|
|
 دار فور ..... لا بواكي عليهم
|
الدنيا جايطة،،،
كارثة انسانية في دارفور
ومرة ابادة جماعية في دارفور
وبعدين يا ماما امريكا،،،،
الحكومة تمارس حرب تصفية عرقية في اقليم دارفور،،،،
بوش : تعالوا يا جماعة نادب حكومة الخرطوم
اصلوا لقينا حجتنا عشان نخش بيها على الحكومة العاملة فيها تفتيحة دي.
طيب (بوش يسال نفسه) العمل شنو لو كانت حكومة (الخرطوم) ما عاندتنا واتماشت معانا ورخت اضانا لينا وخلتنا نسوي الفي راسنا (نطبق استراتيجيتنا يعني في المنطقة دي) زي ما سويت في العراق ....
تصدقوا يا جماعة (طبعا الكلام لسع لشيخنا بوش)انا ما كنت حاحس بي اي طعم للصراع
اصلي عشان احس بلذة الحرب والتدمير لازمني طرف تاني قوي وعنيد.
يا ربي الحكومي بالصح عنيدة وقوية (دا سؤال في راس ميادة يا جماعة)
طلوا بالكم علي....
وبعدين الدنيا قامت وقعدت مظاهرات هنا وهناك
وفي النهاية الحل السحري اعلنوهوا بقبول القوات الهجين ( عجين)
من هنا تبدا بداية النهاية
اصلوا عكازة امريكا واتثبتت
والقوات نزلت على الارض - وحنسمع كل يوم حوادث اطلاق نار من القوات الدولية على مدنيين
طيب ليه بتطلقوا النار على المدنيين يا قوات يا دولية
ما قلتوا جايين تحمونا
الرد حييجي بكل سهولة وبساطة من واشنطن ... دفاع عن النفس
أأأأأأأأأأأأأأأه
طيب بعد يومين نقرا في الجرايد
اغتصاب لفتيات من معسكر فلان الفلاني
المرة دي مش على يد قوات الجنجويد --- لالالا نحن انتقلنا من المحلية الي الدولية
ياريت تكونوا فهمتوني
وديل لمن يقوموا بي فعلة شنيعة زي دي - لا في قانون بيدينهم ولا شئ
كل الحكاية الخبر كالاتي
تم تبرئة الجندي الفلاني - والذي امتثل امام محكمة ..... في جريمة اغتصاب وتحرش جنسي
كل اللي حيتفضلوا بيه لينا اعتزار وانه حادث عرضي
وكمان الفلم التاني من المنظمات اللي انتفضت على طول الكرة الارضية وعرضهاحتبدا شوية شوية ترفع يدها وكمان حيقفلوا دفاتر تقاريرهم اللي كانت كل يوم طالعة ونازلة بي تقرير غير شكل
اصلوا ورق اللعب اتغير وزوول من اللي باكيين على دارفور الان ما بشتغل بينا الشغلة
وكل المنظمات حترفع يدها عن دارفور لا تقول لي مخيمات انسانية ولا يحزنون
ونااااس دافور براهم يشيلوا الشيلة
ونبدا تاني من الصفر
القوات الدولية خروقاتها كترت
اطلاق النار بالجملة على اي تجمع للمدنيين - ما يمكن المدنيين ديل متجمهرين حولين بير موية-
القوات الدولية : نحن اشتبهنا في الامر وقلنا احسن نطلق النار ونفضها سيرة وبعدين نحقق على مهلنا- اصلوا ورانا حاجة!!!!!.
يجي واحد يفرح القوات الدولية مهلتها انتهت يعني حيتخارجوا
عووووووك
وينادي منادي : اصدر مجلس الامن الدولي بتجديد مهلة القوات الدولية المنتشرة في اقليم دافور
أأأأأأأأأأأأأه
الحركات المسلحة والسياسية في دارفور بدات تتململ من الوضع اللي صار عليه الاقليم
الادارة الامريكية : تدعو لعقد مؤتمر دولي لاعمار دافور
تجتمع الدول ويعلنوا لكل وسائل الاعلام مليارات من الدولارت تم التبرع بها في المؤتمر
والمحصلة لمة واتفضت ولا شئ يحرز لاعمار الاقليم
يليه مؤتمر ثاني ، ثالث ، ..... والحال كما هو
وتنقلب المواقف السياسية في الداخل
كل اللي كانوا مؤيدين للتدخل الاجنبي ترتفع اصواتهم بضرورة خروج القوات الدولية
طيب ما كان من الاول يا جماعة
ومن ابرز التطورات وقتها حركة العدل والمساواة ستصير حمل وديع
والله يا جماعة نحن كنا غلطانين في حق الاقليم وسامحونا يا اخوانا
اصلوا المثل بيقول لالوب بلدنا ولا تمر غيرنا
رسالة للعم دينق.... ابعد مني
|
|
 
|
|
|
|
|
|
|
|
Re: دار فور ..... لا بواكي عليهم (Re: خالد الطيب أحمد)
|
في الأول كانت العبارة :
| Quote: صورتك شييييييييينة يا ميادة |
وطبعاً دلالاتها الإغتيالية وااااااااااااااااااضحة وشييييييييييييييينه
بعد داك رجع خالد بعد وصول الرسالة للأخت (الكوزة) وعدل العبارة لتصبح :
Quote: صورتك شييييييييينة يا ميادة وإنتي بتوصفي الحاصل بالطريقة دي..
