|
|
|
 Re: ألبلد ألعجم طيرو (Re: نادر السوداني)
|
نادر السوداني
منعم الجزولي
الثناءي المدهش
ياريت نتلم
واسمع الغنا الجميل ده بالسودانييين
وموزع على الأصوات التريانة
وادق ليك جوة قلبك
واشيلك الغنى لبلاد بعيدة
وارسيك بي قارب المودة على شواطئ المحنة
عيدكم مبارك
ومحبتي ليكم ما ليها حدود
محبة وسلام
| |
 
|
|
|
|
|
|
|
|
Re: ألبلد ألعجم طيرو (Re: نادر السوداني)
|
اطوف بى خطوتى الفترانة
من بلدا عِجِم طيرو
الى بلدا مِكَتـِّف حلمنا الدفيان على سيرو
وانوم بايت القوى وشريانى مفتوق مندفق خيرو
افتش فيهو ما القاك اكوس غيرو
* * * *
افتش فى تلافيف الفرح القى الوجع ممدود
اقلب فى مخالى الذاكرة وتر الذاكرة ما مشدود
اعاين فى جيوب الزمة بحرا مفترى ومسدود
اتاوق فينى جوة المكنة متمحن بقيت وسط التروس معدود
* * * *
اذا انفجرت شرايين الغنا الدسيتو ماغنيت
اذا ناديت هواك وسط الضباب ناديت
اذا حمت البلاد الظالم اهلها كست ماخليت
اذا عنوانى ودرتو عناوينك بقت ياريت
* * * *
منعم الجزولى
2002
| |
|
|
|
|
|
|
|
|
 Re: ألبلد ألعجم طيرو (Re: نادر السوداني)
|
بصراحة هذه فرصة كنت أبحث عنها منذ زمن..
وهى أن أبدى للأديب الرائع عبد المنعم الجزولى
اعجابى الشديد بكتاباته من شعر وأدب
فقد قرأت له فى هذا المنبر حكايات عن سكان الأزقة
أدخلتنى الى عالم ثرى بنماذج انسانية كنت أجهل عنها كل شئ
التحية له ولقلمه الباهر.
وأرى ان ما يعيبه أنه متواضع جدا أكثر من اللزوم
فأمثاله يجب أن يكون لهم شأن فى خارطة الأدب السودانى
التى امتلات بكثير من الغث ..
| |
|
|
|
|
|
|
|
|
|
Re: ألبلد ألعجم طيرو (Re: AMNA MUKHTAR)
|
الاخت الغالية آمنة مختار سلام
قد لا أتذكر متي عرفت منعم فهوة صديق طفولتي ورفيق سنين عمري
هوة إنسان نغي كماء ألنيل تنساب أحاسيس دواخلة صافية نقيية
فتلامس دواخل من يقرؤن لة فتبهرهم كتاباتة إن كانت شعراً أو نثراً
ولم أسمع منة منز معرفتي بة إدعاء الشعر وألأدب مع العلم هوة شاعر
وأديب حتي النخاع
كما اجد نفسي حولة أوراقة ألمبعثرة ترتشف من رحيق معانيها العزبة
فتشدوا نغماً قد لا تستطيع ألوصول لقاع بحور شعرة العميقة
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
عبد المنعم أديب سرقته السياسة
زمنا طويلا
وشاعر ضيعته سنوات الهزيمة والقحط الفكري
وممثل كفر بموهبته فاختار الإخراج
وهرب منه لبلاد الضباب والبرد البكلس الوجدان
وإفتح ابواب الحنين
وكاتب مسرحي بالشعر والنثر والراندوق
وشيفت وتفتيحة
وصعلوك واقع من السما سبعة مرات
ومرات هو البلز الناس من فوق زي اولاد مدني
سبعة صنايع والبخت ضايع
شيال هموم
ومرات بتقفل معاه
إدخل في بيات شتوي عز الصيف
يتحسر لدرجة البكاء
كيف منعم لم يعمل عروض
حتى الان في بلاد المهجر
وكيف لم ينشر شعره الغنائي
حتى الان !!
