|
|
 باى منطق هؤلاء اصدقاء وهؤلاء اشقاء؟!!!!!!!!
|
منذ ان وعيت للحياة اصبحت الاحظ بان المسئولين فى الحكومة السودانية يطلقون على الافارقة جيراننا مثل اتيوبيا وتشاد واريتريا ويوغندا وكينيا بالاصدقاء والدول مثل سوريا ولبنان والسعودية وقطر والامارات بالاشقاء وفى الاوانة الاخيرة اصبحت اسمعها من كل العروبيين والاسلامويين, سؤالى باى منطق هؤلاء اصدقاء وهؤلاء اشقاء؟ افيدونا يا جماعة افادكم الله!
|
|
 
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الامر واضح يا اخى فالانظمة السودانية دائما تدعى العروبة
كلها (واكابر لا استثنى احدا)
لكننا صرنا بين مطرقة هؤلاء الافارقة وسندان اولئك العرب
لانعرف لنا هوية
فهؤلاء يلقبوننا بالعبيد ونحن نجرى خلفهم
واولئك يقولون لنا انتم (عرب ) لامكان لكم بيننا
عنى شخصيا
لا اميل للعروبة قط
ولا للراكضين خلفها
فكم من مرة وقفت ببابهم ( العرب ) ورفضونى كموظفة او حتى عاملة فى شركاتهم التى لا تحصى ولا تعد هنا فى الوليات المتحدة
حتى انى لم اجد ان بلادنا ضمن منظومتهم العربية ؟؟؟؟؟؟؟؟سواء خريطة او اسما
يرفضوننا قلبا وقالبا ونحن نجرى خلفهم ظاهرا وباطنا بالحق والباطل
اود لو يجيئنى واحد بمخطوطة واحدة تثبت اننا (عرب)
مخطوطة يكون عمرها خمسمئة عام مكتوب عليها وممهورة بخط خليفة عربى واحد
حتى هذه لاتجدها
وطوال هذه الاعوام منذ ان دخل ابن ابى السرح السودان بغرض ( العبيد والذهب ) ونحن نجرى خلف سراب كالح
ارحمونا من عروبة وشقيقة هذه يرحمكم الله
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الأخ خالد حاكم
سلامات
لا أدري من أين أتيت بما تقول.
ما أعرفه وماهو متداول في الاوراق الرسمية هو أن نطلق اسم أشقاء على الاشقاء الافارقة والعرب
بدافع جوار المنطقة.
أما الدول الصديقة فتطلق على الدول البعيدة نسبياً. وحتى هذه يمكن أن تجد في الوثائق المشتركة
معهم لفظة علاقات أخوية.
الاستاذة سلمى
سلامات
هل يمكن أن نطلق عليك وفي ضوء ما تخطينه هنا مثلاً أنك عربية اللسان؟
هل تعلمين أن السودانيين يتحدثون العربية أفضل من الكثيرين ممن ينتمون الى العالم العربي.
انتظار البعض منا لاعتراف منهم بانتمائنا (بوجه عام) الى الثقافة العربية يؤكد أننا نحس بالدون لديهم. وهو تصرف غير سليم.
نحن ننتمي الى ثقافات عدة دون شك. ولكن من بين تلك الثقافات العربية دون شك أيضاً.
نحن نكتب ونغني ونشعر ونتسامر بالعربية. ويفعل الكثيرون منا ذات الشيء بلغاتنا المحلية. فأين المشكلة؟ وبالكثير من الدول العربية نجد ذات الظاهرة.
قرأت مؤخراً هنا بعض المقالات التي تنكر علي السودانيين الانتماء الى الثقافة العربية. والطريف هو أن أي من هؤلاء إن كتب ما كتب بغير العربية لوجد الكثير من العنت في سبيل أن يتفاعل غالب الناس معه بالسودان.
ودمتم بألف خير.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: abdelwahab hijazi)
|
الاخ عبد الوهاب حجازى
لنفترض ان العرب لم يدخلوا السودان
ولنفترض ان دولة الاندلس لم تنهار
ولم يجئ الى السودان عبد الله بن ابى السرح
ولم يكن محمد على باشا غازيا للسودان
ترى ماهى مكونات ثقافتنا انئذ؟
مجرد تساؤل
لاننا بالحقيقة نحمل ثقافة عربية (لغة ) وليس سلوكا
ارجع بثقافتنا الراهنة والسابقة ستجدها متماهية مع الافريقية قلبا ومعنى
قد،واقول قد تجد بعض التاثيرات العربية ليس كثقافة لكن كمظهر
انما الجوهر ما زال افريقيا
فى ابسط التجليات (الموسيقى ) لا ننتمى عربيا الى تلك الثقافة وهى من اكبر المؤثرات
حتى الان من ينتمى لتلك المرجعية قليل ولا يشكل نسبة استماع حتى
ودونك الاغنية الافريقية من تشاد الى اقصى نقاط القارة وتحققها رغم اختلاف اللغة
ودونك الاغنية العربية وانتشارها فى السودان منذ ان عرفت الاذاعات طريقها الى الاذن
فالانتماء لايكون لغة وكفى فى تصورى
وانت تقول ان الكاتب او من يريد التعبير عن دواخله يتعاطى مع العربية
وهذا امر بات فى عداد النسيان خاصة وان اللغات اصبحت الان اكثر انتشارا داخل السودان كبقعة جغرافية
انظر حولك الى كم الادباء والكتاب الذين حتى لايعبرون باللغة العربية؟والذين ينشرون فى كل انحاء العالم
بالقطع ليسوا ذاك الكم الكبير
لكن تسقط فى تصورنا مقولات ان التعبير لابد ان يكون باللغة العربية
فى زمان باتت فيه الترجمة والتعاطى اللغوى احد المييزات الشعوبية انحسرت اشكالية اللغة كمعبر عن حامليها كان يكون لسانهم عربى
وباتت اللغة ليست حاجزا لغويا او ثقافيا فى ظل ما نراه الان
اذن
الانتماء اللغوى ليس كافيا
فهل نحمل روحا عربية ؟ من نمولى الى حلفا ومن الجنينة الى بورتسودان ؟
من الممكن ان يقول قائل انهم (هاجروا) اليها ولكنهم ليسوا بالاصل عربا وهذا ما رميت اليه
اتفق معك فى جزئية اننا ننتمى فقط لغويا لكننا روح مغايرة
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الأخت الأستاذة سلمى
صادق تحياتي،،
الافتراض بأن " العرب لم يدخلوا السودان وأن الأندلس لم تنهار ومجيء إبن أبي السرح وغير ذلك.
كل هذا لن يفيد في شيء فالواقع أن ذلك قد حدث بالفعل وأن هناك قدر كبير جداً من الاستعراب قد حدث بالسودان في العرق واللغة والثقافة والتراث وكل مكوناتنا الاجتماعية.
الذين يتجاهلون كل ذلك يعملون هذا علم اليقين. ولكنهم يحاولون الالتفاف عليه بحيلة يعتقدون أنها ذكية وهي الادعاء بأننا لا ننتمي من حيث العرق إلى العروبة. وهذا تناول مبتسر لمسألة الهوية.
لو مضينا بهذا المنطق إلى نهاياته سيصل الناس إلى خلاصات مضحكة.
مثلاً: هل ممكن نضع سؤالك في موضع آخر مثل الولايات المتحدة مثلاً؟ هلي من المنطقي مطالبة الأمريكيين اليوم أن يعودوا إلى لغة وثقافة السكان الأصليين بالولايات المتحدة ممن يسمونهم للطرافة "الهنود الحمر"؟
الموضوع ليس هو مَن نحن اثنياً؟
إنما مَن نحن الآن؟ وإلى أين يمكن أن ينطلق التلاقح الثقافي بيننا من الآن وإلى الأمام؟
باعتقادي أن أول الخطوات السليمة هو التصالح مع واقعنا وبين ثقافاتنا المختلفة وليس البحث عن وسائل جديدة للجفوة والإقصاء والتنافر.
نتصالح مع واقعنا كيف؟
يعني أنت تعلمين أن أكبر التيارات التي حاولت مساجلة الثقافة العربية في الساحة السياسية في السودان استخدمت ادعاءات الاستعلاء وهيمنة المركز وغير ذلك. وهي أطروحة تلقفتها الحركات المسلحة بدارفور الآن. ومضى الأمر ليبتسر في مجرد حب للعرب أو كره لهم.
بم تتخاطب القبائل غير العربية فيما بينها؟ باللغة العربية حتى في جنوب السودان والذي يحاول الآن تبديلها إلى الانجليزية. لماذا؟ لأن الانجليزية لغة العلم والتطور؟
هذا الكلام فطير ولا يصمد. ويمكنني الاستشهاد هنا بما ذكرتيه أنت من حركة الترجمة وغيرها.
الآن نحن نتخاطب ونقرأ ونكتب باللغة العربية في أرفع اختراع حديث للإنسان للتخاطب والاتصال وهو الانترنيت. أين المشكلة إذاً؟
نحن أفضل بالقطع من كثيرين ممن يتحدثون لغات أقل عالمية من العربية.
هذا فضلاً عن أن الاتجاه في كل العالم اليوم أن الناس يتحدثون أكثر من لغة. في أوربا تحديداً يجبر الطلاب على تعلم لغة واحدة على الأقل إضافية من مستوى المدرسة الابتدائية.
لماذا لا نحتفظ بالانجليزية والعربية كليهما بالشمال والجنوب؟
أوافقك الرأي مائة بالمائة أن " ثقافتنا الراهنة والسابقة متماهية مع الأفريقية قلبا ومعنى". ولكن هذا لا يعني أن الثقافة العربية مظهر خارجي فقط. ثم كون أن موسيقانا أفريقية لا يعني أننا لا ننتمي إلى الثقافة العربية. فمعظم مفردات اللغة المغناة هي في الواقع عربية. حتى الذين يظنون أنه لا شأن لهم بالثقافة العربية يتغنون باللغة العربية من القبائل النوبية في الشمال أو البجاوية في الشرق أو الأصول الأخرى المسماة افريقية في الجنوب والغرب.
أخيراً اللغة لم تكن في يوم من الأيام حاجزاً للتفاعل الثقافي. بل الجهل بها هو الحاجز الحقيقي.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: abdelwahab hijazi)
|
Quote: أدري من أين أتيت بما تقول.
ما أعرفه وماهو متداول في الاوراق الرسمية هو أن نطلق اسم أشقاء على الاشقاء الافارقة والعرب
بدافع جوار المنطقة. |
الاخ عبدالوهاب حجازى
سلامات
انا لم اطلع بعد ماهو مكتوب فى الاوراق الرسميه , لكن اتحدث عن ما اسمعه فى الاعلام , مثلا يقولوا ليك والله الافارقة ما عندهم مانع او يقولوا ليك الاريتريين هم سبب تمرد ناس الشرق وهكذا يكون الكلام عندما ياتى دور الافارقة او الدول الافريقية, وحتى لفظ الصديق لم تستخدم فى كثير من الاحيان, لكن لما يجى دور العرب يقول ليك والله الاشقاء العرب متفهمين الوضع تماما , شوفوا الشقيقية سوريا محاصرة كيف من اجل اسرائيل ومش عارف ايه , وهكذا يكون الكلام يا حجازى.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: هل تعلمين أن السودانيين يتحدثون العربية أفضل من الكثيرين ممن ينتمون الى العالم العربي.
|
الاخ حجازى
ماذا تريد ان تقول؟ هل تريد تقول مادام السودانيين يتحدثون العربية افضل ممن ينتمون الى العرب فهم عرب ؟ يقال بان الرئيس الفرنسى الراحل فرانسو ميترا فى لقاء جماهيرى جمعته بالشعب المغربى فى احدى زياراته الى المغرب بحضور العاهل المغربى الراحل الملك الحسن الثانى, قال بان الملك الحسن يتحدث الفرنسية احسن منه, واكيد فهمت ماذا يقصدالرئيس الفرنسى من هذا الكلام , وكثير من الافارقة يجيدون الفرنسية وكثير من دول امريكا اللاتينية يجيدون الاسبانية والبرتغالية احسن من الاسبان والبرتغال ولكن لم اسمع او ارى ان احدا فيهم ادعى الفرنسية او الاسبانية او البرتغالية!, وبعد الكلام ده كله انا لست ضد العربية فى السودان وضد من يرى نفسه عربى وهم اقلية بالطبع مقارنة بالقوميات الاخرى , فقط ضد هيمنة الهوية العربية على الهويات الاخرى , فقط ضد هيمنة اللغة العربية على اللغات الاخرى , فقط ضد هيمنة الثقافة العربية على الثقافات الاخرى , فقط ضد الثقافة العربية التى تميز بين البشر بالاثنية واللون واللغة .