عملتيها ظاهرة. |
والله عيب يا دعاة الجندرة وحقوق المرأة..
نختلف مع ميادة ولكن بالحجة والمنطق وليس بالأساليب الرخيصة..
| |
|
|
|
|
|
|
|
|
|
Re: دار فور ..... لا بواكي عليهم (Re: الواثق الصادق)
|
شايفاكم مصرين على حكاية الكوزة دي يا جماعة
وبعدين بقى
انا صحيح ضد مواقف بعض الحركات المسلحة او المعارضة عموما وكمان ضد التدخل الاجنبي بس دا ما معناه اني مع الحكومة او كوزة زي ما بتقولوا
يا عم بكري اقوم ارد على الناس ديل بعدين تجي تحجب مشاركتي من المنبر
ورونا هامش الحريات هنا في المنبر دا لحدي وين
| |
|
|
|
|
|
|
|
|
|
Re: دار فور ..... لا بواكي عليهم (Re: الواثق الصادق)
|
| Quote: بعد داك رجع خالد بعد وصول الرسالة للأخت (الكوزة) وعدل العبارة لتصبح |
المحقق كونان معانا هنا ونحنا ما عارفين؟؟!!!
وده كل الوصلت ليهو لما لقيت تعديلي تحت..
اللهم إني صائم..اللهم إني صائم يا الواثق
| |
|
|
|
|
|
|
|
|
|
Re: دار فور ..... لا بواكي عليهم (Re: محمد نور أحمد)
|
حاتم يوسف..
Quote: خالد الطيب ............. بدون تعليق ؟؟؟؟؟؟؟؟؟؟؟؟؟
|
لا علق أحسن..
ونشوف اليوم ده الليلة حيحصل شنو..
والواثق جاي يفتح لينا ملف جريمة جندر!
الواثق كده نحنا كويسين شدييييد..خلينا كده أسحن..قلت شنو؟
| |
|
|
|
|
|
|
|
|
|
Re: دار فور ..... لا بواكي عليهم (Re: خالد الطيب أحمد)
|
الاخت ميادة سلام ومرحباص في المنبر الحر
لك حق الرد واخونا بكري لايحجب رد اي شخص
ردي وبقوة ومافي اي حجر
انا اختلف معك واقول لابد من القوات الدولية لانالانقاذ لاتفي باي وعود وستوصل الاقليم الي الهاوية اذا لم يحدث تدخل دولي
| |
|
|
|
|
|
|
|
|
|
Re: دار فور ..... لا بواكي عليهم (Re: Hatim Yousif)
|
حاتم:
| Quote: أهلنا بيقولوا ....(( الموت سمح ... ماتخربوا بالرفسي )) ... |
والله يا حاتم أحسن تدخلوا جوه قلوب الناس وتفتشوها..بدل البيحصل ده!
ده كل الموضوع..لا أكثر ولا أقل..
آسف يا ميادة لكنك شايفة بعينك كيف بيجرفك زي كونان بعيدا عن ماهو مطروح.
