|
|
 من مفارقات بنى مالك (العضو قرجة ، ست الكسرة والدلكة)
|
مطعم السودة فى بنى مالك بجدة ، مطعم سودانى شهير يقدم الوجبات السودانية المشهورة كالكمونية والبلدى والكوارع وخلافه ، ومقابل المطعم مباشرة دكان الخضار ، والذى تجلس أمامه (ست الكسرة) ،
(ست الكسرة) تعرف جميع زبائنها وتتوصى بهم فى البيع والشراء ، وقد أتى يوماً أحد زبائنها وهو عضو المنبر الجميل (قرجة) ودلف إلى المطعم وطلب ما لذ له وطاب من الكسرة والملاح ، وخرج شبعانا حامدا شاكرا ، مشمرا جلبابه لتجف سواعده من أثر الغسيل ، حاملا فى يده قشة (ينخس) بها سنونه
فى تلك اللحظة ، رأته (ست الكسرة) فصاحت فيه ، والشارع كله يسمع حديثهما ،
(يا قرجة أنا حاجزة ليك الكسرة بتاعتك) ،
فقال لها قرجة بصوته الجهورى ، وهو متخم بالشبع ،
يا حاجة أنا إتغديت ، كسرتك دى أعمل بيها شنو؟ ، أتدلك بيها؟ (من الدلكة يعنى)؟؟؟؟
فضحك كل من فى الشارع ، بما فيهم (ست الكسرة) ، ولم يلحظ قرجة أن هنالك من يترصد له لينزلها طازجة فى سودانيز أونلاين
|
|
 
|
|
|
|
|
|
|
 Re: من مفارقات بنى مالك (العضو قرجة ، ست الكسرة والدلكة) (Re: يازولyazoalيازول)
|
هشام إزيك،
تتذكر معطم حامد أول مطعم سوداني في بني مالك؟
أها أخونا الشايقي لو ضرب كسرة بملاح خدرة في مطعم
حامد دا تاني ما حيقبل على القراصة بالملوخية.
واحد صديقنا كان معانا زمان في جده.. سافر السودان
وفي السودان ماوجد حجز على الطائرة أضطر يركب اللواري من الخرطوم
وسافر على نيالا.. في الطريق اللوري توقف في واحدة من الإستراحات..
الركاب نزلوا ومشوا على ستات الكسرة والملاح علشان يتغدوا..
صديقنا مشي على سكت الكسرة وطلب كسرة بملاح بامية.. المهم ضرب
تمام وبعد ما شبع ومسح يديه وإتجشأ وتبعها بالشكر والحمد على النعمة
رجع يحاسب ست الكسرة.
سأل ست الكسرة قال ليها الحساب كم يا أمي؟
قالت ليهو 75 قرش..
صديقنا أعطي ست الكسرة جنيه ومنتظر تديه الباقي..
ست الكسرة قدر ما فتشت ما لقت فكه..
في النهاية مسكت طرقة كسرة قطعتها على نصفين..
مدت نصف الطرقة ووضعتها ليهو في إيده..
صديقنا ماسك الطرقة وقال لست الكسرة دا شنو يا حاجة؟
قالت ليهو دا باقي قروشك.
قال ليها: طيب أنا هسع ما أكلت وشربت وشبعان طيب
أودي نص طرقة الكسرة دي وين؟
| |
|
|
|
|
|
|
|
|
|
Re: من مفارقات بنى مالك (العضو قرجة ، ست الكسرة والدلكة) (Re: يازولyazoalيازول)
|
Quote: الشئ شنو يا كافي البلاء Tip ( بقشيش ) مافي
صديقك دا ناشف كدا مالو يا عزيز
|
إزيك يا معاوية،
صديقي دا ما ناشف ولا حاجة.. أيضا كنت فاكر إنه زول ناشف
وسألته نفس السؤال ليه ما يترك ليها الباقي.. الراجل
طلع كريم جدا.. قال لي في واحد من الأطفال المحتاجين
كان مادي يده وهو كان عايز الباقي علشان يديه للطفل
لأنه ما كان عنده فكة.. في النهاية دفع للطفل 10 جنيهات.
وإنت عارف عشرة جنيه في الوقت داك كانت كثيرة طبعا.
| |
|
|
|
|
|
|
|
|
|
Re: من مفارقات بنى مالك (العضو قرجة ، ست الكسرة والدلكة) (Re: يازولyazoalيازول)
|
Quote: الحبيب عزيز عيسى
ياخ مادام إنت معانا فى جدة ، معزوم (كسرة)
شكرا للمشاركة والرد الجميل وصاحبك ناشف خالص خالص ، كان يخليها بكشيش
تحياتى
|
الزول الجميل هشام،
تحياتي،
تصدق على الرغم من أنني فارقت جده منذ فترة طويلة لكن مازلت
أحتفظ لنفسي بذكريات وأيام جميلة لا تنسى قضيتها في تلك المدينة
العريقة.. وإن شاء الله ربنا إذا مد في العمر نزوركم في جده.
وصحبي طلع راجل كريم.. راجع ردي للأخ معاوية أعلاه.
| |
|
|
|
|
|
|
| |
يازولyazoalيازول
ابو جهينة
عزيز عيسى
Moawia Mohammed
فيس بوك
تويتر
انستقرام
يوتيوب
بنتيريست