات ! حاجة واحدة من حاجتين !
    نانسي بلا شك تستحق يا طلال أكثر من تهنئتها تستحق هذه البنت ان نصفق لها كثيراً
    العمر المديد يانانسي والحلم الاكيد وقادم ايام سمحات بالحيل !


    يا طلال حتي في الفيس بوك بقيت ماظاهر!
    تحياتي لسودانيي قاهرة الرجال
                  

03-02-2009, 08:54 AM

داليا حافظ
<aداليا حافظ
تاريخ التسجيل: 06-06-2008
مجموع المشاركات: 5055

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: خضر حسين خليل)

    ألتقطني يا صديقي ...


    في الدروب الما بتجيبك ..



    ...ويا زمن وقف شوية


    صدقني الزمن بتوقف يا طلال وبحس نانسي راكبة جنبي ...وبتغني لي براي


    بتنقذني من التفكير في الزحام ...ووحشة الغربة والطريق ..


    وبرضو مرات بتبكيني ...


    كلو سنة وانت بتدغدغي جوانا ...




    (عدل بواسطة داليا حافظ on 03-03-2009, 07:03 AM)

                  

03-02-2009, 09:24 AM

Yassir Bainwi

تاريخ التسجيل: 09-13-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: داليا حافظ)

    طلال مشتاقين ياخ ليك مدة مابنته


    وكل سنة والبت السمحة دي احلي واجمل وانضر



    خالص الود
                  

03-02-2009, 11:18 AM

مدثر محمد ادم

تاريخ التسجيل: 12-17-2005
مجموع المشاركات: 3016

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: Yassir Bainwi)

    الصديق الرائع ودعفيفي سلامات

    وكل سنة وناسي طيبة واكثر ابداع وتالق

    وقالوا قالوا علي شقي مجنون

    بستمتع بالاغنية دي شديد بصوت ناسي

    زسرح معاها معالم من الجمال والجنون

    وتسلموا الاثين ابداعا

    مدثر تيف تيف
                  

03-03-2009, 01:45 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: مدثر محمد ادم)



    العزيز مدثر
    أطيب التحاياوكل الأشواق ..
    أتمنى تكون بخير حيثما كنت ،
    وأتمنى أن نلتقي قريباً ..
    شكراً على كلماتك يا صديق

                  

03-02-2009, 11:19 AM

كمال ادريس
<aكمال ادريس
تاريخ التسجيل: 02-14-2008
مجموع المشاركات: 3142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: Yassir Bainwi)

    كل سنة ونانسي بخير وانت وكل الناس الحلوة
                  

03-02-2009, 12:16 PM

سمندلاوى
<aسمندلاوى
تاريخ التسجيل: 08-20-2002
مجموع المشاركات: 3260

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: كمال ادريس)

    كل سنة وانتى طيبة مع امنياتى لك
    بكل ماهو جميل ........

                  

03-02-2009, 01:02 PM

نانسي عجاج
<aنانسي عجاج
تاريخ التسجيل: 03-22-2008
مجموع المشاركات: 29

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: سمندلاوى)

    طلال والاصدقاء
    شكرا للمساحة دي ..
    وكل سنة وانتو برضه طيبين وسالمين وتامين
    وكل سنة تتحقق الاماني
    وكل والناس والبلد بخير
    بصراحة ما قاعدة احتفل بي عيد ميلادي ، وهو بالنسبة لي ما يوم احتفالي بقدر ما انه لحظة مناسبة جدا لي وقفة مع النفس وتامل ..
    وترتيب للغرف الداخلية
    واعادة تقييم ومحاسبة.. بكون نتيجتها دايما احساس مريح لو راضي عن نفسك تماما .. الحاجة الما بتحصل بسهولة ..
    وعشان كدا بحاول احيانا اتحايل عليه بالنسيان
    :)
    لكني برضه فرحانة بالاصدقاء ومشاركتهم
    خليكم بخير
    ولي قدام
                  

03-02-2009, 01:21 PM

saadeldin abdelrahman
<asaadeldin abdelrahman
تاريخ التسجيل: 09-03-2004
مجموع المشاركات: 8857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: نانسي عجاج)

    كل سنة و مشاعركم الحلوة دي حية و تتنفس وطن بسام زيكم.
                  