مش غريبة
نادر
اتمنى ان تلحن اعمال نعوم كلها
وتكونوا الثنائي المدهش
مودتي
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
**
الفنان نادر ..
هذا عمل جميل..
يضاف للاعمال النادرة.
اما بخصوص صاحبك منعم ..
فهو يعيش ساعات الخرف المبكر ..
أليس هو :-
القائل جدعناك يالوح..
كسرناك يادواية..
قلبنا السرج على اللفض التنايا ..
حديث اللجم ولا لغة القراية..
واللجم هذا في النص تعنى العجم ..
وابدال العين لاما في نطق اهل السافل متواتره..
لوكنا سمعنا هذا الكلام من زمان
وكسرنا...وكسرنا..
ما كان ده حصل ..
ارجو ان لا تنزلقوا لقول جاهلا ..
" اسم عجمى فالعب بة "
فانا اقرأ فصاحة كل طير الدنيا..
مع الاعتذار لطيرالجنة..
..
..
..
**
| |
|
|
|
|
|
|
|
|
|
Re: ألبلد ألعجم طيرو (Re: sumah)
|
ياسمعة لو بتعرف لقة الطيور ينوبك فينا سواب
ترجم لينا لقة طيور العسكر الشردت وقتلت ونهبت
وحرقت ألأخضر وأليابس وجسمت فوق صدر هذة
الشعب الصبور المقلوب علي أمرة ولم يفهم من كلامهم
سوي شعارات رنانة بسم الدين وشريعة رب هذة ألكون
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
احذرو اللصوص
لصوص هذا الزمن
احذروهم
افتحو العين الكبيرة
عشان تشوفوهم
مرحلة مرحلة تابعوهم
أرصدو كل تحركاتم انتبهو ليهم
وضحوا ليهم انكم انتو بتعرفوهم
*****
سرقوا البلد
كتلو الولد
ونهبو الدهب
وسرقو الأمل من اعين الناس الحيارى
وكل معانات هذا البلد منسوبه ليهم
*****
واصلو ما بتغيرو
ديل اصلو من بتغيرو
الا انتو تغيروهم
شدو حيلكم وغيروهم
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
و الله يا نادر إقتباساتك دايما سمحة و راقية و بتجي في محلها....ما طبعا لازم تكون كده لأنك بتتعامل شعريا مع رجل حكمة
و قول لصاحبنا الفي نص ده علي إبراهيم علي الأيام معانا هنا و أنا لاقيتو مع الباشكاتب و بسلموا عليك سلام شديد.......
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
بالله يا سوداني
من المحل ده أدخل طوالي بتلقى السلم قدامك ماتقع أناعارفك نظرك.........
بس عليك الله سلم علي بت القبايل أم العيال و عيالك الرائعبن يا راجل يا راقي
و العيد مبارك عليكم و يعود و يلقاكم تامبن ولامين و غانمبن و زايدين و ما ناقصين.......آميين
إيدو موبارا ألينا أليكم كلو سنا تيبين تيبين
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
نتمني ألشفاء العاجل للشاعر الاديب عبد المنعم الجزولي
أسر وعكة المت بة الزمتة الفراش ليلة البارحة كما ندعوا
اللة ان تكون كفارة واجر وعافية أنشاء اللة لكي يعود
لنا ولعشاق قلمة الساخر الجميل والف مليون سلامة
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
**
يا نادر
بمقاييس اليوم ده فصل راقي ..
ونادر الوجود..
بس تامل كم الكراسى الهائل..
والترابيز..
ومروحة السقف..
ومش كدة وبس..
ياخى الفصل دة جدرانو شامخة..
اليوم الوضع غير كدة:
- الفصل مايل وحالو مايل..
والحريف بيكون جالس علي طوبة
والمحظوظ بيكون بيسند على ركبتو..