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: انتظار البعض منا لاعتراف منهم بانتمائنا (بوجه عام) الى الثقافة العربية يؤكد أننا نحس بالدون لديهم. وهو تصرف غير سليم |
هم ينظرون الينا بالدونية قبل ان ننظر نحنا الى انفسنا , وحسع حيجى واحد هنا يقول ليك بان الكلام ده ما صح وانا عندى زملاء واصدقاء عرب لم اشعر فى يوم من الايام بانهم نظروا الى نظرة دونية وانا بقول ليه كلامك صح , ولكن الكلام ده جواهم موجود حيستعملوها متى ما دعت الضرورة, ونحن السودانيين هم بيتعاملوا معانا مش عشان هم معترفين بعروبتنا , لكن لسلوك السودانيين المميز بالطيبة والكرم والصدق والمروءة والشهامة فى المقام الاول ومن ثم اللغة المشتركة. وفى النهاية انا لا ارفض العروبة لنفسى عشان عدم اعتراف العرب بى , انا ارفض العروبة لاننى لست بعربى مع الاعتراف بحق كل من يرى نفسه عربى فى السودان مع مطالبتهم بالاعتراف بحقوقى وحق كل السودانيين(الشعوب الاصيلة)وعدم فرض خصوصياتهم على الجميع .
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: مثلاً: هل ممكن نضع سؤالك في موضع آخر مثل الولايات المتحدة مثلاً؟ هلي من المنطقي مطالبة الأمريكيين اليوم أن يعودوا إلى لغة وثقافة السكان الأصليين بالولايات المتحدة ممن يسمونهم للطرافة "الهنود الحمر"؟
|
لماذا كثير من السودانيين الذين يدعون كرههم ورفضهم لسياسات امريكا وظلم امريكا , عندما تاتى سياسات امريكا وظلم امريكا مطابقة لرغباتهم واهواءهم يستدلون ويستشهدون بها حتى اذا كانت هذه السياسات ظلم لاخرين؟
نحن لا نفرض ثقافتنا ولغتنا وهويتنا على الاخرين ولا نريد الاخرين يفرضوا علينا ثقافتهم ولغتهم وهويتهم , بل نطالب بسيادة كل الثفافات واللغات والهويات بالتساوى ونتمسك على دولتنا على انها دولة سودانية افريقية لانها تقع فى افريقيا ونخرج من الجامعة العربية لان السودان ليست دولة عربية لان الاغلبية ماهم بعرب ولايمكن ان يفرض الاقلية على الاغلبية هويتهم ولغتهم وثقافتهم ونتفق على لغة بالتراضى على ان تكون لغة الدولة الرسمية, غير ذلك عدم الاعتراف من الاقلية بحقوق الغالبية , غير ذلك معناه استمرارية الحرب , غير ذلك معناه استمرار التشرزم والتفكك وطلب تقرير مصير لكل من لا يعجبه الوضع الحالى (السودان القديم) .
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
كتب ود حجازى
Quote: لا أدري من أين أتيت بما تقول.
ما أعرفه وماهو متداول في الاوراق الرسمية هو أن نطلق اسم أشقاء على الاشقاء الافارقة والعرب
بدافع جوار المنطقة. |
إنها موجود يا اخى واضيف لذلك ايضاً ان ساسة ومسئولى الدولة السودانية دون إستثناء ينادون مثلاً المصريون أشقاء ولكن فى نفس الوقت يتم مناداة الجنوبى (من جنوب السودان) بالاخ وإنت فاهم قصدى لانه كما قيل (ورب أخ لك لم تلده امك)... صح؟؟؟
يعنى (الاخوان الجنوبيين مقابل الاشقاء العرب) معقولة بس؟؟؟!!!
| Quote: هل تعلمين أن السودانيين يتحدثون العربية أفضل من الكثيرين ممن ينتمون الى العالم العربي. |
ما كفاية يا اخى!!!
| Quote: انتظار البعض منا لاعتراف منهم بانتمائنا (بوجه عام) الى الثقافة العربية يؤكد أننا نحس بالدون لديهم. وهو تصرف غير سليم. |
لا نريد هذا الإعتراف حتى...
| Quote: نحن ننتمي الى ثقافات عدة دون شك. ولكن من بين تلك الثقافات العربية دون شك أيضاً. |
طيب ليه جارننا معاكم (الساسة السودانيين)ونحن ما عرب.
Quote: نحن نكتب ونغني ونشعر ونتسامر بالعربية. ويفعل الكثيرون منا ذات الشيء بلغاتنا المحلية. فأين المشكلة؟ وبالكثير من الدول العربية نجد ذات الظاهرة.
قرأت مؤخراً هنا بعض المقالات التي تنكر علي السودانيين الانتماء الى الثقافة العربية. والطريف هو أن أي من هؤلاء إن كتب ما كتب بغير العربية لوجد الكثير من العنت في سبيل أن يتفاعل غالب الناس معه بالسودان. |
برضو ما عزر ما عزر ما عزر...
وإنت برضك يا شقيق
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: شول اشوانق دينق)
|
| Quote: بم تتخاطب القبائل غير العربية فيما بينها؟ باللغة العربية حتى في جنوب السودان والذي يحاول الآن تبديلها إلى الانجليزية. لماذا؟ لأن الانجليزية لغة العلم والتطور؟ |
نعم القبائل الغير عربية تتخاطب فيما بينها باللغة العربية لان لغة الدولة الرسمية هى العربية وانا الذى اتحدث معاك الان قبل ذهابى الى المدرسة لا علاقة لى بالعربية وكثير من الذين لم يذهبوا الى المدرسة يتحدثون العربية بصعوبة اكثر منى ولا يكمن ان تقضى اى مهمة فى اى مؤسسة فى السودان الا بالعربية سوى فى محكمة او مستشفى او بنك او و او...الخ وهذا هو السبب الذى جعل الجميع يتعاملون مع العربية , ولكن السؤال هل شاوروا اهل السودان بمختلف اثنياتهم عندما اتوا باللغة العربية بان تكون لغة الدولة الرسمية ؟ هل حدث هذا بالتراضى من الجميع؟ الاجابة لا والف لا!, نعم كما قلت اللغة الانجليزية لغة العلم والتكنولوجيا والتطور وعلى هذا الاساس العالم اجمع يتعامل مع الانجليزية بالتراضى بجانب لغاتهم وبالتالى هى اللغة الرابطة بجميع شعوب العالم ولم تكن مفروضة على احد.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: الآن نحن نتخاطب ونقرأ ونكتب باللغة العربية في أرفع اختراع حديث للإنسان للتخاطب والاتصال وهو الانترنيت. أين المشكلة إذاً؟
|
نحن لا نتحدث الان باى لغة نتخاطب فيما بيننا , بل نحن نتحدث فيما ليس بالضرورة ان تنتمى لهوية اللغة التى تتحدث بها ولا كل من يتحدث لغة الاخر بينتمى اليه اثنيا وبالتالى ليس كل السودانيين بعرب عشان هم بيتحدثوا بالعربية او يجيدون العربية , ونتحدث ايضا عن هل العربية اصبحت لغة الدولة بالتراضى ومشاورة اهل السودان؟ ونتحدث ايضا عن كيف يكون انسان اريتريا وتشاد وافريقيا الوسطى وكينيا ويوغندا اخ او صديق للسودانى وبالمقابل انسان سوريا والسعودية ولبنان شقيق ؟
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: لا اميل للعروبة قط
ولا للراكضين خلفها
فكم من مرة وقفت ببابهم ( العرب ) ورفضونى كموظفة او حتى عاملة فى شركاتهم التى لا تحصى ولا تعد هنا فى الوليات المتحدة |
حوار جدير بالتحضير له قبل الخوض فيه , ولكن في العموم أجد لكلمات الاستاذ سلمى الشيخ ألق كبير في نفسي , فالسؤال ماذا قدمت لنا الدول الشقيقة وماذا قدمنا للدولة الصديقة ؟ دوما تحضرني تلك المقولة التي لا انسبها تاريخياوهي التي تقول خيرونا بين ان نكون أفضل الافارقة وأسواء العرب فإخترنا الاخيرة بحسب علمي لم نختار شئ .
سلمتم جميعكم .
.........................................................حجر.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ثم كون أن موسيقانا أفريقية لا يعني أننا لا ننتمي إلى الثقافة العربية. فمعظم مفردات اللغة المغناة هي في الواقع عربية. حتى الذين يظنون أنه لا شأن لهم بالثقافة العربية يتغنون باللغة العربية من القبائل النوبية في الشمال أو البجاوية في الشرق أو الأصول الأخرى المسماة افريقية في الجنوب والغرب.
|
انا شخصيا الموسيقى واللحن بتمثل عندى اكثر من 70% فى الاغنية وارى كذلك عند الكثيرين, انا شخصيا لا اتذوق الاغنية العربية لاختلاف الموسيقى , انا اذنى موزون على الموسيقى الافريقية (السلم الخماسى) وهم كذلك لا يتذوقون الاغنية السودانية لاختلاف الموسيقى , وفى يوم ما كنت حضور لحفل سودانى كان فيه ايضا حضور عربى وافريقى والفنان من الفنانين الشباب الذين يقلدون الاستاذ وردى , فى هذا الحفل لاحظت تفاعل الافارقة مع الاغانى السودانية بالرقص والتطريب رغم عدم فهمهم لكلمات الاغانى , فى الوقت الذى لم تحرك هذه الاغانى ساكن العرب , رغم ان كلمات الاغانى عربية, وبالمناسبة لم تكن كل الاغانى العربية السودانية كلماتها مفهومة عند العرب , لان اغلب الاغانى كلماتها من الدراجة السودانية التى اصلا ماخوذة من اللغات السودانية الاخرى , على سبيل المثال النوبية والبجاوية , وممكن تلاحظ كلامى ده بصورة واضحة فى اغانى واشعار الشايقية.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: الموضوع ليس هو مَن نحن اثنياً؟
إنما مَن نحن الآن؟ [/QUOT
ليه ما مهم من نحن اثنيا ؟ الاثنية دى من طبيعة الاشياء يا عزيزى , ونحن الان نوبة , زغاوة , عرب , بجه , دينكا , نوير , شلك, مساليت , تاما , عنج , قمر , برنو, فور, والخ , والا انت عايز تحصرها فى هوية واحدة وعايز تقول نحن عرب, يا عزيزى احترم عروبتك واقدرها , بس ارجوك انا ما عربى وما تفرضها على وما تحاول تقنعنى بغير ذلك!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الأخ خالد
سلامات
ما قصدته بالأوراق الرسمية هو البيانات والخطابات الرسمية التي يلقيها المسئولون الرسميون. ويمكن الاستشهاد بالعديد من خطابات رئيس الجمهورية أو وزير الخارجية وغيرهما في مخاطبتهما للمجموعة الأفريقية بالأشقاء. لاحظ أن جوار المنطقة غالباً – أقول غالباً – ما يعني جوار في العرق أو اللغة أو الدين. أما المحاباة أو الاتفاق في الموقف السياسي فلذلك دوافع أخرى. وقد شاهدنا جميعاً مثلاً كيف اختلف العرب فيما يتعلق بالتصالح مع " إسرائيل" مثلاً.
لم أقصد بالطبع أننا فقط لأننا نتحدث العربية فإننا عرب. بل قصدت بما أننا نتحدث العربية فنحن نمتلك مكون أساسي من مكونات الثقافة العربية وهو سلاح لنا وليس علينا. كما لم أقصد هيمنتها على اللغات والثقافات الأخرى ولكن الاستفادة منها كلغة وثقافة لها موقعها وقوتها بدليل أننا نتخاطب بها أنا وأنت الآن هنا مثلما قلت سابقاً. صدقني أنا سعيد الآن مثلاً أن هناك وجود أكبر لثقافتي ولغتي المحلية (الدنقلاوية) على الأجهزة الإعلامية الرسمية. ولدي إحساس أن القصور السابق لا تتحمل وزره الأجهزة الرسمية وحدها وإنما ضعف الإنتاج الفني والأدبي لدينا. وأرجو أن لا أكون مخطئاً.
أنا لست بعربي يبدو لي فندناها فوق. بمعنى نحن، أنا وأنت ممن يعتقدون أنهم ينتمون اثنياً إلى أصول أفريقية أكثر من انتمائهم إلى أصول عربية ليسوا عرباً اثنياً ولكننا نتعامل فيما بيننا بمكونات أساسية من الثقافة العربية من بينها اللغة العربية. وأرى أنك ما زلت تنتظر أن يعترف لك العرب بعروبتك.
ياخي بعضهم لا يعرف حتى "من يحكمكم من أبناء عبد العزيز" زي ما قالت النكتة. وأنت تريد منهم أن يعترفوا بثقافة عروبتك. صدقني نحن لسنا في حاجة إلى ذلك. كثير منا يتحدث ويعلم من الثقافة العربية أكثر ممن يسمون عرباً. والعروبة والعربية ميزة وليست نغمة للسودان.
الخروج من جامعة الدول العربية أو انتقاد أن تكون الخرطوم عاصمة للثقافة العربية هو جهل بكلما قلته أعلاه. ببساطة لن نكسب شيئاً من خروجنا من الجامعة العربية. بل سنخسر الكثير. ياخي هو أقرب نحن للجامعة ولا جيبوتي والصومال وغيرهم. خلي ديل خد لبنان مثلاً نصها شركس وتركمان وكرد والبان وبقايا فرنسيين حتى فرقت معاهم؟ ما هو بيروت عاصمة للثقافة العربية وللكتاب العربي؟
الفرق أنهم شُطار وبيعرفوا يستفيدوا مما في أيديهم من أدوات.
