|
ثابِــت عِندااااااااك ، سِـرَّ الليــــــــــــل ........
|
بعد تمكن الـ Hacker من إختراق الموقع ، أقترح على بكرى عمل كلمة مرور لكل عضو بجانب (كلمةالدخول) تكون بمثابة سرّّ الليل ، وعلى الأخوة الأعضاء توخى الحرص واليقظة فى التداخل مع بعضهم البعض ، يعنى ما يخمك ويقول ليك يا تمبا ، ولآ طق خااااص ، ولآ إنت راجل عجيب ، يعنى لازم يديك " أمارة " ، ما يقول ليك أنا دكين ولآ سودانية ولأ من ناس حيمورة ، لازم تتأكد كويس وتسأله دكين ود منو ، منو فى ناس حيمورة وأها سوباجو بحب يأكل شنو؟؟؟ حتى بعد داك تتداخل معاه . المسألة ما ساكت ، ولا شنو يا سجيمان ؟؟ سجيمان منو ؟؟؟!!! وأفلا نامت أعين الجبناء ، والله أكبر . .
|
|
|
|
|
|
|
|
Re: ثابِــت عِندااااااااك ، سِـرَّ الليــــــــــــل ........ (Re: tmbis)
|
بعدين في (الغــام بشرية) تكتب ليها بالنهـار .. يجيك يرد ليك بالليل وشايل معاهو (زمزميتو) وكيس جبنة مضفرة وكيس زيتون انا بقترح اول حاجة نعمل نقطة تفتيش .. البورد دا بقى ما (مــأمن) اقترح المعروضات تعملو ليها مخزن .. المفتاح نديهو لي زول أمين جدا - ناس الخليج والشرق الأوسط ما في مشكلة بمسك المفتاح انا القدامك دا - ناس الامريكتين ودول الكاريبي يمسكهم المستلب دينق .. لكن (يدقوهو فتاشة) راس كل نص ساعة. - ناس السودان .. ديل مشكلتهم مشكلة .. غايتو يسلمو المفتاح لي اي واحد لكن اوصي بالنقد الذاتي .. خاصة للناس المتعودين يمشو (قندهار)
| |
|
|
|
|
|
|
Re: ثابِــت عِندااااااااك ، سِـرَّ الليــــــــــــل ........ (Re: tmbis)
|
Quote: في واحدين (مظليين) وبتاعين (قوات خاصة |
أها شفت الخوف بس من جِنس ديل ، أنا بعرف واحدين منهم تلّبوا فى (بيت) كده من تسعتاشر سنة ، ولى أسى ما مرقوا والله ، رغم إن (البقجة) بقت لا بتطلع بى حيطة ولا الله قال . لكن بالشايفو ده ، ديل حيطلعوا بالباب عدييييل كده ، ومن بعد ما يدونا كم بسطونة فى (جـ...اتنا) ويقولوا لينا"عشان بعدين ما نقولوا لقونا نايمين" ، لكن يا تمبس ، والله كنا نايمين ، صدقنى .... ولى أسى نايمين ، نوم الغوافل ، أقصد العوافى .
| |
|
|
|
|
|
|
Re: ثابِــت عِندااااااااك ، سِـرَّ الليــــــــــــل ........ (Re: عبدالله شمس الدين مصطفى)
|
Quote: يجيك يرد ليك بالليل وشايل معاهو (زمزميتو) وكيس جبنة مضفرة وكيس زيتون
|
.
زى ده بس تحرّش ليه العساكر البقبضوا الناس بتاعين (الزيادة) ، خليهم يختوا ليه الكاب فى وشه ويقولوا ليه قول أه . وجبنة مضفرة وزيتون كمان ، ده أصلوا حيرد ليك من سان جيمس ولا الGMH ولا ال JB أصلوا؟؟؟.
وين ناس (المديرية) ؟؟؟؟.
Quote: المفتاح نديهو لي زول أمين جدا |
عين العقل ، وإلآ المعروضات تروح " ضواقة" ساكت .
Quote:
خاصة للناس المتعودين يمشو (قندهار |
.
مش كده بالله ، أقلآها ديل ناس عينهم ومعدتهم ملالالانة .
يا زول إتفقنا تب .
| |
|
|
|
|
|
|
Re: ثابِــت عِندااااااااك ، سِـرَّ الليــــــــــــل ........ (Re: عبدالله شمس الدين مصطفى)
|
Quote: مافى مانع يامنى ، المفتاح والضبّاح ، والمفراكة كمان ، ولو عاوزين حصحاص للسلات ، مااااا عندنا مانع ، بس إنتوا تعالوا السودان ، أقصد قندهار . إنتى قندهار دى وين للفار ؟؟؟ |
شوفت يا عبدالله شمس الدين..انت لازم تمشي مع الناس لقندهار التي ليس وراءها جبال.. شوفت صورتك الفي البروفايل دي..محتاجه لقندهار وبوش وجبل اولياء وأي مكان فيه أكل.. ده علي افتراض انهم لسه أحياء بسبب الحب! مرحب بكم في قندهار.. وبعدين انا بخاف من الفيران ما تجيب سيرتهم وكمان انا موجوده في السودان..اجيها كيف يعني؟ قول لتمبس تعال.. وبعدين كلنا نتفق ونمشي قندهار
| |
|
|
|
|
|
|
Re: ثابِــت عِندااااااااك ، سِـرَّ الليــــــــــــل ........ (Re: Muna Khugali)
|
Quote: صورتك الفي البروفايل دي..محتاجه لقندهار وبوش وجبل اولياء وأي مكان فيه أكل..
|
.
بس أنا من أتباع (الحب قبل الخبز أحياناً) ، ومع الزيادات المضطّردة فى أسعار الخبز ، صار الحب " أرخص " كثيراً فى هذا الزمان .
فى كتاب سيرته الذاتية(الجنوبى) ، ذكرت عبلة الروينى أن أمل دنقل قال لها أن الحب حالة إقتصادية ، فلكى أحبك يجب أن أخرج معك ، ولأخرج معك يجب أن يكون معى ثمن علبة السجائر ، والمشروب الذى سنتناوله ، أو فيما معناه .
لكن يا منى باقى ليك لحمة الزمن ده ما "بتخش" فى الوجدان ؟؟؟
Quote: وكمان انا موجوده في السودان..اجيها كيف يعني؟
|
.
معليش ، أنا فايلك فى قندهار .
.
تمبس إعتذر عشان ماسك مفتاح الخليج والشرق الأوسط ، وخايف يغيب يجوا الهكر يدخلوا من وراه ، وهاك يا تهكير ويسرقوا المعلومات هُبر هُبر ، أقصد هكر هكر
| |
|
|
|
|
|
|
| |