يعنى حظو منى السما..
ما ضربتو دانة.
ولا اتفجر فيهو لغم.
ولارشتو طيارة ..
ياخى بس تامل ..
اذا انفجرت شرايين الغنا الدسيتو ماغنيت ..وبس تامل ..
****
**
*
| |
|
|
|
|
|
|
|
|
|
Re: ألبلد ألعجم طيرو (Re: سلمى الشيخ سلامة)
|
ياسالومي بكرة اجمل عندما قلمك والوانك ترسمة شمساً
دافئة تحضن احزان الغلابة وترسم الفرح في عيون اطفالنا
وامهاتنا وآبائنا وتضمد جراح وطناً جرحة غائر بعد ما فقد
الشهيد تلو الشهيد
| |
|
|
|
|
|
|
|
|
|
Re: ألبلد ألعجم طيرو (Re: mamkouna)
|
Quote: وانوم بايت القوى وشريانى مفتوق مندفق خيرو
افتش فيهو ما القاك اكوس غيرو |
تقولو لي حداثة?
يا نادر
الخردة اليطلع ديشك?
منعم مالو?
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
يا بلدا تنوم مهزوم
تقع وتقوم
تقع وتقوم
مستني في طرف الرهاب
تاكل بيشيش
تشرب بشيش
ادمنتة عيشتك في بنايات الصفيح والخيش
تقبل وين
تروح شقيش
وقدامك ضلام الدنيا
لا تملك سوي الهبيش
وراك الديش
إزا كتلك خلاص معليش ..................منعم الجزولي
| |
|
|
|
|
|
|
|
|
|
Re: ألبلد ألعجم طيرو (Re: Kostawi)
|
و يا نادر ما تفهمني غلط
أنا ما قلت صاحبك ده ما بحتاج يشتري ملابس تنكرية في هذا العيد العظيم.
فما تقولني قول أنا ما قلتو!!!
| |
|
|
|
|
|
|
|
|
|
Re: ألبلد ألعجم طيرو (Re: Kostawi)
|
الظاهر ياكستاوي انت نسيت مش صحبك الخردة قال
// اتاوق فيني جوة المكنة متمحن بقيت وسط التروس معدود //
لامن كتب الغنية كان بتاوق بس حسة بقي الترس ظااااطو !!!!!!! ها..ها..
بعدين حلوة حكاية الحلاوين .....ضحكت حتي وقع فنجان القهوة من يدي...... كدة كويس
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
Quote: افتش فى تلافيف الفرح القى الوجع ممدود
اقلب فى مخالى الذاكرة وتر الذاكرة ما مشدود
اعاين فى جيوب الزمة بحرا مفترى ومسدود
اتاوق فينى جوة المكنة متمحن بقيت وسط التروس معدود
* * * *
اذا انفجرت شرايين الغنا الدسيتو ماغنيت
اذا ناديت هواك وسط الضباب ناديت
اذا حمت البلاد الظالم اهلها كست ماخليت
اذا عنوانى ودرتو عناوينك بقت ياريت
|
نادر يامدهش , منعم ياشفيف 00 اثلجتما قلوبنا
مشتهى لى فنجان قهوة صاموتى فى بيتكم من يد
حرمكم المصون 00 على شرط نكون متفنين فى واطة
الله وجازالوت حايم فينا بالعراقى والسروال 00
ياااه .. كم اشتاقكم00 شغل نصيح تب00 مزيدا
من الهمس الرقيق..