كونان وسينشي..
| |
|
|
|
|
|
|
|
|
|
Re: دار فور ..... لا بواكي عليهم (Re: خالد الطيب أحمد)
|
Quote: آسف يا ميادة لكنك شايفة بعينك كيف بيجرفك زي كونان بعيدا عن ماهو مطروح.
|
مافي داعي للاسف يا عزيزي خالد
بس لو وريتوني هامش الحريات هناعندكم لحدي وين
اصلي الاسبوع الماضي اشربكوا معاي كم واحد من المنبر هنا في موضوع عملت مداخله فيه
وتعال شوف الكلام اللي اتقال لي
واختك ما قصرت
قام عمك بكري ابو بكر حجم باسووردي من الموقع
وفضلت اسبوع ما قادرة اشارك في المنبر
وفضلت وراه كل يوم رسالة لغاية ما رجع لي باسووردي
اصلي ما لقيتوا بالساهل عشان اتخلى عنه بالساهل
بس لو اداني مهلة اقعد اي زول في علبه
شكرا على المرور
| |
|
|
|
|
|
|
|
|
 Re: دار فور ..... لا بواكي عليهم (Re: خالد الطيب أحمد)
|
Quote: صورتك شييييييييينة يا ميادة وإنتي بتوصفي الحاصل بالطريقة دي..
عملتيها ظاهرة. |
...
تعرف يــا .. حرامي النت .. والمرة دي اللهم أني صائم ح اتجاوزه ..
إنت طبعا الواحد لو قال ليك كلام كدا بتقال في الفطــر .. صدقني بجرح صيامــو ..
لكن طبعا الكلام الفوق دا ح نضيفو لي الكوته بتاعت بعد العيد ..
اسلوبك المنحط دا .. دائما الناس شايفهم قاعدين يسكتو ليك بيهو ..
وأهو الحمد لله .. حواء البورد والده وشايف .. الواثق .. ختاها ليك في التنك .. تعرف بعد شوية كدا البرنامج المطـور من النسخة بتاعت تمبس كابشر ح اتضطر اخليها تطلع النور .. وح اعمل لي ايقونة هنا للتحميل للبرنامج دا .. علشان يتربط .. في الجهاز .. يعني كان كتبت ومسحت يمسكوك من لسانك الطويل دا ..
بلاي مكا بتخجل ..بتكتب كلام سخيف زيك كدا وبتجي بي كل قوة عين وتمسحــو
إنت قايل البلد دي همله ..؟
إنت بتحترم نفسك متين .. وتبطل تتطاول وتقل ادبك على الناس .. وفي نفس الوقت تجي تبرر لي افعالك .. قبل كدا سرقت الباص وورد ودخلت عملت فوضى هنا وقلت دي ما سرقة ..
شتمت بكري .. وقلت لالا بكري دا انا ما شتمتو بس ساتعملت معاهو عبارات ما مفترض استعمله مع اخوي الكبير ..
حسع الكلام الكتبتو دا عبارة عن قلة ادب وعدك احترام .. ويجب أن تجلد عليه في ميدان عام ...
وين تراجي تجي تورينــا الكلام الكاتبو ولده دا .. كلام كويس واللا ما كويس .. هي اصلها قاعده تفتس في البتعرفو والما بتعرفو ..
الحاجة التانية ..
وين الناس العاملين بتاعين حقوق مرأة وحقوق طفل .. وحقوق طبع وشنو ما عارف ..؟؟
التعرض للزميلات بهذا الاسلوب .. لا يجب السكوت عليه .. المساحة هذه تحولت لي قلة ادب .. وسخف مبالغ فيه ولا يحتمل ..
يا حرامي النت .. إنت بتتفلسف فوق كم ..؟ الناس دي قبضتك بي كلامك القذر دا وأنا قبل كدا قلت ليك ما تمسح حاجة لما تكتبه .. خلي بكري براهو اللي يمسح ليك ..
وقاحتك دي ح تبطله متين ..؟
اشكر الاخوان حاتم يوسف .. والواثق للتصدي لمثل هذه الافعال .. وهاهم مازالوا يطاردون هذا المشوه اخلاقيا .. وهاهو يمارس عادته القديمة المعروفة التبرير لأفعاله القذرة هنا ..
اعجبتني هذه المطاردة ... لمثل هؤلاء ..
| |
|
|
|
|
|
|
|
|
|
Re: دار فور ..... لا بواكي عليهم (Re: mayada kamal)
|
قال صلى الله عليه وسلم
(( إن الله لا ينظر لصوركم وأموالكم ولكن ينظر الى قلوبكم وأعمالكم ))
صحيح الجامع للألباني 1862
أحييك لهذا الفهم المتقدم.
ولكن ليست المسألة شخصيةً بل المقصود بيان كذب وزيف دعاوي هؤلاء المتباهين بتكريم المرأة والجندرة أصدقاء إسرائيل..
