|
|
|
 Re: الموت كان خلاك ! الكبر ما بخليك! كلو جزمة مصيرها تبقى برطوش! (Re: doma)
|
Quote: فكره يا جني كل زول ينزل صوره من زمان وصوره من اسه
السنه الفاتت مشيت السودان
اي زول شافني قال لي مالك بقيتي شينه كدا ؟؟؟ |
غايتو يا دومة لو قالوا ليكى انت شينة معناها نحن حيجروا مننا عديل!
انا الصور دى من زمان بطلتها عندى صورة من سنة 96 بنسخ منها يقولى لى جيب صورة طوالى اخلف رجل على رجل وامرقها ليهم والراجل يقول لى دى صورة قديمة ولا دى صورة اخوك الصغير!
جنى
| |
 
|
|
|
|
|
|
|
|
Re: الموت كان خلاك ! الكبر ما بخليك! كلو جزمة مصيرها تبقى برطوش! (Re: د.علي الكوباني)
|
| Quote: والله يا جني الكبر شين...والواحد ببقى زي التوب القديم يجدعوك من حته لي حته...لكن الموت صعب وحار..وكان ما متنا صدقني شقينا الترب... |
انتوا شقيتوها بس!
نبشتوها كمان!
تعرف يا دكتور ناس جزيرة اوكاناوا!
ديل لمن الواحد يموت عمره 90 سنة بقولوا عليهو اتختف!
ويسالوا ليهو الله يعوضو الجنة عن شبابه!
غايت الموت انا مانى خايف منه علا خايف ما اقدر اتنفس جوه القبر!
جنى
| |
|
|
|
|
|
|
|
|
 Re: الموت كان خلاك ! الكبر ما بخليك! كلو جزمة مصيرها تبقى برطوش! (Re: jini)
|
العزيز جني
تحياتي
انا شغال في مجال المسنين هنا في سيدني
كنت بتونس مع واحد منهم اسمو مايكل
سألني لي انت من وين؟
قلت ليه من السودان
نظر لي طويلا ثم قال لي بصوت خفيض
لو لم نوقفه في صحراء طبرق في ليبيا كان دخل واحتل بلادكم!!
وعند استفسرت لمعرفة المزيد
اخبرني انه حارب في صحراء طبرق ايام الحرب العالمية
واهلنا بيقولوا خربنانة ام بناية قش !
لك مودتي
| |
|
|
|
|
|
|
|
|
|
Re: الموت كان خلاك ! الكبر ما بخليك! كلو جزمة مصيرها تبقى برطوش! (Re: jini)
|
جني مبرطشه علينا مالك يا أخي...
يعدين أنت دائما في الأكستريم ليه..يا أخي
مش كل خروف ممكن يكون مشروع (شيّة).. قبل ما يبقى فروة
طيب كل تمرة مشروع (تمرنا)... دي شفرة..
تعرف يا جني.. الموت ده وهو الحقيقة الوحيدة.. ما بتوالف زي ما قالوا أهلنا...
بس عاد وين.. ونحن مبشرين بأنو بيحصلنا ولو كنا في بروج مشيّدة.. وحصون منيعة
إلا بس ربنا يحسن الخاتمة.. ومرات مرات أشعر بأنو البداية لحسن الخاتمة ده صعب
شديد..
"ربنا لا تؤاخذنا إن نسينا أو أخطأنا.. ربنا ولا تحمل علينا إصرا كما حملته على اللذين من قبلنا ربنا ولا تحملنا ما لا طاقة لنا به..وأعف عنا وأغفر لنا وأرحمنا أنت مولانا فأنصرنا على القوم الكافرين"
ويا ها حسن الخاتمة الرئة والمتنفس في القبر.. ولا مو صح؟
| |
|
|
|
|
|
|
| |
jini
Nasr
Muna Khugali
munswor almophtah
doma
اسعد الريفى
خالد العبيد
Kamal Karrar
فيس بوك
تويتر
انستقرام
يوتيوب
بنتيريست