| |
|
|
|
|
|
|
|
|
|
Re: ألبلد ألعجم طيرو (Re: سمندلاوى)
|
سمندلاوي يا من سكنة في محراب الكمان والطرب الحنين لك الود والشوق
كانت لكم بيننا ايام وزكريات نيويوركية وفرجينية فاخرة لم ننسا رونقها
المجرتك بحنان الاخاء وطيب اللغاء
جقلرة
====
طبعا حافظ الغنية البتقول // بي شمالوا فنجان جبنة بي شمالة يسوي الدنية بي هالة //
أةة...قهوة أم العيال دي بتسوي الدنية بي هالو .......... ارقد عافية يا فنان ياحسيس
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
Quote:
اطوف بى خطوتى الفترانة
من بلدا عِجِم طيرو
الى بلدا مِكَتـِّف حلمنا الدفيان على سيرو
وانوم بايت القوى وشريانى مفتوق مندفق خيرو
افتش فيهو ما القاك اكوس غيرو
* * * *
افتش فى تلافيف الفرح القى الوجع ممدود
اقلب فى مخالى الذاكرة وتر الذاكرة ما مشدود
اعاين فى جيوب الزمة بحرا مفترى ومسدود
اتاوق فينى جوة المكنة متمحن بقيت وسط التروس معدود
* * * *
اذا انفجرت شرايين الغنا الدسيتو ماغنيت
اذا ناديت هواك وسط الضباب ناديت
اذا حمت البلاد الظالم اهلها كست ماخليت
اذا عنوانى ودرتو عناوينك بقت ياريت
* * * *
منعم الجزولى
2002 |
الفنان نادر..
والله أنا في غاية الأسف للأنني أقرأ للمرة الأولى للأستاذ منعم الجزولي شعرا مع أنني أعرف قدراته الأخرى المذهلة كما تفضل بها المسرحي الفنان محمد السني في مداخلته. هذا شعر من أجمل ما قرأت مؤخرا بالدارجة. فهنيئا لنا وأنت تقدمه لنا في صورة أروع ما تكون. أستمتعت بأوتارك الجميلة وبثك للحياة لهذه الرائعة الجزولية. شكرا لكما على أمتاعنا ومزيدا من الأبداع.
| |
|
|
|
|
|
|
|
|
|
Re: ألبلد ألعجم طيرو (Re: نادر السوداني)
|
Quote: ====
لقد بدات في كتابة الخطوط اللحنيية الاساسية لنصكم الرائع وسف اقدمة في هذة المنبر حباً وتقديراً لعشاق قلمك المعتق بعشق
هذة الوطن اللزي إستمدة احبارة من معاناة شعب تعزب كثيراً علي يد حكومات العسكر ....................لك مني كل الاحترام /////// نادر السوداني ///////// |
نادر..
لنا عظيم الشرف وفي الأنتظار..
| |
|
|
|
|
|
|
|
|
|
Re: ألبلد ألعجم طيرو (Re: عبدالأله زمراوي)
|
الرائع عبد ألإلة زمراوي شكراً جزيلاً لهذة ألثقة أللتي أتمني أن أكون قدر حجم
عمق بحور معانيها كما يعتبر هذة النص الشعري هوة من أول ألأعمال لي علي ألإطلاق
لشاعر لة قدرة خارج اسوار حدائق ألأديب عبد المنعم الجزولي ومحاولاتي الشعريية
المتواضعة
جقلرة
===
هنالك كزا مرحلة لابد أن يمر بها أي عمل من أعمالي / التحين / والتوظيف ألآلي ( ألتوزيع الموسيقي)
تنفيز العمل في ألأستوديو / والمكس / هذة قد يحتاج لبعض الوقت ولك مني وعد سوف تسمع رائعتك
هذة بالكتير في مناسبة عيد ألإستقلال المجيد ألقادم إنشاء ألكريم ..........مودتي // نادر السوداني //
| |
|
|
|
|
|
|
| |
نادر السوداني
محمد سنى دفع الله
AMNA MUKHTAR
Kostawi
Gazaloat
Tagelsir Elmelik
sumah
Mustafa Mahmoud
شهاب الفاتح عثمان
Azhari Nurelhuda
سلمى الشيخ سلامة
mamkouna
سمندلاوى
فيس بوك
تويتر
انستقرام
يوتيوب
بنتيريست