03-02-2009, 04:15 PM

سارة علي
<aسارة علي
تاريخ التسجيل: 07-08-2008
مجموع المشاركات: 4413

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: saadeldin abdelrahman)

    كل عام وانتي طيبة نانسي...
    وربنا يديك راحة البال..

    ويديها ليك انتا برضو يا طلال..
                  

03-02-2009, 04:36 PM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: سارة علي)

    كل سنه وانت تعطرين سماواتنا بالطرب الاصيل
    كل سنه وانت اجمل واقوي



    لك التحايا اخي طلال عفيفي
                  

03-02-2009, 06:48 PM

عثمان فضل الله
<aعثمان فضل الله
تاريخ التسجيل: 03-22-2005
مجموع المشاركات: 529

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: نوفل عبد الرحيم حسن)

    طلال تعرف... من عرفتك ..فى ذاك المكان الجميل ... الموجع... جوبا عرفتك بانك ماعادى وكل يوم بتدينى جرعة جديدة ياخ البت والله عجيبة وتستحق من كل زول يخت طوبة فى تمثال ليها بميدان ابو جنزير ...تعرف ياطلال والله رغم عملاقة الغناء وملوكه واناطينة لكن بعد وفاة الاستاذ مصطفى سيد احمد مرت على حقيقى قرف ماكنت بسمع فيها زول غير الغنا الهابط ...لماسمعتة نانسى اعادتنى والله ياطلال لصوابى اعادتنى والله طلال من يوم ماسمعنها ماختيت فى كاسيت العربية والله البيت غيرها ...حقيقى خلت الدنيا تنطاق
    شكرا طلال
    كل سنة وانت طيبة نانسى
                  

03-02-2009, 07:43 PM

ست البنات
<aست البنات
تاريخ التسجيل: 10-02-2002
مجموع المشاركات: 3639

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: عثمان فضل الله)

    وكل سنة والناس جميلين وعفيين ,

    ويا أخ طلال كتاباتك كنت اتابعها عبر هذا الأسفير ,

    كانت تخرج من تلافيف الحياة ,

    وكنت دون ان تشعر تعيد كل واحد منا الى قيلولة الوطن ,

    ورغم الحزن المطمور جواك كنت تجيب الفرحة ,

    والأمل الأخضر حين تذكر وفاء الأصدقاء وافتقادك لهم ,

    وبعفوية كان ينداح حكيك سلسا .

    فأين ذاك القلم ؟


    كونوا بخير جميعا .

    ست البنات .
                  

03-03-2009, 01:19 AM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: Yassir Bainwi)



    سلامات يا ياسر ،
    وإنت طيب ... وبتمنى تكون بخير ..

    تحياتي يا أخي

                  

03-02-2009, 11:30 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: داليا حافظ)


    سلامات يا داليا ...
    قلتي لي بتنقذك من غربة ؟
    والله جيتيني فيما أظن ، فمن مسالك الغنا الجميل والحساس
    إنه يلملم أطرافك ويقربك من نفسك حين تكون الهوه بينك
    وبين العالم بعيدة .
    عشان كده يمكن بنحب المغنيين ، لأنهم إنطلاقة صوتنا المبحوح .

    شكراً يا داليا ، وربنا يقرب البعيد .

                  

03-02-2009, 07:41 PM

طلال عفيفي
<aطلال عفيفي
تاريخ التسجيل: 06-20-2004
مجموع المشاركات: 4380

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: خضر حسين خليل)


    شوق كتير ليك كمان يا خضر يا عجيب ،
    أما الدنيا حدانا فهي بخير ، بنعافر
    ونحيا ... الحياه فيها ومضات جميله،
    بتكون عارف ، مش كده ؟

    نانسي خلقت حالة جميلة وجديدة ، وممكن
    تكون علامة في وجدان ناس كتير .
    يمكن زي ما بنحب صوتا ، يكون في ناس ما
    بيحبوا صوتا ، لكن ماهنختلف على إنها
    عندها روح صاحية في الأداء ، وده الخلاها
    لامعة عندي وعند ناس كتير ..

    كل سنه وهي طيبة تاني ،

    وتحياتي يا صديقي

                  

03-02-2009, 07:51 PM

nasmah1981

تاريخ التسجيل: 10-10-2002
مجموع المشاركات: 671

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نانسي ... كل سنه وإنتي طيبه .. (Re: طلال عفيفي)

    كل سنة وإنت طيبة فنانتنا الجميلة...ورحم الله والدك فقد كان من خيرة الرجال
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de