وسنواصل.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: abdelwahab hijazi)
|
| Quote: بل قصدت بما أننا نتحدث العربية فنحن نمتلك مكون أساسي من مكونات الثقافة العربية وهو سلاح لنا وليس علينا |
الاخ حجازى
سلامات
لا يا عزيزى انا امتلك المكون الثقافى النوبى , كما انت تمتلك المكون الثقافى العربى , هل لدى الحق ان احتفظ به واحافظ عليه وابرزه من خلال اجهزة اعلام الدولة المرئية والمسموعة والمقروءة وادرسها واعلمها لابنائى فى المدارس والجامعات وغيرها كما يحدث للمكون الثقافى العربى؟ انا يا عزيزى سلاحى هو المكون الثقافى النوبى.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: ولكن الاستفادة منها كلغة وثقافة لها موقعها وقوتها بدليل أننا نتخاطب بها |
الاخ حجازى
سلامات
هل انا اخترت ان تكون لغة تخاطب بيننا؟ هل شوورنا نحن الشعب السودانى فى اختيار اللغة التى تربطنا كاثنيات متعدده فى بلد اسمها السودان ؟ يا عزيزى السؤال ده سالتك ليه فى اكثر من مداخلة فى مداخلاتى اعلاه وفى انتظار اجابتك.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: ولكن الاستفادة منها كلغة وثقافة لها موقعها وقوتها بدليل أننا نتخاطب بها |
الاخ حجازى
سلامات
هل انا اخترت ان تكون لغة تخاطب بيننا؟ هل شوورنا نحن الشعب السودانى فى اختيار اللغة التى تربطنا كاثنيات متعدده فى بلد اسمها السودان ؟ يا عزيزى السؤال ده سالتك ليه فى اكثر من مداخلة فى مداخلاتى اعلاه وفى انتظار اجابتك.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
.
الأخ شول اشوانق دينق
قلت أن ساسة ومسئولي الدولة السودانية دون استثناء ينادون مثلاً المصريين بالأشقاء بينما يتم مناداة الجنوبي (من جنوب السودان) بالأخ وإنت فاهم قصدى لانه كما قيل (ورب أخ لك لم تلده امك)... صح؟؟؟
صدقني ما فاهم قصدك. يعني حسع شوف " الإخوان" سلمى وخالد وشخصي من بداية الرابط ده ونحن بنخاطب بعض بالأخ والأخت وكده، هل هذا يعني أي شيء سوى الاحترام وبعض الحميمية المتبادلة. لفظة أشقاء البقولوها للمصريين دي عندي إحساس إنو بقولوها بأثر تاريخي منذ أن تنادى البعض في البلدين في السابق بالوحدة بينهما. وحتى أن أكبر الأحزاب آنذاك كان يسمى بالأشقاء. هذا بالاضافة إلى ما ذكرت في السابق من أن أشقاء تطلق على العرب والافارقة بالنسبة لنا في السودان. صدقني لفظة " الإخوة الجنوبيين" لا تقل حميمية عن لفظة "الأشقاء الجنوبيين" إن شئت أنت وآخرون أن يتم تبادلها. بعدين بصراحة مسألة الاخوة بين الشمال والجنوب دي فصلوا فيها ناس قبلينا وضمنوها الكتب المدرسية منذ استقلال السودان.
قلتَ أيضاً: ًطيب ليه جارننا معاكم (الساسة السودانيين)ونحن ما عرب؟
ما في زول جاري زول. ما أشرت له في السابق أن الثقافة واللغة العربية بالسودان ميزة وليست نغمة.
هل بالضرورة التخلص من اللغة العربية حتى نتمكن من احترام الثقافات واللغات " المحلية" الأخرى؟ ولماذا؟
السؤال القديم مرة أخرى: هل يجب التخلص من الانجليزية حتى يتم احترام ثقافات ولغات الهنود الحمر؟
Quote: ودمتم بألف خير.
وإنت برضك يا شقيق
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: abdelwahab hijazi)
|
| Quote: صدقني أنا سعيد الآن مثلاً أن هناك وجود أكبر لثقافتي ولغتي المحلية (الدنقلاوية) على الأجهزة الإعلامية الرسمية. ولدي إحساس أن القصور السابق لا تتحمل وزره الأجهزة الرسمية وحدها وإنما ضعف الإنتاج الفني والأدبي لدينا. وأرجو أن لا أكون مخطئاً. |
الاخ حجازى
مافى حاجة اسمها لغة محلية , اللغة هى اللغة فقط تسميها باسمها وفى حالة الدناقلة الدنقلاوية لهجة من اللغة النوبية كما الشامية والخليجية لهجات من اللغة العربية واللغة النوبية لغة من اللغات السودانية نسبة لوجود اكثر من لغة سودانية,ام الوجود الذى تراه انت لثقافتك الان فى اجهزة الاعلام ما بالقدر المطلوب والصورة المطلوبة وفى النهاية هو منحة عندها علاقة مباشرة بسياسة حزب المؤتمر الحاكم وهى سياسة خبيثة لكل من يعلم ومتى ما انتفت الاسباب سوف تختفى هذه المنحة ! واذا انت بترى بانو فى ضعف انتاج , هذا نتيجة لعدم التمويل من الجهات المختصة فى الدولة وعدم وجود مساحة كافية لها فى الاعلام و عدم رغبة اعداء ثقافاتنا ولغاتنا من الحكام والمسئولين فى تطوير وتنمية ثقافاتنا ولغاتنا و القهر الذى يحدث لثقافاتنا ولغاتنا نتيجة هذه السياسات!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: أنا لست بعربي يبدو لي فندناها فوق. بمعنى نحن، أنا وأنت ممن يعتقدون أنهم ينتمون اثنياً إلى أصول أفريقية أكثر من انتمائهم إلى أصول عربية ليسوا عرباً اثنياً ولكننا نتعامل فيما بيننا بمكونات أساسية من الثقافة العربية من بينها اللغة العربية. وأرى أنك ما زلت تنتظر أن يعترف لك العرب بعروبتك.
ياخي بعضهم لا يعرف حتى "من يحكمكم من أبناء عبد العزيز" زي ما قالت النكتة. وأنت تريد منهم أن يعترفوا بثقافة عروبتك |
حجازى اخوى
انت الظاهر عليك عملت مداخلتك الاخيرة دى قبال ماتقرا مداخلاتى كويس!
انا لا اعتقد بل اجزم بانى نوبى افريقى.
فى مداخلة سابقة قلت لك اجادة السودانيين للعربية ما معناه انو السودان دولة عربية وكل السودانين عرب وضربت ليك امثلة كثيرة فى هذا الخصوص , ارجو الرجوع لمداخلاتى اعلاه, حتى لو يوجد عرب فى السودان! انا لا يهمنى اعترافهم ولا منتظر اعترافهم لانى ببساطة ما عربى وعارف روحى قبال ما هم يقولوا لى!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: والعروبة والعربية ميزة وليست نغمة للسودان.
|
الاخ حجازى
النوبة والنوبية ايضا ميزة وليست نغمة للسودان.
البجا والبجاوية ايضا ميزة وليست نغمة للسودان.
الدينكا والدينكاوية ايضا ميزة وليست نغمة للسودان.
الزغاوة والزغاوية ايضا ميزة وليست نغمة للسودان.
الفور والفوراوية ايضا ميزة وليست نغمة للسودان .
وهكذ..........الخ
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: ببساطة لن نكسب شيئاً من خروجنا من الجامعة العربية. |
الاخ حجازى
الموضوع ما موضوع ربح و خسارة , الموضوع موضوع وجودنا فى مكان ما مكاننا , نعم يوجد عرب فى السودان ولكن لا يمثلون الاغلبية حتى يقرروا نيابة عن الاغلبية فى امور مثل هذا , نحترم لعرب السودان حقهم فى ان يكون لديهم علاقات حميمة مع اشقائهم من العرب كما يحلو لهم تسميته , بس مش على حساب الاغلبية , ممكن يعملوا منظمة غير حكومية يسموها منظمة تواصل عرب السودان مع اشقاءهم العرب فى الدول العربية او باى اسم هم يختارونه.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: خلي ديل خد لبنان مثلاً نصها شركس وتركمان وكرد والبان وبقايا فرنسيين حتى فرقت معاهم؟ ما هو بيروت عاصمة للثقافة العربية وللكتاب العربي؟ |
الاخ حجازى
لبنان دولة عربية والمجموعات التى ذكرتها جاءت من خارج الحدود وبالتالى لازم يكونوا جزء من الثقافة العربيةواللغة العربية اللى هى اصل لبنان ولا يمكن ان يفرضوا عليهم حاجاتهم وهم مهاجرين او لاجئين له, هل تستطيع وانت زائر اوضيف فى دار شخص اخر ان تفرض على اصحاب هذا الدار الذى انت ضيف فيه خصوصياتك ؟ انت اليوم فى المانيا هل تستطيع اومن حقك او حق كل المهاجرين فى المانيا ان يفرضوا على الشعب الالمانى خصوصياتهم من لغة وثقافة وعادات وتقاليد؟ بل انت الذى يجب ان تتعامل مع خصوصياتهم ولو بنسبة حتى تعيش وتتواصل معهم فى بلدهم واذا انت تريد ان تكون المانيا بلدك والى الابد لازم تكون جزء منها والا وسوف تجد نفسك وحيدا
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: هل بالضرورة التخلص من اللغة العربية حتى نتمكن من احترام الثقافات واللغات " المحلية" الأخرى؟ ولماذا؟
|
الاخ حجازى
سلامات
مافى حد قال يتخلصوا من العربية !, بل نطالب بالمساواة وسيادة لغاتنا كما العربية, ودع الشعب يختار بنفسو لغة الدولة الرئيسة بدل فرض لغة واحدة من فئة قليلة لا تمثل كل الشعب!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الاخ خالد لك التحية لاثارة هذا الموضوع الذى لم يجد الكثير
من النقاش الجاد.
أتذكر فى بوست من البوستات كتب أحد الاخوة وأظنوا بكرى ابوبكر
عن عندما تقدم السودان للانضمام لجامعة الدول العربية قبل برفض
الشديد بالاخص من لبنان وبعض الدول العربية , وحسم الامر بتسمية
المنظمة جامعة الدول الع العربية والسودان
نعم أخى: غلبية أهل السودان لهم لغاتهم الافريقية ولكن أن يجر
وطن مثل السودان بأسم أقلية ويكون دولة عربية مسألة مرفوضة تماما.
أنا أفريقى ... وأعتز بأفريقتى
أنا أفريقى أنا سودانى.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: الاخ حجازى
لبنان دولة عربية والمجموعات التى ذكرتها جاءت من خارج الحدود وبالتالى لازم يكونوا جزء من الثقافة العربيةواللغة العربية اللى هى اصل لبنان ولا يمكن ان يفرضوا عليهم حاجاتهم وهم مهاجرين او لاجئين له, هل تستطيع وانت زائر اوضيف فى دار شخص اخر ان تفرض على اصحاب هذا الدار الذى انت ضيف فيه خصوصياتك ؟ انت اليوم فى المانيا هل تستطيع اومن حقك او حق كل المهاجرين فى المانيا ان يفرضوا على الشعب الالمانى خصوصياتهم من لغة وثقافة وعادات وتقاليد؟ بل انت الذى يجب ان تتعامل مع خصوصياتهم ولو بنسبة حتى تعيش وتتواصل معهم فى بلدهم واذا انت تريد ان تكون المانيا بلدك والى الابد لازم تكون جزء منها والا وسوف تجد نفسك وحيدا
|
كلام غير صحيح طبعاً. ماذا كانت لبنان قبل دخول العرب اليها؟ ولماذا فُرضت اللغة الانجليزية على الولايات المتحدة الامريكية مثلاً؟
أنت لم تفهم إشارتي الى أن المهم ليس هو من نكون اثنياً ولكن من نحن الآن. والى أين يمكن أن نمضي بثقافاتنا جميعها. مشروع إنك تعمل مساواة بين الثقافة العربية والثقافات الاخرى ده مشروع مشروع ولكنه في ظروفنا الراهنة طموح للغاية. حأوريك كيف.
إنت قلت بعداك كده:
Quote: الاخ حجازى
سلامات
مافى حد قال يتخلصوا من العربية !, بل نطالب بالمساواة وسيادة لغاتنا كما العربية, ودع الشعب يختار بنفسو لغة الدولة الرئيسة بدل فرض لغة واحدة من فئة قليلة لا تمثل كل الشعب!
|
ورينا يلا اللغة الانت بتقترح إنها تحل محل العربية اليوم وليه بنفس منطقك يقبلوها الآخرين الذين لا يتحدثون بها؟ بعدين هل الدولة الآن عندها الوسائل حتى تضع ذلك عملياً؟
الواقع الراهن إنو الناس كلهم تقريباً بيعرفوا اللغة العربية أو بيتحدثوا بيها بيانتم. حتى في جوبا والجنوب بوجه عام الناس بيتكلموا "عربي جوبا" وبيغنو بيهو كمان. نقوم نقول ليهم لأ ياخوانا نبدأ من جديد ونتعلم النوبية أو الدينكاوية أو .. أو ...
ده حل غير عملي. الحل العملي نبدأ بالموجود ونطور الاندثر والمحدود بامكاناتنا المحدودة لما يبقى في طريقة تتعمم واحدة من اللغات التانية معاها ومش ازاحتها. لانو أي لغة زيادة مكسب وليس خسارة.