قلت لي العبارة كانت شنو يا خالد؟؟
| |
|
|
|
|
|
|
|
|
|
Re: دار فور ..... لا بواكي عليهم (Re: mayada kamal)
|
عزيزتي ميادة
تحية وكل سنة وانتي طيبة ورمضان كريم
عزيزتي تابعت المداخلات وتأسفت لما كتب البعض
لا يصيبك الاحباط عزيزتي فهنا حسب معرفتي القليلة بالمنبر
بتلقي كل الانواع من البشر
بس مدي حبل الصبر زي ما بيقولوا العاقلين هنا دايما
وما تستفزك الردود وتخليك تتنازلي عن العاوزة تطرحيه
مش انتي جيتي عشان تقولي رايك؟!!
البيتصدوا ليك في آرائك هم بيكتبوا كل العاوزينه والناس بتجي تناقشهم
وانتي كمان عندك نفس الحق تقولي رايك وتناقشي فيه
واصلي في موضوع البوست ما تحيدي عنه بسبب بعض المداخلات
والاحترام ليك ولي وجهة نظرك
ومرحب بيك بيننا
شَيْماء
| |
|
|
|
|
|
|
|
|
|
Re: دار فور ..... لا بواكي عليهم (Re: Shayma)
|
حبيبتي شيماء
انا قريت ليك بوست جميل جدا
اعتقد كان بي " المنبر دا حيرني عدييييل " او شئ من ه>ا المعنى
والله مداخلات الاخوة والاخوات كانت جميلة ومرورك عليهم واحد واحد كان اجمل
وبعدين انظري للكيف وليس للكم
يعني في ناس هنا اقدم منك ومني
ولم تجود قريحتهم بشئ سوء التريقة على قريحة مخاليق ربنا
تعالي اقري مداخلة زوول في البوست بتاعي جنس خرمجة في الكلام
غايتو ؟؟؟!!!!!!.
انا في تقديري مداخلة واحدة من زولة زيك تساوي مية مداخلة او من مداخلات الزول اللي في بالي
مرحب بيك مرة تانية
| |
|
|
|
|
|
|
|
|
|
Re: دار فور ..... لا بواكي عليهم (Re: tmbis)
|
Quote: عيب يا دعاة الجندرة وحقوق المرأة..
نختلف مع ميادة ولكن بالحجة والمنطق وليس بالأساليب الرخيصة.. |
يا واثق .. الإسلوب دا طبعا متــاح .. وحصري لناس السودان الجديد .. ودعاة الحريات التي تبيح لهم مهاجمة كل من لا يروقهم من الجنسين .. رجل كان أم إمراة
هذا الحرامي هو رائد هذه الفكــرة وهو الذي لا يتوانى لحظة في التعبير عنها هنــا ...
قبل ما تجي هنا يا واثق قام الزول دا .. جاب صورة الدكتورة بيان .. وبي كل وقاحــه نزله في اجساد مجموعة من الدجــاج .. والدجاج يبيض .. وقال لانو دكتورة بيان دي كوزة وقالت كلام ما في محلو ضد السودان علشان كدا هو عمل ليها كدا .. والمرة الجايه ممكن يختها في (بطــه) عادي ما فارقه معاهو ..
اليوم يهاجم هذه الزميلة في شخصهــا .. وفي صورته ..
وما زال يهاجم شخصي الطويل القامة .. وعندو مشكلة مع صوري .. وقال انا فيني عرق زيـو ..؟
يعني نحن نقعد هنا نبطل نشتغل موسيقى ونبطل نقرا لي الناس الخطيرين هنا ..
ونقعد نقرا لي حرامي النت دا عن صور الناس وشخصياتهم .. وعن خلقهم ..
بعد كدا أي زول يجيب معاهو كاميرتو .. ويجيب معاهو الحمض النووي بتاعو خاتيهو في (فتيل) بتاع روح موز .. يا فتيل محلبية .. ويقفلو بي قطنــه
يقفل الدي إن إن بتاعو بي قطنه والما بيلقى .. يجيب الـ دي إن تي بتاع بت جيرانهم .. ولو ما كانت شديده ولونه اصفااااار .. ما يجيبه هنا لانو هنا عندنا فحص الجودة والجينات .. جمب موقف الصحافة زلط ..
يا جماعة لو في زول سال عني .. قولو ليهو تمبس دا ما جاء البورد الليلة .. أنا قاعد بي جاي ..
إحتمال الواحد يفطر هنا زاتو الليلة ..
| |
|
|
|
|
|
|
|
|
|
Re: دار فور ..... لا بواكي عليهم (Re: tmbis)
|
والله يا تمبس أنا ذاتي قاعد هنا وهناك في البوست بتاع علم إسرائيل..
