|
|
|
 Re: اوضاع ماساوية للسودانيين بالسجون اللبنانية (Re: رسالة بيروت)
|
التحية
في عام 2000 واستجابة لنداء الاخوة في لبنان ساهمت في حملة تعااونت فيها مع فرع المنظمة السودانية لحقوق الانسان بالقاهرة ود محجوب التجاني
وخاطبنا اجتماع منظمة العالم الاسلامي المنعقد حينئذ بالدوحة قطر وتقريبا جميع وسائل الاعلام اللبنانية والجهات الرسمية وبوثائق واسماء السودانيين المحتجزيين لدي السلطات اللبنانية حينئذ. للاسف كان المردود قليلا ويبدو لي ان المجتمع والسلطة اللبنانية المشغولة بصراعهاته الداخلية والطائفية وتركيبتها العنصرية الان لاتسمح بوجود سودانيون في اراضيها . المجتمع اللبناني الان غير ذلك في الخمسينات والسينات من القرن الماضي حيث كان المئات من السودانيون يتبعثون للدراسة بجامعتها الامريكية او للسياحة والتجارة . هذا مجتمع تشكل من خلال عقديين من الصراع الطائفي والحرب وارتبطت نظرتة للحياة بفردية وذاتية مطلقة يعبر عنها بصور عدة شاذة من محاكاة للغرب حتي في ممارسات مثل العنصرية يحاريبها الغرب نقسه حاليا . من الصعب وفي غياب سلطة سودانية تعني بالشعب السوداني في الداخل والخارج ان يكون للسودانيين المغلوب علي امرهم في لبنان وسوري ( وهؤلاء لهم قصص مشابهة ومؤلمة) من يعني بشأنهم لدي السلطات اللبنانية . يبقي املا بصيصا في مخاطبة منظمة الوحدة الافريقية والتشكيلات الافريقية الاخري واتلك التي تعني بمحاربة العنصرية وذلك من خلال وثائق دامغوة وأمل ان تتضافر الجهود في ذلك
ابوبكر
| |
 
|
|
|
|
|
|
|
 Re: اوضاع ماساوية للسودانيين بالسجون اللبنانية (Re: رسالة بيروت)
|
أحى العزيز
هذا موضوع غاية فى الأهمية. أرجو أن تهتم بتفصيله بأدق التفاصيل , وتوثيقه جيدا,حتى يصبح أحد مراجع الباحثين المهتمين بقضاياالعنصرية قى البلدان "العربية". الآن أفهم جيدا لماذا فى بعض الدول الأفريقيةعندما يحدث انقلاب سياسى تنال الجالية اللبنانية هناك نصيبا مقدرا من تبعات الانفلات الأمنى. ولاشك الاستقرار والنماء أت الى السودان, و سيحتاج له ويهاجر اليه الكثيرون, بالذات أولئك اللذين تبلغ مساحة دولهم مساحة "الخرطوم بحرى!!" .. و موضوعك الموثق سيكون ذو فائدة عالية أنذاك, وان غد لناظره لقريب.. نتمنى سماع المزيد الموثق من موضوعك الهام جدا
زارح
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: رسالة بيروت)
|
أرجو أن تهتم مر أخري منظمة حقوق الانسان
السودانية بوضع السودانيين المقيمين بالبنان
,ان يثار هذا الامر مع كل الجهات المعنية بشأن حقوق الانسان
هذا أمر غير مقبول علي الاطلاق
لا رجاء أو خير يرتجي من الحكومة الحالية
التي لا تحترم أنسان السودان في بلده
وقلبي معكم
يأأبناء السودان في لبنان
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: رسالة بيروت)
|
عزيزى قلقو
فى اواخر السبعينات (تسرب ) الى تل ابيب سودانى واسمة(طارق) على ما اظن وتم اجراء لقاء تلفزيونى معة وحين تم سؤالة عن اسرائيل اجاب بابتسامة(تمام التمام),,,يعنى اخر دولة عربية ممكن يمشى ليها سودانى مفروض تكون لبنان صاحبة الصوت الكبير فى رفض عضوية السودان فى الجامعة العربية
طبعا البشوف لبنانى ايام الكنغو وكان سفارة السودان ملجأ لأسرهم ما يشوفهم فى بيروت!!!