كل اللغات الانت قلتهادي مكسب لكن مش بختو واحدة ويشيلو واحدة. حنكون عملنا شنو كده؟
تعرف يا خالد، محمد علي النقرو جاب المفيد لما قال:
Quote: نعم أخى: غلبية أهل السودان لهم لغاتهم الافريقية ولكن أن يجر
وطن مثل السودان بأسم أقلية ويكون دولة عربية مسألة مرفوضة تماما.
أنا أفريقى ... وأعتز بأفريقتى
أنا أفريقى أنا سودانى.
|
منو القال إنو كونك دولة عربية بمعنى عضو بالجامعة العربية بينفي إنك أفريقي؟
بعدين يعني شنو أفريقي اصلاً؟ ياخي ده اسم اطلقوه العرب والفينيقيين على تونس.
وحسع أفريقيا بالفهم الحاضر نفسه فيهاكم دولة عربية وكم مليون عربي؟
يا أخي دي ما مسائل بحسبوها بي قولة أنا بحب دي وما بحب دي.
الواقع هو البيجبرك كشعب أو حكومة في خياراتك والآمال في المساواة التامة دي بيمشوا ليها بشيش بشيش.
ودمتم بالف خير يا أشقاء على رأيكم.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ما في زول جاري زول. ما أشرت له في السابق أن الثقافة واللغة العربية بالسودان ميزة وليست نغمة.
هل بالضرورة التخلص من اللغة العربية حتى نتمكن من احترام الثقافات واللغات " المحلية" الأخرى؟ ولماذا؟
السؤال القديم مرة أخرى: هل يجب التخلص من الانجليزية حتى يتم احترام ثقافات ولغات الهنود الحمر؟ |
راجع كلامى كويس ... انا ما طالبت بالتخلص من اللغة العربية ابداً...
قصدى إنو ليه يضمونا لجامعة الدول العربية ونحن ما عرب؟؟؟
شول
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: شول اشوانق دينق)
|
| Quote: مشروع إنك تعمل مساواة بين الثقافة العربية والثقافات الاخرى ده مشروع مشروع ولكنه في ظروفنا الراهنة طموح للغاية. |
الاخ حجازى
ازيك
ده مش طموح يا عزيزى , ده حق وكمان حق اصيل لا يقبل المساومة!
حتى اذا افترضنا زى ما بتقول طموح , هل فى استحالة فى تحقيق هذا الطموح ؟
لا يا عزيزى لا توجد اى استحالة اذا اصلا فى ارادة , لكن للاسف لا توجد ارادة عند اعداء هذه الثقافات وهذه هى المشكلة الرئيسية!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ورينا يلا اللغة الانت بتقترح إنها تحل محل العربية اليوم وليه بنفس منطقك يقبلوها الآخرين الذين لا يتحدثون بها؟ بعدين هل الدولة الآن عندها الوسائل حتى تضع ذلك عملياً؟
الواقع الراهن إنو الناس كلهم تقريباً بيعرفوا اللغة العربية أو بيتحدثوا بيها بيانتم. حتى في جوبا والجنوب بوجه عام الناس بيتكلموا "عربي جوبا" وبيغنو بيهو كمان. نقوم نقول ليهم لأ ياخوانا نبدأ من جديد ونتعلم النوبية أو الدينكاوية أو .. أو ...
ده حل غير عملي. الحل العملي نبدأ بالموجود ونطور الاندثر والمحدود بامكاناتنا المحدودة لما يبقى في طريقة تتعمم واحدة من اللغات التانية معاها ومش ازاحتها. لانو أي لغة زيادة مكسب وليس خسارة.
كل اللغات الانت قلتهادي مكسب لكن مش بختو واحدة ويشيلو واحدة. حنكون عملنا شنو كده؟
|
حجازى
تانى ازيك
يا عزيزى انا لما قلت الشعب يحدد اللغة الرئيسية للدولة ما قلت يستبدل النوبية بالعربية ولا البجاوية بالعربية , لانو اى شعب فى الدنيا دى بتتحدث لغة عالمية حية بجانب لغته الام سوى هذه اللغة هى الانجليزية او الفرنسية وبالفهم ده العرب والنوبة والدينكا والزغاوة والبجه و...الخ هم شعوب بيكونوا السودان الحالى وكل مجموعة من هذه المجموعات لها لغتها الام وثقافتها الام , اذن كل هذه المجموعات تجلس مع بعضها البعض وبالتراضى تختار لغة الدولة الرئيسية من اللغتين الرئيسيتن فى العالم ( الانجليزية او الفرنسية) بدل فرض مجموعة واحدة على المجموعات الاخرى لغتها مع احتفاظ كل مجموعة بلغتها واعطاء الفرصة لكل من يريد ان يتعلم لغة الاخر بالتراضى متى ما كان ذلك متاحا فى معاهد لتدريس اللغات , و اختيار الشعب السودانى بجميع مكوناته بما فيهم العرب على اللغة الانجليزية مثلا كلغة رئيسية للدولة لا يعنى بان الشعب السودانى انجليز (خواجات).
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: منو القال إنو كونك دولة عربية بمعنى عضو بالجامعة العربية بينفي إنك أفريقي؟
بعدين يعني شنو أفريقي اصلاً؟ ياخي ده اسم اطلقوه العرب والفينيقيين على تونس.
وحسع أفريقيا بالفهم الحاضر نفسه فيهاكم دولة عربية وكم مليون عربي؟
يا أخي دي ما مسائل بحسبوها بي قولة أنا بحب دي وما بحب دي.
|
حجازى
سلامات
يا اخى انا ما برفض انضمام السودان للجامعة العربية عشان بينفى افريقيتى, انا برفض مادام السودان ما دولة عرب , يا عزيزى العرب فى السودان مجموعة مثلها مثل اى مجموعة وهم اقلية مقارنة باجمالى المجموعات الغير عربية , اذن ليس من العدل ان يسوق الاقلية الاغلبية والذهاب بهم الى بيت لا علاقة لهم به, واذا عرب السودان عايزين يكون لهم علاقات عرب بعرب , باشقائهم فى الدول العربية وهذا من حقهم, عليهم ان يكون لهم هذه العلاقة او هذا التواصل عبر منظمة او مؤسسة غير حكومية باى اسم يرونه مناسبا من غير جر الاخرين معهم,
ياعزيزى بصرف النظر ماذا يعنى افريقى , افريقيا قارة والسودان دولة فى قارة افريقيا , وبهذا الفهم السودان عضو فى الاتحاد الافريقي , لانو الاتحاد الافريقى مبنى على اساس الدول التى تقع داخل قارة افريقيا.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: الواقع هو البيجبرك كشعب أو حكومة في خياراتك والآمال في المساواة التامة دي بيمشوا ليها بشيش بشيش.
ودمتم بالف خير يا أشقاء على رأيكم. |
الاخ حجازى
الواقع ده ما مختار , الواقع ده مفروض من فئة قليلة لاتريد للاخرين حقه!
ودمتم انت بالف خير يا صديق
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ده مش طموح يا عزيزى , ده حق وكمان حق اصيل لا يقبل المساومة!
حتى اذا افترضنا زى ما بتقول طموح , هل فى استحالة فى تحقيق هذا الطموح ؟
لا يا عزيزى لا توجد اى استحالة اذا اصلا فى ارادة , لكن للاسف لا توجد ارادة عند اعداء هذه الثقافات وهذه هى المشكلة الرئيسية!
|
ياخالد سلامات
أنا لما قلت مشروع مشروع معناهو نفس كلامك ده. يعني مشروع من حق الناس يطالبوا بيهوه. الظاهر إنك افتكرت انو مشروع دي مكررة ساكت.
الاستحالة وين؟
إنو لو قلنا نبدأ من اليوم بلغة واحدة توحد الناس أو يستخدموها كوسيلة للتخاطب المشترك ما حنلقى غير اللغة العربية. يمكن لي قدام نلقى. ياخي خليهو السودان حسع في بورد بكري الصغير ده لو قالوا للناس حنبطل نكتب بالعربي والكتابة بالانجليزي بس نص الناس بيمشي يخليهو. فخلونا ياخي واقعيين شوية.
| Quote: , اذن كل هذه المجموعات تجلس مع بعضها البعض وبالتراضى تختار لغة الدولة الرئيسية من اللغتين الرئيسيتن فى العالم ( الانجليزية او الفرنسية) بدل فرض مجموعة واحدة على المجموعات الاخرى لغتها مع احتفاظ كل مجموعة بلغتها واعطاء الفرصة لكل من يريد ان يتعلم لغة الاخر بالتراضى متى ما كان ذلك متاحا فى معاهد لتدريس اللغات , و اختيار الشعب السودانى بجميع مكوناته بما فيهم العرب على اللغة الانجليزية مثلا كلغة رئيسية للدولة لا يعنى بان الشعب السودانى انجليز (خواجات). |
ما ملاحظ أي تناقض بين كلامك ده وكلامك الفات البترفض بيهو اللغة العربية كلغة تخاطب للناس كلهم؟
وقت اصلو لما نتكلم الانجليزي ما معناه انو انحنا انجليز ليه ما دايرين تقتنعوا انو لما نتكلم العربي ما بالضرورة نكون عرب ؟ وده معنى كلامي قبيل مافي زول قال انو السودانيين عرب اثنياً مائة بالمائة. ولكن الثقافة السائدة الآن هي الثقافة العربية.
هسع الكلام زاتو مش متناقض مع كلامك التحت ده؟
Quote: يا اخى انا ما برفض انضمام السودان للجامعة العربية عشان بينفى افريقيتى, انا برفض مادام السودان ما دولة عرب , يا عزيزى العرب فى السودان مجموعة مثلها مثل اى مجموعة وهم اقلية مقارنة باجمالى المجموعات الغير عربية , اذن ليس من العدل ان يسوق الاقلية الاغلبية والذهاب بهم الى بيت لا علاقة لهم به, واذا عرب السودان عايزين يكون لهم علاقات عرب بعرب , باشقائهم فى الدول العربية وهذا من حقهم, عليهم ان يكون لهم هذه العلاقة او هذا التواصل عبر منظمة او مؤسسة غير حكومية باى اسم يرونه مناسبا من غير جر الاخرين معهم,
ياعزيزى بصرف النظر ماذا يعنى افريقى , افريقيا قارة والسودان دولة فى قارة افريقيا , وبهذا الفهم السودان عضو فى الاتحاد الافريقي , لانو الاتحاد الافريقى مبنى على اساس الدول التى تقع داخل قارة افريقيا.
|
طيب قلت برضو:
| Quote: ياعزيزى بصرف النظر ماذا يعنى افريقى , افريقيا قارة والسودان دولة فى قارة افريقيا , وبهذا الفهم السودان عضو فى الاتحاد الافريقي , لانو الاتحاد الافريقى مبنى على اساس الدول التى تقع داخل قارة افريقيا. |
الجامعة العربية برضو ياسيدي مبنية على اساس الدول الموجودة في المنطقة العربية وليس على أساس عرقي أو اثني. وكويس انك بسطت الموضوع كده. العالم العربي ده يا سيدي زي ما فيهو النوبة والقبائل ذات الاصول النيلية فيهو برضو البربر والامازيق والطوارق وغيرهم. يعني الجامعة العربية ليست علاقة اسرية أو قبلية. هي مجموعة تعاون بين دول تسمى الجامعة العربية.
بعدين منو القال انو الانجليزية والفرنسية هم اللغتين الرئيسيتين في العالم. ده كلام ما عندو سند لا منطق ولا واقع. في مجموعة لغات تسمى اللغات العالمية وهي اللغات التي تترجم اليها الوثائق الدولية.
الانجليزية والفرنسية أحسن من العربية في شنو؟
صدقني ما في فرق إلا بطريقة بحبها وما بحبها القلتها قبيل دي.
وكان للتقدم والتكنولوجيا راجع كلامي السابق عن انو انحنا هسع بنتخاطب باللغة العربية في أحدث وسيلة للتخاطب بين الناس في العالم وهي الانترنيت. المشكلة وين تاني؟
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ياخي خليهو السودان حسع في بورد بكري الصغير ده لو قالوا للناس حنبطل نكتب بالعربي والكتابة بالانجليزي بس نص الناس بيمشي يخليهو. فخلونا ياخي واقعيين شوية.
|
حجازى
سلامات
اكيد لو انجليزى او اى لغة اخرى اذا كان اخذت حظها مثل العربى برضو الوضع كان حيكون مختلف.
