|
لما الشمس نست الغروب
|
يا جايه من عمق الألقْ مرسومة بى لون الصفا ومسقيه من روح العبقْ
جايه ومعاكِ الأغنيات شايله فى إيد الخريف وخاتّه فى التانية الوفا كل الدروب مرقت تبارك طلتك تتمعنِك مندهشه كيف إنه الفراش إنضمَ ليك سوَاك حديقة وفيك سرحْ وكيف الكلام شايل حروفه ومشتهيك سمّاك حقيقة عشان يحاول يكتبك عنوان فرحْ
وكيف الشمس فرحانه بيك نست الغروب سوت وهج جيتك شفق يا جايه من عمق الألق
جايه ومعاك الأمسيات نشوانه بى معنى الحضور تتحول الأيام هدايا شويه ريد وشويه عيد شويه زهرات للفريق وشوية غنوات للصبايا وكل ألوان البريق تشعل تفاصيل الحكايه تعلن صباحك ونشوة الضو الدفَق يا جايه من عمق الألق
يا جايه زى لحناً رزين ممدود على وجع الوتر موسق خطاويك بالحنين يا طلتك ضحكة نجيمه بعيدة عاشقه وغمزة فى وجنة قمر رعشة رذاذ جوه الغيوم يا طلتك شبَال مزخرف بالنجوم يا طلتك إشراق سنا وإيقاع مدوزن فى نسق يا جاية من عمق الألق
يا مارقه من ضو القصيدة وطالعه من زهو النشيد نشوان مقام الريده فى زحمة غناى طربان مبلل بى شذاكِ ودمعة الفرح العنيد روّضْتّى حزن الليل معاى جيتك وطن خليت اساى ومعاكى خلتنى المحن معاكى فارقت الشجن جيتك وطن فُتَّ المواجع و الرهق يا جايه من عمق الألق
|
|
|
|
|
|
|
|
Re: لما الشمس نست الغروب (Re: احمد العربي)
|
خي أباذر
تحية وتقدير
هذه رائعة من روائعك الجميلة المنمنمة فماذا اٌول غير: خذني إلى وجعي .. سأعرف وجهتي .. ثم أهدني لجداولي لأقوم ما فيها سوف يبين في وجهي وما في وجهتي سيطل من شجر الطريق.. أهنيك على هذه الرومانسية والشفافية البالغة منتهاها، رغم أن لا منتهي مع الإبداع..
| |
|
|
|
|
|
|
Re: لما الشمس نست الغروب (Re: ابوبكر يوسف إبراهيم)
|
يا أبا بكر العزيز
دوما يطوقنى ورد حرفك بأكاليل عبيرك/عبيرها السخى
فتتعطر اللحظة وتتزين ساجة لقيا الكلام، بك، بذياك النفح الجميل
فعلا هى من النصوص المشبعة برومانسيات الحس
وهو من مرجلة أو وقت كانت الأيام فيه، لا هم فيها سوى الرقص مع الفرح والطرب مع موسيقى الأحلام الملونة
أهديك المعزة كاملة يا ابا بكر، رفقة الود الجزيل
| |
|
|
|
|
|
|
Re: لما الشمس نست الغروب (Re: أبوذر بابكر)
|
ابوذر ايها الرجل الذري ( لو الشمس نست الغروب القاعدين ليها شنو ؟ )
قصيدة في غاية الروعة والجمال والنغم , دائماً مبدع يا ابوذر انتا بس اكتب
وخلي لينا القراءة نحنا .
| |
|
|
|
|
|
|
Re: لما الشمس نست الغروب (Re: هاشم أحمد خلف الله)
|
يا هاشم
يا وسيم الحضرة يا كتير الخضرة
Quote: ( لو الشمس نست الغروب القاعدين ليها شنو ؟ )
|
أنا برضو قلت كده
لكين شمسنا المسكينة ما كان عندها حيلة
زينا كده يعنى
إنشدهت وفرحت معانا، وشالت الألف ومشت تقسم فيهو بدل الشفق
لكين تانى اتذكرت ومشت
وبقينا نحن قاعدين نتأمل ونتفكر ونمارس فعل الفرح بالجاتنا من عمق الألق
شكرا إنو خليتنا نشوفك إنت برضو يا زول يا سمح
| |
|
|
|
|
|
|
Re: لما الشمس نست الغروب (Re: محمد عثمان)
|
جايه ومعاكِ الأغنيات شايله فى إيد الخريف وخاتّه فى التانية الوفا كل الدروب مرقت تبارك طلتك تتمعنِك مندهشه كيف إنه الفراش إنضمَ ليك سوَاك حديقة وفيك سرحْ وكيف الكلام شايل حروفه ومشتهيك سمّاك حقيقة عشان يحاول يكتبك عنوان فرحْ
دوما أستاذي أنت عنوان للجمال والروعة ومتن الأبداع
مودتي
| |
|
|
|
|
|
|
Re: لما الشمس نست الغروب (Re: محمد عثمان)
|
محمد عثمان
والله فضلة جمالك وخيرك
تعرف كل مره أقول اذكرك وأقول ليك
"وين العاقب" و "وين الظروف يا حلوه دائما"
تانى أقول أكيد محمد ما لما فى الأغنية
ولو لقاها ما أظن يبخل علينا بجماله
اها دى مناسبة "أقبضك"
وبالمناسبة عندى مشروع أعمل مقارنة بين "راح الميعاد" عثمان مصطفى و "فات الميعاد" أم كلثوم
فى المعانى وطريقة النظم وشويه مهابشه برضو فى المزيكا، على حسب القدرة يعنى، على الرغم من إختلاف المقامات والسلالم
وأكيد حأحتاج ليك
| |
|
|
|
|
|
|
Re: لما الشمس نست الغروب (Re: أبوذر بابكر)
|
ياضوؤها وياغسق غروبها
أباذر نظمة خيوطها ونسجة الضوء شجون تسلم الريشة واللون البنفسج
وتحت حرارة الشوق دوما جلوسنا واصل شعاعك وسلطه علينا ضياء .