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: رسالة بيروت)
|
دمشق مطعم الباشا أو السفارة السودانية
جواز سوداني ... تذكرة مضروبة ... بنما بالجبل وحاجات تانية ,,, يالللا علينا جاي علينا جاي
تحت المطعم والجسر كوم سودانيين أول , والونسة مدورة عن بنما وطلوع الجبل , وبنما مصطلح لي بيروت بين السودانيين خوفاً من كلاب السرة , والسرة مصطلح تاني لي السرة وخلوها كدة عشان كلاب السّرة ما تعضي باقي السودانيين هناك , وتبدا حصص الجغرافيا وقالوا فرنسا فتحت بي طريق روسيا البيضا , ويا زول الجربا منو والله واحد قريب فلان داك وقال ظابطة مية المية والناس اتكسرت كيمان علي فرنسا, وتبدا حصة تانية في اسعار التذاكر ومراجعة اطلس العالم من الذاكرة لتحديد خط الرحلة وقوانين الأياتا وحق التذكرة والنوم في جامع والرزق علي الله لحدي مانصل, وحق التذكرة!!! ورا الجبل .
كوم تاني مطار دمشق الدولي , الطيارة السودانية جات ؟ لسة قالوا ما اتحركت , نفس الأوجه والناس في كل طيارة , تجارة المنقة والكركدي والصمغ والحنة والبشر , واحد جاي جديد من السودان أول محطة ليهو الخرطوم تلاتة شهور اجراءات واوراق ولبن الطير والذي منو , وحلم الوصول منية , فريسة سهلة , وتبدا المساومة , ويا زول الجواز بي تذكرتو بي مية وخمسين . ما شوية ؟ لا والله ده سعرو وهو سوداني انت قايلو امريكي !!! والمسكين يبيع الجواز ومن جدة لي امبدة ويشتروا من الجواز ويحجزوا ليهو مقعد في طيارة الجبل , ومعاناة الوصول وطلوع الجبل والتهديد من المهربين لإستنزاف كل العندك تحت تهديد السلاح , نص الرحلة كداري ومساسقة وناس التهريب بحددوا مكان الدورية ومفروض بي وين الناس تخش والمبيت في مخزن لو طال التهديد .
في طلمبة وقفت عربية وسأل صاحبا عبدالرحمن : سوداني ؟ رد عبدالرحمن أيوة , قال سيد العربية عندي تلتمية دفتر عندك ليهم صرفة ؟ وفي البداية ما عرف عبد الرحمن يعني شنو دفتر ولييه هو السوداني في نص السوريين ديل , سأل الزول قال ليهو دفتر شنو ؟ قال ليهو السوري الهوية دفتر السفر وقصدو علي الجواز السوداني , تلاتمية جواز عند سواق تاكسي خلوها أصحابا لي الزول السوري ده علي أمل انهم يشتغلوا في بنما ويقدروا يطلعو المية دولار حق التهريب لي بنما , والعوير عشمان انهم يرجعوا لي الجوازات وما عارف انو سفارة مطعم الباشا بتوفر البديل الامثل والأرخص والجوازات الا يبلها ويشرب مويتا .
مطار دمشق كنا في وداع سوداني جا من بنما بي قرحة وكمية امراض , وبعد العلاج في سوريا إقتنع الزول يرجع السودان يعيش في نص أهلو وخاصة بعد ما دقت في العراضة وجات علي كدة , حق التذكرة مافي والناس لازم تشوف السفارة ,مطعم الباشا قصدي ما سفارة جمهوريتنا الحبيبة , وإتفقناانو الزول ده من محمد بقى عصام الدين بي جواز سوداني وتذكرة ما معورف صاحبهم مصيرو شنو , مع السلامة مع السلامة ركب الزول ووصل مطار الخرطوم من غير مشاكل واول مشكلة كات ليهو في حق التاكسي لأنو ما لقى في السودان حاجة مضروبة أو مزورة ممكن تخليهو يدفع نص القيمة لي سيد التاكسي .
مطار دمشق , الصيف , وفي الصيف بكتر حضور أسر العاملين في سودانير والمسافرين السودان عن طريق سوريا من بلاد العم سام , المطار مليان مسافرين ومودعين وأسر وكلام وونسة ووصايا وجواب للحبيبة سين ماتقلق من طول الإنتظار ولو حصل العشرة سنين , فجأة خيم الصمت , موسيقى تصويرية أصوات الجنازير في بلاط المطار الأبوات لقوات الشرطة العسكرية اللبنانية , قاطرة سودانيين مرحّلين السودان من السجون اللبنانية , مسافرين تحت تهديد وحراسة الشرطة العسكرية وقوات المارينز اللبنانية تنظر لي جمع السودانيين في زهو الفاتح عكّا , مؤثرات صوتية صوت طفلة صغيرة فزعة من هول المشهد , واحدة بكت وفتحت شنطتها وطلعت جلابية لي واحد من المسفرين كان ماشي السودان بي ترينيق سووت وملابس داخلية وآخرين بي شباشب , سألنا موظف سودانير مافي طريقة الناس ديل يفكوهم يلبسوا أحسن من كدة ؟ قال مابفكوهم الا في آخر صالة ويكونوا في عهدة الكابتن , وده مشهد مكرر .