وانت فى نقطة مهمة انا كررتها كتير , بس انت ما فاهمها او ما عايز تفهمها , اللى هى هل الواقع البتقولو انت ده وعايزنا نسلم بيه , هل الواقع ده مختار من قبل الشعب السودانى او اتفرض عليه؟ الاجابة ياسيدى الواقع ده اتفرض على الشعب بمعنى مافى حد استشاروهو فى اختيار لغة الدولة!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ما ملاحظ أي تناقض بين كلامك ده وكلامك الفات البترفض بيهو اللغة العربية كلغة تخاطب للناس كلهم؟
وقت اصلو لما نتكلم الانجليزي ما معناه انو انحنا انجليز ليه ما دايرين تقتنعوا انو لما نتكلم العربي ما بالضرورة نكون عرب ؟ |
حجازى
سلام تانى
والله يا اخوى انت اللى متناقض وكمان مرواغ خطير , يا عزيزى انت شكلك الحوار ده لما يمشى لقدام بتنسى السابق , واصلا الحوار ده ما كان بيستحق ياخد الزمن ده كلو لو ما مرواغتك دى اللى بيخلينى اكرر ما قلته من قبل تانى وتالت , يا سيدى انت قلت فى مكان ما فى هذا البوست بانو نحن ما عايزين اعتراف من العرب فى عروبتنا وبنتحدث العربية كمان افضل من كثيرين منهم , وانا كان ردى ليك نحن ما عرب او كل السودان ما عرب , ونحن فينا النوبة والعرب والبجا والدينكا والزغاوة والفور ووووالخ , وما بالضرورة كل من يجيد لغة الاخر ان يكون من قوميته , وفى الحتة دى جيبت ليك امثلة كتيرة زى اجادة الملك الحسن الثانى للغة الفرنسية وتعليق الرئيس الفرنسى فرانسوا مترا فيها واجادة شعوب دول امريكا اللاتينية للغات الاسبانية والبرتغالية وعدم ادعاءهم فى يوم من الايام باسبانيتهم وبرتغاليتهم , تانى انت تجى تناقض كلامك وتقول لى ليه ما دايرين تغتنعوا انو لما نتكلم العربى ما بالضرورة نكون عرب ؟ المنتاقض فينا منو حسع هنا ؟ انا والا انت؟ وانا لما قلت ليك , نحن لو لغة دولتنا انجليزية ما معناه نحنا انجليز ولا ما فى واحد حيدعى انو هو خواجة ,زى ما فى ناس ادعت للسودان العروبة ومازالوا وانت واحد منهم !
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: الجامعة العربية برضو ياسيدي مبنية على اساس الدول الموجودة في المنطقة العربية وليس على أساس عرقي أو اثني |
حجازى
كده ورينى المنطقة العربية دى بتبدا من وين وبتنتهى وين وكيف السودان فيها؟ ومن متين خريطة المنطقة العربية اللى بتقصدها دى؟
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: العالم العربي ده يا سيدي زي ما فيهو النوبة والقبائل ذات الاصول النيلية فيهو برضو البربر والامازيق والطوارق وغيرهم. يعني الجامعة العربية ليست علاقة اسرية أو قبلية. هي مجموعة تعاون بين دول تسمى الجامعة العربية.
|
يا سيدى العالم العربى اللى انت بتقولو ده عالم اتصنع فى التاريخ الحديث وكل دول الشعوب اللى انت ذكرتهم ديل دولهم مصنوعة على انها دول عربية رغم انهم الاغلبية فيها وشعوب اصيلة ليها , مثل ما النوبة والشعوب الافريقية الاخرى هم الاغلبية والشعوب الاصيلة فى السودان وما فى حد فيهم اختار وضعه اليوم وهم ايضا طالبوا بحقوقهم حربا وسلما وما زالوا, وتحصلوا على حقوق كثيرة حتى الان , مثلا اليوم تدرس اللغة الامازيقية فى المدارس فى المغرب ولديهم صحف تصدر بالامازيقية , لديهم اذاعات وقنوات فضائية بالامازيقية . كذلك الامازيق فى الجزائر اخذوا الكثير من حقوهم , وقبل ثلاثة سنوات اصدر الرئيس الجزائرى عبد العزيز بوتفليقة توجيهات لوزير الارشاد الدينى بطباعة المصحف الشريف باللغة الامازيقية , ولوتذكر قبل سنوات فى مؤتمر الاعلام العرب فى لبنان بحضور الزهاوى ابراهيم مالك وزير الاعلام السودانى اقر هذا المؤتمر بخق الامازيق فى الجزائر فى حقوهم الثقافية واللغوية.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: بعدين منو القال انو الانجليزية والفرنسية هم اللغتين الرئيسيتين في العالم. ده كلام ما عندو سند لا منطق ولا واقع. في مجموعة لغات تسمى اللغات العالمية وهي اللغات التي تترجم اليها الوثائق الدولية |
حجازى
سلامات
انا ما عارف فهمك شنو للرئيسيتين , لكن انا اقصد اهمية اللغتين ديل فى حياة الشعوب الان , على اساس انها لغات علم وتكنولوجيا , على انها اللغات الاولى فى الامم المتحدة والمنظمات الدولية , وخصوصية اللغة الفرنسية فى االامم المتحدة والمنظمات الدولية لانها لغة المكاتبات والعقودات والمستندات فيها.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: الانجليزية والفرنسية أحسن من العربية في شنو؟
|
انا اولا ما حاقول احسن , لانو لو فى احسن معناه فى سيئ , وما فى لغة سيئة فى الدنيا دى لانو اللغات اية من ايات الله , لكن بقول مهم , بالذات الانجليزية والفرنسية بالنسبة للعربية لاهميتهما فى حياة الشعوب , وبالاضافة لذلك اى شعب فى الدنيا دى بجانب لغته الام بياخذ الانجليزية او الفرنسية كلغة ثانية وبالذات الانجليزية , واليوم تكاد تكون فى اى دولة فى العالم يتحدثون الانجليزية , والعرب ذاتهم بعد لغتهم العربية يتحدثون انجليزى او فرنسى فى السعودية والا قطر والا البحرين , وبنفس المستوى خلينى اختار لغتى الثانية بعد النوبية او البجاوية سوى كانت انجليزية او فرنسية , عشان كده بقول ليك خلينا نقعد كلنا مع بعض بمختلف اثنياتنا, عرب , نوبة, زغاوة , دينكا , بجا , نوير , فور , ونختار لغة دولتنا من لغة من لغات العالم المعروفة والمهمة عند العالم كله مع الاحتفاظ بلغاتنا الام.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: وكان للتقدم والتكنولوجيا راجع كلامي السابق عن انو انحنا هسع بنتخاطب باللغة العربية في أحدث وسيلة للتخاطب بين الناس في العالم وهي الانترنيت. المشكلة وين تاني؟
|
شوف الصومالين اليوم , دولة ما عندهم , مع ذلك اليوم بيتونسوا وبيتخاطبوا وبيكتبوا باللغة الصومالية فى النت.
هل معنى ذلك اللغة الصومالية لغة تكنولوجيا؟ هل الصوماليين ممكن يدعوا بانو لغتهم لغة تكنولوجيا؟ ياعزيزى التكنولوجيا مترجمة ومعمولة بالمستوع اللى بيمكن تستخدمها بكل اللغات , مش هم لغات تكنولوجيا!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
خالد سلامات
نشوف التناقض موجود في كلامك ولا كلامي:Quote: سلامات
اكيد لو انجليزى او اى لغة اخرى اذا كان اخذت حظها مثل العربى برضو الوضع كان حيكون مختلف.
وانت فى نقطة مهمة انا كررتها كتير , بس انت ما فاهمها او ما عايز تفهمها , اللى هى هل الواقع البتقولو انت ده وعايزنا نسلم بيه , هل الواقع ده مختار من قبل الشعب السودانى او اتفرض عليه؟ الاجابة ياسيدى الواقع ده اتفرض على الشعب بمعنى مافى حد استشاروهو فى اختيار لغة الدولة!
|
ياخي ما اختلفنا وقلنا إنو الواقع ده انحنا ما حنقدر نغيرو بالساهل وانو الموضوع داير امكانات وغيرها. نقوم تاني نعيد الكلام ده؟ الواقع اتفرض ولا اتخلق بتآمر ولا... ولا... ده كلو ما بيحل ياخالد. لانو لو انت داير تغيرو محتاج لامكانات مهولة وجهد ووقت.
Quote: والله يا اخوى انت اللى متناقض وكمان مرواغ خطير , يا عزيزى انت شكلك الحوار ده لما يمشى لقدام بتنسى السابق , واصلا الحوار ده ما كان بيستحق ياخد الزمن ده كلو لو ما مرواغتك دى اللى بيخلينى اكرر ما قلته من قبل تانى وتالت , يا سيدى انت قلت فى مكان ما فى هذا البوست بانو نحن ما عايزين اعتراف من العرب فى عروبتنا وبنتحدث العربية كمان افضل من كثيرين منهم , وانا كان ردى ليك نحن ما عرب او كل السودان ما عرب , ونحن فينا النوبة والعرب والبجا والدينكا والزغاوة والفور ووووالخ .
|
هسع عليك الله البراوغ وينسى فينا منو؟ ياخي أنا مش قلت ليك انو أنا شخصياً دنقلاوي واني سعيد انو في اهتمام بثقافتي بشكل أكبر و... و.... وإنت الغريبة رديت علي وأكدت نفس المعنى. طيب حاكون قلت ليك إنو أنا عربي كيف؟
ياخي قصة إنو نحنا ما مهم نكون عرب اثنياً دي أنا قلتا فوق يجي عشرين مرة للأخت سلمى وللأخ شول أشوانق وليك كمان. ولو داير قوم شيل أي حتة من كلامي فوق وختو اقتباس حتلقى معناهو ياهو ده.
شوف مثلاً أنا قلت شنو من أول مداخلة لي لسلمى:
Quote: الذين يتجاهلون كل ذلك يعملون هذا علم اليقين. ولكنهم يحاولون الالتفاف عليه بحيلة يعتقدون أنها ذكية وهي الادعاء بأننا لا ننتمي من حيث العرق إلى العروبة. وهذا تناول مبتسر لمسألة الهوية.
لو مضينا بهذا المنطق إلى نهاياته سيصل الناس إلى خلاصات مضحكة.
مثلاً: هل ممكن نضع سؤالك في موضع آخر مثل الولايات المتحدة مثلاً؟ هلي من المنطقي مطالبة الأمريكيين اليوم أن يعودوا إلى لغة وثقافة السكان الأصليين بالولايات المتحدة ممن يسمونهم للطرافة "الهنود الحمر"؟
الموضوع ليس هو مَن نحن اثنياً؟
إنما مَن نحن الآن؟ وإلى أين يمكن أن ينطلق التلاقح الثقافي بيننا من الآن وإلى الأمام؟ |
وليك إنت شخصياً قلت ليك الآتي:
Quote: الواقع الراهن إنو الناس كلهم تقريباً بيعرفوا اللغة العربية أو بيتحدثوا بيها بيانتم. حتى في جوبا والجنوب بوجه عام الناس بيتكلموا "عربي جوبا" وبيغنو بيهو كمان. نقوم نقول ليهم لأ ياخوانا نبدأ من جديد ونتعلم النوبية أو الدينكاوية أو .. أو ...
ده حل غير عملي. الحل العملي نبدأ بالموجود ونطور الاندثر والمحدود بامكاناتنا المحدودة لما يبقى في طريقة تتعمم واحدة من اللغات التانية معاها ومش ازاحتها. لانو أي لغة زيادة مكسب وليس خسارة.
كل اللغات الانت قلتهادي مكسب لكن مش بختو واحدة ويشيلو واحدة. حنكون عملنا شنو كده؟
|
ده فيهو كلام إنو أنحنا عرب؟
هل كلامي ده بيعني انو الناس البتكلمو عربي جوبا مثلاً عرب؟
ياخي لعلمك أنا متابع في المنبر ده الكثير من المداخلات من العينة بتاعة نحنا عرب ولا ما عرب. لكن أنا دي غلوتية ما حبيت أخش فيها من البداية. ولو تذكرت قلت ليك حتى مش مهم إنو أصلنا الاثني شنو حتى ولكن المهم من نحن الآن. وعايزين ثقافتنا دي نمشي بيها لي وين. زي ما شايف فوق.
بعد ده كلو تجي تقول لي كلام زي التحت ده؟
Quote: تانى انت تجى تناقض كلامك وتقول لى ليه ما دايرين تغتنعوا انو لما نتكلم العربى ما بالضرورة نكون عرب ؟ المنتاقض فينا منو حسع هنا ؟ انا والا انت؟ وانا لما قلت ليك , نحن لو لغة دولتنا انجليزية ما معناه نحنا انجليز ولا ما فى واحد حيدعى انو هو خواجة ,زى ما فى ناس ادعت للسودان العروبة ومازالوا وانت واحد منهم !
حجازى
كده ورينى المنطقة العربية دى بتبدا من وين وبتنتهى وين وكيف السودان فيها؟ ومن متين خريطة المنطقة العربية اللى بتقصدها دى؟
|
خريطة المنطقة العربية هي المعلومة لديك للدول العربية. وكيف السودان فيها؟ زي ما مثلاً كل الأجزاء المتاخمة للتكلات الكبيرة في العالم موجودة. يعني مثلاً ممكن جداً تلقى حتى دولة واحدة وفيها أقليات اثنيه أو لغوية متعددة خليك من رابطة بتجمع مجموعة دول. وضربت ليك أنا مثل بأمريكا الفيها الهنود الحمر والاصول الاسبانية وغيرها؟ وممكن بالمناسبة تاخد أي دولة أخرى حتلقاها تقريباً نفس الشيء باستثناءات ضئيلة جدا في الدول الصغيرة.