،،،،أبوقصي،،،،
| |
|
|
|
|
|
|
Re: لما الشمس نست الغروب (Re: أبوذر بابكر)
|
الحبيب المرهف أباذر
لا تعجل الوقت في شعرك استقام روابٍ وهل الماء إلا بوحك وهو انبلاج الدمع أحرفك رقصة تتوامض قد خلّفت إذ اطفئت أمواجها الغسقية حروفك أشربتنا هزج المناغاة إنفلاتاً من أزماتها إلى غاياتها قد غافل الوهج المراقب خدها ثم جاء إلى بكارتها فصَحَتْ على ندبٍ يدب بحجرهاوأتت إليك لتضمها كنوافذ صيغت على عينيك هل آثرت حروفك أن تُصْبِحَ: الماء ... الأناناس الشذى ... ومض التبل رهبة الإشراق.. نافذة المحال شجي مشير مفرد ومسالك الهزج الطفولي المعمد بالهروب إلى فضاء تُقبله وتَشقق!! أجبني بالله
| |
|
|
|
|
|
|
Re: لما الشمس نست الغروب (Re: أبوذر بابكر)
|
الحبيب المرهف أباذر
لا تعجل الوقت في شعرك استقام روابٍ وهل الماء إلا بوحك وهو انبلاج الدمع أحرفك رقصة تتوامض قد خلّفت إذ اطفئت أمواجها الغسقية حروفك أشربتنا هزج المناغاة إنفلاتاً من أزماتها إلى غاياتها قد غافل الوهج المراقب خدها ثم جاء إلى بكارتها فصَحَتْ على ندبٍ يدب بحجرهاوأتت إليك لتضمها كنوافذ صيغت على عينيك هل آثرت حروفك أن تُصْبِحَ: الماء ... الأناناس الشذى ... ومض التبل رهبة الإشراق.. نافذة المحال شجي مشير مفرد ومسالك الهزج الطفولي المعمد بالهروب إلى فضاء تُقبله وتَشقق!! أجبني بالله
| |
|
|
|
|
|
|
Re: لما الشمس نست الغروب (Re: ابوبكر يوسف إبراهيم)
|
أبا بكر الأنيس
وأنت الطل والأريج والعبق البديع
طل يستمسك بخدود ورد الحروف لتشرب الأنسام وترتوى أوردة الصباح
أريج يفوح سائحا مجذوبا وطربا بين روابى الروح فتتلون أيامها وتستطيل جذوع الفرحة فيها/فينا
عبق يعلن دوما تقتح نوافذ صندلك السخى فنعلن إننا سلاطين العطر، بك
أنت هذا وذاك والله
بل أقل
زادك الخالق ألقا ونعيما وصحة وعافية
ومهدى لك كل ما فى الروخ من معزة
| |
|
|
|
|
|
|
Re: لما الشمس نست الغروب (Re: أبوذر بابكر)
|
Quote: يا طلتك ضحكة نجيمه بعيدة عاشقه وغمزة فى وجنة قمر رعشة رذاذ جوه الغيوم |
تصدق يا أبا ذر
قرأتُ هذه الجزئية في لحظة كانت ذكرى حميمة تداعب خيالي .. فنزلتْ هذه الكلمات كصورة داخل إطار .. لا نضب معينك ياخي
| |
|
|
|
|
|
|
Re: لما الشمس نست الغروب (Re: ابو جهينة)
|
كيفك يا جلال
مشتاقين ليك والله
مرات كتيرة، ما بنلقى سلوى غير تجسيد الحلم جوانا عسى ولعل يخفف شويه من صعوبة الخيال
وممكن فى صورة تشوف وتلقى
زمان وهسه وبكره
| |
|
|
|
|
|
|
Re: لما الشمس نست الغروب (Re: أبوذر بابكر)
|
الجميل ابو ذر...
غداً نكون كما نوّد ونلتقى عند الغروب غداً تعود مباااهجى وتزول عن نفسى الكروب غداً حبيبى قد يعود غداً حبيبى حتماً يعود...
شكرا للتصوير البديع..
يديك العاافية...
| |
|
|
|
|
|
|
Re: لما الشمس نست الغروب (Re: محمد عثمان)
|
Quote: غداً حبيبى قد يعود غداً حبيبى حتماً يعود...
|
ما أظن تانى يا محمد
ما أظن
خلاص
راح الميعاد وزمانى راح والجرح لا نام لا استراح
شكرا ليك إنت يا ابوحميد على تزيين لحظاتنا بيك
| |
|
|
|
|
|
|
|