لكن الزول دا عينو قويه بشكل؟؟؟
اتخيل بقول لي (اللهم إني صائم)..
يعني كضب على عينك يا تاجر وعايز يزوغ كمان..
أنا غايتو راضي أبقى ليهو المحقق كونان لحدما نشوف آخر القصة دي..
يورينا العبارة في الأول كانت شنو؟؟؟
ومعناها شنو؟؟؟
وسبب التعديل شنو؟؟
صنفرة :إلا تستعين باليهود الليله
| |
|
|
|
|
|
|
|
|
|
Re: دار فور ..... لا بواكي عليهم (Re: الواثق الصادق)
|
يا ميادة..
بصراحة بوستك ده (إستحم) ..
صدقيني مادام جا ملك
التصوير في السايبر بي كمرتو ودخل كراعو جواهو
معناها الموضوع مستحمي..
ولما كونان قاعد يحقق لسه وبيسأل
معناها فعلا الموضوع إستحم.. وبقي بدل موضوع البوست ..
صورة ميادة!
أقول ليك نصيحة يا ميادة : أعملي واحد جديد ..ده أنسيهو..
وخليني لناس كونان وسينشي وتمبوشي ديل ..
نشوف معاهم آخر الحكاية..
موضوع بسيط جدا..بوظوا بيهو البوست بتاعك.
| |
|
|
|
|
|
|
|
|
|
Re: دار فور ..... لا بواكي عليهم (Re: خالد الطيب أحمد)
|
| Quote: موضوع بسيط جدا..بوظوا بيهو البوست بتاعك. |
إنت البوست لو بهمك شديد مش كان أحسن تناقش بدل تطاعن؟؟؟
قلت لي موضوع بسيط جداً؟؟؟
يعني الجندرة راحت شمار في مرقة..
Quote: وخليني لناس كونان وسينشي وتمبوشي ديل ..
نشوف معاهم آخر الحكاية..
|
طيب
| |
|
|
|
|
|
|
|
|
|
Re: دار فور ..... لا بواكي عليهم (Re: الواثق الصادق)
|
بغض النظر ..
لما تقول لأي زول بت أو ولد ما بيفرق عندي ..
صورتك شيييييينة ..دي يا الواثق
مالقت ليها أي تفسير عندك غير الجندرة وما شابه!!
أسال تمبس ده عارف معانيها كويس زي جوع بطنوا
وده سبب وجودوا في البوست القال حيفطر فيهو ده؟
تمبس ...صورتك شيييينة معناها شنو؟؟
وري أخوك كونان ده!
ولو ما وراك.أنا حا أوريك المعاني كلها..وهو نفسه نموذج.
| |
|
|
|
|
|
|
|
|
 Re: دار فور ..... لا بواكي عليهم (Re: الواثق الصادق)
|
Quote: أقول ليك نصيحة يا ميادة : أعملي واحد جديد ..ده أنسيهو..
وخليني لناس كونان وسينشي وتمبوشي ديل ..
نشوف معاهم آخر الحكاية..
موضوع بسيط جدا..بوظوا بيهو البوست بتاعك.
|
.. تعمل واحد جديد ويــن ..؟ إنت السيرفر دا بتدفع قروشو واللا عندك اسهم هنــا..؟
إنت جيت كتبت كلام ما ليهو علاقة بالبوست دا .. البوست دا بيتكلم عن حاجة محددة .. خليت الحاجة المحدده .. وخليت اسمه .. وخليت كل الايقونات دي .. وجيت ماسك في صورته وقلت ليها إنت شينه .. طب ما كان تتكلم عن لون الطرحــة دي .. قول ليها على الاقل طرحتك دي لونه برتقالي وا،ا ما بحب اللون البرتقالي بيعمل لي حساسية ...
طوالي طــاخ ماشي لي شكلها .. وخلقته .. وملامحــه .. وجاي بي كل وقاحه كمان بتقول ليها افتحي ليك بوست جديد .. وخلي دا الواحد فيكم بيعمل الحاجة ويجي بدل يعتذر يقعد يعقد فيها زيادة .. وعاملين لي فيها بتاعين نضال وبتاعين حقوق وواجبات ..
تعرف ..
حركتك دي زمااان ناس بشاشا وناس استيف .. طيرو بيها الزميلات من هنا .. طبعا دا بالنسبة للزميلات الكانن خاتين صورن هنا .. في واحداات ما خاتات صورن لكن كانوا الجماعة فنانين زيك كدا .. الواحد عامل فيها بيكاسو .. وما بيتورع لحظة من انو يقل ادبو على زميلة هنــا ..