عشان تفهم أنا بقول في شنو أنا بقول ليك حاجة أوضح وهي إنو انتماءنا للجامعة العربية ده نفسو ما مهم. يعني اليوم لو خرجنا من الجامعة العربية الناس في السودان حيتكلموا شنو؟
خليني من فرضوها وما فرضوها. قول خرجنا من الجامعة الليلة دي ودايرين نخرج من المفروض علينا ده حنتكم شنو ياخالد؟ سؤال واضح وصريح. ما تشبكني لو اتكلمنا انجليزي ما خواجات والكلام اللابودي لا يجيب ده.
أنا وإنت وأمهاتنا وأبواتنا وحبوباتنا حيتكلموا شنو مع بعض (كل قبيلة مع أختها) لحدي ما يتم التحرر بتاعكم ده؟
ياخي صحي والله انت بتلت وتعجن في كلام واضح زي عين الشمس.
كويس انك جبت سيرة الامازيغية في المغرب والجزائر. هل تركت الجزائر والمغرب اللغة العربية؟
لم أقل أن علينا أن لا نتعلم اللغات العالمية الاخرى ولكني طبعاً ضد استبدال العربي بالانجليزي أو الفرنساوي. حنكون عملنا شنو؟ نتعلم الانجليزي والفرنساوي وغيرو كمان لو ممكن.
لكن بالعربي البسيط كده ياخي لو عندك قرش في يدك وبتفتش ليك في شلن في الواطة لازم ترميهو حتى تفتش الشلن؟
(كويس إنو الناس رجعوا للجنية والقروش عشان ما تقول عمك ده دقة قديمة).
أخيراً كدي شوف في أي وجاهة في كلامك ده:
| Quote: عشان كده بقول ليك خلينا نقعد كلنا مع بعض بمختلف اثنياتنا, عرب , نوبة, زغاوة , دينكا , بجا , نوير , فور , ونختار لغة دولتنا من لغة من لغات العالم المعروفة والمهمة عند العالم كله مع الاحتفاظ بلغاتنا الام. |
الاثنيات الانت خاتيها دي كلها بتتكلم مع بعض بالعربي. أو ياخي قول جزء كبير منها بيتكلم ببعض بالعربي.
1/ نقوم نقول ليهم ياخوانا أنسونا من العربي ده ونشوف غيرو؟
2/ حيكلف كم الموضوع ده قروش ووقت وجهد؟
3/ حيضر شنو لو احتفظنا باللغة العربية لحدي ما نصل للغة الانت بتطلبها دي؟
4/ حيستفيد الناس شنو من نسيان العربي وتعلم الانجليزية مثلاً؟ مش أحسن يحتفظوا بيهم الاثنين؟
ولعلمك ده الاوصت بيهو اتفاقية السلام الشامل.
حاجة أخيرة أنا أتحدث العربي والانجليزي والفرنساوي. والذي خرجت به أنك عندما تتعلم اللغة فأنت لا تتعلم فقط معاني كلمات ووسيلة للتخاطب. بل أنت تتعلم ثقافة كاملة جديدة.
هل تعتقد أن من المناسب أن يخسر غير العرب في السودان ثقافة كاملة بحجم الثقافة العربية؟
بعد ده عندي ليك سؤال إنت يا ود أخوي من ناس حاكم ناس بري؟
كان بقيت منهم! إنت مش عربي وبس! إنت من العرب الطير زاتو
لو إنت منهم أنا بقول الكلام ده عشان متوقع واحد من أولاد عمك يقراهو.
لو ما منهم أنا آسف وقصدت أمزح فقط.
.
| |
|
|
|
|
|
|
|
|
 Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
جايييك بى رواقة يا خالد حاكم
ازيك
ياخى كل الحكاية ديل اولاد خالتك وديل اولاد عمك
يبدو ما قلته اعلاه بسيطا ولكنه عميق تاريخيا وفكريا ووصف لمشهد عام سآتى الى تفصيله
سلام لك ولكل ضيوفك بالاخص الاستاذة سلمى الشيخ سلامة التى اود التعليق علي مداخلتها
ضياء ميرغنى
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: altahir_2)
|
| Quote: ياخي ما اختلفنا وقلنا إنو الواقع ده انحنا ما حنقدر نغيرو بالساهل وانو الموضوع داير امكانات وغيرها. نقوم تاني نعيد الكلام ده؟ الواقع اتفرض ولا اتخلق بتآمر ولا... ولا... ده كلو ما بيحل ياخالد. لانو لو انت داير تغيرو محتاج لامكانات مهولة وجهد ووقت. |
ا
الاخ حجازى
سلامات
يا عزيزى المشكلة فى التطبيق ما مشكلة امكانيات , االمشكلة يا سيدى مشكلة ارادة , والارادة دى غائبة تماما!! يا عزيزى هل قرار منع التحدث باللغات عندها علاقة بامكانيات؟ ياعزيزى قبل اكثر من عام صدر قرار من وزير التربية بالاقليم الشمالى يمنع التلاميذ التحدث باللغة النوبية مش فقط داخل الفصول, بل حتى داخل فناء سور المدرسة رغم اقرار اتفاقية نيفاشا بتطوير اللغات السودانية والمحافظة عليها والتحدث بها, والقرار ده جاء بيه فى هذا المنبر اخونا وزميلنا عبدالوهاب همت عضو هذا المنتدى , يا عزيزى حجازى لو توجد ارادة , يوجد مال وتوجد امكانيات بشرية وتوجد تكنولجيا , انت بس خلى اعداء اللغات والثقافات السودانية يوافقوا والباقى كل هين!!!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: هسع عليك الله البراوغ وينسى فينا منو؟ ياخي أنا مش قلت ليك انو أنا شخصياً دنقلاوي واني سعيد انو في اهتمام بثقافتي بشكل أكبر و... و.... وإنت الغريبة رديت علي وأكدت نفس المعنى. طيب حاكون قلت ليك إنو أنا عربي كيف؟
ياخي قصة إنو نحنا ما مهم نكون عرب اثنياً دي أنا قلتا فوق يجي عشرين مرة للأخت سلمى وللأخ شول أشوانق وليك كمان. ولو داير قوم شيل أي حتة من كلامي فوق وختو اقتباس حتلقى معناهو ياهو ده.
شوف مثلاً أنا قلت شنو من أول مداخلة لي لسلمى:
|
طيب نحن ما قاعد نتكلم عن اعتراف او عدم اعتراف العرب بثقافتنا العربية الهلامية!! نحن بنتكلم عن عدم اعتراف العرب بعروبة اهل السودان وهنا المقصود( اثنى ) والانسان فى الدنيا هويته واحدة , اللى هى الهوية( الاثنية) واذا عايز تقول لا , مابس الهوية هوية اثنية وتوجد هوية ثقافية , تبقى دى فلسفة بتاعت دبلوماسين ساكت ! لانو كتيرين فى الدنيا دى مثقفين بثقافات اخرين , ومافى زول قال انا منهم , وللاهمية حاكرر وحاجيك بمثال جينا بيه من قبل , يعنى مثلا مافى كولومبى ادعى قال انا اسبانى عشان بيتكلم لغة اسبانية او عشان عندو شوية ثقافة اسبانية!!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: ولو تذكرت قلت ليك حتى مش مهم إنو أصلنا الاثني شنو حتى ولكن المهم من نحن الآن. وعايزين ثقافتنا دي نمشي بيها لي وين. زي ما شايف فوق.
|
وانا قلت يا اخى حجازى لا مهم نحنا اصلنا الاثنى شنو, وقلت ليك ايضا نحن الان نحن , نحن النوبة , نحن الدينكا , نحن البجا , نحن الزعاوة , نحن العرب , نحن المساليت, نحن الفور, نحن , نحن ..... والخ حتى لو تحدثنا اللغة العربية بمستوى قبيلة قريش , اوبنى هاشم!!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: خريطة المنطقة العربية هي المعلومة لديك للدول العربية. وكيف السودان فيها؟ زي ما مثلاً كل الأجزاء المتاخمة للتكلات الكبيرة في العالم موجودة. يعني مثلاً ممكن جداً تلقى حتى دولة واحدة وفيها أقليات اثنيه أو لغوية متعددة خليك من رابطة بتجمع مجموعة دول. وضربت ليك أنا مثل بأمريكا الفيها الهنود الحمر والاصول الاسبانية وغيرها؟ وممكن بالمناسبة تاخد أي دولة أخرى حتلقاها تقريباً نفس الشيء باستثناءات ضئيلة جدا في الدول الصغيرة |
نعم كتير من الدول بتتكون من اقليات اثنية مختلفة , وفى حالة مايسمى بالوطن العربى , فى كثير من الدول , العرب هم الاثنية الوافدة والاثنيات الاخرى هى الشعوب الاصيلة لهذه الدول, وبعد ده العرب الوافدين هم المسيطرين على الدولة, ولغتهم هى المسيطرة على حساب لغات وثقافات الاثنيات الاخرى , دون التشاور والاتفاق معهم وذهبوا بها الى بيت ما يسمى بالجامعة العربية بيت مبنى على اساس الهوية ,ايضا دون استشارتهم!!! يا عزيزى لماذا تضرب لى المثل بامريكا ؟ هل كل ما فى امريكا حق وحقيقة؟ هل امريكا اصبحت المثل الاعلى فى العالم على الاطلاق؟ يا عزيزى ايضا يوجد ظلم من امريكا على سكان امريكا الاصلييين (الهنود الحمر)!!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: عشان تفهم أنا بقول في شنو أنا بقول ليك حاجة أوضح وهي إنو انتماءنا للجامعة العربية ده نفسو ما مهم. يعني اليوم لو خرجنا من الجامعة العربية الناس في السودان حيتكلموا شنو؟ |
كل اثنية تتحدث بلغتها بما فيهن العرب , وبعد ده نتفق كلنا على لغة عالمية مهمة ومعروفة لدى العالم كله و على سبيل المثال الانجليزية , وفى الحالة دى الدولة هى الدولة السودانية الموجودة فى قارة افريقيا , دولة تتساوى فيها الحقوق , دولة سودانية سوف لا يدعى فيها احد اثنية خواجة لمجرد تحدثه بالانجليزية , كما حادث فى السودان فى حالة العربية!!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: أنا وإنت وأمهاتنا وأبواتنا وحبوباتنا حيتكلموا شنو مع بعض (كل قبيلة مع أختها) لحدي ما يتم التحرر بتاعكم ده؟
|
, انت عارف فى البلد , هل تعلم التحدث عندهم بالعربية اخير منها او اسهل منها اكل الحصى ؟ هل تعلم فى مجتمعنا اذا تحدث احد بالعربية بيقول عليه فلان طلع من طوره ؟ هل تعلم امهاتنا وابواتنا و حبوباتنا مظلومين فى كثير من المواقع لعدم علمهم بالعربية؟ لماذا لم تعمل الدولة فى توفير مترجمين لغير الناطقين بالعربية على الاقل فى مؤسسات الدولة , هل تعلم بان كثير من اهلنا لا يودون التعامل مع مؤسسات الحكومة لحاجز اللغة رغم حوجتهم لخدمات هذه المؤسسات؟ هل تعلم بان كثير من اهلنا يخسرون القضايا امام المحاكم بسبب اللغة ؟
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: كويس انك جبت سيرة الامازيغية في المغرب والجزائر. هل تركت الجزائر والمغرب اللغة العربية؟
|
لم تترك العربية, لكن هذه الدول لا تعرف العربية او مستوى العربية فيها ضعيف جدا. هذه الدول تجيد الفرنسية اكثر من العربية بحانب لغاتهم الامازيغية مع ذلك لم يدعون الفرنسية!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: لم أقل أن علينا أن لا نتعلم اللغات العالمية الاخرى ولكني طبعاً ضد استبدال العربي بالانجليزي أو الفرنساوي. حنكون عملنا شنو؟ نتعلم الانجليزي والفرنساوي وغيرو كمان لو ممكن.
لكن بالعربي البسيط كده ياخي لو عندك قرش في يدك وبتفتش ليك في شلن في الواطة |
يا سيدى اذا انت ضد الاستبدال , ده رايك او وجهة نظرك بنحترمو , لكن ما ملزم لاخرين!
يا عزيزى , قرشى لغتى الام (النوبية)!
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
Quote: أخيراً كدي شوف في أي وجاهة في كلامك ده:
Quote: عشان كده بقول ليك خلينا نقعد كلنا مع بعض بمختلف اثنياتنا, عرب , نوبة, زغاوة , دينكا , بجا , نوير , فور , ونختار لغة دولتنا من لغة من لغات العالم المعروفة والمهمة عند العالم كله مع الاحتفاظ بلغاتنا الام.
الاثنيات الانت خاتيها دي كلها بتتكلم مع بعض بالعربي. أو ياخي قول جزء كبير منها بيتكلم ببعض بالعربي.
1/ نقوم نقول ليهم ياخوانا أنسونا من العربي ده ونشوف غيرو؟
2/ حيكلف كم الموضوع ده قروش ووقت وجهد؟
3/ حيضر شنو لو احتفظنا باللغة العربية لحدي ما نصل للغة الانت بتطلبها دي؟
4/ حيستفيد الناس شنو من نسيان العربي وتعلم الانجليزية مثلاً؟ مش أحسن يحتفظوا بيهم الاثنين؟
ولعلمك ده الاوصت بيهو اتفاقية السلام الشامل.