آلاف القصص عن التزوير والجواز وبنما الوسيلة لي حلم الهجرة لي بلاد النور على حسب ما فرضت علينا الظروف تسميتا , والسفارة ... من غير ظلم للسفارة السفارة مرات بتجي المطار وبتمشي السجن لكن ترحيل أكتر من تلاتين نزيل في الشهر فوق إستطاعة السفارة , وفي إجراء روتيني من السفارة علّقت ورقة في مدخل المطعم السوداني وكل تجمعات السودانيين بتصرخ فيهم يا سودانيين هووووي أي زول بجينا من طرف الجبل حيتعرض للساءلة من قبل السلطات السورية واللبنانية وحيرجع السودان من مطار الخرطوم لي مطار جوبا , وعن مساءلة السلطات السورية الله لا وقّع سوداني في المساءلة دي واللي ممكن تنتهي زي ما حصل في بعض الأحايين بالزول المغلوب علي امرو في القبر يعني المشى لي سلطات المساءلة دي بي نية سؤالين تلاتة ويرجع بلدو علي حسب تخويل السفارة لي السلطات دي في صندوق لو لقى حق الصندوق .
الله يكون في العون
اللهم نسألك السلامة
أبنوسي
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: رسالة بيروت)
|
اخي بكري سلامي واحترامي لك
ولكل البورداب الذين تضامنوا
مع هذه القضية الكبرى
ولكل السودانين الاحرار والشرفاء
الذين اضطرتهم ظروف الحياة للهجرة في
ارض الله الواسعة
ونظرا لاعتزازهم بكرامتهم ومبادئهم وتقاليدهم
وتمسكهم بها لم يستطيع البعض منهم ان يتكيفوا
مع عالم مادي متتطرف متعجرف عنصري
فاصبحوا يتعرضون لقساوة هذه المجتمعات
لا لشيء الا لما سبق وللونهم الاسود
ولم ييعلم هؤلاء ان سمرتنا وسوادنا من لهيب نار الشهامة
ومن هم اللبنانيون حتى يعاملوا ابنائنا بهذه
الطريقة البشعة ويتركوهم بكابدون عذابات الالم ليموتوا
على ارضيات مستشفياتهم القذرة.
لم يكن الالزم والاجدر منهم ان يتعلموا من هذا
القادم الاسود الرجولة والشهامة والعروبة
وان يحمدوا ربهم مليون مرة لانه ارسل اليهم
هذا النموذج الطيب من البشر
ولكن لا اقول غير حسبي الله ونعم الوكيل
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: MaxaB)
|
إخوتي وأخواني
بلاشك ان الموضوع مؤلم مؤلم، ويحط من كرامة أي سوداني، ورغم مأساوية الظروف التي يعيشون فيها، وأعتقد أن هؤلاء الإخوة قد أسهموا بقدر في خلق هذه المأساة، وزاد عليها غياب السلطات في البلدين "السودان ولبنان". ولا كان هذا لا يمنعنا في من الإسهام بمعالجة الأمر
ومن أجل مشاركة فاعلة لرفع هذه المعاناة عن كاهل إخوة لنا، أقترح أن تشكل لجنة من القانونيين أعضاء البورد "وهم كثر" ويضاف إليهم بعض الناشطين في حقوق الإنسان، ويتم مخاطبة الجهات الآتية:
الأستاذ فاروق أبوعيسى الأمين العام للمحامين العرب
رئيس الجمهورية
رئيس مجلس الوزراء اللبناني
الإقتراح الثاني : تصعيد من الحملة لخلق قضية رأي
وذلك بإرسال نسخة من المذكرة المذكورة في الإقتراح أعلاه إلى كل عدد من الصحف العربية كالشرق الأوسط والحياة وبعض صحف المعارضة اللبنانية، وكذلك بعض الصحف الإنجليزية والأمريكية.
وكذلك عبر القنوات الفضائية من خلال أقوال الصحف، ويمكن الإستعانة في ذلك ببعض الصحفيين السودانيين العاملين في عدد من القنوات الفضائية
| |
|
|
|
|
|
|
|
|
 Re: اوضاع ماساوية للسودانيين بالسجون اللبنانية (Re: رسالة بيروت)
|
Quote: ويكفينا ان نبين ان السجون اللبنانية يخاو تماما من سجناء متهمين في جرائم الا من حالتين
اثنتين في سجن ( رومية ) سنزكرها عند تناول ذلك ، اما بقية الحالات فهي الدخول ( خلسة ) الي البلاد .