والله الرجــالة تطير .. يعني زي نوعيتك دي عادي الظاهر لي كان في السودان قاعد يتواقح على بنات الناس في الشارع ... طبعا الكلام دا بعدا طلعنا خلينا البلد
تعرف زي نوعيتك دي .. زمان في السودان لو ربك قدر ولاقاني بيك ... وقمت عملت حركتك دي مع إي بت قدام الواحد .. تعرف كنت ح تتدق وتتجرا بالأرض .. كررررررر كدا .. دا طبعا في حالة عدم وجود البوكس بتاع الزنكلوني ..
بلاي إنت ما خجلان من نفسك حسع دي .. كل مرة مهاجم ليك زميلة .. في شخصها وقايل نفسك بتطفشه من هنــا..؟
أهـا قاعدين ليك هنا نحن .. وكان إنت عندك الرجالة البتخليك تتهجم ليك على زميلة في شخصها كدي جربه تاني .. علشان تعرف حاجة..
كنت عايز اقول ليك يا حقير .. لكن منعتني حاجاتين .. الصيام .. واحترامي لكلمة حقير المفرده في نفسها..
| Quote: موضوع بسيط جدا..بوظوا بيهو البوست بتاعك |
..
موضوع بسيط يا خسيس ..؟
إنت بتخجل ميتن .. والبيخجل ليك منــو..؟
وبتين تبقى زول محترم تحترم نفسك وتحترم غيرك..؟
| |
|
|
|
|
|
|
|
|
|
Re: دار فور ..... لا بواكي عليهم (Re: tmbis)
|
Quote: بلاي إنت ما خجلان من نفسك حسع دي .. كل مرة مهاجم ليك زميلة .. في شخصها وقايل نفسك بتطفشه من هنــا..؟
أهـا قاعدين ليك هنا نحن .. وكان إنت عندك الرجالة البتخليك تتهجم ليك على زميلة في شخصها كدي جربه تاني .. علشان تعرف حاجة.. |
القال ليه منو انو يقدر يطفشني
ياخوي الباسوورد دا انا ما لقيتو بالساهل
عشان اطفش من المنبر
وبعدين هو ماله ومال شكلي
انا كان قلت ليه شوف لي عريس ولا شنو
هههههههههه
اهم شء عندي راسي والفهم الفيه مش شكلي وشناتي
كان نفسي اهدي ليه غنيه ماجدة الرومي
بس علاقتي بالغناء ضعيفة ولا عارفة بيضيفوا رابط الغنية كيف .
| |
|
|
|
|
|
|
|
|
|
Re: دار فور ..... لا بواكي عليهم (Re: mayada kamal)
|
Quote: بغض النظر ..
لما تقول لأي زول بت أو ولد ما بيفرق عندي ..
صورتك شيييييينة ..دي يا الواثقمالقت ليها أي تفسير عندك غير الجندرة وما شابه!!
أسال تمبس ده عارف معانيها كويس زي جوع بطنوا
وده سبب وجودوا في البوست القال حيفطر فيهو ده؟
تمبس ...صورتك شيييينة معناها شنو؟؟ |
..لا غنت متخصص شايفك صور .. وصور بنات .. إنت عايز تفتح لينا بوتيك هنا يعني .؟ واللا استديو ..
الغريبة شنــو إنت ما بتطول لسانك دا على زميلة عندهــا اخــو هنا ...
طبعا عارف لو طولت لسانك ح يقطعوهو ويختوهو ليك في جيبك ..
لكن مافيش مشكلة .. أنا القدامك دا ح اقطعو ليك هنا إن شاء الله بس مد يدك علشان كان ختيتو ليك في جيبك احتمال يقع..
متذكر لما قلت للزميلة هبه الحسين إنك راجــل .. وحلفت بالتقطع اضنينك أنها ما راجــل .. ولما فتحت ليك بوست كامل قلت ليك تعال وريني الزولة دي راجل كيف وأنا بعرفه .. تتذكر قلت لشنو إنت والمعاك..؟
اهــا شفت من اليوم داك وانا خاتيها ليك .. وعارفك جنك متابعة للبنات ووقاحه عليهم ..
..
.
بعدين أنا رمضان دا كلو قلت ليك امشي يازول وخليك في حالك .. علشان لما اتلايق فيك ما بتقدر وبتزوغ وتقعد تكضب .. قمت براك جبت سيرتي في بوستين بكري حذفهم .. والبوستين قاعدات
إنت براك البديت في رمضان دا .. وشايفك حسع قاعد تتزاوغ ..