حاجة أخيرة أنا أتحدث العربي والانجليزي والفرنساوي. والذي خرجت به أنك عندما تتعلم اللغة فأنت لا تتعلم فقط معاني كلمات ووسيلة للتخاطب. بل أنت تتعلم ثقافة كاملة جديدة.
هل تعتقد أن من المناسب أن يخسر غير العرب في السودان ثقافة كاملة بحجم الثقافة العربية؟
بعد ده عندي ليك سؤال إنت يا ود أخوي من ناس حاكم ناس بري؟
كان بقيت منهم! إنت مش عربي وبس! إنت من العرب الطير زاتو
لو إنت منهم أنا بقول الكلام ده عشان متوقع واحد من أولاد عمك يقراهو.
لو ما منهم أنا آسف وقصدت أمزح فقط.
. |
كده ورينى الما وجيه شنو فى كلامى ؟
ياسيدى اذا بيتكلموا بيها بنسبة 1000000% ده ما كلامنا, لكن الكلام هل الشعب موافق على اللغة دى كلغة اولى بتربط الشعب مع بعضه البعض وبشعوب العالم دون فرز؟ هل اللغة دى تم اختيارها برغبة الجميع؟ ومع ذلك انا مع انتشار كل اللغات فى السودان وسط الجميع تدرس فى المعاهد الخاصة باللغات وعلى الجميع اختيار اللغةاو اللغات التى يريدون تعلمها دون فرض او وصاية من احد!
موضوع الامكانيات رديت عليه فى مكان ما فى هذا البوست ارجو الرجوع اليه.
انا ما ضد العربية انها تكون موجودة , بس ماتكون مفروضة على الناس .
لا حيستفيدوا من شئ ولا حيتضرروا بشئ
تعلم الانجليزية حيمكنهم بسهولة الاتصال بالعالم الخارجى بلا استثناء , تعلم الانجليزية , حيعلمهم بسهولة التعامل مع التكنولوجيا , تعلم الانجليزية يمكنهم فى التفوق اكاديميا والعمل فى اى مكان فى العالم , تعلم الانجليزية حيؤكد عدم عروبة السودان والبعد عن الجامعة العربية, وهذا فى نطاق الداخل لانو الخارج ما مقتنع بعروبة السودان و اقصد هنا بالخارج تحديدا العرب.
لا يوجد ثقافة عربية فى السودان بالحجم الذى اذا فقدناها بتاثر على الشعب السودانى , وكثير من الثقافات السودانية بتقدم ( بضم التاء) او بتتناول بالعربية كلغة , خير مثال لذلك ثقافة الشايقية , الثقافة النوبية المعربة بالالف واللام , وثم ثانيا مين قال الغوا الثقافة العربية؟ الثقافة واللغة العربية مكون من مكونات الثقافية السودانية, من حقها الحفاظ على نفسها واستمراريتها كما الاخرين وسط اهلها العرب , دون فرضها على الاخرين!!
لا ياسيدى ما عندى علاقة باسرة حاكم فى برى فقط اسم على اسم.
يا سيدى امزح مثل ما عايز , بس فى مكان المزح ,وماتسخر , امزح بس ( انا ذاتى بمزح معاك).
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
الاخ خالد
سلامات،
قلت أن الموضوع ليس الإمكانات وفي المداخلات البعديها أشرت الى الحاجة الى مترجمين للمحاكم.
هو الناس لاقية مدرسين للشفع ولا تمرجية للمركز الصحي عشان يجيبو ليهم مترجمين في المحاكم يا حاكم. الترجمة في المحاكم دي مش ممكن زول من قرايب الناس البعرفو الطرفين المتخاصمين يترجم لكل واحد فيهم؟ وقدر الشوية الكانت موجودة يودوها للتعليم والصحة؟ مش عشان الترجمة ما ضرورية عشان ما تجي تحرف كلامي، عشان التعليم والصحة أولوية أكثر. بالمناسبة بعض المحاكم بتعمل الكلام القلتو ليك فوق ده زاتو.
طيب لما الناس يسيبو العربي مناهجك الجديدة دي بيكتبوها بي ياتو لغة اللغات المحلية والانجليزية؟
وبرضو ما مسالة إمكانيات؟ منو البكتبها ده ويطبعها بدون امكانات؟ ناهيك عن توفير الاساتذة؟
ياخ هو ناس الجامعات قادرين يتكلموا الانجليزي؟
قصة أمريكا مثال دي حقو تعترف إنك لفيت فيها شوية لأنو أنا ما ختيت ليك مثال أمريكا ومشيت.
والاقتباس الانت جايبو لكلامي نفسه آخر جملة فيهو بتقول ما يلي:
| Quote: وممكن بالمناسبة تاخد أي دولة أخرى حتلقاها تقريباً نفس الشيء باستثناءات ضئيلة جدا في الدول الصغيرة |
يعني ممكن تاخد أي دولة من طرف غير أمريكا. والاستثناءات دي في الغالب للدول الصغيرة جداً زي الجزر وغيرها.
قلت:
| Quote: كل اثنية تتحدث بلغتها بما فيهن العرب , وبعد ده نتفق كلنا على لغة عالمية مهمة ومعروفة لدى العالم كله و على سبيل المثال الانجليزية , وفى الحالة دى الدولة هى الدولة السودانية الموجودة فى قارة افريقيا , دولة تتساوى فيها الحقوق , دولة سودانية سوف لا يدعى فيها احد اثنية خواجة لمجرد تحدثه بالانجليزية , كما حادث فى السودان فى حالة العربية!! |
وقلت:
| Quote: يا سيدى اذا انت ضد الاستبدال , ده رايك او وجهة نظرك بنحترمو , لكن ما ملزم لاخرين! |
طبيعي طبعاً أن ما أقوله هو وجهة نظري وما تقوله هو وجهة نظرك وما فيهم الزام لزول بشيء.
والأمر واضح الآن أنني أقول أنني ضد الاستبدال وليس ضد اضافة لغة وأنت فيما يبدو تدعو الى استبدال العربي بالانجليزي كلغة موحدة. الى جانب اللغات المحلية- مثلما سيبين فيماسيأتي.
| Quote: يا عزيزى , قرشى لغتى الام (النوبية)! |
ما اختلفنا ممكن تخت لينا العربي ده لغالبية السودانيين تعريفة بس جنب قرشك ده؟
السؤال حيظل قائم لازم نرمي التعريفة الجنب القرش عشان نشيل الشلن الفي الواطة (اللهو بزعمك الانجليزي)؟
إن شاء أكون كنت واضح يما يكفي لحملك على التعرف - فقط التعرف- على وجهة نظري وليس حملك على تبنيها.
.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
.
طيب عشان نخلي كلامنا ده مفيد للناس التانين البيقروه أنا بقول ليك الآتي:
الأفضل يا خالد أن نبني على ما هو موجود وليس هدم الموجود للبحث عن آمال يمكن أن تكون سراب في ضوء البيحصل في البلد زي ما إنت شايف.
هناك مثال قريب من زهني بالنسبة لاحترام الثقافات المتبادل وهو الاتحاد البلجيكي حيث هناك ثلاث لغات رسمية هي الفرنسية والفلامية (هولندي بلكنة محلية) والألماني. وببلجيكا عدد من المحاور للحكم وللتعاون بين هذه الكيانات المختلفة. فلكل طائفة حكومة قائمة بها. وهناك مجموعات communities ثقافية أيضاً تتقاطع مع هذه الحكومات في بعض المهام خاصة في مجال التعليم. وتبدو معضلة النظام البلجيكي في المستوى الاتحادي حيث يتم التنازع بين الكيانات اللغوية في كثير من الأحيان. وبوجه أدق بين الكيان الفرنسي والكيان الفلامي (أحيانا تعرب إلى الفلمنكي وأعتقد أن ذلك خطأ لأنها تعني شيئاً آخر في أسبانيا). ويضطر الملك في كثير من الأحيان إلى مخاطبة المواطنين باللغتين في المناسبات القومية. ولكن الطريف والتعقيد يأتي عندما يجد رئيس الوزراء أو أحد وزرائه الحاجة إلى التعبير باللغة الأخرى التي ربما لا يلم بها مما يضعه في موقف حرج بعض الشيء. أما العاصمة القومية وهي بروكسل فتعاني نفس السجال الذي نتداوله نحن في السودان فيما يتعلق باللغة التي يجب أن تسود وغير ذلك. عموماً ربما أجد فسحة أخرى لأبين لك إمكانية الاستفادة من مثل هذا النظام في السودان. وربما توافقني الآن وفي ضوء ما ذكرت أعلاه أن الأمر يحتاج بالفعل إلى الوقت والمال اللازم. وأن اللغة العربية يمكن أن تكون أداة مثل اللغات الاخرى لمزيد من التفاهم وليس العكس.
في زهني أيضاً مثال آخر وهو الهند حيث هناك احترام للغة الهندية إلى جانب اللغة الانجليزية.
والتجربتين البلجيكية والهندية لم يتم بناهما بين عشية وضحاها ولكنها أخذت الكثير من الجهد والوقت. ومازالتا تكلفان الكثير من الأموال.
شاكر لك حسن المجادلة أعلاه.
مع صادق تقديري وبالله التوفيق.
.
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: خالد حاكم)
|
| Quote: الأفضل يا خالد أن نبني على ما هو موجود وليس هدم الموجود للبحث عن آمال يمكن أن تكون سراب في ضوء البيحصل في البلد زي ما إنت شايف. |
المحترمون جميعاً سلامات دون فرز..
أتابع هذا الخيط منذ النشأة ويقيني أن ما أقتبسته أعلاه من الأخ عبدالوهاب حجازي هو مرفئ الوصول لهوية نتكامل عليها ومثل هذه الخيوط كثيره بهذا الموقع الهام لذلك أحببت أن اضع بعد مجهودي بها لهذا الخيط عسى ولعل أن تساهم في الحوار ..
Quote: المحترم محمد سلامات وتقبل الله الصيام والقيام في آواخره العشرة الكرام..
أتفق معك أولاً أن الثقافة لها هائل معلوم من التعريفات ولكن تصب كلها لمدلول واحد هو تعريف الأمم بخصيصة تميزها عن آخرى وأهم الخصائص المفرقة بين الأمم هى الثقافة وبها يتحدد التكوين القومي اي القومية التي يمكن أن تكون تحتها مجموعة من الشعوب ،وهنا لابد من أن نفرق بين مفهوم شعب وأمة فالأمة هي مجموعة من الشعوب لها كثير من المميزات التي تجعلها متوحدة ولكن هذا التوحد ما كان له أن يتم دون بلوغ الطور الذي يمكنه من ذلك .وعندما سألت عن تعريف الثقافة لم أقصد البتة تعريفها الجنيني ولكن المعرفي والأيدولوجي وقصدت من الآخير ماهية القوم عندنا في السودان وعموماً جنينياً هي الكل المركب ولكن معرفياً هي مجموع العادات والتقاليد والفنون والمعتقدات ..الخ ،وأيدولوجياً هي المكتسب من التفاعل بين الفرد والآخر والفرد والطبيعة .. فعندما نقول أن لاثقافة عربية موجودة في السودان فذلك يعني أن ثمة آخري هي نتاج ما نتحاور عنه فأين هي ؟؟ وماهي لغتها؟؟ وماهو منتوجها التفاعلي أيدولوجياً ؟؟ ولسوف تبهت فقط للغتها ودعنا قليلاً نفكك ما أسميته أنت بالماعون التقافي ألى وهو اللغة ،فاللغة كما أسلفت هي وحدة فهم المشاكل وحلولها ودعنا نرى ما قال فيشبت الألماني في تعريف مفهوم الأمة (أن الفوارق بين أهالي بروسياوبين سائر الألمان ماهي إلأ فوارق عارضة ،أو سطحية ،ناتجة عن الأحداث الإعتباطية التي أوجدتها الصدف .أما الفوارق التي تميزّ الألمان عن سائر الشعوب الأوربية ،فإنها أساسية وقائمة على الطبيعة،لأن اللغة التي يشترك فيها الألمان تميزهم عن جميع الأمم الآخرى تمييزاً جوهرياً ) وقال فيشبت ذلك وكانت ألمانيا متفرقة الى دويلات بعد أن إجتاحها نابليون .ونذهب الى ما قاله الإيطالي مانتشيني في تعريف الأمة (أن الأمة مجتمع طبيعي من البشر يرتبط بعضها ببعض بوحدة الأرض ، والأصل ،والعادات واللغة، من أجل الإشتراك في الحياة وفي الشعور ). ودعني أوجز لك ما قاله أبوخلدون ساطع الحصري عن اللغة قال (اللغة أهم الروابط المعنوية التي تربط الفرد البشري بغيره من الناس لآنها واسطة التفاهم بين الناس وألة التفكير عند الفرد وواسطة نقل الأفكار والمكتسبات من الأباء الى الأبناء ومن الأسلاف الى الأخلاف ولهذا تجد أن اللغة تُوجد نوعاً من الوحدة في الشعور والتفكير وتربط الأفراد بسلسلة طويلة ومعقدة من الروابط الفكرية والعاطفية وتكون أقوى روابط الأفراد بالمجتمعات ) صلة الناس تنقطع بعدم وجود اللغة المشتركة وبها يتوقف التطور الإجتماعي ولن نستطيع أن نؤرخ وبذلك ينتفي عنصر التكوين لنا كمجتمع . وعندما نقول أهمية اللغة المشتركة لا ينفي هذا اللغات واللجهات المحلية التي يتدوالها بعض المجموعات والقبائل كشكل تراثي لها بل يجب تنميتها والمحافظة عليها ولو تأخذ من نصيبها الدستوري ما يكفل حمايتها فأولاً وأخيراً لابد من وجود لغة مشتركة.. وبدون اللغة لايمكن أن تشير الى ثقافة وبدون ثقافة لايمكن أن تشير الى مجتمع ..وهكذا الى أن لاتستطيع أن تشير الى أمة . فأين ذهبت، لك أن ترجع أو تذهب ولا تدعونا معك .. أن أهم ركن في الثقافة هو الإكتساب وشتان ما بين الإكتساب والإستلاب والآخير هو شامل الإتهام المصاحب دوماً للثقافة العربية فالكل يتهم الثقافة العربية بإستلابه ولكن لن يصل الى مرحلة أن يقول لاتوجد ثقافة عربية في السودان وعندك بلاد فارس والأندلس لماذا لم تستطع الثقافة العربية أن تستلبهما ؟؟ أن الحديث عن عدم وجود ثقافة عربية في السودان حديث غير مؤسس وهو باب يدخلك في تناقض معرفي للثقافة نفسها ولا يدرك بنا طريق الحوار نحو الهوية . |
Quote: المحترم محمد سلامات ..
