|
دكين سلامتك ( يوجد كشف )
|
في شلاقة منقطعة النظير كعادته في التشالق قام دكين بامتطاء سيارة هوندا اكورد جديدة لنج - مثل سري ( بتاع الدخان ) - و دخل بها شوارع المدينة المكتظة في شهر رمضان مما ادي الي تسببه في حادث حركة مروع حطم بموجبه عدد لا باس به من سيارات المواطنين و المقيمين ، و تسبب في خسائر مرورية جسيمة ادخل بموجبها الحجز . عليه : بدلا من لقب ( محطم قلوب العذاري ) الذي كان يطلقه علي نفسه ، اطلقنا عليه لقب ( محطم سيارات الفقارى ) .
جدير بالذكر ان الخسائر التي تسبب بها دكين قدرت بما لا يقل عن 40000 ريال ، بناء عليه قررنا ان يكون هناك كشف لمساعدته في الخروج من ورطته .
|
|
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
حمد أمبس .. رمضان كريم
ما كتيرة عليك ولا بتغلبك تطلعا من طرف الشنطة الا انت بس - زيي كدة - بتشوفا كتيرة علي دكين .. الفيك اتعرفت ... مافى مشكلة .. انت قايل صاحبك ده مقطوع من شجرة بس نزل لينا فواتير الخسائر عشان نضمن انها حتمشي في بنود الصرف ( الشرعية ) .. لف ودوران ما معانا .....
أبوجهينة .. كيفك ورمضانك كريم
Morse
| |
|
|
|
|
|
|
Re: دكين سلامتك ( يوجد كشف ) (Re: الطاهر ساتي)
|
هوندا ( جديدة ) .. ياخي انتو بتبالغو زاتو .. الزول دا أجد حاجة ممكن ( يلبسا ) ناهيك عن ( يسوقا ) .. ممكن تكون ( جلابية ) العيد ..!!
.. ..
تستاهل يا ( دكين ) .. انا مش قلت ليك ( صراع الطبقات ) دا ما بتقدر عليهو .. !!
| |
|
|
|
|
|
|
Re: دكين سلامتك ( يوجد كشف ) (Re: الطاهر ساتي)
|
الطاهر اندي هو بالله انا قتا اربعين الف بس لا لا الموضوع اربعمية الف لانو من ضمن العربات المكسرة في بي ام شد حيلك معانا بس بعدين ما طلع اشاعات بالرطانة ساكت المسالة ماشة كويس
| |
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
انا اقول الزول دا مالو شابكنا في الجمعية سلفوني عشان أشتري سروال اتاري اللخو ممحون يا حمد اخوي اكتب اسمي في الكشف واكتب سروال من حمزاوي يا نساوين ادخلن لي جوا لغاية ما الزول دا يستر نفسو
| |
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
حمد
بأسم خريجى مدرسة المقرن الثانوية المنتشرين فى كل انحاء الدنيا و زملاء (الفقيد) اقصد ( المصدوم ) دكين ...... فقد قرروا جميعهم التبرع براتب ( يوم ) و ارساله لكم كفارة لذنوب اخاهم دكين ... فى حالة عدم ملاءمة راتب اليوم المتبرع به لحجم المأساة ..... سيتم إعلان ( دكين) كحالة كوارث و يتم مناشدة المانحون الدوليون و المنظمات ( الشبوهة) لتكملة متبقى المبلغ ... و لا نامت ( اعين) الهوندا.
| |
|
|
|
|
|
|
Re: دكين سلامتك ( يوجد كشف ) (Re: KOSTA)
|
كوستا العزيز اولا انتو كم نفر و شغالين وين و متوسط رواتبكم كيف دي كلها معلومات مهمة علي ضوئها ممكن نكتفي براتب يوم او نزيد
عموما شكرا جزيلا لخريجي المقرن ، عقبال تبرعات خريجي جامعة الخرطوم
| |
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
نخلي الهظار بعدين لحدي ما اخونا يطلع بالسلامة
لا حول ولا قوة إلا بالله
لا إله إلا الله
يا جماعة كلامكم دا بالجد ؟
الحاصل على اخونا شنو و صحتو كيف وحجم الخسائر كم و قدرتو تعملو كم؟
نحاول نقيف معاكم باللي بنقدر عليه من هنا من داخل السودان
| |
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
هاني هو نصيح اصلو عمر الشقي بقي لكن بنحاول جبر الاضرار الاتسبب فيها
يا حيدر صاحبك الايام دي عزابي و مستوحد و في ذمتو ما عندو شئ بعدين شايف مافي زول اتصل بيه و قال ليه كفارة و ماف زول جادي في مسالة الكشف
| |
|
|
|
|
|
|
Re: دكين سلامتك ( يوجد كشف ) (Re: حمد فتح الرحمن)
|
Quote: و ماف زول جادي في مسالة الكشف |
انا جادى لكن نتفق ..! اها كم في المية للعاملين عليه - الكشف - عشان اكشف ليك بورداب الخرطوم ولو حولت عربون من ال ( الكم في المية ) حتشجعنى خالص .....
| |
|
|
|
|
|
|
|