يعني إنت بتفتش علي مش كدا ..؟ جميل انا ياني قاعد ليك
والحاجة التانية شنو جوتع بطنو دي ..؟ من متين تمبس دا بقى جوع بطنــو ..؟
إنت زول حرامي ولحدي الآن ما عايز تعترف بي سرقتك وفوق للسرقة معاها وقاحه وقلة ادب على الزميلات ..
تجي تشبكني صورتك وجوع بطنك ..؟
اسالك سؤال..:؟
إنت في سودانك الجديد دا .. ما عايز ليك بنات شينات واللا شنــو..؟
يعني سودانك الجديد دا عايز تعمل فيهو هجين مش .. بنات شديدات وصفراااات . وفيهن عرق مش كدا ..؟
والله ديل إلا يجيبوهن ليك من (جورج مشرقي)
بتعرف جورج مشرقي يا طويل اللسان ..؟
يا حرامي ..؟
اللهم إني صائم
| |
|
|
|
|
|
|
|
|
|
Re: دار فور ..... لا بواكي عليهم (Re: mayada kamal)
|
Quote: الدنيا جايطة،،،
كارثة انسانية في دارفور
ومرة ابادة جماعية في دارفور
وبعدين يا ماما امريكا،،،،
الحكومة تمارس حرب تصفية عرقية في اقليم دارفور،،،،
بوش : تعالوا يا جماعة نادب حكومة الخرطوم
اصلوا لقينا حجتنا عشان نخش بيها على الحكومة العاملة فيها تفتيحة دي.
طيب (بوش يسال نفسه) العمل شنو لو كانت حكومة (الخرطوم) ما عاندتنا واتماشت معانا ورخت اضانا لينا وخلتنا نسوي الفي راسنا (نطبق استراتيجيتنا يعني في المنطقة دي) زي ما سويت في العراق ....
تصدقوا يا جماعة (طبعا الكلام لسع لشيخنا بوش)انا ما كنت حاحس بي اي طعم للصراع
اصلي عشان احس بلذة الحرب والتدمير لازمني طرف تاني قوي وعنيد.
يا ربي الحكومي بالصح عنيدة وقوية (دا سؤال في راس ميادة يا جماعة)
طلوا بالكم علي....
وبعدين الدنيا قامت وقعدت مظاهرات هنا وهناك
وفي النهاية الحل السحري اعلنوهوا بقبول القوات الهجين ( عجين)
من هنا تبدا بداية النهاية
اصلوا عكازة امريكا واتثبتت
والقوات نزلت على الارض - وحنسمع كل يوم حوادث اطلاق نار من القوات الدولية على مدنيين
طيب ليه بتطلقوا النار على المدنيين يا قوات يا دولية
ما قلتوا جايين تحمونا
الرد حييجي بكل سهولة وبساطة من واشنطن ... دفاع عن النفس
أأأأأأأأأأأأأأأه
طيب بعد يومين نقرا في الجرايد
اغتصاب لفتيات من معسكر فلان الفلاني
المرة دي مش على يد قوات الجنجويد --- لالالا نحن انتقلنا من المحلية الي الدولية
ياريت تكونوا فهمتوني
وديل لمن يقوموا بي فعلة شنيعة زي دي - لا في قانون بيدينهم ولا شئ
كل الحكاية الخبر كالاتي
تم تبرئة الجندي الفلاني - والذي امتثل امام محكمة ..... في جريمة اغتصاب وتحرش جنسي
كل اللي حيتفضلوا بيه لينا اعتزار وانه حادث عرضي
وكمان الفلم التاني من المنظمات اللي انتفضت على طول الكرة الارضية وعرضهاحتبدا شوية شوية ترفع يدها وكمان حيقفلوا دفاتر تقاريرهم اللي كانت كل يوم طالعة ونازلة بي تقرير غير شكل
اصلوا ورق اللعب اتغير وزوول من اللي باكيين على دارفور الان ما بشتغل بينا الشغلة
وكل المنظمات حترفع يدها عن دارفور لا تقول لي مخيمات انسانية ولا يحزنون
ونااااس دافور براهم يشيلوا الشيلة
ونبدا تاني من الصفر
القوات الدولية خروقاتها كترت
اطلاق النار بالجملة على اي تجمع للمدنيين - ما يمكن المدنيين ديل متجمهرين حولين بير موية-
القوات الدولية : نحن اشتبهنا في الامر وقلنا احسن نطلق النار ونفضها سيرة وبعدين نحقق على مهلنا- اصلوا ورانا حاجة!!!!!.