حتي العشرون من يوليو الحالي يوجد حوالي 1013 نزيل محكومين و في انتظار الابعاد الي السودان ، او تسوية الاوضاع للبعض الذين دخلوا البلاد قبل تاريخ نيسان 2001 لشمولهم بقرار التسوية كما يقال ، حتي في هذه الاخير فان الاغلبية لا يكونون قد استفادوا منه ، ناهيك عن المعاناة الذي سيذوقونها في غياهب سجن رومية السيئة الصيت قبل الولوج في سجن رومية دعنا نبدأ القصة من اولها .
|
بهذه المعلومة اصبح الامر في غاية الوضوح.
سبب دخول السودانيين السجون اللبنانية هو الدخول الي البلاد
بغير الطرق المشروعة .وهي من الافعال المجرمة في جميع قوانين الدول
دعونا ترك العواطف جانبا ونتبني حلول عملية.
والحل العملي الذي اراه واحدا وهو ايجاد طرقية لتسفير النزلاء المحكومين الذين اكملوا مددهم القانونية.
طبعا من المفروض ان الحكومة اللبنانية تقوم بتسفير كل نزيل اكمل
قترة السجن.ولكن لاسباب مالية لا تريد ان تفعل ذلك ويظل النزيل
في السجن حتي بعد اكمال مدة سجنه.وهنا ياتي دور حكومة السودان
فعليها واجب اخلاقي وقانوني في تسفير مواطنيها الي بلدهم.
اذن المطلوب الان مخاطبة الحكومة السودانية بضرورة القيام بنفقات
ترحيل هؤلاء المواطنيين .
الحل الثاني مستقبلي هو يتم عبر القنوات الدبلوماسية بين الحكومة السودانية واللبنانية.وذلك بان يتم اتفاق تلتزم فية الحكومة السودانية بالترحيل الفوري لكل سوداني يقبض عليه بتهمة دخول البلاد
خلسة وذلك بعد عمل تسويات سريعة في وزارت الداخلية من غير التقديم
للقضاء.
ما رايكم؟
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: Agab Alfaya)
|
مع دعمي التام لاقتراح الأخ عبد المنعم عجب الفيا لما حواه من طروحات عملية إذا كانت لؤلائك القوم إذن تسمع ، إلا انني أتساءل إذا كان قنصل حكومة السودان في بيروت ما عارف هؤلاء الشباب الجابن البلد دي شنو ، لماذا لا تتحرك قيادة تجمع الخارج للمساهمة في حل مشكلتهم مع الجهات المختصة سوى في مكتب الامم المتحدة أو الحكومة اللبنانية واكيد سيكون لتحركهم دور في حل المشكلة .
قلوبنا مع كل السودانيين داخل السجون اللبنانية ، ومن قلوبنا نناشد قيادات المعارضة في تجمع الخارج أو خارج التجمع وكل من له علاقات بالجهات المختصة بهذا الأمر التحرك لفك أسر هؤلاء الشباب وحل مشكلاتهم ، على الأقل لحفظ ماء وجهنا جميعا بعد هذا الذي علمناه عن نظرت (الاشقاء) اللبنانين إلينا .
| |
|
|
|
|
|
|
|
|
|
Re: اوضاع ماساوية للسودانيين بالسجون اللبنانية (Re: رسالة بيروت)
|
شكرا ابو قصي
يبدو ان المشكلة ذات شقين:
الاول متعلقة بالذين هم خارج السجون ويودون الحصول علي اللجؤ
وهؤلاء يمكن حل مشكلهتم عن طريق مفوضية للاجئيين بالامم المتحدة
الشق الثاني وهو الاهم والعاجل متعلق بالذين هم داخل السجون
وهؤلاء لا تحل مشكلتهم الا عن طريق تدخل مباشر من الحكومة السودانية
لان الامم المتحدة سوف لن تتدخل في امرهم لانه لا يحق لها ذلك قانونا
ويمكن للحكومة السودانية اذا كات جادةان تنهي هذه المسالة
باسرع فرصة ممكنة.
| |
|
|
|
|
|
|
| |
bayan
elsharief
البحيراوي
abubakr
Tanash
أحمد أمين
قلقو
عشة بت فاطنة
khal fatma
أبنوسة
Agab Alfaya
Elmosley
ABU QUSAI
فيس بوك
تويتر
انستقرام
يوتيوب
بنتيريست