هنا يمكن أن نقول أننا سرنا صحيحاً فالإعتراف بوجود الثقافة يدعم الحوار أما نفيها كليةً يعطله، وولنقل أن السودان مزيج من الثقافات ويجب ان تتلاقح، بل وجب تلاقحها ولكن كثير من المعوقات حالت دون تتبع السليم لعملية التلقيح نفسها ،فكان الإستعلاء للثقافة العربية وهو أس يجب الإعتراف به أولاً لدعم الحوار وليس لدعم الثقافة، لأن التلاقح في الأساس هو التلاقي للثقافات داخل حيز ديمقراطي، وكما الديمقراطية بشتى التعاريف تعطي مدلول الأخذ بالأغلبية كذلك التفاعل الديمقراطي للثقافة. فسيادة الثقافة بمعنى توصيف مجتمع لن تجد سوى الثقافة العربية كمسمى لمجتمع مثل الذي نحن فيه. وهنا ليس تحيزاً ولكن إن أخذنا حال المجتمع الممعن في القبلية فستجد أن الذائقة في كل المستويات هي الثقافة العربية ،ودونك المعيار التجاري والمعيار الأدبي والمعيار الأخلاقي فالكل يكتسب ولا يسُتلب وهو ما نعنية من كيمياء التلاقح. ومقصدي هنا هو اللغة نفسها وكما أخذت لإبن خلدون بأنني قد اعطيت اللغة اكثر مما تستحق فمقصد إبن خلدون كان في تعريف الأمة كما حددت ،وعندماً أشار الى ان اللغة تعطي نوعاً قصد أن هنالك عوامل آخرى كوحدة التاريخ ووحدة المصير المشترك .وحتى الشيوعيين تخبطوا كثيراً امام المسألة القومية وهو ما يجافي العمد الذي يستندون عليه وهو المسألة الأممية ولكن كانت اللغة محور أحد التعريفات الأصيلة التي قدموها فأنظر ما كتبه ستالين في تعريف الأمة عن الماركسية والمسألة القومية قال ( جماعة محددة من الناس ، تكونت تاريخياً،ذات لغة وأرض وحياة إقتصادية مشتركة ،وتكوين نفسي مشترك يتجسد في ثقافة مشتركة ) فلذلك أكرر أن اللغة عامل لإكتساب الثقافة وما أتيت به من ثقافات ليس له لغة تم التعارف عليها سوى النوبية والتي بسبب او آخر لم تجد حيز التداول الذي يمكنها من السيادة أو لنقل ان عطائها من قبل حامليه مصاباً بالضعف عن التلاقح نفسه وهو ما أشرنا عليه من قبل بسبب غياب العامل الديمقراطي لتلاقح الثقافات .. وهنا كقومي يجب أن أثبت حقيقة مهمة وهي وجوب التلاقح الثقافي بديمقراطية وشفافية وبتعامل عادل للثقافات الموجودة في السودان وهو إعتراف كامل بوجود ثقافات آخرى خلافاً للثقافة العربية ولأي فرد وجبت عزته بالثقافة التي يحملها وأن نتلاقى وكل منا يحمل ما يعتز به من ثقافة ولندع التلاقح الى أي الطرق يودي بنا.
أن الجامعة العربية كمؤسسة تشمل العرب وهو ما تعنيه فهي ليست كذلك ، أي ليست ممثلاً لدولة قومية مفترضة وأهم مواثيقها هو ميثاق التضامن العربي لسنة65 والذي نص على أساسيتين هما (أولا : العمل على تحقيق التضامن فى معالجة القضايا العربية وخاصة قضية تحرير فلسطين.
ثانيا: احترام سيادة كل من الدول العربية ومراعاة النظم السائدة فيها وفقا لدساتيرها وقوانينها وعدم التدخل فى شئونها الداخلية . )وهنا لايوجد أي مسوغ لرفض شكل تحالف في كيان أقليمي كما أن الثقافة بالنظر للثاني فهي بعيدة عن الهيمنة من قبل المؤسسة نفسها فثقافة الدول سيادة أساسية وإن كانت هنالك دعوة للخروج من هذه المنظمة فإن ذلك يعتبر إعتباطاً للواقع الدولي الماثل اليوم وهو التوجه الدولي نحو التكتل فإذا كانت أوروبا تتجه بعد أن أنتجت قومياتها وتتحول اليوم بسبب الضغط الإقتصادي الى شكل قومية واحدة ولو كانت على المستوى التجاري فأين نحن ولم يكتمل عندنا البناء الشعبي .. ويقيني أن الدول العربية غارقة في إشكالاتها السياسية وهو ما عوق كثيراً من أداء شكل التضامن بينهاوعلى الشعوب أن تنجز تحررها من حكوماتها التي عوقت شكل هذا التضامن ..
أما الممبكي فعلاً حالنا فهو ليس من تماثل الفرضيات التي نحن بالحوار بها فالسودان اليوم يقع تحت جريمة مازالت مستمرة سداها التناحر القبلي ولحمتها إستغلال الدين وتوظيفه من أجل السلطة وهو العامل الكبير الذي تعتمد عليه الجبهة الإسلامية لخدمة غرضها الأساسي وهو الجلوس على كرسي السلطة بعد إنتفاء قناعتها من قيام الدولة الإسلامية وهو تناحر سياسي بحت بين نظام من رحم هذا الشعب وبنفس الخليط الثقافي.. |
Quote: أعود اليك أخي محمد وشاكر لك رحابة صدرك بالحوار ووسعه..
السؤال الذي أفترضه وهو إستفتاء أهل السودان حول الهوية ليس له أي بواعث سوى لي عنق الحقيقة ومحاولة تشتيت النظر عن القضايا الحالية التي لم تفكك بعد وهذا أولاً. وثانياً وهاماً وهو على ماذا يكون الإستفتاء عن أصل هويتنا سواء أن كانت عربية او سودانية او أفريقانية أم ماذا ؟ .أن الهوية هو شكل إعتباري للشخصية نفسها وهو من الأشياء التي لاتملك الخيار فيها، وطوعك وإختيارك الذي قلته من قبل في ردك بأنك وبكل قواك العقلية أنك لست عربي فهو قول مردود لك ،ولا يمكن أن يكون إقراراً مشفوع بالعقل إنما يمكن أن يكون ممهوراً بالنقل !! .ودعنا نضرب مثلاً هل يمكن لإخوتك داخل المنزل أن يقوموا بإستفتاء حول خوتك لهم أو هل يمكن أن يقوموا بالإستفتاء حول والدكم عن هو أباكم أم لا ؟؟ هل يمكن ذلك ؟؟ لايمكن فطالما نشأتم وترعرعتم في كنفه فليس لكم الخيار في إختيار ذلك .. وهذا مثال بسيط البداهة، ولنكن أكثر علمية ،فمعروف أن قوانين الطبيعة الكلية بما فيها الإنسان ثلاثه هي التأثر والحركة والتغيير، وهي قوانين حتمية، وبها يكون أساس التفاعل بين الفرد والطبيعة والفرد والآخر وهو ما يهمنا، فحصيلة تفاعل الفرد مع الآخر لها منتوجات عدة ولكن أهمها الإضافة المميزه وهي اللغة وبها تتنهي عزلة الفرد عن غيره، ومنها يستجمع البناء الذي يمكن أن نطلق عليه ثقافةً ،وهذه الثقافة ولدت ماضياً وتراكم عليها البناء ،ولايمكن هدمها أو إلغائها أو تغييرها، وكونها ماضياً فذلك يعني أنها قد أفلتت من إمكانية الإلغاء، فكيف سيتم ذلك الإستفتاء المفترض ؟ بل لايمكن أن يكون هنالك مجرد تفكير فيه .. ولننظر للجابري ماذا قال في سفره العولمة والهوية الثقافية (إن الهوية الثقافية كيان يصير، يتطور، وليست معطى جاهزا ونهائيا. هي تصير وتتطور، إما في اتجاه الانكماش وإما في اتجاه الانتشار، وهي تغتني بتجارب أهلها ومعاناتهم، انتصاراتهم وتطلعاتهم، وأيضا باحتكاكها سلبا وإيجابا مع الهويات الثقافية الأخرى التي تدخل معها في تغاير من نوع ما.).والصيرورة او التطور تعني أن الماضي متصل وليس منقطع فإن إنقطع وجب الإستفتاء، وماكان لثقافة أن تنقطع وبها من عناصر الديمومة مابها ،وهنا لن نبخس الثقافات الآخرى ولكن العبرة بتفاعلها مع بعضها ومنتوج ذلك من تطوير .ومن هنا نخلص على أن الثقافة تتطور وأن تلاقح الثقافة العربية مع الثقافات المحلية في أي أقليم هو تطور للثقافة العربية نفسها، ولا يمكن أن نقول أن مصر قد تعرّبت ولكن نقول أن الثقافة العربية قد تمصّرت وكذلك تسوّدنت وتمغّربت ..الخ . وهنا لايمكن نفي الأصل وهو الثقافة العربية لآن التمصرّ والتسوّدن والتمغّرب ..الخ يشكل الهيكل المتشابك للثقافة نفسها ويثّري من نشاطها ويعمق في ماضيها .. وكقومي في السودان حالنا لايمكن أن ندنّك النوبة أو ننوّب العرب او نعرّب الدينكا ولكن تحت الشفافية والديمقراطية نفسها يمكن ان نفاعل بينهم ومن لهو القدرة في سرعة التفاعل يمكن ان يسود وسرعة التفاعل المقصودة هي قوة نشاط العنصر التفاعلي .. |
المصدر يا اخوانا مسألة انو نحن عرب ما ننساها
خالص الود...
| |
|
|
|
|
|
|
|
|
|
Re: باى منطق هؤلاء اصدقاء وهؤلاء اشقاء؟!!!!!!!! (Re: مجاهد عبدالله)
|
الاخ حجازى
الاخ مجاهد
لكم التحية
اولا شكرا على مجاهد على المرور من هنا
وخلينى اقول ليكم كلام مختصر بقدر الامكان بدل اللتيق والعجن والحوامة فى حلقة مفرقة
لدى هوية فى السودان كما للعرب هوية فى السودان.
لدى لغة وثقافة فى السودان كما للعرب لغة وثقافة فى السودان.
اعتز بلغنتى وثقافتى فى السودان كما يعتز العربى بلغته وثقافته فى السودان.
لا اريد ان اسوق السودان بلغتى وثقافتى على حساب الاخرين ولا اريد الاخرين يسوقونى.
لا اريد ان افرض لغتى وثقافتى على الاخرين ولا اريد الاخرين يفرضوا على ثقافتهم ولغتهم ( كما حادث الان فى حالة العربية).
على الجميع ان يجلسوا مع بعضهم البعض واختيار لغتهم الاب التى سوف تربطهم وبالتراضى.
اذا توجد ارادة لمناصرى هذا الوضع القائم , توجد امكانيات والبلد غنية بمواردها وللجميع , الذين يريدون عدم تغيير الوضع الحالى هم الذين يعلقون فى شماعة الامكانيات.
انا لا اقول بانه سوف يتم بين ليلة وضحاها , لكن اقول ان تبدا اليوم قبل الغد , وخلينا نتمها فى عشرة سنوات او قول عشرين او ثلاثين ! المهم نبدا , لانو الوضع الحالى المرفوض من الاغلبية ماتم ايضا بين يوم وليلة , بل فى سنوات كذلك!
| |
|
|
|
|
|
|
|
| |
خالد حاكم
سلمى الشيخ سلامة
شول اشوانق دينق
الرفاعي عبدالعاطي حجر
altahir_2
فيس بوك
تويتر
انستقرام
يوتيوب
بنتيريست