يجي واحد يفرح القوات الدولية مهلتها انتهت يعني حيتخارجوا
عووووووك
وينادي منادي : اصدر مجلس الامن الدولي بتجديد مهلة القوات الدولية المنتشرة في اقليم دافور
أأأأأأأأأأأأأه
الحركات المسلحة والسياسية في دارفور بدات تتململ من الوضع اللي صار عليه الاقليم
الادارة الامريكية : تدعو لعقد مؤتمر دولي لاعمار دافور
تجتمع الدول ويعلنوا لكل وسائل الاعلام مليارات من الدولارت تم التبرع بها في المؤتمر
والمحصلة لمة واتفضت ولا شئ يحرز لاعمار الاقليم
يليه مؤتمر ثاني ، ثالث ، ..... والحال كما هو
وتنقلب المواقف السياسية في الداخل
كل اللي كانوا مؤيدين للتدخل الاجنبي ترتفع اصواتهم بضرورة خروج القوات الدولية
طيب ما كان من الاول يا جماعة
ومن ابرز التطورات وقتها حركة العدل والمساواة ستصير حمل وديع
والله يا جماعة نحن كنا غلطانين في حق الاقليم وسامحونا يا اخوانا
اصلوا المثل بيقول لالوب بلدنا ولا تمر غيرنا
رسالة للعم دينق.... ابعد مني |
العزيزة ميادة
سلام
جلبت أصل البوست هنا عشان نحاول نبدأ من البداية
نصيحة زمالة (وليست وصايا أبوية) فكلنا قلم:
لا تهتمى لمداخلات التصفيات الشخصية ولا تكسبى عداء أو محالفة مع أى طرف وتعدى الخصوصيات .
فسيضيع البوست وتختفى الفكرة
أعود للبوست
يا ميادة السودان فى أجندة الولايات المتحدة جزء من عموم وهى ليست العدو وليست الصديق . محاولة الحكومات بخلق موازنة العدو المتربص هى إنصرافية للشعب من مشاكله الحقيقية والعدو الحقيقى من الداخل .
القراءة العامة الحكومة الحالية فى الخرطوم من أفضل الأنظمة التى تثبت سياسة الولايات الأمريكية فى المنطفة . إذا تابعت العلاقات الإستخبارية بين الدولتين فى أفريقيا والشرق الأوسط تجدى الكيزان حليف جيد لأمريكا . موازنة التدخل الأجنبى نفسها المساوم الأول والمستفيد الأول هى الحكومة .
وموضوع "ماما أمريكا" أصبح حقيقة فى العالم كله وأن أمريكا هى الأقوى وليس تسلط ولكن تقسيم مراكز قوى .
إندحار هذه الفئة الحاكمة فى الخرطوم تفويت للفرصة على أمريكا وحلفائها وأولهم الإسلامين .
القوات المتحاربة فى دار فور جزء من السيناريو الأمريكى الإنقاذى ومزيد من التفاوض والمعاهدات مزيد من الفتن ووقود للحرب .
قراءة الأحداث من بوق الحكومة وصحافته المسممة لا يقود الى خريطة حقيقية للواقع . وكثير من الصحفيين الذين يدعون اللبرالية والمعارضة الذين يملأون الصحف ضجيجآ ليسوا إلا عملاء وذو مصالح شخصية ومنهم من إمتهن السخرية لبث سمومه وهذا المنبر مثال إذا كنتى متابعة من يحاولون ذبح حركة حق وكل العارضة فى "ونسة" ساخرة فى "ضل شجرة نيمة"
سأعود لنقرأ معآ مقالك بروية لأفيدك وأستفيد منك ....
مودتى
........
دعواتك والجميع لإبنتى منال فى المستشفى لإجراء عملية اليوم
| |
|
|
|
|
|
|
|
|
|
Re: دار فور ..... لا بواكي عليهم (Re: رأفت ميلاد)
|
| Quote: دعواتك والجميع لإبنتى منال فى المستشفى لإجراء عملية اليوم |
أتم الله عافيتها يا اخي رأفت
وبلغها الصحة
ببركة هذا الشهر الفضيل
وليت ذلك كان ببوست منفصل ليراه الجميع وتنالها دعوات الصائمين
تحية يا ميادة
| |
|
|
|
|
|
|
| |
mayada kamal
Hatim Yousif
محمد نور أحمد
ابو يسرا
tmbis
Shayma
رأفت ميلاد
Deng
فيس بوك
تويتر
انستقرام
يوتيوب
بنتيريست