|
|
 ولكعـبة الآهــات... قبلةُ أخري !
|
صهيل موجك بنده حوافر الغيم مراكب..... وانا وصمتك
لسة غايبين في الركايب.... ساعة الحزن أصبح رسول !
وجرحنا موعود بي النبوّة!!
لحظة سواحلك حالفة تكفر بي عباداتنا القديمة... ما قادرة تمسك
سكة الشوق المتاعب ... وفارقت درب السراطات الحنين
يا كل الديانات الهزيمة .... برتد عنك!
وانتي كعبة !! كعبة زي كل البدايات المشرّفة لمن تكون قبلة خداع
كعبة زي كل البيوت الشايلة من سود الظروف لحظة ضياع
كعبة زي كل العيون الطايفة ليك وتلبِّي في حجة وداع
كعبة و مشرفة زي حلم .... بعنالو روحنا ... وبرضو باع!!
واحدة كدة أديتها الشوشاوة فطمعت في كل أنفاسي ... التدخين ضار بالصحة
يا الفاكرة أنك براك مخلوقة من صلصال الكيف .. ومتجاوزة حتة أنو
المآذن فقط هي التي أستعصت علي سلطان المزاج من زمن عبد هند بنت عتبة
(بلال) والذي صار فيما بعد مؤذناً شهيراً !
و لكعبة الآهات قبلةً أخري يدركها براق زفراتي .. و أشيائي تتأرجح
ما بين أسراءٍ ومعراجِ .... فلا عادت الاشواق سدرةً للمنتهي أداري
بها سؤة أشجاني ولا شبعت من الاوجاع روحي .... علّ الدمع ينساني !
واحدة كدة ود لذينة عاملة درامات مع كرويات دمي الحمراء وخاشة
في نزاع علي السلطة جواة شراييني وما عارفة أني محتاج للانفصال
وحق تقرير المصير وبطالب بفض النزاعات جميعها في مناطق التماس الحدودي!
ولكعبة الجراحات .... متسعُ من النزيف.... يحجونها ويتطاوفون بها
من كل حزنٍ عميق يزرفون دموعهم علي مقام المبكي.. ولكن أني يفرحون!
|
|
 
|
|
|
|
|
|
|
 Re: ولكعـبة الآهــات... قبلةُ أخري ! (Re: حبيب نورة)
|
لحظة حضورك
نطق صمت المكان
إرتد شوق الأمنيات
وهي تنده في عيونك
يا ..أحلى من وحي الكلام
أنا ..و..صوتك..
لسّه شادين الرحال
لسّه في طور العروج
لي سموات النضال
للحكايات النديّة
عن بلد سمحة..ورضية
فيها كم..كمّين..قضية..
ونيلا للظالمين هديّة..
هم في حزنكــ..يتاجروا..
وشايفو فرحك بين إيديَّ
| |
|
|
|
|
|
|
|
|
|
Re: ولكعـبة الآهــات... قبلةُ أخري ! (Re: Mustafa Mahmoud)
|
Quote: قهرتك بي الله!!!
يا البتقدل في عظمتك
يا البتشبه للملوك
يا فريد عصر الزمان
الليلة مرقوا الناس وجوك
افتكروك سلطان يا أمير
يا ربي خايف يسحروك؟؟
شكرن كتيرن |
ما قلت لي انت السحر كتبهو ليك
ولا بتخاف الناس يجوك
ما بتتلحق تحلف تقول ود ملوك
يا زول اقيف خليني ابقي معاك
الشوق غلب ومعاك والله بيغيب
حبيبا ما قلت لي كيف الحريق
والشدر كيف ضيعتو في حضرة مشيك
يازول امش ما اعطلك
الليلة وقفة وبكرة عيد
| |
|
|
|
|
|
|
|
|
|
Re: ولكعـبة الآهــات... قبلةُ أخري ! (Re: حبيب نورة)
|
فيا سر الاغنيات..
اسكب كل الاشعار علي ضفاف الانتظار..
سيشاركنا البحر..
بموجه والسما ء بقبلتها..
والمواعيد بالمثول..
لنلحن انشودة الوجع الاخير..
لوطن حبيب..
ونيل رهيب ..
ونساء ارقهن النحيب..
وطفل يعاني فقدان شهيه ..
من مرارة الحليب..
| |
|
|
|
|
|
|
| |
حبيب نورة
هاشم أحمد خلف الله
Mustafa Mahmoud
abubakr
سجيمان
فيس بوك
تويتر
انستقرام
يوتيوب
بنتيريست