دخل احد اللصوص المنبر وتحدث باسمى كثيرا وطبعا كلام ما كويس طلبت من الاستاز بكرى ايقاف اى مشاركه باسمى الى حين معالجة الوضع ففعل شاكرا اشكر كل حادب على نهجى من الذين قامو بالرد على اسامه دهب المزيف واشكر كل من دافع عنى بدافع الصحبه والزمالة والرفقه الخزى والعار للجبناء سدا منيعا يا رفاق ويا شرفاء نصيحه لا تتسرعو فى الحكم على احد من اول بوست ما بيشبهو اسامه دهب ((الاصلى)) بالمناسبه قمت بتغيير البريد الالكترونى الخاص بى بعد ان تم الاستيلاء عليه ايضا
11-13-2007, 02:23 PM
haroon diyab
haroon diyab
تاريخ التسجيل: 06-20-2007
مجموع المشاركات: 23215
وانا اقول الراجل ده مالوا اليومين ديل جايط الدنيا ..... معليش ياحبه..... عارف يااسامه الزول ده اكان عرفته بس وريني ليه عندي جماعة في كوريا مونج قاعدين جنب العمود في اخر يافطة اربعة وعشرين ساعة وماعنهم شغلة غير اي نشال او حرامي يمسكوا يدقوا ليك دق الويكة. الجاتك في بريدك الالكتروني سامحتك . التحايا للاحباب في البورت خاصة ناس رابطة الديوم الجنوبية. هارون دياب
11-13-2007, 02:38 PM
osama dahab
osama dahab
تاريخ التسجيل: 06-17-2007
مجموع المشاركات: 749
((وانا اقول الراجل ده مالوا اليومين ديل جايط الدنيا .....)) يا هارون كيف حالك يا ود بورسودان والله انا زاتى شكيت وقلت يمكن الموضوع فيهو انفصام وفكرت امشى للطبيب النفسانى لكن تانى قلت الغابه ما جننتنا يجننونا الحراميه ديل اخير نرجع نعالج الموضوع ده مع بكرى وقد كان اعملو حسابكم الجريمه فى تطور هارون والله البورد بقى لينا ملتقى وبقينا نشتاق ليكم كتير بالرغم من اننا لم نلتقى الا فى البورد تحياتى وبالمناسبة الحرامى ده انا اديتو من الشوال
Quote: ان صح اعتقادك فانه يثبت فرضية ان بكري قد قام ببيع الموقع لياسر عرمان الذي هو الان مشغول بمعاركه مع الموتمر الوطني وترك الاداره لاخيرين يرون ان كسب اموال من اعلانات المؤتمر الوطني لاضرر فيه
هل يمكن ان ينسب لى مثل هذا الهراء وما هو الهدف من ذلك
Quote: عذراً اخي اسامه دهب
بعيداً عن نظرية العمالة والارتزاق التي تطلق كل حين في وجه الاخ بكري في ابتزاز رخيص ..لتمرير اجندات ..
ارجو الا اكون من اصحاب هذه الاجندات والتحيه للبصاص و لكل من دافع عن الرائع بكرى ضد(( اللص)) والذهب لا يصدأ
11-13-2007, 08:41 PM
osama dahab
osama dahab
تاريخ التسجيل: 06-17-2007
مجموع المشاركات: 749
Quote: بس دى بالذات احسن تتجنبها وخليك عاقل والله الراحل المقيم لو عرف انت خاتيهو لوقو .. لاستاء فى قبره .. عالم قناعات فى اتجاه وشايته فى اتجاه اخر
يا تبلدينا تحياتى يا راجل يا ثورى يا متحمس لكن الراحل المقيم كان خاتيني عازف اورغ فى فرقته زاتا له التحايا القناعات فى محلها لكن الله يجازى الكان السبب ولك التحايا
11-13-2007, 09:13 PM
Ahmed musa
Ahmed musa
تاريخ التسجيل: 07-08-2007
مجموع المشاركات: 16669
حمدالله على السلامة يا راجل يا ذوق ... ... ... أحمد موسى ((ذاااتو)) ... ... ... شكراً باشمهندس (بكري أبوبكر) معالجة الامر بحكمة وحمدالله على السلامة (عودة أحد أهل الدار)
11-13-2007, 09:44 PM
osama dahab
osama dahab
تاريخ التسجيل: 06-17-2007
مجموع المشاركات: 749
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة