|
Re: اها يا دينج اخوى ودعناك الله والرسول! (Re: jini)
|
Quote: واشنطن ترفع الحظر عن جنوب السودان
قيادي جنوبي: الظروف الراهنة تدفع الجنوبيين للتفكير في الانفصال باقان اموم واشنطن: طلحة جبريل قررت الإدارة الأميركية استثناء جنوب السودان من الحظر التجاري المفروض على السودان منذ سنوات، فيما بدأت بمنح تصاريح للشركات الأميركية بالعمل هناك. وقال باقان اموم الأمين العام لحزب الحركة الشعبية ثاني اكبر شريك في حكومة الوحدة الوطنية في السودان، لـ«الشرق الأوسط»، إن هذا القرار اتخذ بعد محادثات اجراها برفقة وفد جنوبي مع هنري بالسون وزير الخزانة الأميركية، مشيراً الى ان الحظر سيرفع فورا، وان الوزارة ستمنح رخصاً للشركات الأميركية للعمل في الجنوب، مؤكداً ان هذه الرخص ستصدر اعتبارا من الخميس (امس). وقال اموم الذي يزور واشنطن حاليا، إنه ناقش كذلك سبل رفع الحظر المفروض ضد باقي انحاء البلاد، موضحا ان هذه العقوبات هي في الواقع ضد حزب المؤتمر الوطني (الحزب الحاكم في الخرطوم)، واشار الى أن الغاء العقوبات مرتبط بتطبيق اتفاقية السلام الشامل بين الشمال والجنوب، وكذلك بالوضع في دارفور. وأكد اموم انه بحث مع الجانب الأميركي مسألة زيادة المساعدات للجنوب، وكذلك المساهمة في إعادة تعمير المنطقة. وتفادى اموم الحديث عما راج بشأن تطرقه خلال محادثاته في واشنطن الى الوضع الجنوب، بعد الاستفتاء حول تقرير المصير المفترض تنظيمه في اكتوبر (تشرين اول) من عام 2011 في الجنوب، واحتمال انفصاله، بيد انه قال ان «الاستفتاء سيكون اما لصالح وحدة على اسس جديدة، او الانفصال»، واستدرك قائلا «لكن كل الظروف الراهنة تجعل الجنوبيين يفكرون في الانفصال، لأنهم يعاملون حتى الآن كمواطنين من الدرجة الثانية».
وشدد على ضرورة العمل من اجل ازالة التهميش وزاد يقول «حتى في حالة الانفصال فإن البلدين لابد ان يرتبطا بعلاقات وطيدة». واعتبر ان الانفصال يعني فقط «ان تكون لديك حدود جديدة وتدفع الرسوم الجمركية وتتنقل بواسطة جوازات سفر». وبشأن مصير الشماليين الذين يوجدون في الجنوب، والجنوبيون الذين يعيشون في الشمال قال اموم «السودانيون سيختارون البلد الذي يريدونه ووجودهم على الجانبين سيؤدي الى خلق تواصل بينهما». |
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
Quote: جني.
كندا بقت عروبوية إسلامووية ولا شنوا؟
دينق. |
يا دينج انت عارفنا ما عندى شغلة بالعروبة كعرق وما عندى شغلة بى تصنيفات الاديان! انا علمانى عتيد لا ارى مكانا للدين غير المعبد والمسجد والكنيسة! كندا دولة محترمة ولو اتيخت لى الظروف او خيرت لاخترتها ! عموما انا كرهت نفاق اهل السياسة وبطبعى اكره الحروب والدماء ولا ارى لها مستوجبا واحتقر كل صاحب اجندى خقية! انا زول عنقالى ساكت فى البورد وانت متابع جيد تعرف راى فى الديكتاتوريات وفى الانظمة الشمولية والثيوقراطية! انا ساظل ايبراليا وعلمانيا وجلابيا فى نفس الوقت ما دام اهل الجنوب ودارفور يريدون وضعى فى خانة اليك! ومن خقى انا احلم بوطن يعمه السلام حسي ما يصنفنى الاخر جغرافيا! والا قل لى ما قيمة وطن مساحته مليون ميل مربع لا يشمل اهله الحب فى جيت يجمع الحب الملايين التى تعيش فى بلجيكا وهولندا اصغر دول العالم! انا اخترت دينج لمجبتى له ويؤسفنى ان الانفصال بات وشيك بسبب اهل الاجندة الخفية ارجع الى الارشيف فستعرف فجيعتى فى قرنق! حنى
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: يا دينج انت عارفنا ما عندى شغلة بالعروبة كعرق وما عندى شغلة بى تصنيفات الاديان! انا علمانى عتيد لا ارى مكانا للدين غير المعبد والمسجد والكنيسة! كندا دولة محترمة ولو اتيخت لى الظروف او خيرت لاخترتها ! عموما انا كرهت نفاق اهل السياسة وبطبعى اكره الحروب والدماء ولا ارى لها مستوجبا واحتقر كل صاحب اجندى خقية! انا زول عنقالى ساكت فى البورد وانت متابع جيد تعرف راى فى الديكتاتوريات وفى الانظمة الشمولية والثيوقراطية! انا ساظل ايبراليا وعلمانيا وجلابيا فى نفس الوقت ما دام اهل الجنوب ودارفور يريدون وضعى فى خانة اليك! ومن خقى انا احلم بوطن يعمه السلام حسي ما يصنفنى الاخر جغرافيا! والا قل لى ما قيمة وطن مساحته مليون ميل مربع لا يشمل اهله الحب فى جيت يجمع الحب الملايين التى تعيش فى بلجيكا وهولندا اصغر دول العالم! انا اخترت دينج لمجبتى له ويؤسفنى ان الانفصال بات وشيك بسبب اهل الاجندة الخفية ارجع الى الارشيف فستعرف فجيعتى فى قرنق! حنى |
جني.
طيب أنت طارد دينق مالك؟ دينق ده صاحب أغلبية في السودان والشاعر نفسه حيبقى أقلية وح يفقد المكتسبات التي حصل عليها في غفلة من الزمن, هو الذي يجب أن يغادر السودان. أي شخص لن يعترف بالتنوع العرقي,الديني,الثقافي والقبلي في السودان عليه أن يبحث عن وطن أخر. أنا دينق ده ما ماشي أي حتة. قاعد في السودان ده من حلف لنيمولي.
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
Quote: جني.
طيب أنت طارد دينق مالك؟ دينق ده صاحب أغلبية في السودان والشاعر نفسه حيبقى أقلية وح يفقد المكتسبات التي حصل عليها في غفلة من الزمن, هو الذي يجب أن يغادر السودان. أي شخص لن يعترف بالتنوع العرقي,الديني,الثقافي والقبلي في السودان عليه أن يبحث عن وطن أخر. أنا دينق ده ما ماشي أي حتة. قاعد في السودان ده من حلف لنيمولي.
دينق. |
اناا مقتنع بس البقنع اليك باا قان شنو! وباقانا مشى كتير فى الموضوع وكان داير يتراجع الامريكان ما بخلوهو! والله يا دينج انت بالذات البلد حقتك من نمولى لى حلف تتجدع فيها ودا عشان ما عميل! جنى
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
يا جني سلامات انت فاتت عليك دي؟؟؟
Quote: وبشأن مصير الشماليين الذين يوجدون في الجنوب، والجنوبيون الذين يعيشون في الشمال قال اموم «السودانيون سيختارون البلد الذي يريدونه ووجودهم على الجانبين سيؤدي الى خلق تواصل بينهما». |
اها يا جني باقان خلى لك دينق امانه في رقبتك لو اختار يقعد معاك تقبل وين؟؟؟
دينق مواطن خرطومي حيب هذه المدينه ونشأ فيها,ويعرف انديتها وشعرائها وملاعبها وبقالتها اكثر مما يعرف اي بقعه سودانيه....ومثل دينق كثيرين...ترى هل فكر الانفاصلين الشمالين بأن امثال دينق من حقهم البقاء؟؟وهل يعلمون الذين يقولوا (قشة ما تعتر ليهم )لكل من يطالب بالعاداله الاجتماعيه...بان حسب قوانين حقوق الانسان بان من حق ابناء الجنوب المقيمين في الخرطوم البقاء بها؟؟؟ وهل يعلم الطيب مصطفى ان لاقوة قادره على اخراجهم من خرطومهم؟؟؟ وكذلك لمن يعرض الانفصال على اهل دارفور هل يعلمون بان من حق درافوري الخرطون البقاء بها؟؟؟
اذن لا حل لمن يرغب في الخلاص من الاحزمه السوداء للعاصمه الخرطوم هي واقع وحقيقيه وباقيه.
| |
|
|
|
|
|
|
Re: اها يا دينج اخوى ودعناك الله والرسول! (Re: Tragie Mustafa)
|
جني:
Quote: لماذا فضل هؤلاء المهمشين البقاء فى دار جلابة بدلا عن دار غرابة!
|
و من الذي قال لك أن العاصمة هي دار جلابة ؟؟!!1 الغرابة هم من سكبوا دمائهم في فتح الخرطوم ... و هم من وهبوا أرواحهم بالآلاف فداءا للعاصمة و السودان في كرري عندما كان النهر يطفح بالضحايا و بالدماء الغالية .
الأخ العزيز دينق .... جني ده من هسي كايسك عشان تكون ليهو كفيل ( دي أمورهم ... إستهبال ) .
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: اها يا جني باقان خلى لك دينق امانه في رقبتك لو اختار يقعد معاك تقبل وين؟؟؟
دينق مواطن خرطومي حيب هذه المدينه ونشأ فيها,ويعرف انديتها وشعرائها وملاعبها وبقالتها اكثر مما يعرف اي بقعه سودانيه....ومثل دينق كثيرين...ترى هل فكر الانفاصلين الشمالين بأن امثال دينق من حقهم البقاء؟؟وهل يعلمون الذين يقولوا (قشة ما تعتر ليهم )لكل من يطالب بالعاداله الاجتماعيه...بان حسب قوانين حقوق الانسان بان من حق ابناء الجنوب المقيمين في الخرطوم البقاء بها؟؟؟ وهل يعلم الطيب مصطفى ان لاقوة قادره على اخراجهم من خرطومهم؟؟؟ وكذلك لمن يعرض الانفصال على اهل دارفور هل يعلمون بان من حق درافوري الخرطون البقاء بها؟؟؟
اذن لا حل لمن يرغب في الخلاص من الاحزمه السوداء للعاصمه الخرطوم هي واقع وحقيقيه وباقيه. |
تراجي كيفك مشكلة مافي الوحدة لكل السودان هو المطلب العقلاني. ولكن المشكلة في الكيل بمكيالين!!! عندما تتعالى صيحات تقرير المصير من قبل أهل الهامش تقابل بالتصفيق!!! وعندما تصدر من شمالي (كرأي شخصي) تقوم الدنيا ولا تقعد..!!! لماذا ؟؟؟ أليس من حق الشماليين إبداء رأيهم أياً كان ؟؟؟ ولا نيوسودان يقوم على منح الحريات للبعض ونزعها عن البعض الآخر؟؟؟ ولماذا الإقتراع لتقرير المصير يمنح لأهل الهامش فقط ولماذا لا يتم الإقتراع على مستوى كل الشعب، وزي ما هناك أناس من الهامش من رأيهم أن الأفضل لهم الإنفصال أيضاً هناك من الشماليين من يرى بهذا الرأي وأيضاً الكثيرين من أهل الهامش يرون في الوحدة الخيار الأفضل ومعهم الكثيرين أيضاً من أهل الشمال. وبرضه بقولها إن أختارت أي مجموعة الإنفصال فهذا حق لهم وإنشاء الله قشة ما تعتر ليهم وأعتقد دي دعوة لا غبار عليها وهي أمنية طيبة، ولا عاوزاني أقول ليهم قشة تعتر ليكم؟؟؟؟
لك كل الود يا حيذبون النت الشايقي
| |
|
|
|
|
|
|
Re: اها يا دينج اخوى ودعناك الله والرسول! (Re: Al-Shaygi)
|
الشايقي :
Quote: وزي ما هناك أناس من الهامش من رأيهم أن الأفضل لهم الإنفصال أيضاً هناك من الشماليين من يرى بهذا الرأي وأيضاً الكثيرين من أهل الهامش يرون في الوحدة الخيار الأفضل ومعهم الكثيرين أيضاً من أهل الشمال.
|
قيل أن روسيا بعد إنهيار المعسكر الإشتراكي و إختفاء حلف وارسو أنها تقدمت بطلب للإنضمام لحلف الشمال الأطلنطي .... و جاءها الرد مهذبا : حلف شمال الأطلنطي سيفقد معناه عند إنضمام روسيا له .
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: لكن الظريفه اراضينا ما قاعده تجيب شوال ذره واحد وحياتك عطشانه وخور بركه غير اتجاه وحقر بينا خلا خشومنا ملح ملح؟؟؟تفتكر غير اتجاه ليه يا جني؟؟؟؟؟ |
اسالوا الكفيل الأمريكى! دا تغير مناخى ناتج عن الاحتباس الحرارى وادروب الحاجات دى ما لو فيهاا دا حارق بخور مشكراتى فقط! مابعرف الفرق بين خرم الابرة وثقب الأوزون! عشان كدة مهمش واقع بى قد القفة! جنى
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
لووووووووووووووووول ياجني ...
يعني حتى حلتك ك جلابي .. مناضلي الهامش عايزنها ... وسبحان الله .. هم ليهم الحق .. في الخرطوم بالميلاد ... وفي الجنوب (بدون كلام) - طيب ياجني أخوي أنت ح تطير ويين ؟؟؟؟ -
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: يا دينق يقصد ليك جني وجماعته الجلابة يخلوا لينا السودان إلي السعودية صوووووووووف... بلي وإنجلي! |
أدروب أخوي.
جني ده ما بقدر على السعودية وعلى العرب. عروبة جني دي عروبة شمالين ساكت في السودان وما بقدرو على عروبة العرب. علشان كده أحسن ليهو دول الغرب وأمريكا. بعدين يا جني لو ما لقيت لك دولة أنا مستعد أتكفل بك في أي لحظة وفي أي بقعة في السودان. حتى في شمال السودان والمقصود طبعا السودان الجديد. بماأنك علماني وديمقراطي لا أعتقد بأن أختلافنا كبير. سيب الخزعبلات بتاعتك دي وح تلقى كل قوى الهامش والسودان الجديد في صفك.
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
والله عرب السودان ديل طيب يا جماعة نحنا نحول ناس الجنوب وجبال النوبه والانقسان وناس الشرق عرب او العكس تبقوا انتوا عبيد زينا كيف؟؟ لانوا العرب ما بقبلوا بالسودانيين يقولوا عرب طبعا ناس مصر ولبنان عارفين
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
Quote: يا أخوانا.
جني غادر السودان ولا لسه؟
دينق. |
جنى قاعد فى سودانو القديم انتو امشو كوسوا ليكم سودان جديد! دا سودانى الجوه وجدانى بريدو! لو اديتونى ملايين الدنيا خلو رجل ما بفكو! امشو شوفو ليكم اماتونج ولا نصسبة زمان تــ ...! جنى
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: جنى قاعد فى سودانو القديم انتو امشو كوسوا ليكم سودان جديد! دا سودانى الجوه وجدانى بريدو! لو اديتونى ملايين الدنيا خلو رجل ما بفكو! امشو شوفو ليكم اماتونج ولا نصسبة زمان تــ ...! جنى |
جني.
ده كلام ده؟
يعني أنت داير تطرد دينق صاحب الاغلبية في السودان وتقعد أنت وتتحكر في البلد دي؟
دينق عندوا جميع مناطق الهامش في السودان, أنت عندك شنوا يا جني؟
عقلية السودان القديم لقت ما بتأكل عيش شوف لك غيرها علشان تتعايش مع الاغلبية في السودان.
تعال أقعد ناقشنا في الحقوق والواجبات والقوانين التي تحفظ لجميع السودانين حقوقهم, وبتلقاني واقف معاك. خلاف ذلك أحسن تشوف لك دولة أخرى.
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
Quote: المقدم ما موصل! أبقى عشرة على العشرة القديمة! سلم على باقان أموم وما تقطع الجوابات! |
يا جنى انته انحنا ننفصل وتخلى الناس الحلوين الزيك ديل كيف ... انته ماتجى معنا تشتغل مترجم للناس البقدمو هجرة لينا بعد من نبقى عالم اول ولا رايك شنوا
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: Dear Deng, Very surprised!donot you know that the body (center)is always bigger than the margin! جنى |
جني.
شفته الاستهبال بتاعك ده كيف.
ده كلوا علشان أنت ما عندك أي حجة. يازول هووي. الهامش هم الاغلبية الحقيقية في السودان. وده موضوع واضح وضوح الشمس. دايرنا نقوم نحسبها معاك قرية قرية ولا شنوا؟ أعمل حسابك ما أقوم أطلع لك قريتكم ذاتا هامش وح تقيف مع قوة الهامش. علشان كده أنت لسه عندك فرصة تراجع نفسك ومواقفك.
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: يا جنى ات دينج دا جنوبى ؟؟ |
Quote: أبو القاسم قور حامد مركز ثقافة السلام جامعة السودان للعلوم والتكنلوجيا أستاذ مادة النقد المسرحى - كلية الموسيقى والدراما |
بئس الثقافة وبئس السلام إذا كان القائمين على أمره من أمثالكم.
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: Deng)
|
يا دينق بالمناسبه اسم دينق ليس حصرا على الجنوبيين حسى نحن المسيرية عندنا اسم دينج كتير مثلا دينج بلايل أحد زعماء المسيرية بعدين الصورة دى ما صورتك يا دينج انت زى شلاضيمك كبار حبه ورأسك يبدو أصقر من باقى جثتك
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: والا قل لى ما قيمة وطن مساحته مليون ميل مربع لا يشمل اهله الحب فى حين يجمع الحب الملايين التى تعيش فى بلجيكا وهولندا اصغر دول العالم! |
الاخوان جنى و دينق لكما التحية و التقدير فى سنوات دراستنا الاولى بالجامعة كان زملينا بالسكن رنج .. و يعلم الله أننا عشنا سنوات لا نعرف إذا كان رنج من جوبا و لا دنقلا .. و كان عماد الذى لم نعرف إن كان مسيحيا او مسلما و كذا حنان.. هذه ليست مبالغة .. لكن هكذا نشأنا و لم نعرف (الانتساب لقبيلة أو منطقة أو دين) كنا فى أحلى ايامنا .. و بعد التخرج كانت جوسيلين و ديفيد و كلام ساكت زملاؤنا.. الاستعلاء و الانتماء القبلى و الجهوية ..انا و انت يا جنى و يا دينق نعرف من دعا اليها و اججها .. قليلا قليلا و فى جرعات متفاوقة منذ اكثر من ثلاثين عاما .. حتى وصلنا الى ما نحن فيه الان و كذا اخواننا فى دافور.. لذا دعونا لا نسقط فى الفخ .. و لنحاول أن نجعل (الحب) قيمة تجمعنا .. و اتمنى أن لا تدفعنا الايام للهجرة الى كندا .. لكما التقدير دائما
| |
|
|
|
|
|
|
Re: اها يا دينج اخوى ودعناك الله والرسول! (Re: اسعد الريفى)
|
Quote: لكن هكذا نشأنا و لم نعرف (الانتساب لقبيلة أو منطقة أو دين) كنا فى أحلى ايامنا .. و بعد التخرج كانت جوسيلين و ديفيد و كلام ساكت زملاؤنا.. الاستعلاء و الانتماء القبلى و الجهوية ..انا و انت يا جنى و يا دينق نعرف من دعا اليها و اججها .. قليلا قليلا و فى جرعات متفاوقة منذ اكثر من ثلاثين عاما .. حتى وصلنا الى ما نحن فيه الان و كذا اخواننا فى دافور.. لذا دعونا لا نسقط فى الفخ .. و لنحاول أن نجعل (الحب) قيمة تجمعنا .. و اتمنى أن لا تدفعنا الايام للهجرة الى كندا .. لكما التقدير دائما |
الأخ العزيز أسعد فطعا تعرف قناعاتى بسودان يتسع للجميع دون تمييز فى العرق والدين والثقافة والعنصر ةوالهوية...الخ سودان يتمتع اهله بالأمن والأمان والتنمية المتكافئة والمستدامة! كل ما فى الامر ان اصوات مغاية ومتطرفة وخطاب متشدد يصنف الآخر بانه جلابى استغلالى يجب لجمه وانتزاع الخقوق المغتصبة منه!ولذلك اتعامل معه على اسلوب الصدمة! بان من الممكن ان تجد للجانب الآخر خطابه المماثل! دينج صديق وأكن له كل محب وعزة خاصة وتجمعنا أفكار مشتركة كثيرة دينج مثال طيب للتعايش ولفرط ثقافته واتقانه للغة العربية الاخ قور يعتقد انه شمالى يتخذ اسما رمزيا! جنى
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: ولفرط ثقافته واتقانه للغة العربية الاخ قور يعتقد انه شمالى يتخذ اسما رمزيا! جنى |
أخو بتاعي جيني، دا كلام تاكي و لا دا كلام تاع صابي تاكي الأسم تاو غور دي؟ لو دي كلام تاكي يا جيني، يأني أنحنا الما (بتقن) عربي ديل ما مثقفين يعني؟ منو كلمو لإت قال عشان زول يكون مثقف إلا يكون (يتقن) الـ لغة عربية؟ بعدين دينق دي زاتو صحي قي (يتقن) الـ لغة الـ عربية صحي صحي؟ كل يوم أنا قي شوفو هو يكتب كلام زي (هذا العنصرية، هذا المقالات) و كلام كتير زي دي!!! زمان أنا اسمع من مدرس تاعي تا الـ لغة الـ عربية قال رطان عربي دي فوقو فرق بين كلمة (مؤانس) و كلمة (مظكر)!!! كمان إت زاتك مأ (موسقف) عشان إت قي إكتب إسم تأ دينق دي (دينج)! إهــي إهي إهي.
ضربة حرة غير مباشرة: أوع تطلعني ما (موسقف) عشان كاتب إسمك (جيني) و إسم أخونا الدكتور (غور)؛ أصلو ما في زول مسقف قي سمو (جن)، و عشان إت (يتقن الـ لغة الـ عربية) قلولت يمكن إسمك جيني من (Gene)، نسبة لتخصصك في (جينات) برنامج السودان الجديد الداعية لإنفصال الجنوب و دارفور!!!.
ضربة حرة مباشرة: ما هو القصد من وراء أن يثني عليك شخصاً بأنك تتقن لغته و بالتالي يعتبرك مثالي و عاقل و أخ و صديق...إلخ؟ و في نفس الوقت يرفض هو أن ينطق أو (حتى) يكتب إسمك كما تكتبه أنت؟ و الله غايتو دنيا دا!!!
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
أستغفر بالله يا زول. ما تمشي بعيد كدا؛ عارفك ماقاصد، أنا برضو عارف ما ممكن تكون دي تصورك و أنت تدعو للوحدة الوطنية!
Quote: شوف البدا يتكلم عن الانفصال وتقرير المصير منو! |
حتى أنا لا أتحدث عن الإنفصال و تقرير المصير، بل أردت القول أن ما تكتبه يدل على هذا المعنى! حفظ الله السودان من التشرزم!
Quote: لم اقصد هذا اطلاقا ولم ولا ولن اعتبر هذه شروط للاخاء او الصداقة او العقل كلما اردته توضيح الالتباس لتمكن دينق المبالغ فيه والخرافى فى التمكن فى اللغة العربية والدارجى! |
شرحك مقبول يا جني؛ لن يفعل أي منا ذلك لإنه يؤدي للطريق الخطأ.
آخر خبر: علمت و (فهمت) إنك إنسان تبتغي الخير للسودان ككل، و لكن مواقف و تصريحات بعض الأفراد و الجماعات و التنظيمات جعلتك تنتهج طريقة غير (طريقتك الأصلية) للتعبير عن نفسك و عن قضية السودان! في معظم الأحيان لأ تقصد ما تكتب، بل تكتبه للتعبير عن رفضك لما تعتبره ضاراً بمشكلة السودان و سلامة شعبه. إستنتاج كهذا لن يصل له كل الناس على الأقل فليسوا كلهم يعرفونك و يعرفون ما ترمي إليه. أرجع إلى نهجك الأصلي في طرح و نقاش مشاكل السودان؛ و لا تدع غيرك يجعلك تعمل بردود الأفعال! مجرد نصيحة و رمضان كريم يا خوي.
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
الأخ العزيز جنى
Quote: فطعا تعرف قناعاتى بسودان يتسع للجميع دون تمييز فى العرق والدين والثقافة والعنصر ةوالهوية...الخ سودان يتمتع اهله بالأمن والأمان والتنمية المتكافئة والمستدامة! |
هكذا نشأناو هكذا نتمنى أن نكون. لك الود و التقدير
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: الاخوان جنى و دينق لكما التحية و التقدير فى سنوات دراستنا الاولى بالجامعة كان زملينا بالسكن رنج .. و يعلم الله أننا عشنا سنوات لا نعرف إذا كان رنج من جوبا و لا دنقلا .. و كان عماد الذى لم نعرف إن كان مسيحيا او مسلما و كذا حنان.. هذه ليست مبالغة .. لكن هكذا نشأنا و لم نعرف (الانتساب لقبيلة أو منطقة أو دين) كنا فى أحلى ايامنا .. و بعد التخرج كانت جوسيلين و ديفيد و كلام ساكت زملاؤنا.. الاستعلاء و الانتماء القبلى و الجهوية ..انا و انت يا جنى و يا دينق نعرف من دعا اليها و اججها .. قليلا قليلا و فى جرعات متفاوقة منذ اكثر من ثلاثين عاما .. حتى وصلنا الى ما نحن فيه الان و كذا اخواننا فى دافور.. لذا دعونا لا نسقط فى الفخ .. و لنحاول أن نجعل (الحب) قيمة تجمعنا .. و اتمنى أن لا تدفعنا الايام للهجرة الى كندا .. لكما التقدير دائما |
الاخ أسعد.
تجربتكم الجامعية ليس بالضروري أن تكون تعكس حقيقة ما يجري في السودان. فكيف تفسر لي لماذا فشلت كل الحكومات المتعاقبة على إيجاد حلول حقيقية لمشاكل السودان؟ كيف تفسر لي سيطرة فئة معينة على السلطة والثروة في البلاد؟ كيف تفسر لي إندلاع الحروب الاهلية في البلاد؟ كل هذا العوامل يجب أن تدعنا أن نتوقف ونسأل أنفسنا. لماذا يقتل السودانين بعضهم البعض؟ وما حقيقة الذي يجري في السودان اليوم؟
دينق.
| |
|
|
|
|
|
|
Re: اها يا دينج اخوى ودعناك الله والرسول! (Re: jini)
|
Quote: يا دينق بالمناسبه اسم دينق ليس حصرا على الجنوبيين حسى نحن المسيرية عندنا اسم دينج كتير مثلا دينج بلايل أحد زعماء المسيرية بعدين الصورة دى ما صورتك يا دينج انت زى شلاضيمك كبار حبه ورأسك يبدو أصقر من باقى جثتك |
قاسم قور.
بلاش قلة أدب ومسخرة معاك.
بعدين ياها دي "ثقافة السلام" التي تدعوا لها؟
دينق.
| |
|
|
|
|
|
|
|